لم اخلق لرجل سواك

التاسع والاربعين

#بقلم إيـزابيـل
#الجزء التاسع والاربعين
#لم اخلق لرجل سواك
..
ماضل شيء ماصارلي بهل قصه الحمدلله على كل حال قراءه ممتعه
..
جمانه
همام :خوش لعد مادام اكو وقت يعني عدنه مجال نعقد هسه وحرك السياره

عطت بي من كل كلبي
:صاحي انت من كل عقلك شنو نعقد بابا شبيك..

تنهد  ضليت اضرب على الجكمجه واصيح
جمانه : افضحك والله افضحك نزلني يلا

ضليت ابجي ووارجف ووجسمي يهتز برعب جان تخربطت اله شويه هو شاف حالتي فورا وكف السياره جنه عابرين نص الفرع تقريبا..

اسحب نفس بصعوبه ووازفره وواهفي على وجهي وووواناشغ طلع بطل مي من الكشنات الورا وفتح قبق البطل وقربه الفوهه يم حلكي دفعته بكل قوه ووكع على بنطرونه ووتبلل..

همام : بس اهدي على كيفج

جمانه :نزلني نزللللني

همام :هاهيه لتبجين ولتصيحين

سكتت وواتنفس كوه مسحت ووجهي بس فتح القفل فتحت الباب وونزلت اركض بحيل خاوي
عبالك جنت محبوسه ووتم تحريري..

اركض بالفرع اريد اطلع منه خايفه خايفه وورجليه كوه شايلتني ووصلت لبدايته صارت امي بوجهي لونه مخطوف وجهه اصفرر ووشايله انس بيدهه اول مشافتني زمخت بصوت ناصي..

: وين جنتي ولج ووين جنتي صارلي ساعه ادور

بلعت ريكي ومحجيت لزمتني من زندي وجرتني عليهه : شبيج ترجفين شصاير طلعلج احد خوفج!

هزيت راسي بـ لا

: اشتريتي؟

رجعت حركت راسي بالنفي وواني احاول اتذكر وين راحت علاكه الشعر بنات؟ معقوله نسيتهه بسيارته..

سألتني ليش ووين الفلوس كلت الهه رحت اركض ورا لنهايه الفرع ومالحكت علي وضاعن الفلوس....

ضلت تلوم بيه وثوله وثوله هاي مادبرتيهه ساكته طول الطريق ومانفتح حلكي بولا حرف..
وصلنه للبيت ذبت علي انس وصاحت..

:ولج هد حيلي اخذي صارلي ساعه اكول هسه تحس على نفسهه وتكول امي عدهه مفاصل اخذتي راحتج..

باوعت عليه : يمه شبيج عصبيه

: يا عصبيتيش! الدنيا تسلك سلك والشمس طايحه بالكاع وانت موكفتنه بالباب شو فوتي فوتي..

دخلت قبلهه وهي وراي شايله انس على كتفي وحاطه ايدي على ضهره بأيدي الثانيه اخذت العلاليك منها ووعفتهه تسد الباب وطبيت الجوه..
..
امي نامت واني فتت الغرفتي بعدني صافنه شلون هيج عنده صلافه ووميخاف! لو مسوي الي بباله
جان اني وين هسه اكيد جوه الكبور..

كعدت بهدوء على الجربايه ووانس كدامي يلعب بالملابس ويجرجر بيهن من العلاكه.

يحبني! معقوله مجاي استوعب المووضوع يعني زوجي اغتصب اخته ووأذ عائلته وولد عمامه..
شمعنى هو مشافني مذنبه! بيمنا اهله البقيه كلهم اني بعيونهم سبب رأيسي بالي صار..

حتى فاديه قبل لتصير صديقتي هيج جانت نظرتهه عليه.. زفرت نفس وكمت اخذت الملابس من انس ووسفطتهن دخلت سبحت وسبحته وولبسته من التراكات الجديده..

اخلي اله بوطره وهو يضحك منطلق عبالك جاي ادغدغه للعصر طلعنع اني ويا خليته يم امي..
ووسويت فطاير كلش مشتيتهه هالمره حشيتهه بس جبن ووكرفس...

في حين ماطلعتهه من الفرن وريحتهه ملت الجوو
لتمو عليه ماما خدرت قوري جاي.. اني كلت الهم اطلعو بالحديقه اجيبهن واجي...وديت انس بيد. مره احمد يلعب وي جهالهه...
..
حضرتهن بصحن التقديم وواستكاين الجاي ووعندي بيتفور سويته قبل كم يوم هم خليته
وطلعت.. لكيتهم يسولفون بابا وامي يتهامسون بينهم..

كعدنه ناكل بابا كال..

: بابا اني ماريد اضوجج بس عندي موضوع وياج

: احجي بابا اني ماضوج منك

شربت شويه من ستكان الجاي وعفته،،

: باجر راح يجي دكتور ميمون وواهله علمود نرد الهم الجواب..

: على شنو يتعبون وويجون خلي امي تخابر امه وتكول الهه بنتي رافضه..

: مو هو اصلا اجه بس وي عمامه تدرين امه ماجايه يريد هو بنفسه ياخذ الجواب..

بلعت ريكي بهدوء وصفنت : بابا..

قاطعني : حاجيني انت ليش رافضه عندج سبب معين

: ماكو سبب معين اني كلت سابقاً ابني ماكدر ااتيهه وواعوفه ياخذونه همه وواقدمه الهم من ذهب..

زفر نفس :اذا على هاي سهله تنحل

: بس..

مخلاني اكمل حاجاني بكل هدوء
:اني ماريد اصير قاسي وواضغط عليج واجبرج َوتتزوجين لخاطر راضي  لا اني نفسي ماقبل اذا هيج..

ارديلج الخير ووالاحسن ووانت بعدج صغيره ووطفل معلك بركبتج اني مادايملج ولا امج دايمتلج واخوج يادوب معيش جهاله وانت حتى شهاده ماعندج..

شلون راح تدبريهه باجر عكبه خوما موقع سند اني بالحياه اول وتالي يجيني الاجل..

والبنيه شكد ما صارررت قويه ووصابره وتتحمل يحتاج الهه الرجل الي يقويهه اكثر ويعينهه...

اني موجود حاليا فـ انت ماتحتاجين الاكبر رجال
مدام اني باقيلج سند بس ليمتى! غير لازم احسبلج للمستقبل وانت اخر العنگود والهم الجبير..

ماريدج توكعين بحيره بغيابي وبوجودي ولا اريد تشيلين هم الشي، شلون تربين ابنج شلون تعيشين وانت نفسج بعدج تحت السن الي ينراد اله حنان وواحتضان..

حاشى اخوج من التقصير بس انت اعلم بظروفه
يادوب الاسواق معيشه عائلته..

ها شكتلي..!

تنهدت : هاهيه بابا بس عندي شرط

عقد حواجبه : خيرر؟

جمانه
: تروح تحاجي اهل انس واذا قبلو اني موافقه..

تنهد : شلون حجي هذا واحنه شتفقنه!

: بابا شلون نظم اول وتالي كلشي ينعرف وويجون يسحبونه مني بالقوه لا ماكدر هيج اني اذا قبلو مثل مكتلك موافقه اني واذا ما قبلو فـ مستحيل اعوف ابني ولا حتى تفكير افكر..

ابوي ضاج من فكرتي بس احترم رأي كال هاهيه باجر يجون واحاجيهم ونشوف شيكولون جوز يبطلون لان يدرون كلشي بصالح اهل انس يعني مايجازفون..

: اي خلي يبطلان قابل اني بعازتهم مثلاً لو كاتلين نفسنه عليهم..

جرني من اكتافي وحضني
: تخسى تعتازين شيء واني موجود.

ابتسمت نصف ابتسامه مجامله وكمت صار الغروب بعد هم دخلو وواني عزلت المكان.
مادري شلون بلحضه طلعت مني بس جانت غايتي واضحه اخلص من همام..

هاي اذا وافقو! همه اكيد مراح يوافقون
..
ثاني يوم الصبح كعدت من وقت لان العصر يجون امي كالت ننضف الاستقبال..

بدلت برموده قصيره الصبح البيت فارغ لا ابوي ولا اخوي ورفعت شعري وصعدت نزلت البردات وورحت اغسلهن ووامي نضفت التخم وغيرت الكوشات ومسحت الطبلات..

بين مينشفن البردات رحت مسحت ارضيه الاستقبال وعطرتهه طبعا البردات مراخ اخليهن لان مايحلك ينشفن بس شريتهن ووحطيت غيرهن..
..
قبل ميجون بساعتين ابوي واحمد رجعو اني فتت بدلت ملابسي لان تنكعين وومشطت شعري وطلعت..

لكيت بابا جايب حلويات رتبتهن ووحطيتهن بالثلاجه بس اني بالبيت مره احمد الصبح من طالع احمد للشغل ماخذهه ويا وذابهه ببيت اهلهه..

وامي متكدر تشتغل هوايه فاني حتى هملت انس اليوم
..
من اجوي سمعت اصوات سياراتهم رحت من شباك المطبخ كالمعتاد تلث سيارات عاليه ثنين سود ووحده بيضه.. طبكن بالباب..

البيضه جانت اول وحده انتبهت نزل منهه ميمون
والبقيه السود يطلعون ب الخمس زلم واحد بيهم لابس عكال سديت البرده بسرعه بابا واحمد طلعو الهم بالباب علمود يستقبلوهم..

وكفت على السنك متوتره من شيء بكد النهايه! وشلون راح تصفى..

همام مراح يسكت ميمون ماعرفه شنو ماشنو حياتي ويا مجازفه اهل انس بالحالتين اذا عرفو واذا لا راح يشكلون عليه وعلى انس خطر..
..
دخل احمد ووكال كهوه بسرعه حضرت كهوه..
وخليت صحن الحلويات وياهن ووبين ما اجه احمد اخذهن اني جنت مكملتهن..

كتله محتاج شيء بعد

كال لا اخذت انس لان كطع روحه وبرغثهه بالكاع وودخلت لجوه سويتله ممه
..
فاديه

الايام تمر اصعب من قبل وي الحمل ومعاناته الساعات عبالك تركض ركض برمشه عيين لكيت نفسي بالثالث ومقبله على رابع..

رهيب ميخليني اسوي اي شيء كل ما اتحرك ويكلي تتأذين بحيث كاعده وساكته طول اليوم
ووهو مموجود بالدوام فأخابر جمانه التهي وياها شويه مااجيب طاري همام علمود ماتتضايق،،..

اهلي بعد ما خابروني ولااني خابرتهم اصلا ناسين عندهم بنيه اسمهه فاديه بيوم تأخر رهيب لليل وهو ماكو.. جنت متعوده اتعشه ويا بس هو تأخر فعندي بسكت اكلته مابيه حيل انزل ووبطني تأذيني..

وهم علمود اخذ العلاج اكلت،، أيست منه طفيت الاضويه ووبدلت ملابسي بدشداشه وواسعه حيل ارتاح بيهه توني دانام نفتح الباب ووالضوه بنفس الثانيه.

عدلت راسي على المخده كال : مساء الخير

رديت بخمول: مساء النور، تأخرت

: اي جان عدنه لود شغل

جان حيل تعبان وكوه يحجي دخل سبح ووبدل ملابسه انتبهت علي جان جايب علاكه ويا خلاهه على ميز المرايه ريحتهه اكل زرفت خشمي بس مابيه حيل اكوم اشوفهه شنو..

لحد ما هو جرهه يفتح بيهه كال : متعشيه لو لا!

: اي تعشيت انتضرتك تأخرت فاكلت بسكت

:بسكت بربج! دكومي جيبي صينيه وتعالي اكلي وياي

:مابيه اكوم وماشتهي

كام وحجاهه:موبكيفج

طلع من الغرفه جاب صينيه واجه صعد ليمي على الجربايه اول مافتح العلاكه الريحه موعتني..

بعدني نايمه على ضهري وهو مربع كدامي والصينيه فاصله بيناتنه سوالي لفه كلش جبيره وقدمهه الي. ماكدرت ارفضهه من ايده اخذتهه اكل بهدوء واباوع علي شلون ياكل..
..
بعد اضطريت اكوم لان غسلت وواني نزلت الصينيه الغرفه ضلمه وبس ضوه جكارته مبين تلمست مكاني وتمددت تغطت..

اسمع تنهيداته القويه والطويله همست
:ندمان مو!

: على شنو؟

: عليه

: ترا مجنتي اختيار شخصي علمود اندم عليج؟

:ها

: اي بس ممكن اندم على علاقتي وياج لان هذا بأرادتي

: اي واكيد ندمان

: مبين عليه مو

بلعت ريكي : بعدك مناسي!

: ههههههه لج بابا انت اجيتي على اكثر انسان يخزن مواقف حتى لو كلمه متكونه من حرفين اذتني واني بعمر الطفوله مانساها..

: شكد كلبك اسود..
احجي بهمس وواباوع على جكارته الي تنضوي وتجمر اكثر من يسحب نفس قوي منهه...

رهيب : كلبي اسود! لا بس من ما انسى مو معناها ما اسامح

: وشالفايده تسامح والي بداخلك شيء ثاني

: هاي طبيعتي وواني راضي عنهه..

: انت كلتهه طبيعه يعني تكدر تغيرهه

: وليش اغيرهه! حتى اكون مغفل وانسى واعامل بطيبه ووبسمح ووينداس عليه.

:الانسان ممعصوم من الغلط انت الي يدخل حياتك مياخذ راحته يكون مصطنع وياك بس حتى ميضوجك بدون قصد...

طفاهاا.. وهمس بنعس : انت شلج بهالحجي هذا! لتاخفين مراح أذيج تبقين ام ابني ووباجر عكبه يولد المفروض يتربى بعائله متماسكه راح تتعاملين كأي زوجه عاديه بأحترام ووتقدير..

كال هيج ودار وجهه ونام بقيت افكر بكلامه واستوعبته عدل يعني ديكوله حياتنه علمود الطفل وهاهيه..!
..
جمانه

طولو جوه وواني احس ممهتمه لان بنظري معروفه النهايه اهل انس ميقبلون ووميمون يروح بحال سبيله اي بعد اخر تحليلات هذا الي طلع وياي..

صلو ووطلعو بابا بقى كاعد بالاستقبال واجت امي صاحتني كالت ابوج يريدج رحت الهم..

كعدت كدامهم وانس ركض البابا شاله لعب ويا شويه جان اكو من الحلويات كدامي اخذت اكلت بقلاوه توني دابلعهه وكال بابا..

: عمي الولد ميت عليج ورايدج ومستعد يسوي كلشي علمودج..

بلعت ريكي بغصه احس سبحت بخجلي لو مخليني اكمل اللكمه عاد،،،

: حاجيتهم على كلشي بوضوح ووالولد كال اني من باجر رايح الهم واحاجيهم ومن ارجع ثاني يوم نعقد..

امي :وهو هيج واثق يوافقون! عمي ام اسعد تريد الهه حجه حتى تاخذ الولد..

ابوي : بعد علمي علمج هو يحجي بثقه ومبين كد كلامه احنه باجر نتوكل ويم الله،،،

نزلت عيني كلش خايفه احس الخطوه اني كو كدهه،،

لا لا جمانه لتضعفين شنو مو كدهه اذا وافقو اهل اسعد فمابيهه شيء اكمل باقي حياتي وي انسان يفهمني وويدللني وويكونلي ذخر..

اخاف من همام على شنو قسمه وصارت منو هو حتى يوكف بطريقي..

الصبح بابا تريك ووطلع ووالعرفته متفقين هو وميمون ووشيخ عشيرتهم يرحون سوه امي ودعت ابوي وتوصي بي معليك انت خلي ميمون هو يحجي ولتضغط على نفسك لايصير بيك شيء ومنو النه..

ومن هل حجي توه طالع الصبح بعدهه الغيوم متلبده ووالجو كأيب وانس كعد يبجي طلعت.
كعدت بي بباب المطبخ..

دخلت امي وجهه حزين وومهومه كابلتني وكعدت
:الله يقدم الج الي بالخير ووتتهنين انت وهالولد هذا اني راح اصليلج استخاره وادعي الله اذا بي خير الج يبقى واذا مابي بس الاذيه كون منشوف بعد حتى طوله..

ابتسمت : ان شاء الله يوم

دخلنه نمنه خابرنه بابا بليل بس ماخذنه منه لا حق ولا باطل اهلي كلهم متوترين واعاصبهم مشدوده اله اني اخر همي..

خابرتني فاديه وكالت شعجب ماكتيلي على الولد قابل نحسدج..

: ههههههه لاووالله بس خفت تكولين الهمام

: بعدج متعرفيني يعني كلام بي اذيتج وواذيه اخويه ليش اكوله

: ههههه حتزعلين يعني

: يابه زعلت ورضيت وانت متدرين بيه

:ههههههه صحيح ماتدرين شصار

: لا والله اني ما نزل من الغرفه لان حامل ورهيب منعني اضافا اله بس انزل يتعاركن ويايه فمحافضه على نفسي وعلى اخلاقي واعصابي

: هههههه اهم شيء الاخلاق

اجت ببالي روح شكد مشتاقه الهه ياربي بس ماكو اخبارهه كلش مكطوعه،، سديته منهه واني كلش مرتاحه

ثاني يوم الصبح خابرنه بابا كال احنه جايين ووياي الجماعه نخبصنه نحضر غده ماما كالت نسوي دسم..

طبخت برياني وعلي لحم هبر بمركه صفره
وسمچ شوي وتمن احمر وروبه ووخضره والبان
كلشي حضرت ..

ونهد حيلي لحد ما خلصت عفتي امي تكمل اخر لمسات واني دخلت سبحت مليانه ريحه طبخ ومن طلعت جانو توهم جايين

احمد اخذ الاكل ويطب ويطلع يكلي عاشت ايدج بس المنضر كافي
..
رادو جاي ورا الاكل واحمد دخل كال خل جمانه تجيب الجاي وتجي وياههه امهه نصدمت شيريد

احنه جنه لحد الان منعرف شنو النتيجه،،،

لبست صايه بسيطه وذبيت الشال وطبيت بضهري امي حيل مستحيه..

الكاعدين كلهم مبينين ثكال وعدهم هيبه مال شيوخ لابسين دشاديش بيضه وويشماغ احمر الوحيد ميمون بنطرون نيلي ووقميص ابيض رسمي مخلي فوك البنطرون وساعه كلاسك.

جان يمسح بوجهه وايده مبين توه مغسل باوعلي وابتسم نصيت راسي ووزعت الهم الجايات وواديه ترجف اشرلي بابا اكعد بصفه رحت كعدت بصفه..ومدنكه راسي وامي بصفه لازمه ايدي وتطمن بيه

حجه واحد من الشيوخ :يابه نسمع رأي البنيه وونقره الفاتحه ونحدد المهر بالمبلغ الي تطلبه هي... يتبع

🖤🖤🖤🖤🖤
ايزابيل