#المراهقه_و_الأربعيني

حلقه 70

Trước   Sau
#مراهقة_و_الاربعيني

،،،،،،،، بقلم زينب ماجد ،،،،،،،،

الحلقة_70

بقيت خايفه .. اني متأكده ما متوهمه .. اني شفت البزون هينا .. وين راحت .. ادحك على ايديا .. تتراجف ..

وهيام تهدي وتكول : ولج يولي والله ماكو شي رجعي نامي

-لا شلون اذا كلشي مقفول يعني بعدو خاتل العتوي هينا

-دورنا البيت ماكو

علي:- حتى المطبخ وجوه الكاونترات دورت ماكو ..

اندكت الباب .. فتح علي البيبان وطلع فتح باب الكراج . وفات صراع .. بتراك النوم بس لابس جاكيت و شحاطه ..

جا يمي .. :- شبيج شنو صاير ليش هيج ترجف

-تكول شفت بزون وماكو
.
-لا والله صراع اني شفتو ينفخ عليه والله ما اتحلم

-يا بويه انتي خرعتيني بهليل لخاطر بزون .. عبالي شوف شصار بيج .. خرب بيومج

- تركتو ومشيت للغرفه ... ادحك بالغرفه .. ايديا كضبتها رجفه من البرد من الخوف ما اعرف .. اطرافي بردت واسناني .. سن بسن كامت اطگطگ

اندار عليهم صراع :- شبيها ترجف هشكل ليش
وكنبص اخذ اديه ..:- شبيج يابه شجرى لحالج

هيام :- خاف بردانه .. ضل هينا كمل نومتك . الصبح خذها وامشي .. هز راسو سدو الضوا و الباب

-لا لا افتح الضوه

-انه هينا لا تخافين
تمدد وسحبني لأيدو .. ولفنى بحظنو وحط راسي بصدرو ويمسح على شعري .. اهدي اهدي ..

ردت اشيل راسي .. ادحك البزون اكو بالضلمه .. ما قبل اشيل راسي رجعو .. :- كتلج خلص انه يمج نامي ...
وصار يرتل قران على راسي ..

ما سمعت غير وهو يردد (سواء عليهم انذرتهم ام لم تنذرهم لا يؤمنون ) .. هدئت .. ونمت بسرعه ..

فزيت الصبح ..صراع يمي ونايم على ظهرو واني على ايدو .. دحكت ع الغرفه كولشي ما بيها .. يمكن حلم .. ما اعرف بعد ..

دحكت بيه .. غاط بنومو  .. ابتسمت .. بستو بخدو .. تحركت حواجبو وحس .. اخذ نفس ومط نفسو .. وشال راسو .. دحك .. ابتسم

:- ها يحلوه صباح الخير

-صباح النور

.. سحبني لأيدو واندار حظني .. :- ها خلصن خبالتچ ..

-ابتسمت .. ما خلصن بعدني ما اريدهم بس لان احبك

.. مد اخذ حنجي وبوسني .. بادلتو .. جن انهوس .. بعدتو .. خلص خلص .. خل نكوم ..

-وين حدري هينا

-نروح لبيتنا وناخذ راحتنا .. خوما هين .. ظا اسمع صوت هيام بالمطبخ .

-يولي مالج علاقه .. حدري لشووف

- صرراااع ..

-تنهد .. عجل كومي بدلي خل نروح لبيتنا يلا

-شفت حالنا .. تاركين بيتنا وبايتين هينا من وره مرت ابوك

-لا حياتي من وراج مرت ابوي شعليها ..

-هاااه

-اووو راح ادورلها سوالف تعبانه .  لبسي بساع خل نروح تره طكت روحي .. ..

-ابتسمت  . وكمت من عندو .. وهو كام وراي .. طلعت صبحت على هيام ..

-صباح النور ..

طلع صراع :- ها خويه صباح الخير

-صباح الخيرات والعافيه    ريوك جوعان

-لا والله مستعجل اخذها للبيت .. عندي شغل

-لا ابد شنو تتريكون وترحون تلحك ع الشغل جاتل روحك على هشغل  يا خويه.. شمحصل .  اتريك وروح ...

- دحك عليه وابتسم .. لا والله هي مال محصل .. كلشي ممحصل من هشغل بس شنسوي بعد سنة الحياة ..

.. حجاها ومشى للحمام يغسل و اني اجيت للحمام .. مدنك بوجهو صابون يفرك .. ندستو بخصرو .

كش بساع صاح :- تؤ شنو هاي

-اني يحلو خلص بساع ..

كمل فرك وهو يحجي .. :- هاي هيج بيت هيام يوخر طنكوراتج عمي بعد كلما اطنكرين اجيبج لهين ..

حجاها وهو يمد ايدو للماي يريد يغسل .. شلت الشامبو وصبيت بيدو وهو يشيل المي ويشمر بوجهو   ..

غسل وجهو .. صار الوغف ازيد .. غسل بعد .. ضفت بيدو .. صاخ شنو القضيه .. شدا تخلين انتي .  يغسل واضيف واضحك بخنيگ..

-يولي هاي ريحة شامبو انتي شدا تفينين .. ترك الملي وتلمس الخاولي ونشف الوغف ودحك ..

-هاا يعني تتحارشين .

-لا لا .. تركت الشامبو وردت اشرد كضبني .. وسد الباب

-جنيت على روحج يولي

-لا لا ههههههههه لا وخر .. يول عيب .. صراع ..

-اششششش

.. وكف يبوسني واني ابعد بيه .  سمع صوت هيام ويا بنتها .  ابتعد ..

-جنيتي على روحج اليوم .  بس خل نصل 

-راد يكمل غسل دحكني رحت للشامبو

-بلا خبالج خليني اغسل طلعي  .. ام علييييي .. هيج شكول ما تستحي ليش اتلفيها ابيتج

-فسدت خويه فسدت  جانت شلونها وخربت يرادلها ضب

-والله محد فسدني غير اخوج .. واكص بسه وهو يغسل   ويروح منا ويجي منا    اخر شي كضبني من جتفي  وانطاني جلاق وطردني ..وقفلو ..

-هاااه هذا الجلاق الي .. بسيطه

-ليش تتحارشين باخويه ها شنو ما عندج اخوان انتي

-اخوج حليوه وعاجبني اصجمو .. شنو بس اسمهان و اخلاص والله يعلم بعد ياهو يتحرشن بي اني شو هم عاجبني ..

-هههههههههههههه اسمهان بيت ابو صفاء ..

-يعني تعرفيها لهلساقطه

-يا عزا بعينج ليش ولج

طلع صراع ينشف بوجهو :- يولو الفاظج منو هاي الساقطه عيب

-والله ملافظي عاجبتني قابل مثل ملافظك

-اي بويه نحن خوناء وما عدنا ملافظ وطاح حظج وحظ سيبويه بيوم البتلى وخلى قواعد انتي ادرسيها  

يولي حطيتي شوارب هزلمه هاذ بالطين من وره جمعج المكسر  .. ابتلى على عمروالمگرود اسس  قواعد ..

-يااااااا شنو 

هيام :- هههههههههههههههه يلا اعذرها اصولها مو عربيه

-اهو ما طيح حظنا غير ذول اللفو علينا من تالي هاي تركمانيه فاتت على عروبتنا انطتها دفره .. اخوها الكوا... اصلو مسيحي فات ع الاسلام عدل و گبل داعش ..فكونا ول يابه

-دحكتلو بطرف عيني .. هو هم صوجي عمي بعد ما احجي .. فتت للحمام

اندار على هيام :- خويه انتي حظري الريوك انه اتفاهم وياها روحي

-ههههههههههههههه اتفهمو بس مو اطولون خلصنا

- فتت اغسل وجهي .. سوا بيه مثل ما سويت بي بالشامبو .. اغسل وارد ليورا واضيح وهو يضحك بسكوت .

اخر شي كمت اتلمس ادور عليه .. وهو يبتعد .. كضبتو وحظنتو باثنين اديه ومسحت وجهي بقميصو .. صرخ :- عااااااا ولج ما عندي هدووووم لاااااا

-حلللل حتى بعد ما تتحرش بيا

-يولي حتى ما جايب شي وياي شلون هسه اطلع مصلخ .. خرب بيومج

نزع التيشرت وبقى بالفانيله الداخليه .. ويدحك بيها ويدحكلي بنظرة شسويتي ..

مشيت ايدي على زندو باثارة .. وردت اطلع .. سحبني و زت القميص

-جاي تلعبين بالنار ..

-عاجبني .. سحب وجهي الو مثل العطشان وكأنو دا يشرب .. صاحت هيام ع الريوك ..

ابتعد .. غسل وجهو وطلع .. مشيت اغسل وجهي كلو تحسس من لحيتو .. غسلت ومشيت .. هيام دحكت بيا .. ضحكت وهزت راسها ومشت ..

حطت الصينيه .. وعلي نايم ع التخم .. رض ضهرو صراع وضرب عليه :- اكعد يول شوفلي تيشيرت اي شي .. هاي مضروبت الجلوه مسحت صابون وجهه بقميصي

ويصحي بي ويكعدو .. و هيام تكوم بعلي .. ذاك يجيب المخده من ويوخر منا .. نعسان ..

كعدنا ع الريوك وصراع بس بالفانيله الداخليه .  قربت عليه الصوبه ورحت جبتلو الجاكيت .. وحطيتها على ظهرو وكتلو

-هاي حتى بعد ما تتحرش بيا

علي وهو نايم  :- وبيتحرش بياااااااا

-ضحكت هيام بصوت عالي .. واني ضحكت

- اكعد يول ضليت بلا هدوم روح جيبيلي

-كعد .. خالو خل اسولفلك سالفة التحرش ابمرتك

- تحرش بيها منو هاذ ..

-خالو تحرش بيها بس عساه لا تحرش عمت عيني طكيتلي بجيه عليه الا متت ابتلى يا خللو ابتلى

.. احنه سكرنا ضحك وصراع عقد حواجبو ويتحقق ويا منو متحرش .. سولفلو واحنه انطبحنا من الضحك وبحلك علي .. الا متنا

علي :- يا خالو لو شايفها شلون وكعت عليه ودكلو ولك اني مرت ابو حرب تعرف ابو حرررررب لو لااا ودك دك على راسو المكرود ..

صراع غص ضحك واندارلي :- اي هيج اريدج عفيه تربيتي بعد حيلي

علي :- بس هو صوجه شنو ما يعرف ابو حرب طبه طوب منو كايلو لا تعرف ابو حرب خل ياكلها

ليليان :- بس والله قهرني من طلع الباج طالب طب .. اجيت اعتذر منو انوب حليوه يخبل .. امداني جنت غبيه ضيعتو من اديا الا جان هسه اني شاردتلي ويا دكتور اردني  ..

صراع گلب الضحكه جد وعقد حواجبو :-  شنو هلحجي ادبسز اعرف احجي لا بجف على حلكج اعدلو ..

-شبيك دا اتشاقى

علي مشى للحمام و هو دنك للاكل وگلب خلقتو .. ندستني هيام :- اكلي يولي لا تجفصين الثانيه وتبقين على گلبي زعلانه اكلي

-ضحكتلها واكلنا .. كملنا ريوك .. هو بعد ما حجه .. مدري شفكرلها .. بس سكت .. لميت غراضي وردنا نمشي .

كال الها :- ام علي امشي ويانا

-لا والله خويه ما اكدر خل اكعد اقريهن .

-اخذي كتبهن ويانا واكعدي قري كومي بداعتي خل نروح كلنا مدام نائل اليوم جاي هو وعائلتو .. اسويلكم مشويات بالحديقه ..

- فرحان بي ومسويلو استقبال ..

-غير اخوي واستقبلو بوجه حلو عجل اشيل وجهي عليه واحسسو ما اريدو

-اخذت نفس .  لا يابه شلون .. فد ذبيحه ذبحتين وهم سويلك عزيمه..

ما رد .. اندار يلبس الجاكيت ع الفانيله الداخليه :- يلا انتظركم برا ..

بدلنا وطلعنا .. علي مقبل يريد يرجع ينام ..
اخذنا صراع ب السياره ورجعنا للبيت

شفت نائل ونور بالكراج ومطلعين اغراض الغرفه الجوا ودينصبون الاخشاب .. صراع منطيهم الغرفه الجوا.. ومبقي الفوك كلو  خاص بينا ..

سلمت عليهم وفتنا كعدنا بالصاله .. الحجي موجود وام سعد و الجهال احمد ومحمد يتلاعبون ..

فات صراع وصاح :- نااااائل .. حدر اخوي حدر شويه .. وحرمتك هم اريدنها عندي وياكم كم جلمه .

كعد بالهول و الحجيه كعدت وكلهم التمو ..

-اسمع خويه .. انتقلت بسلامه انت وعائلتك .. هلا بيك والبيت بيتك مو بيت اخوك .. بس خل انخلي النقط ع الحروف من هسه كبل لا نبلش وهاي ابوي يسمع 

كلكم تعرفون .. انه اشتريت وبينيت وانتقلت في سبيل اخلص من مشاكل مرتي ويا النسوان .. وخل يكون بعلمكم انه ما طلعت الخاطرها انه طلعت لجل راحتي ..

حرمتي لا اهله اهل تروح تشكي ولا صديقه تسولف الها .. ماكو غير يوميه تجي براسي تحجي هذا اذاني وهذا حجه عليه وهذا وهذا وهذا .  وان يا دوب افسر دربي ..

وشلت هاج من المشاكل .. ردينا .. هلا بيكم بس .....
من هسه اكللكم والكلام تسمعو ام سعد ونور .. ليليان نامت .. ليليان كعدت ليليان طلعت نظفت ما نضفت .. محد الو دخل بيها ... ما بيه حيل تجي تشكيلي وابتلي بيها وبيكم..

لو طلعت كلمه من ام سعد لو من نور عليها .. انه كلامي وياكم انت وابوي .. وكتها اكلكم شوفولي الحل  خل احل ..

انه تعبان ودوخة الراس انه ما اطيقها و وتبقى يمكم لا بعد يومين تصير سالفه وتكولون گبحت ..

نائل :- لا هاي نور تسمع وامي تسمع ما الهم شغل بيها .. هو البيت الكم و انه كم شهر بس شوي يقوه شغلي اخذ بيت واسحب امي يمي ..

الحجي :- يابه نحن ما عدنا شي وياها .. بس السانها تكضبو حتى لو ام سعد هي مثل امها

صراع :- هاي هي كبالكم تسمع .. كلمه وحده اسمعلها وياكم اجنزها وورقة طلاكها بيدها .. بس يابه مرتك اعرف شلون تضبها وهم المفروض الجبير يكبر عقلو ويحتوي الجاهل

... بقو يحجون ويتراطنون ونحن اهل ومن هلواكه اللي متخلص .. صعدت للغرفه .. احس رجعت اختنكت .. مو بيدي حيل كرهت وجودهم ... شكد تحلمت من طلعت منهم بنيت احلام .. بقيت ايام للصبح اسهر افكر واتحلم واتمنى .. احس كل احلامي اتفلشت ..

بقيت ابدل ودموعي جرو وحدهم .. فات هو

-ها بعد ابوج رجعنا نصبناها مناحه مو حجينا

-ما بيدي احس احلامي وياك كلها تفلشت .. ولا حلم تحقق ... لا دراسه ولا مثل البنات بدله وعرس ولا بيت ولا كولشي

- يكفي يولي والله احطج ملكه فوك راس كل واحد ذلج واذاج بس طاوعيني  ..

-ما ادري انت ظالمني لو اني ظالمتك مدري الوكت ظلمنا اثنينا ..  رجعني لصدرو ويبوس براسي

- اذا انتي ظالمتني انه راضي بظلمج واذا الوكت ظالمج انه الج راعي وسند بس ترضين والي تريدي يجرالج انه ابوج واخوج وزوجج وكلشي تحتاجي ..

- احس بكلامو يملكني الدنيا حتى لو جنت ممرتاحة بس اسمع كلامو اامن ..

- شو .. شال راسي .. مسح عيوني .. هلعيون الحلوه انه ما اريد اشوفها تبجي ماشي

-هزيت راسي .. اندكت الباب

-صاح فوت .. اليده تروح وتجي .. منو

.. وخرني من حظنو .. فتح الباب .. احمد ابن نور

:- ها ولك

-بابا يليلك ( بابا يريدك )

-شيليل مني ابوك

-توت هاته ابو التياته اته ..

-عفيه هذا الحجي المعدل ... هههههه كلو جاي

ركض الطفل وهو يصيح تاي تاي عمو تاي

اندارلي .. دحكي يولي مثل ذول وجودهم بالبيت مو نعمه    .

-ابتسمت .

-انزل اشوف نائل واصعد لو نزلتي اصمط جد جدج .

-ابتسمت .. وراح .. عاد رتبت نفسي ومكياج .. شفتو تاخر .. نزلت هو ماكو طالع 

بقيت اغسل ع السنك وارتب .. كالبين الغراض كلاب .  مو بأماكنهن .. فات صراع ..  هاا يول نزلتي .. هاج هذا معلاك بس كصصي ..

جريت التخته .. واخذتو منو .. مد اديا على خصري .. :- مشتاگلچ ‌‌يولو

- صراع ليفوت احد

-ملج علاقه .. شو دحكي يولو شهلحلا ما تخليني اضوك شويه لو ما استاهل

- دجوز شويه خل اكصص اكمل

-شلون يعني ترى تعبان وانتي ما دا تحنين علي ولا اداريني ..

-تعبيش يمعود شمسوي .. كول شيبت وبعد ما بيك حيل ..

-وسع عيونو ورفع حاجبو .. شيبت !!.

-دحك الشيب خالط لحيتك وشعر صدرك تعبت خلص وكتك بعد

-ضحك وحظني قوي  .. دكملي وشوفي هلمشيب هذا شحيسوي بيج ..

حجاها بضحكه وطلع .. حسيت ورا ضحكتو شي .. كانو هلكلمه ضايقتو ..

كصصت المعلاك وطلعنا فرشنا بالحديقه و منقله و يشوي نائل و صراع .. امشي وصراع يخزر ويكولي صعدي

واهمسلو بس نخلص .. ويرجع يكرص ويتحارش ويكلي :- صعدي تره ذوبتي گلبي

واني اضحك وياه واداهرو واكلو لا ..  واجي منا واروح منا خلصنا غدا العصر وسوالف وضحك واجواء حلوه ..

.. وكفني يم الدنكه بحجة يحجي ويايه  وهمس وهو صاك على اسنانو :- صعدي راح اكفر بيج ..

-واذا ما صعدت شتسوي

-اسحلج بالقران ..

-هههههه ..

-صاعد قبلج دقايق والكاج يمي و يا ويلج لو ما اجيتي ..

صعد اني غسلت الموعين البيدي .. فات علي وهو يصيح على صراع ..اجو جماعتو ..

نزل وهو يلبس بالجاكيت

-ها ليون ارتحتي ساعه وانه اكلج صعدي ..