قبل المغرب انا وانتصار انتصلنا لي صحباتنها و حكينا ليهم؛
ريم: شنو شنو شنو كيف السلام دا ماشين وين مدرسة اولاد لي عشان تاني عبدالله هو داير منك شنو ياخ ما رفضيهو وانتهي لي يعني بعمل معاك كدا 😭💔 اكيد دي هاجر امو😠 محرشاهو طيب معناها ما ح نتلاقا😭 ...
تبيان: ارح امشي لي بنت خالتي احسن ليكم بدل تمشو و تشوهو نفسكم😢
انا: ماهو نحن مشينا اي محل ولقانا انا ما خليت حتة ما مشيت ليها ولقاني يعني لو دفنته نفسي في التراب ح يلقاني💔
تناجي: طيب يعني عملو شنو هسي 😢
انتصار: حلقنا شعرنا و خشنا اصوتنا و جبنا ملابس و
اعناب: لو عرفوكم ح تعملو شنو و الصلاة و و في النهاية انتو بنات😞
انا: امي قالت ح تتصرف و نحن ما عارفين كيف الله كريم معانا و الصلاة بنشوف ح نصلي كيف ح نشيل معانا طرحتين و ملابسنا طويل و واسعة بتصلي بينا😞
ريم : ح نشوووفكم متين؟؟؟
انا : ما بعرف
طيب يلا مع السلامه عشان ما نبدا نخلط😉
بعد قفلنا مشينا صلينا المغرب و قعدتة في المصلاية بدعي الله يسهل لينا و وكلت امري لله....
انتصار: رحاب لو مشينا هناك نصلي كيف و ح نتاقلم كيف؟؟!
انا: ما عارفة والله لكن بنشيل طرحنا و نمشي نشوف بحصل شنو
مشيت قعتة في البلكونه و بعاين لي شوارع اركويت و دمعي نزلو و انا ما قادرة اذكر لمن كنت صغير كنت عايشة كيف و وين و امي وابي ما سوا في الحادث و انا ماته لي معاهم و عبدالله لي ما داير يقتنع انو انا ما عايزاهو و عمو علي مصر يعرسني ليهو لي و حيحصل لينا هناك شنو ....
دخلتة جوة قلتة لي انتصار فضل شنو ما دخلاهو الشنط
( طبعا المدرسة فيها سكن عشان كدا وافقو يودهم هناك و المدرسة عشان يتمو دراستهم مر شهر علي العام الدراسي يتتسالو لي ما نزلو عشان عبدالله منعهم ينزلي و يتمو دراستهم و ما يطلعو من البيت )
صحينا الصباح الساعة ثلاثة صباحا
جينا لبسنا الشاش البيجي حق الكسر ولا لاعبين الكورة عشان نخبي صدورنا و انوثتنا لبسنا تي شرتين و عاينتة لي انتصار لقيتها بتبكي وتقش في دومعا مشيت حضتنتها و قلتة ليها نحن سوا و ما ح يصير لينا شي ... طيب تعالي امسحي لي الدوا في ظهري عشان بقت تحرقني😢
الساعة خمسة صباحا نادتنا امي اماني لمن طلعنا ليها لكن دمعت و قالت بقيتو تشبهو الاولاد اكيد ما ح يعرفكم ي رامي و انور و ضمتنا...
انا كنت لابسة بنطلون جينز اسود و جزمة ابيض و تي شيرت ابيض فيهو كتابة بالاسود و جكيت اسود و طاقية سودا...😃
انتصار لبست بنطلون جينز كحلي و جزمة اسود و تي شيرت اسود و جكيت البيض و الطاقية كحلي😍
طلعنا و لسة الشمس ما طلعت مشينا شوية كدا و لقينا عربية عمو محمد راجل فايزة نزل سلم علي امي و جانا بناتي ولا اولادي كيفكم بالجد ما بتتفرزو منهم المهم اركبو ارح ركبنا و بقي يقول طبعا انتو عارفين مدرسة رواد الامل الثانوية بنين فيها سكن و اي شي متوفر فيها حتي الاكل و الشرب و الترفيه انا بشتغل مدير تنفيذي مع المدير عبد العزيز الفاضل و نحن ح نمشي للمدير العام ياسر احمد عشان يساعدنا و ولدي صهيب دا ح يساعدكم انا وريتو يعني لو احتجتو لي اي شي هو موجود و ما تخفو عنو شي وانا كل مرة بجي امر عليكم لانو عندي شغل تاني لو في خطر عليكم بنتصرف
اماني: ي بناتي غيرتو الشرائح مش
نحن اي
طيب انا بتصل عليكم وما تتصلو علي و بجي مع محمد عشان ازوركم
و ما تخافو و خلوكم مع بعض و كونو سوا و بقت تبكي من غير صوت....
______$$$$$_____
وصلنا🔥
طبعا شي خووووورااافي😍
دي مدرسة ولا مستشفي ولا اوتيل لا لا لا دي شي رهيب
اولا فتحو لينا الباب الدهبي الكبير. الميحط بالاشجار و جنبو ناس ولا حراس لابسين اسود و ماسكين بنادق واااي بس تحفة سالتة عمو محمد نحن في اي منطقه قال لي في الخرطوم المقرن جنب مسشفي المدينة العالمي
قلتة ليهو ايوااا
المدرسة مكونة من ثلاثة مباني
الاول سكن المعلمين و العاملين مكون من اربعة طوابق
الثاني المدرسة مكونة من اربعة طوابق
والثالث سكن الطلاب مكون من ستة طوابق
________$$$$$$________
دخلنا المكتب و جانا شاب طويل اسمر ملتحي ملامحو هادئة سلم علي عمو محمد بي حرارة عرفتة انو دا صهيب و جا سلم علي امي و جا عاين لينا و مشي قال لي عمو محمد انتو ادخلو لي ياسر و هم بينتظرو هنا ......
مشينا قعدنا و جا قال لينا طبعا جهزت ليكم الزي زي ما قال لي ابوي ماف خطر عليكم و لو احتجتو اي شي انا معاكم و قام طلع
___$$$$___
انا عاينتة لي انتصار لقيتها متوترة قلتة ليها ما تخفي نحن سوااا...
بعد ساعة جو طالعين شفتة الحزن في عيون امي طوالي قلتة ليها في شنو سكتت ورد لي عمو محمد قال لي ما ح تكونو في نفس الغرف لكن في نفس الفصل
انا : شنو لا لا لا 😭 ماف حل تاني
محمد: لا كل الغرف ملاينة و في كم غرفة فردي بعد فترة لو في طريقة بنقلكم سوا هسي شدو حيلكم💪
امي و عمي محمد مشو و نحن ماقادرين نبكي زاتو...
--------$$$$$$-------
مشينا مع صهيب للسكن و قال لي غرفتك ي رامي رقم ٢٧٠ وانت ي انور رقم ٢٥٦ و فضلكم الثاني أ و دخلنا ليكم اللبس و الكتب في كرتونة واي شي ممكن تحتاجو تمام يلا عندي شغل كتير مع السلامة...🙋♂️
( يلا بعد دا ح نغير الأسامي حقتنا و الشخصيات اوكي👍😉)
انور: رامي ارح المدرسة نشوفها عاملة كيف ولا ندخل السكن طوالي🙃
انا : المدرسة😉
اتحركنا و دخلنا طوالي
انور: السلم ولا الاصانصير😃
انا : السلم🌚
طلعنا اول طابق انور قال لي ارح نرجع زهجتة ياخ😪
طيب ارح نرجع😑 جينا مارين بي فصل وانا عاينتة بالباب شفتة واحد كسااار بي معني الكلمة بتكلم مع الاستاذ و طاااااخ دخلتة في الباب😆
كلهم عاينو لي وانا اتمنيت الارض تنشق و تبلعني اسف😅 الاستاذ حرك لي يدو بي معاني اتحرك مشيت لقيت انور ميييييت ضحك😂🤣لمن وشو احمر عاينتة ليهو و مشيت😒 اتحركنا للسكن.....
انا : انور انا غرفتي رقم كم😆
انور : ٢٧٠ 😒
انا : وانت😁
انور : ٢٥٦😒
انا : طيب ارح نشوف حاجاتك اول حتي حقاتي طلعنا بالسلم الطابق الثالث في الممر طويل كلو ابواب بنعاين للارقام👀 لمن لقيناها فتح الباب براحة و دخلنا و جا يقفلو في ورقة معالقة مكتوب عليها القوانين ما ركزتة فيها .. الغرفة فيها دولاب اربعة خزانات و سرير في كل اتجاه و طربيزة و كرسي للقراية و حمام و مراية جهه الباب و طاولة للاكل و جنبها مكوة تقريبا بكو فيها برضو و في مطبخ كامل مكمل حاااجة تحفة عديل 🤩 لقينا الشنط حقت انور و الكرتون رتبنا الملابس و في الصندوق الحديدي دخلناهو اخير الدولاب تحت البناطلين ... الزي مكون من قميص لونو بيجي فاتح و البنطلون بني غامض و في الكتب و الدفاتر و الارقام بالاشكال و اي شي ممكن نحتاجو للدراسة مشينا غرفتي نفس المحل لكن في الصايد التاني بعد مسافة و نفس العملانهو....
________$$$$$$_________
انور: رحاب ن....
انا : انا رامي وانت انور ركز تمام
انور: طيب ي رامي انت شريكك ح يكون منو و طبعو كيف ما ممكن ابدلو😟
انا : ما عارف نجرب معاهم لمن نعرف شخصياتهم كيف بعدين غرفنا قريبة لي بعض مافي داعي للخوف 😄
ارح نصلي الظهر بعد دا و بكرة منتظرنا يوووووم😩
صلينا و جينا قعدنا قلت ليهو ارح ناكل ي صااح😉
انور: ابوا انا ميت جوع
دخلنا عملنا اكل و جينا قعدنا في الصفر اكل كويس و كانت الساعة ٣ قال لي بعد يجو الناس المعانا نصلي كيف قلتة الا كان ندبل كم صلاة سوا ولو المعاك طلع ناديني نقعد سوا ولا المعاي طلع بناديكي .....
قال طيب
قلتة و ما نلفت الانظار نمشي الحصص و نجي السكن
قال انت من اول ما جيت لفتا النظر و قعد يضحك😂😂😂😂
قلتة طيب طيب مشيت عشان اقرا القوانين ؛؟
١_ الحصص بتبدا الساعة ٨ ص
٢_ بتتنهي الساعة ٤م
٣_اي شغب ممكن تترفد لي مدة اسبوع و اذا كان شغبك اكبر ممكن تنفصل نهائي
٤_اذا قللت من شان الاستاذ تنقص من درجاتك ٢٠ درجة من اي مادة
٥_ لا تقلل من شان العاملين
٦_ لا يسمح لك بالخروج من المدرسة من غير اذن المدير او وقت الاجازات
٧_ وقت الحظر من ٨ م الي ٦ ص لا يسمح لك بالخروج في هذه الاوقات ولو خرجت عقابك سيقرره المدير
٨ _ من لا يلتزم بهذه القوانين يفصل
المدير العام ياسر احمد
_____&_____$$$$$$______&__
النهاية🔥
ماذا ح يحصل لابطالنا
و من اللفت انتباه رامي( رحاب)
و منو الح يكونو شركاهم
اتوقعو كل شي🔥
اقعدو عافية لو حيين بنتلاقا🌚🥀