هلو حبايبي
.
.
.
.
(( لا يُغرنكَ المرْتقى السّهْلُ إذا كان المنحَدَرُ وَعرا ))
.
.
.
ملاك ،، دكتور كل شيئ مفهت منك
دكتور ،، بنتي اختج ععدها فتحه بالقلب من الولادة بس ممأثرة عليها لانو كانت صغيرة بس كل ماتتقدم بالعمر تكبر الفتحه لازم عمليه فورا وهل عملية تكلف
ملاك ،، بس دكتور نحن ايتام وحتئ ماعدنا اني المعيل الوحيد لاخوتي شسوي انت ارشدني
دكتور ،، اسمعي بنتي هل عملية مو سهله ومكلفه
ولازم نسويها بااسرع وقت ممكن هاذا لمصلحة المريضه
ملاك ،، دكتور احنه ماعدنا
دكتور ،، ولله يابنتي اني مقدر ضروفج بسشنو باايدي
عليج
ملاك ،، ممكن تشرحلي كل شيئ بصراحه شكد نسبت خطورة العمليه وشكد تكاليفها
دكتور ،، اسمعي بنتي العمليه تكلف مليونين ونص
ونسبت الخطورة 70 % حاليا لكن لا بد منها ولازم بهل اسبوع نسويها هاذا كرت العيادة تجون ونحدد موعد العمليه اذا كدرتو
ملاك ،، واذا مكدرنه وهاذا شيئ اكيد
دكتور ،، الكم الله بابا
ملاك ،، طلعت اني ولما واحمد روح مابيه وتفكير ماخذني اني ملابس مثل الاوادم مااكدر اشتري
انوب طلعتلي عمليه بسعر خيالي بالنسبه الحالتنا
اوف ربي الحمد الله علئ وعدك الك بيها ارادة ربي
كل طريق واني امشي مثل جثه بلا روح رجعت للبيت حجيت كل شيئ الجدتي
جدة ،، اويلي يمه بنيتي هاي وين جانت مضمومه النا
شلون راح نصرف
ملاك ،، محجيت عفتها و كمت صبيت غدة لاخوتي كنا طابخين مركة طمامه وتمن كعدنا تغدينا بغدها اخوتي راحو يباعون تلفزيون واني طلعت كعدت بالحديقه
جوة شجرة مال نبك عدنه بالحديقه وعيني للسماء
صرت احجي مثل المجنونه لك بابا ليش هيج سويت بينا ليش تركتني وحدي وكومة ايتام بركبتي جدتي ادمي كبير مايطلع باايدها شيئ وامي فاصله ويردلها طبيب بس مااكدر اوديها للدكتور صار العصر واني علئ كعدتي اباوع احمد ابن عمي الي هوة اخويه وابني فدوة الطوله كبران وصاير يفتهم يباوعلي من شباك الصاله ابتسمت اله هوة سد البردة وراح واني كمت غسلت وبدلت لبسة بجامه وفانيله ولملمت البيت بس اشتغل بلا روح مااعرف شنو اسوي اجوي البنات الي اشتغلهم كل يوم رحت اشتغل الهم بلا روح حسو عليه ضايجه سألوني
- شبيج اليوم ملوك اليوم الوجه مكلوب
ملاك ،، هوة دوم مكلبوب بس اليوم مكفخ هماتينا ضحكو وكالو
- ليش شبيج
ملاك ،، ماكو شيئ عيوني
- احجي يمعودة اذا نكدر نساعدج انتي حبابه ويتيمه ولليوم مسمعتينا حجايه ولا سئلتي شنو انتم
