هلو حبايبي
.
.
كم هي جميلة ودافئة
تلك اللحظة التي تكتشف فيها
أنك أنت المقصود بنص كُتب بطريقةٍ مبهرة
وأنك الشخص الوحيد الذي يستطيع إدراك ذلك.
.
.
ملك ،،، مااعرف شنو صار كنت اباوع وفرحانه
اول مرة نسوي عرس بهل فخامه والكل فرحان
لانو من تزوجو اخوتي الباقين كان بوقتها احمد
مخطوف ومن تزوج محمد ورنا مفرحة لانو اعرف
كان يحب لما وهل زواج عناد بينهم لذالك كان
عرس عادي مو مثل اليوم الكل فرحان
وفجأة صار رمي من رادو يزفون العرسان
كنت اباوع مااعرف شلون لمحت ميار وكع بلا وعي
طلعت ركض طريق صار شطوله حسيته عمر
لحد موصلت لكيت الكل حوالي
محمد مصدوم بس من شفت لما شكت دشداشته
المتروسه دم وصارت تسعفه والدم يطافر راحت
روحي ميار حبيب قلبي ابني اني الي ربيته اني
الي رضعت وغسلت ونومت من تمرضة امي وتركته
عمرة اشهر هوة ولما مثل تؤم ربيتهم
لذالك كانت صدمه اكبر من انو عقلي
يستوعبها مااحس بشيئ ابدا صح امشي وياهم
من يمشوني بس بلا ادراك ماعندي اي ردت فعل
مااعرف شوكت نمت كعدت لكيت لما يمي باوعت
عليها اكيد مات والئ مكان تركته واجتي
.
.
لما ، رجعت باليل اني وعلي وكل همي ميار يصحئ
لانو حالته حرجه شيخ علي يحجي وياي اني
بغير عالم وصلنا مكدرت اواجه ملك شكول الها
شحجي صعدت لغرفة ميار وكعدت ضليت ابجي
لحد مااذن ميار مو بس اخوي وابن عمي لا ميار
صديقي ورفيق عمري شيئ دخت ونمت او بالاصح
اغمئ، عليه صبح ساعه بالعشرة سمعت جهازي
يرن باوعت المتصل محمد
محمد ،،، الوو لما
لما ،،، الله يخليك لتكول مات فدوة لا تفجعني
محمد ،،، لا لا لتخافين كل شيئ طبيعي ودايستجاب
للعلاج بس لسه ماصحئ
لما ،،، الحمد الله اربع وعشرين ساعه اذا ماصحئ
كل شيئ نتوقع لذالك خفت
محمد ،،، لا ان شاء الله ميصير الئ كل خير
لما ،،، يارب
محمد ،،، اتصلت اسئلج علئ ملك شلونها
جهاز ماري مقفول ليش شفتيها
لما ،،، لا بس اعتقد يم ملك لتخاف ماكو شيئ
انتبه علئ ميار وبس يصحئ اتصل بيه اوك
محمد ،،، ماشي باي
لما ،،، باي
لما ،،، وديت مسج لعلي كتله منمت باليل وتعبانه
لذالك راح انام ماعلق ع رسالة
رجعت نمت مااكدر انزل
واشوف ملك بهل حاله
أسماء ،،، اجوي الولد علئ الغدا بس محمد باقي
يم ميار كانت الوجوه تتلاطم
وااسمع هوسه بالمضيف صراخ احمد هز البيت
رحت اسمع عليهم اريد افهم شكوو وكفت ورئ الباب
مال الاستقبال اداخليه واسمع شيخ يصرخ
احمد ،،، انه مو كلت محد يرمي هاااااا احجوووووو
انا طرطور بينكم ماالي كلمه علئ رجالي
اااااانس اريد اعرف من الساقط الي رما احجي
بسرعه
انس ،،، شيخ الي رما رما كان
احمد ،،، شبيك ماتحجي
ماهر ،،، انا رميت ياشيخ وهاي انه كدامك
شنو عقابي انه قابل
احمد ،،، لا ماصدك انت شجاك تخبلت احجي
ماهر ،،، صارت بعد هاذ السلاح بيدك ارميني
احمد ،،، لا حوله ولا قوه الا بالله
شيخ علي ،،، ياجماعه صل علئ محمد ( ص)
شيخ احمد روح ارتاح وانت ابو احمد روح لبيتك
يكوم الولد بالسلامه ويصير خير
أسماء ،،، بحجاية الشيخ علي كل واحد طلع
لطريقه شيخ احمد دخل لغرفته وماهر طلع
الي فهمته رصاصة ماهر هيه الي طاحت بميار
شلون راح يقرر شيخ احمد مااعرف
ثلاث ايام كل مااسمع صوت اكول مات ميار
حيلي كله يروح لحد مااتصل فهد وكال صحئ
وحالته زينه تجاوز مرحلة الخطر هنا حسيت روحي
رجعتلي والكل فرح ملك واحمد ماحجو شيئ
بخصوص ماهر ابدا بس رجع الدم بعروكهم
وعلي راح الزوجته باامر من شيخ احمد
لانو عيب صار ثلاث ايام اهلها يمها وبسبب
المصيبه الي صارت مادخل عليها اليوم دخلته
اليوم البنات رجعو لبغداد بعد ماطمنو علئ ملك
هنه ورجالهن وسهاد وليله هم راحو ضليت بس
اني وملك وماري بالبيت
ملك كلش تعبانه وجها ليمونه وماري خطيه ابد
ماتهنت بعرسها بس ساكته متحجي
شيخ علي حدد كعدة بين ماهر وشيخ احمد
حتئ،يحلون هل مصيبه
.
.
ملك ، من سمعت ميار صحئ،رجعتلي. روحي
وصرت اشوف واسمع كنت فاصله عن العالم
احمد ،،، ملكي ليش تخوفيني عليج ليش حبيبي
ملك ،،، اريد اشوفه فدوة اخذني اله
احمد ،،، وين اخذج انتي شايفه نفسج شلون صاير
لون وجهك عبالك ليمونه
ملك ،،، تعبانه احمد تعبانه والله تعبت بعد شاشوف
ماضلت مصيبه ماوكعت علئ راسي كافي اريد
ارتاح يوم ماكدر كفر افرح اني مامكتوب الي الفرح
احمد ،،، لتحجين هيج كافي قضاء وقدر
المصيبه شلون راح اتصرف وياماهر
ملك ،،، شنو قصدك لا يكون تريد حق من ماهر
احمد ،،، اذا مااخذ حق من ماهر اصير مهزله
ملك ،،، صح بس الحل سهل
احمد ،،، احجي شنو الحل الخاطر الله والله اعصابي
تعبت هاذا اخوي وهاذا ابن عمي وصديقي وسندي
بس ناس تاكل وجهي واصير كنطره اذا ماكعدة
ماهر للحق
ملك ،،، كلامك صح ناس دور زله حتئ تبدا نفاق
لذالك انت تطلع منها نهائيا وتخلي الاوادم تحكم
بينكم لا تنسئ ماهر ابن عم واخ وحامي لدارك
والي صار مجرد حادث
احمد ،،، ومن هل اوادم
ملك ،،، ماادري انت شوف من تريد يلزم هل طلابه
احمد ،،، راح اكلف شيخ علي هوة حقاني وابد
ماينحاز حتئ لابو
ملك ،،، هاذا هوة سلم هل قصه لشيخ علي هوة
يصرف بس خليها بالك ماهر لو مهما يكون مراح
اسمح الكم تجاوزون عليه
احمد ،،، ممممملك
ملك ،،، ماتت ملك هاذا ماهر تعرف شنو ماهر
هاذا حمئ شرفي بروحه من كنت طفله وحيدة
وضايعه ومن كبرت اخذني فصليه مايوم تعدئ
حده وياي او سمح لاي شخص يجاوز حده وياي
ومن رجعت رجعلك حقك وصار صديقك
وهاي عمر هوة وياك اكو فد يوم خذلك
من نخطفت هوة الوحيد الي وكف وياي وحماني
وساعدني حتئ ادور عليك وهوة ماقصر
لذالك اذا خيروني بين ماهر وميار راح اختار ماهر
مرات الحياة تولد الك اخ يفديك بروحه
عكس الاخ الي يتخلئ عنك بااشد حاجتك اله
وهل اخ كان ماهر لذالك اذا طر الامر اختار ماهر
الي ينكر المعروف بلا اصل ياشيخ وماهر مغركنه
بفضله لذالك اطلب منك من ينطوك حقك من ماهر
تتنازل عنو مهما كان ماهر ماقصد كان حادث
احمد ،،، ومن كلج راح اخذ شيئ منو كتلج
لازم تفضها الاوادم حتئ ماناس تاكل وجهي
ملك ،،، تمام يلا خلينا نروح نشوف ميار
احمد ،،، يلا
ملك ، اني متاكدة قراري صح مهما كان هاذا ماهر
ابد ماانسئ شلون ثلاث سنوات حافظ عليه
وعلئ املاكي وشتغل وتعب وحماني حتئ من
اخوتي وااني متاكدة لو مو ماهر وقف
وياي هوة ورجاله كان صرت قطعه لحم للذئاب
الجائعه بهل حياة وقت الطمع ماكو اخوة ولا اكو
قرابه ابوك متعرفه للاسف في كثير ناس المال يغويها
وماهر بحياته ماغلط بحقنا حتئ شغلة ميار حادثه
ومهما يكون ملازم ماهر واحمد يفترقون لانو
ماهر سند احمد لذالك راح استغل
هل حادث و اعزز هل علاقه مااخربها مثل ماكثير
شماته منتظرين هسه تكلون شلون تعززين هل علاقه
وتقويها ببساطه نناسب ماهر لانو نسب ماهر مشرف
واني لازم اصرف قبل فوات الاوان
وصلت المستشفى كان في كثير ناس
دخلت كان فهد كاعد يم ميار كاعد وحالته جيدة
الحمد الله
ملك ،،، احفاد جابر اقوياء وراح يكونو اقوة دائما
لانو الضربه الي ماتقتلهم تقويهم صح ياشبل ال جابر
ميار ،،، صح ودائما راح يكونو تحت امرك يغاليه
ملك ،،، لتعب نفسك حبيبي ارتاح لتحجي اعرف
تربات ايدي
ملك ،،، محمد شنو وضع اخوك
محمد ،،، مثل الحصان يومين ونطلعه
لما شيخ علي ،،، السلام عليكم
الجميع. وعليكم السلام هلا شيخ
شيخ علي ،،، شلون دكتورنا اليوم
لما ،،، لا الواضح جيد
محمد ،،، الحمد الله افضل هاذا تقرير تكدرين تشوفي
لما ،،، اكيد شكرا
لما ،،، مممم جيد حالته مستقره والعضو المضرر
بدا يجدد لذالك ماكو اي خطر علئ حياته بس
المشكله لازم ننتبه علئ صحته لانو حاليا
وباء وهوة مناعته نازله لانو الكبد مضرر لذالك
لازم وقايه ومراقبه دائميا
محمد ،،، شكو عندي اني مجاز راح يكون تحت
اشرافي 24 ساعه
لما ،،، جيد اذا وافضل نطلعه من المستشفى لانو
بقائه هنا خطر انتشار فايروس والحضر
راح يوترنا لذالك الافضل ننقله للبيت ونعفر غرفته
ونأمن كل شيئ نحتاجه للعنايه بالبيت افضل
شنو رئيك ابو اسر
محمد ،،، اني اشوف هاذا افضل حل بذات بهل
ضروف ونحن دكاترة يعني طمنو شنو رئيك شيخ
احمد ،،، انتو اعرف الي شوفو صح سو دكاترة
لما ،،، اذا اني راح اتصل بي رعد يجيب الي اجهزة
من المستشفى مالتي ونصبهم بغرفة ميار
وباجر نطلعه
محمد ،،، تمام اليوم اني راح ابقئ عند ميار
تكدرون ترجعون للبيت بعد زيارة
لما ،،، تمام اني راح اروح للبيت احضر لستقبال
ميموو حبيبي
شيخ علي ،،، احم احم
لما ،،،هههه هاذا اخوي ياشيخ
احمد ،،، يلا زيارة المريض دقائق وانتو قلبتوها
محاضرة طبيه
احمد ،،، يلا شيخه
محمد ،،، اضاهر ام كيان بغير عالم
شيخ علي ، اباوع ملك كاعدة وصافنه اكيد
اكو شيئ لانو ملك متصفن اذا ماكو شيئ اكيد
تفكر بحالتها الصحيه اباوع وجها مخطوف
احس نفسي ختنكت من تذكرت مرضها ماكدرت ابقئ
طلعت من الغرفه بسرعه
لما ،،، شيخ شيخ
شيخ علي ، لتفتت لما باوعت عليها بس مالي خلك
لما ،،، شبيك ليش طلعت بسرعه
شيخ علي ،،، ماكو شيئ تذكرت عندي شغله لازم
اقضيها انتي ارجعي ويااحمد.
لما ،،، تمام عود طمني عليك
شيخ علي ،،، تمام يلا سلام
شيخ علي ، البارحة اتصلت علئ دكتور صديقي
شرحتله حالت ملك بس طمني من سمعت كلامه
انو ممكن حالتها تتحسن بعد اجراء عمليه قسطره
والي هيه تغير شراين المغذيه للقلب الشريان الابهم
مااعرف اشرح بهل مواضيع المهم اكو امل انو
ملك تتحسن لذالك لازم اجيب دكتور
وفريقه للعراق واجهز كل شيئ حتئ نبدا علاج ملك
كنت كاعد وسمعت صوت نغمه مخصصه لملك
فتحت الخط اجاني صوتها التعبان من اسمعه
احس كل خليه بجسمي تتنفرز لو يصلح انطيها
قلبي والله مااتراجع واصلا قدمت طلب تبرع
راح اتبرع بكل اعضائي بسبب ملك اتمنئ من الله
تاخذ قلبي بس هوة قدر
(( من الجميل ان تهب الحياة لي كذا شخص بعد
رحيلك ))
رديت عليها واني مغمض عيوني مااتخيل خسارتها
شيخ علي ،،، ها ملك
ملك ،،، لازم اشوفك ونحجي
شيخ علي ،،، تعالي اني بالمطعم المقابل لل ......
ملك ،،، تمام دقايق
ملك ، بعد ماطلعنا من عند ميار احمد راح
ويا فهد عندة شغله مهمه وااني ولما وباقر
بقينا
لما ،،، يلا ملك خلي باقر يوصلنا حتئ اجهز
غرفت ميار
ملك ،،، انتي وباقر روحو اني راح ابقئ عندي
شغله ويامحمد ساعتين والحق بيكم
لما ،،، براحتج يلا سلام
ملك ، طلعو الكل باوعت من شباك راحو كتله لمحمد
اشرت لمحمد فهمني طلعما نتمشا بره الغرفه
فهمت محمد كل شيئ وطلعت خابرت شيخ علي
لازم نحجي بخصوص الكعدة الي راح تصير بين
احمد وماهر وعلي الي راح يكون القاضي بينهم
بس هم مايعرفون اني الي راح اصدر الحكم
حسب معرفتي
انطاني العنوان رحت لمكان كان كاعد في
ملك ،،، طول عمرك تحب الفخامه حلو المكان
شيخ علي ،،، صح احب الاشياء النادرة
ملك ،،، ممم جيد المهم مااكدر اتاخر اريد احجي
وياك بموضوع كلش مهم علي
شيخ علي ،،، واني هم عندي موضوع ماكو اهم منو
بالنسبه الي
ملك ،،، شنو هوة احجي
شيخ علي ،،، السيداة اولا اسمع موضوعك بالاول
ملك ،،،صاحب ذوق شكرا
شيخ علي ،،، عفوا احجي
ملك ،،،مراح اطول عليك احمد كلفك بخصوص
المشكله الي صارت صح انو انت الي راح تحلها
شيخ علي ،،، صح
ملك ،،، حابة اسمع منك شنو راح يكون حكمك
شيخ علي ،،، الحكم بهل قضيه معروف
راح اطلب من ماهر يسلم سلاحه الي رمئ في
ويعتذر والي يطلبة احمد يصير هوة ابو الحق
ملك ،،، كلامك علئ راسي بس اني مو موافقه
عليه
شيخ علي ،،، سبب
ملك ،،، ماهر اخوي وكان وسند الي طول هل سنوات
والسلاح الي رمئ بي بفرحي مكان يقصد يااذيني
بي انه متاكدة وانت راح تهينه بهل طلب
لانو اخذ سلاح يعني اهانة كرامته ومستحيل
اسمح تهينون ماهر
شيخ علي ،،، لهل درجه تعزي
ملك ،،، مثله مثل ميار لا والله ازود
اذا خيروني بين ماهر وميار راح اختار ماهر
صح هاذ اخوي ابن امي وابوي بس ماهر اخ وهبته
الي الحياة وكان نعم الاخ
و مو ملك الي تنكر المعروف وتنسئ فضل شخص
ابدا كيف اذا كان ابن عمي و اعز من الاخ
شيخ علي ،،، طيب اذا كنت اني بدال ماهر شنو
راح يكون موقفك شنو كان حكمج عليه
ملك ،،، مااتمنئ اتخلئ بهل موقف ابدا
شيخ علي ،،، صارت بعد شنو حكمج انتظر جواب
ملك ،،، بلا شك راح اختار اخوي
شيخ علي ،،، هاااا مفهمت يعني ماهر اعز مني
ملك ،،، اكيد لا بس اذا كنت مثل ماهر مجرد حادث
مراح اضلمك واذا كنت متقصد صدكني راح اقتلك
باايدي
شيخ علي ،،، مفهمت شيئ من كلامج ليش ماهر
تفضلي علئ،ميار وااني متكدرين تنطيني الحق
ملك ،،، لانو انت تختلف ماهر ابن عمي واعده اخي
ورفيقي من زمان هوة حاميني
اما انت تبقئ رجال غريب صح صاحب فضل عليه
لكن مو لدرجة افضلك علئ اخوتي او ولد عمي
اعذرني علئ صراحتي ياشيخ بس تعرف صح
اني امراة بس عمري ماخليت مشاعري تتحكم بيه
بس ارجع واكول ان شاء الله اموت ولا انحط
بهل موقف
شيخ علي ،،، كل مرة انصدم بيج اكثر من المرة
السابقه يامهرة اصيله مثل ماعرفتك دائما
كلامج درر شيخه بنت شيوخ ماتفضل الغريب
مهما كان علئ القريب تحت اي ضرف كان وهاذا هوة
صح.
ملك ،،، المهم الشماته تنتظر خراب البيوت وانه
نيتي اخيب ضنهم
شيخ علي ،،، شلون
ملك ،،، ماهر يتمنئ نسبنا و ميار دكتور وشيخ
ابن شيوخ وبالمقابل ماهر ابن عمنا وابن شيوخ
لذالك راح تطلب الصلح بينهم ولحتئ،ينسون الي
صار ونسد حلوك ناس راح تطلب من ماهر مراة
لميار لتخلي يفهم غلط فصليه وماعرف شنو لا
راح تكله نريد منك اقرب والي صار مجرد حادث
وانتو عمام لذالك طالبين بنت ماهر چنه لي ال جابر
نعزز علاقتكم وننسئ الي صار
شيخ علي ،،، عز الله انج مو مراة ياملك فعلا ملاك
وتستحقين لقب شيخه
ملك ،،، تسلم مانسيت شنو كان موضوعك
شيخ علي ،،، الاول. البنت الي طلبتي معلومات عنها
زينه ابوها من كركوك ومخطوف واثناء الخطف
اثر ضربه رجعة الو ذاكرته وصار عندة حاله رجعيه
يعني من تذكر اهلو نسئ زوجته واطفاله من
المراة الي تزوجها من كان فاقد الذاكرة. وعباله
البارحه طالع من اهله يعني حالته صعبه
َملك ،،، وشلون نكدر نرجعه لزوجته ولدة
شيخ علي ،،، بسيطه بينهم عقد اذا تقدم المحكمة
عقد الزواج وشهادة الولادة مال الاطفال وتقارير
الي جبتها انو هوة مريض راح تثبت هيه زوجته
وهذول اطفاله وانو هوة مريض
ملك ،،، جيد وشريك الي سرق كل شيئ وخلاهم
يشحذون بشوارع هاذا شلون بي
شيخ علي ،،، هاذا سهله شغلته اخلي يغرد مثل
البلبل ويرجع حق المساكين وهوة الممنون
ملك ،،، فدوة علي حل هل مشكله لانو وعدت البنت
خطيه تضيع لانو حيل اثرت بيه شفت نفسي
بيها من نزار اكل حقنا وخلاني اشتغل ليل نهار
لحتئ اعيش اخوتي
شيخ علي ،،، بشرط اذا وافقتي عليه اعتبري
هل شغله خالصه
ملك ،،، شنو هوة شرط
شيخ علي ،،، اسمعي ملك وااريد منج تصرفين
بعقل مثل ماعهدتج
ملك ،،، خوفتني لاول مرة
شيخ علي ،،، اني اخر شخص لازم تخافين منو
ملك ،،، تمام احجي
شيخ علي ،،، ذاك اليوم بعرس محمد اقصد بيتنا
ملك ،،، اي
شيخ علي ،،، من الكلب هاسكي راد يعضج
وااني اجيت بعد مارحتي شفت شيئ لفت انتباهي
ملك ،،، شنو شفت
شيخ علي ،،، دفتر اسود
ملك ،،، لا علي لا تكولها فتحت مذكراتي بس كان
مقفول واني مخليه رمز مستحيل تفتحه
شيخ علي ،،، احساسنا مثل بعض ياملك لذالك
بسهوله فتحته توقعت تخلين شيئ يخصني رمز
لانو مستحيل يخطر علئ بال احد المهم
فضولي خلاني افتحه واقرأ او يمكن كان اشارة
من الله حتئ انقذك صدكيني لو اشوفج عاريه
كدامي وتسلميني نفسج مااخون صديقي علمودج
ولا علئ مال دنيا اطلع قلبي ودعس عليه ومااخون
صح احبج والي قريته زاد نار بقلبي بس كل
هل شيئ ميهمني انتي حاليا زوجة اخوي تعتبرين
لكن هاذا مايعني انتي ماتهميني لا بالعكس
انتي غاليه وبغلات النفس ومستحيل اتخيل
افقدج بيوم او يصيبج سوء لذالك شرطي هوة
تتعالجين قبل لا يسوء وضعج اكثر
ملك ،،، انت قرأءة كل المذكرة
شيخ علي ،،، اي قرأتها وكتلج ميهمني شيئ
غير انك تتعالجين
ملك ،،، تمام بس علاجي مستحيل هنا بالعراق
ومااكدر اسافر لانو مراحلي الاخيرة
شيخ علي ،،، علاجك بسيط واذا مكدرتي تسافرين
لطب الطب يجي لعندك انتي بس ثقي بيه
ولتخافين اني واح اخلي محمد يهتم بالموضوع كله
بحيث مااسببلك اي مشكله
ملك ،،، تمام موافقه
شيخ علي ،،، ماشي راح اخذ تقاريرك وارسلها
للدكتور خلي يدرسها وبعدها نقرر
ملك ،،، تمام بس اكو شغله لازم تعرفها
شيخ علي ،،، شنو هيه
ملك ،،، اني بطلت احبك من يوم الي جبت اولادي
احمد كل شيئ بالنسبه الي انت خلص خليتك
بااخر زاويه وقفلت علئ كل ذكريات والمذكرة
تشهد علئ كلامي
شيخ علي ،،،مااريد احجي بهل سوالف الله اعلم
مافي القلوب وكتلج ماعندي اي نيه سيئه تجاهك
بالعكس لك كل الاحترام لانك ضحيتي بساعدتك
وحياتك وتحملتي الم الخسارة والاغتصاب
ودستي علئ قلبك في سبيل الحفاظ علئ عل
عائلتك وهل شيئ نادر وشبه معدرم يابنت الاجاويد
ملك ،،، ماكو داعي احجي شيئ اصلا اني صرت
كتاب مفتوح بالنسبة الك بس اتمنئ هل شيئ
ميااثر علئ،حياتي
شيخ علي ،،، ابدا طمني يلا لازم ترجعي للبيت
تاخر الوقت
ملك ، طلعت واني مصدومه يعني قبل كم يوم
من حجيت وياعلي وكان مااعرف شبي كان يعرف
كل مشاعري تجاها لا لا لا مااكدر اواجه علي بعد
اليوم اضاهر صار لازم اخلي مسافه بينا
كنت امشي وااني مغيبه عن الواقع افكر
بالف موضوع شلون راح افاتح احمد بموضوع
مرضي شلون راح يتقبل الوضع طيب وميار شلون
رجعت للبيت دخلت الغرفتي وضليت افكر
لليل شكد حاولو يعرفون شنو بيه مكدرت احجي
ثاني يوم طلعو ميار للبيت مجرد وجودة
وياي بالبيت طمني رغم انو لسه تعبان
مر اسبوع تحسنت صحة ميار واليوم هوة
يوم الكعدة وفعلا علي سوئ الي كتله عليه
وطلب منهم الصلح وحتئ تتصافه القلوب طلب
انو ماهر ينطي مراة لميار وطبعا الكل كان فرحان
من هل قرار علي اولهم ماهر لذالك قرو فاتحت
ميار وملاك بنت ماهر الي هيه حاليا طالبة طب
سنه ثانيه والمفاجأة الي صدمتني فرحة ميار
وبعد استفسار وتحقيق مع ميار وملاك
اكتشفت انو ميار وملاك بينهم علاقة حب من
4 سنوات من يوم زواج محمد ورنا كنت دائما اشك
انو ميار عندة علاقه مع بنت بس ابدا ماتخيلت
تكون هل بنت ملاك ماهر تم عقد القران قبل
فترة وحددو زواجهم بعد تخرج ملاك
واليوم لازم احجي لاحمد علئ مرضي
كنت كلش مترددة لانو بعد مرجع الرد من الدكتور
من الخارج هبطت معنوياتي لانو نسبة نجاح العمليه
%20 وهل نسبه كلش ضعيفه بس هاذا يعني في
امل اعيش. ولازم نحارب لو كان الامل 1%
هل قلب الي تعب وخلصت صلاحيته بسبب
القيود الي رتبطت فيها كل عمري لازم يستمر
بالنبض لكن هل مرة لاجلي اني فقط لاجل ملك
ولازم اتحرر من كل هل قيود واعيش لنفسي اذا
عشت طبعا لانو عمليتي كلش خطرة
حددو موعد العمليه يوم 2021 /8/10
وراح يكون في فريق خاص يسويلي العمليه
بحضور محمد. لانو هوة الي رتب لكل شيئ
بخصوص. هل موضوع علي شرح كل شيئ لمحمد
ومن يومها صار محمد يهتم بيه احمد من عرف
بخصوص مرضي ترك كل شيئ وصار مثل ضلي
بهل فترة سلمته دفتر مذكراتي وخليته يقرأ
كل شيئ ماردت اخفي شيئ عنو اخاف اموت
واني مخبيه عليه شيئ خلي يعرف كل شيئ
اني مخايفه ولا مستحيه ولا مسويه شيئ غلط
لطالمه كنت احترم زواجنه وصنت علاقتنه
وماتعديت حدودي ابدا بغض النظر عن بعض
المشاعر الي كانت مصدرها حنين للماضي
ركزو قلت ماضي وهاذا يعني محد يكدر يحاسبني
علئ الماضي المهم احمد ماحجه شيئ ابدا
بالعكس زاد قربه مني وطلبت منو طلب خلا يزعل
مني.
ملك ،،، احمد
احمد ،،، يروح احمد.
ملك ،،، عندي طلب اريدك توعدني تنفذه
احمد ،،، انتي تامرين بس اشري
ملك ،،، بالاول اوعدني
احمد ،،، وغلاتج عندي الي تردي يصير
ملك ،،، ماشي لا تنسئ وعدك ابدا
اخاف. اموت بعد اربعيني اريدك تزوج
احمد ،،، شنوو هاي شبيج بابا اضاهر صرتي تخرفين
موت شنو زواج شنو
ملك ،،، اريدك تزوج البنت الي يختارها
الك علي لانو اني خترت بنت الك و دخلت قلبي
انت وعدتني بس ها اذا متت
احمد ،،، نامي نامي لا اموتج بااديا.
ملك ،،، لسه في شغله ثانيا
احمد ،،، خير ان شاء الله لانو اليوم انتي غريبه
ملك ،،، الورث كله قسمته حسب شرع وكل واحد
نطيته حقه بس ماخبرتهم اذا متت كل واحد
تسلمه حصته مااريد اخلي شيئ بذمتي
احمد ،،، نامي ملك الخاطر الله ترئ راسي راح
ينفجر.
ملك ،،، روح قيس ضغط مالتك وتعال مراح
استسلم بهل سهولة لانو مستحيل اتركك لوحدة
ثانيه
احمد ،،، ماشي دقائق وراجع
ملك ، طلع ضليت صافنه اكذب اذا اكول الكم
مخايفه بس امثل القوة لانو كل احبابي واح
ينهارون اذا ضعفة لذالك لازم اكون قويه
اثناء مرحلة مرضي اسماء كانت بدالي تهتم بكل
شيئ بيتي واطفالي ابد مقصرت رغم
عندها امتحانات بعد
كم يوم وخطيه ماري رغم بدايت حمل وتعبانه
دا ساعدها اتقريها هيه وباقر وميار واني كل يوم
ااكد عليها تقرأ لو سخت ان شاء الله تنجح
بيتنا كمل واحمد اثثه علئ حسب الاصول اني وياه
كل شيئ طلبناه اون لاين لانو مااكدر انزل
وافتر تسوقنا من نت وكل شيئ وصل حسب طلب
وصار البيت يجنن وحتئ المضيف صار من ضمن
البيت راح نترك المضيف القديم بس احمد
قرر ماننتقل للبيت الجديد الئ بعد مااسوي العمليه
واتعافه كولو ان شاء الله
اخوتي كلهم حياتهم مستقرة وكل واحد فيهم
سعيد بحياته وعائلته حتئ علي اخوي زوجته
انسانه تخاف الله وشايلته بصلاوات هوة واطفاله
ورفض يرجع ندئ. يكول خليني مرتاح
وماري واسر. مخبلين محمد مسوين حلف ضده
وكلش سعيد بحياته
من اكتشفو مرضي قبل كم يوم رفضو يكملون
القصه لذالك صار فيها اشكال وطريت اني
اختصرها الكم لانو مااعرف احساسهم وتفاصيل
حياتهم حاليا بسبب وضعي
وبالاخير. اني كلش فرحانه حتئ لو متت
لانو حققت المستحيل صح احزن علئ اولادي بس
اني امنت الهم مستقبلهم وضمنت الهم كثير ناس
تحبهم وتوكف وياهم بسراء وضراء واولهم لما وعلي
وخوالهم وعمامهم واب يجنن متاكدة مراح
يشوفون منو الئ،كل خير بعدي لا سامح الله
المهم اذا اليوم متت اني مرتاحه كل شيئ
مثل ملازم يكون واذا عشت ان شاء الله
قررت اتحرر من كل هل قيود واعيش النفسي
وزوجي واولادي لذالك انصح كل شخص
بصحه وعافيه يحمد رب ويعيش حياته كل يوم
وكأنو اخر يوم الو لانو الحياة جميله
تستطيع شراء كل شيئ بالمال الذي جمعته طول
عمرك الئ العافيه لذالك لا تتعبو انفسكم علئ سبيل
صحتكم مهما كان الامر اليوم اني ارقد في
مستشفى خاص خدمه جيدة سرير
جيد حضيت بدلال زوجي احمد الي مقيم معي
ومسويلي الغرفه المستشفى كانها فندق سبع نجوم
من كم شهر واني علئ نفس الحال انتظر الفريق
الطبي مااعرف شنو سبب تاخير العمليه
وميقبلون يحجولي شيئ المهم
كتبت قصتي بااصغر تفاصيلها حتئ تبقئ
ذكرئ واعيش بقلوب جميع اما علي صارت زياراته
شبه معدومه بس اكثر من مره اتخيله قريب مني
او يمكن اتخيل هل شيئ
.
.
.
.
.
.
انتظرو البارت الاخير انقل الكم في اخر اخبار ملك
مااعرف امتئ راح توصلني الاحداث تحياتي للجميع
.
.
.
.
اسفه ع تاخير سبب مرضي اعذروني حبايبي
.
.
.
.
.
ارواية جديد. ( لا تحزني) ضيفوها لمكاتبكم
.
.
.
.
كلمة بحق الكاتبة ❤️