ဝိုင် ( Y )
Part 58
Unicode
"Happy Birthday ဖိုးဖိုး "
မွေးနေ့မနက်ခင်း ဖြစ်သည်မို့ ဦးခန့်ညား , ဘုရားခန်းထဲတွင် ဝတ်ပြုပြီး ပြန်ထွက်လာတော့ ရတီလေး က ပါကင်ပိတ်ထားသောဘူးလေးတစ်ဘူးကိုလက်ထဲ ကမ်းပေးလာကာ Happy Birthday ဟုပြောလာသည် ။
"ဘာတွေတုန်း မြေးလေးရ "
ဒီနှစ်ကော ရတီလေး ဘာတွေများ လက်ဆောင်ပေးလဲဟု ဦးခန့်ညား သိချင်မိပါတယ် ။ မိမိအိမ်ကိုစရောက်လာပြီး မွေးနေ့ကို ဖြတ်သန်းလာသည့် နှစ်တိုင်း မုန့်ဖိုးလေးတွေစုကာ Handmade Postcards တွေနှင့် ဆုတောင်းစကားလေးတွေ ရေးပေးပြီး လက်ဆောင်ပေးတတ်သည်လေ ။
"သိချင်ရင် ဖွင့်ကြည့်ပေါ့ ဖိုးဖိုးရ "
"ဟုတ်ပါပြီ ဖိုးဖိုးမြေးမလေးရာ "
ဦးခန့်ညား , ထိုင်ခုံတွင်အသာထိုင်ရင်း ပါဆယ်ဘူးလေးအား ဖွင့်ဖောက်ကာကြည့်လိုက်တော့ မိသားစုဝင်လေးဦး၏ ပုံတူပန်းချီကားလေးအား မှန်ဘောင်လေးဖြင့်ထည့်သွင်းထားသည် ။ အစ်ကို့နည်းတူ ပန်းချီဝါသနာပါသော ကလေးမလေးသည်လည်း အမြဲ စာလုပ်ပြီးပြီဆိုတာနှင့် တကုပ်ကုပ်ဖြင့်သာ ပုံဆွဲလေ့ရှိသည် ကိုသတိတော့ထားမိသည်မှာကြာပြီဖြစ်သည် ။ သိုပေမဲ့ အခုမှသာ အသေးစိတ်သေချာကြည့်မိတော့သည် ။ ရုတ်တရက်ဆိုလျင် ဓာတ်ပုံ မှန်ဘောင်တစ်ခုဟုသာ ထင်မှတ်မှားချင်စရာပင် ။
"သဘောကျလား ဖိုးဖိုး "
"ဖိုးဖိုး မြေးမလေးကတော်လိုက်တာကွာ "
"ဘာတွေတော်နေတာတုံး ဖိုးဖိုး ရ ၊ ကျွန်တော်တို့ကိုပြောပါဦး "
သဘောတကျပြုံးကာ စကားတွေပြောနေသော ဖိုးဖိုး နားသို့ သွေး လျှောက်ကာသွားရင်း ပြောလိုက်သည် ။
"ဪ..မြေးတို့နိုးကြပြီလား ၊ ဒီမှာလေကွာ ရတီလေး က ဖိုးဖိုးအတွက်မွေးနေ့လက်ဆောင်ပန်းချီကား "
ဖိုးဖိုး ပြလာသည့် မှန်ဘောင်အချပ်လေးအား ယူကြည့်လိုက်တော့ ဝိုင် ကော ဦး ပါ မျက်ခုံးပင့်မိသွားကြသည် ။ ရတီလေးမှာလည်း အနုပညာဗီဇလေးတွေ ရှိနေတာပါပဲလား ။
"ကိုကို့ ညီမလေး က ကိုကို့ထက်တောင်ဆွဲတတ်နေပြီလားကွာ ဟင် "
ဝိုင် , အသည်းယားစွာ ရတီလေး၏ ပါးဖောင်းဖောင်းလေးအား ညှစ်ကာ ပြောလိုက်သည် ။
"ဟာ..ကိုကိုကလည်း ပါးကိုမညှစ်ပါနဲ့ ၊ မီးမီး က ဒီနေ့ ဧည့်သည်တွေလာရင် ဧည့်ခံမလို့ အလှသေချာပြင်ထားရတာ "
ရတီလေး ၏ အဖြေကြောင့် လူကြီးသုံးယောက်လုံးလည်း ရယ်မောဖြစ်ကြတော့သည် ။
"မွေးနေ့မှာ ပျော်ရွှင်ပါစေ ဖိုးဖိုး ၊ ကျွန်တော်တို့နဲ့လည်း နောင်နှစ်ပေါင်းများစွာထိ ကျန်းကျန်းမာမာ ပျော်ပျော်ရွှင်ရွှင် နဲ့ဖြတ်သန်းနိုင်ပါစေ "
"ကျွန်တော့်ဆုတောင်းလည်း Bae နဲ့တူတူပါပဲ ဖိုးဖိုး "
"ကျေးဇူးပါပဲမြေးတို့ရာ ၊ မြေးတို့တွေရှိလို့ပဲ ဖိုးဖိုးက အသက်ရှည်ပြီး စိတ်ချမ်းသာနေရတာ ၊ ဒါနဲ့ မြေးသွေး ကော အခုခေါင်းထဲကဘယ်လိုနေသေးလဲ ၊ ကိုက်သေးလား "
"မကိုက်တော့ဘူး ဖိုးဖိုး ၊ အဆင်ပြေနေပြီ "
အဆိုးထဲကအကောင်းဟုပင်ဆိုရမည် ။ တစ်နေ့ကဖြစ်သွားသည့် သူရိန်မင်း တို့နှင့်ကိစ္စတွင် ထိခိုက်မိသွားရာမှ မေ့နေသည့် မှတ်ဉာဏ်တို့ကို ပြန်လည်သတိရလာခဲ့လေသည် ။ ဆိုးသည်ကတော့ ဖိုးဖိုး မွေးနေ့တွင် ခေါင်းပေါင်းဖြူဖြူ နှင့်ဖြစ်နေရခြင်းပင် ။
🌾🌾🌾
"မောင် ရေ မပြီးသေးဘူးလားကွာ ၊ နောက်ကျတော့မှာပဲ "
မိုးထက် ပြင်ဆင်လို့မပြီးနိုင်သေးသည့် မောင့် အား စိတ်မရှည်တော့ ။ ပွဲကဖြင့် စရန်အချိန်ကနီးကပ်နေပြီ လမ်းတွင်လည်း ညနေစောင်းပြီမို့ ကားလမ်းကပိတ်ဦးမည် ။ ထို့ကြောင့် မှန်ရှေ့တွင် ဆံပင်အားသကာနေသော မောင့် အား ထပ်မံ နှိုးဆော်ရတော့သည် ။
"ပြီးပါပြီ မောင့်ချစ်လေးကလည်း ၊ လာသွားစို့ "
အနည်းငယ် စူသယောင်ယောင်ဖြစ်နေသည့် နှုတ်ခမ်းလေး ကြောင့် မေးစေ့ ကိုအသာ ကိုင်လှုပ်ကာ သော်က ပြောလိုက်သည် ။
"ကားသော့ ဘယ်မှာလဲ "
"အာ...ဟုတ်သား အိပ်ခန်းထဲမှာကျန်နေခဲ့ပြီ ၊ ခဏ ခဏ "
ရှပ်တီးရှပ်ပြာ နိုင်လွန်းသည့် မောင့် ကိုကြည့်ရင်း မိုးထက် ခေါင်းသာ ခါရမ်းပြီး ကားနားတွင် ရပ်စောင့်နေလိုက်တော့သည် ။ တစ်အောင့်ကြာမှသာ ကားသော့လေး လှုပ်ရမ်းကာ မျက္နှာလေး ပြုံးဖြီးဖြီး ဖြင့်အိမ်ထဲမှပြန်ထွက်လာသော မောင်..။
"ကဲ..ဘေးဘီကြည့်မောင်း ၊ မမြင်ဖူး မတွေ့ဘူး တဲ့လူတွေလည်း မဟုတ်ဘဲနဲ့ မောင်ဟာလေ "
ဖိုးဖိုး တို့အိမ်ကိုသွားနေသည့် လမ်းတွင် ကားမောင်းရင်း ငြိမ်ငြိမ်မနေပါဘဲ ဖွင့်ထားသည့် သီချင်းသံနှင့်အလိုက် ခန္ဓာကိုယ်ပါ လှုပ်ရမ်းနေရင်း မိမိအားတကြည့်ကြည့်ဖြင့်ဖြစ်နေသည့် မောင့်ကြောင့် မိုးထက် ထပ်မံပြောရတော့သည် ။
"မောင့်ထက်လေးကို လွမ်းလို့ကြည့်တာပေါ့ ၊ဒီလမ်းနဲ့ဒီခရီးလောက်ကတော့ အေးဆေးပါကွာ "
ဟုတ်ပါသည် တကယ်တမ်း ချစ်တတ်သွားတဲ့အခါ အချစ်ဆိုတာ မြင်နေရက်နဲ့တောင်လွမ်းနေတာမျိုး ၊ အနားမှာ ရှိလည်း သတိရနေတတ်တာမျိုးပင် ။ ဒီလိုခံစားချက်မျိုးကို ချစ်တတ်တဲ့သူတိုင်း ခံစားဖူးတတ်ကြသည် ။ ထို့ကြောင့် မိုးထက် လည်း ပြုံး၍သာနားထောင်နေလိုက်တော့သည် ။
"Happy Birthday ဖိုးဖိုး ၊ အသက်ရှည် ကျန်းမာပြီး အမြဲ လန်းနိုင်ပါစေဗျာ "
"ဟား.. ကျေးဇူးပါ မြေးတို့ရာ "
သော်က ပေးလာသည့် လက်ဆောင်ဘူးလေးအား မောင်ရွှေ ထံသို့ပေးရင်း ဦးခန့်ညား ကျေးဇူးတင်စကားဆိုလိုက်သည် ။
"ငသွေးတို့ရော ဖိုးဖိုး ၊ မတွေ့ပါလား "
"အစောကလေးတင် ဒီနားရှိပါတယ် ၊ ဘယ်ရောက်သွားပါလိမ့် ၊ မြေးတို့ စားပွဲမှာထိုင်နှင့်လေ ၊ ဖိုးဖိုး လွှတ်လိုက်မယ် "
"ရပါတယ် ဖိုးဖိုး ရဲ့ ၊ ကျွန်တော် တို့အိမ်ထဲပဲ ခဏ ဝင်သွားလိုက်မယ် "
"အေးပါကွာ ၊ အားမနာနဲ့ စိတ်ကြိုက်သာပျော်ကြ "
အသက် ၈၀ ကျော်တိုင် လူငယ်တွေနှင့် တန်းတူ တက်ကြွ လန်းဆန်းနေသော ဖိုးဖိုး ကိုကြည့်ရင်း မိုးထက် နှင့် မောင် တို့ နှစ်နှစ်ခြိုက်ခြိုက်ပြုံးမိသည် ။
"ဦး , ဖိုးဖိုး ရှာနေလိမ့်မယ်လေ ၊ ခဏနေပါဦး "
အနောက်ကနေ အတင်းဖက်ထားပြီး နမ်းရှိုက်နေသည့် ဦးကြောင့် ပွဲမပြီးခင် အဝတ်အစားတွေကြေကုန်မှာစိုးသဖြင့် ဝိုင် တားယူနေရသည် ။
"မနေဘူးကွာ ၊ Bae က အရင်ကထက်အများကြီး ပိုကြည့်ကောင်းလာတာ ကို စိတ်မချနိုင်တော့ဘူး "
ဖိုးဖိုး နှင့် ဆင်တူသုံးယောက်ဆင်တူ White Suitလေး ဝတ်ထားသော ဝိုင် သည် ပွဲခင်းထဲတွင် ထင်းလင်းနေသည်လေ ။ လာသမျှ ဧည့်သည် တွေ၏အကြည့်တွေကလည်း ဒီကောင်လေး ဆီမှာပင် ။ ကိုယ့်ရဲ့သက်ဆိုင်သူမှန်း သိကြရက်ပင် ဖိုးဖိုး၏သူငယ်ချင်း မြေးမလေးတချို့ကလည်း စကားလာလာပြောနေကြသေးသည် ။ ထို့ကြောင့် တဖက်လှည့်နှင့် အိပ်ခန်းထဲသို့ခေါ်လာဖြစ်သည် ။
"အဟမ်း..ငသွေးရေ "
အောက်ထပ်တွင် မတွေ့၍ အပေါ်ထပ်သို့ ထပ်လာလိုက်တော့ ငသွေး ၏ အခန်းတံခါးကမပိတ်ထားသဖြင့် သော်က စပ်ဖြဲဖြဲဖြင့်သာ နှုတ်ဆက်လိုက်သည် ။
တံခါးဝမှအသံကြောင့် သွေး လှမ်းကြည့်လိုက်တော့ သော်က တို့ဖြစ်နေသည် ။ နဂိုထဲက ရုန်းနေသည့် Bae ကလည်း လှစ်ဆို အခန်းပြင်သို့ပြေးထွက်သွားလေသည် ။
"မင်းတို့ကွာ..."
"မင်းတို့မကွာနဲ့ အောက်မှာဧည့်သည်တွေဧည့်မခံပဲ မင်းကအခန်းထဲ အဟမ်း "
"ဘာမှ မဟမ်း နဲ့ သွားမယ် လာ "
သွေး , ဖိုးဖိုး တို့ရှိရာ ခြံထဲသို့ဆင်းလာလိုက်တော့ Bae နှင့် ရတီလေးက တစ်ဝိုင်းထဲထိုင်ကာ Projector မှပြသည့် ဓာတ်ပုံလေးများကိုစိတ်ဝင်တစားကြည့်နေကြသည် ။ ဖိုးဖိုး ကလည်း သူ၏ မိတ်ဆွေ သူငယ်ချင်းများနှင့်စကားလက်ဆုံကျနေသည့်ပုံ ။
"မဂ်လာပါခင်ဗျာ ကျွန်တော်တို့ CEO ဦးနေသစ်သွေး နဲ့ ညီလေး နှစ်သစ်ဝိုင် တို့ကို သီချင်းတစ်ပုဒ် လက်ဆောင်ပေးဖို့ တောင်းဆိုပါရစေ "
Bae တို့ရှိရာသို့ လှမ်းနေသည့် ခြေလှမ်းတို့ပင် Stage ပေါ်ရှိ ရှိုင်း ၏ စကားကြောင့် အိုးတိုးအမ်းတမ်းဖြစ်သွားရသည် ။ မထူးတော့သည်မို့ Bae အား လက်ဆွဲခေါ်ကာ တီးဝိုင်းရှိရာသို့သာ လျှောက်လာခဲ့လိုက်ပြီး နှစ်ယောက်လုံး ပိုင်နိုင်စွာရသည့် သီချင်းအား ညှိယူလိုက်သည် ။ လာရောက်ကြသည့် ဧည့်သည်များကလည်း ဝိုင်းဝန်းအားပေးနေကြလျက်..။
"အဆိုတော် တစ်ယောက်မဟုတ်ပေမယ့် ကျွန်တော် ချစ်ရတဲ့ ဖိုးဖိုး အတွက် ရယ် ဒီမှာ ရှိကြတဲ့ ကျွန်တော် ချစ်ခင်ရတဲ့သူတွေအတွက် သီချင်းတစ်ပုဒ် နဲ့ ဧည့်ခံပါရစေ "
ကိုယ်တွေနှစ်ယောက်အား ကြိုတင်ပြင်ဆင်ချိန်တောင်မပေးတဲ့ ရှိုင်း ကိုလည်း မျက်လုံးဖြင့်သာ တချက်ကြည့်လိုက်သည် ။
ကမ္ဘာလောကကြီး ခဏရပ်တန့်သွားသလိုပဲ
ငါထင်တယ် မင်းနဲ့ဆုံတိုင်းလေ
အကြည့်တွေရင်ဖိုလှိုက်မောလို့နေ
သာယာတဲ့မင်းရဲ့ရယ်သံလေး
ရင်ခွင်ထဲအထပ်ထပ်ကြားယောင်ရင်းနဲ့
ဘဝကိုသာယာယစ်မူးလို့နေ
အသက်ထက်ဆုံးပေါ့..အနားမှာအမြဲရှိချင်တယ်
ရင်ခွင်ထဲမှေးစက်နားခိုရင်းနဲ့
မငြိုငြင်ဘူး..အဆိုးများတွေ့ပါစေ
ဘဝကိုအတူခရီးဆက်မယ်...
ကိုသော်က ၏အကြံပေးမြှောက်ပေးမှုဖြင့် ရှိုင်း ခပ်လန့်လန့်ပင် တောင်းဆိုလိုက်သော်လည်း အမှန်အကန်ပင် လိုက်ဖက်ညီစွာ ထွက်ပေါ်လာသော သီချင်းသံတို့ကြောင့် မွေးနေ့ပွဲသည်လည်း ပို၍ပင်ပြီးပြည့်စုံသွားသလို...။
.
.
To be continued...
Note : လိုအပ်ချက်တွေရှိနေသေးတဲ့ KYAL ရဲ့ Fic လေးကိုခုလို Ongoing လိုက်ပါဖတ်ရှု့ပေးတာကျေးဇူးအများကြီးတင်ပါတယ် ။ Votesလေးတွေပေးဖို့ကျန်သေးရင် ဗုံးကြဲသွားနိုင်ပါတယ် အားတက်စေမိမှာအမှန်ပါ ။ Viewers & Votes ကကွာတော့ ဝမ်းနည်း 🥺