[Unicode]
ယွီချင့်ဟွမ်သရုပ်ဆောင်ရမည့်အပိုင်းမှာပထမဦးဆုံးမဟုတ်ပေ။
တခြားသူတွေ၏ သရုပ်ဆောင်မှုတွေကိုအချိန်တခုလောက်စောင့်ကြည့်လေ့လာပြီးနောက် သူဟာထောင့်တစ်နေရာသို့သွားပြီးသူ့အလှည့်စောင့်ရင်း စာသားများကိုကျက်မှတ်နေ၏။
ယွီချင့်ဟွမ်မှာရိုက်ကူးရေးအတွင်းအလေ့အကျင့်တခုဖြစ်ထွန်းလာခဲ့သည်။ထိုအရာမှာစာသားများကို နှလုံးသားထဲစွဲနင့်နေသည်အထိမှတ်သားပြီး တချိန်တည်းမှာပဲ သူ့ကိုယ်သူ တဖက်လူရဲ့ စကားအသွားအလာတွေနဲ့ပါ ရင်းနှီးကျွမ်းဝင်လာစေဖို့ပင်။
ထိုမှသာ သူအနေနဲ့ အကောင်းဆုံးတုံ့ပြန်သရုပ်ဖော်မှုကိုဆက်စပ်ရရှိပေမည်။
"ချင့်ဟွမ်, ဒီကိုလာ ဒီကိုလာ ကန်စွန်းဥမီးကင်လေးလာစားလှည့်"
သူစာမျက်နာတစ်ခုပြီးလို့နောက်တစ်မျက်နာလှန်မည်လုပ်စဥ်မှာပဲ ယွီရှင်းသည် လက်ထဲစက္ကူအိတ်တခုကိုင်ရင်း သူ့ထံပြေးချလာသည်။
ထို့နောက် သူကအနူးအိဆုံးတခုကိုရွေးယူလိုက်ပြီး ချင့်ဟွမ်အားကမ်းပေးလိုက်ရင်း အပြုံးတခုဖြင့်
ဆိုလာသည်။
"ဒါလေးချိုတယ် ရှန်ယီလက်ထောက်က မင်းအတွက်ပို့ပေးသွားတာ"
ရှန်ယီဆိုတာ ယွီရှင်းအောက်မှာရှိတဲ့ ပေါ်ပြူလာအဖြစ်ဆုံး B-list Celebrity တယောက်ဖြစ်သည်။
အတိတ်ဘဝတုန်းကယွီရှင်းသည် ထိုသူ့အားရှုတင်နေရာသို့လိုက်ပို့ရင်းလမ်းမှာကားအက်စီးဒန့်ဖြစ်ကာ ပွဲချင်းပြီး ဆုံးသွားခဲ့သည်။
ယွီရှင်းမှာကြင်နာသနားတက်တဲ့နှလုံးသားရှိသည်။
ရှန်ယီမျက်နှာထိခိုက်သွားမှာစိုးရိမ်တာကြောင့် သူသည်တက်နိုင်သမျှ သူ့မျက်နှာကိုကာကွယ်ပေးခဲ့ပြီးရလာဒ်ကတော့ လူတိုင်းနေရာတင်ပွဲချင်းပြီးဆုံးသွားကြပေမယ့်ရှန်ယီတယောက်ကတော့လက်မောင်းတွင် အညိုအမည်းဒဏ်ရာတခုသာရခဲ့သည်။
သို့သော် ရှန်းယီမှာ ယွီရှင်း၏ စျာပနပွဲကိုမေ့လျော့နေခဲ့၏။အဘယ်ကြောင့်ဆိုသော် သူ့ရှူးဂါးဒယ်ဒီကို ခစားနေရလို့ပင်။
ထိုအကြောင်းအရာထုတ်ဖော်ခံလိုက်ရပြီးရှန်ယီမှာ လူတွေလက်ညိုးထိုးဝေဖန်ပြစ်တင်ရှုံ့ချမှုတို့၏ ပစ်မှတ်ဖြစ်ခဲ့ရသော်လည်း ယွီချင့်ဟွမ်မှာသူနဲ့ပတ်သက်လို့ အခဲမကျေမှုတွေ ကျန်ရှိနေတုန်းပင်။
အတိတ်ကိုပြန်မြင်ယောင်သတိရသွားရင်း
အရသာရှိပြီး နူးညံ့မွှေးပျံနေသော ကန်စွန်းဥကင်ကိုတွေ့လိုက်သော် ယွီချင့်ဟွမ်မှာ ချက်ချင်းပဲ စားချင်သောက်ချင်စိတ်တောင်ပျောက်ရှသွားတော့သည်။
သူကကန်စွန်းဥအခွံခွာနေရင်း ယွီရှင်းအားလှမ်းမေးလိုက်သည်။
"သူ ဒီကိုဘာလာလုပ်တာလဲ?"
"ဘာမှထွေထွေထူးထူးမဟုတ်ပါဘူး"
ယွီရှင်းမှာပြုံးရွှင်နေပြီးလက်များကိုဝှေ့ယမ်းလိုက်ကာ
"ဖြတ်သွားဖြတ်လာလမ်းကြုံလို့တဲ့"
ဒါဘယ်လိုဖြစ်နိုင်မှာလဲ!
သူတို့ရှုတင်နေရာက ဝေးလံခေါင်ဖျားတာမှ ငှက်တောင်လာဥမဥတာ... ရှန်ယီကသူပြောသလိုလမ်းကြုံဟန်လွဲရောက်လာတာဘယ်လိုမှမဖြစ်နိုင်ဘူး...
သို့သော် ယွီရှင်းစိတ်အခြေအနေကောင်းနေတာ တွေ့လိုက်ရတော့ ယွီချင့်ဟွမ်မှာ ထိုအရာနဲ့ပတ်သက်လို့အများကြီးမပြောလိုတော့တာကြောင့် ဆက်မေးလိုက်တာက
"သူ မကြာသေးခင်က TV စီးရီးတခုမှာ နေရာရသွားတယ်လို့ကျွန်တော်ကြားမိတယ် ခင်ဗျားသွားမကြည့်ဘူးလား?"
ထိုသို့ကြားလိုက်ရင် ယွီရှင်းမှာခေါင်းများယမ်းခါလိုက်ပြီး သူ့၏ ပြည့်ဖောင်းကားနေသာမျက်နှာတွင် ကျေးဇူးတင်ရှိခြင်းတွေအပြည့်ဖြင့်
"ရှန်းယီက တကယ့်ကိုလူကောင်းလေး..သူကငါ
မကြာသေးခင်မှမင်းကိုလက်လွှဲယူထားတာသိတယ် ဒါကြောင့် ဒီအတောအတွင်းငါ့ကိုမလိုသေးဘူးလို့ပြောတယ် သူ့ကိစ္စတွေအကုန်သူ့ဘာသာကြည့်လုပ်သွားမယ်တဲ့ ငါ့ကိုသာမင်းအပေါ်သေချာအာရုံစိုက်ပေးလိုက်တဲ့လေ...အားလား! ဒီဘဝ ငါ့လက်ထဲမှာ A list ငွေကြယ်ပွင့်တွေမရှိလဲ မင်းတို့ကောင်တွေကို သူငယ်ချင်းတော်ထားရတာနဲ့ကိုတန်နေပါပြီကွာ"
ယွီချင့်ဟွမ်မှာ ထိုစဥ်ခါမှများစွာစိတ်သက်သာရာရသွား၏။ရှန်းယီ ဒီနေ့ဘာလို့ရောက်လာတာလဲဆိုတာသူမသိချင်ပေ။
ယွီရှင်းက အဲ့ဒီသူရဲ့ ရိုက်ကွင်းနေရာကိုလိုက်သွားပြီး အရင်ဘဝတုန်းကလို အကျိုးမဲ့သေဆုံးရတာသာ
မဖြစ်သရွေ့ သူအလွန်ကျေနပ်ပြီ။
ယွီချင့်ဟွမ် တစုံတရာပြောမည် ကြံရွယ်လိုက်စဥ်မှာပဲ နောက်ကနေဝင်တိုက်ခံလိုက်ရပြီး သူ့လက်ထဲရှိဇာတ်ညွှန်းမှာဝှီးခနဲနေအောင်ပျံထွက်သွားပြီး ရိုက်ကူးရေးအဖွဲ့ဝင်တွေအသုံးပြုတဲ့ ဘေစင်ထဲသို့တိုက်ရိုက်ကျသွားတော့သည်။ထိုလူကတမင်တကာရည်ရွယ်လုပ်ဆောင်ထားတဲ့အတိုင်းပင်။
ဆူပွက်နေသောရေမှာ ပါးလွှာသောစာရွက်အားချက်ချင်းစွတ်စိုသွားစေသည်။စက္ကန့်ပိုင်းလေးအတွင်းမှာ ဇာတ်ညွှန်းမှာ လုံးဝကိုအလဟသအသုံးမဝင်တော့ပေ။
"တောင်းပန်ပါတယ်, တောင်းပန်ပါတယ်!"
စက်သမားမှာ ပျာယိပျာယာ ရှေ့တက်လာပြီး နောင်တတရားတွေ မိမိဘာသာပြစ်တင်ကြိမ်းမောင်းလိုမှုတွေ မျက်နှာတွင်အပြည့်အသိပ်ဖြင့်တောင်းပန်လာ၏။
"ကျွန်တော် ခင်ဗျားအတွက် ဇာတ်ညွှန်းနောက်တခုယူပေးမယ် အဆင်ပြေလား?"
ရိုက်ကူးရေးစက်တွေမှာအလွန်လေးလံတဲ့ပုံရပြီး
ထိုသူမှာအားအင်ကုန်ခမ်းနေပြီဖြစ်ကာ ခုလိုဆောင်းတွင်းကာလထဲ နဖူးတွင် ချွေးများဆို့သီနေပြီး စကားပြောရင်းနဲ့ကိုမောဟိုက်နေ၏။
"ရပါတယ်"
ယွီချင့်ဟွမ်မှာ ထိုသူအားပြုံးပြလိုက်ပြီး
"ကိုယ့်ကိစ္စသာ ကိုယ်လုပ်ပါ.. ကျွန်တော် ချင်းယွမ်ဆီကတခုသွားဌားလိုက်မယ်"
"ကျေးဇူးပါ ချင့်ဟွမ်"
ထိုအခါမှ စက်သမားမှာလည်းသက်ပြင်းချနိုင်ပြီး ယွီချင့်ဟွမ်ထံဦးညွှတ်နှုတ်ဆက်ပြီးတာနဲ့သူ့အလုပ်နဲ့သူရှုပ်ယှက်ခတ်ထွက်ခွာသွား၏။
ဇာတ်ညွှန်းဆိုတာ သူတို့အတွက်အလွန်အရေးပါ သည်။အသေးစိတ်မှတ်သားချက်တွေပါယုံသာမက သူ့တို့ကိုယ်ပိုင်နားလည်မှုနဲ့ အဓိပ္ပါယ်ဖွင့်ဆိုချက်တွေပါ မှတ်တမ်းတင်ထား၏။ဒီနေရာမှာ ဒေါသကြီးသူတယောက်သာဆို သူ့မျက်ခွက်ဖြတ်ရိုက်ခံရပြီးဖြစ်နိုင်သည်။
ထိုသို့တွေးမိသည့်အခါ စက်သမားမှာ နောက်လှည့်ပြီးယွီချင့်ဟွမ်ထံအကြည့်တချက်ကြည့်လိုက်ကာ ခုချ်န်ကစ သူ၏ အမာခံဖန်တယောက်ဖြစ်လာဖို့ ဆုံးဖြတ်လိုက်တော့သည်။
"ငါတော့မင်းတကယ်ကြီးဘုရားရှိခိုးကျောင်းသွားပြီးအမွှေးနံ့သာပူဇော်သင့်တယ်ထင်တာပဲ"
စက်သမားလမ်းလျှောက်ထွက်ခွာသွားတာကိုကြည့်နေရင်းယွီရှင်းက ယွီချင့်ဟွမ်အားစကားဆိုလိုက်သည်။
"ပထမ... ကြော်ငြာအလုခံရတယ် အခု... ဇာတ်ညွှန်းပျက်ဆီးသွားရပြန်ပြီ မင်းအခုတလောဘာလို့ဒီလောက်တောင် ကံနိမ့်နေလဲ?"
ယွီချင့်ဟွမ်၏ ဘာမှမဖြစ်သလိုဟန်ပန်ကိုမြင်လိုက်ရရင် ယွီရှင်းမှာ မနေသာတော့ဘဲသူ့အားတွန်းထိုးလိုက်ပြီး
"ကျောက်ချင်းယွမ်ဆီ ဇာတ်ညွှန်းယူဖို့ အခုသွား...
တအောင့်နေမင်းရိုက်ကူးရမယ့်အခန်းလာတော့မှာ"
ယွီချင့်ဟွမ်မှာ ဇာတ်ညွှန်းစာသားအကုန်လုံးကိုစိတ်ထဲစွဲနင့်နေအောင်မှတ်သားထားပြီးဖြစ်သော်လည်း နည်းနည်းလောက်ထပ်ဖတ်လိုက်ရရင်လည်း မဆိုးလှပေ။
ထို့ကြောင့် ယွီရှင်းပြောတာကြားလိုက်သော် သူကခေါင်းညိတ်ပြီးထထွက်သွားဖို့လုပ်လိုက်သည်။
သို့သော် သူ့ခြေထောက်ကြွလိုက်တဲ့အချိန်လေးအတွင်းမှာပဲ တစုံတယောက်မှနောက်ကနေသူ့လက်ကိုဖမ်းဆွဲထားလိုက်၏။
ယွီချင့်ဟွမ် နဝေတိမ်တောင်ဖြင့် လှည့်ကြည့်လိုက်သော်
"ဟော်ချွီ? ဘာဖြစ်လို့လဲ?"
"သူ့ကိုသွားမတွေ့နဲ့"
ဟော်ချွီမှာ နှုတ်ခမ်းများတင်းတင်းစေ့ပိတ်ထားပြီး ယွီချင့်ဟွမ်လက်အား တင်းနေအောင်ဆုပ်ကိုင်ထားကာ ချင့်ဟွမ်အားစူးစိုက်ကြည့်နေသည်။
"လိမ္မာတယ် လွှတ်နော်"
ယွီချင့်ဟွမ်မှာ သူ့လက်ကို ရုန်းဖို့ကြိုးစားလိုက်သည်။
သူတခုခုပြောဖို့လုပ်စဥ်မှာ ဟော်ချွီမှ အမူအရာမဲ့စွာဖြင့်ဆိုလာ၏။
"မင်း သူ့ဆီကဇာတ်ညွှန်းသွားဌားဖို့မလား? ငါ...ငါ မင်းအတွက် နှုတ်တိုက်ရွတ်ပေးနိုင်တယ်"
နှုတ်တိုက်ရွတ်မယ်???
ထို့နောက်တွင် ပါးစပ်ဟောင်းလောင်း မျက်လုံးပြူးမျက်ဆံပြူးဖြစ်နေသည့် ယွီချင့်ဟွမ်ရှေ့တွင်
ဟော်ချွီမှာ ယနေ့ချင့်ဟွမ်ရိုက်ကူးရမယ့်အပိုင်းမှန်သမျှကို နှုတ်တိုက်ရွတ်ဆိုပြလိုက်၏။
စကားလုံးတလုံးတောင်မှ အလွဲအချော်မရှိစေပဲနဲ့ပေါ့...!
ယွီချင့်ဟွမ်မှာ ကြက်သေသေသွားမိရင်း
"မင်းဘယ်တုန်းကငါ့ဇာတ်ညွှန်းကိုဖတ်လိုက်တာလဲ?"
"ဒီမနက်က"
ဟော်ချွီမှာ ရိုးရိုးသားသားအဖြေတခုပေးလိုက်၏။
ယွီချင့်ဟွမ် အမှတ်တမဲ့ဖြစ်နေတာကို အခွင့်ကောင်းယူပြီး ဟော်ချွီမှာ သိုသိုဝှက်ဝှက် တိတ်တိတ်ဆိတ်ဆိတ်နဲ့ သူ့နား တဖြည်းဖြည်းချဥ်းကပ်ရောက်ရှိသွား၏။
ယွီချင့်ဟွမ်အသိစိတ်ပြန်လည်လာသောအခါမှာ သူ့မျက်စိရှေ့တည့်တည်ရောက်နေသော မျက်နှာအနီးကပ်ကြီးကြောင့်လန့်ဖျန့်ထခုန်မိတော့မလို ဖြစ်သွားရသည်။
သူက စောဒကတက်လိုက်၏။
"မင်းဘာလိုငါ့နား အရမ်းကပ်လာရတာလဲ?"
ထိုနောက်တွင်ဆက်မေးလိုက်သည်မှာ
"ဒါဆို မင်းကဒီလောက်အချိန်တိုလေးအတွင်းမှာ ဒါတွေအကုန်အလွတ်မှတ်လိုက်တယ်ပေါ့?"
ဟော်ချွီမှာ ရိုးသားစွာ ခေါင်းညိတ်ပြလိုက်ပြီး
"ဟုတ်တယ်"
တခဏလောက် ရပ်တန့်နေပြီးနောက် သူကထပ်ဖြည့်ပြောလိုက်သည်။
"ဒါကလွယ်ပါတယ်"
ယွီချင့်ဟွမ်, "..."
ကောလိပ်ဝင်ခွင့်စာမေးပွဲတွင် တပြည်လုံး အတိုင်းအတာ ထိပ်ဆုံးရရှိထားသူတယောက်အနေနဲ့ ယွီချင့်ဟွမ်မှာ သူ့မှတ်ဥာဏ်သည် လူအတော်များများ၏ အထက်မှာရှိတယ်လို့ မှတ်ယူထား၏။
အတိတ်ကာလတုန်းက သူ့အတန်းဖော်အတော်များများသူ့အား အားကျဝန်တိုစွာမေးခဲ့ဖူးသည်မှာ သူ့မှာဘာအထူးနည်းလမ်းလေးတွေများရှိနေလဲဆိုတာနဲ့ သူအမြဲလိုပြန်ဖြေတက်သည်မှာ
"ဘာအထူးစပယ်ရှယ်နည်းလမ်းမှမရှိဘူး ငါကဖတ်ပြီးတာနဲ့သူ့အလိုလိုတန်းမှတ်မိပြီးသားဖြစ်နေတာ"...လို့ပင်။
ထို့နောက်တွင် ထိုအတန်းဖော်တွေအားလုံးမှာ သူတို့ခေါင်းနဲ့ချင့်ဟွမ်ခေါင်းလဲထားလိုက်ချင်တယ်ဆိုပြီးငြီးငြီးငြူငြူ ဆန္ဒတွေပြုကုန်ကြ၏။
ခုတော့ အတုံ့အလှည့်အချိန်ရောက်လို့လာခဲ့ပြီဖြစ်သည်။
ခုချိန်မှာတော့ ထိုနှစ်တွေအတွင်းသူ့အတန်းဖော်တွေရဲ့ခံစားချက်ကို သူနားလည်သဘောပေါက်သွားချေပြီ။
ဟော်ချွီ၏ ရှုပ်ထွေးနေသည့်ဟန်ပန်ကိုတိတ်တဆိတ်တချက်ကြည့်လိုက်ပြီးနောက် ယွီချင့်ဟွမ်မှာ သူ့အားဘေးသို့ဆွဲခေါ်သွားကာ ခပ်အုပ်အုပ်ကျိတ်ရယ်လိုက်ပြီးပြောလိုက်သည်။
"ကောင်းပြီ ဒါဖြင့် မင်းငါ့အတွက် ဒါကိုတခေါက်ထပ်ရွတ်ပေး နှေးနှေးနော်"
ဟော်ချွီမှာ ချင့်ဟွမ်သူ့အားစနောက်နေတယ်ဆိုတာမရိပ်မိပေ။
ထိုကြောင့်သူကနောက်တခါ အစဆုံးထပ်မံရွတ်ဆိုပြလိုက်၏။
ပြီးဆုံးသွားသည့်အခါ သူကခေါင်းလေးစောင်းငဲ့လို့ ချင့်ဟွမ်အား မျက်ဝန်းတောက်တောက်လေးတွေဖြင့်စိုက်ကြည့်နေသည်။
"ချင့်ဟွမ် ငါနောက်တခေါက်ထပ်ရွတ်ပြရဦးမလား?"
ဒီခံစားချက်မျိုးကိုသူနှစ်သက်တယ်.. ဒီလိုမျိုး...ချင့်ဟွမ်ကသူ့ကိုလိုအပ်တယ်ဆိုတာပေါ့..အချိန်ကာလတွေအကုန်ဒီအခိုက်အတန့်လေးမှာပဲ ရပ်တန့်သွားဖို့သူဘယ်လိုတောင်ဆုတောင်းနေမိလဲ...သူသည်
မကောင်းဆိုးရွားတကောင်မဟုတ်သလို အသုံးမကျတဲ့သူတယောက်လဲဖြစ်မနေခဲ့....ချင့်ဟွမ်ကိုလဲ အနည်းငယ် အထောက်အကူပြုပေးနိုင်တယ်..
"မလိုတော့ဘူး"
ဟော်ချွီရဲ့ရိုးသားအပြစ်ကင်းစင်သောမျက်လုံးတွေမှာ ယွီချင့်ဟွမ်အားအပြစ်ရှိသလို အင်မတန်ခံစားလာမိစေ၏။
သူကမနေသာတော့ပဲလက်များကိုဆန့်ထုတ်လိုက်ပြီးသူ့ဆံနွယ်လေးတွေကို ခပ်ဖွဖွပွတ်သပ်လိုက်ကာ
"မင်းတော်တယ် မင်းကျေးဇူးနဲ့ငါဒါတွေမှတ်နိုင်သွားပြီလေ"
"တကယ်?"
ဟော်ချွီမှာ မျက်ဝန်းများပြူးကျယ်လာပြီးယွီချင့်ဟွမ်ထံ ပျော်ရွှင်စွာတိုးကပ်သွားပြီးမေးလိုက်၏။
"ငါတကယ်ပဲမင်းကိုကူညီခဲ့တာလား? တကယ်ပေါ့?"
"ဒါပေါ့"
ယွီချင့်ဟွမ်မှာခေါင်းမော့လို့သူ့အား ကြည့်ရင်း ပြုံးလိုက်၏။
"မင်းကအတော်လေးအထင်ကြီးစရာကောင်းတယ်"
ထို့နောက်တွင်သူဟာဟော်ချွီမျက်နှာပေါ်တွင်အပြုံးပန်းတခုပွင့်ဖူးဖြာဝေလာတာကိုတွေ့လိုက်ရပြီး ထိုအရာမှာ ဆောင်းရာသီနေမင်းကိုတောင် တိမ်မြှပ်ပျောက်ကွယ်သွားစေနိုင်သည်အထိပင်။
ယွီချင့်ဟွမ်မှာတမနက်ခင်းလုံးစောင့်ဆိုင်းနေသော်လည်း လျိုကျားအန့်မှာသူ့အားမခေါ်သေးပေ။
အဘယ်ကြောင့်ဆိုသော် ဖန်ကျုံးရှီးမှာ NG ဆင်းစ်တွေချည်းဖြစ်နေလို့ပင်။ သူက ထိုတခုကို မဖြတ်ကျော်နိုင်သေးပေ။
"ထားလိုက်တော့ ခဏအနားယူလိုက် နေ့လည်လောက်မှပြန်ရိုက်ကြတာပေါ့"
နောက်ဆုံးတွင် လျိုကျားအန့်မှာ သူ့အားဆူပူကြိမ်းမောင်းလိုစိတ်တောင်မရှိတော့ပဲ မော်နီတာဖန်သားပြင်ကိုသာပိတ်လိုက်၏။
အမှန်တော့ ဖန်ကျုံးရှီး၏ သရုပ်ဆောင်မှုမှာမညံ့ပေ။ပြီးရင်သူကအလွန်တရာလဲကြိုးစား၏။လျိုကျားအန့်မှာ သူ့အားအတော်အတန်လေးသဘောကျ၏။
သို့သော် ယနေ့မှာတော့သူကစိတ်နဲ့ကိုယ်မကပ်သလို စာသားတွေမေ့ရင်မေ့ မဟုတ်ရင် မုဒ်လွဲနေ၏။
ရိုက်ကူးရေးမှာအချိန်ဇယားတွေကျပ်ညပ်နေပေမယ့် လျိုကျားအန့်မှာ ပြီးပြည့်စုံမှုလိုလားသူတယောက်ဖြစ်နေသည်။
သရုပ်ဆောင်မှုမှာသူလိုချင်တဲ့အတိုင်းမဖြစ်သေးသရွေ့ သူကလက်လျော့မှာမဟုတ်ပေ။
"တောင်းပန်ပါတယ် ဒါရိုက်တာ ဒုက္ခပေးမိပြီ"
ဖန်ကျုံးရှီးမှာ မနားတမ်းတောင်းပန်နေပြီးကတိကဝတ်ပြုလိုက်၏။
"စိတ်ချပါ နေ့လည်ကျရင် ကျွန်တော်မှန်မှန်ကန်ကန်ဖြစ်စေရပါမယ်"
လျိုကျားအန့်မှာ ဘာတခွန်းမှမပြောဘဲခေါင်းသာအသာညိတ်ပြလိုက်၏။
ထိုအရာကိုတွေ့လိုက်ရင် ဖန်ကျုံးရှီးမှာ များစွာစိတ်လက်မအေးဖြစ်သွားပြီးနောက်ထပ်စကားမဆိုဝံ့တော့ပေ။ထို့နောက်တွင် သူသည် စိတ်မကြည်မလင်ဖြင့်ထွက်ခွာသွားတော့သည်။
"ကျုံးရှီး ကိစ္စမရှိပါဘူးကွာ ဒါလေးက Chicly ရဲ့ Spokesman သာသာပဲဟာကို"
ဖန်ကျုံးရှီး၏ မှောင်မိုက်နေသောမျက်နှာကိုတွေ့မြင်လိုက်ရရင် သူ့လက်ထောက်မှာ နှစ်သိမ့်ဖို့ကြိုးပမ်းလိုက်၏။
"အခွင့်အရေးတွေအများကြီးကျန်ပါသေးတယ်"
"တော်တော့! မင်းကအမြဲဒီလိုပြောနေတာပဲ!"
ဖန်ကျုံးရှီးမှာ သူ့မျက်နှာအား ခါးခါးသီးသီးနဲ့ ဖုံးအုပ်ကွယ်လိုက်ပြီး
"ငါမငယ်တော့ဘူး ငါ့မျက်နှာပေါ်ပဲဆက်မှီခိုနေရရင်တခြားသူမပြောနဲ့ ငါ့ကိုယ်ငါတောင်အရှက်ရလာပြီ...Chicly ရဲ့ Spokesman အတွက် ငါလုပ်ဆောင်ထားရတာတွေမနည်းမနောပဲ... ခုတော့ တခြားတယောက်ကဖြတ်လုသွားပြီ!"
သူ့စိတ်အခြေအနေမကောင်းတာတွေ့လိုက်ရသောလက်ထောက်မှာသူ့ဒေါသအားဆွလာစေမည့် စကားတွေထပ်မဆိုရဲတော့ပေ။ထို့ကြောင့်သူကစကားလမ်းကြောင်းလွှဲရန်ကြိုးပမ်းလိုက်၏။
"ဒါပေမယ့် မင်းပြောင်းလဲဖို့ကြိုးစားနေတယ်လေ
'The Line of Life & Death' မှာ နေရာတနေရာရလာတာကအကောင်းဆုံးသက်သေပဲ... လျိုကျားအန့်မင်းကိုရွေးလိုက်တယ်ဆိုကတည်းကမင်းမှာတန်ဖိုးတခုရှိနေလို့ပဲ..အရမ်းလျှောက်မတွေးနဲ့ ကြိုးစားမှုတိုင်းအတွက်ဆုလာဒ်ဆိုတာရှိပါတယ်"
အကြာကြီးတိတ်ဆိတ်ငြိမ်သက်နေပြီးနောက် ဖန်ကျုံးရှီးမှာသက်ပြင်းတချက်ချလိုက်ပြီးဆိုလာသည်။
"ငါ အရင်ကလမ်းမှားတွေလျှောက်ဖူးပြီ.. ဘယ်သူမှငါ့ကြိုးစားအားထုတ်မှုတွေ မတွေ့မြင်ခဲ့ဘူး"
တခဏလောက်နားနေပြီးသူက သူ့လက်ထောက်ဆီ အကြည့်လွှဲလိုက်ကာ
"မင်း ငါ့အတွက် Ada အကြောင်းသွားစုံစမ်းပေး
သူတို့တလောကမှ သူတို့နာရီအတွက် Spokemans ရွေးနေတယ်"
"ကျုံးရှီး!"
သူ့လက်ထောက်မှာ အထိတ်တလန့်ဖြင့်မျက်လုံးများပြူးကျယ်လာ၏။
"ဒါက A-D-A နော်! ဒီလောက် တန်ဖိုးကြီးဘရန်းတခုက မင်းကိုလိုချင်..."
ဖန်ကျူံးရှီး၏ မထီမဲ့မြင်အကြည့်တွေကိုတွေ့လိုက်သောအခါမှ နောက်ဆက်တွဲစကားလုံးတွေကိုအချိန်မီမြိုချလိုက်ရ၏။
"ဟုတ်တာပေါ့ သူတို့ကငါ့လို C-list Celebrity တစ်ယောက်ကိုဘယ်လိုချင်ပါ့မလဲ?"
ဖန်ကျုံးရှီးမှ ခပ်ထေ့ထေ့သရော်လိုက်ပြီး
"ဒါမင်းဆိုလိုချင်တာမလား?"
သူ့လက်ထောက်ကတောင်ပြန်မဖြေရသေး သူဆက်ပြောလိုက်သည်မှာ
"ဒါကအရေးပါလို့လား?ဘာပဲပြောပြော သူတို့လိုချင်တာ သူတို့နာရီအတွက် Spokesmanပဲလေ"
ထို့နောက်တွင် ဖန်ကျုံးရှီးမှာ ခေါင်းကိုငုံ့ လေသံကိုတိုးလိုက်ပြီး
"ငါကြားတာကသူတို့ဒီဇိုင်းဒါရိုက်တာကယောကျာ်းစိတ်ဝင်စားတယ်ဆိုပဲ...."
"မင်းရူးနေလား?"
သူ့လက်ထောက်မှာ ဖန်ကျုံးရှီး ခုလောက်နိမ့်ကျသွားလိမ့်မယ်မထင်မှတ်ထားပေ။သူက သဘောမတူကန့်ကွက်လိုက်ပြီး
"ကျုံးရှီး ဒါလေးကကြော်ငြာလေးတခုရယ်ပါကွာ"
"ဟုတ်တယ် ကြော်ငြာလေးတခုပဲ"
ဖန်းကျုံးရှီးမှာ သူ့ဘာသာတဦးတည်းရေရွတ်နေ၏။
"ဒါမဲ့ငါမရနိုင်ဘူးဖြစ်နေတယ်... ငါဘာလုပ်သင့်လဲ?"
သူ့အသံမှာတိုးတိတ်နေသော်လည်း စိတ်ပျက်အားလျော့မှုနဲ့ အမှောင်ထုလွှမ်းခြုံလို့နေသည်။
သူ့အားအတော်ကြာကြာလေး စိုက်ကြည့်နေပြီးမှ သူ့လက်ထောက်ကအကြည့်လွှဲသွား၏။
"ငါသိပြီ ငါဒါကိုလုပ်ပေးမယ်"
ရိုက်ကွင်းမှာတော့ ယွီချင့်ဟွမ်မှာ ထိုင်ချပြီးအစားလေးနည်းနည်းစားမယ်လုပ်ရုံရှိသေး ယွီရှင်းသယ်ဆောင်လာတဲ့သတင်းကြောင့် ကြက်သေ,သေလို့သွားကာ သူ့နေလည်စာထမင်းဘူးတောင်မှောက်ကျတော့မလိုဖြစ်သွားရ၏။
လက်မြန်ခြေမြန်ရှိသည့်ဟော်ချွီကြောင့်သာမဟုတ်ရင် သူ့နေ့လည်စာလေးမှာ ရေစုံမြောရတော့မှာပင်။
"ဘာ? Ada က သူ့ကို Spokesman အဖြစ်လိုချင်တယ်ဆိုတာဘယ်လိုဖြစ်နိုင်မှာလဲ?"
ထိုအရာက ယွီချင့်ဟွမ်အား ရူးသွပ်သွားစေလုနီးပါးပင်။သူသည် ယွီရှင်းနဲ့ထပ်ခါထပ်ခါ အတည်ပြုဖို့ကြိုးစားရင်း
"ကော မှားတာများလား? ဒါဘယ်လိုဖြစ်နိုင်မှာလဲ? ကျွန်တော် Chicly ကလူရွေးပွဲတောင်ကျလာတာလေ"
"ငါမင်းကိုပြောသားပဲ ဒါဘာလို့ဆို Chicly က အမြင်မရှိလို့"
ယွီရှင်းမှာ ကောင်းကင်ပေါ်ပျံတက်သွားတော့မလို ခံစားနေရပြီး
"မြန်မြန်စား... ပြီးရင် ငါတို့သူတို့ရဲ့ဒီဇိုင်းဒါရိုက်တာကိုသွားတွေ့ကြမယ်...ဒါသိပ်မကြာပါဘူး အလွန်ဆုံးမှလေးနာရီလောက်ပဲ ဘာပဲပြောပြောမင်းဒီနေ့ရိုက်ကူးရမယ့်အပိုင်းကလဲနောက်ဆုံးမှလာမှာလေ စိုးရိမ်မနေနဲ့ "
"ဟင့်အင်း! တကယ်လို့ဒီမှာအကုန်ချောချောမွေ့မွေ့ဖြစ်သွားပြီး သိပ်မကြာခင်ကျွန်တော့်အပိုင်းရောက်တော့မယ်ဆိုရင်ကော? ကျွန်တော့်အလှည့်ကိုစောင့်ရမယ်"
ယွီချင့်ဟွမ်မှာသဘောတူဖို့ ငြင်းဆန်လိုက်၏။
တကယ်ကြီးလား? နောက်ဆုံးမှာသူ့ရဲကြက်သီးထခြောက်ခြားစရာကောင်းလှတဲ့ကံကောင်းမှုကြီးကပျောက်ကွယ်တော့မယ်အရိပ်အရောင်တွေပြနေခါမှ သူကဘာလို့ဆက်ထိန်းသိမ်းထားဖို့ကြိုးစားရမလဲ? သူထိုလူရွေးပွဲကိုငြင်းဆန်ဖို့နည်းလမ်းတခုရှာကိုရှာရမယ်...
ယွီချင့်ဟွမ်တွေးတောနေစဥ်မှာပဲ လျိုကျားအန့်၏ ရွှင်မြူးနေသောရယ်သံမှာနောက်နားကနေ ထွက်ပေါ်လာ၏။
"ချင့်ဟွမ် သွားလိုက်ပါ ရတယ် ငါ့မှာရိုက်စရာဆင်းစ်တွေအများကြီးရှိသေးတယ်..ဒါမို့မင်းကိုတနေ့လည်ခင်းလုံးမလိုသေးဘူး.. ၇ နာရီမထိုးခင်သာ ပြန်လာနိုင်အောင်လုပ်"
ယွီချင့်ဟွမ်မှာ စိတ်မပါလက်မပါလှည့်ကြည့်လိုက်သော် လျိုကျားအန့်နှင့်ကျန်းချီမှာ နှုတ်ခမ်းတွင်စီးကရက်ခဲ သူ့ဘက်သို့လျှောက်လာရင်း စကားဆိုနေတာ မြင်လိုက်ရ၏။
"ငါ ချင့်ဟွမ်ရဲ့ စိတ်နေစိတ်ထားကိုသဘောကျတယ်...စိတ်ရင်းမှန် တာဝန်ယူစိတ်ရှိပြီး ရိုးသားဖြောင့်မတ်တယ်"
"ဟုတ်တယ် ချင့်ဟွမ်ရဲ့ကိုယ်ရည်ကိုယ်သွေးက
တကယ့်ထိပ်တန်းအဆင့်ပဲ"
ယွီချင့်ဟွမ်, "...."
မဟုတ်သေးဘူးလေ! တကယ်က သူလူရွေးပွဲမသွားချင်တာ!
သို့သော်လည်း တခုတည်းသောအကြောင်းပြချက်လေးပျက်ပြားသွားပြီဖြစ်တာကြောင့် ယွီချင့်ဟွမ်မှာ ရှောင်တိမ်းမရတော့ပဲ ယွီရှင်းနောက်သို့ လိုက်ပါသွားရတော့သည်။
~~~~~~~~~~~~~~
T/N >>> အားလုံးမျှော်နေကြတာသိပါတယ် T-T
ဒါပေမဲ့ ကိုယ်တိုင်လဲ ကိုဗစ်ပျောက်ခါစအားယူနေရတဲ့အချိန်ဖြစ်တဲ့အပြင် နေမကောင်းဖြစ်နေတဲ့မိသားစုတွေကိုပါပြုစုပေးနေရလို့ပါ
အခုတပိုင်းက ပုံမှန်ထက်၂ဆလောက်ပိုရှည်နေလို့ခွဲပြန်လိုက်ပါတယ်
အားလုံးပဲဂရုစိုက်ကြပါ♡
☆☆☆☆☆☆☆
[Zawgyi]
ယြီခ်င့္ဟြမ္သ႐ုပ္ေဆာင္ရမည့္အပိုင္းမွာပထမဦးဆုံးမဟုတ္ေပ။
တျခားသူေတြ၏ သ႐ုပ္ေဆာင္မႈေတြကိုအခ်ိန္တခုေလာက္ေစာင့္ၾကည့္ေလ့လာၿပီးေနာက္ သူဟာေထာင့္တစ္ေနရာသို႔သြားၿပီးသူ႔အလွည့္ေစာင့္ရင္း စာသားမ်ားကိုက်က္မွတ္ေန၏။
ယြီခ်င့္ဟြမ္မွာ႐ိုက္ကူးေရးအတြင္းအေလ့အက်င့္တခုျဖစ္ထြန္းလာခဲ့သည္။ထိုအရာမွာစာသားမ်ားကို ႏွလုံးသားထဲစြဲနင့္ေနသည္အထိမွတ္သားၿပီး တခ်ိန္တည္းမွာပဲ သူ႔ကိုယ္သူ တဖက္လူရဲ႕ စကားအသြားအလာေတြနဲ႔ပါ ရင္းႏွီးကြၽမ္းဝင္လာေစဖို႔ပင္။
ထိုမွသာ သူအေနနဲ႔ အေကာင္းဆုံးတုံ႔ျပန္သ႐ုပ္ေဖာ္မႈကိုဆက္စပ္ရရွိေပမည္။
"ခ်င့္ဟြမ္, ဒီကိုလာ ဒီကိုလာ ကန္စြန္းဥမီးကင္ေလးလာစားလွည့္"
သူစာမ်က္နာတစ္ခုၿပီးလို႔ေနာက္တစ္မ်က္နာလွန္မည္လုပ္စဥ္မွာပဲ ယြီရွင္းသည္ လက္ထဲစကၠဴအိတ္တခုကိုင္ရင္း သူ႔ထံေျပးခ်လာသည္။
ထို႔ေနာက္ သူကအႏူးအိဆုံးတခုကိုေ႐ြးယူလိုက္ၿပီး ခ်င့္ဟြမ္အားကမ္းေပးလိုက္ရင္း အၿပဳံးတခုျဖင့္
ဆိုလာသည္။
"ဒါေလးခ်ိဳတယ္ ရွန္ယီလက္ေထာက္က မင္းအတြက္ပို႔ေပးသြားတာ"
ရွန္ယီဆိုတာ ယြီရွင္းေအာက္မွာရွိတဲ့ ေပၚျပဴလာအျဖစ္ဆုံး B-list Celebrity တေယာက္ျဖစ္သည္။
အတိတ္ဘဝတုန္းကယြီရွင္းသည္ ထိုသူ႔အားရႈတင္ေနရာသို႔လိုက္ပို႔ရင္းလမ္းမွာကားအက္စီးဒန္႔ျဖစ္ကာ ပြဲခ်င္းၿပီး ဆုံးသြားခဲ့သည္။
ယြီရွင္းမွာၾကင္နာသနားတက္တဲ့ႏွလုံးသားရွိသည္။
ရွန္ယီမ်က္ႏွာထိခိုက္သြားမွာစိုးရိမ္တာေၾကာင့္ သူသည္တက္ႏိုင္သမွ် သူ႔မ်က္ႏွာကိုကာကြယ္ေပးခဲ့ၿပီးရလာဒ္ကေတာ့ လူတိုင္းေနရာတင္ပြဲခ်င္းၿပီးဆုံးသြားၾကေပမယ့္ရွန္ယီတေယာက္ကေတာ့လက္ေမာင္းတြင္ အညိဳအမည္းဒဏ္ရာတခုသာရခဲ့သည္။
သို႔ေသာ္ ရွန္းယီမွာ ယြီရွင္း၏ ဈာပနပြဲကိုေမ့ေလ်ာ့ေနခဲ့၏။အဘယ္ေၾကာင့္ဆိုေသာ္ သူ႔ရႉးဂါးဒယ္ဒီကို ခစားေနရလို႔ပင္။
ထိုအေၾကာင္းအရာထုတ္ေဖာ္ခံလိုက္ရၿပီးရွန္ယီမွာ လူေတြလက္ညိဳးထိုးေဝဖန္ျပစ္တင္ရႈံ႕ခ်မႈတို႔၏ ပစ္မွတ္ျဖစ္ခဲ့ရေသာ္လည္း ယြီခ်င့္ဟြမ္မွာသူနဲ႔ပတ္သက္လို႔ အခဲမေက်မႈေတြ က်န္ရွိေနတုန္းပင္။
အတိတ္ကိုျပန္ျမင္ေယာင္သတိရသြားရင္း
အရသာရွိၿပီး ႏူးညံ့ေမႊးပ်ံေနေသာ ကန္စြန္းဥကင္ကိုေတြ႕လိုက္ေသာ္ ယြီခ်င့္ဟြမ္မွာ ခ်က္ခ်င္းပဲ စားခ်င္ေသာက္ခ်င္စိတ္ေတာင္ေပ်ာက္ရွသြားေတာ့သည္။
သူကကန္စြန္းဥအခြံခြာေနရင္း ယြီရွင္းအားလွမ္းေမးလိုက္သည္။
"သူ ဒီကိုဘာလာလုပ္တာလဲ?"
"ဘာမွေထြေထြထူးထူးမဟုတ္ပါဘူး"
ယြီရွင္းမွာၿပဳံး႐ႊင္ေနၿပီးလက္မ်ားကိုေဝွ႔ယမ္းလိုက္ကာ
"ျဖတ္သြားျဖတ္လာလမ္းႀကဳံလို႔တဲ့"
ဒါဘယ္လိုျဖစ္ႏိုင္မွာလဲ!
သူတို႔ရႈတင္ေနရာက ေဝးလံေခါင္ဖ်ားတာမွ ငွက္ေတာင္လာဥမဥတာ... ရွန္ယီကသူေျပာသလိုလမ္းႀကဳံဟန္လြဲေရာက္လာတာဘယ္လိုမွမျဖစ္ႏိုင္ဘူး...
သို႔ေသာ္ ယြီရွင္းစိတ္အေျခအေနေကာင္းေနတာ ေတြ႕လိုက္ရေတာ့ ယြီခ်င့္ဟြမ္မွာ ထိုအရာနဲ႔ပတ္သက္လို႔အမ်ားႀကီးမေျပာလိုေတာ့တာေၾကာင့္ ဆက္ေမးလိုက္တာက
"သူ မၾကာေသးခင္က TV စီးရီးတခုမွာ ေနရာရသြားတယ္လို႔ကြၽန္ေတာ္ၾကားမိတယ္ ခင္ဗ်ားသြားမၾကည့္ဘူးလား?"
ထိုသို႔ၾကားလိုက္ရင္ ယြီရွင္းမွာေခါင္းမ်ားယမ္းခါလိုက္ၿပီး သူ႔၏ ျပည့္ေဖာင္းကားေနသာမ်က္ႏွာတြင္ ေက်းဇူးတင္ရွိျခင္းေတြအျပည့္ျဖင့္
"ရွန္းယီက တကယ့္ကိုလူေကာင္းေလး..သူကငါ
မၾကာေသးခင္မွမင္းကိုလက္လႊဲယူထားတာသိတယ္ ဒါေၾကာင့္ ဒီအေတာအတြင္းငါ့ကိုမလိုေသးဘူးလို႔ေျပာတယ္ သူ႔ကိစၥေတြအကုန္သူ႔ဘာသာၾကည့္လုပ္သြားမယ္တဲ့ ငါ့ကိုသာမင္းအေပၚေသခ်ာအာ႐ုံစိုက္ေပးလိုက္တဲ့ေလ...အားလား! ဒီဘဝ ငါ့လက္ထဲမွာ A list ေငြၾကယ္ပြင့္ေတြမရွိလဲ မင္းတို႔ေကာင္ေတြကို သူငယ္ခ်င္းေတာ္ထားရတာနဲ႔ကိုတန္ေနပါၿပီကြာ"
ယြီခ်င့္ဟြမ္မွာ ထိုစဥ္ခါမွမ်ားစြာစိတ္သက္သာရာရသြား၏။ရွန္းယီ ဒီေန႔ဘာလို႔ေရာက္လာတာလဲဆိုတာသူမသိခ်င္ေပ။
ယြီရွင္းက အဲ့ဒီသူရဲ႕ ႐ိုက္ကြင္းေနရာကိုလိုက္သြားၿပီး အရင္ဘဝတုန္းကလို အက်ိဳးမဲ့ေသဆုံးရတာသာ
မျဖစ္သေ႐ြ႕ သူအလြန္ေက်နပ္ၿပီ။
ယြီခ်င့္ဟြမ္ တစုံတရာေျပာမည္ ႀကံ႐ြယ္လိုက္စဥ္မွာပဲ ေနာက္ကေနဝင္တိုက္ခံလိုက္ရၿပီး သူ႔လက္ထဲရွိဇာတ္ၫႊန္းမွာဝွီးခနဲေနေအာင္ပ်ံထြက္သြားၿပီး ႐ိုက္ကူးေရးအဖြဲ႕ဝင္ေတြအသုံးျပဳတဲ့ ေဘစင္ထဲသို႔တိုက္႐ိုက္က်သြားေတာ့သည္။ထိုလူကတမင္တကာရည္႐ြယ္လုပ္ေဆာင္ထားတဲ့အတိုင္းပင္။
ဆူပြက္ေနေသာေရမွာ ပါးလႊာေသာစာ႐ြက္အားခ်က္ခ်င္းစြတ္စိုသြားေစသည္။စကၠန္႔ပိုင္းေလးအတြင္းမွာ ဇာတ္ၫႊန္းမွာ လုံးဝကိုအလဟသအသုံးမဝင္ေတာ့ေပ။
"ေတာင္းပန္ပါတယ္, ေတာင္းပန္ပါတယ္!"
စက္သမားမွာ ပ်ာယိပ်ာယာ ေရွ႕တက္လာၿပီး ေနာင္တတရားေတြ မိမိဘာသာျပစ္တင္ႀကိမ္းေမာင္းလိုမႈေတြ မ်က္ႏွာတြင္အျပည့္အသိပ္ျဖင့္ေတာင္းပန္လာ၏။
"ကြၽန္ေတာ္ ခင္ဗ်ားအတြက္ ဇာတ္ၫႊန္းေနာက္တခုယူေပးမယ္ အဆင္ေျပလား?"
႐ိုက္ကူးေရးစက္ေတြမွာအလြန္ေလးလံတဲ့ပုံရၿပီး
ထိုသူမွာအားအင္ကုန္ခမ္းေနၿပီျဖစ္ကာ ခုလိုေဆာင္းတြင္းကာလထဲ နဖူးတြင္ ေခြၽးမ်ားဆို႔သီေနၿပီး စကားေျပာရင္းနဲ႔ကိုေမာဟိုက္ေန၏။
"ရပါတယ္"
ယြီခ်င့္ဟြမ္မွာ ထိုသူအားၿပဳံးျပလိုက္ၿပီး
"ကိုယ့္ကိစၥသာ ကိုယ္လုပ္ပါ.. ကြၽန္ေတာ္ ခ်င္းယြမ္ဆီကတခုသြားဌားလိုက္မယ္"
"ေက်းဇူးပါ ခ်င့္ဟြမ္"
ထိုအခါမွ စက္သမားမွာလည္းသက္ျပင္းခ်ႏိုင္ၿပီး ယြီခ်င့္ဟြမ္ထံဦးၫႊတ္ႏႈတ္ဆက္ၿပီးတာနဲ႔သူ႔အလုပ္နဲ႔သူရႈပ္ယွက္ခတ္ထြက္ခြာသြား၏။
ဇာတ္ၫႊန္းဆိုတာ သူတို႔အတြက္အလြန္အေရးပါ သည္။အေသးစိတ္မွတ္သားခ်က္ေတြပါယုံသာမက သူ႔တို႔ကိုယ္ပိုင္နားလည္မႈနဲ႔ အဓိပၸါယ္ဖြင့္ဆိုခ်က္ေတြပါ မွတ္တမ္းတင္ထား၏။ဒီေနရာမွာ ေဒါသႀကီးသူတေယာက္သာဆို သူ႔မ်က္ခြက္ျဖတ္႐ိုက္ခံရၿပီးျဖစ္ႏိုင္သည္။
ထိုသို႔ေတြးမိသည့္အခါ စက္သမားမွာ ေနာက္လွည့္ၿပီးယြီခ်င့္ဟြမ္ထံအၾကည့္တခ်က္ၾကည့္လိုက္ကာ ခုခ်္န္ကစ သူ၏ အမာခံဖန္တေယာက္ျဖစ္လာဖို႔ ဆုံးျဖတ္လိုက္ေတာ့သည္။
"ငါေတာ့မင္းတကယ္ႀကီးဘုရားရွိခိုးေက်ာင္းသြားၿပီးအေမႊးနံ႔သာပူေဇာ္သင့္တယ္ထင္တာပဲ"
စက္သမားလမ္းေလွ်ာက္ထြက္ခြာသြားတာကိုၾကည့္ေနရင္းယြီရွင္းက ယြီခ်င့္ဟြမ္အားစကားဆိုလိုက္သည္။
"ပထမ... ေၾကာ္ျငာအလုခံရတယ္ အခု... ဇာတ္ၫႊန္းပ်က္ဆီးသြားရျပန္ၿပီ မင္းအခုတေလာဘာလို႔ဒီေလာက္ေတာင္ ကံနိမ့္ေနလဲ?"
ယြီခ်င့္ဟြမ္၏ ဘာမွမျဖစ္သလိုဟန္ပန္ကိုျမင္လိုက္ရရင္ ယြီရွင္းမွာ မေနသာေတာ့ဘဲသူ႔အားတြန္းထိုးလိုက္ၿပီး
"ေက်ာက္ခ်င္းယြမ္ဆီ ဇာတ္ၫႊန္းယူဖို႔ အခုသြား...
တေအာင့္ေနမင္း႐ိုက္ကူးရမယ့္အခန္းလာေတာ့မွာ"
ယြီခ်င့္ဟြမ္မွာ ဇာတ္ၫႊန္းစာသားအကုန္လုံးကိုစိတ္ထဲစြဲနင့္ေနေအာင္မွတ္သားထားၿပီးျဖစ္ေသာ္လည္း နည္းနည္းေလာက္ထပ္ဖတ္လိုက္ရရင္လည္း မဆိုးလွေပ။
ထို႔ေၾကာင့္ ယြီရွင္းေျပာတာၾကားလိုက္ေသာ္ သူကေခါင္းညိတ္ၿပီးထထြက္သြားဖို႔လုပ္လိုက္သည္။
သို႔ေသာ္ သူ႔ေျခေထာက္ႂကြလိုက္တဲ့အခ်ိန္ေလးအတြင္းမွာပဲ တစုံတေယာက္မွေနာက္ကေနသူ႔လက္ကိုဖမ္းဆြဲထားလိုက္၏။
ယြီခ်င့္ဟြမ္ နေဝတိမ္ေတာင္ျဖင့္ လွည့္ၾကည့္လိုက္ေသာ္
"ေဟာ္ခြၽီ? ဘာျဖစ္လို႔လဲ?"
"သူ႔ကိုသြားမေတြ႕နဲ႔"
ေဟာ္ခြၽီမွာ ႏႈတ္ခမ္းမ်ားတင္းတင္းေစ့ပိတ္ထားၿပီး ယြီခ်င့္ဟြမ္လက္အား တင္းေနေအာင္ဆုပ္ကိုင္ထားကာ ခ်င့္ဟြမ္အားစူးစိုက္ၾကည့္ေနသည္။
"လိမၼာတယ္ လႊတ္ေနာ္"
ယြီခ်င့္ဟြမ္မွာ သူ႔လက္ကို ႐ုန္းဖို႔ႀကိဳးစားလိုက္သည္။
သူတခုခုေျပာဖို႔လုပ္စဥ္မွာ ေဟာ္ခြၽီမွ အမူအရာမဲ့စြာျဖင့္ဆိုလာ၏။
"မင္း သူ႔ဆီကဇာတ္ၫႊန္းသြားဌားဖို႔မလား? ငါ...ငါ မင္းအတြက္ ႏႈတ္တိုက္႐ြတ္ေပးႏိုင္တယ္"
ႏႈတ္တိုက္႐ြတ္မယ္???
ထို႔ေနာက္တြင္ ပါးစပ္ေဟာင္းေလာင္း မ်က္လုံးျပဴးမ်က္ဆံျပဴးျဖစ္ေနသည့္ ယြီခ်င့္ဟြမ္ေရွ႕တြင္
ေဟာ္ခြၽီမွာ ယေန႔ခ်င့္ဟြမ္႐ိုက္ကူးရမယ့္အပိုင္းမွန္သမွ်ကို ႏႈတ္တိုက္႐ြတ္ဆိုျပလိုက္၏။
စကားလုံးတလုံးေတာင္မွ အလြဲအေခ်ာ္မရွိေစပဲနဲ႔ေပါ့...!
ယြီခ်င့္ဟြမ္မွာ ၾကက္ေသေသသြားမိရင္း
"မင္းဘယ္တုန္းကငါ့ဇာတ္ၫႊန္းကိုဖတ္လိုက္တာလဲ?"
"ဒီမနက္က"
ေဟာ္ခြၽီမွာ ႐ိုး႐ိုးသားသားအေျဖတခုေပးလိုက္၏။
ယြီခ်င့္ဟြမ္ အမွတ္တမဲ့ျဖစ္ေနတာကို အခြင့္ေကာင္းယူၿပီး ေဟာ္ခြၽီမွာ သိုသိုဝွက္ဝွက္ တိတ္တိတ္ဆိတ္ဆိတ္နဲ႔ သူ႔နား တျဖည္းျဖည္းခ်ဥ္းကပ္ေရာက္ရွိသြား၏။
ယြီခ်င့္ဟြမ္အသိစိတ္ျပန္လည္လာေသာအခါမွာ သူ႔မ်က္စိေရွ႕တည့္တည္ေရာက္ေနေသာ မ်က္ႏွာအနီးကပ္ႀကီးေၾကာင့္လန္႔ဖ်န္႔ထခုန္မိေတာ့မလို ျဖစ္သြားရသည္။
သူက ေစာဒကတက္လိုက္၏။
"မင္းဘာလိုငါ့နား အရမ္းကပ္လာရတာလဲ?"
ထိုေနာက္တြင္ဆက္ေမးလိုက္သည္မွာ
"ဒါဆို မင္းကဒီေလာက္အခ်ိန္တိုေလးအတြင္းမွာ ဒါေတြအကုန္အလြတ္မွတ္လိုက္တယ္ေပါ့?"
ေဟာ္ခြၽီမွာ ႐ိုးသားစြာ ေခါင္းညိတ္ျပလိုက္ၿပီး
"ဟုတ္တယ္"
တခဏေလာက္ ရပ္တန္႔ေနၿပီးေနာက္ သူကထပ္ျဖည့္ေျပာလိုက္သည္။
"ဒါကလြယ္ပါတယ္"
ယြီခ်င့္ဟြမ္, "..."
ေကာလိပ္ဝင္ခြင့္စာေမးပြဲတြင္ တျပည္လုံး အတိုင္းအတာ ထိပ္ဆုံးရရွိထားသူတေယာက္အေနနဲ႔ ယြီခ်င့္ဟြမ္မွာ သူ႔မွတ္ဥာဏ္သည္ လူအေတာ္မ်ားမ်ား၏ အထက္မွာရွိတယ္လို႔ မွတ္ယူထား၏။
အတိတ္ကာလတုန္းက သူ႔အတန္းေဖာ္အေတာ္မ်ားမ်ားသူ႔အား အားက်ဝန္တိုစြာေမးခဲ့ဖူးသည္မွာ သူ႔မွာဘာအထူးနည္းလမ္းေလးေတြမ်ားရွိေနလဲဆိုတာနဲ႔ သူအၿမဲလိုျပန္ေျဖတက္သည္မွာ
"ဘာအထူးစပယ္ရွယ္နည္းလမ္းမွမရွိဘူး ငါကဖတ္ၿပီးတာနဲ႔သူ႔အလိုလိုတန္းမွတ္မိၿပီးသားျဖစ္ေနတာ"...လို႔ပင္။
ထို႔ေနာက္တြင္ ထိုအတန္းေဖာ္ေတြအားလုံးမွာ သူတို႔ေခါင္းနဲ႔ခ်င့္ဟြမ္ေခါင္းလဲထားလိုက္ခ်င္တယ္ဆိုၿပီးၿငီးၿငီးျငဴျငဴ ဆႏၵေတြျပဳကုန္ၾက၏။
ခုေတာ့ အတုံ႔အလွည့္အခ်ိန္ေရာက္လို႔လာခဲ့ၿပီျဖစ္သည္။
ခုခ်ိန္မွာေတာ့ ထိုႏွစ္ေတြအတြင္းသူ႔အတန္းေဖာ္ေတြရဲ႕ခံစားခ်က္ကို သူနားလည္သေဘာေပါက္သြားေခ်ၿပီ။
ေဟာ္ခြၽီ၏ ရႈပ္ေထြးေနသည့္ဟန္ပန္ကိုတိတ္တဆိတ္တခ်က္ၾကည့္လိုက္ၿပီးေနာက္ ယြီခ်င့္ဟြမ္မွာ သူ႔အားေဘးသို႔ဆြဲေခၚသြားကာ ခပ္အုပ္အုပ္က်ိတ္ရယ္လိုက္ၿပီးေျပာလိုက္သည္။
"ေကာင္းၿပီ ဒါျဖင့္ မင္းငါ့အတြက္ ဒါကိုတေခါက္ထပ္႐ြတ္ေပး ေႏွးေႏွးေနာ္"
ေဟာ္ခြၽီမွာ ခ်င့္ဟြမ္သူ႔အားစေနာက္ေနတယ္ဆိုတာမရိပ္မိေပ။
ထိုေၾကာင့္သူကေနာက္တခါ အစဆုံးထပ္မံ႐ြတ္ဆိုျပလိုက္၏။
ၿပီးဆုံးသြားသည့္အခါ သူကေခါင္းေလးေစာင္းငဲ့လို႔ ခ်င့္ဟြမ္အား မ်က္ဝန္းေတာက္ေတာက္ေလးေတြျဖင့္စိုက္ၾကည့္ေနသည္။
"ခ်င့္ဟြမ္ ငါေနာက္တေခါက္ထပ္႐ြတ္ျပရဦးမလား?"
ဒီခံစားခ်က္မ်ိဳးကိုသူႏွစ္သက္တယ္.. ဒီလိုမ်ိဳး...ခ်င့္ဟြမ္ကသူ႔ကိုလိုအပ္တယ္ဆိုတာေပါ့..အခ်ိန္ကာလေတြအကုန္ဒီအခိုက္အတန္႔ေလးမွာပဲ ရပ္တန္႔သြားဖို႔သူဘယ္လိုေတာင္ဆုေတာင္းေနမိလဲ...သူသည္
မေကာင္းဆိုး႐ြားတေကာင္မဟုတ္သလို အသုံးမက်တဲ့သူတေယာက္လဲျဖစ္မေနခဲ့....ခ်င့္ဟြမ္ကိုလဲ အနည္းငယ္ အေထာက္အကူျပဳေပးႏိုင္တယ္..
"မလိုေတာ့ဘူး"
ေဟာ္ခြၽီရဲ႕႐ိုးသားအျပစ္ကင္းစင္ေသာမ်က္လုံးေတြမွာ ယြီခ်င့္ဟြမ္အားအျပစ္ရွိသလို အင္မတန္ခံစားလာမိေစ၏။
သူကမေနသာေတာ့ပဲလက္မ်ားကိုဆန္႔ထုတ္လိုက္ၿပီးသူ႔ဆံႏြယ္ေလးေတြကို ခပ္ဖြဖြပြတ္သပ္လိုက္ကာ
"မင္းေတာ္တယ္ မင္းေက်းဇူးနဲ႔ငါဒါေတြမွတ္ႏိုင္သြားၿပီေလ"
"တကယ္?"
ေဟာ္ခြၽီမွာ မ်က္ဝန္းမ်ားျပဴးက်ယ္လာၿပီးယြီခ်င့္ဟြမ္ထံ ေပ်ာ္႐ႊင္စြာတိုးကပ္သြားၿပီးေမးလိုက္၏။
"ငါတကယ္ပဲမင္းကိုကူညီခဲ့တာလား? တကယ္ေပါ့?"
"ဒါေပါ့"
ယြီခ်င့္ဟြမ္မွာေခါင္းေမာ့လို႔သူ႔အား ၾကည့္ရင္း ၿပဳံးလိုက္၏။
"မင္းကအေတာ္ေလးအထင္ႀကီးစရာေကာင္းတယ္"
ထို႔ေနာက္တြင္သူဟာေဟာ္ခြၽီမ်က္ႏွာေပၚတြင္အၿပဳံးပန္းတခုပြင့္ဖူးျဖာေဝလာတာကိုေတြ႕လိုက္ရၿပီး ထိုအရာမွာ ေဆာင္းရာသီေနမင္းကိုေတာင္ တိမ္ျမႇပ္ေပ်ာက္ကြယ္သြားေစႏိုင္သည္အထိပင္။
ယြီခ်င့္ဟြမ္မွာတမနက္ခင္းလုံးေစာင့္ဆိုင္းေနေသာ္လည္း လ်ိဳက်ားအန္႔မွာသူ႔အားမေခၚေသးေပ။
အဘယ္ေၾကာင့္ဆိုေသာ္ ဖန္က်ဳံးရွီးမွာ NG ဆင္းစ္ေတြခ်ည္းျဖစ္ေနလို႔ပင္။ သူက ထိုတခုကို မျဖတ္ေက်ာ္ႏိုင္ေသးေပ။
"ထားလိုက္ေတာ့ ခဏအနားယူလိုက္ ေန႔လည္ေလာက္မွျပန္႐ိုက္ၾကတာေပါ့"
ေနာက္ဆုံးတြင္ လ်ိဳက်ားအန္႔မွာ သူ႔အားဆူပူႀကိမ္းေမာင္းလိုစိတ္ေတာင္မရွိေတာ့ပဲ ေမာ္နီတာဖန္သားျပင္ကိုသာပိတ္လိုက္၏။
အမွန္ေတာ့ ဖန္က်ဳံးရွီး၏ သ႐ုပ္ေဆာင္မႈမွာမညံ့ေပ။ၿပီးရင္သူကအလြန္တရာလဲႀကိဳးစား၏။လ်ိဳက်ားအန္႔မွာ သူ႔အားအေတာ္အတန္ေလးသေဘာက်၏။
သို႔ေသာ္ ယေန႔မွာေတာ့သူကစိတ္နဲ႔ကိုယ္မကပ္သလို စာသားေတြေမ့ရင္ေမ့ မဟုတ္ရင္ မုဒ္လြဲေန၏။
႐ိုက္ကူးေရးမွာအခ်ိန္ဇယားေတြက်ပ္ညပ္ေနေပမယ့္ လ်ိဳက်ားအန္႔မွာ ၿပီးျပည့္စုံမႈလိုလားသူတေယာက္ျဖစ္ေနသည္။
သ႐ုပ္ေဆာင္မႈမွာသူလိုခ်င္တဲ့အတိုင္းမျဖစ္ေသးသေ႐ြ႕ သူကလက္ေလ်ာ့မွာမဟုတ္ေပ။
"ေတာင္းပန္ပါတယ္ ဒါ႐ိုက္တာ ဒုကၡေပးမိၿပီ"
ဖန္က်ဳံးရွီးမွာ မနားတမ္းေတာင္းပန္ေနၿပီးကတိကဝတ္ျပဳလိုက္၏။
"စိတ္ခ်ပါ ေန႔လည္က်ရင္ ကြၽန္ေတာ္မွန္မွန္ကန္ကန္ျဖစ္ေစရပါမယ္"
လ်ိဳက်ားအန္႔မွာ ဘာတခြန္းမွမေျပာဘဲေခါင္းသာအသာညိတ္ျပလိုက္၏။
ထိုအရာကိုေတြ႕လိုက္ရင္ ဖန္က်ဳံးရွီးမွာ မ်ားစြာစိတ္လက္မေအးျဖစ္သြားၿပီးေနာက္ထပ္စကားမဆိုဝံ့ေတာ့ေပ။ထို႔ေနာက္တြင္ သူသည္ စိတ္မၾကည္မလင္ျဖင့္ထြက္ခြာသြားေတာ့သည္။
"က်ဳံးရွီး ကိစၥမရွိပါဘူးကြာ ဒါေလးက Chicly ရဲ႕ Spokesman သာသာပဲဟာကို"
ဖန္က်ဳံးရွီး၏ ေမွာင္မိုက္ေနေသာမ်က္ႏွာကိုေတြ႕ျမင္လိုက္ရရင္ သူ႔လက္ေထာက္မွာ ႏွစ္သိမ့္ဖို႔ႀကိဳးပမ္းလိုက္၏။
"အခြင့္အေရးေတြအမ်ားႀကီးက်န္ပါေသးတယ္"
"ေတာ္ေတာ့! မင္းကအၿမဲဒီလိုေျပာေနတာပဲ!"
ဖန္က်ဳံးရွီးမွာ သူ႔မ်က္ႏွာအား ခါးခါးသီးသီးနဲ႔ ဖုံးအုပ္ကြယ္လိုက္ၿပီး
"ငါမငယ္ေတာ့ဘူး ငါ့မ်က္ႏွာေပၚပဲဆက္မွီခိုေနရရင္တျခားသူမေျပာနဲ႔ ငါ့ကိုယ္ငါေတာင္အရွက္ရလာၿပီ...Chicly ရဲ႕ Spokesman အတြက္ ငါလုပ္ေဆာင္ထားရတာေတြမနည္းမေနာပဲ... ခုေတာ့ တျခားတေယာက္ကျဖတ္လုသြားၿပီ!"
သူ႔စိတ္အေျခအေနမေကာင္းတာေတြ႕လိုက္ရေသာလက္ေထာက္မွာသူ႔ေဒါသအားဆြလာေစမည့္ စကားေတြထပ္မဆိုရဲေတာ့ေပ။ထို႔ေၾကာင့္သူကစကားလမ္းေၾကာင္းလႊဲရန္ႀကိဳးပမ္းလိုက္၏။
"ဒါေပမယ့္ မင္းေျပာင္းလဲဖို႔ႀကိဳးစားေနတယ္ေလ
'The Line of Life & Death' မွာ ေနရာတေနရာရလာတာကအေကာင္းဆုံးသက္ေသပဲ... လ်ိဳက်ားအန္႔မင္းကိုေ႐ြးလိုက္တယ္ဆိုကတည္းကမင္းမွာတန္ဖိုးတခုရွိေနလို႔ပဲ..အရမ္းေလွ်ာက္မေတြးနဲ႔ ႀကိဳးစားမႈတိုင္းအတြက္ဆုလာဒ္ဆိုတာရွိပါတယ္"
အၾကာႀကီးတိတ္ဆိတ္ၿငိမ္သက္ေနၿပီးေနာက္ ဖန္က်ဳံးရွီးမွာသက္ျပင္းတခ်က္ခ်လိုက္ၿပီးဆိုလာသည္။
"ငါ အရင္ကလမ္းမွားေတြေလွ်ာက္ဖူးၿပီ.. ဘယ္သူမွငါ့ႀကိဳးစားအားထုတ္မႈေတြ မေတြ႕ျမင္ခဲ့ဘူး"
တခဏေလာက္နားေနၿပီးသူက သူ႔လက္ေထာက္ဆီ အၾကည့္လႊဲလိုက္ကာ
"မင္း ငါ့အတြက္ Ada အေၾကာင္းသြားစုံစမ္းေပး
သူတို႔တေလာကမွ သူတို႔နာရီအတြက္ Spokemans ေ႐ြးေနတယ္"
"က်ဳံးရွီး!"
သူ႔လက္ေထာက္မွာ အထိတ္တလန္႔ျဖင့္မ်က္လုံးမ်ားျပဴးက်ယ္လာ၏။
"ဒါက A-D-A ေနာ္! ဒီေလာက္ တန္ဖိုးႀကီးဘရန္းတခုက မင္းကိုလိုခ်င္..."
ဖန္က်ဴံးရွီး၏ မထီမဲ့ျမင္အၾကည့္ေတြကိုေတြ႕လိုက္ေသာအခါမွ ေနာက္ဆက္တြဲစကားလုံးေတြကိုအခ်ိန္မီၿမိဳခ်လိုက္ရ၏။
"ဟုတ္တာေပါ့ သူတို႔ကငါ့လို C-list Celebrity တစ္ေယာက္ကိုဘယ္လိုခ်င္ပါ့မလဲ?"
ဖန္က်ဳံးရွီးမွ ခပ္ေထ့ေထ့သေရာ္လိုက္ၿပီး
"ဒါမင္းဆိုလိုခ်င္တာမလား?"
သူ႔လက္ေထာက္ကေတာင္ျပန္မေျဖရေသး သူဆက္ေျပာလိုက္သည္မွာ
"ဒါကအေရးပါလို႔လား?ဘာပဲေျပာေျပာ သူတို႔လိုခ်င္တာ သူတို႔နာရီအတြက္ Spokesmanပဲေလ"
ထို႔ေနာက္တြင္ ဖန္က်ဳံးရွီးမွာ ေခါင္းကိုငုံ႔ ေလသံကိုတိုးလိုက္ၿပီး
"ငါၾကားတာကသူတို႔ဒီဇိုင္းဒါ႐ိုက္တာကေယာက်ာ္းစိတ္ဝင္စားတယ္ဆိုပဲ...."
"မင္း႐ူးေနလား?"
သူ႔လက္ေထာက္မွာ ဖန္က်ဳံးရွီး ခုေလာက္နိမ့္က်သြားလိမ့္မယ္မထင္မွတ္ထားေပ။သူက သေဘာမတူကန္႔ကြက္လိုက္ၿပီး
"က်ဳံးရွီး ဒါေလးကေၾကာ္ျငာေလးတခုရယ္ပါကြာ"
"ဟုတ္တယ္ ေၾကာ္ျငာေလးတခုပဲ"
ဖန္းက်ဳံးရွီးမွာ သူ႔ဘာသာတဦးတည္းေရ႐ြတ္ေန၏။
"ဒါမဲ့ငါမရႏိုင္ဘူးျဖစ္ေနတယ္... ငါဘာလုပ္သင့္လဲ?"
သူ႔အသံမွာတိုးတိတ္ေနေသာ္လည္း စိတ္ပ်က္အားေလ်ာ့မႈနဲ႔ အေမွာင္ထုလႊမ္းၿခဳံလို႔ေနသည္။
သူ႔အားအေတာ္ၾကာၾကာေလး စိုက္ၾကည့္ေနၿပီးမွ သူ႔လက္ေထာက္ကအၾကည့္လႊဲသြား၏။
"ငါသိၿပီ ငါဒါကိုလုပ္ေပးမယ္"
႐ိုက္ကြင္းမွာေတာ့ ယြီခ်င့္ဟြမ္မွာ ထိုင္ခ်ၿပီးအစားေလးနည္းနည္းစားမယ္လုပ္႐ုံရွိေသး ယြီရွင္းသယ္ေဆာင္လာတဲ့သတင္းေၾကာင့္ ၾကက္ေသ,ေသလို႔သြားကာ သူ႔ေနလည္စာထမင္းဘူးေတာင္ေမွာက္က်ေတာ့မလိုျဖစ္သြားရ၏။
လက္ျမန္ေျချမန္ရွိသည့္ေဟာ္ခြၽီေၾကာင့္သာမဟုတ္ရင္ သူ႔ေန႔လည္စာေလးမွာ ေရစုံေျမာရေတာ့မွာပင္။
"ဘာ? Ada က သူ႔ကို Spokesman အျဖစ္လိုခ်င္တယ္ဆိုတာဘယ္လိုျဖစ္ႏိုင္မွာလဲ?"
ထိုအရာက ယြီခ်င့္ဟြမ္အား ႐ူးသြပ္သြားေစလုနီးပါးပင္။သူသည္ ယြီရွင္းနဲ႔ထပ္ခါထပ္ခါ အတည္ျပဳဖို႔ႀကိဳးစားရင္း
"ေကာ မွားတာမ်ားလား? ဒါဘယ္လိုျဖစ္ႏိုင္မွာလဲ? ကြၽန္ေတာ္ Chicly ကလူေ႐ြးပြဲေတာင္က်လာတာေလ"
"ငါမင္းကိုေျပာသားပဲ ဒါဘာလို႔ဆို Chicly က အျမင္မရွိလို႔"
ယြီရွင္းမွာ ေကာင္းကင္ေပၚပ်ံတက္သြားေတာ့မလို ခံစားေနရၿပီး
"ျမန္ျမန္စား... ၿပီးရင္ ငါတို႔သူတို႔ရဲ႕ဒီဇိုင္းဒါ႐ိုက္တာကိုသြားေတြ႕ၾကမယ္...ဒါသိပ္မၾကာပါဘူး အလြန္ဆုံးမွေလးနာရီေလာက္ပဲ ဘာပဲေျပာေျပာမင္းဒီေန႔႐ိုက္ကူးရမယ့္အပိုင္းကလဲေနာက္ဆုံးမွလာမွာေလ စိုးရိမ္မေနနဲ႔ "
"ဟင့္အင္း! တကယ္လို႔ဒီမွာအကုန္ေခ်ာေခ်ာေမြ႕ေမြ႕ျဖစ္သြားၿပီး သိပ္မၾကာခင္ကြၽန္ေတာ့္အပိုင္းေရာက္ေတာ့မယ္ဆိုရင္ေကာ? ကြၽန္ေတာ့္အလွည့္ကိုေစာင့္ရမယ္"
ယြီခ်င့္ဟြမ္မွာသေဘာတူဖို႔ ျငင္းဆန္လိုက္၏။
တကယ္ႀကီးလား? ေနာက္ဆုံးမွာသူ႔ရဲၾကက္သီးထေျခာက္ျခားစရာေကာင္းလွတဲ့ကံေကာင္းမႈႀကီးကေပ်ာက္ကြယ္ေတာ့မယ္အရိပ္အေရာင္ေတြျပေနခါမွ သူကဘာလို႔ဆက္ထိန္းသိမ္းထားဖို႔ႀကိဳးစားရမလဲ? သူထိုလူေ႐ြးပြဲကိုျငင္းဆန္ဖို႔နည္းလမ္းတခုရွာကိုရွာရမယ္...
ယြီခ်င့္ဟြမ္ေတြးေတာေနစဥ္မွာပဲ လ်ိဳက်ားအန္႔၏ ႐ႊင္ျမဴးေနေသာရယ္သံမွာေနာက္နားကေန ထြက္ေပၚလာ၏။
"ခ်င့္ဟြမ္ သြားလိုက္ပါ ရတယ္ ငါ့မွာ႐ိုက္စရာဆင္းစ္ေတြအမ်ားႀကီးရွိေသးတယ္..ဒါမို႔မင္းကိုတေန႔လည္ခင္းလုံးမလိုေသးဘူး.. ၇ နာရီမထိုးခင္သာ ျပန္လာႏိုင္ေအာင္လုပ္"
ယြီခ်င့္ဟြမ္မွာ စိတ္မပါလက္မပါလွည့္ၾကည့္လိုက္ေသာ္ လ်ိဳက်ားအန္႔ႏွင့္က်န္းခ်ီမွာ ႏႈတ္ခမ္းတြင္စီးကရက္ခဲ သူ႔ဘက္သို႔ေလွ်ာက္လာရင္း စကားဆိုေနတာ ျမင္လိုက္ရ၏။
"ငါ ခ်င့္ဟြမ္ရဲ႕ စိတ္ေနစိတ္ထားကိုသေဘာက်တယ္...စိတ္ရင္းမွန္ တာဝန္ယူစိတ္ရွိၿပီး ႐ိုးသားေျဖာင့္မတ္တယ္"
"ဟုတ္တယ္ ခ်င့္ဟြမ္ရဲ႕ကိုယ္ရည္ကိုယ္ေသြးက
တကယ့္ထိပ္တန္းအဆင့္ပဲ"
ယြီခ်င့္ဟြမ္, "...."
မဟုတ္ေသးဘူးေလ! တကယ္က သူလူေ႐ြးပြဲမသြားခ်င္တာ!
သို႔ေသာ္လည္း တခုတည္းေသာအေၾကာင္းျပခ်က္ေလးပ်က္ျပားသြားၿပီျဖစ္တာေၾကာင့္ ယြီခ်င့္ဟြမ္မွာ ေရွာင္တိမ္းမရေတာ့ပဲ ယြီရွင္းေနာက္သို႔ လိုက္ပါသြားရေတာ့သည္။
~~~~~~~~~~~~~~
T/N >>> အားလုံးေမွ်ာ္ေနၾကတာသိပါတယ္ T-T
ဒါေပမဲ့ ကိုယ္တိုင္လဲ ကိုဗစ္ေပ်ာက္ခါစအားယူေနရတဲ့အခ်ိန္ျဖစ္တဲ့အျပင္ ေနမေကာင္းျဖစ္ေနတဲ့မိသားစုေတြကိုပါျပဳစုေပးေနရလို႔ပါ
အခုတပိုင္းက ပုံမွန္ထက္၂ဆေလာက္ပိုရွည္ေနလို႔ခြဲျပန္လိုက္ပါတယ္
အားလုံးပဲဂ႐ုစိုက္ၾကပါ♡
☆☆☆☆☆☆☆