"မေမေ သားကိုလေအတန်းထဲကကောင်တွေကလက်ပြတ်ကြီးရဲ့သားဆိုပြီးလှောင်ကြတယ်..."
သားငယ်လေးကျောင်းကပြန်လာလာချင်းပြောလိုက်တဲ့စကားကြောင့်ထိုင်ခုံတွင်ထိုင်နေသောယောက်ျားဖြစ်သူအားကြည့်မိတော့ဝမ်းသာဂုဏ်ယူတဲ့အပြုံးနှင့်သာပြုံးပြနေသောချစ်ရသူ.....
"သားကိုမေမေပုံပြင်တစ်ခုပြောပြမယ်နားထောင်ချင်လား..."
"ဟုတ်...."
သားငယ်လေးရဲ့စကားသံအဆုံးအတွေးများက
ရက်စက်လွန်းခဲ့တဲ့နွေဦးတစ်ခုစီသို့....
^^^^^^^^^^^^^^^^^^^^^^^^^
"သဲငယ် နောက်မှာပဲထိုင်နေနော်ရှေ့ကိုမလာနဲ့..."
"မောင်လဲဂရုစိုက်နော်...."
defenders line အတွက်တာဝန်ယူထားတဲ့မောင်ကနောက်ကအထိုင်သပိတ်မှာထိုင်ကာဆန္ဒပြနေတဲ့သဲငယ်ကိုပိုပြီးတော့စိုးရိမ်နေလေရဲ့....
"မောင့်ကိုစိတ်မပူနဲ့...."
"မပူလို့ရမလား....ခွေးကောင်တွေကပစ်ချင်တိုင်းပစ်နေကြတာ..."
"သူတို့ပစ်တိုင်းရကြေးလား...သဲငယ်ရဲ့မောင်က super man လေ...အဟဲ..."
"ပြောင်ချော်ချော်လုပ်မနေနဲ့...သွားတော့..."
ဟာသလုပ်ကာရယ်နေသောမောင့်အားဆူလိုက်တော့နှုတ်ခမ်းလေးကိုဆူလေသည်....
"ကဲဆူပုတ်မနေနဲ့...သွား...လိမ်မာတယ်..."
ခေါင်းလေးကိုပုတ်ကာပြောလိုက်တော့မှမျက်နှာလေးကာပြုံးကာသဲငယ်ရဲ့နဖူးလေးကိုနမ်းလာပြီး.....
"Happy 5 years anniversary သဲငယ်..."
ဟုတ်ပါတယ်....ဒီနေ့ကသဲငယ်တို့ရဲ့ anniversary နေ့ချစ်သူသက်တမ်းငါးနှစ်အတွင်း anniversary ကိုဒီလိုမျိုးဆန္ဒပြရင်းဖြတ်သန်းရလိမ့်မယ်လို့လုံးဝမထင်ခဲ့တာအမှန်ပါ....
"အင်း...happy anniversary ပါမောင်...."
"ဒီနှစ် anniversary လက်ဆောင်ကိုတော့ Democracy ပဲပေးတော့မယ်...အဲ့တာမှမောင်တို့သားလေးတွေသမီးလေးတွေကိုဖေဖေတို့ကနွေဦးတော်လှန်ရေးမှာ fighters တွေလုပ်ခဲ့တာလို့ပြန်ပြောလို့ရမှာ...."
"ကဲပါဟုတ်ပါပြီ fighter ကြီးရဲ့.... သွားတော့ သူများတွေအမြင်ကပ်နေပြီ...."
သူများတွေဆိုတာအခြားသူတွေတော့မဟုတ်ဘေးနားမှာထိုင်နေကြတဲ့သူငယ်ချင်းများဖြစ်လေသည်....
"အင်းအင်း...မောင်သွားပြီနော်....ဂရုစိုက်..."
"ဟုတ်..."
မောင်ထွက်သွားတော့မှသံချပ်သံများကြွေးကြော်သံများသီချင်းများနှင့်သပိတ်လေးထဲကိုအားတက်သရောပါဝင်လိုက်သည်....
"ငါ့ညီ....ဟိုကမင်းကောင်မလေးလား...."
defenders line မှာအတူနေတဲ့အကိုတစ်ယောက်ကမေးလာတော့....
"ဟုတ်တယ်အကို...ဘာဖြစ်လို့လဲ..."
"နှောင်ကြိုးတွေရှိရင်နောက်မှနေငါ့ညီ...ဟိုစစ်ကျွန်တွေကလူစိတ်ရှိတာမဟုတ်ဘူး...."
"အဲ့နှောင်ကြိုးလေးအတွက်ပဲရှေ့တက်နေရတာအကိုရေ..."
စကားလေးတပြောပြော သီချင်းလေးတငြီးငြီး
သံပြိုင်ရေရွတ်သံများဖြင့်သာယာနေတဲ့သပိတ်စခန်းလေးဟာခနလေးအတွင်းမှာသေနတ်သံများဖြင့်ဆူညံသွားလေသည်....
အစပိုင်းခုခံနေကြသော်လဲအခြေနေမဟန်သောကြောင့်ပြေးရန်သာဆုံးဖြတ်လိုက်ကြတော့ချစ်ရတဲ့သဲငယ်လေးလက်ကိုဆွဲကာပြေးရတော့သည်....
"sniper တွေရှိတယ်ဟေ့သတိထားကြ..."
ဘေးနားကပြေးသွားတဲ့သပိတ်ခေါင်းဆောင်တွေရဲ့အော်သံကြောင့်မောင်ကပြေးနေရင်းပင်သဲငယ်အားဖက်ကာခေါင်းကိုဖွတ်ထားလေသည်....
'ဒိုင်း....'
'အား....'
ကျယ်လောင်စွာထွက်ပေါ်လာတဲ့အသံနှင့်အတူသဲငယ်ပေါ်သို့ပြိုလဲကျလာတဲ့ခန္ဓာတစ်စုံ.....
"မောင်....!"
အဝေးကပြေးလာသောကျည်ဆံကချစ်ရသူရဲ့
လက်ပေါ်သို့ဖြတ်ပြေးသွားလေတော့နာကျင်မှုကြောင့်ဖြစ်ပေါ်လာတဲ့မောင့်ရဲ့အော်သံ.....
နာကျင်မှုကြောင့်ပြိုကျလာတဲ့ချစ်ရသူ၏ခန္ဓာကိုယ်ကိုထိန်းသယ်ကာသွားနေတော့လမ်းမှာအသက်လုကာပြေးနေကျသူများကအမြင်မတော်စွာကူသယ်ကြကာ medical team စီသို့အရောက်လာခဲ့ကြသည်....
နောက်ဆုံးရလဒ်ကတော့လက်တစ်ဖက်ဖြတ်လိုက်ရခြင်းဖြစ်လေသည်....
လက်တစ်ဖက်ဆုံးရှုံးခဲ့ရသော်လည်းစိတ်ဓာတ်မကျအားမလျော့တဲ့မောင်ကဒီနွေဦးကြီးအဆုံးသတ်သည်အထိသဲငယ်လက်ကိုတွဲကာအဆုံးထိသွားခဲ့လေသည်....
^^^^^^^^^^^^^^^^^^^
"အဲ့တာဆိုအဲ့မောင်ဆိုတဲ့သူက...."
သားငယ်လေးအမေးကိုသဘောကျစွာရယ်ရင်း....
"ဟိုမှာထိုင်နေတဲ့သားဖေဖေသူရဲကောင်းကြီးပေါ့...."
"ဒါဆိုဖေဖေကနိုင်ငံအတွက်အနစ်နာခံခဲ့တာပေါ့..."
"သားဖေဖေအနစ်နာခံခဲ့တယ်ဆိုတာအပြောပလောက်ဘူးတချို့မိသားစုတွေဆိုလူမစုံကြတော့ဘူး....တစ်ချို့ဆိုသူတို့သားသမီးလေးတွေရဲ့မျက်နှာကိုမမြင်ခဲ့ရဘူး...တစ်ချို့ကလေးတွေအဖေခေါ်စရာမဲ့ခဲ့ကြတယ်.....
တစ်ချို့ချစ်သူတွေဆိုသေကွဲကွဲခဲ့ရတယ်...တချို့ဆိုငယ်ငယ်ရွယ်ရွယ်နဲ့ထောင်ထဲရောက်ခဲ့ရတယ်...."
"အဲ့နွေဦးရဲ့အဆုံးသတ်ကဘာဖြစ်သွားလဲ...."
"ဘယ်တော့မှဇွဲမလျော့...အရှုံးမပေးတတ်တဲ့လူငယ်တွေရှိနေတော့သေချာပေါက်အနိုင်ရခဲ့တာပေါ့...အဲ့တာကြောင့်မလို့နောက်တစ်ခါသားငယ်လေးကိုသူငယ်ချင်းတွေကလှောင်ရင်ငါ့အဖေကနွေဦးသူရဲကောင်းကြီးလို့ပြောပြီးအခုမေမေပြောပြတဲ့အကြောင်းတွေပြန်ပြောပြလိုက်....ဟုတ်ပြီလား..."
"ဟုတ်....ဒါနဲ့မေမေကရောနွေဦးသူရဲကောင်းပဲလား...."
"အဲ့ဒီနွေဦးကိုတော်လှန်ခဲ့တဲ့သူတိုင်းအမှန်တရားကိုပဲလက်ခံတဲ့သူတိုင်းကသူရဲကောင်းတွေပဲ...ဒါပေမဲ့မေမေကတော့သူရဲကောင်းထပ်နွေဦးသူရဲကောင်းရဲ့ပါရမီဖြည့်ဘက်ပဲဖြစ်ချင်ခဲ့တယ်...."
ပါရမီဖြည့်ဘက်လေးရဲ့စကားသံအဆုံးမှာတော့နွေဦးသူရဲကောင်းလေးကသဘောကျစွာရယ်လေတော့သည်....
_________________________
The end
#ယွန်းမြတ်ခြယ်
18.3.2021
ရေးထားတာ 3 လာပိုင်းတည်းကခုမှတင်ရတော့တယ် 🙂