المهيب ابو الاكبر
البارت الثالث والعشرون
ورضا ملابسه مشككه ودم يسيل من ظهره وجوها بي خراميش... مريم دخلت وحجيت :شنو اصاير
سدم هاذه اصاير بي اتعجبت منه ..ياوعت الطيف شنو صاير
طيف: حالي حالج ..
مريم: شبيكم شنو صاير
رضا: كافيييي وخروووو عنيييييي اكلكم ارتبكوووو عليه السرسر*** الكواود**** جذابييين همه ارتبكو عليه
الجد: روووووح لا بارك الله بييييك روووووح
راح يمشي الغرفته وكوه يمشي مكسر منين مجان
واية وامه يتباجن وعادل سوة عمل لن ابوه ..
محد رد على مريم صار عندي فضول منو سوة بي هيج
منو الريح كلبي وسوة بي هيج دخلت اية للمطبخ ولحكتها مريم
مريم: شبي اخوج لبش هيج
اية: مصجمله بنيه بلشارع وراحت البنيه اشتكت عليه عد الشرطه وهمه الشرطه سوو هيج بي .
مريم: يااااااا اشكد صلفه شلون تشتكي عليه
اية: تلكينه هوه ماكعد عنها مكسرينه اتكسر وكامت تبجي
مريم: ياله حبيبتي لا تبجين كافي مايتوب رضا من سوالفه
سدم: يا صدك عود
اية: عفيه اني ممجاوبه عليج ولا انتي سالتيني شنو معنئ صدك عود مجذبه عليج انه.
طيف: سمسم شكل اية مقهوره على اخوها امشي نكعد يم اعمامنه..
طلعت هوسه جدي يحجي من كتر وعمي عادل يحجي من كتر وكلمن يكول رضا صخمنه
سدم: على اساس ضميتها بكلبي جريمته واريد احجيها ال مهيب بس بعد مااحجي راح يتوب ومستحيل يعيده
ادم: اخذه المستشفئ اشوف يمكن كاسرين ايده
سرمد: سكتت الهم جدو يمكن ايدة مكسرينها
الجد: القانون ضد الفساد وعليمن احاجيهم عاشت ايدينهم والله لو مكسرين رجلينه جان كمت وبستهم بيدينهم ..
بنت عالم تمشي بلشارع منو.يكول الك تلحكها وتحاجيها لا هيه بنت عمك ولا خيه بنت خالتك ولا حت من عشيرتك
يازمال تالي وكتنه هاي تاليتها جم مره ب مره انكلك توووب يارضا تتتتوب
كدام العالم انطلعك حشيشه من الشرطه والله لو ادري بهاي سالفتك قسم ب الله جا خليتك تعفن بلسجن يوم يومين وتطلع
مهيب: هاي هيه جدو كافي بعد ماتفيد الملامه اكلها كلش زين
مااانسه موقفه من وكف الها بلدرج ريحو كلبي علمود بعد يتوب ومايعيدها
سدم: صعدت فوك واني احجي واكول والله ريحو كلبي حيل عاشت ايديهم امشي برخاوه على الدرج وابتسم
مهيب: كمت رحت صعدت تمشي كدامي وامشي وراها دفعتها وصعدت
سدم: ماحسيت الا واحد دفعني واني امشي حجيت اووي باوعت مهيب خليت ايدي على حلكي بسرعه
باوعلي بطرف عينه وصعد
دخلت الغرفه بدي افرح اشغل اغاني واركص على مناسبت رضا شويه واتذكرت الوردات..
اروح اتشكر منه على الوردات لا عيب ماااروح بعدين فكرت عيب اروحله ورجعت كلت لا عيب يشوفج واحد
حجيت لا همه يثوقن ب مهيب اروحله ..شفت روحي رتبت شكلي وطلعت الغرفته..
وكفت بلباب ادكه لو عيب بعدين اجتني الجرا ادك دكيته
مهيب: كعدت اتصفح بلجهاز اندك الباب دكه خفيفه
معبالي احد يدك بلباب عبالي اني مشتبها
سدم: دكيته مرة الثانيه
مهيب: حجيت اتفضل ادري انسان على الباب لو بزون
سدم: فتحت الباب وبتسمت ابتسامه خفيفه عادي ادخل
مهيب: باوعتلها وجهازي بيدي عفت الجهاز واستعدلت الها خو ماكو شي
سدم: ها لا ماكو شي
مهيب: اي جا شتردين
سدم: حجيت بكلبي شنو اكول اله بقيت صافنه بوجها ب 5 دقايق
وهوه هم صافن بوجهي
مهيب: اجيتي بس تباوعين بخلكتي ماعدج شي
سدم: ضحكت ها لا شكرا على الوردات كلش حلوات
مهيب: وهاي هيه بس
سدم: شنو ال بس اكلك شكرا على الوردات كلش جميلات
مهيب: بس مايجيبن ذرة من جمالج
سدم: ضحكت حجيت مو هالكد جديات يخبلن الوردات
مهيب: العفو ب
اية: سدم شسوين هنا
سدم: التفت وراي اية حت هوه مهيب كمز وغير شكله
مهيب: اني صحتها حت اسالها عن شغلات ابغداد انتي شتردين
اية: كضيت عمرك كله ابغداد وهسه تسل
مهيب: انتي منو داز عليج بله
اية: دزوني اتنزلون اتعشون
سدم: وخرت اية عن الباب وطلعت عفتها يم الباب
مهيب: بس اغير ملابسي واجي .كمت فتحت الكنتور التفت وراي ليكتها داخله جوه بغرفتي وتباوعلي.. حجيت بعصبيه ها خيرج
اية: منتظرتك
مهيب: عادي عدج مو سبحان الله نفس الطبخه انتي ورضا
بس رضا ولد وانتي بنت يعني عيب عليج اطلعي بره لو سمحتي ..اجيت وكفت يم الباب بعد لا تعيدها لو دزوج عليه
ودي اي وحده من البنات وانتي لا تجين لن باين عليج بايعه المستحه فد مره ..
سدم: كعدنه ننقل العشه بس جدي معصب كلش وحت مااكل
سرمد اخذ رضا وطلع عنده كسر
التمينه على الاكل بس الجماعه كلها ماتشتهي حت مريم وطيف واني شاهيتي انفتحت كمت اكل اكل مو طبيعي
انتبهت البيبتي كلما اخلص صحن تقدم كدامي ماعون
ومهيب بس يباوعلي ويضحك بعدين انتبهت استحيت كلش
الحجيه: يمه شنو مااكله مشهي انتي
سدم: خلتني بموقف محرج حجيت ها بيبي
طيف: هههههههه
سدم: كمت غسلت ورجعت اشيل وياهم احس مو بس بطني انفخت حت معدتي كملنه كلشي
انتظرنه سرمد يجب رضا حيل جابه مضمد منين مجان ودخلو للغرفه وكلمن طلع الغرفته..
طيف كعدت تراسل ب ايهم
ومريم تبحث على صكر وكلمن متغطيه بطانيه وتبحث
سدم: فتحت نستا ودخلت على صفحت مريم ودخلت على المتابعين ابحث على مهيب وطلع كدامي مهيب ابو الاكبر
ناشرله صوره بلموصل وكاتب جواهاا للهُم أنعِم علينا برضاكّ وعافيتك💛 علقت منور باشا
رد ب اعجاب..
حجيت بكلبي يمكن مايعرفني اني سدم شسوي حت يعرفني
دخلت عليه خاص كتبت علقت الك
انتظرته مارد كتبت اني سدم
هم مارد فكرت شبي هاذه شويه وكلت ماعجبك انصير اصدقاء على نستا
رد (بسمايل هيج 😳هاي انتي )
كتبت( ليش ??)
رد(استعجلي امسحي تعليقج على السريع)
سدم: يا شبي هاذه اشو معاجبه كله مني استعجلت وعلقت اله االواجب حت مااحجي ويا ركضت مسحت تعليقي
ومسحت رسايلي ويا
مهيب: بسرعه اختفن حت رسايلها هاي شبيها كتلها امسحي تعليق مو الرسال