#أبي_لم_يكن_إنساناً
البارت الثامن والاربعون
للكاتبة لبنى الموسوي
... بـارت مفاجئ لـ عيونكم / متابعـة ممتعـة ❤🥀
مخلد.. توني دخلت للمكتب غيرت ملابسي دگ الموبايل
رديت بـ ابتسامة هلا والله بالكبد والبنكرياس
بتول.. هههههههههههه هلا بيك حياتي شلونك شخبارك
- مشتاقلچ شلوني يعني
- واني أكثر بس على ما اعتقد بالأربعة يلا سدينا الخط
- اني اشتاقلچ وانتِ وياية يا خط هذا
- هههههه شدتسوي
- بديت بالشغل وانتِ شنو ماكو محاضرة صارت ونص
- لا اكو بس خمس دقايق ويجي الأستاذ
اگول عوفنا من هالسوالف واسمع المقترح راح يعجبك
- خير ان شاء الله
- اني وبالطريق اجت ببالي فكرة تجنن
شنو رأيك لو تحچي ويا عمو همام وتخلي يسوي عرسه ويانا حتى الفرحة تصير فرحتين
- اني هم عاجبتني هالشغلة كلش
بس فكري بيها بالعقل احنة اسبوعين ونتزوج وهمَ لحد هاللحظة مشية ممسوين
- يمعود شكو قابل بـ اسبوع طيبة تجهز
وهوَ همْ ما عنده ذاك الشغل القوي لو يشد حيلة يخلص حتى قبلك
يلا حباب روح احچي ويا وقنعه
والله هيچ احلى واذا صارت طيبة راح تفرح كلش بس ها اني الأبلغها لأن اني صاحبة الفكرة خوش عيني
- صار عيني
هسة بس اخلص الشغل التحت إيدي واروح احاچي بعد عندك اوامر ثانية سيدي احنة بالخدمة
- هههههههه احبك يول موت احبك
- ولچ اني اموت على ربچ مو بس احبچ يلا كافي روحي
- ههههه اي راح تبدي محاضرتي
- بالتوفيق
- اجمعين اني من ارجع للبيت اتصل عليك التهي بشغلك
- خوش حياتي يلا مع السلامة
- باااي
سديت الخط ورجعت للشغل ساعة تقريباً فرغت گمت المكتب همام همْ احچي ويا وهمْ اشوفه
- ها علاوي شلونك
- الحمد لله سيدي اسأل عنك
- همام موجود
- اي موجود بس عنده شغل ما فرغ من الصبح تفضل
- دگيت الباب ودخلت لگيته سابح بالأوراق عيونك يول
- ههههههه هلا بيك تفضل
والله بختتت رگبتي توجعني على گد ما اشتغلت اليوم مشايف دربي بـ عيوني وانتِ گاعد تفتر بالعافية
- حالي من حالك يمعود هسة يلا فرغت شوية واجيت لأن عندي موضوع مهم وياك لازم نحچي بي
- خير ان شاء الله سمعك
- خير خير ،، بلا شنو رأيك لو نسوي زواجنا بيوم واحد
- تحچي صدگ وين الحگ يول
- يمعود شعندك متگولي
اني چنت ابني بالمشتمل فـ تأخرت هالگد
أما حضرتك جاهز حتى عيشتك ويا أهلك على شنو كل هالتأخير افرح وفرحنا قبل لا تبدي أمتحاناتهن
- لا مخلد ثق بالله منلحگ
هيَّ عدها الجاهز واني المشية وتجديد العقد
هاي من غير تغيير الأخشاب وديكور الغرفة والدعوات لازم تترتب لأن العرس بالقاعة هواي صدگني
- لا مو هواي خوية
بس لو شوية تضغطون على روحكم اسبوعين وتجهزون
- أخيك لتلح شنو اليجبرني حتى اوازي روحي هالشكل
- ليش ما استاهل تعرس وياية
يابة يلا الخاطرك أأجل زواجي اسبوع ثالث يعني شي على شي عندك 3 اسابيع متلحگ تكمل شغلك بيهن
- لح بعد لح احترگت عشيرتك
- قرر يلا
- ميخالف اسأل طيبـة اذا تگدر تجهز بـ هالفترة اوافق
- ماطول الشغلة صارت ورى طيبة نعتبرها تمت خوية
- هههههه شلون بلا
- اعرف تفكير البنات تعلمني بيهن حافظهن وحده وحده
- اي مو على أساس مجربهن كلهن ي النچر گوم لك گوم
- رفعت القلم داضربه اندگت الباب ودخل صالح سيدي هاي انتِ هنا وتارك الشغل مكوم وراك
مخلد.. ههههههه داستلم بلا
بختت ما عندي شغلة موووو هاك حتى شوف بـ عينك
همام.. هههههه الله يساعدنا
مخلد.. شكو صالح اني خلصت كل شغل البارحة تقريباً
صالح.. قضية تيسير ومنذر ما غلقتها ويحتاجوها هسة
مخلد.. اذا على هاي بسيطة
جيبها هنا واغلقها الكم لأن عندي شغل ويا همام حالياً
- تأمر
- صالح صدگ قبل لتروح عندي يمك طلب واياك تردني
- ما عاش الـ يردك اعتبره صار ان شاء الله بس شنو هوَ
- عرسنا اني وهمام بعد أسبوعين أو أكثر شوية ورايدك انتَ تزفني اذا ما عندك مانع
- بالعكس سيدي اتشرف وبيك خير وتتدلل يلا استأذن
- بس طلع باوعلي همام بـ عصبية يا أخي ليش دتسوي هالشكل مو تدري بوضعه هالفترة
- لأن ادري بـ وضعه طلبت منه هالطلب
لازم يتعود صدگني مستحيل يطلع من هالمحنة اذا ماا واجه الواقع بـ نفسه
- وشكو دتبلغة عرسنا سوة ليش اني قررت وما ادري
- سوة صدگني
- هههههههه ما اگول غير ساعة السودة الـ صادقتك بيها
- سودة زرگة المهم غصباً عليك راح اظل نايم على گلبك
صالح.. هاي السجلات سيدي وقع حتى اخذهن للقائد
مخلد.. توني وقعت دخل علينا القائد گمنا على السريع
همام.. اهلاً وسهلاً سيدي
القائد.. ياااا هلا بـ هالجمعة لا واضح خوش دتشتغلون
مخلد.. هههههههه ميحتاج نحچي بـ انجازاتنا انتم اعرف
القائد.. اكيد
ليش وين نگدر نحصل ضباط ملتزمين مثلكم احييكم
همام.. رحم الله والديك سيدي بس خير مبين اكو شي
القائد.. اي للأسف
اجتنا اخبارية مستعجلة عن وكر جريذية قريب الحدود ولأسباب خاصة انسدت المهمة الك بالتحديد
همام.. تأمر سيدي فوراً راح اتحرك
القائد.. أخذ وياك أسناد رباعي دير بالك تطلع وحدك
لأن حسب المعلومات الـ وصلتني
اعدادهم كلش هواي لذلك خلي مخلد وصالح يرافقوك ما زال همَ يمك واتمنى ترجعون بـ خبر يسر
همام.. ان شاء الله سيدي
- بس طلع راح همام ورى جهز الوضع ورجع للمكتب يلا استعدوا راح نتحرك حالاً
مخلد.. اني اشوف لو تبقي صالح هنا حتى يمشي الشغل بغيابنا شتگول
صالح.. لا سيدي اني اريد اجي وياكم منتصر بـ مكاني
همام.. يلا خلونا نتحرك بسرعة مو وكت السوالف هسة
طلعنا للحدود والمهمة چانت اصعب مما نتصور
هيَّ مو من مهامنة الرسمية
بس همام معول عليه بالنسبة للجهات العليا فـ بين فترة والثانية يكلفوا بـ مثل هالتحركات الصعبة في حال واجهتهم مشاكل وما گدروا يتخطوها
بس وصلنا للمنطقة طلب منهم همام يطفون الأصوات
دخلنا هدوء ماكو الهم أي اثر
التفت علينا طبعاً واصل الهم خبر بـ مداهمتنا والجماعة مبين مستعدين للمواجهة شغلتنا صارت أصعب
مخلد.. شلون عرفت
همام.. واضح لأن اعداهم هواي مو مال هالهدوء معناها منسحبين للداخل وديخططون المواجهتنا
مخلد.. وشتگول نداهم لو ننتظر
همام.. لا طبعاً المداهمة مو من صالحنا حالياً
لأن منعرف شنو ضامين النا
تعال وياي انتَ وصالح والباقي خلي ينتشرون بجوانب المكان اريد تحاوطوا من جميع الأتجاهات
بس بنفس الوقت خلوا بينكم وبينهم مسافة آمنه حتى ليحسوون بوجودنا
فعلاً تحركنا ويا والفرقة حاوطت المكان
انتظرنا بالنص ساعة
آمناهم تقريباً باوعت الـ همام وهسة شنو راح نبقى هنا
- لا ثواني ونتحرك
- بشنو دتفكر همام اذا متريد تواجههم بشكل مباشر ؟!!
- اسمعني مخلد وركز وياية زين
اني راح اروح من الجهة الثانية واكشف نفسي الهم
همَ بـ هالحالة راح يركزون وياية ويلتهون بـ مواجهتي انتم خليكم مستعدين حتى تداهموهم من الخلف
مخلد.. من كل عقلك تحچي !!!
تريد تسوي روحك طعم بلا صارلك شي شلون بهالحالة
- احسن منوگع كلنا وتفشل المهمة ترى واضح ناصبين كمين النا بس من الأمام لأن هذا المتوقع
صالح.. زين خليني اكشف نفسي بـ مكانك وانتم داهموا
مخلد.. لا انتَ ولا انتَ اني اروح
همام.. محد يروح غيري
لا تطولون السالفة الوقت ديفوت وهالشي مو بصالحنا
مخلد.. ممرتاح يا أخي
دخليني اروح بـ مكانك وانـتَ ظل ويا صالح للمداهمة
همام.. لتخاف خوية الكاتبة الله يصير
هسة كل الأريده منكم
مجرد تسمعون أطلاق نار تنطون أشارة وتهجمون مـن الخلف لتضيعون الفرصة علينا وابد لتفكرون بية
مخلد.. همام
همام.. يا الله ادعولي شباب
مخلد.. الله ومحمد وعلي وياك انتبه زيـن مااا اوصيك
بس تحرك أشرنا حتى يستعدون وحاصرناهم من الخلف
شوية وارتفع صوت الرمي
باوعلي صالح تواجهوا نتحرك لو شنو
رفعت الجهاز ناديت عليهم استعدوا للمواجهة بعد ثواني
گمت ع السريع
أشرت الصالح يروح لليمين واني رحت من جهة الشمال
لحظات تحبس الأنفاس گدرنا نتجاوزها على خير
داهمناهم وفعلاً مثل متوقع همام
چانوا محضرين رمانات حتى يقضون علينا بيها بنفس المكان وقبل لنتقدم أي خطوة بـ اتجاههم
- يلااا اخذوهم للسيارات وصادروا العدة ع السرررريع
سحبني صالح امشي خل نشوف همام وين صار
طلعت ويا
تمشينا مسافة من بعيد لمحنا واگع ركضنا علي منشوف غير همام صاير جثة بالگاع طوله سابح بدمة تخبلت گعدت يمه أهز بي كل قوتي
مخلد.. هماااااااااام
لااااا گووووم اني شگتلك مو گلت لتواجههم ليش لككك ليشششش حتى بـ هاي تسويها عنااااااااد
صالح شوفه مديتحرك
مات هذا مااااات.. گوم لكككككك گوم وعدتني نتزززوج سوووة وين رايح وعايفني هماااااااااام
- وگع صالح يمه يبچي فتح عينك همام
گوم طيبة تموت وراك گوم حتى تتزوجون ما اريدهاااا اني والله ما اريدها بس گوم
- شوية ابتعد خليني اشوف نبضه
حچيتها وخليت أطراف اصابيعي علي اكو نبض بس من گد ضعفه بالگوة حسيت بي صاح ها عاااااايش
- هزيت راسي اااي ااي عايش
بس لازم اتصل ع القائد حتى يدز النا الأسعاف
مو مال نشيله لتسوء حالته أكثر لأن هواي نزف الظاهر ضاربي بـ أكثر من مكان
حچيتها وگمت افتر بالمكان بالگوة يلا حصلت الشبكة
- الووو سيدي
- ها ابطال بشروا ان شاء الله تمت
- تمت سيدي تمت بس همام تصوب ووضعه حرج جداً
- لا مخلد صدگ تحچي
- اي والله سيدي اترجاك تستعجل النا بالأسعاف النبض مالته كلش ضعيف ليروح من إيدنا لا سامح الله
- سد الخط شوية ونصير يمكم اني والأسعاف
بس حچاها سديت الخط ورجعت للمكان اركض
لگيت صالح گاعد يم راسه
شابك إيده بـ إيد همام ويحچي ويا بصوت خافت اگول صالح شفته وين مضروب وكم ضربه لو لا
- حاولت بس ميبين الدم بكل مكان
واخاف احركه الأصابة مبين قوية الوقت راح استعجلوا مو بصالحنا هالتأخير
باوعت على همام ودرت وجهي عنهم
دموعي خانتني
مو سهلة علية اشوف أخوية وصديق طفولتي يموووت گدام عيني واوگف اتفرج ابد مو سهلةةة
حسيت على إيد صالح صارت على كتفي
مسحت وجهي والتفتت
لتضعف همام سبع مراح يستسلم للموت ومو أول مرة هيچ يصير ويا يتعداها ان شاء الله لتخاف
- شلون يتعداها دتشوف حالته هذا شكل واحد يعيش
حچيتها ورجعت يم راسه امسح الدم عن وجهه
گوم خوية دخيلك گوم
لتروح وتعوفني لك تظلم الدنيا بـ عيوني
عمرنا كله عشنا سوة وراح نكمل سوة لو ادري بيك راح توگع فـ لا اخليك تتقدم خطوة من هالمكان
- قوي نفسك.. همام محتاجك قوي
- مظلت قوة صالح راحت ويا الغالي حتى حيل ما بية
التفتت ع الصحراء الهدوء مو طبيعي
گمت ركض اصيح بكل صوتي وين صرتوا يمعوديييين
باوعت داير مدايري مضروب على راسي من الموقف
رجعت الـ همام گوم ي السبع گوم هالنومة الهم مو الكك وابو فاضل العباس مو الكككككك
سمعت جهازة يدگ
طلعته من جيبه بالگوة ركزت طيبة دتتصل
باوعت الصالح هاي طيبة بسرعة صالح دير بالك ترددد اذا عرفت شصار ويا همام تتخبل
شمرت الموبايل بالگاع و وگفت على حيلي
رجعت تتصل
مد صالح إيده انطيني الجهاز اخلي صامت واضمه يمي
انطيتهيا ورحت اباوع للطريق بلكي يجون ويريحونا
مرت دقايق مستحيل تنوصف
صاحني صالح تعال شوف همام وجهه تغيرررر
رجعت اركض من النزف صار ازرگ طلعت جهازي اتصل سمعت صوت الأسعاف اجت اشرت الهم من بعيد
ركض صالح تلگاهم ثواني وصاروا يمنا
نزلوا المسعفين اشرت بـ إيدي بسرعة بسرعة الرجااال هواي نزف ادري وين صرتوا
- سأل واحد منهم صارله شگد على هالحالة بالضبط
- أكثر من نص ساعة
- حاتم اتصل ع المستشفى وضع المريض حرج الدكتور لازم يتواجد أول منوصل وساعدوني يلاااا
- فصيلته شنو حتى نجهز الدم
- ميحتاج اني متبرع اله سابقاً بس انقلوا بسرعةةةةة
بس حچيتها نزل يفحص جسمه شوية وشالوا بالسدية
التفتت على صالح اني رايح وياهم
خليك انتَ بقيادتهم وصلهم للمقر وتعال وراية اذا تحب
حچيتها وركضت وراهم صعدت بـ سيارة الأسعاف
گبل شدوله الأوكسجين
ما اعرف شلون خلص الطريق وصلنا للمستشفى تلگوا من الباب لگيت الدنيا مخبوصة حتى أبو الاء موجود
أبو الاء.. لا يااااا الله هاي شصار بي لا اله إلا الله
مخلد.. ادعيله سيدي نزف هواي ووضعه كلش يخوف
القائد.. شلون تصوب مخلد
مخلد.. چانوا ناصبين النا كمين فـ همام شك بالموضوع
لذلك قدم نفسه طعم علمود نداهمهم من الخلف
والظاهر اثناء المواجهة كاشف روحه وصوبوا هذا الصار
حچيتها ودخلت وياهم سألنا علي گالوا بغرفة العمليات
سلمت سلاحي والموبايل الأبو الاء ورحت
تبرعت بالدم بس كلش تأذيت بالگوة گدرت ارجع الهم لگيت صالح جاي و ويا اربعة من جماعتنا
- من شاف حالتي گام تلگاني شبيك مخلد تحس بشي
- دايخ
أبو الاء.. چان ما تبرعت وليدي انتَ تعبان
يلا على العمـوم رايح اجيبلك شـي يصعد دمـك شوية
صالح.. لا سيدي اني رايح خليك مرتاح
حچاها وطلع شوية ورجع جايبلي عصير طبيعي
جبروني اشربه
ظلينا ساعات ننتظر واحد يطلع من غرفة العمليات حتى يطمنا علي ماكو عبالك ناموا جوة شديصير منعرف
عبرت الساعة وحده الظهر وماكو أي خبر عنه
واگف گبال صالح واحد يباوع للثاني
دگ الموبايل بـ جيبه سحبه بـ ضجر شنو طيبة دتتصل
- لا هاي بت عمي
المفروض هسة انـي ارجعهم لأن خلصت المحاضرات
- بت أخو هم دتنتظره شلون شنو الحل صالح دبرني
باوع الموبايلة ورجع باوعلي راد يحچي انفتح الباب
التفتت واخيراً طلع الدكتور
سألنا شصار ما جاوب راح يركض حسيت الوضع كلش مو تمام ناس طابة وناس طالعة ومنو النسأله ميرد
- رگعت الحايط حيل واحد منكممم يرررررد بشر لوووو شنو گدامكم الله اكبرررررر
أبو الاء.. اهدا أبني ان شاء الله خير يجوز احتاجوا دم
صالح.. اعصابك مخلد احنة بالمستشفى
مخلد.. لك يا اعصاب يا مستشفى
انتَ دتشوف وضعهم لو لا ،، اكو شي ديصير جوة موو طبيعي بس محد منهم راضي يحچي همام بخطر
صالح.. ادعيله العصبية متفيد ميحتاج غير بس دعائنا
مخلد.. ياااا رب دخيلك تگومة بالسلامة الـ مرته وأهله
رجعت گعدت على الكرسي ونزلت راسي للگاع
اشتغلت الأتصالات
ساعة طيبة ساعة بتول ساعة صفاء
بس ولا ردينا عليهن شنگول يعني لازم واحد يرجعهن للبيت وهناك يلا يعرفن مو بالجامعة
- صالح تصرف عفية
- بـ شنو
- البنـات لازم يرجعن للبيت اذا تگـدر وبيك حيل روح
- لا راح اتصل بـ سعد
همْ انطيهم خبر وهمْ اخلي يروح عليهن انـي ويـن بية
- عود خلي يرجع بتول من طريقة
- اكيد
حچاها وراح يتصل ماكو نص ساعة واجوي عم طيبة وولده للمستشفى سألني شصار صالح رد علي
طيبة.. صرت ارجع بـ خطواتي للخلف انتظر جواب منه
فجأة سحبني حيل
راد يصعدني للسيارة دفعتـه حيل تدخلوا الولد عبالهم ديضربني وگفت بنصهم وفتحت إيدي
- لحد يتدخل هذا أخوية
- طيبة بروح شكو عزيز وغالي عليچ اصعدي وكااافي فضايج
- اصعد والله بس احچي ما بية اتحمل الافكار السودة
- يا افكار
- منو منهم صابه شي همام لو صالح لو مخلد
بس حچيتها التفت ع السيارة
ضرب التاير برجله وصاح هماااام يلا ارتاحيتي هسةةة
- شبي همام ماااااااااات
- اششش لا لا اسم الله ما بي شي بس متصوب كافي
- من البچي التموا الطلاب علينا صاح بية وببتول شلون تالي اليوم ما ماااات بس تصوب اسكتن عاد
- زين اخذني اله الله يخليك
- وين اخذچ هسة المستشفى تلگيها متروسة بالضباط
- اترجاك
- لتحاولين طيبة ماكو روحه اصعدي
- بس حچاها ركضت للشارع العام والله لووو متاخذني هسة اذب روحي جوة السيارات وذنبي برگبتك
- ركض سحبني من إيدي انعل أبوچ الـ **** تخبلتتي خو ماااا تخيلتي ولچ
- اخذني يلاااااا
- ميخالف اخذچ بس اصعدي وخلصيني
- راح اصعد بس اذا اكتشفت تضحك علية ميصير خير
- وروح أمي اخذچ فضيني عاد
من خلف بـ روح أمه ارتاحيت شوية ادري شگد يحبها
صعدنا ويا عين ع الساعة وعين ع الشارع
بس وصلنا فتحت الباب ونزلت اركض حسيتهم وراية التفتت على سعد وينة يلا وينةةةة
- اصبري هسة اسأل
حچاها وراح دقيقة واجة أشر النا تعالوا منا
مشيت ورى اسأل بـ روحي سحل وصلنا شفت مخلد من بعيد ساند راسه ع الحايط ورافع إيده ليفوگ
- ركضت علي مفزوعة مخلد شبي همام صارله شششي
- هاي شجابكم
سعد.. شسوي ما گدرت امنعهن مـن عرفن وانتَ تدري بعنادهن شلون يصير
مخلد.. بتول اخذي طيبة وروحوا الزلم صايرة لحم هنا
بتول.. ما اروح والله ما اروح
اذا ما اشوف عمو بـ عيني زين ومبي شي ما اتحرك منا
مخلد.. طيبة روحن يلااا
طيبة.. ما ارووووووووووح احچي شبي همام شصارله
صالح.. طيبة لتصيحين عيب الرياجيل واگفين
طيبة.. يا رياجيل صالح يا رياجيل
همام جوة ديموت وانتَ تگولي صوتچ منا الرياجيل طز
مخلد.. لا اله إلا الله لاااااااااااااا اله إلا الله
حچاها ورگع الحايط حيل.. گبل لزموا صالح وأبو الاء
أبو الاء.. شجاك دصلي على النبي
اذا عليهم انـي راح اخذ الجماعة ونروح ننتظر بالصالة الخارجية وخلي البنات هنا صعب يرجعن بـ هالوضع
مخلد.. يكون احسن
بس حچاها راحوا مظل غير بس بيت جدي يمنا
طلب مني عمي ارجع للبيت
گتله لتحاولون مـا اتحرك منا اذا مااا اطمأن على همام واشوفه بـ عيني سالم وما بي إلا العافية
- مخلد فدوة جاوب شبي عمو همام شلون تصوب ؟!!
- بالواجب
- ياااا ربي وشگد راح يصيرله جوة
- أربع ساعات تقريباً
- بس حچاها گعدت يم الحايط
خليت راسي بين رجلي وصرت اناشغ حسيت على إيد مسحت على راسي رفعت نظري صالح گبل ابتسم
- صالح اموووت.. اذا صار الـ همام شي والله اموووت
- همام سبع تخافين علي من الموت خافي على روحچ
- يعني راح يگوم
- ان شاء الله يگوم ليش يگدر يعوف طيبتة ويروح لا اكيد ميسويها متهونين علي وتدري شگد يحبچ
بتول.. والله اذا مات اموت ورى والله ما اتحمل غيابه
مخلد.. اشششش كافي لحد منچن تنحب علي
هذا الجوة سبببببع
ياما واجه ازمات وعداهن بـ صدر عالي ومثل مااا طلع من غيرها بـ سلامة هسة هم راح يگوم بالسلامة
بس حچاها ركضت بتول شمرت نفسها بـ حضنه
- كافي عيني كافي تفاولين علي
عمچ قوي مستحيل يستسلم للموت عمره بعده بالدنيا بس ادعيله وخلي عنچ البچي لأن ميسوي شي
ديحچي سمعت موبايل همام يدگ
رف گلبي عبالك هوَ واگف بيناتنا درت وجهي ويا الصوت شفت صالح طلعة من جيبه باوع المخلد أخته
بتول.. عززززة والله هسة تتخبل
زين بيبي اذا عرفت شراح تسوي غير تموت ياااااا ربي
مخلد.. اشششش لحظة خلوني افكر بـ شي اقنعهم بي
طيبة.. شلون مخلد شلووووون شـ يقنعهم
مخلد.. اسمع صالح
هاك انتَ جاوب وگول همام وبتول ديتغدون يمنا واذا گلتلك ليش همام ما رد گللها واگف يصلي
صالح.. ما راح تقتنع وحتى صوتي مبين ورى مصيبة
محمود.. جيب اني أرد عليها
حچاها واخذ التلفون طلع برة شوية ورجع انطا المخلد
- ها اقتنعت
- اقتنعت بوية حتى ما شكت بـ شي گلتلها رديت عليچ علمود ليظل بالچ والبنات مشغولات بالغدة
- اي رحم الله والديك
- و والديك بالرحمه.. بوية سمير اخذ أختك للبيت وبلغ عمتك باللي صار اليوم حتى ليظل بالها يمنا
- ان شاء الله يابة صار
ظلينا رايحين جايين بالممر ننتظر خبر يبرد گلبنا ماكو
عبرت الأربع ساعات والوضع مثل ما هوَ
باوعت المخلد ابچي شوف الساعة كل هذا عمليةةة ما طلعت والله اكيد صاير وياهم شي
مخلد.. اصبري مااا ظل شي شوية ويطلعون يطمنونا
فعلاً بعده ممكمل كلامه انفتحت الباب
التفتت الدكتور رحنا علي ركض سأله مخلد بشر شلونه
- للأسف المريض وضعه صعب جداً
نزف هواي واصاباته اجت بـ أماكن حساسة اكو م أثرن بي مثل اصابات البطن واكو سببن اله تلف قوي مثل الاصابات القريبه من منطقة الصدر سوينا العلينا والباقي على رب العالمين ومن ثم قوة المريض وارادته
مخلد.. كم اصابه عنده
الدكتور.. مجموعهن ثلاث اصابات
اثنين بالبطن ووحده قريبه من منطقة القلب هاي كلش اخذت من صحته
مخلد.. زين شوكت يصحى حتى نعرف النتيجة
الدكتور.. بـ ايد رب العالمين انتظروا وان شاء الله خير
حچاها وراح بچيت بچي لحد ما اختنگت من الشهگة
شگد حاولوا يسكتوني محد گدر علية
شوية ورجعت خديجة تتصل مره على جهاز بتول ومره على همام أخر شي اتصلت علية لأن تأخروا كلش
محمود.. شلون تالي
المرة راح تموت من القلق لازم تشوفون حل لـ هالسالفة
مخلد.. أبو سعد شـ يطلع بـ إيدي حاچيني
مثل متشوف هاي اني متربط گدامك شسوي عندك حل
محمود.. اي انطيني العنوان
اني راح اروح احاچيهم بعد لازم يعرفون الشغلة مطولة
مخلد.. سحب الورقة من جيبه
كتب العنوان وسلمها اله من طريقك طمن الجماعة برة وحاول وياهم بلكي يروحون همام ميگعد بـ سهولة
هز عمو براسه وراح البيت همام
قريب الساعة يلا رجع گال بلغت أخته وانهارت خطية
محد من عدنا حچه كلمن لاهي بـ ضيمه
للعشرة بالليل انفتح الباب وطلع الممرض شبي هذا شو نحچي ويا ميرد صاير شي
مخلد.. شوية اصبري
هسة نشوف شديصير لتخبصيني أكثر ما اني مخبوص
خمس دقايق وانخبصت الدنيا يم همام
الدكاترة طالعة طابة
ظل مخلد يدعي بدل ما يهدينا انهار هوَ ركضت بتـول لزمت إيدي تبچي حيل طيبة شكو جوة شكووو
- ما ادري اسكتي راح اموووت
- گلبي حاسني عمو راح يصيرله شي شلون بينا
- الله يخليچ لتحچين هيچ مو تدرين كلنا عايشين على حسه غير نموت اذا خسرنا
طلعت روحنا يلا طلع الدكتور من الغرفة يمسح بالعرگ
ركض مخلد قبلنا ها دكتور
باوع علينا ورجع باوع علي قلب المريض توقف لـو ما لطف رب العالمين وعنايته بس حالته حرجة جداً
- المهم عايش
- والله للأسف اكو خبر مراح يسركم
- شكو بعد
- المريض دخل بـ غيبوبه وحالياً جسمه يشتغل بس على الأجهزة يعني نگدر نگول عنه ميت سريرياً
- وشلون بـ هالحالة شنو الحل
- راح ننتظره 3 أيام بعدها اذا ما رجع اله الوعي نضطر نرفع الاجهزة عنه والله يرحمه برحمته الواسعة
- ترفعون الأجهزة عنه شنووو شغلكم هذاا شوفوا حل
- أخي احنة شعلينا
ركض صالح يحاول يبعده عن الدكتور لأن فقد اعصابه
بس ما گدر علي
أول ما راح الدكتور خبص الدنيا بالغلط بالگوة سيطروا علي وسكتوا أما اني وبتول فـ حالتنا متنوصف
واگفة بـ صفي وحده تضحك بـ وجه الثانية
من الصدمة عقلنا ضرب
شافنا صالح بـ هالحالة اجة ع السريع وجودكم هنا بعد ماله داعي يلا امشوا ارجعكم للبيت احسن
طيبة.. شصار شنو الدكتور يگول ميت مدري شنو
صالح.. بعدين افهمچ بس امشي للبيت مو تعبتي اليوم
طيبة.. وخررررررررررر
لتلزمني وجاوب على سؤالي همام شبي شنو يگول ميت
صالح.. طيبة انتِ منتبهة على روحچ شگاعد تسوين !!
طيبة.. هه روحي !! ليش هيَّ وينها بلا
ما هيَّ راحت يم همام مستحيل ترجع اذا ما فتح عينه
مخلد.. ميرجع بعد ميررررررجع طيبة.. همام مااااااات
- حچاها ونزل بالگاع ركضت يمه لا مخلد عفيه لتگول هيچ انتَ بالذات اذا ضعفت اني وبتول ننهار
ما جاوبتي منزل راسه ويبچي تخبلت اعصابي تلفت
وگفت علي حيلي اصرخ همام ميسويها
اااابد ميسويها ويعوفني مستحيل رب العالمين ياخذه بعد ما عوضني بي عن كل الخسائر العشتها بحياتي
اذا راح معناها رب العالمين كتب الـ عمري ينتهي ويا
ليش المن اعيش وهوَ ماكو
طيبة ما صارت طيبة ولا وصلت لهنا لو ما فضل ربكم ومن ثم همام مو غيره هذا سندي عمري كل شي الي
لا مستحيل يموووت
همام طيب وهواي مسوي خير بـ حياته
اكيد كل هالشي يشفعله ويطول بـ عمره اذا مو علموده فـ علمود أمه المسكينة الما كسبت بهالدنيا غيره
صالح.. طيبة كافي ترى همام بعده عايش
مخلد حچه هيچ لأن منهار
لتيأسون من رحمة رب العالمين ان شاء الله يگوم سالم
بعده يقنع بية انهارت بتول
ظل صالح محتار بيني وبينها ميعرف يسكتنا لو يروح يشوف مخلد الـ بعده على نفس وضعه منهار بالگاع
فجأة گام مخلد يركض صاح عمو محمود الحگه صالح
راح سعد وراهم
شوية ورجع گال همزين لحگنا تخبل ع الدكاترة ميحس
باوعت الـ غرفة همام وتقدمت خايفة
ردت بس المحه منعني الممرض باوعتله بتوسل شوية عفية ما ادخل
- ممنوع
- من بعيد والله ما اتقرب علي
- اختي هاي العناية المشددة ممنوع واحد يدخل بيهاا
- ما ادخل من الباب اباوع والله
- ممنوع
- شنوووو يعني منووووع هيَّ بكيفك يلا وخر بسرعة
- التزمي الهدوء لو اخلي الأمن يطلعوچ برة المستشفى
سعد.. تعالي طيبة
كلامه صح هاي تعليمات المستشفى اهدي لتسوين النا مشاكل ميفيد حتى لو تشوفي دعائچ بس يفيده
- محتاجة اشوفة
- بعدين
- شوكت يعني بعدين جاوبني شوووكت من يموت يلا
على صوتي اجة صالح سحبني من إيدي گعدني وگعد مقابيلي باوعتله وبچيت صالح داموت
- بروح رحيم
بروح كل غالي عليچ من أمچ الى أبوية
اهدي شوية وقوي نفسچ لأن همام يحس واذا ظليتي بهالضعف مراح يتجاوز هالأزمة صدگيني
- بس هو ديموت
شنو يعني يموت والله بعدني مشبعت منه
بعدنا كل شي ما عشنا من حياتنا لا هوَ شاف الراحةةة ولا اني ويوم ما اجينا نعيش يوم حلو يصير بينا هالشكل
- اختنگ بـ عبرته يعيش طيبة وتعيشون احلى ايامكم
راح يگوم بالسلامة وتنزفين اله عروس
ومو بس هيچ تترسون النا البيت جهال ها منقبل بواحد واثنين من هسة اگولچ
- ابتسمت والدموع بعيني
- هيچ اريدچ ولتخافين رجلچ بطل ميستسلم بـ سهولة
محمود.. صالح وين مخلد ؟!!
صالح.. راح للمغاسل شوية ويرجع هذا همْ حالته حاله
سمعت صوت خطوات
رفعت راسي مخلد ديمشي بالممر
ركضنا علي اني وبتول نتوسل بي يسوي شي ما احس إلا فتح إيده وضمنا بـ حضنه حيل يبچي ويانا
بتول.. شنو يعني راح يموت
مخلد.. ميموت ميعوفكم ويموت يدري ما عدكم غيره
طيبة.. شگال الدكتور
مخلد.. كل شي ما گال الانتظار هو الحل الوحيد حالياً
طيبة.. زين لو نسفره للخارج مو احسن
مخلد.. گلتها قبلچ بس رفضوا لأن اذا انرفعت الأجهزة عن جسمه يموت لا سامح الله
عفتهم ورجعت ع الكرسي
ظليت ابچي وادعي ما عندي غير وسيلة تريح گلبي
لـ 12 اتصلت خديجة بية باوعت الـ عمو بلغتها بس الها لو بيبي هم صار عدها خبر بالحادث عمو
- لا بس الها
الحجية قنعتها عود سافرتوا للشمال ويانا سفرة عائلية
رادت بتول تحچي وياها گلتلها لا اني ارد
رفعت الشال امسح بـ وجهي
مد صالح علبة الكلينس هاچ هاي والماي يمچ غسلي اذا تردين
تشكرت منه بدون ما اباوع علي
اخذت جهازي اتصلت بـ خديجـة أول ما فتحت الخط صرخت تبچي
- اهدي عمة
- أخوية شلونة أخوية ريحي گلبي الله يرييييح گلبـچ
- زين عمة ليظل بالچ
- شلون صار هالشي شلون تصوب ولچ
- كل شي لتسأليني ما اعرف شصار ولا اريد اعرف بس خل يگوم النا بالسلامة
- زين هوَ گعد
- اي الحمد گعد بس بعدنا ما شفنا بالعناية بس عفية مو تحچين شي البيبي والله تروح بيها اذا عرفت
- لا تخبلت واحچي
اصلاً اني تأخرت بالأتصال لأن انتظرتها تنام وين تتحمل
- يلا اني راح اسد الخط بس يصيرلي مجال اخابرچ
- مو تگطعين ترى داموت بـ مكاني
- مـن عيوني والله اتصل بس لتبطلين الدعاء نحتاجة
حچيتها وسديت الخط
للصبح بيومها عيني ما اخذت النوم ولا دقيقة
وهيچ مرت الثلاث أيام بلا أي جديد واستمر همام على نفس نومته
اني وبتول ومخلد ما غادرنا المستشفى ولا لحظة
بس صالح وعمي وولده يجون من دوامهم لهنا ميرحون إلا بالليل
محد من عدنا يشتهي العسل
يوميا صالح يجي محمل اشكال الأكل ويرجع مثل ما هوَ
اليوم الثالث بالخمسة العصر واگفة وعيوني على الباب
مثل العادة اترقب أي خبر مهما كان بسيط
سمعت مخلد يتوسل ببتول بالگوة يلا قنعها تگوم تاكل
جاملته خطية لگمتين وتركت الأكل
اجاني مسوي لفة ما اخذتها الماي مينزل من زردومي مو الدور الصمون
بعدني اباوع للباب دخت
جسمي كله يرجف من الضعف سندت نفسي ع الحايط حتى لا اوگع بس الدوخة زادت ما قلت
لزمت راسي احاول اتماسك ما اريد ابعد عن هالباب ولا دقيقة بس للأسف شوية ووگعت من طولي
فتحت عيني
شاديلي مغذي وصالح وبتول فوگ راسي
باوعتلهم شصار.. خزرني صالح وگعتي خاتون وطبيعي توگعين اذا لا اكل لا شرب شوفي شصاير بيچ
بس حچاها گمت فلتت المغذي حيل طگت إيدي دم
راد يمنعني دفعت إيده
صاح بية يمعودة وين؟؟ لبست برجلي ومشيت دايخة اروح الـ همام ولحد يمنعني ترى البية مكفيني
ظلوا يصيحون وراية م اهتميت الهم
بالگوة امشي
مـن الدوخة احس كل شي يفتر گدامي وصلت للمكان شفت مخلد گاعد بالگاع ممدد رجلي وإيده على راسه
تخبلت من شفته هالشكل
قويت نفسي الى أن وصلتله صرخت هماااااام بي شي
- طيبة شجابچ
- احچي يمعود شصار ويا
- مصار
- لعد ليش گاعد هالگعدة تدري گلبي وگف بسببك
- هذا اخير يوم الـ همام ساعات قليلة ويرفعون الأجهزة عنه اذا ما استجاب وگعد
- ليش همَ بـ كيفهم ويرفعوووهن عنه
لو ألف سنة يظل غايب عن الوعي هم ما اسمح الهمممم يموتوا إلا اذا متت قبله
رجعت بـ خطواتي للخلف
سندت روحي ع الحايط ووگفت على نفس الوگفة
سحبت حسرة طالعة من نص گلبي يا رب هواي كلشش هواي انفجعت بـ حياتي وبـ أقرب الناس الي
ومع ذلك صبرت واحتسبت وعشت بـس هسة لو انفجع بهمام وعزتك وجلالتك افقد الحياة واني عايشة
رجعت نظري للباب اقرا بـ أيات الذكر الحكيم
فجأة انفتحت
طلع الممرض يركض صاح من أول الممر ايناااس بسرعة صيحي الدكتور ماجد المريض هنا صحى....
يتبع
لتنسووون ⭐⭐⭐⭐⭐⭐
كل الحب ❤🥀