يونس دخل مكتب زين وبعدها مكتب بدر بانفعال كانو فاضين خرج بسرعه ورزع الباب وراه
يونس بصوت عالي: يااااامرررررسي انت يازفت
مرسي جيه يجري.... ايوه ايوه يابيه
يونس بانفعال: زين فين والزفت بدر دا فين
مرسي: مشيو يابيه
يونس خرج وكان مضايق جدا واول ماوصل بيته نده علي زين بصوت عالي
يونس: ززززززين يااااااااازينننننن
زين خرج بسرعه علي صوت يونس وقوت خرجت بسرعه وبعدها بناتها
زين بتعجب من صوت ابوه العالي: في ايه يابوي
يونس: في ايه يابيه اكده تيجي منك. انت يازين
قوت بقلق: في ايه يايونس مالك بس بتزعق كدا ليه
يونس بغضب: اسكتي انتي وفين الزفت تاني بددددر
ياسين بقلق:هو في ايه عملو ايه الاتنين مالك ساير كدا ليه وهمس لزين....هببت ايه الله يخربيتك
زين:ماعرفش انا مش فاهم حاجه
بدر رجع من باره وداخل استغرب ان الكل متجمع.... في ايه مالكم متجمعين اكده ليه
يونس:انت شرفت انت كمان تعالي يابيه
بدر دخل وباصص ليهم بتعجب ومش فاهم في ايه
يونس:مربي تعابين في بيتي ياك اكده تطعنوني في ضهري انتم الاتنين
زين:انا مافهمش حضرتك بتتحدت عن اي
يونس:علي ارض اللي اشتريتها يابيه الارض اللي انت عارف انها ملكي ملك يونس الجوهري اللي محدش في البلد كلهااااا يجرأ يجرب من حاجه تخصني والدي يتعدي حدودو معاي وياخد حاچه تخصني
زين:ارض ايه انا مافهمش انت بتحددت عن ايه انا معملتش حاجه
يونس زعق.... زززين بلاش طريجه دي ولسه هيهجم.عليه قوت وقفت قصاده واتكلمت بهمس:اهدي
يونس بعدها عنه براحه.....انت عارف زين انت والاستاذ اللي جمبك دا ان الارض دي انا جولت هشتريها تقوم تشرتيها انت
بدر:انا مافهمش حضرتك بتتحدت عن ايه وانهي ارض دي
يونس مضايق من طريقتهم معاه ووقف قصاد زين بتحدي وغضب:بلاش تختبر صبري اكتر من اكده عشان انا مش حابب اكده ولاحابب انك تجف جصادي
قوت بخوف:طيب ممكن تفهمني عشان واضح ان حصل سوء تفاهم
يونس بص لبدر: انت مش عارف ان الارض اللي ورا شونه انا جولت هشتريها
بدر: ايوه
يونس مسكه من هدومه بغضب: ومدام انت عارف ماجولتش ليه لزين
زين: انا مش محتاج حد يجولي انا عارف انك عايز.تشتريها
يونس.بصله بصدمه: يعني عارف وبتتحداني يازين
زين: هو لو حضرتك هديت انا هتحددت معاك وهفهمك كل حاجه
يونس:مفيش كلام واعرف انك اللي اخترت تعايدي يونس الجوهري استحمل بجي يازين بس ماترجعش تندم وسابه وطلع وقوت طلعت وراه وزين قعد بكل هدوء
ياسين:انت اتجننت يازين انت بتتحدي يونس ليه كدا بس
انس:انا عارف انك جبار زيه بس انت كدا لعبت في عداد عمرك وهتوحشنا
زين:انا مش بتحدي حد يا خال والموضوع غير اكده خالص بس وانت ياانس اهدي وشوف شغلك عاد عشان مش فايجلك
انس:يخربيت برودك دي انا ماشي وهمس لساره لو حصلت حاجه ابقي كلميني
ساره: استني هنا انت هتمشي
انس: ايوه عندي شغل كتير
ساره: شغل ايه بس اللي عندك دلوقتي انت مش شايف الحرب اللي بين ابوك وبين زين
انس: ماتكبريش الموضوع هبابه وابوكي هيهدي انا ماشي
بدر قعد جنب زين:هوانت ماجولتش لعمي يونس علي ارض
زين:لع
بدر:بس غريبه يازين هو عرف منين.لو من صاحب الارض هيفهمه الحجيجه وهيعرفه انك اشتريت الارض ليه
زين بعدم اهتمام:مش فارجه يابدر
بدر:مش.فارج معاك.زعل ابوك يعني
زين:اكيد مش جصدي اكده بس كل حاجه هتتعرف اما العجود تيجي والبلد دي مفيش فيها حاجه بتستخبي
بدر:انت شايف اكده
زين:ايوه
بدر:هو مش.محمود كان عارف انك اشتريت الارض
زين:ايوه
بدر بصله ورفع حاجبه
زين:بدر بلاش كلامك العفش دي وسبج وجولت مبحبش اكده
بدر:هتشوفه امتي هتشوف امتي انه
زين قاطعه باندفاع:بدددددر بكفياك عاد انا مش عايز اسمع حاجه واصل خلصنا بجي
يونس كان غضبان من اللي حصل وقوت بتهديه بس هو رافض يسمعها
قوت:طيب انت اي اللي مضايقك كل دا عشان ارض اشتري غيرهامش هتحصل حاجه
يونس بانفعال:كيف يعني كيف ماهيحصلش حاجه كيف وطول عمر اسم يونس الجوهري خط احمر للكل محدش بيقدر يتخطاه باللي والدك عمله هيخلي الناس تتحدت علي ماعرفش احمي ارضي علي اخر الزمن اجول حاجه وتقع في الارض
قوت كلمه ابنك وجعتها اوي وفهمت يونس انه بيلومها :يعني لو كان انس اللي عمل كده كنت هتبقي بالحاله دي بردو
يونس: جصدك. ايه يعني
قوت بصتله بلوم وماردتش
يونس بصلها بغضب: اتمني ماكونش فهمتك صح ياقوت عشان وجتها
قوت: لا صح انت من وقت مادخلت عمال تزعق حتي من غير ماتديله فرصه يتكلم اسمعه وبعدين احكم وازعل منه بس اسمعه
يونس: ومن ميتي وانا بفرج بيناتهم وبجول ان زين حاجه وانس حاجه
قوت: بس وقت الجد حصل بقي ابني وابنك يايونس
يونس ضغط علي قبضه ايده عشان يتحكم في انفعاله: حديتك دي مش هيعدي بخير واصل بس مش دلوق وسابها وخرج ونزل مكتبه وفي غفير جيه خبط علي يونس
يونس باقتضاب:ادخل
الغفير: الحاج عرفه يايونس بيه ومعاه واحد بيجول من شهر العجاري
يونس:جيه في وقته دخله
يونس انتظرهم وهو اصلا مش طايق نفسه وبعد دقايق كانو دخلو
يونس:زين انك جيت كنت لسه هشيعلك حد عشان تجيلي بقي اكده ياواكل ناسك انت
عرفه:الله الله اي المجابله دي بس يايونس بيه
يونس:مجابله انت ليك عين تتحدت بعد اللي عملته
عرفه:انا عملت ايه عاد انا نفذت كل طلبات زين بيه وجبت موظف اها لحد عندكم.
يونس بغضب قام راح ليه : طلبات ايه وزفت ايه ومن مٍتي في كلمه بتمشي اهنه غير كلمتي شكلك جنيت علي كبر ياعرفه لووكنت عايز فلوس زياده كنت جولت وانا هديلك اللي تطلبه مش اكده
عرفه برعب من غضب يونس:اهدي بس يايونس بيه انت مافهمش اللي حصل
يونس:افهم ايه وزفت ايه انت ماعرفش ان الارض دي انا متفج معاك عليها
عرفه:يايونس بيه زين بيه دفع حج.الارض بس مامضاش عجود وجالي اللي هيمضي هوانت لانها ليك وادي الموظف اها عشان يسجل.العجود
يونس:كيف يعني اي اللي بتحوله دي
عرفه:في واحد من.البلد كان هيشتري الارض واما زين بيه عرف دفع الفلوس يابيه وجالي اجيب الورج واجي ليك.عشان اتنازل ليك ونسجلها في شهر العجاري
يونس مش فاهم اللي بيتقال من.صدمته....ميتي الحديد دا حُصل
عرفه:من يومين
الموظف:طيب ياجماعه نخلص شغلنا عشان انا اتخرت علي شغلي
يونس هز راسه وسكت ومسك الورق ومضي
مضايق انه زعق لزين وظلمه من قبل مايسمعه ويديه فرصه يدافع عن نفسه واعرفه والموظف مشيو يونس مكانه باصص للورق بتانيب ضمير وانتبه علي صوت واتلفت كانت قوت بصاله بلوم....شوفت انه ابني كويس ومش بينكر جمبل وعمره مايطعنك في ضهرك
يونس بصلها وماردش
قوت:عمري ماكنت اتخيل انه يجي اليوم اللي تقول في كده وعشان كفايه لحد كدا ومانتقلش عليك طلقني
يونس:بتجولي ايه
قوت:طلقني
يونس سابها وخرج ومردش عليها وهي قعدت مكانها تعيط
ياسين دخلها وطبطب عليها
ياسين:اهدي كفايه عياط
قوت:ششوفت عمل ايه في زين شوفت قاله ايه
ياسين:خلاص ياقوت هما احرار ومش اول مره وياريت انتي ماتدخليش مابينهم
قوت:لا ادخل دا ابني اسيبه يبهدله يعني
ياسين ضحك:يبهدل مين بس هو زين عيل صغير وبعدين يبهدل ايه دا زين عند يونس اغلي من عياله كلهم
قوت عيطت:كدب وقت الحقيقه فرق وقال ابني وابنه انا يقولي شوفتي ابنك بقي دي اخرتها بقي ابني
ياسين:امال هو ابن مين مهو ابنك ياقوت
قوت:لا قصده ابني مش ابنه وفي الاخر طلع ظلمه
ياسين:انتي اتجننتي ياقوت مش ابنه ايه دا هو اللي مربيه وعرفتي اذاي انه ظلمه
قوت:وانا نازله شوفت ناس داخله عنده وانا سالت عرفت انه صاحب الارض ف وقفت اسمع وعرفت انه اشتري الارض عشان محدش يشتريها
ياسين:لاوالله
قوت:شوفت بقي ابني بيعمل ايه وهو بيعمل ايه
ياسين:اتا راي انك تخرجي نفسك هما احرار مع بعض وبلاش تزعلي يونس منك
قوت:مش مهم انا اصلا عايزه اطلق وقولتله كدا
ياسين رفع حاجبه بتعجب:انتي هربت منك علي اخر ونصيحه من اخوكي ابعدي عنه خالص هو حاليا دماغه مقلوبه وزعلان عشان زعل زين ف لو نطقتي انتي اللي هتكوني جانيه علي نفسك
قوت بصتله بعدم اهتمام وماردتش
ياسين:طول سنين دي ياقوت هوومواريكي الجانب طيب وعمره ماقسي عليكي وبيفصل كل حاجه قبل دخوله البيت ف فعلا بلاش تضغطي عليه وماتلوميش غير نفسك وقتها
قوت بصتله وماهتمش بكلامه
زين بيتمشي في جنينه بشرود وبيبوص علي فاكهه اللي فيها وراح قعد علي ارض تحت شجره وجاله بدر
بدر:عرفه لسه ماشي
زين هز راسه وسكت
محمودببتسامه:كيفكم.ياشباب
بدر بضيق:اهلا
محمود ابتسم بتوتر ومعلقش
بدر:اما جولي يامحمود مين جال لعم يونس علي حكايه ان الارض دي اللي اشتراها زين
محمود بتوتر:هااا انا
بدر:وجولتله ليه
محمود:هو جالي اشتريها فانا جولتله زين اشترها وفي حاچه حصلت
بدر قرب منه بغيظ:وجعت بينهم بس وياريت اما تيجي تنجل الكلام ابجي انجله صح ياولد الاصول وابجي اعرف نتيجه خبصك دي هتبقي نتيجته ايه
زين:وبعدهالك بجي يابدر
بدر:بشوجك يازين انا ماشي
بدر مشي ومحمود بحزن:انا مكنش جصدي اللي حصل و
زين:حصل خير يامحمود خلاص انا فاهمك مش محتاج انك.تبررلي حاجه
محمود ضحك وزين مشي ومجرد زين ماتلفت الابتسامه دي اتحولت لوش مختلف تماما....مش هسيبك تفرح كتير ودي اولها ياصاحبي وقابل اللي جاي كمان ومشي وعلي وشه انتصار
زين طلع اوضه تحيه وفضل يبوص فيها وراح مسك صورتها وبيبصلها ومبتسم....اتوحشتك.جووي ياستي اتوحشتك جووي كيف اليوم دي فارجتينا كنت اول مره احس بوجع الفراج كان فراجكك.انتي
زين نام علي سريرها واخد صورتها في حضنه وافتكر يوم وفاتها
فلاش باك:-
زين رجع من المصنع استغرب ان يونس شكله حزين اوي وانس جنبه واقف قلقان وخايف
زين بتعجب:في ايه عاد مالكم فيك ايه يابوي؟؟؟!!
يونس بصله بخوف نظره الخوف دي زين عمره ماشفها في عين يونس ودا قلقله اكتر
زين:في ايه ايه اللي حُصل
يونس ماردش ومشي وزين بصله بتعجب....في ايه ياانس
انس بحزن:ستك تعبانه جوي يازين
زين تنح:تعبانه كيف يعني ايه ايه اللي حصل
انس:مفيش حاجه انت عارف زين ان جلبها تعبان
زين زعق:طيب ماتتصرف ومعناته ايه الحديد الماسخ دي
انس:مفيش حاچه في ايدي اعملها يازين هي دلوج.بين ايادي ربنا ادعلها ربنا يتولها
زين خبطه في صدره:اي الخربطه دي كيف يعني كييييف لو مش عارف تعالجها جول وانا انقلها اي مستشفى
انس:صدجني انا عملت كل اللي مفروض يتعمل ولو نجلنها مستشفي هتبهدلها اهنه احسن ليها
زين سابه وطلع يجري علي اوضه تحيه واول مادخل وشاف شكلها كانت تعبانه اوي
زين جري عليها:ايه ياستي فيكي ايه عاد جومي اكده
تحيه بتعب:زين كيفك ياوالدي زين اني شوفتك عوجت اكده ليه ياولدي
زين مسك ايديها وباسها....ايه ياستي فيكي ايه فوجي اكده
تحيه:انا زينه ياولد الغالي زينه ماتجلجش وملست علي وشه بحب وبصتله.....خلي بالك من نفسك ياوالدي وخلي بالك من اخواتك انت كبيرهم يازين خليك زين الرجال كيف ابوك ماكان بيتمني
زين:انا زين بيكي وبوجودك ياستي
تحيه ابتسمت بتعب:عارف ياوالدي انت خليط بين تنين واخد شكل ابوك عشان تعوضني عن فرجته طول سنين اللي فاتت دي كنت بشوفه فيك وواخد عجل يونس خليط بين تنين
زين بيبصلها ومش بيكلم
تحيه بصتله وكانها بتودعه....تعالي في حضني ياولد الغالي تعالي
زين وطي عليها وحضنها وهي حضانته وزين حس بعدها ان ايدها اترخت من عليه بعد عنها برعب وبيحرك فيها بس مفيش ليها اي رد...ستي ستي ردي عليا ياستي فيكي ايه وخرج بسرعه بينادي بصوته كله علي انس....ياااااانس ياااااااانس انننننس
انس بخوف:في ايه
زين:اطلع شوف ستي مش بترد عليا اطلع بسرعه
يونس خرج من مكتبه علي صوت زين واول ماسمع كلامه قعد علي اول كرسي قابله مقدرش يقف علي رجله
زين فاق من شروده علي صوت يونس
يونس:الله يرحمها ادعيلها
زين بصله:يارب
يونس بصله:ليه ماقولتليش
زين:انت كنت متعصب جوي ومش هتسمعني كل اللي هنستفاده انك هتفضل تزعق لي فافضلت السكوت احسن
يونس بصله بندم:حجك عليا ياوالدي ماتزعلش مني
زين:مفيش حاچه انا مجدر موجفك
يونس كلام زين حرجه اكتر ف غير الموضوع....انت كنت عايز الارض دي في حاچه
زين:اه كنت هعرض عليك نعمل مزرعه عجول ولو نجح نفتح مصنع لحوم.مجمده
يونس باعجاب:طيب انت رتبت كل حاجه
زين:كله حاجه جاهزه وورجها موجود هجبهولك
يونس:انت مرتب كل حاجه عاد وانا اخر من يعلم ولاايه
زين:مش اكده انا كنت بفكر في الموضع بجالي فتره وكنت حابب اعرضه عليك بس اما اكون مجهز كل حاجه
يونس:طيب والورق دا فين
زين:دجايج وهيكون عندك
يونس:انا هستناك.تحت في المندره
زين هز دماغه وخرج ويونس نزل مكتبه يستناه وبعد دقايق كان زين جاله ومعاه الورق
زين: اتفضل
يونس اخد الورق وابتدا يقرا كانت كل حاجه عليها اسم يونس ودا ضايقه اكتر من نفسه ساب الورق من ايده
زين:في حاچه مش عجباك في الورج
يونس:انت مش حاطط اسمك ليه دي فكرتك انت انا مجرد ممول مش اكتر
زين:ماجدرش اتعدي عليك يابوي
يونس قام وراحله وشده حضنه:حجك عليا ياوالدي ماتزعلش مني اني زعلتك
زين:ولايهمك انا مش بزعل منك
يونس طبطب عليه:ربنا يكمل بعجلك ياوالدي
زين.ابتسم:انا اتفجت مع بدر انه يعمل مكان صغير اكده ويجيب دكتور بيطري عشان لوحصل حاجه لاي بهيمه والورج كله جاهز محتاج امضتك بس
يونس:تمام وراح لمكتبه وكتب شيك ليه وادهولو
زين:ايه دا
يونس:حج الارض
زين:دي مش فلوسي دي خيرك انت ودي ارضك
يونس:بس هي بتعبك انت وشجاجك
زين:انا همشي عشان وراي شغل كتير الصبح وعايز انام عايز حاجه
يونس:لع
زين طلع ويونس طلب تحويل المبلغ لحساب زين
محمود واقف ورا الشباك وسمع كلام يونس وزين واضايق ان خطته فشلت
استووووب🍁✨
اي رايكم في البارت وتوقعكم اي اللي هيحصل فياللي جاي؟؟؟؟
وكنت متوقعه منكم.ترحيب بالقصهراحسن من كدا وانتم زعلتوني عوضوه بقي انهارده في البارت دا