بقلم : ايات السند
السلام عليكم
لا تنسون التصويت والتعليق بين الفقرات استمتعو ♥️
أذا توقفنا عن الكلام أرسل لي أغنية .
If we ever stop talking , send me a song.
___________________
صباح السبت
جمان
نايمة وما احس غير هجوم علية بس اريد ارفع راسي ما اكدر الجهال متكومين فوكاية
جمان : يماههههه بسم الله يمكن هذا عذاب القبر
جوان : لا حبيبتي هذا عذاب الزواج
جمان فتحت عيني بنعس : انتو شجابكم من الصبح متكلولي
زينب : ييااا صبح ولج يالعروسة الساعة ب ١٢ الظهر
جمان : ويعني المطلوب شنوا
زينب : المطلوب تنجبين اولاا وثانيا تكومين تتغدين وثالثا اصلا كومي حتى تلحكين تتجهزين
جمان : ول متكلولي شتجهز ابوية معرس قابل
زهراء : يول يا ام لسان بس كومي
سحلوني من الفراش وانا اصلا مبية افتح عيني نعسانة دخلت غسلت وجهي ولكيتهم كاعدين ع الغدة كعدت وانا ساكتة ولا اريد احجي بعدني زعلانة من بابا وهوا ولا حاول يحجي وياية البنات يتناقشون ع اللبس وملتهين وانا ولا يمي شبعت وكمت اشيل وياهم الماعين كالت هاجر : يا مواعين ولج امشي بدلي بين ما الم المطبخ واجي امكيجج
جمان دحكت وانا رافعة حاجبي وبداخلي بجية مدري شي احس ماكو شي اريده درت ورحت للغرفة كلشي ما سويت كعدت ع موبايل لكيت شلتي يحجون بالكروب حجيت وياهم حسو بية ضايجة كالو شبيج كتلهم شبية مثل الوردة وخرجت ما اريد احجي انوب
دخلت جوان ع الغرفة وكالت : يولي هاي شبيج شو بعدج كاعدة
جمان حجيت وصوتي مخنوك : جوانة والله مدري شبية اشو ممرتاحة مدري خايفة ما اريد هسه كلشي صارت فجأة ممستوعبة بعدني
جوان حضنتني : ميخالف يعمري ادري كلشي صار فجأة وانتي مرايدة بس هوا بالخطبة انتي راح تحبيه والله وكلشي يتعدل وإذا شفتيه مو زين وياج من هسه انهي واحنا وياج بس لا تبجي عادي هواية بنات خطبو تقليدي وصارو يموتون ع رجالهم ورا الزواج
جمان : انا سلمت امري بايد الله هاهية بس ليهسه مقهورة من كلام بابا
جوان : ي حجتلي ماما معلية بيه تعرفي دائما يحجي بدون تفكير لا تضوجين
جمان :صحيح انتو منو كال الكم وجيتو
جوان : ماما خابرت البارحة وكالت النا ع الصار واتفقت ويا زينب واجينا اكيد مراح نضيع هيج يوم لام الجون مالتنا
جمان ابتسمت واخذت نفس : يلا وين الفستان خل البسه وافض انتو وراية وراية ادريكم
ضحكت جوان وكالت : غير احنا علمودج يروحي تعالي كالو حاطين الفستان بالكنتور بس شلون تلبسين الفستان قبل ما تمكيجين هسه يتدمر امشي هسه هاجر كملت
كمت رحنا ع المطبخ هاجر كالت هياتني كملت روحو لغرفة رغد رحت واجت وراية كبل طلعت جنطتها وصارت تحطلي تكول هسه هما ع الجية
جمان :اذا حطيتي هواية اموتج
هاجر : لا بس سكتي
حطت فونديشن ع لون بشرتي وظلال هيج وردي ع ماروني خفيف ومسكارا ما خليتها تحط ايلانير كالت بس خط صغير انا اريد شي بسيط سوته ما مبين حيل وحطيت كحل بيجي وحمرة وردية وعدلت حواجبي شوي دحكت لنفسي المكياج كد ما خفيف كد ما يجنن
هاجر : يلا روحي لبسي الفستان ورتبي شعرج انا رح ابدل
دحكت الساعة ب ٣ طلعت من الغرفة رحت لغرفتي لبست الفستان وشفت نفسي ع المراية الطويلة مرتبة ومو مبالغ جوان وزينب كالو تجننين وحيل مناسب جبت موبايلي واخذت صور ع المراية لو يموت ميخرب فرحتي اسر انا اعلمه
شعري رفعته ذيل حصان ونزلت خصلتين من كدام وطلعت لماما كالت فدوة لعمرج ع هل نزاكة
جانت الساعة ب ٣ ونص كالت مضل شي ويجون
دخلت لغرفة رغد لكيت البنات لابسين قفطاين هادية ومستورة وتجنن
كالو واخيرا كملتي طالعة تخبلين
جمان : اول شي شكرا وثاني شي لو لابسة قفطان احلا ما اريد هيج قابل حفلة
جوان : اول شي اي حفلة لان هذا عقدج قاني شي شبيه فستاج اصلا عبالك قفطان طويل ومستر قابل شنو
زهراء : يولي مو راح يجون اهله وراح يعقدون شيخ
جمان : هلاووو انوب عقد شو ما ادري
زهراء : شنو ما ادري عجل شعبالج لا تسوين نفسج ما تدرين مو بالمشية مال زلم مالتي عقدت
جمان : يلا ما يهم عقد أو لا شسويله
كالو تعالي اخذنا صورة جماعية وشافني احمد كالي : شو هل جمال عميي
جمان :شسويتو بية عاد كافي صبغ
احمد : مو صوجج ولي
شوي ودك الباب والجرس جان الساعة ٤
طلع احمد وطلع بابا من غرفته لابس دشاشة ومرتب نفسه دحكلي وطلع للحديقة شفت من الكامرة هواية زلم دخلو و فاتو للديوان ودخلو النسوان اهل اسر للهول داخل انا رحت لغرفتي فتت وسديت الباب
اريد افرح بس اكو شي يمنعني احس اريد اخرب كلشي هسه
بس اهدي نفسي واحاول اقتنع جمان انتي مو جنتي معجبة بيه وتحبيه واكيد ابوج يعرف مصلحتج اكثر منج وراح تعيشين بسعادة
دكت علية الباب هاجر تنهدت ورسمت ابتسامة ع وجهي غصب عني وفتحت الباب كالت تعالي نصب جاي ضلت تدحك بعيوني
جمان ضحكت بارتباك : شبيج هجورة يلا نروح
مشينا للمطبخ صبت جاي وانا واكفة يمها واساعدها صحنا احمد اجى ياخذ الجاي كالت : يابة شكد زلم همزين الديوان جبير وكفاهم
مدري شنو حجة ويا هاجر وطلع صبت للنسوان كالت انتي اخذي
جمان : عفية خاف اوكع انا والصنية
هاجر : لا ولج ليش ليش توكعين بس بطلي ثولية
جمان : زين خاف كومة وانا استحي
هاجر : لا مو حيل كثير
جمان : هاجر خاف مو حبابين
هاجر : ترا صرعتي راسي امشي
شيلتني الصنية ومشت من صدك متوترة فتحتلي الباب هاجر دخلت وكلت السلام عليكم شفت ام اسر وآيات وبنات شابات ٤ ومريتين كبار ردو السلام
بديت اقدم الجاي لام اسر كالت : هلا بمرة ابني شلونج يمة
جمان ضجت ايمتى صرت مرته بعد : هلا بيج خالة
ام اسر اخذت الجاي من الصنية وكالت : انا صرت عمتج يمة
جمان ضليت ساكتة بس ابتمست قدمت للباقي عادي بس البنات الي ما اعرفهم يدحكون بتفحص ووحدة ابد مو عاجبها الوضع ابدااا كلت بدت رحمة الله منو هذول ردت احط الجاي براسهم بس كلت خل يخلص هل يوم الاكشر ع خير
كعدت يم ايات وهما يسولفون حيل ميلت سئلتها : منو هذول الي وياكم
ايات : هاي الاثنين عماتي والبنات هاي اختي الكبيرة متزوجة هاي مرت عمر توأم اسر وهاي بنت عمي اختها وهذي بنت عمتي هاي الكاعدة واشرت عليها
جمان ضربتها ع ايدها : لا تاشرين ولج عرفتهم
للخمسة وشوي تقريبا احمد صاح لزهراء وكال ترا هاهية قرو الفاتحة و ابوية كال عقد شيخ بعد شوي خلي تلبس شي ع راسها وتوكف يم الديوان وتنتضر
اجت كالت لماما وكالتلي كومي لبسي شال
كمت للغرفة طلعت حجاب وبس حطيته ع راسي بدون لف وطلعت للهول توني اريد اكعد وصاح احمد تعاي يلا اشو احس بعد حتى ما بية لا اكعد ولا أكوم استرخى جسمي وجتني رجفة وفراشات طارت بداخلي كامت وياية زينب وكفت ورا باب الديوان والشيخ واكف جوا هوا واسر ورا الباب ومفتوح شوي زينب خلتني اشيل بايدي قران مفتوح ع سورة الفتح حتى ربي يفتح علينا السعادة والخير بزواجنا اول شي مدري شنو حجة بالي مو يمه وبعد كال اذا انتي موافقة ع الزواج كولي نعم وانتَ وكيلي اشرتلي بيدها زينب ارد وراه
عقلي وكف يعني باللحظة هاهية صرت ملكه وزوجته زين انا موافقة لو لا، انا ليش هسه فكرت، ارد لو لا عقلي يكلي رفضي شنو اسوي هسه أخذت نفس ماكو مهرب
توكلت ع ربي وكلت نعم وانتَ وكيلي
سمعته حجى ويا أسر اضن وهم وافق وزينب تجر بية حتى نروح وخرت ايدها وقربت اذني اسر ردد نعم وانت وكيلي تعرفون من تكونون بين نارين؟ بين فرحانة ومو فرحانة بين قابلة ومو قابلة بين خوف واطمئنان حسيت انا مدري شنو اريد ومدري شنو صار
مشيت ورا زينب النسوان كالو كلشي تمام؟
زينب كالت الهم ي الحمدلله وافقت وعقدو ضلو يهلهلون ام اسر ونسوان الي يمها وشفت امه حيل فرحانة ابتسمت على ضحكتها كعدت شوي وفات وسام ع الهول اول ما شافني أجى حضنتي ضحكت عليه وبسته كال انتي هسه صرتي مرتي ومرت اسر عقدت حواجبي وضحكت ولك شلون مرتك شلون مرته كال معليج هوا هيج كالي
اندار عليهم كال ابو جمانة كال ترا راح يدخل اسر يلبسون الحلقات ويطلع
ندرايت ع جوان : عفية ليش يفوت ما اريد يفوت عليش
جوان : ميخالف حبيبي هدي بس يلبسج الحلقة
جمان :زين منين راح اجيب حلقة هية مو لازم منا
زهراء : احنا دزينا أحمد يشتري حلقة الصبح
جمان : يلا تمام وينها
هاجر : احنا محضرين كلشي تعالي كعدي ع الختم بين ما يجي وجيبي الشال
جمان : لا عوفيه
ام جمان : يا ماما غير صار رجلج
جمان : هسه ميخالف شضاركم انا استحي من اول دعوفوني
كعدت ع الختم و البنات مجهزين ميز كدامي بيها الحلقات ام اسر اول ما اجت انطتها لزهراء ترتبها وجايبين كيكة هم مكتوب عليها مبروك عقد القران وحاطين سجينة مغلفة بشريط وكلاصات وهيج ترتيبات للميز صحت لزهراء كتلها صورتي الكيكة والحلقات
كالت اي
انا احب اوثق الأشياء بصورة حتى لو صار فجاة وبسرعة وانا مراضية بس جوز خير الي انا ليش اعقد كلشي لازم استمتع باللحظة واتوكل بكلشي ع ربي
دخل اسر كامو يهلهلون انا سنحت بمكاني من شفته بالرسمي طالع حيل حلو وهيبته باس راس امه وباركتله وكعد يمي ومبتسم انا بس افرك ايد بايد خجل وارتباك
همس بصوت مسموع بس الي: مبروك مريتي
انا قشعرت من القرب حرت ارد لو لا ثواني ورديت بصوت ناصي الله يبارك بيك وتكلطت شوية عنه (تدنيت)
هوا دحكلي ابتسم وسكت
ماما والبنات باركو اله رد عليهم الله يبارك بيكم
ام اسر : يلا يمة لبسها الحلقة
كام وشال الحلقة ومد ايده يريد احط ايدي بيها احس حيل احمريت بس هما يدحكون علينا نطيته ايدي لزمها بهدوء وهما يهوسون ويغنون ولبسني المحبس ع كيفه تقرب من اذني وكال : شهل ايد الترفة جمانتي
بعدت عنه واحس بعد مكدر انتفس من الخجل كمت اهفي ع وجهي دحكت لازمته الضحكة
شلت الحلقة مد ايده لبسته اله ايده سمرة وثكيلة كلت بداخلي يباووو عزا هذا اذا ضربني اتفلش بس شحده
زهراء جانت تصورنا فيديو كالت مدو ايديكم اخذ صورة مديناها وصورت وبعدها كالت قطعي الكيك شلت السجين اقطها كالت يولل صبريي غير انتي ويا
عزاااا فشلتتتت غير هية كالت قطعيها
مد ايده اسر فوك ايدي وقطعناها سوية بس وصلت نهاية الكيك هديت السجين احس برجفة احس بشعور غريب مدري هيج اول مرة قريب مني
كالت وكليه خزرتها يربي والله راح اسيح بمكاني
هوا شال الجطل واخذ قطعة وقربها مني اكلتها
وانا هم شلت ووكلته
كالت بعد العصير
همست يمها يول شبيج قابل مهر مدري شسمه
زهراء : معليج انتي هسه هذا ولا ذاك بش انصمي
شربته عصير بارتبارك راد يوكع بس الله ستر كلت بكلبي شبيج عاد عود انتي القوية هيج ترتبكين
قرب الكلاص مني يريد يشربني شربت بس وكع شوية علية اخذت كلنسة مسحته هوا صافن علية كلبت عيوني وكرصته من ايده يستاهل ابتسم ولا عبالك دخلت اضفري بجلده درت وجهي
كام وكال لاهله يلا نتوكل هما كامو وتعدلو
هوا مدلي موبايله كال بصوت هادئ :كتبلي رقمج اريد احاجيج
جمان : ماكو داعي
اسر : ها مو اجيبه
جمان : جيبه هوا انت حسابي وكلما اسوي جديد تلاكيه بقت ع الرقم
اسر : عجل شون ما الاكيج غير مريتي
نبرته من حجا سيحتني ضليت ساكتة عاد طلع اسر كدامهم
والنسوان كامو وسلمو وضلت اخر بنية بوستني وهمست باذني : لا تفرحين ما يدوم .......
يتبع.............