مشينا الارشيف ولا شنو كدا نشوف غرفتنا بي وين وطلع
انا و انور سوا ما استغربته لانو بكون صعيب ختانا سوا و تاني قصي و محمد؟ محمد اجي دا الجابو معانا شنو رقم غرفتنا 133 /34
انا: معانا محمد
انور: احلف
انا: اي
انور: الله يستر
انا: امين ارح نشوف العوضه دي
انور :🤦♂️ ارح
مشينا الغرفه عبارة عن شقه اي شقه فيها ثلاثه غرف و حمام في كل غرفه و مطبخ دخلنا الغرفه رقم34 كانت فيها اربع سراير اي اتنين مع بعض و دولاب اربع ضلف و كنبه و طربيزة
انا و انور ختينا شنطنا في سريرين قريبات لي بعض و طلعنا من الغرفه للمطبخ جو داخلين قصي و خالد و فارس و وليد و محمد و رائد
محمد: هلا بي شركاء الغرفه
انور: اهلا بيك
انا: انتو سوا
وليد: اي ختونا سوا
خالد: و ح ناكل سوا
رائد: همك في بطنك
قصي: كيف كان السفر معاكم
نحن: الحمد لله
انا: و الغرفه التالته فيها منو
قصي: صف ج تقريبا
انا: اهاا طيب خلي نشوف ختو لينا شنو في التلاجه
دخلنا المتطبخ كان حلو و مرتب و فيهو اي شي من المعلبات و الفواكه و فتحت التلاجه الفيها بابين ديك كل باب مرصوص بارد و مويه و ملانه خدار و نعم لمن رياتي سالت 😂
انا: واي ملانه🤤
انور: عزه🤤😋
خالد: زح النشوف
انور: جهزو المحل و نحن ح نجهز ليكم الاكل
قبل ما يتم كلامو لقيتاهم ماف 😂 الجوع كافر
ختينا الاكل و اكلنا و اي زول مشي سريرو
صحي ما وريتكم في مخزن و صلينا فيهو
تاني يوم
…:ياخ انت ما بتفهم😡
… : انت الما بتفهم😡 ياخ هو
… :شباب معانا ناس هنا اسكتو😡
انا: هو انتو منو و مالكم جايطين كدا
من الصباح😤 دايرين مشاكل ولا شنو
…: انت منو كمان و لي بتتدخل في شونا
انا مشيت المطبخ عشان اعمل الشاي اصلا ما فاضيه ليهم من الصباح
شويه كدا طلعو برا
انور: صباح الخير كان في شنو هنا
انا: ما عارف شباب ج كانو بتشاكلو في شي كدا
انور: ما تدخل في شنونهم احسن ليك
انا: اممم
الشباب كلهم صحو و شربنا الشاي و قلنا دايرين نطلع نتفسح بعد دا لبسنا و قشرنا اخر شي و مشينا سقنا سامي الوحيد الفصلو مننا يحليلو مشينا حمنا كدا لمن فترنا و دخلنا مطعم اكلنا و رجعنا السكن بعد الظهر رقدنا نمنا و صحوني بعد العصر😅 اتغدينا سوا و طلعنا الحدايق و بعد المغرب مشينا البحر الاحمر من انوار الليل شي رهيييب و شربنا قهوة و رجعنا 11
دا اول يوم ترحيب و الباقي مخطط من قبل المدير ياسر🙂
الساعه 1ص مشيت اشرب موية لقيت محمد صاحي بعين لي لمن خفته منو دا مالو دا دخلته المطبخ لقيت واحد من الناس الاتشاكلو الصباح
… : هاي انا مشعل
انا: رامي
مشعل: اسف علي ازعاج الصباح
انا: لا ولا يهمك
مشعل: دي شكله بينا بس عن اذنك
و مشي
انا: و دا مالو دا
شربته مويتي و شفته ضل زول لمن اتلفته لقيت محمد في ضهري قربته ابول المويه الشربتها 😂 غايتو الزول دا ما انهضم لي كلو كلو ختيت الكبايه فيها نص لمن زعلته عشان ما تميتها قايمه من نص نومتي عشان اشرب نص كبايه مشيت براحه من جنبو و دخلته الغرفه و لقيت نفسي في السرير ي ربي محمد دا سكران ولا مالو قال لو ما صاحبي كان سكينتي في بطنو المهم نمته علي كدا
الصباح
صحينا كلنا و اجمهرنا لي ياسر دا
و ذكرنا بي كلامو داك و ياداب شفته وسيم لمن نسيتو ذاتو سلم علينا هو و مجدي و عزمونا. العصر نمشي نعوم معاهم و نحن في فتيل غايتو
تاني سلمنا لي صهيب و ياسر و صاحبهم داك قال اسمي مهند
وخالتو حقت الاكل و الحارس و كم استاذ بنعرفهم
قضينا اليوم و انا شايفه دخول ناس ج و طلوعهم و ما عجبني اشكالهم دي ولا ارتحته ليهم خالص واقفين لي في حلقي زي كورة شراب
الساعه 1 ظهر كدا اسمع ليك كسر كبابه في غرفتهم و انا الشمار حارقني
انور: لا اقعد
انا: ياخ
قصي : ما تمشي و تخش في مشاكلهم احسن ليك و الشباب جاين ح يجيبو الفلم و المقبلات و صهيب محرسني ليكم
انا : بس عليكم كلكم
( كرهين ديل ياخ الشمار حارقني اووووف ياخ)
انور: هم مالهم
قصي: انا بسمع انهم ناس كعبين و شريرين ناس مخدرات وسجاير و ما لقو ليهم دليل عشان يفصليهم
انا: ايوااا بكون في واحد ما عاجبو الشغل دا و داير يطلع منهم و ما دايرين يخلهو يطلع
انور: اطلعي منهااااا
انا: طيب ممكن اشرب موية
قصي مدا لي كبايه من جنبو شميتو شمه
الشباب جو و جابو فلم و فشار و بارد و تسالي و فول ووسيم ومجدي و سامي😂
حضرنا سمحح و طلعنا البحر
وسيم: ماشين معانا كدا🤨
انا: اي مالو
محمد: ماشين نسبح ما نتفسح
انور: انا داير اتفسح و ما داير اسبح و لو مادايريننا نمشي معاكم خلاص
قصي: لالا ارح عادي ما تسبحو يعني شنو ما مجبورين
مشينا و الشباب سبحو و نحن قاعدين في النجيله بنتكلم مع البنات ومكاوا ساي جو قعدو معانا و اتصورنا صور بالهبل اي زول بي تلفونو براو و رجعنا البيت
ثالث يوم في بور سودان
كنت ماشه في حديقه كدا قدام السكن و نوسا مشت تجيب عصير مع قصي و الشله اي واحد فرتق براهو كنت بعاين للسكن الضخم القدامي قمته شفته وسيم جاي علي اشر لي بي يدو ابتسمته ليهو بس فجاة كدا جا منديل قماش واقع في وشي زحيتو و بقيت اتلفت جا من وين بس طاخ في الارض و الدم في وشي ولد واقع من الطابق الخامس انتحر في وشي وانا بسمع اصوات قريبه قدرته اميز صوت نوسا بقول الحقو رامي كان منظرو وهو واقع علي بطنو و الدم حولو و الدم في وشي و ملابسي كان كان مشعل اي المعانا في السكن الجماعي الجديد مات قدامي انتحر؟ لا ما اعتقد رفعته راسي وشايفه طشاش طشاش زول واقف فوق ولالا فجاة مسكني وسيم و ما عارفه حصل شنو تاني
بصوت وسيم🔅
كنت جاي علي رامي لمن شفتو واقف براهو بس شفته في منديل وقع فيهو و الولد الوقع اتخلعته و اجمته محلي و انا بشوف رامي كلو دم اذا انا خفته من المنظر فحال رامي شنو وهو وقع قدامو كدا بقت ماشي سرعه عشان ما ينصدم اكتر من كدا و شايفو بفكر و بعين بي نظرات غريبه لي درجه خفته من نظراتو اكتر من الجثه وانا بسمع انور بقول الحقي رامي عرفتو ح يكون دخل في صدمه واول ما لفتو علي داخ ووقع في كتفي
بعدين سقتو علي السكن بكون اغمي عليهو و جو باقي الشباب و اتجمعو و الاستاذة و كل الناس
انا و انور قصي و صهيب كلنا سقنا رامي للغرفه
انور: ختو هنا دا سريرو و اطلعو لو سمحتو
انا: نطلع كيف ما شايفو انت
انور: دا اخوي وانا حر
المهم طلعنا انتظرنا برة الغرفه كدا و مالقينا حلل قمنا مشينا للجثه لقينا الشرطه و الاسعاف جو شالوها و قالو منتحر و باقي الطلاب مشو غرفهم و بقت قصه تنحكي علي لسانهم
عند انور 🔅
بعد ما مشو طلعته حقنه مهدي و منوم عشان خايفه انو تصحي و تعمل شي هي اكيد ح تكون في حاله غريبه بعد الشافتو 🔅
بعد ثلاثه ساعات صهيب طلبني المكتب مشيت عشان اشوفو
صهيب: بقت كيف
انا: لسه ما صحت
في جملتي دي جا خالد جاري و نفسو قايم قال صحي صحي و نظراتو غريبه صحي وهو بتكلم كلمات غريبه صحي و بقي يكسر اي شي
انا و صهيب و خالد قمنا جارين لي رامي في الغرفه لمن حصلنا الممر لقينا كل الشباب برة و ياسر مضروب في راسو و الدم جاري و قصي ماسك يدو و في طلاب من الغرف الجنبنا مجمعين
انا: في شنو
قصي: رامي بقي متوحش ولا شي كدا
بعد قال كدا انا خفته لمن هبطت مسكته مقبض الباب وفتحتو لقيت القرفه فوق علي كدا و وسيم واقف طرف استغربته دا لسه واقف معاها كيف
انا: الا حقنه مهدي
وسيم: جيبا خلاص منتظر شنو
بس نشوف ليك رامي داير ينط من الشباك انا لمن عرقته من الخلعه بس وسيم مسكا من ورا قال لي اسرع يااخ كبيت الدواء في الحقنه و طعناهو و رقدو في السرير
بعد دقايق طلعنا لشباب
مشينا قعدنا في الصاله
انا: الدخل ليهو منو
كلهم سكتو
انا: ياخ الدخل ليهو منو ما سامعين اخر زول دخل منو كلام واضح
ياسر: انا دخلته
انا: ليه دخلته اخذته اذن انت عملته صوت لمن دخلته ولا كيف ليه ياخ
ياسر: ما كنت قايلو نايم لسه كنت داير اكفر ليهو و اسالو انتحر الطالب كيف لانو كان اقرب زول و لمن لقيتو نايم لسه كنت طالع بس ضربته الباب و عمل صوت وقام صحي و بقي بنظر بي نظرات قريبه و جدع فيني الكبايه و جي قصي عشان يمسكو قام لوي ليهو يدو بعدها بقي يكسر اي شي قدامو ويقول كلمات غريبه بعدهع الشباب جو من الاصوات كان دايرين نوقفو بس خفنا منو وفضل وسيم معاها و ما طلع معانا و خالد ناداكم عشان بتقربو وهسي احكي لينا ليه بتصرف كدا
انا: بعد اخذته نفس
رامي مابقدر احكي ليكم عنو كتير بس لانو هو زاتو ما عارف حاجه عن نفسو بس عندو انفصام في الشخصيه جاتو الحاله دي لمن ضربنا كلب بي سيارة و كم حادث حصل ليهو خلاهو عندو اضراب في شخصيتو و هسي الطالب الانتحر دا ذكرو بيها وبقي يتصرف كدا و اخذ حقنه مهدي و بصحي بعد عشرة ساعات بس
وسيم: بس شنو
انا: بس ما ح يتذكر اي شي
داير اطلب طلب ممكن تساعدوني
سامي: اطلب
انا: لمن يصحي ح يكون ما مذكر اي شي ولو شاي منظر الغرفه كدا ح يفقد الذاكر
خالد: كيف يعني
انا: يعني ما ح يذكر شي لاهو منو ولا نحن منو و ممكن يموت في لحظتا
ح ننظف الغرفه ونرجع الاثاث فيها زي ما هو و عشان مصلحتو و انا بترجاكم ماتحكو ليهو شي
كلهم: نحن معاك
وبالجد ما قصرو معاي اتشاركو كل الاثاث من السراير كيف اتكسرت ما عارف و الطربيزة و اللوحات اي الغرفه فيها كم لوحه و حتي المرايه طرف الدولاب اتكسرت و كرسي كدا ضرب بيهو الدولاب ضلفه اتكسرت بعد رتبنا الغرفه قعدنا تاني و اي زول متمحن و في راسو اساله .
-----------------*
النهايه
اقعدو عافيه لو حين بنتلاقي🙂✨
صلو علي الحييب🌸✨