في حد بيعملي تخاطر
=اي
_في حد بيعملي تخاطر أنا حاسه بكده
=بطلي هبل ده كلام مش حقيقي تعالي ننام عشان عندنا كليه الصبح
عيني دمعت وقولت :
صدقيني يا هدير أنا حاسه بكده أنا مش بكذب او بتخيل
اتعدلت هدير في قعدتها وبصتلي بتركيز
ازاي يعني مش فاهمه احكيلي
=بحس بحاجات غريبه أول مره تحصل كل يوم بحلم بشخص مجهول عمري ماشفته بيكون في الحلم بيبتسم ليا بقالي سنه بحلم بيه
بشم ريحته في كل حته بحس بيه كأنه معايا في كل مكان ببقي قاعده مركزه في حاجة ومره واحده افتكر شكله في الحلم
= يا حلاوه يا ولاد أنا مش مصدقه لحد دلوقتي بس شكل فعلاً الكلام ده حقيقي
_ كل الحكايه أنا عايزه اعرف هو مين وليه بيعملي تخاطر مش معقول هتجنن يا هدير
=هشش اهدي بطلي تفكري في الموضوع ده ونامي كلها يوم يومين وهتنسي يلا نامي بقا بكره اول يوم لينا في الكليه
نمت وحاولت اشيله من دماغي زي ما هدير بتقول كلها يوم يومين وهنسي ومش هحلم بيه تاني !
بدأت انام بس حلمت بيه بس المره دي الحلم مختلف تماماً كان واقف في مكان ضلمه جدا وحزين عكس الأحلام اللي فاتت كان بيبتسم
كان واقف في مكان ضلمه وفي شعاع نور بسيط وهو واقف في آخر الطريق وأنا بجري ناحيته بس كل ما بقرب الطريق بيطول وهو بيختفي
صحيت من النوم مفزوعه من الحلم بصيت في الساعه لقيتها الساعه ٦ الصبح
قومت دخلت الحمام وغسلت وشي اكتر من مره وبحاول افوق واطلع الشاب ده من دماغي بس كان مأثر علي تفكيري بشكل مش طبيعي!
اتوضيت وصليت والمنبه رن وهدير صحيت ودخلت اتوضيت وصلينا مع بعض
ولبسنا ونزلنا نركب الميكروباص
قعدت في الميكروباص و قعدت جمبي هدير
حطيت الهاند فري وبدأت اسمع اغاني وانا ببص من الشباك
في حد ركب الميكروباص وقعد قدامي وأنا مركزه مع الأغنيه بس مره واحده حسيت بيه حواليا شميت ريحته ايوه شمتها ليه ريحه مميزه بشمها في الحلم بحس بيه بطريقه غريبه
شيلت الهاند فري من ودني وبدأت التفت حواليا في الميكروباص وببص علي وشوش الركاب
_ تاج في اي عماله تبصي حواليكي كده ليه
=موجود موجود هنا يا هدير حاسه بيه صدقيني
_ هشش بس يا تاج وطي صوتك الناس هتقول عليكي مجنونه اهدي كده اكيد بس أعصابك تعبانه عشان اول يوم دراسه وكده نامي نامي علي كتفي يا تاج
أنت تقرأ
حواديت تاج ويوسف
Romanceأنا لما بشوفك عمري بيحلي قصادي والعادي ما بيبقاش عادي ده أنا قلبي عليك بينادي ومعاك أنا شوفت نصيبي 💙💙💙 كل حدوته مختلفه تماماً عن اللي قبلها بس بنفس الأسماء تاج & يوسف بدأت كتابه سلسله الحواديت وانا كل هدفي ان افرحكم بكل نهايه إسكريبت ودايماً الن...
