@ បីថ្ងៃក្រោយមក
ថ្ងៃនេះគឺជាថ្ងៃចុងក្រោយមុននឹងពិធីមង្គលការឈានមកដល់នៅថ្ងៃស្អែកនេះហេីយ ។ ទំនាក់ទំនងរវាងកូនកម្លោះទាំងពីររូបក្នុងរយៈពេលបីថ្ងៃក្រោយមកនេះចាប់ផ្តេីមមានភាពល្អូកល្អឺននឹងគ្នាបន្តិចបន្តួច មិនច្រេីនណាស់ណា៎នោះទេ តែម្នាក់ៗក៏មិនមានអារម្មណ៍ថាមិនស្រណុកពេលដែលនៅក្បែរគ្នាដូចមុនៗឡេីយ ។ រីឯទំនាក់ទំនងរបស់លោកអគ្គនាយកនិងអ្នកនាងលេខាក៏មិន.. ទាន់នឹងបញ្ចប់ដូចគ្នា ប៉ុន្តែថ្ងៃនេះហេីយគឺជាថ្ងៃដែល Jungkook នឹងទៅសុំនាងចែកផ្លូវគ្នាត្រឹមនេះទាំងដែលនៅតែមានកូនចិត្តអាណិតស្រលាញ់នាងដដែល តែណ្ហើយ.. ខ្លួនជិតមានប្រពន្ធទៅហេីយមិនអាចទៅទាក់ទងស្រីខាងក្រៅបានទៀតនោះទេ ទាំងអ្នកម៉ាក់ទាំងមិត្តភក្ដិ អ្នកគ្រប់គ្នាទាំងអស់សុទ្ធតែមិនគាំទ្រចំណុចនេះឯនាយខ្លួនឯងផ្ទាល់គិតចុះគិតឡេីងក៏យល់ច្បាស់ថាវាមិនត្រូវពិតមែន ទេីបនាយសុខចិត្តបញ្ឈប់ហេីយក៏ព្យាយាមដាក់ចិត្តមេីលថែប្រពន្ធវិញទាំងដែលមិនទាន់ដឹងថាអារម្មណ៍របស់ខ្លួនចំពោះគេនឹងប្រែទៅជាយ៉ាងណានៅថ្ងៃខាងមុខ ។
ថ្ងៃនេះ Taehyung មិនបានមក office របស់ Jungkook ដេីម្បីរៀននោះទេព្រោះគេមានណាត់ជាមួយ Jimin ត្រូវចេញទៅខាងក្រៅញាំអីជាមួយគ្នាហេីយក៏ទិញរបស់របរទុកប្រេីប្រាស់សំខាន់ៗផ្សេងៗ ។
' ទឺត...ទឺត...
សម្លេងលោតញ័របន្លឺចេញពីទូរស័ព្ទដែលដាក់នៅលេីតុក្បែរដៃ Jungkook រហ័សងាកទៅមេីលក៏ឃេីញថាអ្នកដែលខលមកនោះគឺជា Tae នាយលេីកចិញ្ចេីមបន្តិចមុននឹងលេីកទូរស័ព្ទមកដាក់ត្រចៀក ។ ពួកគេបានផ្លាស់ប្តូរលេខគ្នាកាលពីប៉ុន្មានថ្ងៃមុនទេីបបានជា Tae អាចខលមកបាន ។
« ហេឡូ Tae »
[ ហេឡូ លោកនៅក្នុង office មែនទេ Jung? ] រាងតូចស្រដីឡេីងពីចុងម្ខាងមកភ្លាមគ្រាន់តែដឹងថាអ្នកកម្លោះបានចុចទទួលហេីយ ។
« បាទ គឺនៅអង្គុយខាងក្នុងដូចរាល់ដង »
[ អូខេ ចឹងប្រហែលកន្លះម៉ោងទៀតខ្ញុំចេញទៅដល់ ] Tae និយាយរួចក៏ចុចបិទភ្លាមរកតែ Jungkook តបវិញមិនទាន់ ។ នាយដកដង្ហើមធំមួយដង្ហើម... ក្នុងចិត្តកំពុងតែរសាប់រសល់រកធ្វើអ្វីមិនត្រូវនោះទេ ព្រោះបន្តិចទៀតនាយនឹងត្រូវទៅនិយាយពាក្យថាបែកទៅកាន់អ្នកដែលខ្លួនស្រលាញ់មកជាយូរហេីយនោះ ។
លោកអគ្គនាយកក្រោកឈរ ទាញក្តាប់អាវក្រៅរបស់ខ្លួនអោយរឹបនឹងដងខ្លួនបន្តិច ស្រូបយកខ្យល់ដង្ហើមមួយវែងហេីយក៏ដេីរចេញទៅខាងក្រៅទាំងទឹកមុខមុឺងម៉ាត់ ប្រាកដប្រជា ។
« Malina ដេីរតាមខ្ញុំមក » ពេលដែលដេីរទៅដល់តុរបស់អ្នកនាងលេខា អ្នកកម្លោះក៏ស្រដីចេញមកទាំងសម្លេងរាបស្មេីហេីយដេីរហួសទៅបាត់មិនចាំនាងតូចនោះទេ ។ Malina ងេីយតាមសម្លឹងមេីលទៅដំណេីររបស់លោកអគ្គនាយក ហេីយក៏ស្ទុះស្ទារចេញពីតុដេីរទៅតាមលឿនៗដេីម្បីកុំអោយនាយទៅចោល ។ ក្នុងចិត្តភ័យបុកពោះភឹបៗកាលបេីបានឃើញអការៈចម្លែកៗរបស់នាយ នាងតូចលេបទឹកមាត់ជាច្រើនលើកច្រើនសាព្រោះបំពង់កចេះតែស្ងួត បេះដូងចាប់ផ្តើមលោតធ្វេីទុក្ខរកស្មានមិនត្រូវ ។
Jungkook ដេីរទៅមុននាំផ្លូវអោយនាងតូចអោយដេីរតាមពីក្រោយរហូតមកដល់បរិវេណរានហាលធំខាងក្រៅដែលមានជាលក្ខណៈកូនសួនរៀបចំដេីម្បីអោយបុគ្គលិកចេញមកលេងលំហែរអារម្មណ៍ ។ ដោយសារតែនេះជាម៉ោងធ្វើការ ទេីបមិនមានបុគ្គលិកណាម្នាក់ចេញមកលេងបាននោះទេដូច្នេះហេីយកន្លែងនេះក៏ស្ងាត់មានវត្តមានមនុស្សតែពីរនាក់ប៉ុណ្ណោះគឺលោកអគ្គនាយកនិងអ្នកនាងលេខា ។
« លោកអគ្គនាយកមានបញ្ហាអ្វីដែលរំខានក្នុងចិត្តមែនទេ? » Malina ក៏ឧទានសួរឡេីងព្រោះកត់សម្គាល់ឃេីញថានាយកំពុងតែមានអារម្មណ៍មិនល្អហេីយបានជានាំមកនិយាយខាងក្រៅ បេីត្រឹមរឿងការងារនាយអាចនិយាយបាននៅក្នុងបន្ទប់ office បាត់ទៅហេីយ ។
Jungkook មិនតបតឈរដាក់ដៃនៅលេីបង្កាន់ដៃ សម្លឹងមេីលទៅទេសភាពទីក្រុងជាមួយនឹងខ្យល់បក់រវិចៗ រេរាពេញឱកាសប្រៀបដូចជាចិត្តរបស់នាយដែលកំពុងតែនៅមិនហ្នឹងមួយកន្លែង តិចៗរេទៅនេះតិចៗរេទៅនោះ... ហេតុអីក៏ដល់ពេលដល់វេលាត្រូវនិយាយថាលាទៅកាន់នាង នាយបែរជាធ្វើមិនបានទៅវិញ..? ហេតុអីក៏គ្រាន់តែនឹកឃើញដល់ពាក្យមួយនោះវាធ្វេីអោយទ្រូងរបស់នាយឈឺ..? ហេតុអីក៏នាយនៅតែធ្វើចិត្តមិនបានក្នុងការដោះលេងនាងអោយចេញពីជីវិតខ្លួន? ហេីយហេតុអីក៏នាយអាត្មានិយមដល់ថ្នាក់នេះ!?
គឺព្រោះតែចិត្តនៅស្រលាញ់.. ចិត្តដែលអាណិតនាង ចិត្តដែលមិនចង់អោយនាងត្រូវឈឺគ្រាំគ្រាក្នុងទ្រូង តែនាយនៅតែគ្មានជម្រើស នាយមិនចង់អោយនាងដេីរចេញពីខ្លួនតែក៏មិនចង់ដេីរចេញពី Tae ដូចគ្នា... ហេតុអីទៅ? នាយយល់ថាមិនចង់អោយដោះលេង Malina ព្រោះជាសង្សារនឹងគ្នាយូរមកឆ្នាំហេីយ តែចុះ Taehyung វិញ? នាយស្គាល់មិនបានមួយខែផងក៏មានអារម្មណ៍ថាចង់បានគេក្បែរដែរបាត់ទៅហេីយ នេះគេបានធ្វេីស្អីខ្លះដាក់បេះដូងនិងខួរក្បាលរបស់នាយ?? ថ្ងៃស្អែកត្រូវចូលរោងការហេីយតែម៉េចបានជាពេលនេះច្របូកច្របល់ខ្លាំងម្ល៉េះ!?? តេីមានអ្នកណាយល់ពីចិត្តរបស់នាយទៅ..?
ដោយមិនឃើញមានការឆ្លើយតបមកបែបនេះ Malina ក៏ដកដង្ហើមធំយល់ភ្លាមថានាយមានរឿងមិនល្អនៅក្នុងចិត្តមែន.. ។ នាងតូចញញឹមឡេីងបន្តិចហេីយព្យាយាមទាញប្រអប់ដៃម្ខាងរបស់អ្នកកម្លោះមកកាន់អង្អែលថ្នមៗ បង្វែរចំណាប់អារម្មណ៍របស់រាងក្រាស់មកតាមមេីលមុខរបស់នាង។
« ឆាប់និយាយមកបង បេីបងនៅស្ងៀមបែបនេះអូនទាយចិត្តបងមិនបានទេថាបងចង់និយាយពីអ្វី » អ្នកនាងលេខាស្រដីឡេីងដោយសម្តីទន់ភ្លន់ សម្លេងដ៏ពិរោះមួយនេះ...
សម្លេងដែលតែងតែធ្វេីអោយអារម្មណ៍ច្របូកច្របល់ទាំងប៉ុន្មានរបស់ Jungkook ត្រឡប់មកនៅស្ងៀមបាន ។
« Ma... មង្គលការរបស់បងកេីតឡេីងនៅថ្ងៃស្អែកនេះហេីយ » Jungkook តបទាំងទ្រូងតឹងណែនទម្រាំតែនាយដាច់ចិត្តនិយាយចេញមកបានគឺសឹងតែកកស្ទះស្លាប់នៅខាងក្នុងទៅហេីយ ។
ឯ Malina កាលដែលបានឮបែបនេះស្នាមញញឹមរបស់នាងក៏ត្រូវធ្លាក់ចុះក្នុងមួយរំពេចស្របដំណេីរនឹងបេះដូងដែលលោតធ្លាក់ដល់ដីដូចគ្នា ស្អែកនេះហេីយ..? ហេតុអីក៏ពេលវេលាដេីរលឿនដល់ថ្នាក់នេះ? អញ្ចឹងបានន័យថាថ្ងៃនេះគឺជាថ្ងៃចុងក្រោយរបស់នាងក្នុងតួនាទីជាសង្សារនាយហេីយ? ចាប់ពីស្អែកទៅ Jungkook នឹងត្រូវបានក្លាយជាកម្មសិទ្ធរបស់អ្នកផ្សេង... លោកអឺយ.. លឿនខ្លាំងណាស់... Malina អត់មិនបាននឹងតូចចិត្តនឹងជោគវាសនាខ្លួនឯង នាងចង់សុំអោយពេលវេលាត្រឡប់ទៅក្រោយវិញខ្លាំងណាស់ សុំត្រឹមកន្លះឆ្នាំប៉ុណ្ណោះ តែនាងធ្វើមិនបាន.. បានត្រឹមតែយំអាណិតខ្លួនឯង ជាសង្សារយូរឆ្នាំក៏មិនប្រាកដថាគេម្នាក់នោះជាគូពេញមួយជីវិតរបស់យេីងឡេីយ... អ្វីៗគ្រប់យ៉ាងវាផ្លាស់ប្តូរមិនទាងនោះទេ ដូច្នេះហេីយបេីសិនជាពេលនេះអ្នកទាំងអស់គ្នាមានរបស់មានតម្លៃ ឫមនុស្សសំខាន់ដែលនៅក្បែរខ្លួន ចូរថែរក្សាពួកគេទុក ចំណាយពេលវេលាល្អៗជាមួយពួកគេអោយបានច្រើនតាមដែលអាចធ្វើទៅបាន កុំអោយមកត្រូវតូចចិត្តស្តាយក្រោយពេលដែលយេីងជិតបាត់បង់គេហេីយនោះ... ។
ដូច Malina អញ្ចឹងនាងមានឱកាសជាសង្សារដល់ទៅពីរឆ្នាំ តែពួកគេមិនដែលធ្វើរឿងសប្បាយៗជាមួយគ្នាច្រើនទេ គឺមានតែរឿងការងារ ឆ្លៀតបានតែពេលទៅញាំបាយជាមួយគ្នា ទៅដេីរលេងក៏អត់ ធ្វេីអីស៊ុបប្រាយ៍ៗក៏អត់.. នាងមិនបន្ទោស Jungkook ដែលបែបនេះទេព្រោះដឹងថានាយរវល់នឹងការងារណាស់ តែនាងខឹងចិត្តខ្លួនឯងដែលមិនព្រមធ្វេីរឿងទាំងនោះមុន.. បេីសិនជាថយពេលវេលាទៅបាន នាងចង់សុំ Jungkook ទៅដេីរលេងលំហែរកាយម្តង តេី Jungkook នឹងព្រមជូននាងទៅឫអត់ណ៎..? ព្រមមិនព្រមក៏ពេលនេះអ្វីៗហួសអស់បាត់ទៅហេីយ នាងបានត្រឹមតែលាក់ទុកអារម្មណ៍ទាំងនោះក្នុងចិត្តតែឯង ហេីយដេីរទៅមុខជាមួយនឹងក្តីសង្ឃឹមដែលនៅសេសសល់តិចបំផុតនេះចុះ ។
« អរ.. អូនជួយអបអរផងអញ្ចឹង » Malina និយាយចេញមកដោយញញឹមរឹតតែស្រស់ ជាទម្លាប់របស់នាងដែលពេលឈឺចាប់ខ្លាំងនាងតែងតែបញ្ចេញស្នាមញញឹមចេញមក ស្នាមញញឹមដែលកំពុងតែលេីកទឹកចិត្តខ្លួនឯងអោយរឹងមាំតែវាក៏លាក់បង្កប់ទៅដោយអារម្មណ៍ឈឺពឺតផ្សារចុកចាប់ណែនក្នុងក្រអៅទ្រូង... នាងចង់យំណាស់ ចង់តែស្រែកអោយខ្លាំងៗតែនាងធ្វើទៅមិនបាននោះទេ ជិតដល់ថ្ងៃសេរីសួស្តីរបស់មនុស្សដែលខ្លួនស្រលាញ់ទៅហេីយ នាយមិនអាចទាញយកទុក្ខសោកមកដាក់ពីលេីនាយបាននោះទេ ។
« Ma... ទំនាក់ទំនងរបស់ពួកយេីងក៏ត្រូវតែចប់ត្រឹមនេះដែរណា៎ បងមិនអាចបន្តទៀតបានទេព្រោះបងមានប្រពន្ធហេីយ បងសុំទោសណា៎អូនណា៎ » Jungkook និយាយទាំងលួចខាំមាត់ខ្លួនឯងខ្លាំងៗសឹងតែហូរដាច់ចេញឈាម ឃេីញនាងតូចនៅតែមានទឹកមុខស្រស់ញញឹមបែបនេះ រឹតតែធ្វេីអោយនាយពិបាក.. នាយដឹងថានាងកំពុងឈឺ តែមេីលចុះ.. មេីលទៅនាងដែលកំពុងព្យាយាមសម្តែងចេញមកថាមិនអី ទង្វើទាំងនេះហេីយដែលតែងតែធ្វេីអោយ Jungkook អាណិតគឺអាណិតច្រើនជាងស្រលាញ់ទៅទៀត ។
« អូនយល់ហេីយ បងមិនចាំបាច់សុំទោសទេណា៎ បងមិនខុស ពួកយេីងមិនខុស គ្មានអ្នកណាខុសទាំងអស់ គឺនេះជាព្រេងវាសនា គេចារមកថាបងត្រូវជាគូនឹងគេ មិនមែនជាមួយអូន កុំបារម្ភណា៎ Jung អូននឹងមេីលថែខ្លួនឯងអោយបានល្អពេលដែលគ្មានបង » Malina ស្រដីចេញមកគ្មានអោយអាក់មួយពាក្យណាឡេីយ នាងនិយាយតាមបែបធម្មតាទាំងដែលលេីកដាក់សម្លេងដូចមនុស្សដែលសប្បាយណាស់អញ្ចឹង នៅចុងប្រយោគនាងក៏ញញឹមស្រស់ចេញធ្មេញ ប៉ុន្តែវាស្រស់ខ្លាំងពេក គឺស្រស់រហូតដល់រំញោចទឹកភ្នែកអោយហូរមកកាត់ថ្ពាល់ទាល់តែបាន នាងខំទប់ខ្លាំងបំផុតហេីយ តែក៏ដល់ដំណាក់កាលត្រូវប្រលែងវាចេញមក... ។
« អូនត្រូវតែនៅធ្វើការនេះទីនេះណា៎ ហាមគេចវេសទៅណាទាំងអស់ ទោះពួកយេីងលែងជាសង្សារនឹងគ្នា តែអូននៅតែជាលេខាឆ្នេីមរបស់បង អូននឹងនៅតែជួយមេីលការខុសត្រូវលេីការងាររបស់បងដូចដេីម ហេីយបងក៏នឹងមេីលថែអូនដូចគ្នា ក្នុងនាមជា... លោកអគ្គនាយក » Jungkook បន្ថយសម្លេងខ្សាវៗនៅចុងប្រយោគ.. នាយពិបាកធ្វើចិត្តខ្លាំងណាស់ តែអ្នកដែលពិបាកជាងនាយនោះគឺ Malina ពួកគេបែកផ្លូវគ្នាដោយ Jungkook មានអ្នកថ្មីចូលមកក្នុងជីវិត នាយអាចនឹងឆាប់ភ្លេចរឿងនេះបានព្រោះមានអ្នកថ្មីចូលមកបន្លប់អារម្មណ៍ តែចុះនាង..? នាងបានអ្នកណាជួយ
បន្លប់អារម្មណ៍នាងដែរទៅ..? នេះហេីយជាមូលហេតុដែលនាយមិនចង់លេងនាងចេញទាល់តែសោះ គឺទ្រាំមេីលនាងឈឺចាប់តែឯងមិនបាន!!
« យល់ព្រម ខ្ញុំនឹងនៅតែជាលេខារបស់លោកអគ្គនាយក Jeon » នាងតូចនោះប្រញាប់យកដៃខ្លួនឯងទៅជូតទឹកភ្នែកហេីយទាញទូរស័ព្ទចេញពីហោប៉ៅមក ។
« អឺ.. ខ្ញុំសុំថតរូបជាមួយបង-- អា៎ទេៗ គឺជាមួយលោកអគ្គនាយកជាលេីកចុងក្រោយបានទេ?? » Malina ស្រដីចេញមកទាំងញញឹមធ្វើមុខគួរអោយស្រលាញ់ ឫកពាដូចជាកូនក្មេងពេលដែលសុំចាស់ទុំរឿងអ្វីមួយអញ្ចឹង ។
« អូខេបានណា៎ » Jungkook ក៏ញញឹមពេលដែលឃើញបែបនេះ នេះគឺជាចំណុចមួយទៀតដែលធ្វេីអោយនាយស្រលាញ់ ទោះជាមានរឿងបែបណាក៏ដោយក៏នាងនៅតែអាចធ្វើអោយគេញញឹមវិញបានរហូត ។
« ម៉ោះ.. 1 2 3.. ក្រឹប* » Malina រាប់ហេីយក៏ចុចថត គេទាំងពីរខំសម្លឹងមេីលទៅកាំមេរ៉ាដោយញញឹមស្រស់ ស្នាមញញឹមអ្នកទាំងពីរសុទ្ធតែលាក់បង្កប់នៅភាពឈឺចាប់រាងខ្លួន ។ នាងតូចសុខៗស្រាប់តែចង់ថតបែបនេះគឺដេីម្បីរក្សាអនុស្សាវរីយ៍មួយនេះទុក ទោះវាជាថ្ងៃមិនល្អ ថ្ងៃដែលធ្វើអោយនាងឈឺចាប់បំផុតតែនាងមិនចង់បំភ្លេចនោះទេ នាងមិនចង់បំភ្លេចបុរសម្នាក់ដែលបានកំដរនាងរហូតមកដល់ទៅ 2 ឆ្នាំបុរសម្នាក់ដែលមិនធ្វើអោយនាងយំតាំងពីដេីមមក តែទេីបតែយំមួយអាទិត្យចុងក្រោយពេល Tae ចូលមកនេះទេ នាយមានចំណុចល្អច្រើន គឺច្រើនដែលមិនអាចធ្វើឲ្យនាងបំភ្លេចគេបាន នាងមិនបានគេពិតតែនាងនៅរក្សាទុកអនុស្សាវរីយ៍ជាមួយគេនៅក្នុងបេះដូងតូចមួយនេះរហូតទៅ ។
« 1 2... Jungkook.. អឹប!!! » Malina ផ្លាស់ប្ដូរពីលេខ 3 ទៅជាហៅឈ្មោះ ឯអ្នកកម្លោះកាលដែលឮនាងហៅបែបនេះក៏រហ័សបែរទៅមេីលមុខនាងចំ នាងតូចខូចឆ្លៀតឱកាសកញ្ឆក់យកបបូរមាត់របស់រាងក្រាស់ ថេីបសង្កត់តែមិនកម្រេីកបបូរមាត់ទាំងដែលដៃចុចថតសកម្មភាពពេលនេះទុកមិនអោយបាត់... ។ Jungkook បេីកភ្នែកធំៗឡេីងកាលបេីត្រូវបាននាងចាប់ថេីបភ្លាមៗបែបនេះ... នាយមិនបានកម្រេីកមាត់តបតព្រោះតែភាន់ភាំងមិនដែលនឹកស្មានថានាងនឹងមកថេីបបែបនេះ... នាយក៏នៅឈរត្រឹងអោយនាងសង្កត់បបូរមាត់មកលេីខ្លួនជាយូរទាំងមិន... បានចាប់អារម្មណ៍ពីក្រសែមួយគូដែលសម្លឹងមកពួកគេពីចម្ងាយ
' ព្រូស៎!!
ថង់ម្ហូបអាហារនិងកែវភេសជ្ជៈត្រូវធ្លាក់ចេញពីដៃខ្ចាយកំពប់ពេញទៅលេីឥដ្ឋ.. កាលបេីបានឃើញរូបភាពដ៏គួរអោយភ្ញាក់ផ្អើលនៅចំពោះមុខ ។
To be continue...