🌸🌸🌸
صباح الخير ان كان صباحا
🌸🌸🌸
ومساء الخير ان كان مساء
🌸🌸🌸
اليوم البارت عبارة :
عن كوني البحر والميناء كوني الارض والمرسى
كوني الصحو والاعصار كوني اللين والعنفى
يله بسم الله
- ثريا : وصلنا بيتنا على طلبي سراج جان لاح نروح نسكن ابيتهم بس كلت لماما خلينا اذيتنا احسن هالفترة ، دخلنا وصعدت فوق لفيت راسي ونمت من تعب الطريق ، طبعا بهاي الفترة كلها يدك سليمان بس ما ارد يدز رسائله والبسه ما اجاوبه اشكال الرسائل ، بس عبرتك سليمان بعد ما اوقف وانتظرك ، دز رساله راح اجي باليل ، هههه ضحكت وكلت من كل عقله ، لبست فستان للركبه ورتبت شعري بطريقة حلوه وحضرت كم كلمة اخليه يمشي ويسولف ويه نفسه ، نزلت جوا يم ماما وكلتلها ، ضاجت وكالت راح اخابر سراج يجي ، كتلها ميحتاج شوفي شنو راح اسوي بيه
- رقية : انتي ؟؟
- ثريا : اي اني ، اندك الباب وطلعت ماما عليه ودخلته الصالة
- رقية : اجتي للمطبخ ها تدخلين
- ثريا : لا فد شوي خليني احرك اعصابه وغمزت بعينها ، ضليت اسمع اغاني تشجيعية وحماسية هههه انطتني طاقة ، ورا نص ساعة ⏰ دخلت الصالة سلمت من بعيد وكعدت
- سليمان : صايره تخيل ، محلوه كلت
- ثريا : مرتاحه غير
- سليمان : دوم يارب
- ثريا : امين
- سليمان : مو كافي مترجعين لبيتج
- ثريا : ارجع بس بشرطين
- سليمان : شنو كال باستغراب
- ثريا : اول واحد ، ارجع بس متلزمني ولا تتقرب مني
- سليمان : عقج وجهه وكال ليش وشنو سبب هذا الشرط الغريب
- ثريا : بدون ليش انت استبدلتني بغير وحده فمو من حقك اطالب باي شي مني
- سليمان : ترا مو شرط هذا انتقام
- ثريا : مثل متريد سميه اني راجعه علمود ابني ومسحت على بطنها
- سليمان : كام من مكانه واقترب وكعد يمها وكال باندهاش انتي حامل
- ثريا : ما باوعت عليه و عينها على امها وكالت اي حامل
- سليمان : وليش ما كلتي من قبل ، اي شهر انتي هسه
- ثريا : مثل ما ضميت زواجك عني اني همين ضميت عادي ، وبالشهر الرابع
- سليمان : اخذ شهيق عميق وكال يصير خاله هيج تسوي والتفت على رقية
- ثريا : عوف خالتك واسمع شرطي الثاني
- سليمان : اندار عليها وكال اسمع غردي
- ثريا : بثقة كالت واغرد اني اصلا كناري حرة ، ما اريد امك توصل بيتي
- سليمان : بس هاي امي يعني ايمتى متريد تجي تجي
- ثريا : هاي ابيتها وبيت رجلها مو بيتي ، وهاي شروطي عاجبك اهلا وسهلا
- سليمان : حك كصتها وكال خاله سمعتيها شتكول شرط اقوى من الثاني
- ثريا : كتلك مالك شغل بخالتك ، اصلا اني كتلها تعالي بس اشهدي شلون اللقاء راح يكون
- سليمان : هسه انتي مصرة
- ثريا : اي وما عندي غير حجي وكامت
- سليمان : كام ولزمها من ايدها كعدي خلينا نحل كل شي
- ثريا : هذا الموجود سليمان
- سليمان : زين ماشي موافق شوكت تجين لبيتج
- ثريا : اثث البيت اول
- سليمان : اثثته
- ثريا : ما اريد اثاثك كله تشيله اريد اثاث على مزاجي
- سليمان : ثريا هاي شبيج والله كله جديد
- ثريا : حتى اذا جديد اني اختار اثاث بيتي
- سليمان : بس
- ثريا : بكيفك سليمان هسه اني جابرتك
- سليمان : وين اروح بالاثاث
- ثريا : وين تريد وديه المهم اثاثي يكون كله على مزاجي
- سليمان : براحتج ، وبقلبه اعرف هذا انتقام لانوثتج الي انجرحت بس فترة وترجعين تركضين وراي ، شوكت تريدين نروح ناثث البيت
- ثريا : ميحتاج تروح انطيني الفلوس واني اطلع ويا ماما ورندا
- سليمان : ماعجبه الحجي بس كال باجر الصبح اجيبلج الفلوس
- ثريا : راح انطيهم رقمك ادليهم على العنوان وتكون وياهم من يشدون الاخشاب
- سليمان : ابتسم وكال على راسي بعد شتريدين ( اريد بس اجذبها ، ... بحضها صايره تملخ)
- ثريا : هاهية اني اكوم ارتاح تعبانه كثير من السفر
- سليمان : انصدم وكال هاي شنو يعني طرده
- ثريا : ليش طردة هاي امي هنا خالتك سولف وياها ، احجيلها على حفلة عرسك ورفعت تك حاجب ، اني استاذن وطلعت ، صعدت فوق اخذت دوش دافي بهالجو البارد فتحت شباك بردتها شافت سيارته رايحة ، لبست بجامة قطنية ونزلت جوا ، كعدت ويا امها يتعشون
- رقية : ثريا اسلوبج متغير كثير
- ثريا : ابتسمت وكالت احسن الناس الي متقدرنا منقدرها.... وهيج مر اليوم ، ثاني يوم الصبح دك على تلفونها ، كعدت بس ما ردت دز رساله اني يم الباب ، رتبت شعرها غسلت وجها وطلعت بالبجامة فتحت الباب .
- سليمان : صباح الخير وباوع من جوا ليفوق وكال باستغراب شنو مداومين ؟؟
- ثريا : صباح النور ، لا ماخذه اجازة كم يوم
- سليمان : زين لعد ما تغيرين رايج ونطلع سوا نجهز البيت
- ثريا : خليني اشوف اذا احتاجيتك عود اتصل بيك ، وين الفلوس
- سليمان : طلع من جيبه ضرف هذا بيه ...$ واذا تحتاجين بعد بلغيني
- ثريا : اخذته وكالت اوكي تسلم
- سليمان : غمز وكال ماكو بوسه مشتاق
- ثريا : غيرت ملامحها من الابتسامة للجمود وكالت ، سليمان اذا انت مو كد تنفذ شروطك ماكو داعي تنطي عهد وادك الصدر .
- سليمان : ولج والله مشتاقلج ، ماحن قلبك ؟؟
- ثريا : بعد وكت ، راح ادخل مع السلامة ، ودخلت جوا وهو صافن بيها ، مسح كصته وبالكلينس ودخل سيارته ومشى على الجامعة
- اسيل : صباح الخير
- عسل : صباح النور عمة
- اسيل : شسوا البارحة سليمان ويا بنت رقية ماكلج لان اتاخر ورحت نمت .
- عسل : اجى ضايج وميتحجى .
- اسيل : دير بالج منها ترا كلشي توقعي منها .
- عسل : شنو اسوي مثلا .
- اسيل : البسي ودلعيه ، خليه ينساها ويضوج منها ، وذبي حجي من جوا الجوا اني مريحتك وهي شالعة قلبك ومن هالسوالف .
- عسل : تدرين عمة طلعت حامل ، البارحة كله يكول شفتي شلون حامل ومتقلي اني رجلها .
- اسيل : يجوز جذابه مسويه هذا الفلم حتى يرجعها.
- عسل : يجوز ، شلون اعرف.
- اسيل : هسه اشككه واكله اخذها وديها على الدكتورة اكيد اتجذب عليك
- عسل : اي عمة
- على الغدا
- اسيل : ها سليمان صدك بنت رقية حامل ؟؟
- فارس ونعناعة وحسام يباوعون على سليمان ينتظرون جوابه
- سليمان : اي حامل
- فارس : ابتسم بفرحة وكال مبروك
- سليمان : الله يبارك بيك يابه
- نعناعة : راح اتصير اب سليماني مبروك
- سليمان : شكرا نعناعتي
-
- اسيل : اكيد جذابة مسويه هذا الفلم حتى ترجعها
- سليمان : ما اعتقد
- اسيل : اخذها على طبيبة اجيكها احسن
- فارس : اسيل شنو هالحجي
- اسيل : يمعود اعرفهم واعرف افلامهم
- حسام : لا يمى صحي
- كلهم التفتوا مصدومين
- سليمان : برفعة حاجب واستغراب وانت شمعرفك ؟؟
- حسام : من امي وام رقية تعاركوا واخذتهم على المستشفى ، شفتها دخلت يم دكتورة ورحت سالتهم كالو مسويه تحليل حمل ، عاد رحت ثاني يوم كالو حامل
- سليمان : وليش ما حجيت
- حسام : نسيت هسه اتذكرت
- سليمان : كام من مكانه الحمد لله ، وصعد لغرفته ، يعني كلامها صحيح من وقت المشكلة هي محللة ؟؟؟ هسه شسوي وياها !!
- ثريا : يوميا نطلع اني وماما ومرات رندا نشتري الاثاث 😍 اخذت غرفة اخشاب الي وردي وبنفسجي فاتح ، وغرفة لسليمان لونها جوزي فاتح وجوزي غامق ، وغرفة كلت لماما او نعناعة باللون الاخضر كلش حلوات ما همني السعر اكثر مما هي دخلت مزاجي ، كاونتر المطبخ كالو اسبوع ويكمل بقى تخم الهول والصالة ، نصحتني ريم اختار التخم الامريكي مريح كثير وتصميم همين بس الوانه ماعجبتني حيل اخذت تخم تركي لون اخضر حشيشي وطبلات وسطيه لون ذهبي ، بقى فلوس بعد هنا طحت فكرة خونفشارية كتله ناقتي بعد مبلغ ماكفى اجى وانطلقي رحت اشتريت بيه تخم ذهب 😉 ، هذا حقي فلوسي الي جنت اخذها يمه ، وبعد ياسليمان ماشفت شي ، اختاريت مرجوحة حديد تنحط داخل الهول ، واحنا نفتر كالت رندا
- رندا : سراج عازمنا ماما على مطعم جديد فاتح بالمول
- رقية : هاهية نروح لسراج ، صعدنا بسيارة رندا منطلقين للمول ودخلنا المطعم ، كعدنا وطلبنا الاكل سراج ورندا واحد بصف الثاني وامي كبال سراج وثريا كبال رندا ، واحنا ناكل دخل سليمان وعسل ، باوعت على ثريا ، مو منتبهه ، باوعت على سراج الي انكلبت خلقته وعقج حواجبه وباوع عليه حتى يشوف ردة فعلي
- ثريا : شو ماما مدري شبيها رجليها كامت تهتز بتوتر رفعت راسي اشوف شبيها شفت سليمان وياه عسل حاضنه ايده عبالك راح يطير واقتربوا من ميزنا يسلمون ...
- سليمان : تخبلت يعني متقبل تطلع وياي وتطلع وياه ، اقتربت منهم وسلمت وعيني عليها ، مساء الخير
- الجميع مساء النور
- عسل : مساء الخير
- الجميع مساء النور
- ثريا : جنت اباوع عليهم بوجه جامد واجاوب على التحية
- عسل : شفتها ومتت من الغيره سليمان عيونها راح تاكلها ، وهي ولا ويانا ، كلت خليني اضوجها شوي ، كلتلها ماباركتيلي ثريا
- ثريا : فهمت شنو تقصد بس استغبيت ، كتلها على شنو
- عسل : على زواجنا
- ثريا : شكد قديمة هاي بعدج تذكرين ، بابا حتى الحيوانات تزوج ترا
- عسل : وليش هيج محروك دمج حجت بعصبية
- ثريا : وشلون شفتي محروق بله ، هذا دمج المحروق اشربي شوي مي ، باوعت على سليمان وكالت وصيلها شوي مي بارد تبرد قلبها دمها فار
- سليمان : كومي ثريا وياي
- سراج : محد يجبرج ثريا على شي
سليمان : باوع عليها بنضره عصبية
ثريا : كامت واقتربت منه وهمست باذنه ، بعدين كالت بصوت مسموع للجميع وبثقة
وووووو
شنو ثريا راح تسوي
وشنو ردة فعل سليماني 😉
واذا اجبرها شنو راح يسوي سراجو 😉
اشكركم كلكم على تعليقاتكم الراقية متابعين الراقين
🌸
🌸
🌸
🌸🌸
🌸
🌸
🌸🌸
🌸
🌸
🌸
🌸