انت خليك بمكاني وگلي بالحل اليريح
بيه صوت يهزله دنيا وماكدر باسمك يصيح
طحت ماخذت النصيحة
وهي مو كل طيحة طيحة
فرق بين تطيح صخرة والجبل كله يطيح
انت خليك بمكاني الصار بيه يصير بيك
بنص النهر لازم تعبره وتلتفت ماتلكه ايديك
انه هذا الصار بيه
بنص نهر عافني اديه
وعالجرف بس الشماتة وانت گلي شلون اصيح
انت خليك بمكاني ، نهر وتعوفه الجروف
انت الحنين قْسيت شلون ترحمني الضروف
صرت اعده من العده
وطلعت وعودك ندى
وجمرة ضليت بغيابك ، وارضه لو ترجعلي ريح
سير ياشريج الهيل تلكاني نعش متعوب
مر جم برزخ ابروحي ولا مريت
يالغنيتلك عمرين غير الماعرفهن وين
عدمن صارن الياشيب
يالهجرك سهر مغبون غث الليل والحسبه
يبلسم كل صبر مطعون
مر بيه شتال اعيون
اخظرلك دمع تواب
حطني ابكل عزه ايوازيك
اساجي الفاجدات اعيون وتميز ابنصهن حيف
يالمالك عرف بالماي دخانك وصل لطيف
درت وجهي ودريت بصفنتك حيرة
وتلاگينه غريب يحب غريب ومالهم ديرة.
هو ذنبي لا سكنت اويل اجوني
اولا تبعت الراحلين
لا آنه خالي ومختلي ومرتاح بالي
ولاني من العاشگين
ومدري ليلي شلون اخلصه
اولا سهرت اويل سهارى
ولاني من النايمين
اولاني عابد وارتجي الجنه
امن اموت
اولاني من الكافرين ..
يا شوگ امس
شمعة هوانه اتعالج باخر نفس
شد حيل يا جدم الندم
كون افك كلبي وكل لناس
هاكم يوجع الما ينكتب
غنيت شكثر لناس
ما غنالي بس حزني
اول خطوة بـ الرجعة
اريد امشيها ما اگدر ،
اركض بية ما بية
كحل مهزوم من دمعة
سراب و شـركض اتأخر ،
چذب
والشيب ما اضنّه تذاكر موت
بهالحالة الجفى من الرقم اكبر ،
السنين تمر عكس عالثوب يبدي يموت من يزغر ،
واني المثلي يتكتر ،
يتمشه الخضار وتلتفت گاعه
انه محبس قديم لهسه يتذكر
شكو واحد گبل باعه
و اني الليلته تطول
اليصفن ساعة عالساعة ،
اني و باختصار هواي
الـ مايبچون بوداعة ..!
وكول شبيه ما انحب اثاري
صدك تارسني♥️
ياحلاتــك
من تسولف وانت تضحك "
وانا مو يم السوالـف
يم ضحگـتك ♥️
العمر طير بـ قفص مهجور
والريش اشتهه الموعد
العمر .. من تبتعد يبعد.🖤