اسيرة قدرك

البارت 29

اسيرة_قدرك..
بقلمي رسل..
البارت التاسع و العشرون..
واتباد rasolaa7

مَدري وين تريد بيه
روحـي تاخذني إعله دَربك
وأنا أعرفك مو إِليه..

-ايهم و ابو و شيوخ بالباب بابا كام ودحجلي
بغضب..

-راجعلج اذا ما كسرتج تكولين ما اعرفو
وهو هيج مستقتل عليج..

-حالتي حالة وبس الوب نار احس بكلبي
دخلوا و اجانه صوتو لبابا وجان معصب جثير
و اخوتي يهدون بي ما نسمع بس اصواتهم
العالية و صوت بابا وهو مصر على قرارو
بالرفض..

-طلعوا و بابا دخل علينا وهو نار من الاعصاب
زكح بصوت بيه..

-لج سجى شمسويه من غلط ويا وهيج
رايدج احجي منين تعرفينو لا بالله  افينو لحضج
و اذبحج هين..

-كوه طلع صوتي من خوفي من حالة بابا
لا ما اعرفو بس حجيتها هو ركض على
غرفتي كسر العطور و ملابسي كلها مزقها
و يغلط عليه مستمر الغرفة صارت فوضى
ماما تبجي و تحجي ويا و تهدي بي..

-كعدت و دموعي تصب.. ليش هيج قافل
الله لا يوفقو الي زرع مرض الطائفية بينا
ما اعرف الخلل بي لو بينا احنا الي سمحنا
لهالشيء يفرقنا..

-اتصلت خالة على جهاز ماما و حجت وياي وهي مقهورة علينا
كالت ايهم شلون هيج يسوي ولج ابوج
بعد لو تحلمون ما ينطيج؟!..

-ليش شسوه؟!..

-لج متعارك ويه ابوج وكايلو البعثي الحاقد
الا اخذها غصب و ابوج متعارك ويا وهو فاقد اعصابو و كالب الصينية مال الجاي على ابوج و ابوج طارده..

-جنت مقهورة صحت بيها لا تجيبيلي اخبارو
و لا تحجيلو عني خلي ارتاح فترة تعبت
من بابا و من كل شيء..

-شهر كامل واني ما سامعه صوتو لايهم
البيت ما طالعة منو مقهورة و احس بروحي
ضايعه..

-نايمة واختي كعدتني.. سجى خالة ريا تريدج بسرعة كومي..

-رفعت عيني للساعة جانت بال2 بالليل
استغربت.. عجل ليش ما دخلتيها..

-لج كومي وين ادخلها و ايهم وياها
بالباب يريد يشوفج..

-طفرت نزلت و اختي كالت راح اراقب
خاف واحد يكعد..

-طلعت و اشوفو لايهم واكف حدر الباب
وخالة ماكو ردت ارجع هو سحبني لحضنو
و نزلت دمعتو..

-سجى بعد ما ضل عندي صبر امشي
وياي نعوف كل شيء ونسافر..

ريا..

-تذكرين الاوراق الي كتلج ذني امانه؟!..

-اي حجيتها هو كال ذني الاوراق تعرفين
مال شنو ذني اوراق اشتغلت عليهن ليل نهار
بس حتى اخلصكم من المصيبة الفوك راسي
وانتي بكل سهوله تفرفرين ضايجة
ريا انتي مستوعبة الي جاي يصير
لو شنو فلمج تردين يذبحونج لو يلوون اذراعي
بيج يلا ساعتها تستوعبين..

-والله بعد ما اعيدها بس اسر انت ما تتفاهم
كبل ضربتني بربك هو هذا منو يتحمله
النطاق و انت هيج ذبيت حركتك بيه
ما تكول خطيه هاي بنيه وين تتحمل الله
يساعد الي يوكع بيدك..

-حضني بحب و باسني.. خلي يولون سفله
و يستاهلون وانتي هاي المرة هم استحقيتيها
لج حركتي اعصابي حرك اريد بس اوصلكم
واطيح حضج لا ضل بشر لا سايق سيارة
بالشارع ما سبيته بسببج..

-مشيت ايدي على صدره.. وتالي اني وكعت بيها شوف جسمي شصار
بي حرام هيج تسوي بيه بعد ما احبك اسر
اني طلعت و بعز خوفي صرت انت بين
عيوني و تمنيتك موجود لان ما عندي سند
وامان غيرك تالي تحققت امنيتي و اجيت
بس شنو حصلت وكعت بيها و كطعتني..

-لا تدلعين لج عشيرتي حركتيها باعنادج
وعود اني حلفت ما امد ايدي عليج وحتى
حلفاني كسرته..

-دفعني وصار فوكي وعيونه عليه بحنيه
دفعته بسرعه.. اي اسر ما كتلي شنو
ذني الاوراق..

-اشتعلت عشيرتج وعشيرت الاوراق هسه
وكتها حجاها واني ضحكت واتوسل بي يحجي..

-عدل كعدته وكال هاي مال طلب لجوء
اريد امن عليكم و اطلعكم برا وهسه يلا كملت
كم شهر و اطلعكم لامريكا..

-لا عفيه اسر وين نروح ترضاها نتغرب
والصراحة ما اكدر اعيش هنا اني يم اهلي
و طيحتوا حضي بالغربة شلون تموتوني
ومحد يسال عني..

-انجبي تدرين بيه شكد احبج لا تحجين هيج
ومن اضربج بسبب اعنادج كومي اتغدي هسه
والله كريم..

-ما اريد هسه..

-ريا بطلي عناد وكومي تغدي..

-لا والله مو عناد مو جوعانه وهم استحي انزل والبيت بي ناس غربة و ما كدرت احجي واكله
اهلك هم ما يردوني يمهم هو كال بكيفج وطلع..

-من رجع بيده صينية بيها ماعون دولمة
و خضرة و خبز وكعد يلا قفزي شلون دولمة
هاي ادري بيج تفقدين عليها..

-نزلت كعدت يم الصينية هو اني صدك افقد
اذا الاكل دولمة هو كابلني..

-شنو انت بعدك ما متغدي..

-لا تغديت بس اسويلج واهس اكل اول لكمة
واني سحبت الماعون من عنده وابتعدت..

-شكو تاكل لعد وياي هم يلا يكفيني هذا
الماعون.. اني حجيت هيج وهو ضحك بصوت
من كل كلبه..

-اشبعي بي اشبعي خرب غيرتج انزل اشرب
جاي تردين اجيبلج؟!..

-لا ما اريد شكرا.. هو وصل للباب التفت عليه..

-لا تتعلمين الاكل يصعدلج هاي بس اليوم
لان مريضة من باجر تنزلين و تاكلين حجاها
وطلع..

-كملت الماعون كله ضحكت بفشلة من تذكرت
شلون ضحك عليه بس والله اني ما اقاوم يم
الدولمة وهو جايب ماعون وبي قليل..

-حرت بالصينية شلون انزلها و اني ما اريد
اشوفهم بعدها بيدي واسمع صوت اسر
يصيح و يحجي..

-ذبيتها و نزلت ركض اريد بس الدرج يخلص
و اشوفه شبي شهكت و اتراجعت بخطواتي
و اني اشوفه متلازم هو و ماجد و رافع
سلاحه بوجهه و يصيح عليه..

-شلون ولك تنطيهم هيج معلومات
لك انت شنو من حقد شايل اكو اخ هيج
يسوي باخوه..

-عمتي تفاكك بيهم و حلكها يابس نريد نعرف
شكو وشمسوي ماجد ما كدرنا لان اسر عصبي
و ذاك يرد عليه اسر دفعه و طلع و ماجد
طلع وراه وعمتي تنوح عليهم..

-نزلت يمهم بس ابتعدت وخايفة كلش على
اسر من عصبيته مبين صاير شيء جبير
جان يحجي بعتاب و قهر ويه ماجد بهذا
اليوم لا اسر و لا حماي رجعوا للبيت
و اجهزتهم مغلقة كلوبنا تلوب عليهم
وماكو خبر عنهم اليوم صار يومين و اليومين
تلاثة وهم ماكو..

-احس انتهيت بس ادعي يربي وين صار
انقهرت عليه ما يرتاح ابد و كل مشاكله
من اهله..

-العصر اجه بس وجهه محتقن اول ما دخل بدون ما نعرف وين جان صاح بينا.. يلا بسرعة كلكم تجون وياي نرجع لبيتي..

-امه بسرعة طفرت وين يمه و شلون نرجع؟!..

-يمه لا تعبوني لخاطر الله ابقوا يمي فترة
بين ما اشوف الوضع الي خلانه بي ابنج
العار الغبي..

-ليش يمه شمسوي اخوك احجوا فهمونا عاد..

-مو وكته يمه بس امشوا.

-طلعنا قسم صعدوا ويه مهاب و قسم
ويه اسر اباوعله يسوق وباله شارد
حتى مهرة ما انتبه عليها الي لو بعز مشاكله
و تعبه لازم يبوسها و يلعبها من يرجع
من دوامه بس هالمرة حسيته مهموم كلش
و طول الطريق خلصها مكالمات..

-وصلنا لبيتنا و كلهم ويانا حتى مهاب و ابن
خالتهم هم الي يشتغل بالمكافحة ابد ما ترك
اسر احسن من ماجد الي ما يجي منه غير
بس المشاكل..

-الوضع متأزم كلش و اسر ما نشوفه يجي
بالليل منتهي من التعب بس يخلي راسه
على المخدة ينام حتى ما عندي مجال احجي
وافهم منه..

-مر اسبوع والوضع مثل ما هو نفسيتي تعبت
منهم احس صاير شيء واسر ما يحجي
بيوم اجانه ماجد و خايف جان عمتي بس
شافته رزلته و تعاتب بي اسمعها تكله..

-ليش يمه ليش هيج سويت مو اخوك هذا
مو كلنا بركبته اكو واحد يعمل عملتك
ما خفت عليه ما كلت عنده بنيات ولك
تريد تجلطني..

-ضليت مستغربة شنو الي مسوي بحيث
عمتي هيج تحجي ويا دخل اسر شافه و ضل
يصيح عليه لك **** لك سكير رجال
شكدك و يقشمرونك الادبسزيه الي مثلك..

-فهمنا من اسر انو خطف عمتهم بسبب ماجد
حاجي يم اصدقاءه على منصبها و عملها
و انو هي تشتغل لحساب (...... )
و واحد من اصدقاءه يشتغل بالدولة و عدهم جهه
مراقبها و خاطفيها وهي الحقيرة من حاسه
بالخطر و خايفة على نفسها مدخله اسر
بالموضوع و معترفة عليه وذابه مصايبها براسه  و ماخذين منها معلومات عنه وكل الي صار بي هو رهن بينها و بينهم انو تنطيهم معلومات
و يطلعونها بعدها غادرين حتى بيها وصار
الي صار ومن خلصها اسر تصوب لان
رايدين يخلصون منه ولوما ابن خالة جان
قتلوا بوكتها..

-هو يحجي بقهر واني دموعي تصب
معقولة اكو هيج بشر تضحي بالي من دمها
بس حتى تخلص نفسها شلون انطاها كلبها
وهيج تسوي بابن اخوها لو مكتول جان
شنو حصلنا ذول مدعومين والهم ظهر والوضع
سايب و هي فلتت للخارج جان بوقتها البلد
ضايع و و الطائفية منتشرة و واحد يصفي
حسابه ويه الثاني لان لكوها فرصة
الدولة ضعيفة..

-عمتي كالت.. يمه يمكن اخوك  شارب هالمرة
وصخمها وحجه على كيفك ويه اخوك..

-هو صاح.. يا شارب يمه ابنج غبي
ابنج قشمر
تدرين المصيبة الي وكعنا بيها اكبر من مصيبة
ذيج العار يمه نهدر دمه و دمنا بسببه
بسبب غباءه رجال شطوله شعرضه لازم
البطل ليل و نهار و يضحكون عليه
تدرين ابنج شمسوي و شذبوا براسه
من مصيبة لو لا؟!..

-تدرين ابنج ضاحكين عليه ومنو الولد نفسه
الي ماخذ منه المعلومات مال ذيج الي داحت
لامريكا وضحت باسر..

-كليله خلي يحجيلج شلون تزوج و منو
وشلون ضحكوا عليه..

-عمتي شهكت و ضربت على صدرها
ولك متزوج واحنا ما ندري صخام بوجهي
ما تحجي..

-اسر باوعله بغضب.. اي طبعا ما يحجي
العار بيا وجه يحجي و يكلج ضحكوا عليه
و زوجوني وحدة**** لك كواد غير تعرفها
تعرف اصلها ماشي وره صاحبك والله شنو
البنية ما الها احد وابنج عاجبته و عاقد عليها
ومو هنا المصيبة المصيبة البنية ثاني يوم
العقد مكتولة و بايكين فلوسها و ذهبها واخوها لاكيها مخنوكه ومكتولة
بنص بيتهم و منو المتهم هذا العار الي بسببه
نهدر دمنا يلا يالقشمر كلي شلون راح نخلص
من هالمصيبة..

-ابن خالتهم ساجن ماجد بذيج الفترة حتى
محد يوصله وضال  بنار لما عارف
كل الموضوع يلا حجه لاسر
واسر كل الي جان يعرفه انو مجرد عصابة
وخطفوا عمته علمود فلوسها..

-جان يعاتب باخوه و احنا كلنا نقهرنا عليه
كل شوي وصاح لك شلون هيج تسوون بيه
انت وعمتك منو كلكم اني حمل لهالشيء
شسويلك هسه حيوان لخاطر امي بس لخاطرها
راح اسفرك برا و  الباب ما اريد تطلعه منا
لما اشوفلك حل..

-يومين والبيت متوتر عمتي انتهت وكلما
شافته لماجد صاحت ولك شلون سويت هيج
باخوك وهو متندم كالها يمه والله ما ادري
بعمتي تذب مصايبها على اسر ردت انتقم
منها الحقيرة..

-عمتي صاحت بي ولك يمه ما نسيت كافي
سالفة من سنين شحصلت هسه انت مطلوب
من اخو البنية واخوك متورط بسببكم شحصلت..

-والله يمه ما نسيتها و حلفت ما اعديها الها
ما نسيت شلون رفضتني وما تنطيني بتها
شايفه نفسها فلوس و منصب و متعاليه علينا
بس يمه متندم والله ما ادري بيها تجره لاسر
وياها جان طيحت حضها..

-اول مره اشوف ماجد هيج مقهور و السبب
عمته وكل الي صار بيها بسببه حاقد عليها
لان ما قبلت تنطي بنتها..

-سحبت نفسي منهم وكعدت وحدي راسي
صدع مصيابهم ما تخلص احس روحي
بدوامة اقل صوت افز بخوف بسبب اوضاع
بيتنا اسر شوفته صارت حسره علينا
لو طالع لو عنده شغل و كل الوقت مهموم
وحاير بماجد..

-عمتي مقهورة على اسر و تواسي بي
كالت عمت عيني عليك يمه لا تكدر خاطرك
تعرف باخوك ما يفهم و يتقشمر وهو متندم
ما يعرف هيج راح توكع بيك بس لا تكدر
خاطرك كلهم يروحولك فدوه..

-هو باس راسها و صاحني فركت راسه
وكوه غفه اصلا محد بيهم ينام من القلق
للفج فزينا على صوت الطلق
صحت بخوف واسر طفر الصوت جان
مو طبيعي و عبالك جبهه و انفتحت
هو بدل واخذ سلاحه و طفر قطرة دم
احس ما بيه بعد البنات و عمتي يتصارخن
جمعونا بغرفة و عمتي تصيح ولكم
لا تطلعون خلي يدكونا و يروحون لا يصير
عليكم شيء..

-طلعوا وعمتي تنوح عليهم و صارت مواجهه
بينهم و بين الطرف الثاني و صوت اسر
يصيح عليهم .. **** روحوا شوفوا
بتكم ويامن لاعبه و ذبيتوها براسنا و ذول يصيحون وره مده صار
هدوء دخلوا الولد وهم ساندين مهاب الي
زنده ينزف..

-اسر ترك ابن خالة يمنا و اخذ مهاب للمستشفى
لان جرحه جان عميق..

-وره كم ساعة رجعوا هلكانين من التعب
شوي و دخلوا علينا اهل مهاب و حماتي
بس شافته تخبلت ضليت تصيح على اهلها
شلون تدخلون ابني بمشاكلكم لو رايح
اني وين انطي وجهي..

-انقهرت عليها فرفحت روحها على ابنها
تبجي و اني ابجي وياها واسر يصبر بيها
كالها مابي شيء على كيفج خويه..

-سماح انتهت على مهاب مكابلته و تبجي
وهو يكلهم بعدني ما متت خنكتوني شنو السالفة..

-بهاي الفترة البيت صار ما ينطاق
حايرين بمهاب و اسر حاير بماجد و عصبي
كلمة ما ينحجي ويا بسرعة يزمخ بينا..

-اجه ماجد علينا مقهور و متلثم حتى محد
يعرفه عمتي تلكته تبجي وهو يبوس بيها
اسر انطاه اوراق كوه دبر اله يطلع
بس مو عن طريق المطار لان ينلزم
كاله راح تروح بالبر و مناك تطلع ال.....

-عمتي قهرتنا و بجتنا كلنا فرفحت عليه
و شابكته اسر تنهد و طلع صحت عليه
بس هو طلع.. ما اريد اشوفه ريا..

-اتقدم ماجد سلم عليه و ودعني ونزل بوس البنات
و الخنكه مبينه عليه من صوته ودعنا وطلع..

-عمتي تخربطت وراه و حايرين بيها
البيت صار اظلم وما ينطاق الكل حزين
بسبب المشاكل و الانتقام..

-ماما تخابرني تبجي ولج يمه بشنو من ناس
ورطوج اخوج و ابوج كلبي يمج يا ريا
و اني ابجي وياها شبيدي بعد خايفة من القادم
و منا اسر اسبوع هو مختفي وما داخل البيت..

-اجه علينا من بعد هذا الاسبوع.. حضروا
روحكم نطلع محد يضل هنا بعد....

يتبع....

طبعا القصة بجهه و تعليقاتكم الي دخلت كلبي
البارحة بجهه من قريتها ايقنت انو احنا اتغلبنا
على الطائفية الحمد لله حبيت انتفاضتكم ضد
هالموضوع بس جان لازم اسرده مثل
ما وصلي من اصحابها بكل امانه..

و للتوضيح حبايبي القصة مو حاليا القصة قبل اكثر من عشر سنوات احداثها تقريبا لهذا
لا تستغربون..

اللهم صل على محمد وال محمد❤️