# أعتذر للسعادة لاني عشقت الحزن ، وحملته شطرا من حياتي...... وعشقت البكاء لأني انفس به عن الآمي.......وعشقت قول الآلآه لأنها تطفئ حرقة أناملي...... وعشقت الجراح لانها أصبحت قطعة أرقع بها ثغور ثيابي.........وعشقت الصمت في لحظة الألم لانها تحفظ لي كبريائي........ فعذرا أيتها السعادة لاني أبعدتك عن حياتي......
في بيت ابو محمد
دخل محمد وشاف امه قاعده لحالها قرب منها : قوكي يا قلبي (وباس خدها وقعد جنبها ونزل راسه في حضنها)
امه باست راسه الي فيحضنها وبتلعب في شعره : الحمدلله يما الله لا يحرمني منك ولا من خواتك
محمد : امين واتضلي تاج ع روسنا ،ها وين قومنا
امه : بعده ما ناس روح خواتك علا وعنود في الجامعه وعهود ودها اتروح مع صاحبتها قالت لابوك مبارح وابوك ع وصول
محمد كشر : يخي منيه صاحبتها
امه : بنت ال............
محمد جلس قعدته : يما هاذي البنت مي زينه قديه مره قلت ليكو لا تمشي معها عهود
امه : يما انداري عن ابوك دمعه من عين عهود بوافق ع طلباتها
محمد : انا بورجيكي فيها ولما يجي ابوي انا بسولف معاه في موضوع هالبنت
امه : انشالله يا حبيبي ، يلا يقلبي قوم غسل لانه ابوك وخواتك شوي وجايين ودنا انحط الغدا
محمد قام من محله :يلا ،والله فارط جوع
امه قامت اتروح ع المطبخ : ما خسا الجوع يما هسا بنجهز الغدا
في بيت اهل دنا
دخلت دنا ع امها المطبخ ولفت اديها ع خصر امها وباست رقبتها : يعطيكي العافيه يروحي
امها بسرعه مسحت دموعها وقالت بكل حب : يعافي عمركي يما ،ها وين اخوانكي
دنا : هيهم وراي يعمري جايين
بعدت عن امها مشان تعرف تتحرك بالمطبخ وقعدت ع كرسي المطبخ عند امها
امها : ها كيف المدرسه اليوم
دنا انتبهت ع عيون امها الحمر ما كانت شايفيتهم اول : كويسه الحمدلله
امها : الحمدلله
دنا : ماما ليه كنتي بتصيحي
امها بتحاول ما تبين : يعمري ما كنت بصيح
دنا :ماما لا تكذبي علي ترا عيونك حمر
امها ما بتخبي عليها اشي بس ما بتقدر تحكيلها سبب صياحها هالمره لانه فش سبب محدد ،بتصيح ع حالها ع تغير جوزها عليها مستغربه من حركاته وغيرها من الاسباب : اتهاوشت انا وابوكي يا دنا
دنا كشرت : ع ايش
(قاطعهم دخول جنى وابراهيم بصوت عالي وبتهاوشو كالعاده )
امهم : يا عياال صوتكو خلو غنى نايمه شوي (طلت ع دنا )بعدين بحكيلك
في بيت ابو معتصم
قاعده جنب ابنها وبتطعمي فيه
:يما يقلبي منا صغير هيّنا بوكل لحالي
امه : لو يصير عمرك 70 سنه بتضل في عيوني طفل كل يما كل وراك دوام
عصوم :هههههههههه هينا بوكل
(دخل عليهم عيسى وسلم عليهم )
عيسى : يا ناس والله عيب
امه طلت عليه وكشرت :وشوه العيب انشالله
عيسى :طلي طوله هاض وبتطعمي فيه
امه بتحط لقمه في ثم عصوم وما ردت عليه
عصوم باس ايد امه :هههههههه ما ليك دخل
عيسى قعد ع الطاوله جنب امه واخذ لقمه واكلها : اااااه بس الحنان لناس عن ناس
امه ضربته ع كتفه : والله انك ما بتستحي والله بحبكو كلكو نفس الاشي بس عصوم وده يطلع ع شغله ولازم يتغذى
عيسى : اه نسيت انه طالع ع جهاد تراه يما كل شغله انه يقعد يحاسب بس
عصوم ببوس امه : طعميني يالغاليه ولا تردي عليه تراني بتعب مو مثله
عيسى رمش بعيونه واكل لقمه : لا اله الا الله قديه مره قلت ليكو انه انا كمان بتعب في الجامعه من الشغل (رجع جسمه لورا ع الكرسي ) ااااااااااه ما احلا التعب
عصوم وامه :ههههههههههههههههه
في المطعم
قاعده ع وحده من الطاولات وبتستنى فيه لابسه بنطلون جنز ع الجسم وبلوزه حمرا قصيره وكمان ع الجسم ولابسه شال اسود وطالع شعرها منه ومتمكيجه مكياج عرس بس ما خبا بشاعتها (سمرا كثيييير وطويله ومليانه وعيونه صغار وشفايفها وانفها كبار وبينها وبين النعومه بلاااااااااااد )شافته داخل من باب المطعم وقفت واشرت اله بإيدها (حكيت الكو فش نعومه ،ماااالت بس )قرب منها وصار فرق الطول بينهم واضح (طبعا هيه اطول منه )
سالم : مرحبا
احلام بدلع :مراحب كيفك
سالم هسا العالم كله بكفه وهالانسانه الي قدامه بكفه تانيه : بخير بشوفتكي تعالي نقعد
قعدو قبال بعض وهيه بتبتسم اله بدلع مصطنع وهوه ميت عليها (السحر وعمايله )
سالم بحب : ويش توكلي
احلام : عادي ما بتفرق اطلب ع ذوقك يعمري
سالم ابتسم الها ونادى النادل يطلب
في بيت حسان
انوار : حساااااااااااااااااااااااااااااااااااااااااااااااااااااان اااااااااااااااااااااااااااااااه
حسان اتوجه لصوت انوار الي بالحمام ودخل عليها من دون تردد (خاف عليها)
: انوار عنامكي يقلبي
انوار قاعده ع الارض : ااااااااه يا حسااااان شكلني بولد
حسان ما عرف شو يعمل ارتبك : طيب قومي قومي
انوار بتشد ع كلامها من بين اسنانها والوجع ذابحها : حسااااااااان قومني منا قادره
حسان صحى ع حاله نزل الها وحملها ووداها غرفة النوم لبسها عبايتها ومسك شنتتها الي كانت مجهزيتها من اسبوع وطلع فيها ع المستشفى
انوار : اااااااااااه يااااااااا حساااااااااان بمووووووووووت
حسان ماسك ايدها ومسكر عداد السياره بالسرعه : لا يقلبي بعيد الشر هيحنا قربنا نصل اتحملي يقلبي
انوار : ااااااااااه اااااااااااااااه
حسان ما كان في ايده الا انه يقرأ عليها قرآن
بعد الغدا في بيت اهل دنا
ابراهيم وجنى وغنى بلعبو ودنا وامها قاعدات بحكو مع بعض ( حكيت الكم صاحبات )
دنا : ماما يلا احكيلي ليه متهاوشه انتي وبابا
امها : يا حبيبتي الشغله مي مستاهله
دنا : كيف مي مستاهله وبابا ما اجا يتغدى معنا ع غير عادته
دنا زادت هم امها ، كانت دلال بترن ع سالم ع الغدا وهوه مطنشها ومارد عليها ولحد الآن مش عارفه ليه ما اجا يتغدى : لا ابوكي ما اجا لانه مشغول رن علي وحكالي
دنا بعدم تصديق بس ما بدها اتزيدها ع امها : اهااا طيب
امها : احكيلي شو عملتي بالمدرسه اليوم شو سويتي وكيف دروسك
دنا : الحمدلله تمام دروسي وما عملت اشي عادي نفس كل مره
امها مسكت ايد بنتها وقربتها الها وقالت بكل حب حتى بنتها ما اتخاف منها : الشب الي كان بذايقك بعده ببلش فيكي
دنا بحيا : لا يا ماما ما بدايقني واصلا بطلت اشوفه كتير
امها : ليه
دنا : ما بعرف ، بس هو ما بيجي المدرسه واذا اجا بضا بصفه ما بطلع
امها : احسن الك يعمري
دنا اكتفت بهزت راسها
عند عصوم
بلبس بجهز حاله لدوامه في غرفته ، سمع صوت الباب بفتح كعادته من غير احم ولا دستور
يوسف : قوك
عصوم ابتسم اله وراح سلم عليه (علاقتهم مع بعضهم كثير قويه ): كويس شلونك انت
يوسف قعد ع التخت : زين
عصوم : اكتيه جيت انت
يوسف : هسا جيت شفت امي وسألتها عنكو وقالت انه عيسى نايم وانت بتجهز حالك للدوام وجيت اشوفك قبل ما اتروح
عصوم وهو بزر ازرار قميصه : ايواااا
يوسف: ها ويش اخبارك انت بحس لي زمان ما شفتك
عصوم : ههههه اه والله لي يومين ما شفتك بس انت يخي المشغول في دوامك
يوسف : خلص هيّنا جيت ، ويش فيه ما فيه
عصوم هز كتفه : سلامتك صافيه وافيه طافيه
يوسف : رحت ع المدرسه اليوم
عصوم اعطى ظهره لاخوه وبزبط شعره : اه
يوسف: وكيف المدرسه
عصوم عرف قصد اخوه : كايفه ضليت قاعد في الصف وبعدين قمت روحت ما شفت ناس
يوسف : هههههه ماشي
عصوم لف ع يوسف وكشر : ع ويهب تضحك
يوسف قام من محله يروح يرتاح بغرفته : ولا اشي سلامتك ، لما ترجع تعال علي ماودي اطلع اليوم
عصوم : ماشي
طلع يوسف من عند عصوم يرتاح وراح عصوم وسلم ع امه واتوجه لشغله
في المطعم
سالم : ايوا يا روحي
احلام بابتسامه : عنامك انت اليوم رومانسي حاسيتك
سالم هو نفسه مو عارف عنامه ابتسم : هههه انا دائما رومانسي
احلام بابتسامه اكبر :ههههه اه واضح حياة فصلات الخط بوجهي
سالم : ههههه هاد زمان يعمري
احلام بخبث : الفات مات ههههههه
في بيت ابو محمد
محمد قاعد مع ابوه وامه
محمد : يابا والله البنت مي زينه البنت استغفر الله
ابوه بعصبيه : خلص قلت ليك ما عليك في خواتك ما دام خشمي بشم الهوا لما اموت وقتها انت اتصرف معاهن
محمد بزعل : طولت العمر ليك يابا ابشر
ابوه قام ع غرفته وامه لحقته ومحمد طلع ع غرفته
عند عهود اخت محمد وصاحبتها انسام
انسام : يا بنت الناس سحبة هوا ما بتأثر جربي دخني هالسيجاره
عهود : خلص ما ودي قلت ليكي
انسام :ترا ما بتأثر
عهود : خلص يا انسام
انسام وهي بتحط السيجاره ع ثمها : انتي حره
في بيت اهل دنا
دلال بخوف بتتكلم بالتلفون : وين انتو في اي مستشفى
حسان : في المستشفى ..............
دلال : خلص يخي لا تخاف هسا شوي وبجيكو
حسان : مع من ودكي تجي اجيكي
دلال: خلص يخي خليك مع مرتك هسا بخلي سالم يجيبني
حسان : طيب يخيتي بستناكي
فصلت دلال من اخوها ورنت ع سالم مره مرتين ثلاثه والرابعه رد .....
في المطعم
قاعد سالم واحلام وبحكو قاطع حديثهم صوت تلفون سالم اول مره طنشه الثانيه طنش والثالثه فصل والرابعه اتأكد انه فيه اشي لهيك قرر يرد
احلام كشرت : ودك اترد ؟؟؟
سالم بضعف غير عن عادته : يمكن يا قلبي فيه اشي ضروري اشوفها
ورفع سماعة التلفون يرد واحلام مولعه نار بقلبها وبتدعي وبتسب ع دلال الي رح اتخرب جوها الرومانسي
سالم بنرفزه : ويييش
دلال بإستغراب الها 16 سنه متزوجه وما عمره رد عليها هيك :سالم ؟
سالم كشر : سولفي بسرعه مشغول
دلال استغربت وانقهرت بس مو وقت كلام بدها اتروح ع اخوها ومرته : حسان رن علي ومرته في المستشفى واهلها ممه هان تعال وصلني
سالم بعصبيه : منا فاضي ليكي ولمشاويركي
دلال بعصبيه : انت عنامك ويش فيك قالب علي
سالم فصل بوجهها بدون ما يرد عليها
دلال بعثت اله رساله (انا رايحه مع أي ناس ما بستناك اتوصلني )
رد عليها (اذا بتروحي لا ترجعي ع الدار ضلي عند اهلكي )
قرأت دلال الرساله وسكرت الحياه بوجهها ويلها من جهه اخوها وويلها من جهه جوزها وتغيره عليها ، بس قد ما كان بضل جوزها ولازم تسمع كلامه
مسكت تلفونها ورنت ع اختها ام ميساء وحكت الها تروح بدالها ع المستشفى وبعثت لاخوها رساله تعتذر منه
اما بالمطعم
احلام بنرفزه : عنامها ويشدها
سالم ابتسم : انسي ويشدنا فيها
وكملو كلامهم وضحكهم
# تٍؤلّمٌنيِ و گٍ آننيِ لّمٌ آگٍن فُيِ قلّبگٍ ذٍآتٍ يِومٌ ..