نوح قام بسرعه : هاه فيها فيها ايه
كيان بصدمه : دي قايمه اغتيالات اللي كانو منضمين في الماڤيا و خرجوا منها
نوح : طب ادخلي بسرعه شوفي الاسماء ... و انت يا آدم ابعت كل المعلومات الموجودة سياده اللواء حامد عشان يخلي حد يمسك المعلومات و يحموا الناس
آدم : ماشي
آنا: و منحمهمش احنا ليه
نوح : مش هينفع احنا مسكين قضيه الشامي
كيان بصدمه : عم ... عم رضا في القائمه
كيان قامت خرجت من المكتب و راحت ناحيه الباب
نوح راح لحقها و وقف عند الباب ... طبعا سحر و شاهي كانو واقفين
نوح : انتي مش هتروحي
كيان : ابعد يا نوح انا لازم اروح احظره ...
نوح : لا يا كيان سيبي الموضوع علينا ... آدم بعت الملف للحكومه و خلاص احنا هنستمر في قضيتنا
كيان : انت بتقول ايه انا مش هفضل هنا و عارفه أنه ممكن يقتلوه في اي لحظه
نوح بزعيق : يعني لو رحتي ايه اللي هيحصل انتي عارفه مين عايز يقتله .. الماڤيا يعني مش اي حد دول قتله محترفين سامعه
كيان : انا اقدر انقذه يا نوح ارجوك سبني أخرج
سحر: يا حبيبتي اسمعي الكلام نوح خايف عليكي
كيان: لا مش خايف عليا هو خايف عشان من غيري ممكن القضيه تبوظ ... ابعد بقى يا نوح
آدم : لا يا كيان احنا ياما حلينا قضايا و مكنتش محتاجين حد يعني بيكي من غيرك هنعرف نحل القضيه ... بس الموضوع أن احنا مينفعش نسيبك تأذي نفسك و احنا ساكتين
عمرو: كيان اسمعي الكلام بلاش عيند ... انتي مش هتقدري تخلصي عم رضا من الماڤيا بس الحكومه تقدر
آنا: ارجوكي يا كيان بلاش عيند
شاهي بكره : متسبوها تروح يعني
كيان : اسمع كلام اختك يا نوح و عديني
شاهي بسرعه : نوح مش اخويا ابن خالتي
نوح بص لشاهي: ممكن تسكتي و تخليكي فحالك
نوح رجع بص لكيان
نوح : احنا كلنا معارضين علي خروجك يبقى مفيش خروج
كيان: انا اكتر حاجه بحبها فنفسي انى بقتنع بسرعه
آنا بشك : ايه
كيان طلعت مسدس من جبها : ابعد عن الباب يا نوح
سحر بصدمه : انتي بتعملي ايه
شاهي: انتي شكلك مجنونه
و بحركه سريعه نوح مسك ايد كيان و لفها و وقع منها المسدس و كان شبه حاضنها من ضهرها ... شاهي كان متغاظه جدا
نوح ضحك: انتي مفكره أن المسدس ده هيخوفني
كيان : لا عشان ده مسدس صوت
و مره واحده كيان بعزم ما فيها رجعت دمغها لورا و ضربت نوح في منخيره و زقته و فتحت الباب و جريت
نوح :ااه يا بنت الزينه
و قام بسرعه يجري وراها ( عاملين زي توم اند جيري 😂😂)
شاهي لنفسها: البت دي مش مريحاني
نوح لحق كيان و مسكها : بقى تخبطيني يا كيان ماشي انتي بتزودي علي عقابك
كيان بغضب : سبني يا نوح ابعد بقى
نوح بزعيق : لا مش هتروحي يا كيان و يلا عشان ورانا شغل
كيان تليفونها رن و عم رضا اللي بيتصل
كيان: عم رضا خلى بالك هيقتلوك انهارده اهرب بسرعه
عم رضا: كيان اسمعيني كويس مش وقته ... فيه خذنه في المغزن تحت البلاطه الحمرا هتكسري البلاطه و رقم الخازنه من اربع ارقام اللي هما 2610 هتلاقي......
و مره واحده التليفون وقع من عم رضا و الخط قطع
كيان: عم رضا ... عم رضا ...
في الوقت ده عمرو و آنا و آدم نزلوا
كيان و الدموع محبوسه في عينيها و بصت لنوح : انا عايزه اروح سبني اروح أرجوك
نوح طبعا نوح مقدرش يقاوم منظر كيان البرئ: ماشي يلا
كيان ركبت مع نوح و آدم عشان توريهم الطريق و آنا و عمرو مشيين وراهم
بعد دقائق كانوا وصلوا قدام مكتبة عم رضا كان الشرطه كتير و الناس طبعا واقفين
كيان جريت و راحت علي المكتبه
زين بحده : مينفعش تدخلي(زين ده يبقى ظابط )
نوح : كيان استني ده موقع جريمه مينفعش تدخلي
كيان دموعها ابتدت تنزل لما شافت الدم في الأرض
كيان: مات
نوح : ايه اللي حصل
زين : مين حضرتك
نوح : انا المقدم نوح الألفي
زين حياه : اسف يا فندم ... احنا وصلينا قائمه الاغتيالات و جينا علي هنا لان كان هيُغتال انهارده .. بس احنا جينا لقينا الدم اللي حضرتك شايفه ده بس ملقيناش جثه
نوح : ده اللي هو ازاي يعني
زين : معرفش بس احنا دلوقتي بنفرغ الكاميرات
نوح : ماشي
كيان بعياط : نوح انا محتاجه ادخل جوا
نوح خد كيان علي جنب
نوح : هتدخلي جوا تهبيبي ايه
كيان بدموع: لو سمحت اتكلم باسلوب احسن من كده
نوح : بقولك ايه يا بت انتي انا مش طايقك فاخرسي بقى
كيان لسه هترد قامت آنا تدخلت
آنا: مخلاص يا جدعان صلوا على النبي كده و مش واقته خناق
الكل : عليه أفضل الصلاة والسلام
آدم : طب هنعمل ايه لازم نعرف جثته راحت فين
نوح : دي مش قضيتنا اصلا احنا المفروض منضيعش وقت و نروح نكمل شغل
كيان : انت بجد مستفز و ناكر للجميل عم رضا ساعدنا أننا نوصل لمعلومات
نوح : بت انتي مش شايفه ان القضيه مع ظابط بيحقق فيها هناك اهو
كيان: اسمي كيان مش بت هاه
آدم : باسسس انتو الاتنان مش عايزين خناق ...
كيان : انا لازم ادخل جوا
آدم : ليه
كيان حكت لهم اللي عم رضا قاله : بس و كان لسه هيقول ايه اللي جوا الخذنه بس ملحقش
نوح : تمام هدخل انا و هجيب الخاذنه عشان انتي مينفعش
عند سحر
شاهي : البت دي يا خالتي المفروض مدخلهاش البيت تاني دي حطت المسدس في وش نوح
سحر: اديكي سمعتي يا شاهي أن المسدس مسدس صوت مش اكتر
شاهي: وال يكون دي بردو يعتبر هديدته
سحر: بصي يا شاهي انا عارفه ان انتي مش حابه وجود كيان هنا وانا معرفش ليه ... اولا اللي كيان عملته بيدل علي اد ايه هي بنت جدعه كانت مستعده تخاطر بحياتها عشان تخرج و تروح تنقذ حد بتحبه و اللي زي كيان نادرا لما تلاقي زيهم ... ثانيا كيان بنت واحده صحبتي غاليه عندي ... فانا مستحيل اقفل باب بيتي في وشها و الذات انا دخلت بيتهم و اكرموني اخر كرم
شاهي بارتباك :انا مش اقصد يا خالتو ... يعني انا اصدي أن هي ازاي تهدد نوح مش اكتر
سحر: حصل خير يا شاهي... اه صح مقولتليش هتقعدي معانا كام يوم
شاهي: اسبوع لحد ما ماما و بابا ما يرجعوا من السفر عشان يعني حضرتك عارفه أن انا بنت و مينفعش اقعد في الشقه لوحدي ... ده لو مش هتقل عليكوا
سحر : لا يا حبيبتي انتي منوره
شاهي بحب مصطنع : تسلميلي يا خالتو
عند قصي
كان بيتكلم فيصل في التليفون
فيصل : ايه يا باشا
قصي : اخبار كيان ايه
فيصل : انا واقف تحت البيت من امبارح و منزلتش لحد دلوقتي ولا هي ولا اختها
قصي: ماشي يا فيصل لو لقتها نزلت عايزك تنفز
فيصل : حاضر يا باشا
تفتكروا محمود أو قصي عايز فيصل ينفذ ايه استنوا البارت الجاي عشان تعرفوا ❤️
الكاتبه رينو سيد 💕
الحياه قد تتعثر بنا ولكنها لا تتوقف ، لذلك يجب أن نواجهها بكل ما نملك من قوه و شجاعه و أمل ❤️