#أبي_لم_يكن_إنساناً
البارت الثاني والعشرون
للكاتبة لبنى الموسوي
انكسـر مجداف عمـري بزحمـة الـروج
ووگـف بيـة الـزمـن يـم الـيكـرهـون
خفـت همـي تكشفـة اسـرار الـعيـون
خـيطـت الـنظـر عل لا يـشوفـون
وخفـت حيلـي يحـدب يكشـف العـوز
ظهـر شديـت صبـري لشيـل الـمتـون
وخفـت شماتـي تصـرخ أي وگـع طـاح
اوگفـت رمـح اعلة جرحـي بـشدة امـتون
احلبـت در النوايـب روبـت راي
غمـوس الحـار روحـي وصبـري ماعـون
كلـت منـة ورويـت وبالـي مـرتاح
الشبـع شبـع العقـل مو شبـع البطـون
ومـن دمعـي خفـت لـيسولـف الحـال
وشلـت الدمـع مـن بيـر الـعيـون
ببطر غنيـت وارگـص وآنـه بالمـوت
رگصـت طيـر بـ ايديـن اليذبحـون
لأن عنـدي أمـل والـغايـب يعـود
واتنطـر فـرج مـن صاحـب الكـون
علـى ساعـة ويفـر الـوكـت دولاب
العالـي يصيـر ناصـي ويـصعد الـدون
كلهم صفنوا علي منتظرين كلامة
التفت ع الحجية اني قررت أتزوج طيبة بعـد متخلص عدتها ان شاء الله
الاء چانـت خالة رجل على رجل وگعـت رجلها بـ الگاع وگمزت من مكانها محتجة
ظلت عيوني تتنقل بينها وبينة خايفة من ردة فعلها
بس الغريب ما حچت شي
صفنت على همام ودموعها تمطر يمكن لسة ممستوعبة الموقف لأن هدوءها مو طبيعي
- يا وليدي تحچي صدگ لو تتشاقى ؟!!
- لا يوم احچي صدگ
لـيش شنو وجـه الغلط بـ الموضوع
شكـو بيها يعنـي قابـل الشغلة عيـب لو حـرام مثـلاً !!!
- لا يمة لا هيَّ عيب ولا حرام
بس لتنسى هاي چانت مرت أخوك بيوم من الأيام وانتَ هم ما صارلك فترة من تزوجت شلون تكسرها
- أخوية مات والله يرحمه حجية
واذا على الزواج اني لا أول ولا أخر واحد يتزوج اثنين نسوان وان شاء الله مراح اقصر وياهن
يحچي والاء صافنة علي بعصبية
شوية وانتفضت وهي هاي الاء الحقيقية لأن السكوت مو الأمثالها ابد
- لحظة لحظة
شنو عيد شگلت انتَ تتزوج طيبة ؟!!
هه لا اكيد دتتشاقى لأن تريد تضوجني أعرف بسوالفك
- وليش اتشاقى وعلى شنو اضوجچ ؟!!
كلامي واضح وقراري بعد اوضح لأن هو هذا عين العقل
- يااا عقل هذا ياااااا عقل
لا اكيد انتَ ناااااوي تخبلني ما بيها مجال
اسمعني زين
زواج ماكو لو اعرف احرگك انتَ وياها وغير هالحچي ما عندي فـ لتروح بيها زايد
- ههههههههههه
احچي كـلام انـتِ گـدة لتحچين حچي أكـبر منـچ بابا
- گـدة وهسة تشوف
بعدين مـو عبالك اني مغفلـة همـام
كلش زين اعرف بينك وبينها اكو علاقة وقديمة همات
الحجية.. حرام عليچ هالحچي يمة
الاء.. لا خالة مو حرام لأن هي هاي الحقيقة
اني چنت احس أبنچ يحب مرت أخو من كلامة ودفاعة المستميت عنها
وأول مرة حسيت بعلاقتهم القذرة
لمن تركني بصباحية عرسنا وراح علمود يجيبلها الدوة
وثاني مرة شفتهم بالمطبخ الفجر
گاعد يمها وهيَّ تسوي الة الأكل ولا أي رجال ومرتة كل هذا وتگولين حرام الحرام عليهم مو علية
همام.. الله يهديچ ان شاء الله
الاء.. همام زواج متتزوج تسمعني لو لا متتزووووووج
- هاي الحيطان گدامچ ارگعي راسچ وين ميعجبچ راح اتزوج وغير هالكلام ما عندي
- شنو انـتَ بكيفكككككك
والله إلا اااااخلي بابا يدوسك بقندرتة قبل لتفكر تذلني بـ هالطريقة
هي حچتها لو همام تخبل
ركض عليها وگعلها دگ راشديات وين اليأذيك
كل احنة علي وما گدرنا نسحبة منها
أخر شي وگعت بـ الگاع شد قبضتة على رگبتها ورفعها الـ وجهة اجت تموت بين أيدة
- يدوس منو ولچ يدوووووس منووووووو
الحجية.. همام لا تخليني اغضب عليك
أول تالي تمد أيدك على مرة وگدامنا هاي تربيتي بيك
خديجة.. خوية گول يا الله
عوفها واليرحم أبوك البنية گلبها محروگ مدتعرف شنو تحچي اكيد ما قصدت تتجاوز عليك
دفعها من أيدة للگاع بالگوة تتنفس
شو هاي گامت تركض على خديجة من كل عقلي خفت لتضربها لأن شكلها صار يخوف عبالك مخبلة
الاء.. لاااااااااا اقصدة ونننننص
واذا أخوچ سواها وتزوج راح يدفع ثمن هالزواج غالي
راد يهجم عليها وگفت خديجة گدامة تدفع بي
- شو إلا اتزوج
اذا مو طيبة غيرها واريد اشوف بـ عيني هالثمن الغالي التدحچين عنة شلون يصير
هو حچاها ما اشوفها إلا هجمت علية
سحبتني من شعري
مو بس حجابي حتى اني وگعت دتضربني سحلها همام الـ نص الصالة وظل لازمها من شعرها
- أيدچ تنكسر اذا تنمد عليها مرت الثانية تسمعيييييين
- امدها همام امدها
شو تعالي بت الـ **** اليوم اسويچ **** أم الززززلم
حچتها وطفرت من أيد همام
ركضت علية سحبتني من شعري مرة ثانية
ما لحگت تضربني لزمها همام جنزها من الكتل باوعت عليهم وغمضت بـ أيدي
كلش اخاف من هالأجواء لأن تذكرني بالعذاب العاشتة أمي ويا رزاق بسنين حياتها القليلة
اسمع الحجية وخديجة يتوسلن بي يعوفها
شوية وهدأ صوت الاء
فتحت عيوني واگعة بالگاع تبچي بخنگة وهمام رايح جاي يستغفر فوگ راسها
خديجة.. گومي حبيبتي غسلي واصعدي الغرفتچ
الاء.. وخررررري معليكم بية تسمعووون
همام.. صوتچ ولچ
- شبي صوتي هاااااااا شبي
- الاءءءءءءء
- بسيطة همام بسيطة
وصلت بيك تمد أيدك علية علمود هاي الـ *******
- خديجة سكتيهاااا ترى الشياطين دتگمز فوگ راسي
خديجة.. يا عيني دگولي يا الله عاجبچ المشاكل يعني
الاء.. المشاكل من أخوچ ومن هاي الـ **** مو مني
همام.. تصعدين فوگ لا اجي انهيچ بـ أيدي
- لا أصعد ولا اظل هنا
رايحة اني لأهلي وخلي البيت الك وللـ **** مالتك
الزبالة تلـوگ للزبالة بالعافية عليك فضالة أخـوك أرشد
بس حچتها رجع ضربها حيل
- لچ كلبة بت سطعش كلب ماكو زبالة غيرچ
ولو لا فعلاً اني زبالة لأن قبلت الفي ببيتي وحدة مثلچ
خديجة.. كافي خوية مو راح تموت بـ أيدك شجاك
وانتِ عيني الاء
ميصير تتجاوزين على رجلچ گدامنا ترى هالشي يرجع عليچ وعلى تربية أهلچ قبل ليمس همام
الاء.. تربية أهلي تسواكم
بسيطـة اني الكم خصوصاً انـتَ همـام
اذا ما ارجع الكم السويتوا بية ما اطلع اني الاء لتنسى هالشي عيش عمرك وانتَ تنتظر أنتقامي
حچتها وصعدت الغرفتها تبچي
رغم كل شي صار انكسر خاطري عليها ابد مو سهلة ع المرة تشوف رجلها يتزوج عليها وتظل ساكتة
خديجة.. خوية شجاك ما صليت على نبيك
ترى ميصير تضربها هالشكل
يعني قدر وضعها مرة وعرفت رجلها راح يتزوج عليها شتريدها تاخذك بالأحضان مثلا ؟!!
أي وحدة بمكانها راح تسوي السوتة الاء وأكثر
بعدين لتنسى همام هاي بت العقيد وانتَ رگبتك بـ أيد أبوها متخاف ليروح يأذيك أنتقام الـ بنتة
- رگبتي مو بـ أيد أحد خديجة
اني رجال يعني متگدر لا هي ولا عشرة مثلها تمشيني على مزاجها
واذا شفتيني ساكت عنها الفترة الراحت
فـ لا عبالچ خوف
كـل الموضوع أبوها إنسان ذهـب وما قصر ويايـة قيد شعرة فـ ما حبيت أخسرة بسبب مشاكلي ويا بنتة
بس مال توصل السالفة تركبني والله شنو أبوها مديري
هنا لا تاكل *** وتنچب
مو همام اليخاف صح اني اتعامل بتربيتي
بس لمن العالم تنزع أخلاقها وياية انزع أخلاقي وياهم ونتواجه ساعتها بشكل عادل
الحجية.. أعصابك يمة ليصيرلك شي
دعوفك منها وسولفلنا شصار ليش قررت تتزوج طيبة فجأة أبوها الة علاقة بالموضوع ؟!!
- لا يوم الرجال شعلي
السالفة وما بيها اني ما أريد ارجع طيبة الأهلها وبنفس الوقت متگدر تظل هنا اذا متزوجتها
الحجية.. هاي مرت أخوك يمة
همام.. أرشد الله يرحمة استوعبي هالموضوع حجية
خديجة.. بس همام طيبة بعدها طفلة وهي حتى ما....
همام.. ميحتاج تكملين خديجة اني ادري بطيبة طفلة
أخوچ مو ناقص حتى تردي يعيد جريمة أرشد
واني أول الناس وگفت بـ وجهة وعارضت زواجة منها
وبعدين لتنسين
من يوم ما دخلت طيبة الـ حياتنا
وهي عندي بـ حسبة بتول
لا انتِ ولا غيرچ تتأثرون بـ كلام الاء وتنسون منو همام
- لعد شلون راح تتزوجها
- هيچ زواج اسكت بي أبوها ويفك ياخة عني وعنها
- شلون يعني بس تعقد عليها قصدك ؟!!
- أي لأن هذا العقد هو الحماية الوحيدة الها
وتعرفين بنوايا رزاق
باعها وراح يرجع يبيعها بس توگع بين أيدة وطول ما اني عايش مراح اسمح الـ هالشي يصير
- وبعدين خوية نگول وفرت الها الحماية
ومستقبل البنية ؟!!
قابل تظل كل عمرها على هالورقة حتى الله ميرضاها
- اكيد مراح تظل خيتي
بس خل تكمل دراستها حتى تگدر تعتمد على نفسها ومتحتاج الأي احد
ساعتها الله يوفقها ويا الأنسان التختارة وبـ أرادتها محد يجبرها علي مثل مديصير هسة
خديجة.. وعلى شنو كل هالدوخة خوية
خو اخذها انـتَ
صح بيناتكم فرق بالعمر وصح هيَّ لسة صغيرة بس مو مشكلة أول وتالي تكبر
والله شبيك لتباوعلي هيچ
ع الأقل انـتَ راح تقدرها وتصونها أحسن مـن الغريب
- خديجة اسكتي
طيبة هي بتول واني مو أرشد يلا دسدي الموضوع
- ليش أسدة شجاب طيبة على بتول ؟!!
بعدين لتنسى
اذا سويتها وعقـدت على البنيـة المجتمع راح يعتبرها منفصلة مرتين شعليهم بعد ورق مو ورق
الحجية.. يا يمة شدتحچين
خديجة.. هذا الواقع يمة
منو راح يرحمها اذا عرفوها متزوجة مرتين
بعدين وين يلگة مثلها هو بس هدوءها يسوة العاصفة الفوگ وفهمكم كفاية
همام.. گتلچ سدي الموضوع وتالي وياچ
خديجة.. همام لتعاند والله...
بعدها تحچي نزلت الاء من فوگ تسحل بجنطتها
- يلا امشي وديني لأهلي بسرعة
الحجية.. يا يمة صدك چذب
شبيچ تسودنتي استهدي بالرحمن هو بس زواج ع الـ....
قاطعها همام بسرعة
- يوووووم اسكتي يرحم اموتاچ خليها على راحتها
- يا يمة شبيك عصبت علية مو انتَ توك گلت مراح....
خديجة.. حجية كافي
اگول الاء شنو رأيچ لو تجين الـ غرفتي نحچي شوية
الاء.. لا نحچي ولا بطيخ يلا همـام فضني ليش واگف
الحجية.. احچيلك شي يمة لتخليها تروح
همام.. خفة وراحة عساها لا رجعت
مصدگة روحها راح اتوسل متدري بفلس ما اشتريها اني
- بسيطة همام
- هههههههه امشي بابا امشي الله يهدينا ويهديچ
حچاها وسحب السويچ من الميز طلع بملابسة
ظلينا صافنين علي
ما صدگ تزعل الاء حتى الضحكة تارسة وجهة عبالك حمل وانزاح من صدرة رادها من الله
الحجية.. شبيكم انتِ وأخوچ خديجة
شو كلما انطق تسكتوني
ليش ما خليتوني احچي للبنية بـ حقيقة هالزواج بلكت تغير رأيها ومتزعل وتكبر السالفة يم أهلها
خديجة.. ما شفتي يا يمة
مبين من تصرفاتة ميريد يفهمها بالسالفة يمكن عاجبة يربيها حتى تعدل من نفسها شوية
واني اشوف بهاي حقة محد يلومة
من تزوج وهو مشلوع گلب ما شاف ولا يوم حلو وياها بلكي هيچ تصير أدمية وتلتفت البيتها ورجلها
الحجية.. بس ميصير يخليها تزعل
خديجة ما صارلهم كم شهر من تزوجوا شيگولون العالم علينة والله لنصير علچ بحلگ اليسوة والميسوة
خديجة.. تصفى وحدها يمة
دخل يرجع هسة ونشوف شراح يسوي بـ هالورطة الحط روحة بيها راكب راسة محد يلحگة بالعناد
الحجية.. الله يهدي ويسعدة ميستاهل شلعان الگلب
بس حچتها عفتهم ورحت للمطبخ
بچيت من گلبي
احساسي حالياً بالضبط مثل طفل يتيم ما عندة مكان ينام بي وواحدهم يشمرة ع الثاني
شلون اتصرف يا الهي
قبل چنـت خايفة كلـش ارجع ويا أبويـة
هسة بس اتمنى ارجع حتى اخلص من هالمشاكل تعبت وتعبت العالم المالها ذنب وياية
كل شي صار اليوم أذاني
المشكلة الـ بالبيت تهديد الاء الـ همام مدت أيدة عليها
والأهم من كل هذا كلام أبويـة عن بيت جدي
شنو يعني سافروا ؟!!
معقولـة نسوني بـ هالسهولة زين ماكـو واحد بيهم فكر يسأل عني حتى لو من بعيد راح اتخبل
اوووووف يا ربي شلون اتصرف ساعدني
مشتاقة الأختي كلش
وخايفة من أبويـة اذا رجعت مراح يرحمني
وما اريد أهدم حياة همام واورطة ويا رزاق اخاف ليأذي بسببي لأن كل شي اتوقع من هالشيطان
راسي انفجر من التفكير والبچي
گمت داغسل دخلت علية خديجة شنو هاي بطـة ليش دتبچين بـس لا تأذيتي مـن ضربـة الاء
- هزيت بـ راسي لا
- لعد شبيچ احچيلي عمـة انـي هم مثل أمـچ
- خايفة من كل شي عمـة وماكو شي يخفف عني
خايفة من أبوية.. الاء.. أهلها
خايفة على أختي
حتى على عمو همام خايفة لتنهدم حياتة وينتهي زواجة بسببي فهميني شسوي وشلون اتصرف
خديجة.. الكاتبة الله هو اليصير هالحچي ميفيد بطة
واذا على أختچ ربچ موجود
مثل ما وگـف وياچ راح يوگف وياها الله ميتخلى عـن عبادة حبيبتي كافي تفكرين بيها
أما همام هي وينها حياتة حتى تخافين لتنهدم
شو چان مرتاح وعين الله علي
هو تزوج لاظلت بـ أيام هالمسكين حياة ولا بقى براسة عقل من ورى الاء ومصايبها
الطيبة الزايدة هم مو زينة بنيتي
كافـي تحملين روحـچ فـوگ طاقتها ولا كل شـي صـار وگلتي بسببي لأن كل واحد ياخذ الجزاء اليستحقة
- زين عمة حليلي هاي اني ما أريد أتزوج بعد
شلون بية فهميني
لسة ما نسيت الصار ويا أرشد وبسببة كرهـت كل شي يصير بين المرة والرجال فـ شلون أرجع اعيدة !!
وعمو همام بالذات مستحيل اتقبلة
انتِ تدرين
من اجيت الـ هالبيت واني حسيت بي تعويض عن عمو حامد الله يرحمة لذلك ابد ما صحتة بـ أسمة
- ابتسمت وسحبتني من أيدي للكرسي شو أگعدي هنا
- گعدت وبعدين احچي شي يريحني عمة
- اولاً هذا همام وذاك أرشد
يعني ماكو أي شبه بين الأثنين لذلك شيلي الخوف من راسچ واطمأني همام مستحيل يأذيچ
ثانياً ما سمعتي قبل ليطلع شگال ؟!!
الهدف من زواجكم اولاً واخيراً حمايتچ طيبـة
يعني يظل حبر على ورق
لتخافين مراح تصيرين مرة الهمام ع الأقل حالياً يجوز بعدين تغيرون رأيكم الله اليعلم لساعتها
- سمعت بس ما فهمت طمنيني شيقصد الله يخليچ
- ههههههه صدگ يعني لسة ما فهمتي
- اي والله ما افتهمت
- صدقة البرائتچ
ادري وين يحصل منچ همام بس كون يفتح عيونة عدل
- اي وشنو هسة
- حبيبتي يعني تصيرين مرتة گدام العالم
بس بينچ وبينة غير
يعنـي مراح يسوي وياچ الشغلات الچان أرشد يسويها انتِ تنامين بصوب وهو بصوب فضت السالفة
- گولي والله عمة
الله عليچ دتحچين صدگ لو بس تردين تريحيني
- هههههههه ها شو فرحتي
- طبعاً افرح
متدرين شگد چنت خايفة من هالموضوع
ما اريد أتزوج اريد بس أخذ شهادتي حتى أنقذ أختي من أبوية ومنحتاج بعد لا الة ولا الغيرة بحياتنا
- ان شاء الله حبيبتي
راح تكملين دراستچ وتلتقين بـ أختچ وكل المريتي بي يصير سوالف بس گولي يا رب
- يا رب عمة يا رب
بس حچيتها دخلت بتول مبتسمة
- فرحانة ولكم فرحانة رغم الـ هم البية ألف الحمد لله
خديجة.. ههههههه دفرحينا وياچ
بتول.. علمود طيبة عمة
متدرين شگد دعيت هالأيام حتى متعوفنا وتروح وهاي الحمد لله الله استجاب دعائي وراح تبقى
- وتتزوج عمچ هماااام
- خو هاي الفرحة الأكبر لأن هو يستاهل طيبة مو الاء المسمومة اوووع حتى أسمها يوترني
بس الحچي بيناتنا يا جماعة
أول مرة اعرف هيچ دعائـي مستجاب وهي صلاتي لو ما الدفرات متصعد للسگف الله وكيلكم
- هههههههههه لعد متدعيلي عمة
بلكي هيچ وتنحل مشكلتي بـ بختچ يم رب العالمين
- والله يا عمة ما اظن تنحل
رجلچ الله بـ عرشة متبري منـة لو النبي محمد يدعيلة هم ما ينصلح لتحاولين الأعوج يظل أعوج
- ما گلتي إلا الحق
شسوي هذا هم حظي الحمد لله والشكر على كـل حال
طيبة.. لتضوجين عمة هو الخسران
ويـن يلگـة مثلچ اذا تركتي يجي يوم ويعض أصابيعـة ندم لأن فرط بيچ صدگيني
بتول.. اي والله صح كلام طيبة
يلا عاد كافي نكد افرحن يمعودات راحت الاء هلا وهلا وهلا وبعد هلا هز رگبة اليوم للصبح خالي
خديجة.. ههههههههه الله يعلقچ عمة
- باوعت عليها اضحك
فرحت كلش الفرحتها لأن طلعت شوية مو مود الحزن
بس بنفس الوقت انقهرت حيل على خديجة
حتى الضحكة تطلع منها مجاملة حرامات هيچ إنسانة توگع بـ ايد واحد مثل سلام
خديجة.. يلا كافي تعبت
رايحة اودي امي للمغاسل واناملي فد ساعة بين ميرجع همام حتى نشوف شصار ويا هناك
بتول.. براحتچ عمة
بس حچتها طلعت من المطبخ
احنة هم جريناها نومة ما گعدنا إلا الغروب
لبست حجابـي وطلعت گاعدين بالصالـة يشربون چاي
الحجية.. هذا غير نوم ولچن لو ظالات للصبح أحسن
طيبة.. هههههههه والله بيبي ما حسيت من التعب
بتول.. حلوووو راح توخذ دور أبنها الحجية
الحجية.. أبنها والحجية خوش والله رافعة التكلفة بت أرشد
بتول.. ماكو رسميات بين الأهل بيبي
صدگ على طاري عمو همام شو ماكو مالة حس رجع لا
خديجة.. أي رجع شفت سيارتة بالممر بس يمكن نايم
الحجية.. دصعدي گعدي يمة خلينا نفتهم شصار ويا
خديجة.. اي تتدللين
همام.. اخذتها لأهلها والطريق كلة خلصتها تبچي
راسي انسطر
فوگ غلطها هي أم الراهي ما ادري شلون وصلنا لبيتهم ردت انزلها واروح بس فشلة من أبوها
طفيت السيارة ونزلت
دگيت الباب طلع أبوها بس شافتة گدامها ذبت روحها بحضنة تبچي هو هم ظل صافن علية
أبو الاء.. شبيچ بابا ؟!!
شكو همام شصاير وياكم فهموني هم رجعتوا للمشاكل
همام.. ليش احنة شوكت تركنها حتى نرجع الها
الاء.. بابا أريدك تاخذلي حقي من همام وهسة گدامي
أبو الاء.. حق شنو بنتي !!!
عيب هالحچي دخلوا جوة خلي افتهم شصاير وياكم
همام.. اجيك غير مرة عمي بس حبيت أسلم عليك
أبو الاء.. والله متروح
من شوكت توصل للباب ومتدخل مراح احسبها عليك هالمرة بس اتمنى متنعاد بعد عمك يلا تفضل
همام.. زاد فضلك عمي
حچيتها ودخلنا للأستقبال
توني گاعد دخلت أمها گمت داسلم صرخت الاء تبچي
- ترضاها بابا مصارلي يمة 4 أشهر ويريد يتزوج علية
أم الاء.. عزة العزاني ان شاء الله
أبو الاء.. شنو هالحچي همام ؟!!
همام.. مثل ما سمعت عمي بس خليها تكمللك السبب
الاء.. شوفة بابا الله عليك
يريد يضيع عملتة بـ هالسوالف ولو تعرف يريد يتزوجمن
أبو الاء.. احچوا عاد مثل الأوادم
لا واحدكم يشمرها على الثاني ترى من أولها دوختوني
الاء.. بابا يريد يتزوج طيبة مرت أرشد ترضاها ؟!!
أبو الاء.. همام !!!!
همام.. شكو بيها عمي لا هو عيب ولا حرام
مرت أخوية يتيمة وبيت جدها تقريباً مو خوش أوادم
ما أبوها فـ چان صديق أخوية أرشد
وانتَ تعرف أرشد وين چان يشتغل وشمسوي بالعالم
واكيد جماعتة ميفرقون عنة شي
أولهم رزاق حتى زواجة الـ بنتة مچان زواج قانوني ولا زواج شرعي بالعكس تماماً
چان عبارة عن صفقة بينة وبين أرشد يعني بكل سهولة باعوا واشتروا بالطفلة علمود مصالحهم
وبعد وفاة أرشد اني صرت مسؤول عنها
مراح أسمح الـ هالجريمة تتكرر مرة ثانية واوگف أتفرج
الاء.. وانتَ شنو ولي أمرها لو تريدها حجة
صير شجاع وگول أحبها وفض السالفه ليش تلف وتدور
همام.. انتِ شبيچ من الصبح لسة تخبلتتتتتتتتي
شوفي وجهچ شصاير بي من الضرب
حتى لو حيوان چان صارتلة عبرة ليش مُصرة تحچين حچي أكبر من راسچ
- زين والله من تعترف ضاربني
- وأكسر راسچ هم
لتشوفيلي ساكتلچ هسـة لأن هالسكوت أحترام لأهلچ
أبو الاء.. شنو راح تتعاركون گدامي استحوا شوية عاد
همام.. متسمع بنتك شدتحچي
وهاي مو أول مرة تتجاوز قبل شوية هم سوتها
وروح أبوية سكوتي الـ خاطرك وإلا مو همام اللي ينهان من مرة ويسكت الها وانتَ رجال وتعرف قصدي
أبو الاء.. انتِ وتالي وياچ بلا
ليش تختبرين صبري وياچ وتعرفين بلحمي مر كلش
أحمدي ربچ على هيچ رجال حليم وكفو
لأن لو چانت أمچ بمكانچ چان طلگتها من أول أسبوع
الاء.. بابا والله مو قصدي بس حرگ گلبي بكلامة
شنو يعني يريد يتزوج علية
واحنة مصارلنة كم شهر متزوجين
وفوگاها ضربني گدام أهلة لوما أختة چان متت بـ أيدة
أبو الاء.. والله التتجاوز على رجلها مهما كانت الأسباب تستاهل الضرب ولسة حسابچ وياية مفتوح
الاء..هسة صرتوا كلكم علية
محد يشوف همام شديسوي لو هو رجال كل شي يريد يصيرلة والمرة حتى الكلمة ممنوعة عليها
بس حچتها التفت أبوها علية
- عمي ترى والله صعبة صح هي تجاوزت عليك
واني نيابة عنها أعتذر منك وهاي حتى راسـك ابوسـة
همام.. لا عمي أستغفر الله
أبو الاء.. انطيها حق وليدي ولو شوية
يعني والله حقها تنقهر بعد مصار سنة على زواجكم
تجي انت تتزوج ومنين من مرت أخوك العايشة وياها ببيت واحد تشوفها عادي !!!
همام.. حقك شتگول حقك
بس صدگ صرت مجبور لأن انطيت كلمة للبنية وأبوها واني رجال يعني كلمتي سيف ع الرگبة
وخلي نحچي الصراحة عمي
اني ممرتاح ويا بتك وانتَ تعرف هالشي كلش زين لأن ماكو غيرك يحل مشاكلنا
يشهد الله علية من تزوجتها ولليوم بس مشاكل وياية و ويا اهلي ونق ع الطالعة والنازلة
تعبت عمي كلش تعبت
صح هن 4 أشهر بس صدگ احس كبرني 4 سنين من عمري بحيث الراح من حياتي بكفة
وهالكم شهر بكفة ثانية وظليت ساكت بس الـ خاطرك
أبو الاء.. ما ادري شگولك وليدي
انتَ حر بس خليها ببالك ما اگدر أجبرها ترجع وياك اذا هيَّ محابة ترجع واتمنى تعذرني على هالشي
همام.. ولا اني أريدك تجبرها
خليها هنا على راحتها وشوكت متحب ترجع بس بلغني حضرتك واني اجي اخذها بـ نفسي
الاء.. صدگ تحچي بابا
يعني راح تخلي يتزوج عادي لعد واني ما فكرت بية
أبو الاء.. الحق ويا واني ويا الحق
الرجال لو مرتاح ويامرتة مستحيل يتزوج عليها ويخرب حياتة وبيتة حتى لو أنجبر على هالشي
بس انتِ ما ريحتي
من خطبچ مشاكل مشاكل اني أبوچ وجزعت هو شلون
كم مرة نصحتچ ؟!!
كم مرة ظليت اصلح وراچ وانتِ تخربين
شگـد صحـت اعقلي بويـة مو بيتچ راح ينهـدم بسبب صلافتچ بس ويامن احچي عبثثثث
همام.. ما گلت إلا الحق عمي
الاء لو چانت أدمية وياية ع الأقل ما وصلتني لهنا بس كل شي صار وراح يصير من أيدها وهي تعرف
أبو الاء.. حقك وليدي وأحسبها علية ادريها تعبتك
همام.. الذنب بيها عمي لتعتذر
اذا بعد ماكو شي مطلوب مني خليني ارفع الزحمة
أبو الاء.. وين ما ضيفناك شي ولا سألتك متغدي بعد
همام.. واصل عمي
متغدي رحم الله والديك بس محتاج أرتاح تعبان كلش
أم الاء.. شنو يعني همام راح تسويها صدگ وتتزوج
همام.. أعتذر عمة بس مجبور الله يشهد يلا استأذن
أبو الاء.. الله وياك حبيبي سوق على كيفك مبين عليك دايخ والطريق يخوف
همام.. ان شاء الله عمي
ما صدگت أطلع منهم
رجعت للبيت بـ وجهي الغرفتي ما حسيت إلا خديجة دتگعدني همام يلا گوم كافي نوم يمعود
- گعدت گعدت
- ها بشر شصار ويا أهل مرتك
- مصار شي حچيت ويا أبوها والرجال تفهم
- الله عليك يعني ما گال أي شي ولا سواها مشكلة
- لا الرجال مو من هالنوع
گتلچ ذهب متشوفيني صابر على الاء غير الخاطرة هو وولدة مدري عليمن طالعة هي عوجة هيچ
- يلا الحمد لله من عدت السالفة بدون مشاكل
- الحمد لله
- زين شنو ناوية ترجع لو زعلتها مطولة
- براحتها والله ولو مترجع تسويلي فضل السابع ظهر
- هههههههههه
ديلا گوم تعلل ويانة كلنا مجموعين بالصالة حتى بتول
- خوية ما اگدر أنزل بعد
البنية توها رجلها ميت وعليها عدة ميصير اشوفها كل شوية وانتِ هم نبهي عليها تلتزم بالعدة
بس حچيتها صفنت بوجهي حسيت بحلگها شي
- ها شبيچ گولي
- لا خوية ما بية وصار مثل متريد راح احچي وياها
طيبة.. بعدني گاعدة أكل كعك نزلت خديجة
الحجية.. ها يمة لعد أخوچ وين
خديجة.. ميگدر ينزل علمود طيبة واجب عليها العدة
الحجية.. يا صدگ شلون نسينا هالسالفة
طيبة.. شنو يعني عدة
خديجة.. هههههههه تعالي وياية بالمطبخ وتعرفين
حچتها وراحت لحگتها اركض
گعدت تشرحلي
بالأخير گالت انتِ ما عليچ لأن أرشد ما گدر ياخذچ بس التزمي بيها لأن همام ميعرف بالموضوع لسة
وفعلاً التزمت بيها مثل ما وصتني
هو اصلاً وين اطلع بس للمدرسة والبس بوشية
وهيچ مرت الأيام وخلصت العدة
طول هالفترة صار همـام ميجي للبيت إلا بالليل ياكل ويصعد الغرفتة مينزل لثاني يوم الصبح
الحمد لله روح البيت رجعت الة تقريباً
الحجية تناست
وبتول تأقلمت على غياب أبوها
وشوية شوية تقبلوا الواقع وگدروا يتعايشون ويا موت أرشد ورجعوا الحياتهم الطبيعية
أما الاء طولت بزعلتها كلش
يوميا الحجية تسأل عنها خديجة وأسمع تگولها منعرف عنها شي يمة لا همام يتصل ولا ترد علية
مرت 5 أشهر والوضع هادئ تماماً
بداخلي فرحت
خلصت العدة وهمام ما فاتح موضوع الزواج بلكي يظل ساكت وتنتهي السالفة شلون ما ادري
اليوم الظهر رجعت من الدوام هلكانة
بس تغديت نمت
للعصر گعدت ويا بتول لگيت الحجية وخديجة بالصالة يتفرجن مسلسل مصري قديم كلش
سلمت وبـ وجهي للمطبخ سويت الهم الچاي
هواي يشربون
خصوصاً ويا الكيك والكعك عدهم واجب العصـر واني هم تطبعت بـ أطباعهم خلال هالسنة العشتها وياهم
بعدنا گاعدين ناكل صاح همام يا الله
سحبت الحجاب لبستة
مد راسة من الباب خديجة خوية بلا زحمة عليچ
جهزيلنا الأستقبال ع السريع
وسون طريق السيد بالباب اجة يعقدلي على طيبة......
يتبع
لتنسووون ⭐⭐⭐⭐⭐⭐
كل الحب ❤🥀