المهيب ابو الاكبر

.. 19 ..

المهيب ابو الاكبر
البارت التاسع عشر
...
جندي:- تامر سدي

مهيب:- شنو موضوع هذول السجناء

جندي:- سيدي مرفوع عليهم دعوه بسبب قطعه ارض همه اعمالهم بيها

مهيب:- شنو مجاله الي رافع دعوه

جندي:- سيدي ضابط بدائره الكهرباء ويريد يسوي برج بلقطعه واهذوله ميقبلون يشيلون من القطعه..

مهيب:- تمام ان زين ابو محمد ماشفته اليوم..

الجندي:- سيدي نازل الاهله

مهيب:- تمام

الجندي:- سيدي هذوله 200 ارهاب واجت دعوه نتقلهم الئ سجن الحوت الي بلناصريه..

مهيب:- انشوف القضايا مالتهم وهالشي مو يمي يم التحقيق... رايد بعد شي

الجندي:- سلامتك سيدي

مهيب:- اطلبنه اي شي علئ الغده

الجندي:- شنو اتريد سيدي اطلب الك

مهيب:- على مذاقك لبين مااحل الاوراق..

الجندي:- عجيب سيد المهيب هالمره اله خلك يسولف وهم طلب مني اني اوصيله عجيب ..طلعت اضحك.

مهيب:- الورقه والثانيه تجي ابالي سدم.. شغلت جهازي فتت علئ الصور دخلت على صورها بقيت صافن بيها مابيها ملامح مظلمه الصور بس مجرد اتامل شكلها... اندك الباب صحت اتفضل

لؤي:- سيدي الاوراق الكلت اوصلهن للقاضي

مهيب:- اتفضل اكعد علما اشوفهن الك عندي كم كتاب ادزه وياهن

لؤي:- اجيت كعدت علئ الكرسي ..

مهيب:- كمت من مكان الكرسي ورحت فتحت الكاونتر اطلع الاوراق..

لؤي:- جهاز النقيب مفتوح... اخذته ركزت بي هاي جنيه من فوك السطح علئ شكل بنت...

طويله وسوده وشعرها طاير... صحت صوت مخيف كلت يمااااااااااي برهبه

مهيب:- خير انشاء الله كلت هيج واني جاي ادور علئ الاوراق..

لؤي:- صحت سيييييدي بلعباااااااس جنييه هاييي

مهيب:- شماله هاذه التفت وراي الازم جهازي ..فقدت اعصابي ركضت عليه وسحبت الجهاز منه منو سمحلك اتمد ايدك علئ الجهاز

لؤي:- سيدي الله اعليك هاي جنيه فوك السطح يمااااااا

مهيب:- شبيك وجه الدبس جنك بنيه كوم اطلع منا
لؤي:- سيدي بدااعتي عليك هاي جنيه فدوه بس طمن كلبي لن بلقران اخاف بلعباس

مهيب:- انت منو سمحلك اتمد ايدك على جهازي

لؤي:- سيدي حظي خلاني اشوفها ب الله عليك جنيه طمني لن والله بليل مااخاف..

مهيب:- اشو هاذه لزك روحه بيه كض القميص مالي وهوه يتوسل بيه زمخت بي شبييييييك يول

لؤي:- هوه زمخ هوه طفره بحضن الاستاذ سيدي شنووووووو شنو شفت

مهيب:- خب زعم ركبتك جنيه وخر عني خنكتني وخرررر

لؤي:- سيدي فدوه جنيه لو لا

مهيب:- كضيت ايدينه ودفعته ليورا خب وخر عني خنكتني

شلون مصيبه هاي يربي.. بابا الدنيا صبح منين تخاف بعد

لؤي:- والله سيدي لابس حروزه من الخوف وتالي تطلع جنيه سيدي فدوه هاي بيتكم الجنيه

مهيب:- شلون مشكله هاي يربي تعال تعال كضيته من ايده وفتحت الباب وطلعته ..

لؤي:- اشكد ظالم سيدي.. همزين الدنيا نهار مو لليل

مهيب:- امشي اكفيني شرك ..شلون بلوه هاي ..

رجعت كعدت بلمكتب حجيت بكلبي معقوله لهدرجه اتخوف عباله جنيه رجعت شفتها... سدم.

سديت الجهاز طلعت الاوراق والكتب اتصلت علئ وااحد من الجنود يجي ياخذهن غير لؤي..

سلمته الكتب وكعدت انتظر لغده.. جابو للمكتبه ..اخذته ورحت وياهم كاعدين مجموعه من الجنود..

خليت الصحن مالي وياهم وكعدنه ناكل استغربو وضعي لن اكلت وياهم.. .

اغسلت وطلبت الشاي للمكتب ورجعت احل اوراق حت اكمل شغلي من وكت وارجع الاهلي ..لاكن نص وقتي سدم بس افكر بيها..

اتذكر شكلها من كعدت بلحديقه علئ الرطوبه ..مراحت من بال لذلك اتاخرت دقايق احل بي وساعتين افكر بيها ..

طلبوني للمحاكم انطلع ٢٠٠ وانشوف جرايهم طلعت اني وفوج وكعدت اكتب للينحكم عليهم اعدام والي ينحكم موبد وصلتهم للقاضي وكعدت استلم..

خلصنه الساعه ب ٦ المغرب رجعت للمكتب وطلبت عشه جابو وفراشي فرشته بلمكتب خلصت كلشي تعشيت والشاي كمت قفلت المكتب عليه ورجعت احل اوراق .لحد ساعه ب ١٠ بليل.رحت لفراشي واتمددت ..

هالبت شنو وليش هالكد افكر بيها ومتروح عن بالي يمكن لن ماعدها احد انطبعت ابالي..

يمكن لن مكتشف چرايم الكون خفت عليها لانها بنت خفت على هواي بنات بس مو مثلها..

انطبعت ابالي ونرسمت رسم لو بس ارمش اشوفها ..احاجي مريم عليها اشوفها..

اخاف عليها من رضا هالشخص ملعب وابدا ماارتاحله من شفته واكفلها يم الدرج... احاجي مريم..

اول مارحت شفتها بجهازي شبعت شوف منها وهيه صوره ظلمه مامبينه بس خيال اسود فوك السطح..

حاجيت مريم ماردت لمن دكيت عليها ياله ردت بس سدته بوجهي وكتبت رساله وهاي العاده ابدا مو ب مريم اتسده بوجهي

والشغله الثانيه شوكت تجي اهلي يعرفون اني لليله ابات وهيه مريم تعرف ااكدتلي انو هيه مو مريم..

حسني كلبي هيه سديم.. لو بس تكتب ا راتاح انه حجيت وياها وكل التعب والهم انزاح مني ..

كااني جاي اخذ جرعه منها الطمنانيه والراحه الي...

كااني احجي وي وحده ملاك مو بشر ..فرحت كلش لما ردت عليه...

اثناء مااحجي وياها اندك الباب بدي مااروح منها للصبح احجي وياها حت الهيها وياي...

انصدمت الباب اتكسر وصياح الجنود سيدي سيييييدي كلت هذوله شافو شي بسرعه كتلها كلمتين وسديته ركضت سحبت السلاح وفتحت الباب..

هذوله شافو السلاح بيدي وشردو يصيحون سسسيديي سيدي هذول احنه لا تكتلنه

حجيت:- هسه منو المايعرفكم شبيكم اشصار وياكم..

حجو كلهم واني بس صافن بيهم مااعرف شنو يحجون هاذه يصيح والثاني يصيح.. عطت بيهم احجووو شبيكم

محمد:- سيدي لؤي كال بيتكم جني وانت مصوره وقلد شكل الجنيه وخفنه وكل واحد يكول شفتها هنا وهنا

مهيب:-، هسه من الزم لؤي وادكه دك احد يلؤمني

عبد:- سيدي هوه كام وقلد النه وانه شفت شكلها ورا

صاح لؤي من حدرهم لاااااااااااا اخااااااف لا تكولون هيج اخاف والله ..

ساهر:- سيدي بلعباس نضل لصبح لو اتدخلنه وياك انام..

مهيب:- هوه المكان يكفي وادخلكم وياي

ساهر:- واحد ينام بحضن الثاني

مهيب:- فوتتهم جو صارو واحد فوك الثاني وكلمن يصرخ..

رجعت للواتس لكيتها متصله هاي معامن متصله دزيتلها رساله طفت نت وطلع اخر ظهور الها ..

طفيت جهازي ورفعت راسي لؤي فوك راسي ..حجيت

شترييييييييييييد

لؤي:- سيدي لا تصيح بوجهي والله اخاف

مهيب:- ياااله شترييد هسه

لؤي:-.انام بصفك

يتبع~