#عشق وعذاب
❣الفصل السادس❣
ومرت ايام على ابطالنا ولم يحدث جديد سوى موافقه مروان على ان رويدا تغنى فى المطعم
ومهاب بيفكر ازاى يفاتح والده بخصوص مروان
وذهاب تقى للعمل مع توفيق بحجه التعرف على العمل وكيف يسير (احنا طبعا عارفين رايحه ليه )
*********
فى المساء عند مهاب
ذهب للمطعم الى رويدا بتغنى فيه علشان
يشوفها ويسمع صوتها
فقد علم من مروان انه وافق على انها تغنى
مهاب قاعد شايف رويدا وهى بتغنى وكل الى فى المطعم عنيهم عليها وهو هيطق منهم الغيره طبعا ولكنه شعر بغضه فى قلبه لانها لم تحبه ولم تشعر بيه
وكانت تقى تجلس ايضا مع صديقاتها وشاهدت مهاب وذهبت اليه
تقى :مش معقول مهاب انتا هنا انتا بتيجى هنا من امته
مهاب :ساعات بحب اجى هنا انتى بقا بتعملى ايه هنا
مهاب لنفسه( ايه جابها هنا ديه دلوقتى كفايه طايقك فى الشركه هطيقك هنا كمان)
تقى :جايه مع اصحابى اصلهم حبو المطعم من ساعة مارويدا اشتغلت فيه مغنيه وكل الشباب الى هنا جايه علشانها
مهاب اغتاظ من كلامها وغيران على رويدا
من كل الى موجودين وعايز يقتل الشباب الى بيبصو عليها
وكانت تتابعهم وهى بتغنى وهتطق من تقى الى لازقه لمهاب فى كل حته دى
تقى :انا هقعد معاك انتا جاى لوحدك صح
مهاب :مينفعش تسيبى اصحابك كده روحى اقعدى معاهم
تقى :عادى جدا سيبك منهم وانا هقعد معاك
مهاب بنفاذ صبر :لا روحى اقعدى معاهم لانى صراحه جاى هنا اقعد لوحدى
فلو سمحتى روحى اقعدى معا اصحابك
(صراحه رخمه وتستاهل😂)
وذهبت تقى لاصدقائها
جورى : ده مهاب عز يابختك بتشوفيه كل يوم
دنا لمابشوفوه فى المجلات بتجنن عليه
ساندى :فعلا محظوظه ياتقى بتشوفى القمر كل يوم
تقى :انا مش هشوفوه بس انا لازم اتجوزه كمان وعارفه هوقعه ازاى
جورى :ياخطر انتا مكتوبلك تتجوزى مهاب عز الى بنات مصر كلهم هيموتو عليه
تقى :اصبرى عليا انا دلوقتى نفذت خطتى على مامته وباباه اكيد مش هيسيب بنت توفيق شريكه وهو بقا سيبهولى عارفه هجيبه ازاى والبت الى هو متعلق بيها ديه عارفه هخلعها ازاى واخليه يسيبها بمزاجه
ونسيبهم يخططو مع بعض
********
عند رويدا خلصت الاغنيه وبدأت اغنيه تانيه
اغنيه( نداء شراره)(سهرانه انا)
بقى ماالعادى انى بعادى يخلينى افكر فيك
ارجوك تريحنى الله يخليك
بقى مالعادى انى بعادى يخيلنى افكر فيك
ارجوك تريحنى الله يخليك
وتعالى اقوام انا عندى كلام لو قولتو
هيصعب قلبى عليك
انى احب مش هو ده يالى تعبنى
دنا شايله سر معذبنى دنا روحى فيك
ومسير فى يوم هاجى اقولك
وهاعيش حياتى وانا جمبك دنا عمرى ليك
سهرانه دايما بفكر حيرانه ازاى هقولك حيرانه طب واعمل ايه
وبتيجى قصداى كتير تسمع
يبقى خلاص السر هيطلع وبدارى عليك
وكل ده طبعا وهى مهاب مركزين مع بعض
*****
وخلصت رويدا الاغنيه وذهب اليها مدير المطعم ليبدى اعجابه
ومهاب عايز يقوم يموته
رويدا بصت على مهاب لقيته متغاظ وهيطق
فأنهت حديثها معه فعى تعرف انه لايتهوان معها
وذهبت خارج المطعم لتذهب لبيتها
مهاب خرج فورا وراها
مهاب :،رويدا استنى
رويدا :نعم غلط فيه المره ديه
مهاب :مغلطيش ياله علشان اوصلك فى طريقى
رويدا :بالسهوله ديه ياله علشان اوصلك
انتى فاكرنى ايه يعنى
مهاب :اه و ياله اخلصى انتى ايه العند طبع عندك دماغك دى ايه حجر وبعدين انتى مش عارفه انا مين مش معقوله هخطف حضرتك يعنى
وشدها من ايدها لمكان محدش يشوفهم فيه
رويدا:اه سيب ايدى واه دماغى حجر وطبعا عارفه انتا مين مهاب عز الى بنات مصر كلها تتمنى منه كلمه مش انه يقف معاه بس االا انا
مهاب :الا انتى ليه مش بنت زيهم
رويدا :مش انا الى ارمى نفسى على حد
انا كرامتى فوق كل حاجه حتى لو بحب حد كرامتى الاول
مهاب :ويمكن ده الى خلانى احبك اكتر حبيت فيكى عندك واختلافك عن الكل
رويدا :خلصت انا بقى مش قد حبك ده انتا متعرفش الحب اصلا والى بيحركك عقلك مش قلبك وبعدين عندك البت الملزقه الى جوه وهتموت عليك شوفها هتنفع
مهاب :ايه ده انتى بتغيرى بقا ولا انا بيتهيألى
رويدا :اغير عليك انتا ليه
مهاب :اهو بتغيرى وباين عليكى واضح اوى مهما تخبى وتدارى عيونك فضحاكى
...وكمل بصوت عالى ..اعترفى بقا
رويدا بصوت عالى :
اه بغير عليك وبحبك كمان ومش من ظلوقتى من زمان وفتحت شنطتها وطالعة صوره ليه
ودى صورتك اهى محتفظه بيها معايا بس انا مقدرش اكمل فى الحب ده حاولت انساك مش عارفه انا عارفه انك قاسى ومبتحبش وعقلك
هو الى بيمشيك بس اعمل ايه حبيتك ولازم اتخلص من الحب ده انا مش قد جرح الحب ابعد عنى
مهاب :ياه شايله كل ده فى قلبك من امتى وانتى بتحبينى وليه عذبتينى معاكى كل ده
رويدا :بحبك من ايام مكنت معا مروان ايام الجامعه كنت بسمعه بيتكلم عنك وبشوف صورك فى المجالات من وقتها وانا بحبك وكل مابكبر بيكبر حبك معايا وكل يوم حبك بيزيد فى قلبى
وعذبتك علشان انتا بعيد عنى انتا مهاب عز الى بنات مصر كلهم هيموتو عليه كلهم يتمنو يتجوزك يقوم هو مختارنى من وسط البنات دى كلها مش معقول ومش.....
مهاب مدلهاش فرصه تكمل وشدها لحضنه وقال:ليه مش معقول لانك الوحيده الى حركة قلبى انتى جننتينى هبلتينى وعذبتينى كتير وبعدين انتى احلا من كل البنات
رويدا طلعت من حضنه وبتكمل كلامها
(وده أكبر غلط رويدا وقعت فيه سمحت لمهاب يحضنها وده حرام )
مهاب :متخليكى بالله عليكى وتكملى كلامك وانتى فى حضنى هسمعك والله
رويدا :بس بقى ممكن تسيبنى دلوقتى لان الوقت اتأخر ولازم اروح علشان لسه هذاكر ومروان هيزعقلى
مهاب :انا من رأى بقا بلاش شغل المطعم ده علشان انا ببقى عايز اقلع عيون الناس وهى بتبص عليكى انتى هتبقى بتاعتى انا حبيبتى انا انا الى من حقه يسمعك ويشوفك هتصدقينى لو قولتلك عايز اخبيكى من عيون الناس كلها
رويدا اتأثرت بكلامه :انتا رومانسى اوى عكس الى الناس شايفاه انا كنت خايفه من اللحظه دى لحظه ماتعرف بحبى ليك كنت خايفه من قسوتك وطلع ورا قسوتك دى حنيه تكفى العالم كله ياترا الزمن مخبى لينا ايه
مهاب :كل خير ياله بقا علشان اوصلك
الوقت اتأخر واحنا قاعدين نحب فى بعض هنا
رويدا:ياله بينا شكلك هتخلى مروان ينفخنى ويبهدلنى انهاره
مهاب :طب يبقى يقربلك كده وشوفى هعمل فيه ايه دنا اهد الدنيا لو حد قربلك ياجميل
وذهب مهاب ورويدا واوصلها مهاب لمنزلها
وذهب مهاب لمنزله ووجد والده يجلسه هو ووالدته واخته روما
مراد :الاستاذ شرف اخيرا تعالى عايزينك
مهاب :سلام عليكم الاول متجمعين ليه كده فى ايه
مراد :وعليكم السلام .اختك متقدملها عريس
والهانم رفضاه .وانا شايف انه مناسب جدا تعالى يمكن تقنعها
مهاب :ومين العريس
مراد :ادم ابن احمد
مهاب :وانتى رافضه ليه ياروما
روما :انا شوفته ومش عاجبنى مش مرتحاله
مهاب :خلاص محدش هيجبرك وفى عريس كمان متقدملك
مايا :لا بقا هو حد قالكم انى عايزه اتجوز مين العريس
مهاب :يعنى ارفضه
مراد :مين العريس ابن مين حد نعرفه
برلنتى :حد مهم يعنى انا مش هقبل بأى حد لازم يبقى من ابناء الوزاء أو اهم رجال الاعمال
مهاب :وهو حضرتكم الى هتتجوزو مش يمكن ابن الحد المهم ده يبقى خمورجى ويبهدلها ولا هو بالاسم بس
مراد :مش مرتاح لكلامك يامهاب حاسس بحاجه غلط مين العريس
مهاب :مروان صاحبى اكيد حضرتك عارفه
مراد بعصبيه :انتا اكيد اتجننت او اتهبلت انتا مش عارف انتا بتقول ايه صح عايز مراد عز يجوز بنته لواحد شغال عنده
برلنتى :ده هبل انتا عايز برلنتى تجوز بنتها لواحد من الطبقه المتوسطه
روما اخيرا اتكلمت :ليه لا يابابا انتا وماما هو مش انسان زينا انا بقى موافقه عليه
مراد :انتى اتهبلتى انتى كمان عايزه تتجوزى الجربوع ده
روما :اه يابابا عايزه اتجوزه فيها ايه
مراد ضربها بالقلم :اخرصى خالص انتى اكيد حصل لمخك حاجه
روما بصوت عالى وحطت ايديها مكان القلم :بتضربنى يابابا وانهارت اه بحبه وهتجوزه ولكنها لم تكمل كلامها ووقعت
على الارض مغمى عليها
حالة ذهول سيطرت على الجميع
وقام مهاب بحملها وذهب بها ووضعها فى السياره
وكذلك مراد وبرلنتى
ودخل مهاب المستشفى وهو يحملها
مهاب بزعيق :حد ينادى الدكتور بسرعه بدل ماهدها فوق دماغكو
جاء الدكتور سريعا وادخلها مهاب الغرفه وخرج وبعد وقت ليس بقليل خرج الدكتور
ذهب اليه الجميع للسؤال عن حالة روما
مراد :طمنا عليها يادكتور هو ايه الى حصلهت وعامله ايه دلوقتى
الدكتور :هى كويسه دلوقتى الحاله استقرت بس ممنوع الزعل الفتره دى لانه ممكن يدخلنا
فى متاهات احنا فى غنى عنها
مهاب :ليه عندها ايه
الدكتور :انهيار عصبى نتيجه انها اتعرضت لضغط نفسى بس طبعا هتفضل يومين فى غيبوبه ولو الموضوع ده اتكرر انا مش مسؤل عن الى هيحصل اتمنى تحفظو عليها شويه
ووخرج الدكتور وترك الجميع فى حاله لايرثى لها
مهاب :ارتحتو ده الى انتو عايزينه صح عايزين تموتوها بصو بقا انتو الاتنين انا اختى اهم من التصنيف الكبقى بتاعكم ده واول ماتفوق انا هجوزها لمروان طلاما هى عايزاه
مراد بحزن :وانا موفق بس تقوم اهم حاجه
برلنتى :بس انا مش موافقه
مهاب :مش مهم خالص موافقتك انتى من امته وانتى معانا قوليلى امته اهتميتى بنا المهم عندك صحباتك والنادى ومظهرك وبرستيجك فلو سمحتى متدمريش حيات اختى وسيبيها تعيشها صح
مراد :مهاب كلم والدتك كويس
مهاب :والدتى قصدك برلنتى هانم سيدة المجتمع ورئيسه الجمعيه الخيريه
انا داخل لروما هفضل جمبها اليومين دول
مستحيل اسيبها وعارف انكو مشغولين وبرلنتى هانم مشغوله
فلو سمحتو اتفضلو امشو انتو الاتنين من هنا
وخلاص انا اخدت قرارى اما تفوق هجوزها لمروان انا مش عايز اخسر اختى
مراد :موافق بس بنتى تبقى كويسه
مهاب :خلاص اتفقنا
ومشى مراد وبرلنتى وفضل مهاب جمب روما
مهاب :روما فوقى بقا انتى هتقضيها نوم
روما :الحمدلله دنا طلعت ممثله ايه بريمو
مهاب :عندك حق دنا صدقت انك اغمى عليكى بجد
روما :علشان تعرف دنا غلبت على مافهمت الدكتور هيقول ايه
مهاب :مع انى كنت متصل عليه قبل ماندخل علشان ننفذ الخطه بس الحمدلله نفذ الكلام بالظبط
روما :الحمدلله متشكره جدا ياهوبا انا مش عارفه كنت هعمل ايه من غيرك
قام مهاب ومسك وشها وقال:انتى بنتى ياروما الى بحبها وعمرى ماسمح لحد يإذيكى طول منا عايش
مايا قامت وحضنته وقالت :ربنا يخليك ليا يااحلى اخ فى الدنيا كلها
وفى هذا الوقت الباب خبط ودخل مالك
مهاب :متشكر جدا يامالك بجد انتا طلعت جدع
مالك :هو انا عملت ايه مثلت شويه بس الواحد اكتشف موهبه جديده عنده والله
مهاب :بجد شكرا
مالك :خلاص هو انا عملت ايه ياجدع اهم حاجه ربنا يوفقك فى الى بتعمله
وحمد الله على سلامة اختك
سلام عندى شغل
مهاب :سلام ياعم المهم
وخرج مالك من الغرفه
مهاب :ايه ياروما مش نتصل بمروان ونعرفه انك تعبانه
روما :لا يامهاب متقلقهوش
مهاب :ياحنينه بس علشان انا عايز اموتك انتى عمرك ماخبيتى عليا حاجه تقومى تخبى عليا موضوع مهم زى ده تخبيه عليا
روما :خلاص بقا ياهوبا منا قولتلك اهوه
مهاب :بعد ايه اه بعد ايه
فلاش باك
بعد عودت مهاب من الشركه وبعد تحدث مروان معه عشان يختطب روما
روما تجلس فى غرفتها ذهب مهاب للتحدث معها ودق باب الغرفه
روما :ادخل يامهاب
مهاب :نفسى اعرف عرفتى انه انا ازاى
روما :هو حد بيسأل عليا غيرك
مهاب :مس حاسه انك بعدتى عنى ومبقتيش تتكلمى معايا زى الاول
روما :انا لا انتا حبيبى ينفع متكلمش معاك بس مشغوله فى المذاكره
مهاب :هعديها اصل اتقدملك عريس وحاسس انك عارفه
روما :انا ابدا مين العريس
مهاب :خلاص هرفضه اصله مش مناسب
روما بإندفاع :ليه مش مناسب علشان شغال عندنا طب مهو مهندس وناجح كمان وليه مستقبل
مهاب :سبحان الله انتى من الناس بتاعت الطالع والمستخبى عرفتى منين
روما :............
مهاب :كنت حاسس بس مش مهم حسابنا بعدين المهم بابا وماما هيوافقو ازاى
روما :والهى ماعرف فكر
وبعد شويه
مهاب :انا عندى فكره بس محتاجين دكتور
باك
مهاب لنفسه :كده موضوع روما خلص الحمدلله فاضل موضوعى انا كمان وبإذن الله موت برلنتى هانم على ايدى
روما :مهاب روحت فين
مهاب :معاكى اهوه
روما :عايزه اطلب منك طلب
مهاب :اطلبى
********************
ياترى روما عايزه منه ايه
وايه الى هيحصل معا مهاب ورويدا
اسفه على التأخير بس انا فعلا مكنتش فاضيه
بس جيت على نفسى وكتبت الفصل اتمنى محدش يكون زعل ميني