اسيرة_قدرك..
بقلمي رسل..
البارت السابع و العشرون..
واتباد rasolaa7
مثل ماي النهر خابط
يبالي شبيك ما تصفه..
اعرفو ما يكدر بدوني هو شافنه وعينو تتفحصني
بقلق اختنكت اكثر شنو اجاوبو وهو من نظراتو
مبين الخوف و اللهفة لسماع الجواب
حجتلهم ماما وهو دمعت عيونو دحجلي
و يحاول يخفي وجع كلبو عني ابتسملي
ابتسامتو الاحبها وكانو يطمني و يكول اني
وياج وما بيج شيء..
-اخذنا العلاج و طلعنا للبيت خالة ريا كالت
تعالي وياي غيري جو من البيت واني رحبت
بفكرتها فعلا نفسيتي تعبانه ماما خطية من كلتلها
ما عارضت كالت روحي بس ديري بالج
على روحج جانت مقهورة و خلتني اروح
والا هي مو بسهولة توافق..
-اسر و ريا قنعوا بابا و هو وافق طلعت وياهم
و ايهم فرحان و يدحجلي كل شوي ويبتسم
صعدنا وهو مشغل اغاني و اسر يضحك عليه
يكلو انتبه على طريقك راح تدعمنا..
-ما رجعوا للبيت اسر كال عازمكم على عشه بس جنت تعبانه جثير خالة كالتلو خلي ناخذ ويانا
و ناكل بالبيت فعلا اخذ عشه و رجعنا..
-وصلنا للبيت هو فتح الباب و نزلني جانت
مستنده على ايدو و اسر يضحك عليه..
-على كيفك ولك عاد خلي ينطوها الك و اخذ راحتك..
-الكل جان يعرف انو ايهم رايدني و هو يكلهم
هاي مرتو للايهم و ماما عندها علم بس بابا
ما يعرف لانو ما يقبل..
-خالة حضرت العشة و ايهم فرحان بجيتي يمهم
يوزع ابتسامات و يسوي لفات الي وحاير
شنو يسوي..
-كملت عشه بسرعة و كمت لانو اخجل من
اسر وهذا ما يستحي منهم عنده عادي
واكفه اغسل بايدي وحسيت بدوخه استندت
على المغسلة وصحت على خالة ريا لانو
بعد ما اكدر اوكف..
-اجوي كلهم ركض خالة سندتني و صلتني
للقنفه و غسلت وجهي جنت خجلانه منهم قلقتهم
اسر دك جهازه و طلع يجاوب ايهم اتقرب مني
من راح باس راسي و يحجي بقهر..
-عليتي كلبي بس لو اعرف شبيج حبيبتي
والله مرضتيني شتهيسين..
-ما بيه شيء بس دخت شوي..
-سمع صوتو لاسر ابتعد عني.. شوي وخالة ريا كامت وشفتها تغسل بالمواعين وكفت يمها و هي
ما قبلت اساعدها كالت ارتاحي انتي مريضه
اني اكملهن و اجي يمكم اسر ايدها..
-روحي منا بويه تريدين توكعين علينا و تبلينا
ويه اهل الأنبار وتالي يسوونج مرة معدلة
براسي روحي حجاها بضحكة..
-رجعت للاستقبال جان ايهم مخلي ريا الصغيرة
بحضنو و يبوس و يلعب وياها وكفت ادحجلو
و مبتسمه اعرفو يحب الجهال جثير..
-لمحني وعدل كعدتو.. شلون صرتي حبيبتي
بعدج دايخه؟!..
لا صرت احسن..
-روحي ارتاحي وراج روحه للطبيب باجر
حجاها و تنهد بستو بالهوا و طلعت..
-جنت تعبانه و مالي خلك اكعد وياهم اكثر
رحت للغرفة خليت راسي على المخدة
اتصل عليه ايهم رفعتو..
-سجى باجر اروح وياكم للمستشفى و بعدها
ارجع للنجف و اجيب اهلي كافي والله خلص
صبري و ابوي اخلي اسر يقنعه..
-بس ايهم اني مريضه و لازم اسوي زرع
و انتظر النتيجة يمكن..
-قاطعني اش لا تكملين ما بيج شيء
و المرض معليه اني جاي اخطبج و هي
خلي تصير غير رويحتي تطيب من وحدها..
-هذا هو سوي الي تريدو حجيتها وهو كال
روحي نامي تانروح من الصبح للمستشفى..
-الصبح ساعة ثمانية هو دك عليه.. صباح
الخير يا وجه الخير يلا حضري روحج
نروح..
-بس شوي والله نعسانه جثير..
-مو اصعد و اكعدج بطريقتي تكومين لو شلون..
-لا لا دخيل الله دقايق و انزل هو ضحك و سده..
-بدلت و كملت اتصلت عليه ماما كالت
راح اطلع و نتلاكه هناك بالمستشفى..
-هي من صوتها مبين انو تعبانه و باجيه
جثير قنعتها انو اسر وخالة ريا وياي
ما يحتاج و هي كوه اقتنعت..
-نزلت اسر سلم و اخذ بناتو يوديهم لعمتهم و يروح لدوامو وخالة كالت ايهم ياخذنا..
-طلعنا وهو كال هاي المرة تكعدين يمي
كعدت يمو وهو شابك ايدو بايدي ويسوق
ويتغزل وخالة لازمه تلفونها و تكلب بي من
الخجل.. همستلو..
-يول كافي ما تخجل من خالة هي خجلت وانت
و لا يمك هو ضحك و رجع يسوق..
-وصلنا و تلكتني خالتي الي اكبر من خالة
ريا هي تشتغل هنا اخذت التحاليل من عدنا
وهو يمشي ورانا و مخنزر عليه لانو تركتو
و مشيت وياها..
-خالة كالت هذا منو وبصفته شنو وجايبجن
هو.. ريا فهمتها انو اسر طلع لدوامو وطلب
منو انو يوصلنا..
-جهزت روحي واني خايفه من عملية الزرع
و من النتيجة ايهم رغم وجع كلبو جان ساندني
و كل شوي ويكول انتي سباعية هسه يطلع
ما بيج شيء لا تخافين..
-دخلت للعمليات و اني بامل انو اطلع من
هالمحنة بسلامات و ارجع ادحج بعيوني
ايهم وما انحرم من حبو..
ريا..
-حجيت هواي و حتى على بابا حجيت وكتله
اكرهك انت السبب تسمع من عمر و زوجتوني
و دمرتوني اكرهك انت مو اب انت..
-رجع عليه اسر متخبل راد يضربني
فارس خلاني وراه.. هو صاح تخبلتي شبيج
اصحي لخاطر الله..
-فارس حجه ويا.. عوفها تعبانه ما تعرف
شتحجي..
-طلعني فارس منهم و وداني لغرفة اهلي
واني الله ذب عليه بجي كعد بمستواي واخذني
لحضنه.. هسه ليش تبجين شبيج؟!..
-فارس والله ما تحسون بيه راح اموت من الوجع
شوف رجلي شصاير بيها احس نار ومشتعلة
بيها بعد ما اتحمل..
-حقج الحرك مو شوي بس مو هيج يا عيني
على كيفك الرجال شعليه وذبيتي حركتج
كلها بي لو ابوي الي تصيحين عليه
شجاج تخبلتي..
-اريد ابقى يمكم روح كله خلي يروح لاهله
ما ارتاحيت ويا ابد..
-فارس ضحك.. لا والله اليوم بيج شيء
ريا رجلج بخطر وانتي هيج تحجين عمي
الله يساعده شلون واكف على طوله وما وكع
من الهم عبالج فارغ هو و تزيديها عليه
الرجال حاير بيج و باهله و بينا و شغله
شيصير ما تكليلي..
-لا تتصرفين بدون عقل و عنادج بطلي
لا يصير عليه شيء و بعدين تتندمين وهسه
اني رايح اصيحه و اعتذري منه..
-هو طلع و شوي ودخل اسر جان ضايج
واني فكرت بكلام فارس و تندمت فعلا..
-مو قصدي اسر والله..
-هو قاطعني اش.. هيج تحجين ويه ابوج
ريا تخبلتي انتي والله لوما فارس يبعدج عني
جان طيحت حضج اكو وحدة هيج تحجي
بوجه ابوها..
-كعد كبالي.. اي ريا هيج كارهتني وما رايدتني
بحيث كل هذا مضموم بداخلج احجي خلي
اروح لذول السفلة و يكتلوني وهم اخلص
المن احمي بنفسي غير الخاطركم و عيونج
من بعدي تضيعون واكبر دليل اخوج ما يتحملج
شلون امن عليج وعلى بناتي يمه لو يم اهلي
الي مخلصينها انتي وياهم مشاكل..
-كلامه اذاني كلش شمرت روحي بحضنه..
-والله مو قصدي اصلا ما اعرف شحجيت
من الوجع ما شايله بكلبي عليك لا تحجي
هيج رفعت راسي و بسته بشفته و ابتعدت..
-والله اسفه مو قصدي بجيت واني اعتذر منه..
-شبكني بقوة.. ريا انتي النفس مالتي تدرين
لو لا والله اغلى من روحي لو ما اعرف بكلبج
طيب و عنيده وما تعرفين تحجين بوقت العصبية
جان وجهي بعد ما شفتي بس اني اعرفج
شنو و طلعت لان ادري بيج موجوعة و ما تعرفين شتحجين بس كلامج ويه ابوج ضوجني
منج اياج تعيدينها يضل ابوج هذا و احترامه واجب عليج و بناتج يتعلمن منج ديري بالج تعيديها..
-ابد ما اعيدها بس لا تزعل مني..
-مسد على شعري.. ما ازعل منج هو اني
اكدر ازعل منج كتلج اغلى من روحي
وهسه كليلي بعدها رجلج توجعج؟!..
-اي ابقى يمي لا تروح..
-مدد و خلاني بحضنه و يمسد على شعري
حتى اغفه..
-فزيت الصبح هو ماكو طلعت من الغرفة
سألت نورهان عنه كالت طلع من شوكت
ماما كالت تعالي اتريكي ما كدرت اكل
بابا كاعد ما باوع بوجهي كلش انقهرت
رحت يمه بست راسه..
-بابا اعذرني مو قصدي ارفع صوتي عليك
بس جنت ضايجة من عمر هو يوزك عليه
و خلاك تضوج مني..
-باسني.. ما صار شيء بويه..
-تنهدت براحة اعتذرت منهم ما ينلام بيه اسر
صدك تخبلت عليهم بيه طبع مو حلو اتحمل اتحمل و تالي انفجر بالوكت الغلط..
-العصر رجع من دوامه كال يلا بسرعة خلي
اوديج وراي مية شغلة..
-زين بس اتغده و نروح.. هو كال متغدي برا
بس فضيني خلي نطلع و خلي اختج تجي وياج..
-اخذت اختي الجبيرة وياي و طلعنا
اتفق هو وفارس ويه الرجال و احنا صعدنا بالسيارة جان جايب واحد يشتغل البرا و المطبخ
لان هذني الي تضررن من الحرك..
-من صعدنا كتله اسر ليش كلفت نفسك
اهلي يسوونه..
-لا بابا اني اتحمله غير بسببي صار
هيج باهلج..
-جان عصبي و ينتر بالكلام احجي ويا
يجاوبني بعصبية..
-صحت بي.. رجعني مو لازم توديني
ما بيه شيء..
-ريا وحك علي ما فارغلج روحي طالعة تسكتين
لو شلون..
-اختي سكتتني كالت اتجفي الشر ما تشوفينه
روحه ما طايقها..
-سكتت و هو اخذنا للعيادة انتظرنا هواي
وكل شوي وراح للسكرتيرة وكالها مو طولتو
وهي تكول اكو قبلكم ناس وهذا روحه بخشمه
اليوم..
-اجه سرانا و دخلنا شافها الطبيب وحجه علينا
لان هي عايفيها كال لازم انضف هذا الجلد
و اشيله تحملي شوي لان اذا بقى يلتهب الحرك..
-اسر خلي ارجع ما اريد بطلت هي تطيب وحدها
الله يخليك خلي ارجع..
-وين نرجع ريا تردين الحرك يلتهب ما سمعتي
شكال عضي ايدي و اتحملي هي شوي و تخلصين..
-كعدني اسر على السديه وخله راسي بصدره.. لا تباوعين ابد..
-احس بيهم من فتحوا الشاش و عقموا الجرح
بعدها حسيت بالم قاتل صرخت بكل صوتي
و اسر مقيدني بكل قوته و يهمس اتحملي
يكلبي ما ضل شيء واني ابجي و صوتي راح
لما كملوا احس روحي راحت و دخت
كمت ويا بتعب و حلكي يابس هو سندني
واخذني للسيارة صعدت وهو جاب العلاج
ورجعلنا..
-رجعنا للبيت وكال ريا ديري بالج على
نفسج لا تشغلين بالي رايح اشوف امي
خابرتني تبجي عليه واني هم كلبي طاك عليهم..
-و تعوفني اسر والله محتاجتك يمي..
-حبيبتي ما عايفج باجر ارجعلج بس امي
خطيه هم تريد تشوفني..
-اجتي مهرة تبوس بي وهو شبكها وباسها
وباسني..
-شبيج مطنكره ما تبوسيني لو بس اني ابوس؟!..
-وليش ابوسك شنو رايح للاسر هو انت رايح
لاهلك و هناك راح تكضيها ضحك و سوالف
ويمي مطنكر و عصبي..
-ضحك خرب غيرتج ريا على هالغيرة
اكلها رايح لامي تكلي هيج كافي كلبي
باجر يمج و طلعة ما اريد..
-طلع واني احجي على اهله صاروا احنان
وهو كله بسببهم و بسبب عمته الي صار
دخلت نورهان و هي تضحك..
-شبيج اليوم ساعة ويا ساعة ويه اهله خبال..
-ولي انتي اموتج اذا قبلتي بمهاب همج ذول
اهل المشاكل..
-حبيبتي معليج بمهاب عليج برجلج
همج ومشاكل وانتي كاتله روحج على ابنهم
ولج ريا هاي كلها غيره منهم تحجي و تضحك
ضربتها و طردتها
حقيره اكلها همج تكولي معليج بمهاب روحي
عوبه خلي يطيحون حضج..
-اليوم كله بقيت نايمه و اسر يدك وما اجاوبه
ما اعرف شبيه بس اتعارك و ضايجة
هو يتصل على نورهان و يطمن عليه و تكلي
احجي ويا واني ما احجي..
-الفجر دز رسالة.. ريا شبيج والله عيب
عليج هيج تسوين هاي سوالف مزعطه
اهلي ذول شو صايرة كلش ما تنطاقين خلي
ارجع واني اعلمج شلون ما تجاوبين..
-ذبيت التليفون ما اهتميت روحي طالعة منه
للظهر اجتني نورهان كالت رجلج اجه كومي
خطية تلكي..
-ما طلعت هو دخل للغرفة.. شلون صرتي؟!..
-مثل ما تشوف..
-سهله مابيج شيء..
-كعد و يلعب بجهازه و لا مهتهم الي و لا عبالك
اني موجودة احجي ويا ما يجاوب وعينه بجهازه واني احمس بروحي من وره بروده صحت بي..
-مو احجي وياك ليش ما تجاوب لو ما عاجبك
ترد عليه اسر مو احجي وياك شنو مو كد المقام
وما ترد..
-كام يمي ضربني راجدي..
-شبيج تخبلتي من البارحة لليوم بس تلحين
وسوالفج كلها غثه ودورين مشاكل اهلي
ما اعوفهم افتهمتي لو لا؟!..
-دفعته.. روح لاهلك روح خبصتني بيهم
شنو بس انت عندك اهل روح يهم يلا
احجي وياك ما تجاوب وتالي تضربني..
-والله انتي فد وحدة**** حتى مرض ما يسكتج
ويخلصني من لسانج دفعني وطلع..
-اجتي ماما كالت شبيكم سولفتلها هي كالت
والله انتي تدورين المشاكل خليتي الرجال يطلع
وهو هسه جاي من طريق شتردين ريا
صايرة كلش..
-ضليت ابجي خلي يروح واصلا لا يرجع
هزت ايدها و عافتني واني ابجي احس
نفسيتي تعبانه غلقت الجهاز و هو هم ما سال
بس مرة وحدة سال نورهان على البنات..
-كم يوم و تندمت حسيت روحي غلطانه
و تصرفاتي مو منطقية بس مدري شبيه
دكيت عليه ما جاوب وغلق جهازه
دكيت من نورهان هو فتح خط..
-ها نورهان صاير شيء..
-اني ريا ليش ما تجاوبني و تغلقه هو صاح
ريا روحي عني كوه لازم اعصابي عنج روحي
راجعي نفسج و تصرفاتج وتعالي احجي..
-والله متندمه اسر حقك عليه و اعتذر
جنت تعبانه و ما ادري ليش هيج سويت..
-ميخالف ميخالف رايده شيء..
-اي اريدك انت حجيتها و اجاني جوابه
ببرود و قهرني من كال..
-عود بعدين اجي هسه اني يم اهلي..
-اريد اروح اشوف رجلي لان تأذيني شوكت تجي..
-عندج علاج وهاي جاي تطيب..
-يعني ما تجي لعد راح اروح اني و نورهان
وانت خليك..
-ريا لا تستفزيني طلعة ماكو واذا طلعتي
رجلج اكسرها..
-سديته واني افور من العصبية ويحجي
عليه من اكله لا تروح هاي النتيجة نكلب عليه
قررت اروح يعني اروح..
-رحت على نورهان.. بدلي وامشي
وياي نروح للمضمد نشوف الحرك....
يتبع....
لا تنسون التصويت و علقوا على الفقرات..
- حبايبي اضافة لقصة رغودة تلكوها بهذا الحساب
user08825816
❤️اللهم صل على محمد وال محمد