صكر صارلي شهر بالبصره كملت شغلي لازم ارجع لبغداد دلم غراضي وطب حميد
حميد/شنو صكر راح تروح
صكر/ايي خويه حطلع بعد ساعه
حميد/خويه أجلها اسبوع الاخ
صكر باوعتله/ ليش ابو علي؟
حميد تحسر وكعد/خويه العصابه الزمناها قبل اسبوع جايين جماعتهم ومترصدين حركتنه وخاصتا الضباط الكبار
صكر/ههه خويه الله موجود
حميد/ونعم بالله خويه بس ليش متأجلها اسبوع الاخ اني وياك ننزل
صكر/خويه عرسي بعد اسبوعين لازم انزل
حميد جر حسره وحضنه /براحتك خويه بس اخذ حذرك
صكر/ان شاء الله
لميت كل غراضي واني نطيت خبر لأهلي البارحه اليوم انزل اوووف يانار كلبي مشتاق لنور
ودعت العميد والمنتسبين والضباط طلعت بسيارتي ووصلت لبدايه بغداد اشوف ٤ سيارات سود ومضلله ترصدوني وكامو يرمون عليه ويكول صكررر اطلع نزلت راسي وكلت ادركني ياعلي يابو الشدات
بعدين حسيت حروره بجتافي وبطني غفيت ماحسيت بشي
نور كلش فرحانه اليوم حبيبي يجي قصي وود بقو بالبيت وعمي وعمتي وبيت ابو علي بس ب١١ كلبي كام يوجعني وختنكت
ابو صكر/بويه نور شبيج صفريتي
الكل نتبه عليه ماكدر اجاوب احس صدري مطبوك بظهري كمت جان اوكع ماحسيت الااني بحضن عمتي
ام صكر/يمه صخام الصخمني نووور عمه كعدي
ام علي/بسم الله الرحمن الرحيم عمه نورر اصحى قددددر جيبي مي
قدر تركض جان نطخت بقصي وخالد
خالد/شبيج شبيج
قدر كامت تبجي بحركه /نور نور وتأشر علئ الاستقبال
ركضو الولد شافوها مغمئ عليها والكل فوك راسها
جابت قدر المي وطشو علئ وجها فزت وكالت بصوت عالي صكرررررر
ام صكر/يمه اسم الله عليج وعلئ وليدي شبيج عمه
نور تبجي بحركه/عمه صكر صكر ليش لحد الان مااجه
الكل نتبه الساعه ب١ صدك وين هو
بهل لحضه دك التلفون مال قصي شافه كال صكررر
قصي/الووو هلا خويه - - - - منو حضرتك-----شنوو ووو ومع التلفون من ايده وصاح بصوت خويه حززززام ضهررري يمه صكرررر راح
الكل نصدم من الي ديحجي قصي ونور كامت تملخ بروحها
على اخذ التلفون ونصدم
علي/عمي صكر متعرضيله عصابه ورامين علئ طلقات.
ام صكر رتفع ضغطها وبده العياط والصياح مال رؤئ ونور وقدر يبو وووووو
وابو صكر حط ايده علئ راسه ويبجي
ابو علي شاف اخو منهار حضنه وكال بويه على ماكل الأصل يامستشفئ
الكل باوع علئ علي
علي/بلي كال بمستشفى - - - - - -
الكل راح للمستشفى والنسوان بقن يلطمن بالبيت
وأم علي تصحي بأم صكر متصحئ وتهذي باسم صكررر تعال يمه
نور صافنه وتبجي هي وقدر وود
نروح للزلم
قصي ركض هو وعلي وخالد لرجال الاستعلامات
قصي /خويه اجاكم واحد متعرض لطلقات ونزلت دموعه
الرجال/شد حيلك خويه ايي جابه رجال قبل ساعه
خالد/وين نلكا هسه
الرجال/بغرفه ٢١
ركض الكل وابو صكر عبالك جبل مهدود بلكوه يمشي وسانده ابو علي
لكو ضباط وجنود بالباب ميقبلون يفوت بحساب رجال بالدوله
قصي بصياح وكلب محروك/ووووولك شنو متقبل افوت الجوه اخويه تعرف شنو و اخويه وخر من دربي وووووخر
ماخلو اجه الدكتور
الدكتور/اعرف ضرفكم بس المريض يحتاجه عمليه الطلقه الي بطنه لازم نشيلها
ابو صكر/يي دكتور سوي العمليه
الدكتور/تمام هسه نفوته للعمليات تعال وقع
ابو صكر/زين دكتور العمليه شكد تطول
الدكتور/٤ ساعات
ابو صكر وابو علي راحو ويه الدكتور يوقعون ويدفعون المبلغ
علي حضن قصي ونهار بالبجي
قصي/ووولك هذا اخويه اووووف
علي/كااافي خويه لازم تكون قوي علمود عمي وعمتي وتساندهم خالد روح جيبله كلاص مي
راح جابله واجه ابو علي وابو صكر وبقو يدعون اجو العمام والرياجيل البقيه في البيت
صحت ام صكر بس تكسر الكلب وتصيح يمه وليدي ارجعلي اوووف ربي لاتحرمني منه ربي بعده مافرح بعرسه ولك يمه صارلي شهر ماشايفته ماشامه ريحته ربي
الكل يبجي علئ حال امه
ود ونور حضنن ام صكر وضلن يبجن وقدر ورؤئ بحضن ام علي وهم يبجن
بعد مرور ٤ ساعات صارت ب٦ العصر طلع الدكتور
الكل كمز يمه
ابو علي/هاا دكتور بشر
الدكتور/لازين الحمدلله بس يحتاجه راحه وهو هسه بعده بالبنج
قصي سجد لله شكر
ابو علي /كوم خويه كوم نروح للبيت نرتاح وقصي امشي طمن امك ومرة اخوك واختك وعلي وخالد ابقو انتو
الكل راح وقصي راح للبيت هو وابو وعمه
فات للبيت كله نسوان فات بسرعه يم امه حضنه وكال بشري ام صكر صكر سوله عمليه وهو بخير
ام علي وأم صكر/الف الحمدلله والشكر كلوووووش
نور/قصي ابوس ايدك اروح اشوفه الله يخليك وكامت تبجي
ام علي/كوم يمه أخذها خطيه
ود/اني هم اريد اروح
قصي/روحو بدلو
نور بسرعه سبحت وبدلت وود هم سبحت وبدلت نزلنا نركض الدنيا ليل وصلنا طبينا للمستشفى لكينا علي وخالد
قصي/تعالو فوتو
نور احس رجليه ثكلن امشي كوه فتنه شفت الشاس الي ابطنه وجتفه بي دم والاجهزه محاوطته ماتحملت كمت اشهك بالبجي كعدت بالكاع
ود حضنتني وكمنا نبجي
خالد/يمعودات صلن علئ محمد كومو مابي شي ان شاء الله
كمنا بسته من راسه وود هم
قصي اشرلهم طلعو بقيت يمه
البارت الواحد والثلاثون
نور تناشغ بالبجي/عفيه لتعوفني الله يخليك محد بقالي غيرك والله حبيتك من كل كلبي حبيبي صكر كوم بعد اسبوعين عرسنا كوم هل نفرح نمت على رجلي وكمت ابجي طلعت وود هم فاتت حجت ويا وصلنا خالد اني ماجيت ولاحرف صعدت بدلت ونزلت صافنه على حالي بعدين كمت اكلت وصليت ونمت
حسيت الساعه ب٨ ود راحت للجامعه عندها امتحان كالت امتحن وارجع وصدك لل١٠ اجت تريكنا اني وياها قصي بايت بالمستشفى هو وعمي وابو علي
رؤى /نور. ود عمتي ام صكر تريدكم
رحنه
ام صكر/كومن لبسن نروح للأمام العباس هو يطيبه ان شاء الله
نور نزلت دموعي دخيلك يالعباس يابو فاضل
رحت سبحت ولبست جينز اسود وقميص اسود وشال لسود وعباه
وود هم لبست اسود
طلعنا اني وعمتي وود ورؤئ وأم علي وقدر وخطيبها خالد علا
طلعنا جيرانه عنده سياره هو أخذته كروه وصلنا لكربلاء والدنيا صارت عصر بس شفت المناره مال الإمام الحسين(ع) والعباس (ع) كمت ابجي رحنا للأمام الحسين كوووومه عالم بلكوه وصلت لشباج ضليت ابجي وادعي دخيلك ياحسين بجاه عزيزه كلبك رقيه لاتحرمني من صكر بجاه امك الطاهره الزجيه
رحنا للأمام العباس عليه السلام
تذكرت الطميه
ياعباس عندي شده وانته حلها وكمت ابجي وصلت للأمام وضليت ادعي ياامامي بجاه حيره زينب بيوم الطف لاتخليني حايره ياامامي بجاه سكينه لاتحرمني من شوفته بجاه جدك وبجاه مكانتك عند رب العالمين
خلصنا رحنا للمطعم هم ياكلون واني صافنه بغير عالم شفت ثنين فاتو للمطعم الولد كأيد البنيه ويضحكون وتذكرت صكر من نطلع الخنكه وكفت بلعومي
ام صكر/نور عمه ليش ماكلتي الماعون على حطته
نور/عمه ماشهي اكل شي
ام صكر/مو بكيفج شو تعالي يمي
تبادلنا الأماكن اني وقدر وهي كامت توكلني تسويلي لفات وتشربني عصير
صارت ب٨ لليل دك السايق طلعنا وصلنا ب١٠ بالليل رحت بدلت ونمنا بالاستقبال كلنا
الصبح
قصي كعدت ب٥ ونص الفجر رحت للحمام غسلت ومشطت شعري ضهري يوجعني لان نمت على التخم الي بالغرفه اسمع احد يون رحت شفت صكر لزمت راسه ناااااار مصخن ويهذي عوفوني دخيلك ياعلي
نزلت دموعي رحت للدكتور اجا فحصه وانطه دوه مال صخونه وكال بده جسمه يستجيب للعلاج الحمدلله
قصي/الحمدلله
طلعت بره اني والدكتور ابويه شاف الدكتور خطيه عباله صكر بي شي
ابو صكر/ابني شبي اخوك
قصي/لايابه مابي شي الحمدلله كام يستجيب للعلاج
ابو صكر/الف الحمدلله
راح ابويه للمسجد هو وعمي يصلون وجابولنا ريوك اكلنا وكملنا
ابو صكر/قصي روح انته وخالد للبيت شوفهم شناقصهم
قصي/ايي يابه كوم خالد
رحنا للبيت شفناهم كلهم نايمين بالاستقبال خالد راح يسبح واني رحت يم امي
قصي/امي
ام صكر فزت من شافت قصي/هاااااا يمه شلون صار اخوك برد كلبي
قصي/لايمه الحمدلله زين وكام يستجيب جسمه للعلاج يمه ابويه دزني اني وخالد نشوفكم محتاجين شي
ام صكر/ايي يمه جيبلنا مسواك خل اني وعمتك نطبخ وندزلكم للمستشفى لتشترون مو نضيف
قصي /خوش يمه باسها من راسها اني حروح اسبح
كمت جان اشوف قدر فدووه شلون نايمه مثل الجهال ايديها جوه خدها والهوه يضرب بوجها ضحكت ورحت خل صكر يكوم بالسلامه وخطبها
رحت شفت خالد يبدل من هدومي لان هو مثل جسمي اني طبيت سبحت وبدلت
رحنا نسوك رجعنا البنات ينضفن وامي وعمتي يصلن
نور/قصييي. خالدد اوكفو
ندارينه شفنه نور جايه من المطبخ
قصي/هاا الله يساعدج
نور/ويساعدكم ها بشرو شلون صار صكر
قصي/لازين الحمدلله
نور/الحمدلله ماكلكم. الدكتور شوكت يطلع
خالد/لاوالله ماكال
طلعنا بالحديقة وامي ومره عمي يطبخن صارت الصلاه صلينا وأخذنه الغده ورحنا للمستشفى
صكر بعده يون من الصخونه وعلى كاعد على تلفونه وعمي يصلي واويه يقره قرآن على رأس صكر سوينا الغده وكمنا ناكل كملنا على حيروح يودي المواعين ويسبح ويرتاح
علي/السلام عليكم
الكل /وعليكم السلام هاا بشر شلون صكر
يحجي وشال ابنه كرار وباسه/لازين الحمدلله
راح سبح وبدل قدر حضرت الجاي حطته بترمز وشكر واخذو كال اني اشتري كلاصات جاهزه
ام علي/ام صكر اني اروح انضف البيت واجيب هدوم وارجع
ام صكر بقهر تحجي/على راحتج عيوني
راحو ام علي وقدر وود ويه ام علي واني ورؤئ نومت جهالها واجت يمي
رؤئ /كافي حبيبتي لتسوين بروحج هيج
نور نفجرت بالبجي/رؤى والله شتاقيتله صارلي شهر ونص ماسامعه صوته وشفته بالمستشفى الاجهزه محاوطه جسمه
رؤى اخذتني لحضنها كافي حبيبتي اشش نمت على رجليها والغرفه بارده نمت
رؤى
نور كسرت كلبي تحجي وتبجي نامت سديت الباب ونزلت
ام صكر/ام كرار لعد وين نور لتعوفوها بحدها تكوم تبجي
رؤى/لاعمه نور نامت
ام صكر/ايي زين ولدج نومتيهم
رؤى/ايي
شفتها رادت تكوم
وين عمه وين تردين
ام صكر/عمه انضف البيت خاف يجون ابو صكر وابو علي
رؤى/اووك عمه اساعدج
ام صكر/الله يرضى عليج
نضفنا كل البيت والغرف وغسلنا الهدوم لان الولد يجون يبدلون كل ساعه حاره بالمستشفى وخاصتا الظهر كملنا اجت عمتي والبنات جيبلنا هواي هدوم اخذت دشداشه و بيت سبحت وغسلت هدومي وطلعت البنات هم سبحن وبدلن
نور كعدت العصر ب٦ كمت سبحت وبدلت ونزلت
ام صكر/هاا عمه نوم العافيه
نور/الله يعافيج عمه ماكو اخبار عن صكر
قدر/اجه خالد قبل شويه وراح كال فكته الصخونه
نور/ايي الحمدلله
بعد مرور اسبوع
قصي
كاعدين بالممر اجه الدكتور والممرضين يم غرفه صكر كلنا وكفنا اني كلبي وكف 💔
الدكتور فات واحنا هم والصدمه شفنا صكر ماكووو
سمعنا صوت بالحمام طلع اشوف صكر يسند روحه بالحيط ركضنا اني وعلي أخذنا للجربايه
الدكتور/الحمدلله صحيت وردت عافيتك ضابط صكر الحمدلله على السلامه
صكر بتعب/الله يسلمك
طلع اني حضنت صكر على كيف وكمت ابجي
صكر بتعب/كافي يول غركتني بدموعك هههه
قصي/الف الحمدلله رجعتلتا سالم غانم والله امي هسه تكلب الدنيا
الكل سلم علي
نور
كاعدين نشوف فلم بالي مو يم الفلم اصلا دك تلفون عمتي كالت هذا قصي كلبي وجعني
ام صكر/هلا يمه--------- - - شنووو
كلنا وكفنا على حيلنا
ام صكر/كلوووووش الف الحمدلله والشكر ايي يمه جيبو خل اشبع منه
ام صكر/ولكم صكر كعد وردت عافيته
نور كمت ابجي من الفرحه الف الحمدلله كمنا بسرعه لان حيجيبو سوينا اله جربايه بالاستقبال ونضفنا البيت وحضرنه غده وكمت رحت لغرفتنا سبحت ولبست كلابيه اسود وابيض وشال وكحله وحمره وعطر
البنات هم سبحن وبدلن
صلينا وندكت الباب الكل اجه يمنا وعمهم جايب طلي علمود سلامته وره ساعه اجووو يابعد كلبي بلكوه يمشي شفتا عيوني دمعت وذلحو الطلي جوه رجلي واجه على امه ضلت تبوس بي وتشمه وهو دنك بأس ايدها وباس راس مره عمه وسلم على قدر وورؤى اجت ود حضنته وضلت تبجي باسها من راسها شافني ابتسم واني هم ابتسمت اشرلي تعالي رحت يمه حضني كبال الكل وباس راسي
راح كعد على الجربايه واحنا صبينا غده تغدينا غسلنا مواعين وكامو عزمو كل العشيره علمود سلامته سوينا عشا كلش جبير تعبنا كلش ومنا صارلي اسبوع مانايمه عدل ساعه او ساعتين خلصنا غسلنا المواعين وكل واحد راح لبيته
البارت الثاني والثلاثون
مر اسبوع وصكر صار زين بس مافلو الشاش وبليل بطنه تكوم تأذي من وره الطلقه انطو اجازه شهرين كاعده يمه بالغرفه وهو ديخابر صديقه كمل كتله
نور/حبيبي اني لازم اطلع اشتري هدوم للجامعه
صكر /اي حبيبي روحي لو ويه امي لو ود وأخذي فلوس من المجر اليمج
نور/شكرا حبيبي كَمت رحت لود كتلها كالت العصر نروح اني هم محتاجه هدوم خابرت قدر ورؤى وعلا هم كالو نجي رحت نمت وصكر اخذ علاجه ونام
صارت ب٤ ونص رحت للغرفتنا اني ود طبيت سبحت وبدلت
قميص وردي وبنطرون اسود وشال مشجر وجنطه وحذاء فلات اسود وحطيت مكياج وعطر ولبست حلقه
وود هم طبت سبحت لبست قميص بيجي وبنطرون هم اسود وشلل ساده لان القميص مشجر واكسسوارات ومكياج وعطر وحذاء وجنطه ونزلت لعمو اخذت منه فلوس نزلت نور ننتظر البنات ندكت الباب طلع قصي طبو البنات وأم على وابوعلي والولد اجو عمي وعمتي وجابو علا وياهم وصعدت فوك اكعد صكر
نور/صكر حبيبي كوم اجو بيت عمو ابو علي
صكر فتح عيونه صفن بيه وكال ايي عمري كايم
ساعدته راح للحمام غسل وبدل ونزلنا
صكر/السلام عليكم
الكل/وعليكم السلام هاا شلون صرت
صكر كعد/زين الحمدلله
نور أشرت لرؤى يله
رؤى/يله خالد كوم انته وقصي وصلونا
خالد/يله قصي علمود نروح ويه الولد للكوفي
كمنا وصلونا للكراده نزلنا اني شايله خالد ورؤى كايده كرار ونمشي طبينا لمحل مال ملابس كلش حلو اخذت منه ستره نيلي وياها القميص والبنطلون وفساتين هم اخذت ٢ وطلعنا طبينا لمحل مال اخذيه وجنط استريت ٣ احذيه و٣ جنط والبنات كلهم اشترو
كرار /ماما اليد من هاي (أشر على النفاخات)
رؤى/يله ماما امشي بنات اوكفو هنا هسه اجي
رؤى اكبرنه من البنات وشخصيتها كلش قويه وتجاوب وكلش محبوبه
الولد/ولك باوع تكول قطيع مال غزلان
قدر/عزاااا هذا ميستحي
الولد٢/ولك دباوع هاي الشاليه الطفل باوع الوجه والطول
يقصد عليه لان شايله خالد
اجت رؤى معصبه /خير اخويه محتاج شي
الولد/على كيفك ياحلو ليش معصب
كرار/ماما منو هذا
الول٢/عوفها هاي طلعت مزوجه تعال على ذن الحلوات
رؤى/شوف لك تحترم نفسك لاهسه اخابر رجلي واولاد عمه واخو يجون يسحلوك هنا انته وهذا الشفيه وياك استحي وعيب هاي الشوارب عليك وعلى هذا جرتنا ومشت وهي معصبه وتدردم عليهم ناقصين غيره ادبسز ميحترمون
خلصنا رحنه لمحل ثاني اختارو البنات بناطير وتنانير اني هم اخذت صار الغروب رحنه جبنا. عشا للكل ورجعنا لكيناهم ديصلون وصكر وعلي نايمين بالاستقبال راح كرار نام يم ابو وحطيت خالد يم عمتي وصعدنه انطيناهم هدوم طبو سبحو واني وود هم سبحانه لبسنا دشاديش ونزلنا حظرنه عشا اجا خالد وقصي حطينا العشا وكملنا سوينا جاي وشوفناهم الهدوم والكل كال بالعافيه لل١٢ راحو بيت ابو علي
بعد مرور اسبوع
اليوم اول يوم جامعه قسم قانون كلش متحمسه بدلت بنطرون اسود وستره سوده وقميص. ليجوه ابيض لبست ساعه ذهبيه هديه من صكر ومحبس وحلقه وحطيت مكياج وعطر لفيت الشال وأخذت الجنه ونزلت الكل كاعد
نور/صباح الخير
الكل/صباح النور
كعدت على التخم ماشتهي اكل صاحني صكر الصاله الثانيه كمت رحت يمه
نور/ها حبيبي
صكر/باعي نور ضحك ماكو صديق زميل دكتور ممنوع تحجين وياهم الدكتور على كد السؤال والجواب طلعه من الجامعه المكان بدون علمي ممنوع من اخابرج تردين خوش مفهوم
نور/مفهوم تآمر حبي
باسني من راسي وطلعنا قصي ودانا للجامعه ود راحت اقسمها واني بقسمي اول يوم جنت خايفه بس شفت الكليه كلش حلوه كاعده اجت بنات ٢
صبا/هلا ممكن نكون صديقات اني صبا
هاله/واني هاله
نور/هلا بيكم اي نصير تعالو كعدو
شفتهم بنات حبابات هاله مزوجه اما صبا لامخطوبه ولامزوجه بس تحب ابن خالها وهو هم
ضلينا كاعدين صارت اول محاضره كمنا فتنا اجه الدكتور عرفنا علي أول يوم ضلينا نتعرف على بعض طلعنا صارت المحاضره الثانيه اجت دكتوره هم عرفتنا عليها كملت ب١ دك صكر ترخصت من البنات وجاوبت كال انو قصي راح يجي
صدك اجه هو وود سلمت على البنات وطلعت سألوني على يومي كتاهم حلو بس متعب رجعنا عمتي خطيه مسويه غده صعدت سبحت وبدلت وصليت ونزلت اني ود صبينا غده سوينا جاي شربنا كاعده يم صكر واسولفله وهو يبتسم
البارت الثالث والثلاثون الاخيرررر
مرت الاشهر وصارت سنويه امي وتسوينه عزيمه للكل على روحها واني نجحت للثاني بامتياز جنت شاطره وصكر صار زين ورجع لدوامه وود نعم الأخت والحمايه حبابه وخوش بنيه وقصي نعم الاخو كاعدين العصر واجه صكر سلم وكعد مبين عنده سالفه
ابو صكر/صكر اشو اشوفك تريد تكول شعندك
صكر/ايي والله يابه اليوم اجاني احمد طلب ايد ود مني وكال اشوف رائيك واجيب اهلي
ود فتحت. عينها ولزمت ايدها ترجف
ابو صكر ابتسم وكال/اني بصراحه ماعندي مانع وواحمد خوش زلمه وينشد بي الظهر شنو رآيك قصي
قصي/ايي يابه خوش زلمه اني موافق
صكر/واني ماعندي اشكال
ابو صكر/وانتي بابا ود شنو رآيج
ود/هااا بكيفك بابا
ام صكر/كلوووووووش صلوات على محمد
لليل اجو اهل احمد وطلبو ايد ود رسمي ود فرحانه وكلساع تجي تكول كرصيني خاف بحلم اني اجو بيت ابو علي و النسوان هلهلت رحنه الكل كعدنه بالاستقبال
صكر/ماطول الكل كاعد اني نويت الخميس الجاي الحنه والجمعه العرس
الكل/ ايي شكو بيها مبروك
اني خجلت بس فرحانه لان حنزوج اني وصكر البنات بروكلي وصارت ب١٢ الكل راح لبيته
ود/ولج الخميس بعد ٥ ايام شلحك
نور/ماعرف والله
اجت عمتي كالت باجر نطلع نحضر الجهاز
صار الصبح تريكنا صكر راح لدوامه ياخذ اجازه اسبوعين واني كمت سبحت وبدلت اجو بيت ابو علي ورحنه الكراده وشارع فلسطين وزيونه ونشتري الجهاز
رجعنا ب٤ العصر لكيناهم كلهم كاعدين بالحديقه
النسوان/السلام عليكم
الزلم/وعليكم السلام
ابو صكر/ام صكر سويلنا غده تره جعنه
ام صكر/حاضر ابو صكر دقايق
رحنه سبحنا وبدلنا ونزلنا نساعد عمتي وأم على باللغه وصبينا واكلو ونضفنا المطبخ صعدنه بالغرفه نمت ماحسيت بشي من وره التعب كعدت بيت ابو علي رايحين وود بعدها نايمه غسلت لفيت شالي نزلت لكيت عمتي تسوي كبه للعشا ساعدتها نسولف على الحنه
نور/عمه اسألج سؤال بس متررده
ام صكر/سالي عمه
نور/تعزمين عمامي
ام صكر/والله عمه ماعرف
اجو الولد حاجزين الكراسي وسوو البطايق اشوف صكر فرحان واني فرحانه على فرحته كملنا رحت كليت كعدت ود سوت فنكر وزلاطه ومقبلات وقصي جاب ببسي وكعدنه ناكل
ابو صكر/ام صكر اني عزمت اخوتج
اني غصيت بالكمه صكر يضرب على ضهري الله الله وود تنطيني مي شربت نزلت الكمه
ابو صكر/خيرج بويه زينه
نور/اي عمي زينه
ام صكر/اني لخاطر العالم حعزمعم ميكولون وين خواله عمام البنيه وووين
صكر/ايي يمه صح
قرروا يعزموهم بس مابالعه السالفه كمنا كل واحد لغرفته صارت ب١ ماجاني نوم كاعده على التلفون اجاني رساله على الواتس اب من صكر حبيبي تعالي للحديقه
صكر شفت نور شلون ضايجه من عمامها لان حيجونه وره العشه كل واحد راح لغرفته شفت نور نشط الان دزيتلها رساله تعالي للحديقه طلعت اجتي ورايه كعدنه
صكر/شبيج حبيبي ليش ضايجه
نور/صكر والله مضايجة من جيتهم بس اكره كلمه مطلقه
صكر/نور اني مو كتلج انسي انتي مطلقه بابا انتي صرتي مرتي وحبيبتي وبعد شكم سنه ام جهالي انسى الماضي فكري بالمستقبل شمدريج الله جان اله غايه تزوجين مو خلصتي دراسه وجيتي يمي حتخلصين جامعه حبيبي اني وياج لتضوجين هم ساعه زمان ويروحون لتضعين فرحه عرسنا بهل حجايه خوش ياروح صكر
نور ابتسمت من حجي /اووك حبيبي
ضلينا نسولف وكلساع يتغزل واني أخجل وهو يضحك صارت ٣ سمعنا الاذان
صكر/الله اكبر لااله الا الله كومي حبيبي صلي ونامي
نور اووك كمنا هو راح لغرفته واني توضيت وصليت ونمت
بعد مرور ٥ ايام يوم الحنه
نور
كعدت على صوت هوسه جوه راسي كام يوجعني دكيت على ود صعدت هي وقدر ورؤى وعلا /هاا حبي صباح الخير
نور/هلا بيكم شكو هلهوسه
قدر/يااا غير حنتج انتي وصكر وجتين بيت العمام والخال والخالات
نور بضوجه/وعمامي
ود/ايي اجوي من الصبح كلهم
نور/لأهله
رؤى/يله حبي كومي سبحي وتريكي دنروح للصالون
نور هزيت راسي ايي طلعو واني كمت حضرت ملابسي وغراض الاخذهن للصالون تاج والحذاء والبدله طبيت سبحت ولبست جينز. وقميص. وشال وكذاء وعطر نزلت ام صكر شافتني طكتها هلهوله طويله رحت بست راسها وكعدنه تريكنا نسوان عمامي كالبات خلقتهن كمنا اني وود وقدر ورؤى دنروح للصالون شفت علا ماكامت
نور/علا يله
علا/ماكلت لقصي خاف ميقبل
نور/لابله شو وينه
طب قصي صحته
قصي/ها عروسه
نور/العروسه زعلانه عليك
قصي/ليش
نور/ليش متخلي علا تروح ويانه
قصي/حبيبي انتي تريدين تروحين
علا/هاا ايي
قصي انطاها فلوس وفرحت كانت بدلت على السريع
قصي/ها يلعروسه قبلتي
نور/ايي طبعا
قصي/عابتلج يله بسرعه دوصلكم درجع ازين الحديقه
نزلت علا طلعنا وصلنا لصالون من ٩ لل٣ يلا خلصنه طلعنه وحده احلا من الاخ
خابرينه على اجه اخذنه وصلنا عمتي تهلهل خطيه فرحانه بوستني صعدت لبست البدله والحذاء ورؤى بدلت لجهالها خلصت لخالد وبدت بكرار
نور/رؤى انطيني خالد
انطتنا ضلينا نطك سناب بي وبعدين كملو البنات نزلنا يهلهلون كعدت بالكوشه وراحت قدر وود طلعو اغنيه اليوم حنه الغالي وكامو الكل يركص اجت عمتي كعدت يمي تقره المعوذات اجو صديقات عمتي سلمو علينا لل٧ وزعو العشا وب٨ كالو حيطبون العريس وابو كامو يلبسون ود راحت الديجي صوته أعلى صوت وطلعت نسمع احلى هلهوله وكامت تركص طب صكر فدوه لابس قاط نيلي وقميص ابيض ورباط بلون القاط والساعه والحلقه اجه يمي باسني من راسي عمتي هلهلت وعمي فرحان باسني من راسي عمتي جابت صينيه الحنه عمي حنه صكر وعمتي حنتني وكالو كومو ركصو طلعونا اغنيه اليوم احلا يوم بعمري وصكر يغني ويا لازمني من ايدي ونركص اجه عمي وعمتي وود تركص بالنص كلش حلوه الحنه وخاصتا الكل فرحان طلعو اني رحت لبست فستان قصير وغسلت الحنه وكمت اركص وياهم ركصنا نسينا روحنا اني ماحسيت الا اركص واهز خصر بحيث الكل ضل صافن
ام صكر
اشوف نور كامت تركص وتهز اسمعهن يكولن عمي حقه دباوع الجمال والركص رحت يمها عمه كعدي شويه من يفرغ البيت كومي البنات ضالات يمج
نور
رحت كعدت وأراسل صكر هم فرحان وركص شويه وكعد وضل يضحك على قصي وخالد ماكعدو دقيقه هههههههه
خلصت الحنه الكل راح لبيته ونسوان عمامي بقو اني صعدت فوك سبحت شعري كام يحكني من وره السبري والماشات لبست شي خفيف البنات جابلنا عشا تعشيت وفرشت اسناني ونمت
ثاني يوم صارت ٩ رحنه لصالون اليوم خوف على توتر على فرحه رحنه خالد وصلنه طبينا كامو يسوون مكياجي والحجاب خلصت البنات ساعدني لبست البدله وذهبي والبنات هم كملن رجعنا للبيت الجو مشتعل تعال منا روح منا صعدت للغرفه عمتي جابتلي غده أصرت اكل واني مامشتهيه شي جبرتني اكلت لكمتين وكافي صارت ب٣ نزلنا وبده الركص كالو اجه العريس كلبي كام يدك ١٠٠٠ اجه لابس قاط اسود وقميص ابيض ورباط احمر طالع👍👍كعدنا والبنات يهوسون وعمتي والنسوان يهلهلون كمنا صكر كادني من ايدي زفونا بغداد والولد كلساع ينزلون يركصون رجعنا ب٧ صبو العشه للعالم والبنات يمي يركصن زفونا اسمع صوت طلقات الناريه بالسما وهوسات والدنيا مخبوصه ثاني يوم نزلنا كامو يهلهلون عمتي فرحانه وتبوس بيه وبصكر تريكنا وراحو للصلاه صبو الغده تغدينا اني كاعده يم صكر وكلساع مشاورني اضحك وفرقان وجماعته يريدون يطكن كملنا كل واحد لغرفته اني تعبت صعدت سبحت وصكر فات للغرفه حضني ونمنا
كملت القانون وصرت محاميه شاطره واليوم رايحه لبيت عمامي
رحت اني وصكر وعمتي وعمي تعبان مااجه
دكينا الباب فتحوها تفاجأو لان صارلنا هووووواي ماجااين لااني ولااهل صكر ولاصكر فتنا للاستقبال
اجه عمي الجبير ردت اكوم اخنكه بس سيطرت على اعصابي
العم الجبير/خير نور اشوفج جيتينه
نور /ايي جايه داخذ حق ابويه منك
العم الجبير/هههههه ولج بابا انتي متملين من هاي السالفه
نور/ولا راح امل الااخذه واذا متقبل تعرف اني شنو اشتغل
العم/لاعمي اعرف انتي نور اشطر محاميه بعشيرتنا (بستهزاء)
نور/حضرت جنابك تستهزء شوف عمي اني ماجايه اشرب جاي واسولف وياك جايه اخلص شغلي وياك وارجع لبغداد ولاراح اشوفكم الايوم القيامه كبال رب العالمين
العم الجبير/نور انتي ماعندج شي عندي روحي بابا
نور/انته ماكاعد تحجي ويا طفله دكلك اريد حق أبويه والا انسه انتو عمامي وبيناتنه المحاكم
العم /شنو انتي جاي تهدديني
نور/احسبها لتريدها خوووش اني بعد مايهمني لاانته ولاغيرك دكلك حقي صار ٤ سنين اكول حقي حقي
العم/ولا بعد ١٠٠ سنه مانطيجيا
نور وكفت/اذن انته جبتها لروحك باجر ب١٠ الصبح تعال للمحكمه وتعال كبال القاضي احجي هذا الحجي لان هاي تعتبر بوكه
العم/باجر اني بالمحكمه هل نشوف لو اني لو انتي يابنت اخووي
كمنا اختنكت العبره بلعومي طلعنا ركبنا بالسياره نزلت دموعي
صكر/نور لتبجين تره ارجع احرك بيتهم عليهم
ام صكر/يافشله ذولي اخوتي ياوسفه
رحنه للفندق رتبت غراضي سبحت وبدلت ونمت كعدوني بدلت ورحنه تعشينا ورجعت عمتي نامت واني وصكر كاعد على تلفونه واني ادرس القضيه مالتي لل٢
صكر/شنو حبيبي ماكملتي
نور/صكر والله خايفه خاف مينطني حق ابوي
اجه كعد يمي وحضني /حبيبي لتخافين اني يمج
نمت وكعدت ب٨ تريكنا طبيت سبحت وبدلت بنطرون وقميص وستره وشال وحذاء كعب ومكياج وطلعنا وصلت للمحكمه سلمت على القاضي وكتله على القضيه وعدني يحلها وصلو عمامي باوعتله بنظره صااحو المحاميه نور والوياها تفضلو
طبينا كلنا بدو يحجون وعمي يذب حجج واني لان محاميه شاطره كدرت اربح القضيه اكيد باوعت على صكر باوعلي وهو مبتسم وعمتي عيونها مدمعه بفخر
وعماني يباوعولي بحقد
القاضي/ياسيد ماطول حق ابوها هي أحق بي لو ابو نور مامخلف اجان الك حصه بي بس ماطول عنده المحاميه نور اذن هي أحق بحق ابوها وهسه تنطيها حقها من البيت الي هو ٢٠ مليون عراقي واذا مانطيتها تنسجن انته واخوانك بقضيه سرقه فلوسهاوضلو صافنين بوجه القاضي باوعلي رفعتلهم حاجبي كالو خلاص ننطيها حقها وقعت وطلعنا رحنا لبيتهم تعركنا ونطوني ٢٠ مليون وكتلهم قبل لااطلع/حسبي الله عليكم وخطيتي وخطيه امي بركبتكم
طلعنا صكر وعمتي فرحانين على فرحتي وصلنا الكل فرح من فزت بالقضيه رحت تعبانه يومين صارلي مانايمه براحه سبحت ونمت كعدتني ود
ود/ولججج كومي بابا يكول نروح للكاظم عليه السلام كمت بدلت وصكر هم بدل ونزلنا ورحنه للكاظم تشكرته وبجيت رتاحيت طلعنا رحنه للسوك اشترينا بدلات وفساتين لان عرس قصي بعدله اسبوع رجعنا ثاني يوم رحت للمستشفى طلعت حامل ...
الى هنا تنتهي القصة
اتمنى عجبتكم ونالت رضاكم
انتظروني في قصة جديدة راح انزلها علئ اليوتيوب القصه الي راح تنزل فد شي خرافي نتظروني باجر