خالد : كعدت الصبح غسلت وجهي وقفلت البيت ورحت للبيت الجبير اول مدخلت اتلكتني بيبي أم أبويه بلجكليت وتهلهل
ام ميثاق : كولولولوش امبارك عرس الغالي امبارك عرس الغالي تعال يبعد حبوبتك تعال
خالد : رحت يمه وبسته براسه عبالي متجي علمود بته لأن عمتي زعلانه وبعدهم متمسكين أخذ مريم
ام ميثاق : شنو ولك لا تسئل لا تكول جدتي
خالد : لا بيبي مو هيج بس كلت خاف ماخذه بخاطرج عليه علمود عمتي فكلت اسويلج ازياره خاصه واجي يمج كم يوم
ام ميثاق : لا ختولي شنو اشيل بخاطري علموده وهنه شدعوه كبرنه مو جدك ماخذ ٣ وانت قابل رفضت بتهم هم راح تأخذه
خالد : هههههه والله بيبي هذا الحجي الزين واندري بيهم ليش زعلو وانتي تدرين بيه اذا انطي كلمه مااتراجع عنه وكتلهم مريم مثل ما هديتهو الي راح اتضل الي
ام ميثاق : أنه اعرف سوالفهم معليك اليوم عرسك اريد هيج تنزل بنص الشارع وتركص ركص واذا مانزلت أنه اجيك ب عوجيه
خالد : لا انزل واني الممنون اني شكم ترجيه عندي هيه هلوحده
إم ميثاق : ولك يلمكموع تصيحلي بسمي تعالي تعالي ليه ام خالد شوفي ابنج
ام خالد : هاا يمه شبيك خالد ويه بيببتك
خالد : يمه هيه عمتج ماتكعد راحه تعيل بيه هههههههه
إم ميثاق : ولك شنو انت شبيك احنه ندري الزواج يعقل مو يفلت السانك بلزيد
خالد : والله بيبي الزواج طياح حظ لا يعقل ولا يصخم
ام خالد : ولك خالد شبيك اليوم تعالي يمه انتي تعبانه وطريق طويل تعالي اكعدي هناا ورتاحي
ام ميثاق : اي يمه وديني وصيحيلي سنو وينه سنوو اشو ماشفته
سناء : ها بيبي هياتني اجيتج كولشي مابيه بس بيبي فدوه كولشي ولا تعيبين عليه
ام ميثاق : خايبه يمصكوعه شعيب تعالي اريد اشوفج
خالد كملت كولشي من الشغل اني والولد وصعدت سبحت واجه احمد رتبني هو وأنور ونزلت جوه الناس هستوهه مخلصه غده واني رحت كعدت بلستقبال
سناء : صعدت اني وناهده بس احنا بعدنه ممحضرين نفسنه صعدنه فوك مكيجنه ولبسنه ونزلنه جوه جان سراج مشغل اغنيه ويركص عليه وامي هم لازمه عبايتها وتهوس بيناتهم دخلت بنصهم اركص واجه خالد انفاجئه بيه سحلته ناهده ودخل يركص
صارت الساعه ٥ وربع صعدنه بسيارات مال الزفه والهلال والعياط مال الولد صايرهه هوسه ونزلو بنص الطريق يرقصون اصدقاء خالد وسراج اني سحبت امي علمود اصور ونزلت من السياره مال سراج بشارع اصور بيهم ب كامره بس بعدين احمد وخالد خزروني ورجعت للسياره مثل الشطوره وناهده تضحك عليه كاعده بسياره رجله طلعت لساني عليه
ياقوت : سمعت صوت السيارات والأغاني اني احس النفس ضاك عليه ورجليه بردت كمت ارجف من وحدي امي مشغوله محد يمي يهديني كرهت نفسي بهاي اللحضه لأن ماكو اخت حنينه عليه أو ام واحد يوكف إمكانه وتجي يمي لا بنت خاله أو بنت عمه صديقه وتفرحلي دخل عليه خالد والنسوان ورا يهلهلن كعد بأس راسي وكعد بصفي وصارت ملحمه على كد الهوسه والناس هواي صارت اجتي ناهده عدلتلي الكب ودعت امي وفقار وطلعت واني بيد خالد
خالد : صعدت ياقوت بسياره وكعدت بصفه عمي ابو ناهده جان بلصدر وأحمد الي يسوق واني وياقوت كاعدين ليوره الحراره صعدت عندي احس جسمي حار وياقوت اديه الي بيدي ثلج بارده قربت عليه بيج شي
ياقوت : ضغطت علا أيده وهزيت راسي مبيه شي
ناهده : جنه مأجرين سياره جبيره لاهل العروس بس ماجوي اهواي غير بنات شابات ٣ وام ياقوت ونسوان ثنين وعجايز ثنين مو اهواي اجتي سناء
سناء : بس باعي شكد عدهم ذوق مااجوي اهوي علمود ليثكلون علينه
ناهده : ايي ناس متواضعه اكولج وين رشا
سناء : اووو رشا يم امي وبس تركص
ناهده : هههههههه خليه تشبع ركص اجته ام بعد شتريد رشا
ياقوت : نزلنه يم الاستيديو مال الصور واخذنه صور اني وخالد وحدنه بعدين اني ويا وأمه واني وناهده وسناء هواي لقطات حلوه وجانت اكو كامره تصور كول الزفه قرص العرس
خالد : يلا نطلع لو بعد تأخذين صور
ياقوت : ممكن تصيح ماما ناخذ وياهه صوره
خالد : تتدللين طلعت بره الغرفه التصوير صحت ام فقار
ام فقار : هاا خاله
خالد : تعالي من رخصتج ناخذ صور وياج
ياقوت : دخلت ماما اخذنه وياهه كم صوره ورجعت ناهده ساعدتني بلبس الكب وطلعنه
خالد : نزلوني اصدقائي على الجسر وضلو يركصون السيارات كوله وكفت تباوع علينه
وصلنه لبيت اهلي دخلنه السياره للكراج ونزلت ياقوت اني وناهده
ياقوت : دخلت للبيت وذبحو يم رجلي طلي والجكليت ينثر علينه كعدتني ناهده على التخم وخالد بصفي نزعت الكب وهواي خطار ونسوان عدهم
خالد ؛ شويه وطلعت للمطبخ شفت بنت خالتي من رخصتج زهراء كلاص مي
زهراء : اول شي الف الف مبروك وانشاء الله الذريه الصالحه وتدلل احلى كلاص مي للعريس
خالد : تسلمين ويوم الالج
سناء : هاا خالد شوو أهنأ
خالد : اي اجيت اشرب مي باعي سناء ب ٨ أخذ ياقوت للبيت حضريه انتي وناهده اوكي
سناء : تمام لتأكل هم اني احضرهه الك ب٨
خالد : طلعت بره يم الولد جانو يصبون عشه
احمد : اكولك خالد هواي اجتي ناس ومااعرفه
خالد : حمودي عليك بلي تعرفهم والماتعرفهم خليهم على انور وسراج همه يتوكلون همهم
سناء : جنت اصور بكامرتي وام فوزي جانت يمنه هيه وياسمين
ياسمين : اكولج هاي ماعدهه اخت
سناء : منو
ياسمين : قصدي على زوجت خالد ماعده اختت
سناء : لاا ليش شتسوين ب اخت
ياسمين : لا لأن عجبت امي وكلت اذا عدهم اخت نشوفه الاحمد
سناء : لا وين ماعدهه اخت هيه الوحيده
ياسمين : هاا الرب يحفظهم بس كولش حلوه
سناء : ايي حلوه
ياقوت : كاعده على التخم ومن هلجه كاعده يمي ام خالد ومخليه رشا بحضنه ويضحكون وياي واني بس مبتسمه وبيبي خالد ومن الجهه الثانيه ماما كاعده يمي جنت خايفه انو راح اصير مو يم امي والقلق والتوتر النفسي كولشي مخوفني شويه وصاحو اجه خالد اني بس سمعت الاسم لزمت عبايه ماما
ام فقار : بنيتي فدوه مثل معلمتج وادري بيج سباعيه
ياقوت : دخل خالد وبأس أمه وبيبيته واخذني من ايدي عدلولي الكب وطلعنه وصلنه السياره واجه رجال جبير سلم على خالد
خالد : اجه عمي ابو مريم باركلي وانطاني واجب وراح اني صعدت ياقوت ب سياره
ام خالد : يمه خالد بعد شويه نجي اني وبيبيتك ومثل مكتلك بيبيتك تاكل راسي اله تشوف نيشان مرتك ودير بالك
خالد : خوش يمه اني اعرف شنو اسوي
ياقوت : صعدني خالد بصدر وكعد بصفي وطلعنه من بيت أهله وجانو. هواي عالم بلباب واكفه حرك السياره ونزل يم بيت قريب على بيتهم فتح الباب ودخل السياره
خالد : يلا وهسه وصلتي بيتج
ياقوت : نزلت من السياره ورفعت الكب عن وجهي
خالد : لزمت أيده ودخلنه للبيت
ياقوت : دخلنه للغرفه جانت بارده ومزينيه ب زينه
خالد : وهاي غرفتنه أخذي راحتج هذا البيت كوله الج تعدلين اترتبين الي يعجبج سوي بي
ياقوت : اوكي
خالد : انزعي هذا
ياقوت : فتح الخيط مال الكب وسحبه من راسي
خالد : شوفي ياقوت اريد احجي وياج
ياقوت : كعدني على الجربايه ولازم اديه
خالد : شوفني اني ولد كبرت ولازم الم نفسي وألم اهلي صح اتزوجت اتفاق بس اني شلت فكرت الاتفاق من راسي مااريده اريدج ادومين وياي مدئ عمري لأن شفت بيج البنيه الجنت راسمه بخيالي
ياقوت : ومريم
خالد : مريم معليج بيه مريم سالفه وحد وراح تكون خارج حياتنه لا انتي تدنين يمه ولا هيه راح اخليها تدنه يمج انتي من طينه ومريم من طينه
ياقوت : يعني راح تزوجه
خالد : مجبور على الزواج منه لأن هيه هديه وماكدرت إتلافه للأمر واطلع منه الموضوع ركبني من ساسي الراسي وهسه يردون مني زواج علمود اتزوجهه
ياقوت : بس انت اذا تريدني الك خليني هاي المده نتقرب عليه الئ أن اتعود على وجودك يمي
خالد : انتي تدرين هاي الليله مهمه والتأخير مو من صالحنه وبعد شوي يجون اهلي واهلج وامي وبيبي يردن النيشان اني شنو اسوي وشلون راح انقذ الوضع ماعدنه غير حل تستسلمين الي
ياقوت : احس الحراره تطلع من عيوني وخايفه من الأمر من أصله مااريده
بس خالد اني كتلك اتعود عليك
خالد : انتي بس هاي الليله ساعديني وبعد الي تردي بكيفج هسه كافي حجي كومي نصلي
ياقوت : اريد اغير ملابسي
خالد : ايي اكو حمام هنا لو تردين بالغرفه
ياقوت : لا أريد اغسل همات
خالد : تمام لعد خلي اساعدج بفتح البدله والحمام كبال الغرفه
ياقوت : فتحلي السحاب وطلع بره اني همات أخذ ملابسي محضريهن بالغرفه جنت مشتريه سيت النوم بيجامه وتشيرت وروب مالته لون ابيض كولش حلو عجبني شكله حسيته احسن وارتب من الثوب القصير رحت للحمام سبحت ونضفت وجهي وشعري اتوضيت وخليت مكياج خفيف وطلعت للغرفه جان خالد بعد ممغير ملابسه
خالد : نعيما
ياقوت : ينعم عليك
خالد : يلا تعالي صلي
ياقوت : فرشنه المصلايات واني واكفه ورهه خالد ولابسه محرم الصلاه وبدينه انصلي كملت ولفيت مصلاتي
خالد : تقبل الله
ياقوت : منا ومنكم صالح الاعمال
خالد : بديت اتقرب اله
ياقوت : اجه يمي باسني من راسي ونزل على خدي اني جنت فعلياً رافضه هاي الخطوهه
نزل على ركبتي بأسه وشالني بين اديه
يمه خالد نزلني
خالد : اششش
ياقوت : كعدني على الجربايه وفتح خيط الروب وشمره علا الميز
لحضه خالد خليت ايدي على صدره
خالد : سحبت أيده وبسته ياقوتي جنت خدران وياهه اريد أضمه بروحي بس هيه جانت رافضتني مو متحبني لا اتحس الخطوه صعبه عليه اني اريد بس تندمج وياي بس كول شويه تفز وتدفعني
ياقوت : بده يبوس بيه واحسه راح الغير عالم كام ميسمعني شحجي استسلمت اله مصحيت وياهه اله لمن باسني من راسي فتحت عيوني واني اشوف الي راده أخذه
خالد : مبروك
ياقوت : لميت نفسي واني اباوع بعيونه الناعسه
اريد اروح للحمام
خالد : اي أخذي راحتج
ياقوت : اخذت دشداشه قصيره ربع ردن والمنشفه ودخلت للحمام فتحت مي البارد والامي هاجت بطني كامت حيل توجعني وأسفل ضهري سبحت بسرعه اريد بس اطلع ادفي نفسي غسلت جسمي ونشفت شعري وطلعت رحت للغرفه جانت حيل بارده شفت خالد واكف كبال الكنتور
من رخصتك طفي السبلت
خالد : اي راح أطفئ واني راح اسبح أخذي راحتج
ياقوت : راح للحمام واني كعدت على الجربايه ولفيت نفسي جان مغير الفرشه فارش غيرهه جنت حيل بردانه احس عضمي يرجف من البرد شويه ودخلت امي وام خالد وبيبيته وخالد
ام ميثاق : هاا حبوبه شلونج
ياقوت : زينه بيبي
ام فقار : رحت يمه بست راسه شلونج يمه زينه
ياقوت : لاا مو زينه بطني تاذيني
ام فقار : مجهزتلج مسكنات
ياقوت : اباوع على خالد أمه سحبته وطلعت شويه وام خالد صاحت على ماما
ام خالد : يلا عيوني ام فقار تعالي نعوفهم وحدهم
ام فقار : اي عيني جايه
ياقوت : طلعو وخالد طلع وراهم شويه واجه
خالد : يلا هسه تعالي اكلي شي
ياقوت : جنت جوعانه فكمت وياا ومكدرت اكل اكلت قليل لأن بطني توجعني
خالد : ليش مااكلتي
ياقوت : لا شبعت وتعبانه اريد انام
خالد : اخاف الاكل معجبج اوصيلج علا غير شي
ياقوت : لا ميحتاج بس اني تعبانه فمااكدر اكل وراسي يوجعني
خالد : اوكي لعد روحي ارتاحي
ياقوت : غسلت اديه ورحت للغرفه تغطيت وغفيت ماادري شنو الصار بعد
خالد : كمت غسلت اديه وطفيت الاضويه وسددت البيبان ورحت للغرفه صحت باسمه نايمه اني هم رحت نمت لأن حيل تعبان
ياقوت : كعدت ضوه الشمس ضارب بعيني الساعه ب٨ الصبح مابيه حيل اكوم احس فدشي نايم على جسمي مااكدر اتحرك جسمي نحلان درت وجهي على خالد شفته نايم علا وجهه وممتغطي الغرفه بارده خليت الغطه عليه وحركت نفسي حتئ اكوم
خالد : صباح الخير منوره بيتج
ياقوت : درت عليه صباح النور
خالد : نمتي زين لو مرتاحيتي
ياقوت : لا نمت زين الحمد لله
خالد : لعد جهزي نفسج نروح البيت اهلي وره الريوك
ياقوت : ها مدام هيج شنو اسويلك ريوك
خالد : ههههه لاا اهلي راح يجيبون صينيه الريوك بما انو صباحيه عرسنه
ياقوت : اوكي
دخلت للحمام سبحت وفرشت اسناني وطلعت للغرفه خالد هم دخل للحمام واني شسورت شعري وسرحته اندكت الباب خالد بلحمام استحيت اطلع
خالد : ياااقوت من رخصتج الباب افتحيهه
ياقوت : جنت لابسه دشداشه قصيره وشعري بعدني ملافته رحت فتحت باب المطبخ جانت ام خالد وناهده
ناهده : يا صباح الفل احلى عروسه باوسته
ياقوت.: صباح النور تفضلو
ام خالد : صباحيه خير امي
ياقوت : صباح النور خاله تفضلو
ناهده : لا منريد نزعجكم بس وين خالد
خالد : جريته من شاله هيانه خالد شتردين زاعجته من الصبح
ناهده : يلا عمه انطيني الريوك ابنج امبين شبعان
خالد : لا وين شبعان كولشي ماكو لا مي ولا كهرباء عاد خلي احصلي لكمه
ناهده : تؤ تؤ تؤ والله خطيه يلا تتعوض الايام جايه
خالد : لازم قناعه هههههه
ام خالد : يلا يوم هاي صينيه الريوك واخذو راحتكم وقبل الغده أريدكم يمي خوش ماما
خالد : تمام اتومرين أمر ترجيه بعده لو راحت العمتي
ام خالد : يوم عيب بيبيتك هاي لا بعده
ياقوت : راحو أهل خالد واني حميت الجاي وكعدنه نتريك كملت غسلت المواعين ورحت حضرت نفسي مكياج خفيف ولبست فستان ابيض الادينات تول وجاي عدل ويه جسمي
خالد : ها كملتي
ياقوت : اي بس البس الجبه
خالد : يلا اسرعي شوي
ياقوت : لبست جبتي وشال شمرته على شعري وطلعنه البيت أهله
خالد : نزلت من السياره ونزلت ياقوت دخلنه جوه والهلاهل والمباوس ماخلص هواي ناس جايه
ياقوت : كعدت يم بيبيه خالد البنات شويه وشغلن اغاني وسحبني وياهن
ناهده عيب ناس كاعده
ناهده : يمعوده منين العيب دركصي شويه
ياقوت : سناء جانت لازمه ايدي ونركص اني كولش مستحيه من النسوان بس هنه هم يصفكن ويهلهلن بس من دخل خالد وشافني اركص اتمنيت الكاع تنشك وتبلعني
خالد : سمعت صوت اغاني ودخلت للبيت لكيت البنات ايركصن وياقوت وياهم
ناهده : سحبت خالد وخليته يركص ويه ياقوت
ياقوت : جنه نركص اني وخالد لازم اديه حاوط ادينه علا خصري ورفعني وفراني اني من الخوفه حاوطت ركبته صارن شفايفه علا ركبتي
خالد : اشفايفي على ركبته عضيته بطرف اسناني
يتبع .....