اشعار

هنيالك علية شكد افكر بيك⚘
وهنيالك علية شكثر حبيتك⚘
وهنيالك يغالي ويالسكنت الروح⚘
وهنيالك لأن صار الكلب بيتك⚘
حبيتك محبة تساوي كل الكون⚘
وبوسط الجسد والروح خليتك⚘
اخاف اني احسدك من جمال البيك⚘
وعن عيون كلبي هواي ضميتك⚘

مو طبعي الجذب لو ﮔلت احبك موت
لان حبي الك ما صار من نظـــــــــرة
ومو طبعي الجذب لو ﮔلت ميت بيك
لان دونك احس مخنوك بالعــــــــبرة
وموطبعي الجذب لو ﮔلت ما انساك
لان صورة خيالك بالگلب جمـــــــــرة
ومو طبعي الجذب صدگني هايم بيك
لان حبك عــــــذاب ونار مستعـــــــرة

طشيتهن و تلملمن .
ولميتهن و اطشرن .
يوم الردتهن ما لفن .
يوم العفتهن چودرن .
يمي و عليه .. تراشدن .
شنهو السبب
بس ما حچن :
آجروحي حيل آستهترن .
رگصن رگص .. مثل ..الغجر
هزن خصر ما يستحن