اسيرة_قدرك..
بقلمي رسل..
البارت الخامس والعشرون
واتباد rasolaa7
ولعبت ابحالي الليالي
ومالگة اولاية العمر
سولة الناس الملامة
واحنا سولتنة الصبر..
-سألته هواي عن هاي الاوراق شنو وليش
هيج خايف عليهن ما قبل يجاوب غير الموضوع بسرعة على مهرة و عيد ميلادها واني هم سكتت لان اعرفه من يقفل ضمهن و رجع كال..
-ريا راح اسوي حفلة عيد ميلاد لمهرة اريد افرحها و افرحج..
-اي بكيفك هو ما بقى شيء لعيد ميلادها..
-و اريد أعزم الكل خلي ابالج اهلي واهلج
وهسه بدلي امشي نطلع غيري جو شوي..
-رحت بدلت لبست شي حلو ومستور وهو اقتنع بي رحنه اشترينه ملابس و تعشينا برا و افترينا ورجعنه بين ما نومت البنات و صعدت و اشوفه متحضر بالغرفة وسابح ومتعطر نجنيت من شفته
هيج شنو راح تطلع.. حجيتها بقلق..
-هو ابتسم لا ما اطلع شيلي هالافكار منج هاي الكشخة الج حصرا اليوم مشتاقلج صار شكد محروم منج اريد المج بحضني من بعد فراك وصبر اشهر..
-انطاني ثوب خجلت منه شلون البسه مفتح من الظهر و فضيحه.. لبسي حبيبتي و تعاي و يهمس باذاني..
-لبسته و هو عيونه كصتني سحبني عليه و يبوس بيه بركبتي وبجتافي جرني كعد على الجرباية
و خلاني بحضنه و هو يهمس بحبه و شوكه..
-طول الليل منومني على ايده نايمة ويسولف شلون هيج صار بيهم و شلون اتصوب من بعد التسليم يحجي وشابكني عبالك راح اطير عيشني
ليله من العمر تأخر الوقت يلا نمنا..
-ثاني يوم طلع لدوام خابرني..
- حضري نفسج باجر الكل تجي عزمتهم واعزمي اهلج هم لا تنسين عيب..
-اسر اهلي ميجون بس نورهان و سجى هم كالوا
ما يكدرون هو كال بكيفهم المهم عزمتيهم..
-بيوم حفلة الميلاد لبست قفطان و خليت مكياج
خفيف و بناتي طلعن عرايس يخبلن اسر جان
مجهز كل شيء ابد ما قصر حتى غده كال
لا تسوين اني اجيبلكم..
-للظهر اجه مهاب جايب العصير والكيك دمعت عيوني و اني اشوف صور بناتي مطبوعة عليهن
هذني عوضي من الله بهالدنيا..
-انتبهت على مهاب ينافخ لان جانت نورهان
تسولف و تشاقى و يه زيد هو خزرها بس
هي كملت عادي هو صاح فوتن جوه لا يجي
احد و هي مغلسه تالي صاح.. زيد امشي
وياي من يرجع خالي نجي..
-طلعوا وهاي ضحكت وهزت ايدها..
-باوعت عليها.. هي كالت خير خير ابن حماتج ما مصدك نفسه بصفته منو ويدخل بيه..
-سكتت و اخذتها و رحنا رتبنا الميز و صار شكله حلو و نفخنا النفاخ اما البيت سجى و نورهان ما قصرن وياي ساعدني و كله نظفناه قبل الحفلة لان اسر كلها عازمها ما ردت احد يحجي علينا خصوصا خواته يدورن زله بس..
-للوحدة تقريبا اجه اسر من الدوام باوعلي بإعجاب.. شو تعالي يمي اني اريد من هذا
الكيك حصرا و عض خدودي و يبوس شدعوه
هلكد طالعة حلوة شلابسه يابه..
-ابتسمت فرحانه و بسته بخده ابتعد عني
وشال علاكه.. هاي خليها يم الميز بس مو تفتحيها
مو مالتي..
-راح سبح و بدل و اجه اهله هم اجوا للعصر
بدت الحفلة و شغل اغاني ميلاد و مهرة و ريا
فرحانات كلش انتبهت لخواته عينهن على
سجى و نورهان و يتبسبسن ضجت كلش و خفت
عليهن تجيهن حجايه لان مهاب جان مفضوح
بنظراته حتى سماح انتبهت عليه..
-شال مهرة اسر و قطع الكيك و اني ريا
بحضني و زعتلهم الكيك و عصير هو انطه
لاخوانه كال اكعدي عرفت ما يريد ماجد
يباوعلي انتهت الحفلة الي جانت تجنن و بعدها
بشوي حضرت العشة الهم تعشوا و كملوا
اسر حجه بصوت عالي..
-وهسه وكت هديه ريا لان وجهه وجهه خير عليه
وهواي صبرت ويانا و اتحملت كل شيء
ام مهرة المعدلة..
-هو يحجي و اني مبتسمه بخجل كلماته اثرن
بيه هواي خواله كالوا عفيه عليك زين ما اختاريت بنت اوادم.. طبعا خواله يعرفون
باهله خبيثين و ياي خالهم كام باسني
براسي..
-معدلة ام مهرة حافظ عليها بعد خالك ترى
ما تلكه مثلها كلبها طيب و حنينه و يباوع لاسر
و لخواته..
-والله احس بروحي طايره من الفرح مجرد كلمات جبرن بخاطري هواي جنت خجلانه
منهم و بس اوزع ابتسامات اصلا مصدومة
صح اسر زين وياي بس اغلب الاوقات من
ننجمع هيج جمعات دائما يفشلني هو لو اهله
اول مرة هيج يصير..
-خالهم الجبير كال اسر كوم خالي انطيها
هديتها و صيغها لمرتك الذهب الذهب..
-اسر كام و اباوع على حمواتي شوي و يكومن
يسحلني الوجوه احتقنت و وحدة تباوع على
الثانية..
-رجع وبيده نفس العلاكة الي خليتها يم الميز
طلع منها علبه مال ذهب باس راسي وكعد
يمي والله حسيت روحي مخطوبة من جديد
وهذا يوم المهر فتحها و اشوف كمية الذهب
الي بيها رفعت عيني عليه.. يا حبيبي ليش
كلفت نفسك هواي هذا..
-هو صاح.. الغالي يستاهل الغالي..
-طلع سوار لبسه الي و تخم و تراجي و كردانه
و محبس و اخر شيء سحب سنسله بيها ايه
الكرسي لبسنياها وكام راح لامه باس
راسها و انطاها محبس ذهب..
-هي مطنكره و خواته والله و جوهن عبالك
رايحات لفاتحة اما اني ما اعرف اوصف
شعوري افتخرت بي هواي اليوم لان طيب
خاطري كدامهم كلماته و الي سواه كدامهم
فرحني اكثر من الذهب تمنيت من ربي يبقى
هيج وياي والله ما اريد اكثر من هالشيء امنيتي
نستقر و نبقى على هذا الهدوء..
-رجعتهن للعلاكه كلش عجبني ذوقه كلهن
نازكات رجع يمي كال ها عجبنه للحلو لا..
-فدوه لعمرك يخبلن شكرا اسر هواي ما تدري
شكد فرحتني اليوم..
-لا تشكريني تستاهلين هيج اعوضج همس
ها مو مكيفه انتي دورج بالليل تعوضيني.. دفعته يا ما تستحي العالم منا وهو يضحك عليه..
-حجه مهاب بضحكة.. شنو هاي خالي ما عرفتك
بلكي تكمل معروفك و تخطبلي اختها..
-نورهان دنكت خجلانه و كلها ضحكت عليه
بس خالاته يباوعن صفح..
-شوي و كلهم سلموا و راحوا ام مهاب باستني..
بالعافية تستاهلين خابرني من الصبح علمودج
كال اريد هدية لريا تفاجأ الكل و رحنا على
محل خالي و اشترالج الذهب بخمس ملايين
جابهن الج لو يسمعن الحبايب جان خنكنج
حجتها بضحكة و طلعت..
-بقت يمي بس نورهان وهاي لحت الا تروح
حتى اسر كالها ابقي وهي مصرة تالي كال
خلي اوصلها و رارجعلج اقفلي الباب زين..
-طلعوا و قفلت الباب و رحت للغرفة طوخت
الحمرة و عندي شورت لبسته و كيمونه لونهن
ابيض صارن مثل السيت
فتحت شعري باوعت لنفسي طالعة حلوة
ريا نايمة و مهرة اخذتها سماح للساعة
11 واني وحدي منتظرته ندكت الباب
بشكل قوي كلش يبس ريكي من الخوف مستحيل
اسر هيج يدك الباب اعرف دكته هو
كمت للمطبخ بخوف و اسمع صوت على السطح
واحد طفر و يحاول يفتح الباب هنا قطرة
دم ما بقت بجسمي من الخوف..
-ركضت للغرفة اخذت الجهاز و دكيت
على اسر.. وين انت حباب بسرعة تعال
اخاف وحدي والله.. باوعت من الشباك
واشوف واحد ملثم طفر من السياج وطلع..
-خفت احجيله لان حاولوا يفتحون الباب
و وراها اختفى الصوت كلت خاف احجيله
و تالي يذبون تهمه عليه منو يصدكني.. بقيت
وحدي الوب من الخوف و القلق..
-شوي و ندك الباب فزيت و صحت بخوف
منو..
-اني يابه.. فتحتله الباب هو باوعلي بشك..
-ريا شبيج ليش هيج وجهج اصفر..
-لا حبيبي ما بيه شيء بس خفت وحدي وانت
شوي تأخرت..
-باسني.. اروح اسبح وجايج مو تنامين
ترى احرك شيب الخلفج..
-ضحكت بخفوت اني وين وهو وين الخوفه
لهسه بيه سبح و طلع واني جنت متمددة
على الجرباية و بالي شارد سحبني لصدره
فزيت هو صاح.. اسم الله شبيج اليوم ريا..
-لا مو ردت اغفى و فزيت من سحبتني.. والله
اتمنى هو عنده شوي تفاهم جان حجيتله
و خلصت من التفكير و الخوف..
-اخذني لحضنه و باس شفتي و دفن راسه
بركتي يشم بيها.. شكد احبج و احب ريحتج
يحجي و يبوس ضربني بيده على راسي..
-بالج وين شو مو وياي.. رفعت نفسي و بسته
بشفته هو نجن على حركتي اخذني لعالمه
كمل ومدد وخلاني بحضنه و غفه..
-للصبح عيني ما غمضت خايفة و افكر منو
الي هيج طفر على بيتنا خفت على اسر
من العصابة اكيد ذول ما ناوينها على خير ابد..
-الصبح كعد اسر راد شوربة كبة كمت اسويله
ما دام اليوم هو بالبيت ما عنده دوام
دخلت للمطبخ جهزت الكبة و كملت واكفة قريب من الشباك و اطبخ بالشوربة
ما احس غير شيء اخترق الشباك و صوت شخطة دراجة..
صرخت باعلى صوتي.. اسر الحكلي و وكعت من طولي..
-اجه اسر على صوتي مهبوط و يصيح
ريا شبيج شصارلج.. كعد المستواي واني
حيلي نهد يكلب بيه و يحجي بخوف شبيج
تأذيتي.. اني بس ارجف و ابجي..
-اسم الله اسم الله ماكو شيء حبيبتي ما بيج
شيء كام جاب شكر وخله بحلكي و يمسح
على ظهري بحنيه تركني وركض اخذ سلاحه
راد يطلع و اني مجلبه بي و ابجي..
-بروح ابوك لا تطلع والله يكتلونك لا تطلع و تعوفني..
-ماكو شيء يمج حبيبتي ما اطلع بس هدي
روحج يمج يعمري..
-كمت بتعب و ايدي ترجف هو شال شيء
من الكاع رحت يمه شهكت و اني شوف رصاصة
بيده ما مضروبه وجهه صار اصفر..
-ريا امشي لمي غراضج و الفلوس و الذهب خلي اخليج يم اهلج ذول الظاهر ما راح نخلص
منهم بسرعة بنيتي..
-كام وياي ساندني طلع الباجات و اوراقه اخذها
و لم فلوسه كلها خلاها بجنطة وانطانياها
شال البنات و طلعنا وهو مخليني بسده و يتلفت
صعد بالسيارة و اتصل على مهاب و على
اخوه الجبير حجه وياهم و كالهم بس اودي
ريا لبيت اهلها و اجيكم..
-تنهدت و قررت لازم احجي كافي خاف اسكت
و يصير شيء..
-اسر اريد اكلك شيء بس عفيه عليك الله
لا تعصب عليه لان جنت خايفه..
-هو التفت عليه.. شكو ريا شنو ضامه
عليه انتي..
-البارحة انت من طلعت توصل نورهان شوي
و الباب تفلش بالدك و واحد طفر على سطحنا..
-شنو هذا غبائج و برودج الخاطر الله
و ساكته ما تحجين لو داخلين عليج للبيت
وعلي طلقة براسج و يمشرونج انتي و بناتج
ريا بطلي فهاوه و لا تضمين عليه..
-صار اعصاب و رزلني الطريق كله يسب
بعمته هاي الي نخطفت و بعد يعدد اسماء
وياها ما اعرفهم وصلني لاهلي نزلت وهو كال بالليل اجيبلج مهرة يمج..
-ريا لا تخلين بالي يمج عتبة الباب لا تطلعيلها
باس راسي و بوس ريا و راح..
-سلمت على اهلي وحجيت لامي وهي
خطية ضلت تدك و تلطم.. جان كتلوج
وجان هيج كوه هديتها اسر كل شوي يتصل
يتطمن حسيته قلق و قلقه خوفني كلش عليه..
-بالليل جابلي مهرة و كال ابقي هاي الفترة
يم اهلج لما تفض هالسالفة حتى اهلي وديتهم
لديالى امان عليهم..
-يومين و الوضع مثل ما هو خابرت عليه
كال نفس الشيء دخت بهالسالفة و خايف عليكم
و على اهلي يلوون ذراعي بيكم ريا..
-انقهرت عليه تعبان كلش من الوضع..
-اسر تعال يمنا اليوم ارتاح وباجر اطلع..
-لا عيب من اهلج وين اجي..
-عليك الله بس اليوم والله مشتاقتلك من حجيت
هيج هو ضحك كال والله فد لوتيه انتي
صار اليوم يمج اني بس بالليل اجي احتمال..
-بالليل دك عليه.. بالباب اني..
-ركضت فتحت الباب هو كال خاف زحمه
من اهلج ابات يمهم..
-سحبته من ايده.. شنو هالحجي اسر تعال
وياي واني اشوفك الزحمه هو ضحك بصوت
و يغمزلي.. شبيج مستعجلة حبيبتي..
ضربته شبيك ترى مو قصدي الي بالك..
-دخلنا هو انتبه الي صاح طركاهه عليج
وعلى اهلج شلابسه شلون طلعتي هيج
مو منا سطوح ركضت هو سحبني من شعري
اياج تطلعين هيج ريا..
-جنت لابسه ربع ردن و بجامه و اله خلاني
ابدلهن هو دخل سلم على بابا وعلى اخوي
الجبير شوي و صعدنا كعد البنات يبوس بيهن
عدل كعدته.. اي ريا شلون ما حجيتي والله
شليتيني شل من حجيتي هيج..
-والله خفت الصراحة اخاف اشو اني كل شيء
يرجع عليه وهم خفت عليك منهم..
-لفني بحضنه.. طول ما اشم الهوا ما اريدج
تخافين عليه اهم شيء عندي انتم و اهلي
ما اريد شيء يمسكم ابد و اريدكم تنامون بسلام طول ما اسر عايش وما ارتاح الا اخلص
من ذول..
-عمرك طويل حبيبي لا تخوفني عليك لا تحجي هيج نام و اني بقيت ادعيله يلا غفيت الصبح
طلع من الفجر..
- خابرت ام مهاب تطمن عليه و نسولف كالت ولج اسر لزم واحد حاول يدخل بيتكم وبجيته لاسر للبيت شايفة طافر ولازمة مهاب يكول مكسره وبساع اتصل بابن خالتي و خبرو
المكافحة سلمو الهم..
-واسر عفيه شلونه ليش ما كالي..
-لا مابي شيء غير رجلج طلع واحد مخبر عليه يكول هذا يشتغل ويه سفير .. يعني ويه الامريكان ويريدون يكتلوهم يريا..
-صدمتني بكلامها .. دخيل ألله عفيه شجاي تحجين اسم ألله عليه لا تحجين هيج بعد..
-سديته منها واتصلت على اسر بسرعة جاوبني مخروع شكو ريا بيكم شيء احد وصللكم..
-لا على كيفك بس شصاير عفيه فهمني ألله يخليك هو كال بعدين روحي هسه جماعتي يمي سديته و انتظرته على نار اجه بليل كتله عفيه احجي بعد ما اتحمل..
-لزمت واحد منهم حاول يطب للبيت ويحركه
تنهد بقهر.. إذا اسفركم تتحملين سفر وغربة
و بعد بس وداعتج ما امن عليكم الا هيج تعبت
اني ريا..
..بجيت.. لا عفيه امي وخواتي و انت ما اعوفك اموت..
-لعد شلون ذوله يكتلونه لان سفله الهم سلطة شبكني من شافني ابجي و خايفه مسح دموعي..
لا تزيديها عليه ماكو شي ان شاء الله تفض انه ما ساكت بس كل خوفي عليكم..
-كومي وياي مخنوك كلش خلي نفتر بالسيارة
شوي اخذ سلاحه و طلعنا جان ضايج كلش
من الوضع فترينا و اني روحي طالعه من القلق
.. ريا هدي حالج وعلي لو اعرف
اسلمهم نفسي و يكتلوني ما اخلي شيء
يصير عليكم لا تخافين رفع ايدي و باسها
كلبي موجر على امي صار كم يوم ما شايفها..
-ان شاء الله تعدي بس دير بالك على روحك اسر
ما عندي اغلى منك انت كل شيء الي انت سند النا و لاهلك حباب لا تخوفني عليك..
-تنهد.. الله كريم..
-حجيت ويا على بيتنا كال بعد ما نرجع بي
صعبة كلش رجعنا للبيت ذبني و وصاني
جلبت بي يبات يمنا كوه قنعته يستحي من اهلي
بس اني ما خليته خايفه عليه دنيا ليل وخاف
يطلع و يتعرضوله..
-من التعب بسرعة غفى الصبح من كعدت ما
شفته طالع اتصلت عليه سماح تهدد و ترعد
شلون البنات يم خوالهن وهم احق بيهن
كتلها احنا بيا وضع وانتي هيج تحجين بعدين
البنات مو لاحد البنات بناتي..
-هي تخبلت دزت رسالة غلط عليه وعلى اهلي
وتهدد و بسيطة خفت لا تروح تحجي غير شيء
لاسر و ياخذهن بسرعة دزيتله نفس رسالتها
وكتله هاي سماح هيج دزت اني كتلك
حتى ما تتبلى عليه و تحجي غير شي..
-كم يوم واجني خواتي و خالاتي يمنا يشوفني
التمينا و تونست كمت و يه اختي اسوي اكل خليت الطاوة على النار و زيت بيها بعدني ما ذبيت الاكل و اسمع صوت صريخ من بيتنا..
-احتركنا احتركنا طلعت ركض مرعوبه واشوف
النار كابه..
يتبع....
اللهم صل على محمد وال محمد❤️..