#المراهقه_و_الأربعيني

حلقه 61

مراهقة_و_الأربعيني

،،،،،،،، بقلم زينب ماجد ،،،،،،،

الحلقة_61

صاح ليليااااان .. تركتها وركضتلو ..

-فوتي وسدي الباب

-صراع

-ليليااااااااااان

-بقيت واكفه بمكاني وهي ادك بالباب وتبجي وفاتت تبوس بيدو .. كام منها وصاح ناااااااائل تاخذها لأها وشوكت ما تتربى عدل وتحس على روحها رجعها .. يلاااااااا

فات الحجي راد يحجي وياه .. تركهم وطلع نزل وهو يغلط ويصيح واهجم و واكتل واشعل ...

حلا وحنين اخذو الجخال وفاتو للغرفه و نوال وضحى مرت سعد سحبو نور ونزلو وهي تبجي كسرت خاطري بس شيقنعو صراع وهو بهالحاله ..

شغل سيارتو نائل واخذها لبيت اهلها .. هيام بقت يم الحجيه ما ادخلت .  بس فتحت الباب هزت راسها بمعنى مقابله

طلع صراع من الأستقبال شافنا واكفين مصوفرين بالهول .. زكح :- ما اريدددد اشووووووووف احد هيييييييين يلاااااا والله اشردكم بالشوااااااارع

انه مجنووووون .. والله لجننكم وياي واخلي عالكم سافلكم واهجم هلبيت هاذ الما بي راحه فوك رووووسكم ..

كلها مشت لغرفها كعدت وهو كاعد بالهول والرجل تهز بالعصبيه ويكوم يدفر حاجه ويتمشى يكضب بالمحجر و يغلط ويصيح ويرد يكعد .. يدخن جكاره ويرد يطرها ويفرك براسو ..

اني واكفه بالمطبخ .. حرت اصعد واخلي لو ابقى هينا .. مشيت هو كاعد واديه على راسو ...

اول ما شافني وزكح : هاااا انتي هم عندج مصيبه تريدين تذبيها فوووووووك راسي ..

-لا والله شبيك بس اهدئ

-رجعت كالتلي ااااااااااااهدئ ولج انه مجنووووووون وتكليلي اهددددددددئ

-حشاك ما قصدي هيج بس اخاف على ضغطك من اعصابك والله ..

-فارگي من وجهي بساااااع

-رجعت للمطبخ كعدت .. بقى نص ساعه وحدو بالهول .. طلعت قوطية بيبسي وقالب مال ثلج دوائر حطيت بكلاص  .. اودي لو يزكح بيا ؟

خا اخذ الخوطيه هناك افتحها يمو اذا اشتهى يشرب و اذا لا يتركها واذا زكح فدوا ..

مشيت يمو .. كاعد ومثبت اعكوس اديه على رجليه ومغطي وجهو بجفوفه .. نزل اديه ودحكلي فتحتلو قوطية البيبس وصبيت فوك الثلج  .. تشرب ؟

مد ايدو .. بمعنى يريد .. اخذ مني وحجه :- نظفي هلهوسه بسع

..ماشي .. كمت الملم كدامو وهو يشرب ويدحكلي ..

:- هاي منين جايبتها هلكلابيه ما حلو نزعيها ..

-ادحك بيها .. شبيها اصلا لان حلوا لبستها الو .. اندرتلو

-اذا لبستيها بعد راسج ينكص

-ابتسمت .. عرفتو ضاج منها لان هو يضوج من شي حلو يلفت نظرو بغير غرفتو البس .. يغار ..

-وعلى شنو تضحكين مضحكه جدامج انه ؟

-شو الله ذب عليه فطاريه وكمت اضحك .. اندارلي ورافع حواجبو .. تقربت منو .. بستو بخدو وكتلو :- تأمر هسه انزعها ..

.. اخذ نفس ودار وجهو .. كعدت يمو .. اخذت ايدو ابوس بيها .. داااافيه .. رغم الجو ما بارد بس دفو ايدو غير شكل .. دفاها بحنيه ..

بقيت اتلمس بيدو وهو يدحك .. حجه :- ليليان تعبان

-خل نصعد بغرفتنا نكعد

-مليت منها

-عجل خل نطلع

- تعبان ما بيه اطلع ..

فات علي ... هلله هلله .. رجعت الوجوه الطيبه .. هلا بالخااااال ..

-هلا بالناقص ما بعد وكت تجي تشوفني يول لو مخليها فد اسبوع مو جان زين

- شعندي جايك .. تزوجني تشوفلي مره انته حاير بالصفيرا

-رايد تتزوج ابن المهتلف لحيتك طالعه شواربك خاطه .. كبران يولو

-عجل نصغر

ضحكو و وكف سلم عليه شلونك خالو الحمد الله على سلامتك نورتنا برجعتك ..

- هلا حبيبي هلا بعلاوي .. شلونك يابه ..

-والله زينين الحمدلله على الله ..

.. اني رحت اجيب كارتونة البقلاوه ع الفرن واجي وخليتها كبال علي وكتلو شبيها الصفيرا كلكم مضغوطين منها ..

راح اسمي روحي ع الفيس  الصفيرا  ضاغطتهم

علي :- هههههههههههه  الا هليومين صدك ضاغطتهم ..

صراع منتجي ع القنفه وحاط رجل على رجل ومبتسم .. ليش يابه ضاغطتهم

-بصفاري

-لا خالو معليك بيها هاي الله خالقها جدريه ضغط شغلتها تضغط بالوادم .. الا كلي شلونك شلون صحتك

-الحمدلله

-والله يا خالو فرحنا برجعتك .. حيل محتاجينك

-خير شصاير يول

-الصاير صاير تكوملنا بالعافيه وشرط اصفطلكياهن وحده وحده ..

-عدل نفس وكالو لا تخربط واحجيلي شكو

- والله خالو ما بيه هسه السوالف طويله وانت راسك يوجعك وانه هاي جيتي من الشغل حتى غدا ما متغدي ..

-شغل شنو يول من ايمت انت تشتغل

-عجل شسوي خالو .. الكاتبو الله عليك كتبو عليه بركبتي ام واثنين خوات قابل اكعد واعوفهم وراتب ابوي الشهيد ما يكفي ..

- راتب ابوك شنو انه مو امخصصلكم مصرف كل شهر لامك .. ما كاعد يوصلكم ..

هيام صاحت من الغرفه :- عليييييييييي بلا تعااال

علي:- لا تخااااااافين يمه انه مو ليليان واجفص

-عليييي احجي عدل واحجيلي شصاير ..

-خالو والله تلحك تسمع هسه خليني ماخذ راحتي بعد ما انفك عني الحظر بهلبيت .. ليليااان صبيلي غدا بروح ميتينج ..

.. وانتجى وحط رجل على رجل ويضحك وي صراع ويغمزلو

-دحج يول تحجيلي لا تخيليني افلش راسك .. منو طاردك من البيت

- خالي انه دوم گملتي بگعه وما انراد ومشاكلي جثير عاد تعرفني علاوي ابو الطلايب لا تشغل بالك بيه ..

... اني رحت اصب العلي غدا .. والحجي فات للهول

صراع :- حجي مصرف هيام ما كاعد يصل ؟

-والله يابه انه ما عرف .. واصللها لا ما عرف

علي:- خالو هي لو على الفلوس سهله نحن ما محتاجين لاحد بس هي حتى الكلمه الطيبه شحت

الحجي :- ابو الطلايب انت خالك تعبان صم حلكك و فارك

صراع :- انت لا تضل تذبلك كل كلمه بكد راسك تره تعبان و مخي كوه يفسر احجيلي شصاير ..

علي :- هاي وانت مخك تعبان هيج .. عجل لو صاحي شلونك

-جان فهمتك من نظره ..

..  حطيت الأكل كدام علي وخزرتو .. عود اسكت .. هز راسو ودنك ياكل .. اندرت صراع مركز بملامحنا

-على شنو خزرتي ؟

.. طلعت هيام :- اني مو كتلك لا تجي هينا ولا تفوت رايد تموتني انته

علي:- جيت اسلم على خالي يمه

-ام علييييييي من يمتى تحاسبي يفوت البيتي ... احجولي شنو الصايررررر راسي كام يوجعني احجوليييييييي

هيام :- مشكله صغيره هو ومحمد وسعد طرد علي من البيت واني منعتو من هينا .. من المشاكل ما تعرفهم علي ومحمد من يوم يومهم مشاكل ..

- لا ما بس هذا الصاير .. انتجى ع التخم .. اخذ نفس وحط ايد على رجلو :- يا خبر اليوم بفلوس باچر بلاش ولو عرفت ضامين عني شي ومحمد محد يخلصكم مني الا اهججكم .

كام وصاح :- علي كمل اكلك واصعدلي .. وصعد الدرج

الحجي:- سوسة طلايب انت ما تشوف الرجال تعبان شلك بهلحجي الماصخ

-جدي واليرحم والديك اسكت مني ..

-انت ما تستحي ولك شوكت تعكل ما عدنا واحد مستهتر مثلك ..

-كلكم ملائكه .. بس انه كوا... ارتاحو .. كام غسل ع المغسله

والحجي يحجي وي هيام :- عملي ابنج وفهمي صراع ما بخير لا يجلط الرجال و نحن ما عولنا يرد

-والله لو رايدينا يرد ما جان سويتو اللي سويتو وتعرفون سواياتكم تجلطو هسه جاي تلوم بابني ..

اذا هو غلطان خلي يحجي ويأدبو صراع انه علي ما عاد اكدرلو رجال شطولو اطول مني بمتر  خلي خالو يأدبو ..

... مشيت العلي .. علي الله يخليك تره صراع حيييل تعبان مو صراع النعرفو .. اسمو انسان واكف لا تكلو اي  شي .

-لا تخافين .. اعرف شلون احجي وياه

تركني وصعد

صعدت وراه .. سعد.صار كبالنا عينزل .. دحك بوجهنا وخلا اديه بجيوبا ونزل .. راح علي لغرفتي .. فات

-ها خالو

-فوت وسد الباب ..

راد يسد الباب كتلو .. ادخل اني اسدو .. ردت ادخل جان تجي اميمه بنت سعد

-عمه وين عمو

- هذا شتردين منو ؟

- كوليله انزل اجا الشيخ ريگان ..‌

-جمد گلبي ..

صراع :- منو

-تكول الشيخ ريگان جوا

-طلعيلي دشداشة بالعجل ..

... علي گام و طلع و هو بدل ونزل .. نزلت وراه فات للأستقبال .. تمشيت للكليدور اتسمع شيكلو .. زلم جثيره جت  .. طلع نائل دحكني واكفه .. جاياتكم بسع
وجيبي المنفضات الكزاز ..

رحت للمطبخ .. ديسوون جاي .. دحكت اخلاص واكفه لا هله ولا مرحبا .. اجت البارحه وكت لما جا صراع وراحت شرجعها ..

وكفت هيام .. هاا

-خايفه الشيخ يكلو عليه

-وعليش تخافين قابل بيدج .. الا بعد اختو ابو حرب ع سوايتو الظهريه بفزعتو هاي كحل عيني للأذن ..

.. ابتسمت فاتت ام سعد .. ادحك علينا .. وما حجت واني گلبي نار لا يعرف صراع شراح يسوي بيا ..

بقيت يم باب الهول وانتظر صراع يفوت ... نص ساعه وطلعو كن ماكو شي والشيخ ما حاجي .. طلعو برا .. كلت الشكر للرب كلشي ما حجه احسن ..

صعدت لغرفتي جاي اطلع ملابس اليه حتى اسبح وما احس الا صراع يصيح من جوا :- ليليااااااااااااااااااان

جفلت وحطيت ايدي على صدري .. رد صاح بصوت اعلى .. ركضت فتحت الباب ونزلت ..

واكفلي بنص الهول وخازر عيونو .. نزلت اخر درجه وافرك ايد بأيد وادحكلو

-حدري هيناااااااا سااااااااااقطه .. و گضبني من اذني :- ولج انه مرتي تفر دواوييييين .. من تالي عرضي يدخل مضايف

-جرت دموعي واني رافعه اديه و احامي لنفسي وهو كاضبني من اذني واحس الساني انعقد من الخوف ..

.. بس اسمعني .. بس خل احجيلك الله يخليك

جت هيام وكفت بيناتنا :- خويه اكعد واحجيلك بصلاة محمد عليك لا تأذيها والله مظلومه

-ام علييييييي ابعدي منها لا بالقراااان اطبكج وياها ابعدي

ليليان :- ما اني والله هم طردوني وما لكيت مكان اروحلو غيرو والله صراع مسويت شي

الحجي :- ولج خاف ربج يلمسمومه .. اخ يابه نحن طردناج بويه واتراب اخوك ما طردناها .. هي شردت من البيت وراحت للشيخ ونزلت عگالي جدامو على سوالف ما بيها خير شغل ومكاون نسوان وخلت عگال عمامك بالوحل

-لا والله اني ما سويت شي صراع بس افهمني ..

... احجي وهو يصرخ ولج ادخليييين مضايييييف ليليااااان ولج خليتي راسي بالطيييييين كلبه

ام علي لا تعلين گلبي ابعدي منهاااا

هيام :- خويه والله مظلومه

الحجي :- يابه اتركها لا تضر صحتك عيفها

يحجي ويجر بيا وهيام تجر وابجي واتوسل بيه والحجي يهدي .. كن انگلب وحش .. لا يسمع ولا يتفاهم ..

جرتني هيام وراها وكالتي كالتلو .. اسمع واحكم لا تضربها وتشمتعداها فدوه اروحلك خويه بس اهدئ

-ولج شهددددددددددددئ و عرضي طار الديوااااااان هيااااام ..

.... اريد.احجي احجايه انعقد الساني وبس ابجي ووره هيام .. نوال واكفه تفازع و اخلاص ادحك وضحى ادحك ..

فات نائل يجر بصراع وصراع ما خلى غلط وصياح الا طلع من حلكو جواهر .

فات سعد وكعدو واني ورا هيام والحجيه بالغرفه وهي تصيح ابو حرررب ولك صراااع يمه .

كعدو وهو يفور .. كالو الحجي :- يابه القصه وبما بيها مريتك طايشه واتجاوزت على سعد وسعد هم ما كعد تصايح وياها وكالها اطعي برا وهذا عليوي ابو الطلايب جر ايدها واخذها لبيتو ومحد جان بس هو وياها بالبيت والعالم يا يابه لطشت سمعتنا

هيام :- حجي خاف الله من اخذها بناتي بالبيت

صراع :- انت شنو جاي تطعنننننننن بشرفها

- لا يابه وروح ميتينك ما طعنا الناس هي لطختنا وانت تعرف الناس ما ترحم والله يايابه  

ليليان :- جذب والله جذب هم الطعنو بيا صراع والله هم الطردوني

صراع :- احترميييييي لج منو انتي وتكولين ابوجه ابوي جذب حيوااااااااانه ..

- يابه على هذا السانها احنه تخاربنا وياها كالت لاخوك انه اشرف منكم ومن عشايركم واخوك ردها وهاي طكت العبا وطلعت وي علي ..

-لا والله ما هيج هم الطعنو بيا والله

هيام حجي خاف الله لو ما كتلو ارواحكم ع الورث وردتو بس تحرموها

صراع واكف وكاضب راسو بأثنين اديه .. اخر شي كعد تعب ..

سعد :- ولج انتي ليش ما تحترمين ياهو الطالب بالورث غير خالها وجا يكوللنا اريد ورث بنت اختي .. انتي شكد وحظه ما تستحين

هيام :- يااااا هسه ذبيتها براس خااااالها  مو انت الكتلتنا على مود الوث وطردتنا

نسيت ابنك شسوا سعددددد

نائل:- ولكم الرجااااااال راح يمووووووت سكتوووووو

نزلت حلا ع الهوسه :- لا ليش تسكتها عمو ليش خل يعرف عمايل اخو شسوا بيا وبليليان  وبعمه هيام هو وابنو

اني دموعي تجري و گلبي مفرفح ووره هيام .  وعيوني عليه حيل تعب ..

اخر شي كام يصيح ولكم كااااااااااااافي كااااااااااافي وكضب البلازمه وطرها بنصنا كسرها وكام يصيح راسييييي راح ينفجر رااااااااسي ..

كلها سكتت .. وسعد يجر بيه و نائل ويردون ياخذونو وهو يدفر ويغلط ويصيح رااااااح اموووت ..

اخر شي خرر ووكع .. وكلها انخبصت بيه .. كمت الطم على خدودي واصيح صرااااع لا تعوفني صرااااع ..

شالو اخوته والحجيه وطلعو بي للمستشفى .. كعدت يم الحجيه ابجي والطم واكولها راح من اديه كوليلي شسوي ما راح يصدكني

.. الحجيه فرفحت وتفتح بصدرها وتدعي .. وتكلهم ولكم مو وكتها كتلكم ما يتحمل ..

بقيت يمها ابجي وهيام كاعده و وتحجي بحرگة گلب من سعد و الحجي وتكلها شفتي القباحه شلون داروها ولفوها على هلمسكينه بالله كليلي شسوي

الحجيه :- لا تخافن بس يهدئ ويوزن عقلو يفكر صح ويسمع هسه اعصابو تعبانه .. تركنو نشوف وين يصل . ولا تحاجنه ..

.... من اخذو الحجي و نائل و سعد .. معلكيلو مغذي ومهدينو ومنطينو مهدئات .. وبالسياره كاضبي و حاجين وياه من بداية القصه ..

ان بدايتها بفاتحة ولد عمك شافها عمك تكف وي علي وكاللها انتي حرمه ورجلج ماكو وما يصير تكفين ويا الولد مرتك ضاجت وراددت عمك ومشيناها وكلنه طايشه .

بعدها بأيام محمد مصورها وي علي جايها الفجر وهي وياه بالباب واحنه ما تهمناها بس طردنا علي من البيت حتى لا تلتقي وياه و تصير سمعه مو زينه ..

بعدها تحاجت هي وسعد لان كاللها اريد استلم شغل اخوي حرامات شغلو متوكف كل هلعقار و الشقق لازم احد يكف عليهن ومرتك تصايحت وياه وتكلو تريد تبوك فلوسي وما اثق بيك ومن هلسوالف .. تصايح وياها سعد و طردها بساعة عصبيه واحنه نريد نفوتها شو هاي اخذت عبايتها وطلعة العلي واكفلها بالباب منين جا وشلون عرف ما ندري ..

صحنا متنا بس ردناها تفوت للبيت ما قبلت وراح وياه واختك جانت وي امك بالمستشفى .. عاد عمك من الصبح خابر علينا شنو المصلاويه تبات وي علي بالبيت و عمامك حجت وصارت سالفتها وي علي ما تنحنل

احنه ما نكلك نطعن بيها بس هي ما تكف من علي وما ترد وهي زغيره وعلي شاب .. ردنا نفك المشاكل ونخلي خالها ياخذها ..

خالها كعدنا ركبه ونص و طالب بورث ويكول اني ما استلمها من دون ورثها ورفض ياخذها وكعدت ويانا وكلنا بنيتنا بس خذت منها الموبايل وكتلها تكعدين يم عمتج بعد تعبنا من المشاكل