بارت الخميس الونيس
ردت انزله باليل حتى نسهر عليه بس كلت لا خلينا نسويه عصرونيه 😂
بارت طويل وحلو ومشوق كثير
قراءة ممتعه ونكول بسم الله
- سليمان : شوفيني رايح هسه ، وطلع شغل سيارته ، دك التلفون على عسل ، جهزي سيف ... مو بكيفها ... دقايق كل شي جهزي ... بنت ال.... سوي الي اكوله مالج شغل بامي . سد التلفون ، وصل للبيت عاف السيارة برا الكراج ، ودخل صاح عسل عسل
- اسيل : وين تريد بسيف كالت من شافته
- سليمان : يمى لتدخلين رجاءا ، ابني ومرتي اني حر بيهم
- اسيل : لا متوديلهيا ، هذا ابن عسل هسه
- سليمان : لج عسل وينج ، عاف امه ودخل الغرفة ، شافها كاعده تشرب سيف الممه ، كال وين الجنط الي كتلج لمي بيها ملابسه .
- عسل : ماقبلت عمة ، شسوي
- سليمان : مترتاحون اذا متموتوني !! انطنياه
- عسل : مدته بخوف
- اسيل : كتلك متاخذه
- سليمان : رحمة للكائنات ، رحمة لوالديج عوفيني ، اخذ سيف حطه بحضنه وكال بنتر على عسل ، بسرعة حطي حليبه وحفاضاته بعلاكه وملابسه
- عسل : ضلت ساكته
- سليمان : بنت ال... مو جاي احجي وياج
- عسل : كامت على السريع تحط شكو كدامها من ملابس واغراض لسيف بالجنطة ، ومدتلهياه
- سليمان : اخذها منها وطلع
- اسيل : سليمان جاي احجي وياك تعال
- سليمان : طلع نزل الكرسي الي بصفه كله ، وحط سيف عليه ، شغل السيارة وجان يسوق على كيفه ، وصل لبيتها شاله بحضنه ودخل البيت ، شافها واكفه بالمطبخ تنتظر
- ثريا : من شفته جايبه رحت اركض اخذته من حضنه وبديت ابوس بيه حبيبي وليدي ، وابجي ، يريدون ياخذوك مني غير اموت
- سليمان : هسه ارتاحيتي ان شاء الله
- ثريا : بفرحه اي ارتاحيت
- سليمان : راح اجيب غراضه من السياره ، طلع جاب الجنطة ودخل المطبخ مالكاها ، سمع صوتها بالهول ، دخل الهول شافها كاعده على الكاع وحاضنته مره تبوسه ايده مره تشمها ، اقترب وكعد يمها بالكاع
- ثريا : سكتت من شافته
- سليمان : عليج الله خليني انام صارلي كم يوم عيني ما رمشت
- ثريا : مدت رجلها ، وضربت على فخذها ان حط راسك
- سليمان : حط راسه ، وبدت تحرك بشعري ، ماحسيت بعدها بشى
- ثريا : حسيت لازم اسوي هيج ، تقدير لانه وفى بوعده الي ، سيف بايدي اليسار ، وايدي اليمين جنت العب بشعر سليمان الي ثواني وغفى ، وسيوفي همين بدا يغفي حبيبي ، من نام سليمان ، نام ورا سيف ، نزعت شالي وفرشته يمي بالكاع وحطيت سيف عليه ، بس ضليت لازمه ايده ، خاف يطلع حلم مو حقيقة ...
- سراج : بديت اخفف سرعتي لان رنده تخبلت كامت تسوق بسرعة من شافتني وراها ، شوي الا وسيارتها فايته ببنايه ، وكفت سيارتي بنص الشارع ونزلت اركض عليها ، افتح الباب مينفتح ، ضربت برجلي فك ، فتحت الباب وجها مدمى وايدها ، شلتها على كيفي وحطيتها بسيارتي ، واخذتها للمستشفى وهي فاقده الوعي ، دخلتها قسم الطوارئ واني اصيح وين الدكاتره ، يله وينكم ساعدوني ، اجو يركضون واخذوها لغرفة العمليات ....
- ثريا : حسيت بامان و كمت اغفي واني كاعده وغفيت مدري شكد ، سمعت تلفوني يدك ، شفت الساعة صارلنا يجي 5 ساعات نايمين ، شنو ضحكت بخفيف عوز نوم ، حطيت راس سليمان على كيفي على مخده ، وكمت امشي شوي شوي ، وصلت المطبخ شفت اسم سراج ، رديت بصوت ناصي الو .... شنو لا شلون وشوكت .... يله هسه نجي ... ماشي ماشي مع السلامة ، صعدت فوق لغرفتي بدلت ملابس طلعه وشال لفيته وجنطتي بايدي ونزلت ، اقتربت من سليمان وكعدته على كيفي
- سليمان : مممم خير مزاجي
- ثريا : كوم سليمان رندا مسويه حادث كوم وديني عليها
- سليمان : كعد بخوف وكال وين وشلون
- ثريا : ما اعرف هسه بلغني سراج
- سليمان : امشي يله ، تاخذين سيف وياج
- ثريا : اي بعد شتسوي ، وصعدوا السيارة ومشوا للمستشفى ، لكت امها هناك و وياها فطومه
- رقية : تبجي وتدعي ، حضنت ثريا من شافتها وزاد بجيها
- ثريا : ماما اذكري الله ، هو وحده الي يكدر ينجيها ، وبدوا يدعون ويستغفرون الله ، سليمان كعد على جهه ، وسراج حالته حاله يحرك رجله من التوتر وحاط ايده على راسه ومدنك راسه على الكاع.... طلع الدكتور ، وركضنا عليه ، خير دكتور
- الدكتور : حالتها عبرة الخطر ، سوينا العلينا والباقي على رب العالمين
- سراج : لزمه من ياخته بعصبيه ، شنو متعرف لعد عليش اسمك دكتور ، اكتبلها خروج اخذها لدولة ... تعالجها
- الدكتور : وخر ايده باحترام وكال ، اني مقدر ضروفك وخوفك على زوجتك ، واذا تريد سوي الي يعجبك ، بس علاج برا نفس علاجنا هنا ، ثاني شي جان بعض شضايا الجام بكتفها وشلناها ، بقى علاج فيزيائي هذا الامر يساعد بشفاء حركة كتفها اكثر ، بس هسه لازم ترتاح كم يوم ...
- سراج : اكدر ادخل اشوفها
- الدكتور : لا موهسه بس ننقلها من غرفه العنايه ، تكدرون تشوفوها
- فارس : خابرني سليمان واني توني موصل امي لبيت سليمان ، من سمعت الخبر طلعت كبل على المستشفى ، شنو شصاير
- سليمان : يابه ..... هيج وهيج
- فارس : يارب سترك ، زين ابنك ليش جايبه هنا ماعفته يم امك
- سليمان : يابه شحجي خليني ساكت احسن
- فارس : اكيد امك البلوه مسويه شي ، اعوذ بالله منها ، اني اعلمها
- سليمان : يابه رحمة لوالديك ترا تعبت ، اترجاك لتسوي الي سويته ذيج المرة
- فارس : قصدك اكتلها ، هاي وين يفيد بيها الكتل ، جلد حيه عدها ، بس اني اعرف شلون اربيها هاي ال... ، خليني اطمن على بنت اخوي اول
- سليمان : امي كل شوي تخابرني هي وعسل ، يعني امي مهما يكون ما اكدر اغضبها ، دزيت رساله اتاخر ، ضلت ادز رسايل خابرني ، دزيت مشغول يم جماعة
- سراج : ضلينا تقريبا ساعة وكالو ادخلو ، دخلنا عليها كلنا ، ماحجت وياي ولاردت عليه ، اقتربت وكعدت بصفها وحجيت بصوت ناصي ، هيج تخوفيني عليج ، حبيبتي متدرين شصار بيه ، لتكرريها بعد رنودتي
- رندا : لارد ، تفحصت بعينها الي دخلو ، سراج اجى بسرعة وكعد يمي وبدا يعاتب ، ماما همين اجتي شايله فطومة بايدها باست راسي وكعدت يمي على الكرسي القريب ، ثريا همين اجتي انطت سيف لسليمان واجتي باست راسي وتحمدتلي بالسلامة ، وسليمان من بعيد سلم وتحمد ، دخل عمي فارس وراهم باس راسي وكال فدول السيارة بس كمتي بالسلامة، سديت عيني اريد اركز واجمع كم كلمة
- رقية : ليش هيج يا يمى تخوفينا عليج ، ليش يابنيتي وين تريدين تيتمين هالبنيه خطية ، ماشفتي سراج شسوا ، ليش يا حبيبتي
- رندا : فتحت عينها وباوعت على سليمان وكالت ابن عمي اني اريد حمياتك
- سليمان : بصدمة ، كال ادللي انتي بحمايتي
- رقية : ضربت صدرها ولج شتكولين
- فارس : انصدمت بنت اخوي وتطلب الحماية من ابني مو مني ، ماخذين عني فكرة مابي فايده ، كلت شصاير
- رندا : ما اريد سراج بعد ، طلكوني منه
- سراج : كلت رندتي شبيج اني حبيبج ، بلا هالشقة السخيف
- رندا : سليمان اني طلبتك وانت كلت تم
- سليمان : مد سيف لثريا و اقترب وكال تم وعلى هالركبه ، بس
- رندا : لابس ولاشي ، طلعه من يمي واشرت على سراج
- سراج : فتح عيونه بصدمة ، لج رندا تخبلتي ، كل عقلج كام يحجي بعصبية
- تحت صدمه رقية وفارس وثريا ، كملت رندا ، اني ما اريدك بعد ، ما اكدر اكمل وياك ، اطلع برا ما اريد اشوفك ، كامت تصيح اطلع اطلع كافي تعبتني
- سليمان : امشي خلينا نطلع ليصيير بيها شي جان يحجي ويا سراج
- سراج : لزم سليمان من ياخته وكال شوفها ولك شوفها شتكول ، تخليك انت تحميها ، ولج ليش شسويتلج رندتي
- سليمان : بصوت ناصي اطلع هسه شوفها تعبانه ، خليها ترتاح وتعال احجي وياها باجر
- سراج : طلع من اجتي رقية همين تحجي وياه ، كعد برا وبصفه رقية وسليمان من الجهة الثانية
- رقية : شصار سراج كول
- سراج : خاله وداعتج مصار شي ، بس رادت ما ادخل بين سليمان وثريا بمشكلتهم
- رقية : ضربت ايد بايد ، سليمان شصاير بعد
- سليمان : مشكله بسيطة وتنحل .....
- فارس : اقترب وكعد يمها ارتاحي وكل شي ينحل
- رندا : حضنته وبدت تبجي ، عمو ما اتحمل بعد ، يحبها والله يحبها ، ما اكدر ابقى وياه
- فارس : شتريدين يصير ، بس كومي بالسلامة
- رندا : سدت عينها وكالت اريد انام
- فارس : كومي ثريًا خلينا نعوفها ترتاح ، وطلعوا يم البقية ، سليمان اخذ مرتك وروحوا لبيتكم وانت سراج اخذ خالتك خليها ترتاح واني ابقى يمها
- ثريا : اني ما ارجع بعد للبيت الي انطردت منه
- سليمان : شنو هالحجي ثريا شبيج
- ثريا : هذا الصحي ولازم من ذيج المرة ما ارجعلك ، سليمان اني عايشة وياك بخوف ، الامان ماحسيته ولا راح احسه ، مدام امك موجودة ، لو تتبرا منها لو تتبرا مني ماعندي غير هالحل
- سليمان : كولي يالله شبيج ، موهسه وقت هالنقاش
- رقية : اه يابناتي ، ليش هيج ليش ، شسويت شعلمت ، شربيت
- ثريا : ماما طردتني بالليل بدون حجاب واخذت ابني ، افتر مثل ال... بالشوارع بتالي الليل ، لو موحجيه شريفة توصلني ، جان الله اعلم وين اني ، ما ارجع بعد لو تذبحوني هسه ، شهالمذله يويما تطردني ، ماعندي كرامة ماعندي اهل ، والله ان رجعتوني لا انهزم ومحد يندل دربي بعد ، ومشت من يمهم وطلعت
- سليمان راح يمشي وراها ، بس لزمة فارس وكال عوفهم اني اوصلهم ، كومي ام ثريا اوصلكم ، وصلتهم لبيتهم ورحت لشقتي الجديدة ، وتكول ويا نفسي اني اربيج اسيل ، فتحت الباب وكلت وسن حبيبي وينج
- وسن : حبيبي شوكت جيت
- فارس : توني يله لمي ملابسج
- وسن : وين حبيبي كالت بخوف
- فارس : لبيتي ، راح اعلن زواجنا
- وسن : اقتربت وحضنت ايده وكالت صدك حبيبي
- فارس : طبعا ، يله اخذي اشياء اساسيه وبعدين نجي ناخذ الباقية ، صعدوا السيارة ساق بهداوه وهي تلعب بالسيديات وتشغل اغاني رومانسيه وتغنيله ، وصل البيت ونزل هو وياها ، هي حاضنه ايده ، فتحت الباب وكتله فوتي برجلج اليمين
- وسن : دخلت البيت وكلت الله شكد حلو بيتك حبيبي
- فارس : عجبج كال بفخر
- وسن : طبعا اصلا قصر مو بيت ، يله وين غرفتي
- فارس : اختاري الغرفة الي تعجبج ....
- سليمان : رجعت لبيتي ، شفت امي ونعناعة صوتهم واصل برا البيت ، دخلت سلمت
- نعناعة : كوم وديني لبيت ام ثريا ، ما ابقى بعد هنا ولا دقيقة
- اسيل : لا اني الي باقيتلج ، رجعني لبيتي ما ابقى وياها دقيقة
- سليمان : امشو اصعدوا بالسيارة كال وهو معبس وجه
- نعناعة : لو اني لو هسه بالسيارة
- اسيل : ما اصعد وياها
- سليمان : وبعدين ياناس الرحمة ، جدة امشي اوصلج اول شي ، صعدنا بالسيارة وصلتها يم الباب ورجع اخذ امه وعسل ورجع لبيتهم ، دخلت اسيل وشافت فارس كاعد وبصفه وحده رشيقه لابسه فستان كوه مدخلته وشعرها مسويته ستوتات ومنزله خصل ناعمه من كدام ، وشايله ماعون فاكهه وتاكله بايدها
- سراج : رجعت لبيتي ، وصفنه تاخذني وصفنه ترجعني ، ليش هيج صار ، ليش هيج سوت ، علمود شغله بسيطة هيج سوت ، طلعت جكاره وشغلتها واني افكر شلون ادخل سليمان وتعرف شلون مشاحنات بينا
باجر استراحة تعرفوني 😉 ههههه لا صدك حتى اجمع افكار للبارتات الجاية
شكرا احسن متابعتكم متابعيني الراقين
🌸🌸
🌸
🌸
🌸
🌸
🌸
🌸
🌸
🌸