هلو حبايبي
.
.
بعد فوات ألاوان
سيكون كل شئ كما نريد لكن دون معنى k
.
.
احمد ،، هاي صار سبوع وماكو اي نتيجه فقدت الامل
كرهت روحي ودنيا كلها خابرت جماعتي
جهزو الي كل شيئ،ممكن احتاجه للمهمه من
معلومات لانو قررت اروح لشغلي احسن مااضل هنا
اغلي من الغضب اروح افرغ قهري بالمجرمين افضل
غيرة ملابسي لبست سروال اسود وتشيرت
ولفيت شماغ علئ راسي ولبست نضارة لحيتي
صايرة عاليه لبست بوت اسود وطلعت صعدت
لعند ملك وهاي اول مرة اشوفها بعد الحادث
وصلت باب الغرفه احس روحي انقبضت لو اكدر
اسوي الها شيئ والله روحي فدوة الها بس
شبيدي عليج يبعد هل روح تقربت عليها اباوع
وجها اصفر وشفايف ذابله بيضه وتحت عيونها
سواد مدده علئ سرير ضايعه بي اباوع اديها
زرك مكان الكانونه تقربت عليها وبلا وعي بعدت
الكسجين منها ووو 💋 حتئ وهيه بهل حاله
رغبتي الها جنون مددت يمها علئ نفس سرير
واخذتها بحضني صار سبوع عيني ماشافت النوم
مجرد اشم عطرها انسئ دنيا نمت بلا مااحس علئ
نفسي ماحسيت الئ،علئ صوت ضحك
باوعت ممرضات ثنين يبسبسن ويضحكن خزرتهن
سكنت كالت
،،،، من رخصتك بس نغير للمريضه السيروم
احمد ،،، احد مانعج
،،، لا بس شلون ووو
احمد ،،، وهيه نايمه بحضني عادي شوفي شغلج
وبلا ازعاج
احمد. ، ادري بيهن يدورن سوالف واني مالي خلك
غيرت الها وطلعت بعدها ماكدرت انام
ضليت اباوع عليها اخر شيئ قبل لا اطلع
عضيتها من رقبتها بقوة لدرجة حسيت طعم دمها
بفمي وعفتها وطلعت كان محمد كاعد يقرأ كتاب
احمد ،،، البنات باامانتك دكتور ومااوصيك علئ
ايهم وكيان هذول امانتي عندك
محمد ،،، شنو هل حجي احمد شبيك
احمد ،،، مابيه عندي مهمه ومااعرف شكد راح اطول
ارجع لا مااعرف
محمد ،،، ضروري بهل وقت ماكو غيرك
احمد ،،، اي ضروري افضل مااضل هنا اموت قهر
خليني اموت بشرف احسن
محمد ،،، قبل متفكر بالموت تذكر نحن بحاجتك
وعشيرتك وعمامك والاهم اولادك ومرتك واخوتك
واكو كثير شغلات لازم تحلها
احمد ،،، اذا صحت ملك هيه تصرف ومن ارجع
نتفاهم المهم هم عندك واعرف بيك متقصر
محمد ،،، كل شيئ مهم الك عندي
احمد ،،، مفهمت
محمد ،،، الخزنه فرغتها قبل ليحترك البيت
احمد ،،، شنو ليش وشلون وانت مو رجعت بعد
يومين من الحادث
محمد ،،، صح بس سالفه طويله بعدين نحجي
بيها كتلك بس اخاف تحتاج شيئ
احمد ،،، اي وينهم الغراض
محمد ،،، بيتي بمكتبي هاذا مفتاح خزنتي روح
من تخلص خليه. بمكان الفلاني.
احمد ،،، تمام
طلعت من المستشفى للبيت مباشرتا كان الوقت
ويااذان الفجر شافوني رجال ستغربو من شكلي
معرفوني الئ سلمت عليهم كتلهم
احمد ،،، انس اني طالع مثل مفهمتك اذا
صار مصار مجرد رنه تحدد مكاني وتاخذ وياك
كل شيئ تحتاجه من المقر واقل من ساعه انت
يمي
انس. ،،، ان شاء الله متحتاجني
احمد ،،، ان شاء الله عينك علئ،بيتي واهلي
والاهم ولدي امانتك وكلام ملك اذا الله راد وصحت
ميصير ثنين مفهوم
انس. ،،، مفهوم
احمد ،،، يلا يابطل فتح عيونك مااريد اي غلط
انس. ،،، تامر شيخ
احمد ، تركته ودخلت للبيت ومباشرتا لغرفة
المكتب فتحت الخزنه اباوع فعلا كل شيئ الي
موجود اخذت سلاحي وخليته بحزامي وكم
شيئ ضرروري واخر شيئ لبست ساعه عندي
خاصه كاشف قفلت الخزنه وطلعت اتصلت
علئ ماهر طلبت منو يجي فورا مكال شيئ
رحت سويت شاي فتحت ثلاجه كل شيئ فيها
اخذت قوطية لحم فتحتها وخليتها بماعون
وصبيت جاي وكعدت اكل نسيت كل شيئ لانو
لازم انسئ حتئ اعيش اكل وضحك لو تشوفني
ملك اكل بهل طريقه لتتخبل ربع ساعه سمعت
سيارة اكيد ماهر كمت فتحت الو الباب دخل
شافني رجعت اكل ضحك كال
ماهر ،،، هاي حياة العزابيه بعد اخوك
احمد ،،، صح لذالك اتصلت بيك
ماهر ،،، خير.
احمد ،،، طالع شغل گ العادة بس انت ومحمد وانس
تعرفون ومااريد طير بشر غيركم يعرف
كل شيئ يخص شغلي محمد ينوب عني والعشيرة
انت تنوب عني ومحمد وياك
واذا صار مصار اني اثق بيك ولدي يورثوني
وانت مراح تقصر وياهم ابن عمي
ماهر ،،، لتخاف اني مو نزار وابو صح هوة ابوي
بس اني ماهر وقبل لا اكون نائبك بشيخه اني
ضابط واعرف واجبي حالي حالك
ومااسمحلك تلمح لشيئ مالي ذنب في
احمد ،،، حقي احجي و من حقك تزعل لانك عندك
كرامه بس انت شاهد علئ كل شسئ
ماهر ،،، تمام
احمد ،،، انت الي حميت اهلي بزمانات واريدك
تكون اخ ومعلم بالمستقبل اذا طر الامر
ماهر ،،، انت دائما تطلع مهام وحتئ محد يعرف
شوكت تروح شوكت ترجع شعجب هل مرة
احمد ،،، هل مرة تختلف كل مرة ملك موجودة
باالف رجال وتنوب عني لكن هل مرة ملك
ماكو وهاذا الي كسر ضهري وخلا بالي مشغول
علئ كل شيئ يخصني وبذات عليها وعلئ،ملوك
ماهر ،،، لتخاف بعد اخوك كل شيئ راح يكون
بخير وانت تعرف اذا كنت تحت الارض وحتاجيتني
امشيها الك من الشرق. للغرب
احمد ،،، اعرف وعندي ثقه بيك وكفوو منك
بس لازم اوصيك
ماهر ،،، لا توصي حريص روح الله ينصرك بس
تذكر اهلك وعشيرتك بحاجتك بذات بعد ماناس
عرفتك وصارت تعتمد عليك بصغيرة والكبيرة
وحسو بالامن والامان وثقو بيك عين خير خويه
احمد ،،، ان شاء الله يلا صار لازم اطلع
ماهر ،،، بامان الله
احمد ، طلعت ويه طلعت شمس كانت المهمه علئ
حدود بالجبل المنطقه متنازع عليها تحكمها احد
العصابات لانو هل منطقه بتحيد نقطه تبادل
للمهربين كان الجيش علئ حدود المنطقه بس ماله
مداخل لانو هم اصلا متمركزين تحت جبل
يعني بس يفكون حلوكهم يقصفوهم من فوك
واكيد الهم عيون وجواسيس مندسين لذالك
تنكرت ودخلت للسريه كان نقيب وضباط ثنين
كاعدين سلمت ردو سلام يباعون عليه
من فوك ليجوه بستغراب وشك كنت لابس كله اسود
ومسلح وجنطتي بكتفي وجهي مغطه مقنع
حجه كبيرهم
،،،، منو انت شلون تدخل لهنا بهل طريقه
احمد ،،، ادخل وين مااريد وشوكت مااريد بس
طمن اني هنا لحمايتكم شوفته الباج كام ادا تحيه
هوة وراه الضباط كتلهم استرح كعدنا
اباوع واحد من ضباط ضحك باوعتله ورفعة حاجبي
سكت كتله
احمد ،،، انت من اي عمام
،،،،، اني من فلان عشرة من ........
احمد ،،، اها اكول ما مبين عليك ابن عشاير ومتعرف
بالاصول
اباوع عليه وجها صار اسود وكام يمتمت بالحجي
اصلا شكيت بي مندس بلا مقدمات سحبت سلاحي
وخليت بكل فخذ رصاصه بس ماكسرته سطحيه
كتلهم عالجو هنا واذا احد سئل كولو ابو غضب
سبب وخلو بسجن وممنوع يلتقي بااحد ابدا
نقيب. ،،، هااا انت
احمد ،،، اي اني اباوع دخلو جنود ثنين شالو
الضابط وطلعو ضل ثاني يباوع كتله انت قريبه
كال اي كتلة قريبك خاين مندس عكسك
ماحجه شيئ بس ملامحه رخت كان خايف بس
متاكد هل ولد ماعنده شيئ
تخبل نقيب
،،،، شلون يمعود بكل عملياتي اعتمد علئ ...
احمد ،،، لذالك كانت عملياتك تفشل الي صار بهل
غرفه حادث مااريد احد من جنود يعرف ماشي
الثنين حاضر.
احمد ، طلع الضابط ستغليت انفرادنه
وحجيت ويه النقيب
احمد ،،، مااريد احد يعترض طريقي ابد وشكول
يتنفذ وتعتبرني جندي هنا حالي حال باقي جنود
حتئ،محد يشك بشيئ
،،،، حاضر سيدي
احمد ، كمت غيرت ملابسي ولبست زي جندي
وخفيت وجهي وطلعت وكفيت ويه الجنود انتظر
واجبي من اول يوم كونت صداقه وياهم
حتئ يامنون عليه اني مااريد شيئ منهم بس
اريد اوصل الهدفي سبعة ايام واني كل ليله
اتسلل للجبل حفضت كل شبر بي هل مكان وخليت
اشارات بس اني افهمها حتئ من انفذ العمليه
مااتعذب بس اليوم كان اكو حركه غريبه
اعتقد عندهم عمليه اليله لذالك لازم استغل الوضع
وانفذ العمليه اليله لبست كله اسود وخليت
كل شيئ احتاجه من سلاح وموبايلي ضميته بمكان
بعيد وخليت بس جهاز ارسال اخاف يصير ميصير
كل هاذ واني بالي مشغول بي بملك صحت شلون
صار مااكدر اتصل واني بالمهمه لو مهما كان
اتذكر قبل من كنت اطلع ملك تضل نهار كامل
توصي بيه دير بالك علئ،نفسك انتبه اكل نام
حتئ ترتاح عبالك طفل عندها اووف ياملك
عليتي قلبي تشاهدت وكتله
ربي اذا ناوي تاخذ ملك وملوك فدوة اخذني وياهم
واذا راح يعيشون رجعني الهم سالم غانم
لا اله. الا الله محمد رسول الله
طلعت بلا مااحد يحس عليه وماانطيت خبر
للسريه اخاف من تسريب بس كلت من ابلش بالتنفيذ
ارسل للامر رسالة اخلاء فوريه
واني الله وياي اني عمري مافكرت بس هل مرة
مااعرف ليش،متوتر يمكن بسيب وضعي الخاص
لانو كلها نجمعة عليه
اني بالعادة مااستخدم سلاح الئ،للضروه وكاتم
دوم استخدم اسلحه تقليديه سكاكين والاشتباك
وصلت لمكان اكدر اشوف كل شيئ
بوضوح رغم الظلام. كنت مبطوخ علئ بطني
واراقب بعندي مابدأت العمليه ومحسيت الئ
فجوة السلاح براسي من الخلف ابتسمت وشاهدت
ممقهور لانو راح اموت بس مقهور لانو منفذت العمليه
ايا كلاب بلغو عليه الله يلعنكم بس شلون نكشفت
مستحيل اكو شيئ غلط
.
.
محمد ، بعد سفر احمد حياتي صارت ماينعرف
ليلها من نهارها الله يعينك يااحمد علئ كل هل
مسؤليه مااعرف من وين تجيني المشاكل
احير وين اصد مدري علئ شركه مدري علئ
مشاكل. العشيرة وطلايبهم ماادري هذن الي موتني
قهر مددات ثنينهم اختي وامي وبنتها الي هيه
قطعه من قلبي صار عشرة ايام اني اشرف علئ
علاجها قبل يومين ملك صحت بس طريت اخليها
نايمه حتئ ماتشوف بنتها وتنتكس حالتها بذالت
لسه ممتاكدين ملوك تعيش لو لا
اليوم خليت ميار بدالي بالمستشفى واني نزلت
البغداد لانو اخر مرة خابرة اسماء كانت كلش تعبانه
ومنها اشوف الاولاد وصلت للمزرعه استقبلوني
كلهم فدوة فدوة اروحلم هاذا يصيح عمو وهاذا
يصيح خالو ولد ملك ومتئ
يصيحون خالو ولد باقر عمو
واسر بابا فدوة ضليت لحد ورة الغدا وياهم
محمد ،،، عمار مااعرف شلون اجازيك انت ومنئ
عمار ،،، صدك كذب يمعود اصلا نعتبر نفسنا طالعين
سياحه روح ولتشغل بالك
محمد ،،، والله مطر اروح وانت مطر تتحمل مااثق
بااي شخص بهل وقت
عمار. ،،، باامانتي الولد دكتور روح ولا تشيل هم
محمد ،،، مشكور وماقصرت والله
.
.
محمد ، كشفت عبئ الولد كلهم اخاف بيهم شيئ
الحمد الله صحتهم جيدة بوستهم وبست راس منئ
اختي نطيت مصرف الزينب وصويتها عليهم
وطلت بسيارتي متوجه المستشفى. اريد اشوف
اسماء لانو كلش تعبانه اكيد اهمال
وصلت المستشفى سئلة عليها بالاستعلامات
شافني الموضف خطيه طار بيه شلون ميعرفوني
واني داومت سنه كامله بهل مستشفى گ مدير
قسم الجراحه والاورام اخذت رقم الغرفه
مال اسماء صعدت قليل تعرفو عليه كنت لابس
كمامه و نظارة وبصراحه حالتي يرثئ لها
نسيت الاناقه من لمن رجعت صعدت سئلة علئ
دكتورتها كالو بغرفتها رحت طرقة الباب كالت تفضل
دخلت كتلها
محمد ،،، السلام عليكم دكتورة
اباوع عليها تكتب رفعت راسها وباوعتلي
كالت نعم تفضل. يعني حتئ،سلام ماردته عليه
ضحكت وكتلها وعليكم السلام من الاصول
تردين السلام يا دكتورة ابتسام
دكتورة ،،، وحضرتك جاي تعلمني الاصول
محمد ،،، لا العفو الاصول طبع ينزرع بالبشر
منتعلمه بهل سرعه عفتها وطلعت
متستحق اتعامل وياها اصلا
نزلت الغرفة المدير شافني طار بيه دكتور كلش
محترم
دكتور ،،، المن ندين بشرف هل زيارة دكتور محمد
او نكول برفسور محمد
محمد ،،، محمد يكفي وشكرا الك علئ هل استقبال
الحلو ياريت باقي دكاترة يتعلمون منك لباقه
دكتور ،،، ليش من زعجك انت تكعد ونحن نطلع
محمد ،،، تسلم بس عندي مريضه هنا من كم يوم
واجيت شخصيا اعاينها بس دكتورتها مموجودة
دكتور ،،، تفضل اني ارافقك
محمد ،،، والله ياريت شكرا الك
.
.
محمد ، طلعت اتمشئ اني والمدير ونضم النا
دكتور صديقي مدير قسم صعدنا لغرفة الدكتورة
المسؤله نفسها طرق الباب المدير ودخلنا
دكتور ،،، السلام عليكم شلونج دكتورة
دكتورة ابتسام ،،، وعليكم السلام دكتور تفضل
ليش مطلبتني حضرتك كان اني اجيت لعندك
دكتور ،،، لا اني اجيت خصيح مع الدكتور اعرفج
دكتور محمد ال جابر كان عندنا من افضل دكاترة
مدير قسم الجراحه ولاورام السراطانيه
دكتورة ابتسام ،،،اهلاااا وسهلا دكتور
محمد ،،، باوعتلها من فوك ليجوة رفعتلها حاجبي
كامت تمتمت كتلها اهلا
دكتور ،،، الاستاذ محمد عندة مريضه حاب
يتابعها شخصيا
دكتورة ابتسام ،،، اكيد تفضل
دكتور ،،، تمام اتركم اني اخذو راحتكم
دكتور محمد اليوم عازمك علئ العشاء مااقبل رفض
محمد ،،، ممنون منك عزيمتك مترد اكيد لكن
صدقا عندي ضرف ولازم ارجع من وقت لاهلي
وعزيمتك عندي انت وكل الدكاترة بااقرب وقت
دكتور ،،، هاذا الحجي المضبوط انتظر منك ياشيخ
محمد ، سلمو وراحو باوعت ابتسام واقفه ورايه
ومدنكه كتلها. ارفعي راسج دكتورة من تواضع
رفعه الله نحن يسمونه ملائكة الرحمه لازم
نكون بااسوء حالاتنا مبتسمين بوجوه الناس
وتعامل بطيب ونريح النفوس لانو الي يزورنا
اكيد محتاج دعم منا نفسيا وجسديا وابسط
شيئ ممكن نقدمه الهم الكلام الحلو والابتسامه
احيانا الانسان كل مايحتاجه كلمه طيبه تريحه
ملازم نتغطرس ونتعامل بتكبر هاذي يسمونها
خيانه للمهنه لانك اقسمتي انك تكوني رحيمه
وتمارسين مهنتك بكل انسانيه مو حتئ سلام متردي
دكتورة ابتسام ،،، جدا اسفه دكتور لكن كلش تعبانه
وعندي ضروف
محمد ،،، لازم نفصل حياتنا الشخصيه عن العمل
لكد شخص ضروفه يادكتورة المهم اسفك مقبول
واتمنئ هل شيئ ميتكرر وياغيري
دكتورة ابتسام ،،، ان شاء الله تفضل نشوف مريضتك
محمد ،،، شكرا تفضلي
دكتورة ابتسام ،،، شنو اسمها.
اسماء ،،، اسماء ......
دكتورة ابتسام ،،، اسماء دخلت قبل كم يوم
كانت تعاني من نزف حاد اثر اعتداء واضح هل شيئ
لكن المريضه نكرت هل شيئ وكالت حادث
وهل حادث سبب الها تلف بالرحم وبسبب النزف
صار عندها تضخم واملس لذالك لحد هل لحضه
نحن نحاول نقدم الها كل شيئ ممكن يساعدها
محمد ،،، ممكن اعيد الها صورة
دكتورة ابتسام ،،، اكيد. تمام. خلال ساعه يكون
كل شيئ جاهز.
محمد ،،، تمام راح احجي ويه مريضتي وانتو شوفو
شغلكم.
دكتورة ابتسام ،،، تدلل.
محمد ،،، دخلت شفت ولد شاب كاعد باب الغرفه
شافني وقف
محمد ،،، السلام عليكم شلونك اكيد انت اخ ام سجاد
( اسماء)
،،،،، وعليكم السلام ورحمة الله وبركاته صح اني
وانت محمد اخو باقر صح
محمد ،،، صح واني جاي نيابه عن باقر وجدا اعتذر
ماكدر يجي لانو خجلان منك وضروفنا كلش صعبه
اتمنئ تتقبل اعتذاري
،،،،، الها وقت ونحجي حاليا الاهم صحة اختي
وتكوم بسلامه
محمد ،،، ان شاء الله مابيها الئ العافيه
واني شخصيا راح اتابع حالتها.اوعدك بااسرع وقت
راح تكون افضل مما كانت
،،،، متقصر دكتور
محمد ،،، هاذا واجبي هاي اختي والي صار سؤء
تفاهم وبسبب الوضع طول اعذرنه
،،،، كلامك كافي
محمد ،،، ممكن اشوفها
،،،، اكيد تفضل
محمد. ، دخلت اباوع عليها كلش تعبانه وجها اصفر
شكد انقهرت عليها وزاد حقدي علئ الحقيرات كتلها
محمد ،،، السلام عليكم شلونج ام سجودي
حمد الله علئ،سلامه يمعودة خوفتينا عليج
هاي مو هياتج مثل الورد
.
ابتسمت بتعب وكالت تسلم ولدي شلونهم الله عليك
فتحت موبايلي وشوفتها فيديو صورته الهم
الضهر من كنت العب وياهم وهم يضحكون
شافتهم وكامت تبجي كتلها
محمد ،،، هاي شنو يمعودة يلا تحسني بسرعه
اخذج يمهم كالت
اسماء ،،، صدك وباقر اخاف ميقبل
محمد ،،، باقر شنو انتي بحمايتي انتي ولدك
وراح خلي يتوسل ترجعيله ولله
وطمني راح اشرف علئ علاجك بنفسي
حتئ ترجعيلهم بااسرع وقت.
باوعت اخوها طلع كتلها
محمد ،،، ام سجاد انتي خدمتيني خدمه اموت
وماانساها وقفتك ويااختي وشيخ واتصالج بيه
وبلغتيني. بلي صار وتفادينا المشكله فضل
ابد ماانساه الج وبس ترجع الماي لمجاريها
تدللين علينا واكيد ملك مراح تنسئ فضلج ابدا
اسماء ،،، اهم. شيئ تكوم بسلامه واني ارجع
الولدي وزوجي كل شيئ مااريد اصلا شنو ناقصني
خيركم مغركني اني مراة مااريد غير استر نفسي
اخوي مو مال حمل وعمامي حقراء هم سبب حالتي
محمد ،،، والله لاخذلج حقج مربع من كل من اذاج
محمد. ، صارت تبجي عفتها وطلعت
اتابع تقاريرها يقول ابو المثل اوكع بشدة واعرف
صديقك من عدوك وهاذي البنت كل عمري
كنت اضوج منها لانو مرة خابرتني كالت
لما تطلع وياميار وماخذة حريتها متعرف ميار
اخ لما برضاعه ولا اني كنت اعرف واسماء كانت
تعرف بيه احب لما واليوم تااكدت اسماء مكانت
نيتها سيئه من خابرتني وكالت الي بوقتها
لانو مرة ثانيا من شافت اهلي بخطر خابرتني
وكالت الي. هل بنت اثبتت انها جوهرة رغم
بساطتها لذالك تستحق كل الاحترام
الانسان يثيت نفسه بالعقل والأدب لا بالأصل والنسب
وفعلا المثل انطبق علئ اسماء بنت عاديه
ادب وعقل. عكس بنات الحسب وانسب الي
طلعو ملعونات حسبنئ الله ونعم الوكيل عليهم
كنت واقف واجتي دكتورة ركزت عليها
اني هاي وين شايفها. ماادري ابتسمت وكالت
دكتورة ابتسام ،،، شكلك يكول عندك كلام دكتور
محمد ،،، اي والله بالاول منتبهت بس هسه اكول
مااعرف وين شايفك
دكتورة ابتسام ،،، بالقصر عند شيخه ملك
محمد ،،، صدك شلون
دكتورة ابتسام ،،، اني ابتسام اخت دكتور معتز
بي زواجك كنا من ضمن الضيوف. واني بالاول
معرفتك لذالك شفتني مهتميت
محمد ،،، او.طلعنا اصدقاء.
دكتورة ابتسام ،،، كلش.
محمد ،،، هل الهلا دكتورة بس ليش هنا
اقصد انت مداومين بالديرة
دكتورة ابتسام ،،، بلي اني عيادتي هناك بس
اداوم يومين بااسبوع هنا ويوم خفر.
محمد ،،، اها جيد بالتوفيق.
دكتورة ابتسام ،،، شكرا الك وحضرتك وين تداوم
حاليا لانو سمت كنت مدير قسم بهل مستشفى سابقا
محمد ،،، فعلا كنت وحاليا بالامارات
مستشفى شيخ ......... ونفس شغلي الي كان هنا
دكتورة ابتسام ،،، ماشاء الله الله يوفقك
محمد ،،، شكرا ولك بالمثل
دكتورة ابتسام ،،، هاي تقارير كملت
محمد ،،، ممكن استخدم حاسبتك
دكتورة ابتسام ،،، اكيد تفضل
محمد ،،، شكرا راح اخذ مكانك تفضلي
دكتورة ابتسام ،،، اذا ازعجك دكتور اطلع
محمد ،،، لا لا تفضلي. مجرد ارسل اميل واتصال
عادي.
دكتورة ابتسام ،،، تمام. كعدت
محمد ،،، بتسمت الها طلعت موبايلي واصلت
علئ،لما عادي احجي وياها اصلا كل يوم اشوفها
من كانت تجي لبيتنا ومن تاخذ اسر وتتصل بيه
مشكلتنا نحن الطبقه الارستقراطية. مانظهر
مشاعرنا حتئ لو كانت بركان نتصرف طبيعي
ولكل حادث حديث. وحتئ كانو ماكو شيئ
وهاذا الي خله علي زوجها يطمن عباله نسيت حبي،
ردت. طبعا كل شيئ متعرف بخصوص وضعنا
لانو ماخبرتها اخاف عليها لانو تعبانه بسبب الحمل
بس والله من اسمع صوتها كل خليه بجسمي
تستنفر مو بايدي احبها بجنون واتمنئ تكون سعيدة
حتئ اذا مو وياي كوة احجي وياها
لما ،،،، الوووو هلووو حمودي شلونك مشاقتلك انت
ولاولاد والله ليش. عفتوني ملل هنا بدونكم
محمد ،،، هلووو لموش تمام الحمد الله شيخ علي
ميقصر وياج ميخليج تملين حياله
و تعرفين شيخ احمد وسوالفه مقبل نرجع حاليا
لما ،،،، اووف الله يسامحه كل يوم براي بابا
مكتلي ليش تصلت انت بذات اعرفك متتصل اذا
مو لسبب
محمد ،،، ههههه ليش يولي مو كل يوم اخابرك
لما ،،،، احلففففففف مو عمود اسر
محمد ،،، ههههههه صح المهم اتصلت بيج
اريد استشارة لمريضه
لما ،،،، مااريد كشفيه يلا
محمد ،،، تدللين بس افتحي اميلك بعثتلك تقرير
اريد تقيمين الحاله
لما ،،،، اوك دقائق ضل وياي.
محمد ، تمام.
لما ،،، مممم الضاهر انو المريضه عندها تمزق
بالرحم وهل شيئ مو فيسيولوجي بل هوة اضتراري
محمد ،،، صح تعرضة لحادث
لما ،،،، واضح والي متااذي عنق رحم مااعتقد من
ممارسه او اجهاض اضاهر كانت مسويه منع حمل
اصطناعي وبسبب الحادث صار تمزق بس لتخاف
تقارير جيدة وممكن نعالج المريضه سريريا
الئ اذا كانت تعاني من ضربات قلب متسرعه
ونزول رحم او مشاكل اخرئ
وهل شيئ مكدرت اعرفه ممذكور بتقريب مثلا گ
نزف اذا عندها نزف قوي لازم نستئصل الرحم
فورا لانو راح يسبب الها مشاكل.
دكتورة ابتسام ،،، عفوا دكتور ممكن
محمد ،،، اكيد تفضلي. لما دكتورة ابتسام مسؤلة
الحاله.
لما ،،،، اهلا دكتورة
دكتورة ابتسام ،،، اهلا بك المريضه ماعدنها نزف
قوي بس تعاني من تضخم و تكلس في شوية
اوساخ لكن متتقيم نزف
لما ،،،، حمودي اسمعني حسب كلام دكتورة
لازم فورا تعالج الوضع المريضه لازمها عمليه فورا
لانو الضاهر عندها نزف داخلي وهاذ سبب تضخم
في تسدد بالانابيب اذا معالجنه الموضوع. فورا
راح يصير معها تسمم بالدم فورا عمليه
وبعدها نقرر اذا كان لازم
استئصال او لا اذا نحجت هل عمليه وجع الرحم
ياادي وضيفته ميحتاج استئصال.
محمد ،،، دكتورة ابتسام انتي مستعدة لهل خطوة
دكتورة ابتسام ،،، تعذرني دكتور مو شغلتي
لما ،،،، عفوا منك دكتورة لعد شنو شغلك مو انتي
نسائيه
دكتورة ابتسام ،،، صح بس اني اختصاصي ولادة
ورعاية حوامل مو عمليات كبرئ وهل عمليه
تعتبر كبرئ،
محمد ،،، لما. وهسه شلون. دبريني
لما ،،،، باوع عندي دكتورة صديقتي انتو بااي
مستشفى مستشفى. ال ....... جيد راح
اطلب منها تجي تسوي العمليه لخاطرك حمودي
محمد ،،، شكرا لما ماانسئ معروفج
راح جهز كل شيئ بس بسرعه فدوة
لما ،،،، ماشي عيوني تدلل بعد ساعتين ان شاء
الله هيه عندكم اصلا هاي راسلتها
محمد ،،، تمام.
محمد. ، فعلا خلال ساعتين اباوع اجتي بنيه
الي يشوفها يكول اهلها جايبيها من الروضه
ومتيهيها هنا. تقربت عليه وكالت بصوت يموت
ضحك ومبتسمه
مرحبا حضرتك دكتور محمد
محمد ،،، نعم تفضلي،
اني دكتورة ماري اجيت حسب طلب دكتورة لما
حتئ اسوي العمليه
محمد ،،، باوعتلها من فوك ليجوه واجتني
ضحكه والله مو قصدي بس شكلها مو مال
دكتورة اي واحد بدالي يشك انو هل بيبي دكتورة
طولها تقريبا 150 عود اسنان شعرها ابيض
مسويته جديله بس شهادة الله حلوة
عيونها فاقعه وجها ثلج اوردتها واضحه
اباوع علئ اديها الاضافر اخضر واصفر واصابعها
فعليا جكاير وكف ايدها بحجم كف اسر. هههه
خزرتني يبووو مو عيون بلوة ولبسها خخخ
لابسه تشيرت ربع ردن وبطرون ابو صدريه
واترانشروز وردي كتلها.
محمد ،،، اهلا دكتورة ماري تفضلي
اخذت مني التقارير باوعت عليهن قلبتهن كالت
دكتورة ماري. ،،، ماكو شيئ،خطير مجرد تكيس
راح تكون العمليه ليزريا وطول ساعه
حالت رحم جيدة لكن تضحم بسبب الانسداد
جهزو للعمليه
محمد ،،، هيه تحجي واني فاك حلكي عليها
اشك بالموضوع. فعلا جهزو للعمليه ودخلو اسماء
وابتسام دخلت وياهم.
رجعت خابرت لما
محمد ،،، الووو وحق هوة علي يا لما اذا صار شيئ
للمريضه الئ اولدج دفرات
لما ،،،، هههههههه شحدك نسيت شيوخ علي ببطني
فديتهم
محمد ،،، وج هاي دكتورة بشرفج لما
لما ،،،، افضل دكتورة هيه ماري لشوفها كيوت
ودلوعه درست بروسيا وياي والاولئ علئ دفعتها
وكلش،شاطرة واصلا كوة قنعتها حتئ،تسوي
العمليه
محمد ،، كوة قنعتيها ولج هاي بمصاصه اقنعها طفله
لما ،،،، ههههه والله اذا سمعتك تموتك
محمد ،،، شسوي تعضني
لما ،،،، مصيرلك جارة لتزعج صديقتي ترئ
بعد ابد مااساعدك بشيئ.
محمد ،،، لا يابا شعلي بيها اخاف تصير تبجي
ومالي خلك اسكت بيبيات تعرفين بيه
لما ،،،، اي حباب اتركها ماري دلوعه وبسرعه تبجي
محمد ،، تمام. شكرا لما
لما ،،،، العفو ولو تدلل ابو اسر دئما بالخدمه
محمد ،،، متقصرين سلام
محمد ، كلش تعبت كان يوم شاق
والحمد الله. لحكت اسماء وعالجناها وفعلا
ساعه وشويه وطلعت دكتورة ماري وكالت
دكتورة ماري. ،،، كل شيئ تمام لا تشغل بالك
واذا صار شيئ غير متوقع هاذا رقمي دكتور
تكدر تتصل بيه بااي وقت. واعذرني من تقصير
عليها العافيه
محمد ،،، مقصرتي ومشكورة دكتورة يعطيك العافيه
جدا مممنونك
محمد ، ضحكت وراحت وصيت دكتورة ابتسام
علئ اسماء واتقفت وياها تبقئ هل اسبوع هنا
بالمستشفى ويااسماء
ورجعت باليل للديرة مباشرتا لعند ملك
مااكدر اعوفهك وحدهم وكل بالي
عند احمد الي راح بايع دمه گ العادة.
.
.
.
.
.
يتبع. 🙏
بارت كلش طويل تصويت⭐ ومتابعه لحسابي بليز
قرأءة ممتعه احبتي 💋