اسيرة قدرك

البارت الرابع عشر

اسيرة_قدرك..
بقلمي رسل..
البارت الرابع عشر..
واتباد @rasolaa7

ربما لحناً حزين
في صورة ممزقة..

بقلم المبدعة -AlQueen-

-اليوم يمر بسنه وياهم اغلب وقتي اخلصه
بغرفتي لان كلامهم يحز بالكلب و تلقائيا
يسوي بالواحد حالة نفسيه يا هو يشوفني منهم
وصاح مخبله
انتحرت
لا تأذي البنات اسمع و اطنش اذا ارد عليهم
اوكع بمشكلة اكبر و اني الي اتأذه الي مصبرني
هو اسر من يتصل يهون عليه بكلامه..

-مليت كلش دزيت رسالة لاسر..

-اريد اروح لأختك ويه نور..

-روحي و ابقي يمهم كم يوم تونسي..

-فرحت كلش خلي اخلص منهم كلت لنور
وهاي فرحت كالت اخابر ابنها يجي
علينا..

-اجتني سماح انطتني فلوس وراحت عرفت
اسر محاجيها..

-ثاني يوم رحنا عليها شكد تختلف عن اهلها
شلون رحبت بيه و للعصر طلعنا اني ونور
للسوك اشترينا و افترينا و من رجعنا طلعونا
بيت حماتي للحدائق كلش تونست يمهم
شفت الهدوء
و الطيبة
والحنية الي ما شفتهن بيت عيالي يربي
ولا عبالك هاي منهم..

-يومين بقيت يمهم ارتاحت نفسيتي ناس
لا يكيدون و لا يأذون بكلامهم من بعد هاليومين
رجعت لعيالي وتفاجأ بالغرفة الي مفتوحة
ولا مو بس هيج الكناتير مفتوحة عندي
غراض و مواعين وتحفيات ضامتهن اجني هدايا لكيتهن مطلعاتهم ومخلياتهن بالشقة و مزيناتها بيها عقلي وكف و دمي احترك يعني شغلة مو الهن شلون يمدن ايدهن عليها و يتصرفن
بكيفهن..

-افوت للمطبخ الجداري والمواعين مطلعاتهن
من الكارتون ومخلياتهن اروح للصالة
التحفيات مزيناتها..

-حسوا عليه ضجت سماح كالت..

-هو انتي بعد عايشه هنا يمنا خليهن للبيت..

-صرت نار من جوابها صحت بيها.. لا والله
ليش باقيه ان شاء الله اطلع منا و استقر..

-قبل لا تجاوب عفتهن ورحت للغرفة صرت اعصاب حركن دمي شنو من صلافه يدخلن
لغرفه اصحابها ماكو وفوكاها ياخذن الغراض
وتكلي عادي انتي عايشة ويانا بالشقة..

-اتصلت على اسر واروح و ارجع من الاعصاب
بس جاوب نهديت بي..

-مو كافي ترى مليت والله مليت اخذتوا شقتي ورجعتوا اخذتوا عافيتي و حتى بناتي علموهن
وسحبوهم الهم تالي ارجع الكه الغرفة مهجومة
والكناتير مفتوحة و ماخذين اخر شيء مستعزة
بيهن غراضي خاصات بيه..

-بربج وكعتي كلبي وعبالي صاير عليج
شيء و يطبهن طوب بس خلي ارجع
واني اجيبلج اغاتهن و الاحلى منهن بس
سكتي من فدوه لهالعيون يرحن..

-وبنفسي اخذج وتختارين الي تردي وروح
ابويه ها هسه بعدج ضايجة؟!..

-مو والله ضوجني حقي ترى ما يصير هيج
هذا مو تصرف..

-كتلج يرحن فدوه الج خلي يولن هسه ما كتيلي تونستي غيرتي جو صحتج شلونها منتظر بس يخلص الواجب اجي اخذج طبيب ما متطمن
من شربتي العلاج لليوم..

-اي تونست كلش لا زينه لا تخاف ترجع بالسلامة.. اسر مشتاقتلك هواي..

-كلبي طاك عليكم ميت على شوفتج حبيبتي
كل شيء ما اريد غير بس كون هسه انتي
بحضني بعد ما اوصيج بعد كلبي تحملي ما بقه عشر ايام واجي..

-احسب يوم يوم بس كون يرجع روحي
لايبه عليه ما عندي غيره هو جرحي و دواي
بحيث بس انغث الكه نفسي مخابرته و اشكيله
حركن دمي اليوم صح هن ما الهن قيمة
و اشياء بسيطة بس الي يقهر اني مستعزة بيهن
وجان عندي امل انو يصير عندي بيت
و استعملهن اجي الكاهن ماخذاتهن بدون
استئذان كالعادة غصب عني لازم اسكت
لان ما اكدر عليهن..

-مرت الايام بملل اغلب وقتي بغرفتي اني
وبناتي لو اتراسل اني و اسر ومرات ويه
اخواني ريا الصغيرة كبرت شوي وصاير
عندها خدود بحيث مكزكزه عليها من احجي
لاسر عنها خطية يضل ياكل بروحه يكول
كون هسه يمكم اني..

-واخيرا ومن بعد صبر شهر هالشهر تعبني
هواي هالشهر تجاوزت كل مر ايامي بلطف
الله جنت مخليه ريا والعب وياها ومهرة
يمي اجتني رسالة من اسر من قريتها
ابتسمت و دخل لفرح لكلبي..

-شلونها بنيتي اريدها باجر متحضرة
اعد بالساعات لشوفتكم اريد شبكه تكسر
ضلوع..

-طرت من الفرح يعني باجر نشوفه يعني
راح ينتهي لشوك احس صار عندي حماس
وطاقة كمت للغرفة نضفتها رجعت لنفسي
تنضيف بشره و ما خليت شيء ما سويته
لليل طلعت ساعدتهن بالعشة واني فرحانه
وره العشة اخذت البنات ورجعت للغرفة
ما اريد اي شيء يخرب عليه فرحتي..

-كعدت من الصبح سبحت و لبست ثوب وردي
اشتريته جديد وخليت مكياج خفيف خاف
اترزل اسر كل شيء ولا يشوف المكياج
يتخبل منه..

-بدلت للبنات و عطرتهن خابرني كال ساعتين
واني يمج..

-مو ساعتين صارت عبالك سنتين
كل شوي وعيني على الساعة وكانو الوقت
اليوم ضدي وما يمشي
اني بالغرفة واسمع صوته..

-طلعت بلهفة عيني تدورله واخيرا
من بعد فراك شهر تكحلت عيوني بشوفته
جان يسلم على عمتي باس راسها وفتحلي
ايده..

-ركضت لحضنه باس راسي وهو يهمسلي
بشوكه و لهفته.. اويلي شكد مشتاقلج..

-كعد وخلاني بصفه كال جيبيلي البنات
جبتهن خلاهن بحضنه و يشمشم بيهن
مخليهن على كلبه..

-عيني عليه متغير هواي صاير جسمه ضخم
و عضلات ومزين صفر ما مبقي غير
الشوارب صافنه عليه من انتبه عليه ابتسم
واشرلي براسه اني ضحكت و فرحانه بي..

-كعد يمهم شوي وسلم على خواته دخل
ماجد اسر كام ما سلم عليه اني خفت لا تصير
عركه وهو هسه راجع من طريق و تعبان..

-اتجاهل ماجد و راح للغرفة صاح.. ريا
عوفي الينات يمهم وتعالي..

-خليت البنات يمهن اول ما دخلت الغرفة
شبكني شبكة مال لهفة وشوك على كولته
شبكه تكسر ضلوع..

-اوف شكد مشتاقلج شصايرة ولج واني محروم
من هذا الجمال..

-يشم بيه فتح شعري و نثره باس وجهي
شفتي رجع شم المكان الي وره اذاني اخذني
للجرباية حضني وراسي على صدره..

-احجي اريد اسمع منج قبل لا اتصرف
كل شيء لا تضمين اريد اسمع السالفة
كلها منج حتى اطيح حضه لماجد..

-حجيت وهو يسمع وجهه احتقن..

-عوفه هسه خلي يولي انت تعبان..

-عندي شيء ابالي قبل لا اخطي اي خطوة
ويا واحاسبه..

-شنو اسر اتركه هذا يشرب ويروح يسويلك
شيء..

-الج الصافي انتي خلي يولي هالساقط..

-كلبني وصار فوكي شدعوة هلكد حلوة
منين ابدي بيج اخذ شفتي وهو يكول منا
لو منا وبدأ يتجرأ.... حضنته قوي
اتمنى اللحظات هاي الحلوة تطول
ما اريد شيء غير بس نكون هيج
مرتاحين..

-بحضنه اني وهو يسولفلي عن التدريب
والتعب والخطر الي جانوا بي انقهرت عليه
كل هذا صاير واحنا نخابره نتعزز عليه..

-للعصر احنا بالغرفة مدري شعجب
ما صاحوني فتح عينه ابتسم بوجهي..

-شيكومني اسبح بلا حجاها وباس ايدي
كومي سبحيني ما بيه حيل..

-طفرت من يمه.. كوم اسبح اروح اشوف
البنات..

-حضري نفسج نروح نجيب عشه ثواب
لابوي..

-كمت سبحت و بدلت طلعنا عمتي شافتنه
كالت وين تريد انت مو تعبان وتوك جاي
من الضيم وتباوعلي؟!..

-هنا يمه مو بعيد اريد اجيب ثواب لابوي..

-طلعنا كال راح اشغلج اغنية هاي الج
ابتسمت بفرح و اكو خوف وقلق بداخلي
والي مثلي ومثل حالي حقها تخاف من اللحظات
الحلوة لان جربتها هواي ما تدوم الي
الا ما يطلعلي سالفة تنغص فرحتي..

-شغلها جانت اغنية لماجد المهندس..

-أنا احب غيرك ايش بيا انجنيت
منهو يستاهل ياخذ مكانك
أتخلى عن روحي إذا عنك أتخليت
بالدنيا ماعندي بس الله وحنانك
حبيتك انت وقبلك ماحبيت
وما احب بعدك يكفيني غرامك..

-فرني هواي بالشوارع تونست وايدي بيده
جبنه عشه وحلويات من رجعنا قبل لا ننزل..

-باوعلي ومبين الندم من عيونه على ذيج
الايام تنهد.. اذيتج هواي اذيتج وهسه يلا
حسيت بقيمتج ريا هاي العيون الحلوة
تطلبني بعد كل اسبوع طلعه..

-دمعت عيوني الحمد لله و اخيرا احد منهم
اعترف اني شكد مظلومة يمهم وهالواحد يكفيني
عنهم كلهم ما اريد شيء بقدر انو يكون سند
الي ويخاف عليه و يشيل القلق و الرعب
الي عايشته يمهم..

-كل اسبوع مو تتراجع حجيتها بضحكة
هو كال لا كل اسبوع هو انتي شنو شايفه
اريد تتغير نفسيتج..

-نزلت بفرح و نزلنا الاكل انتظرته قفل السيارة
وصعدنا سوه عمتي الوجه نكلب من شافتنه
تعشينا واخذت بناتي ورحت للغرفة..

-نامت مهرة وبقت ريا انوم بيها وهو دخل
وضل واكف على راسي يلا نوميها و شوكت
تنام ضحكت عليه شبيك ما عندك صبر؟!..

-دولي اني ميت عليها و يغمزلي وهاي
دور صبر..

-نامت خليتها بمكانها وهو مدد على الجرباية
وينافخ واني من داخلي اضحك عليه
غسلت و لبست و اجيت بحضنه رغم اتعب
طول اليوم بالبيت بس احاول ارضي ما اريده
يتغير علينا وصرت اشوف الحب و الاهتمام
زاد من ناحيته لهذا ما اقصر ويا..

-صار فوكاي ويبوس بيه للفجر اني بحضنه
لحظات هدوء حسدت روحي عليها والله
ما جنت بيوم اتوقع هو هيج راح يعاملني..

-سبحت و طلعت اسويله ريوك دخلت للمطبخ
وعمتي حتى الصباح الخير ما ردت عليه
وكفت على الطباخ وهي تركع بالجدوره من
غضبها ردت اكلها شبيج بس خفت تركع
الجدر براسي سكتت هي من اجه اسر لهسه
ودها تاكلني..

-كملت الريوك صاحت وين ماخذته؟!..

-لاسر يتريك بالغرفة.. هزيت ايدها وراحت
خليت الصينية وهو كعد كعدت مهرة اريكها
ويانا كمل كال اني طالع يم جماعتي مشاكل
ما اريد كلبي..

-صار..

-كشخ وتعطر سبح بالعطر واني داخلي يغلي
اكو واحد هيج يروح لجماعته بهاي الأثناء
دك جهازه حسيته ارتبك كلش.. منو هاي اسر
الي تتصل عليك لا تكول جماعتي..

-انجبي لج شنو منو هاي..

-انطيني خلي اشوف جاوب كدامي اذا ماكو
شيء ارتفع صوتي وهو عصب كلمة منه
وكلمة مني وهو يصيح..

-صوتج لج صوتج لا ترفعينا.. صحت بي..

-ما لا تكلي صوتج منو هاي هسه تكلي منو..

-سكتني براجدي احس وجهي انعقج ايده ضخمه
وضربته تأذي دفعته و كعدت ايدي على
خدي احسه صار نار هو تركني وطلع
شبعت بجي الجذاب رجع لعادته القديمة
يضرب و يرجع وكال اني اذيتج اني حسيت
بقيمتج جذاب..

-كمت غسلت وجهي وكعدت بتعب صافنه
على حياتي لشوكت ابقى هيج هاي هم عيشه
هاي كلها تذب حركتها بيه واذا احجي كلمه
حضي يطيح اسمعهن صاحن عليه غلست
بقيت لليل بالغرفة دخل هو خله يمي عشه..

-اتزقنبي ادري بيج ما طلعتي من هالغرفة
اليوم..

-كمت بغضب اخذت العلاكه و شمرتها عليه
ما اريد هذا عشاك ما اريده شنو مان عليه
بهاللكمة تضرب و تصيح و ترجع ولا كان
صاير شيء انت شنو اسر؟!..

-شبيج تخبلتي اليوم..

-اسر بداعة بناتك احلفك بغلاتهن  ما تجذب
عليه انت وين جنت حلفتك بداعتهن تجاوب..

-انتي ليش تسألين وكوه تردين واحد يأذيج؟!..

-اسر بداعتهن احجي..

-جنت بالمطعم ويه وحدة هاي الي تردين
تسمعي هسه ارتاحيتي..

-احس صرت نار وهو هادىء ولا كانو يحجي
وهو ابو الراهي.. شنو وحدة منو هاي انت
ما توب..

-بابا جبيرة ولزكة ما بينا شيء هيج لعب
انتي شايفتها شلون تاكل تلعب النفس لو
اظافرها كل اظفر شطوله..

-شجابرك متكلي شجابرك بشنو مقصرة
وياك وتروح لهيج شكول انت شوكت اتوب
من هاي سوالفك انت رجال متزوج حرام
هذا حرام ليش دوم تحرك بدمي شلون تكلي
احبج وانت تروح لهيج شكولات كافي
اسر كافي انت ما تحس ابد شوكت تتوب
شوكت حجيتها بعصبية..

-مو هسه.. دفعني وطلع..

-تعبت والله كل طاقة بعد ما ضلت عندي
راسي ذبحني من الوجع  قهرني كلش
اتهربت بالنوم ما اريد اشوف شكله لعبت
نفسي منه لا ويكول مو هسه ابو النسوان..

-يومين واني ما احجي ويا يتقرب اصده
يحجي اغلس اليوم طلع للدوام كمت طلعت يمهم
مهرة جانت كاعدة يم  سماح و ابن اخته جانو يمنه ولد شاب هاي اختهم الثانية مو الجبيرة
فتت و انصدم
بيها سوت حركة ابد مو حلوة ركضت عليها
ضربتها راجدي و سحبتها  احس اعصابي
انتهت هي هاي العايزة وكملت وياج يا ريا
نوب بنتي تتعلم حركات طايح حضها..

-ضليت اصيح عليها و سماح كامت.. انتي
شلون تمدين ايدج عليها رجعتلي نفس الراجدي
سحبت شعري ادفع بيها ما تندفع وصوتها يلعلع
دفعوني عنها.. صحت بيها انتي شنو ما الج
رداد مسيطرة على البيت بنتي اكتلها اطيح
حضها اعلمها بنتي انتي شعليج عمتي
صاحت بيه كتلها انتي باطلة عمة باطلة
تهسترت صحت عليهم  و غلطت عليهن و اخذت بنتي ودخلت للغرفة وقفلت الباب صاحت بسيطة اني الج بسيطة ال****..

-للمغرب واسمع صوت اسر يمهم هنا
قطرة دم ما بقه بجسمي واكفة يم الباب
واسمعهن اتلكنه.. الحك امي تخربطت من
وره مرتك..

-كل السالفة حجنها اله بالعكس ضليت الوب
يربي مو هيج والله مو هيج صوتهن يلعلع
واني على وكفتي بخوف فتحت الباب صار
هو بوجهي.. والله مو هيج السالفة ابد اسر
مو هيج ليش كلبتن السالفة حرام عليجن..

-صاح بيه طبي جوه.. رجعت للغرفة
ودخل وراي.. ابتعدت بخوف مو هيج اسر
والله مو مثل ما وصلن الك..

-احجي لعد بسرعة..

-حجيتله كل شيء وليش ضربت بنتي
وحتى سماح من ادخلت و ضربتني طلع
اباوع عليهم من الباب اخاف اطلع راح لسماح
ضربها لو خبصن البيت بالصياح
رجع عليه.. خليت ايدي على وجهي..

-لا عليك الله لا تضرب والله معليه اني اتهسرت
من الخوف بس اردد لا لا تضرب.. هو صفن
عليه بقهر وعافني وطلع..

-شبعت بجي شنو هالخوف شنو هالذلة
الي عايشتها وياهم الما يخافن الله رجعن السالفة
عليه حاقدات من يوم الي عرفتهن كل يوم
انكتل عادي و بتهم اول مرة احد يطخها
كلبن الدنيا..

-صاح عليه اجيبله طشت ومي مسحت دموعي
وطلعت انطيته و اشوف امه سوت روحها كلش
منتهيه هو باس راسها و خله رجلها بالطشت
و يفرك بيهن دمعت عيوني من هذا المنظر
اني ابني هيج يداريني و احقد على مرته
اني ابني هيج و اشلع كلبه كلما يرجع تعبان
عجيب والله عجيب الي تسوي بينه هي وبناتها..

-هو يفرك برجلها وهي تحجي عليه
مرتك ال**** السانها شطوله طلعته عليه
وعلى سماح ما تكلي منين جبت هاي الجهرة..

-كافي يمه مو تعبانه عوفيهن..

-رجعت تحجي هو صاح بعلو صوته سماح
ريا وجهجن ما اريد اشوفه..

-رحت للغرفة والله يا الله هي هاي متخربطة
هاي اشو ما سكتت ولا شوي وما عدها غير
ريا تغلط وتحجي عليها الله موجود ويشوفكم
وعساه ياخذلي حقي منكم واحد واحد..

-حاولت انام و غفيت قبل لا يجي و اني
ما بيه حيل بعد لا ابرر ولا احجي اشو كل شيء
احجي محد يصدك وهن يطلعن منها..

-فزيت الصبح على صوت صياح اسر
طفر لبس وطلع طلعت وراه واشوف حماي
الجبير يتعارك ويا شهكت من مد ايده وضرب
اسر.. مرتك ما تبقى هنا بعد اذا شفتها اموتها
ركض عليه راد يضربني ودفعه اسر
بقوة.. انت شلون تريد تمد ايدك عليها
تايهه الكم
فصلية جايبها ياهو الاجه و ضربها..

-دفعني فوتي سوي سم عرفته يريد يطلعني
منهم وما ابقه كبالهم اخوه جان نار اعصاب
ما ادري شنو موصلات اله..

-دخلت للمطبخ  سماح و حماتي
الثانية يباوعن ويضحكن بخبث.. ها ****
انتظري و شوفي اليوم شراح يصير بيج
ورجعن يضحكن..

-احترك دمي من اجتماعهن و يتبسبسن
عفتهن و رجعت للغرفة هو اجه ويروح
ويجي و ترني صاح عليه اخوه الجبير طلع
وكال ابقي هنا..

-اجتمعوا كلهم واني بالغرفة وحتى ماجد
اسمع صوته وياهم وكل شوي و صوتهم
يرتفع..

-شوي ودخل عليه اسر مثل الثور شبعني
كتل الكفخات تجيني من كل جهه اريد اخلص
روحي منه ما اكدر اهله الباطلين يسمعون
صوتي ومحد منهم كال خطية ضعيفه
ما تكدر عليه حسيت انتهيت جوه ايده..

-رفعني من ايدي.. كومي بعد ما تبقين هنا..

-حجيت بكل قهر ليش لازم هم الي قرروا
لازم فروا عقلك كالعادة بلا شنو حجن خواتك
وانت واخوك هيج دمكم احترك باطلين
والله باطلين عساها حوبتي تطلع بيكم
وبالي جذب عليكم..

-كمت لميت غراضي و اخذت بناتي
طلعت وهو وراي واسحل بروحي سحل
هنا سماح هي شافت البنات بيدي لو تخبلت
تبحي وتبوس باسر..

-فدوه خويه لا تخذهن الا البنات ما يطلعن
منا عوفهن خويه والله ما اكدر على فراكهن..

-هو باوعلها واخذنا وطلع وهي تبجي
وتتوسل ورانا..

-الطريق كله ما حجه كلمة وصلنا للبيت مال اهلي
كال انزلي نزلت بخيبة منه كل يوم شامرني
هنا ياريت لو مسويه شيء غالطة بحقة..

-طلعت امي فتحت الباب..

-هاي بنتج اخذيها خلي تفيدها المشاكل الي
تسويها ام المشاكل لسانها طويل اختي الجبيرة سمعته طلعت صاحت عليه محد غيركم اهل مشاكل كسر ان شاء الله بايدك شلون هيج مسوي بيهاهو صاح بيها اسكتي لج هي ردت اطلع اطلع
كادر بس عليها و ذولاك يدفعون بيك
هو نار صار اخذ البنات من ايدي وطلع
يمه هنا شصار بيه طلعت ركضت وراه
واتوسل بي بس يرجعهن دفعني جوه الجيران
يباعون و البنات يصرخن فرفحت روحي
بهذا اليوم وما هزته دموعي..

-ركضت يمه فدوه خلي
يرجع بناتي امي خطية طلعت وراه
للشارع صعدت بالسيارة وتسحل بالبنات هو
كالها والله اذا ما عفتيهن ونزلتي اخذ دعاء
و اشبعها كتل عوفي البنات..

-اجتي امي الدمعة بعينها على حالي..

-يمه لا تسوين هيج بحالج الله ياخذ حقج منهم
كافي بعد كلبي شوفي شصاير بيج لا تسوين
هيج يمه على كيفج ويه روحج ما يستاهلونج
والله ما يستاهلون..

-هنا نهاريت اضرب بروحي واصيح
وابجي وامي تبجي وياي اختي تهدي بيه
اخذوا بناتي ولكم اخذوهن هذني روحي
وهسه هو اخذ روحي ولكم شبقيتوا بيه
دمروني وتاليها رجعوا حرموني من الي
اغلى من روحي اريدهن يمه ولج ام سجى
فدوه اريد بناتي جيبوهم الي..

-كمت بتعب و خيبة دخلت لغرفة خواتي
وقفلت الباب دموعي تصب صوت بجيهن
يرن باذاني خليت راسي على الكاع و احس
عقلي متبنج ياريت اموت واخلص
روحي تعبانه والروح مالها علاج كسر كلبي
النذل و بالاخير سوه الي براسهن وهاي
اني طلعت منهم و خسرت حتى بناتي..

-بقيت كم يوم بيت اهلي لا اطلع ولا اشوف
احد منهم اختي كوه تجبرني اخلي شيء
بحلكي لا اطلع يمهم
لا احجي عبارة عن جسد بدون روح
مجرد اتنفس و عيوني تنفتح و تنسد..

-اليوم احس صدري يوجعني و مختنكه
للمغرب زاد الوجع اريد اخذ نفس ما اكدر
اصرخ على اهلي..

-الحكوا متت والله الحكولي ولكم راح اموت
اضرب على صدري بقوة والهوا شح عني
وصلت مرحلة اريد احجي ما اكدر..

-اجوي يركضون اشرت لاخوي على ضهري
وهو يفرك بضهري امي تبجي ولج يمه ريا
شبيج؟!..

-عافني وطلع كال راح اجيب سيارة واجي
اخذج..

-امي تفرك بضهري و صدري واني انتهيت
شوي ورجع اخوي الصغير كال يلا الولد
بالباب طلعنا صعدت ويا واخوي وامي وياي
ابوي ما جان موجود والسيارة عنده..

-اخذنا ابن جيرانا وكل شوي ويلتفت علينا
بخوف جنت مختنكه واضرب بالكشن وابجي
يمه مخنوكه يمه مدري شبيه والله مختنكه..

-هو كال كولي يالله خويه ان شاء الله ما بيج
شيء..

-زاد السرعة وهو مقهور علينا حتى اخوي
نزلت دمعته على حالي ابجي واردد مخنوكه
الحكولي..

-وصلنا سندني اخوي و دخلنا للمستشفى
ضربوني ابر و علاج لليل يلا رجعنا امي كالت
باجر اخذج لطبيب..

-من رجعنا نزل عليه دم كلت لامي كالت
يمكن حامل ولج
رحت غسلت و نمت واني انزف..

-ثاني يوم رحنا لطبيبة شافت حالتي
كالت حامل بس مهدد بالإسقاط كتبتلي ادوية
ورجعنا..

-امي كالت يطبهم طوب هم وطفلهم امشي
اخذج على دكتور اريد اعرف ليش هيج
تختنكين نوب فشلت من امي واختي فلس
ما عندي وهن من طبيب لطبيب اختي من
كتلها كالت فدوه الج بس صيري زينه..

-للعصر اجه اخوي الصغير باس راسي
كال شلون صرتي؟!..

-تعبانه ومخنوكه واريد اموت اريد اخلص..

-كومي لج تريد تموت هي يلا امشي
وياي غيري جو اطلعي ما مليتي من الكعدة
هسه يجي عمر وهذا غثه انصحج تكومين
قبل لا يجي..

-ضحكت وكمت ويا الطريق كله يشاقيني
اخذوني لدكتور بعد الفحص كال عندها
ذات الرئة كتبلي علاج باوع لامي كالها
حجية تختارون لو حياتها لو ابنها
ترى العلاج والأبر الي كتبتهن يسببن
تشوه للطفل و التهابها واصل مرحله البنية
منتهيه..

-رجعنا و نفسيتي زفت ايدي على بطني
وابجي امي ما قبلت الا العلاج كالت
انتي شنو حصلتي منهم هو الطفل مهدد
ما اريد اخسرج..

-بديت اخذ الابر و العلاج بالليل اختنك
بالكحه احسها سجاجين بصدري
يومين و زاد النزف عليه صحت على امي
من شافتني كالت المهم انتي سالمة يمه
فدوه الج لا تضوجين..

-رحت طبيبة كالت الطفل واكع
هنا انتهيت شكلي صار يخوف شفتي يابسه
وزركه و الوجه ضال بس عظام
حلفتهم ما يحجون ابد ولا يكولن هي مريضه
و سقطت كتلهم ابد لا اسر ولا غيره..

-هنا ابوي لاول مره ينقهر عليه لاول
مره احس اكو خوف و قهر بعيونه
صار كل يوم يطلعني مره مزار و مرة
حديقة ما خله مكان يعتب عليه امي تكول
ابوج يريد نفسيتج تتغير واني ساكته
بعد وكت بعد ما دمرها
الي نكسر ما يتصلح بعد فات الأوان..

-نايمه و انحضنت بقوة اسمع بس شهكاته..
-فتحت عيني هو من شافني كال ريا
اعذريني والله ما ادري كل هذا صاير بيج
يحجي ويبوس بيه..

-دفعته بقوة.. اكرهك تعرف يعني شنو اكرهك
روح منا ما اريد اشوف خلقتك كرهتك من
اللحظة الي هانت عليك دمعتي لأجل دمعتها
و حرمتني من بناتي روح اسر..

-شكو جاي شكو تريد تكمل عليه وتموتني شكو جاي روح و ياريت تطلكني بعد ما اريدك
اكتفيت منكم والله اكتفيت..

-صحت اطلع برا طلعوه منا ما اريد اشوف
وجهه طلعوا امي اجت شافتني مختنكه
ضلت تلوم بي واني بس اردد طلعوا
منا طلعوا منا نهاريت وادفع بي اريده بس يطلع....

يتبع....

وهذا بارت طويل لعيونكم..

اللهم صل على محمد وال محمد❤️