#أبي_لم_يكن_إنساناً
البارت الحادي عشر
للكاتبة لبنى الموسوي
اسوء بلاء من الله سبحانه وتعالى
أن يكون أقرب الناس عليك أشدهم عداء لك.....
كـ أن تبتلى بـ ولد عاق
أخ جاحد
زوج ظالم
إنسان مُنح سلطة عليك وحين مارسها تجرد من إنسانيته
خديجة.. واگفة بالمطبخ اجهز بالغدة صاحتني أمي
طلعت لگيتها تدفع نفسها بالكرسي
ركضت عليها شنو السالفة يوم مو اني موجودة ليش تتعبين بنفسچ
- صحتچ ما اجيتي بسرعة
- مو داصفي التمن بس خليتة ع النار اجيتچ لتزعلين
- لا يمة ليش دازعل هم خلف الله عليچ
منا احنة
منا بيتچ ورجلچ شتصيرين يعني
ادري داتعبچ وياية بس شسوي هذا قدر رب العالمين والحمد لله الذي لا يحمد على مكره سواه
- شنو هالحچي يمة
اخدمچ بعيوني قبل أيدي المهم بس ترضين عني
- الله يرضى عليچ دنيا واخرة ي بنيتي
- راضي يمة
ماطول انتِ راضية ربي راضي وهالشي سبحانه وتعالى هو اليگولة بكتابه الكريم مو اني
- يلا لعد أخذيني للمغاسل الأذان راح يصيح
- صار بعيوني
وديتها للمغاسل ورجعت اكمل شغلي
للوحدة ونص سمعت صوت همام بالصالة شوية ودخلت علية بتول ها عمة الله يساعدچ
- الله يسلمچ حبيبتي
- شنو غدانا ترى ميتة جووووع
- بامية وتمن بدلي ع السريع وتعالي أكلي لما تشبعين
- الله
رايحة طيارة مو بس كلام افيشششش ي البامية
حچتها وطلعت تركض
ضحكت عليها فرحة البيت هاي وأحلى شي سوا أرشد بحياتة
صبيت الغدة بين ما بدلوا واخذتة للصالة
داروح للمطبخ اجيب الماي نزل همام من فوگ ها خيتي شو ما لابسة شنو تظلين هنا
- اي خوية
لأن رجلي اليوم راح يزور بالنجف ويا جماعتة
- هلا بيچ يبعد اخوچ
- وبيك اكثر حبيبي الله يخليك النة
مسح على راسي مبتسم وراح گعد يم أمي
خلصنا الغدة عزلت المطبخ ولميت الملابس دگيت الباب على بتول صاحت تفضل
- ملابسچ هاي اجيت حتى ارتبهن
- لا عمة عوفيهن علية
- ماكو فرق حبيبتي خليچ بدراستچ اني ما عندي شي
- بت خالتي اتصلت هسة
- خير ان شاء الله
- ماكو بس گالت أمي جاية يمهم اليوم وراح تبات
- وليش مهتمة انتِ
- لا ممهتمة بس هيچ داسولفلچ شگالت
- اني امچ
بيبتچ أمي
غيرنا ما عندچ أم بتول تسمعين لو لا
- اعرف عمة اعرف
- يلا درسي باچر عندچ أمتحان شوية وطالعة اني
- اي
حچتها ودنگت تقرا
شوية ورفعت راسها چنت ارتب بالثوب صاحتني عمة سؤال
- جواب
- بيبي أم بابا ليش ماتت
- تمرضت بالسل أسم الله عليچ وسلمت امانتها الربها
- هااا
زين جدو الله يرحمة ليش تزوج عليها لأن مريضة
- لا بس ما صار عدها غير أبوچ
وهو يحب الأطفال كلش فـ زوجتة بنفسها ومو غريبة تصير بت خالتة الأبوية
- لعد اذا يحب الأطفال ليش ما جابتلة غير أثنين انتِ وعمو همام ؟!!
- ما لحگ يخلف عمة
هو جابني وراها بسنتين جاب همام وقتلة صدام
- صدگ ليش قتلة
دوم أسمع بهالشي بس محد يگولي السبب والله شنو بعدچ صغيرة خو هسة كبرت يلا احچيلي
- شلچ بـ هـ السوالف يا بتول
التهي بدارستچ حبيبتي وعوفي الماضي ميفيدچ بشي
- حبابة حبابة احچيلي
حابة أعرف كل شي عن حياة أهلي ومن حقي ترى
- حدچ تصفى بسبب الدين
- شلون يعني ما فهمت شعلي الدين ؟!!
- يعني بسبب مذهبة والتزامة الديني عدمة صدام
- هااااا
وشوكت ماتت بيبتي أم أبوية بعدة لو قبلة
- لا قبلة بهواي
ماتت ورى أربع سنوات من زواجة من أمي
- ومن مات جدو چنتوا أطفال لو كبرتوا
- لا أطفال كلش
- وشلون ربتكم بيبي وحدها وفوگاها أبوية وياكم
- هي صح تعبت لأن موت جدچ أثر بيها كلش
بس ظلت واگفة على رجلها
ربتني وربت أخواني وگدرت تسد مكان أبوية الله يرحمة وما حسستنا بالنقص طول حياتنا
وابد مچانت تفرق بينة وبين أبوچ
بل بالعكس احياناً احسها تفظلة حتى علينة بحجة لا يتحسس حرام يتيم الأب والأم
تالي خوش جازة تعبها ورباها
انجرف ويا للحزب البيوم من الأيام كتل أبو
وبمجرد دخولة لهذا العالم الظالم صار أبوچ إنسان ثاني أو بالأصح تجرد من إنسانيتة
- شچان يسوي بالضبط
- الشي اليسوي أي ظالم من ظلام ذاك النظام
- وبيبي شنو ما منعتة
- لا اكيد منعتة وحاولت ويا بكل الطرق بس ما گدرت تغير منة شي لأن وللأسف عقلة أنغسل تماماً وصارت على عيونة غشاوة الباطل
- اي وبعدين كملي عمة فدوة
- ظل يسرح ويمرح وياهم
وميحتاج اگولچ شچان أبوچ يسوي لأن شفتي بعينچ
لحد ما اجة البيبتچ وطلب منها تزوجة
واكيد فرحت عبالها قرر يتغير ويستقر
خصوصاً من طلب منها تخطب بت خالتة بالتحديد لأن چان بيناتهم حب سنين مو يوم ويومين
- اي وصار هالشي ؟!!
- اكيد لا لو تغير ما چان حالچ هذا
ظل مثل ما هو غاط بالحرام
وبالتالي أمچ ما تحملت وانفصلت عنة بعد سنتين من زواجهم بس
- وگبل راحت تزوجت وخلفت ولا كأن عدها بنية ؟!!
- الله يسامحها ويسامحنا
- شگد چان عمري من تزوجت سنتين لو أكثر
- لا أقل سنة ونص تقريباً
- يعني من تركتني چنت أشهر حتى مصايرة سنة ؟!!
- اي
بس ما فرقت عندچ ابد
لأن من عمر يوم وبيبي چانت تهتم بيچ مو أمچ بتولة
- اي اعرف غير هي الربتني
زين عمة شسوة بابا بعد ما انفصلت ماما عنة ؟؟
- شسوة يعني غير صخام الوجه تخبل الله وكيلچ
كل فترة والثانية صار يتزوج وحدة شكل
شي مطلقة شي أرملة شي بت بيت يخلص وياها سنة سنتين ويطلگها حتى يتزوج غيرها
- اي داشوف عمة وما ادري ليش هيچ يسوي
- مرض عمة شگد حاولنا ويا ماكو
يمعود حرام
يمعود بنات العالم مو لعبة خاف الله مو عندك بنية بس شنو اذا نحچي ويا الحايط يستجيب وأبوچ لاااااا
- تدرين عمة
رغم هو شگد حنين وياية بس مرات اخاف منة كلش
- لا من هالناحية أمني
أرشد ضارب الدنيا بعرض الحايط بس مستثنيچ انتِ
- زين عمة سؤال بعد
- كافي عاد ادرسي
ترى راح اصيحلچ عمچ وتدرين شيسوي بيچ اذا عرف دتسختين
حچيتها وطلعت من الغرفة
يومين وحسينا أرشد ديخطط الزواج جديد
لأن كلما يريد يتزوج يحوس
يا يغير غرفتة يا يجدد ديكور البيت وما يستقر إلا لمن تصير المرة على ذمتة
اليوم العصر گاعدة اتفرج تلفزيون دگ همام علية
رديت طلب اروحلهم للبيت
عرفت صاير شي لبست و وصلني رجلي الهم ويا ريت ما وصلت لأن هالمرة الصدمة چانت غير
طفلة قاصر يا ناس !!!
أرشد أخوية تزوج من قاصر وهاي أول مرة يسويها لأن ما خلة شي بنفسة ما سوا إلا هاي ؟!!
حاولنا ويا اني وهمام هواي
ما خليتة شي ما حچينا بس للأسف
كلامنا ما هز من راسة شعرة وظل يشوف نفسة الصح واحنة المزوديها
المصيبة احنة متأكدين
كلها فترة بسيطة متتجاوز السنتين ويشمرها لأن اكيد هي مراح تفرق عن القبلها بـ أي شي
والمصيبة الأكبر لمن عرفنا أبوها بايعها
هنا تربطنا صدگ
اذا أبوها بـ نفسة بايعها احنة شنريد نسوي بعد ؟!!
ورغم هذا ما سكتنا
الأخر لحظة واحنة نحاول ويا
بلكي الله يلين گلبة ويخلي هالطفلة تروح بحال سبيلها لحد ما اخذها وصعد للغرفة
بس سد الباب ظل همام يصيح علينة
درت وجهي علية بعصبية
خوية ليش دتصيح احنة شنو ذنبنا قابل رحنا خطبناها من اهلها ؟!!
- وچ خديجة مگاعد استوعب عملة أخوچ
شفتيها انتِ شفتيها
الطفلة حتى أصغر من بتول الله أكبررررررر على راسة
حچاها وگام يفتر بالصالة رايح جاي
- استغفر الله رب العالمين واتوب اليه اااااااستغفر الله
الهي لو تهدي لو تاخذة وتريحنا من جبروتة
لأن الديصير لا يرضيك ولا يرضي عبادك على أختلاف دياناتهم
الحجية.. يمة استهدي بالرحمن وگول يا الله
شنو بـ أيدنة نسوي وما سوينا !!
هذا أخوك من يومة هيچ قابل جديدة عليك هالسالفة
- يووووووم لاااااا تزهگيني
هالمرة بالتحديد تختلف عن كل الزواجات السابقة
يمة طفلةةةةةةة
يا أمة الأسلام تعرفون شنو يعني طفلة لو لااااااا
شلون تنطي نفسه يتقربلها ؟!!
زين من يباوع بوجها مراح يتذكر بيها بنتة مو وروح أبوية راح اتخبل
فجأة التفت على بتول
- عمي انتِ شعندچ گاعدة هنا امشي الغرفتچ ادرسي
- صار عمو
حچتها وراحت للغرفة
توها طابة نزل صياح أرشد للصالة
وراها سمعنا صوت كسر وهو يصيح ويفشر عليها راد همام يصعد لزمتة ع السريع
- لا خوية دخيلك وين صاعد
مدتشوف شلون صاير أعصاب لتروح تتعارك ويا وتكبر السالفة أكثر من هيچ
- خديجة شتحچين انتِ
يمكن ضربها ما سمعتي الصوت نزل لهنا
وطبعا هذا الشي لازم يصير اذا ماخذلة طفلة كل شي متعرف فـ شلون يگدر يتفاهم وياها حاچيني خديجة حاچيني
- اصبر اني راح أصعد انتَ خليك ما عايزين مشاكل
درت وجهي أصعد طلعت البنية
يمكن أيدها انضربت بالباب لزمتها تناشغ شوية والتفتت علينة وجها منتهي من البچي
همام.. اشرت بـ أيدي تعالي نزلي
باوعتلي وبچت
رجعت اشرت بعصبية نزلت خايفة مترفع عينها علينة
وصلت يمي تخر ماي
حتى الملابس لازكة على جسمها وترجف ما ادري خوف ما ادري من برد
- خديجة خوية اخذيها لغرفة بتول
انطيها شي مستور تلبسة وذبي الحجاب على راسها
- اي تتدلل
بس احلفك بروح أبوك لا تصعد الأرشد خل يهدأ بالأول وعود بعدين تفاهموا
حچتها واخذت البنية للغرفة
كلما أريد اصعد الأرشد حتى اكتلة بـ أيدي
يجي صوت أمي
تحلفني خليك بمكانك لأن لو تعاركتوا معناها أموت
أخر شي گعدت بالصالة
أيدي على راسي الصداع موتني
ممعقولة السوا أرشد لسة عقلي مديشيل السالفة هاي
هناك واسمع صوت الباب
رفعت عيني طلعت خديجة هي والبنية تعالي عمو اگعدي هنا خل نحچي شوية
بالگوة تحركت
گعدت بأول التخم ع الطرف شوية وتوگع
تمشيت للجهة الثانية گعدت مقابيلها اي عمو انتِ شسمچ
حتى ما رفعت عينها
اباوع لجسمها يخض مثل السعفة
عمو لتخافين محد هنا يأذيچ بس جاوبيني حتى اگدر اساعدچ
- طيبة
يعني أسمي اني طيبة
- حاچيني طيبة وين أهلچ ؟!!
زين أبوچ شلون زوجچ الأرشد وانتِ بـ هالعمر
يعني ما عندچ خال عم جد أخ يوگف بوجهة ويمنعة يسويها
بس حچيتها صارت تشهگ بالبچي
- استغفر الله رب العالمين واتوب الييييه
أي ليش دتبچين يا عمو هسة شگتلچ وبچيتي؟!!
اني سألتچ حتى بلكي اگدر اساعدچ وارجعچ لأهلچ
ظلت على نفس وضعها
مدنگة وتناشغ حتى نفس ما ظل بيها
عرفت مراح يفيد كلامي
گمت لازم اعصابي بالگوة التفتت على خديجة أشرت براسها هااا
- تعالي وراية للمطبخ
حچيتها ورحت قبلها لحگتني لونها مخطوف
- خوية فدوة لطولك
هدي روحك شوية وخلي الموضوع يعدي على خير ما عايزين مشاكل ويا أرشد
- المشاكل هو الخلقها مو اني خديجةةةة
وهسة اسمعيني عدل
مثل مدتشوفين البنية خايفة مني
وبهالحالة ما اگدر احصل منها لا حق ولا باطل ولا بية اجبرها تحچيلي وهي ما راغبة بالحچي
الأريدة منچ تاخذيها لغرفة أمي وحاولي تعرفين منها
شصار فوگ
ليش صيح عليها أخوچ
منو أهلها
أبوها شلون زوجها
وكل شي يخصها خوية بلكي اگدر اساعدها قبل لتتورط بـ أرشد
- اي تتدلل سهلة هاي
طيبة.. گاعدة يم الحجية نفسي ميطلع
عيوني بالگاع وافرك أيدي بتوتر
حاسة بغربة مو طبيعية شگد عشت قلق يم رزاق بس أهون من هالأحساس الداعيشة بألف مرة
فجأة حسيت خديجة تقربت مني بهمس
- گومي حبيبتي يلا
بلا أي جدال
گمت وياها اخذتني الوحدة من الغرف وسدت الباب
اشرتلي أكعد ع الچرباية وگعدت مقابيلي ع الطبلة باوعتلها بخوف
ادري راح تسألني والمصيبة ما أعرف بشنو راح اجاوبها
- حبيبتي طيبة
اترجاچ تجاوبيني على كل سؤال اوجها الچ علمود اني وهمام نساعدچ ان شاء الله
أهلچ وين ؟!!
وأبوچ صدگ باعچ مثل ما گال أرشد لو هو ضغط علي لأن أخوية واعرفة كل شي يطلع منة
بس حچتها شهگت من گلبي
تحچي على أخوها ومتدري بـ رزاق ماكو جريمة بالدنيا ما سواها بية وبأهلة ظلت على بيعي !!!
- عيوني انتِ لتخافين واحچي
اعتبريني مثل أختچ
أمچ
صديقتچ
عمتچ
أي شي بس المهم تحچين فدوة الطولچ كافي من بچي
ما گدرت حتى أمنع دموعي تنزل
شجاوبها يعني
أبوية كتل أمي عمي جدي أخوية العالم الناس الدنيا !!!
لو التعذيب الچان يتفنن بي لمن اصير بين أيدة
وكـ أني وحدة من مساجينة
مو بنتة الواگعة من ظهرة والرب العالمين خلاها أمانة عندة
لو مثلاً اگولها اي صح
أبوية باعني الأخوچ وقبض ثمني الما اعرف مقدارة !!
- يلا يلا اسكتي كافي لتبچين
اتركي هالسالفه وجاوبيني بس على هالسؤال
شصار فوگ
وليش أرشد صيح عليچ صار بينكم شي أخذچ لو لا ؟؟
بس حچتها باوعتلها بـ أستفهام
هو هم چان يصيح أخذچ يعني أخذچ يا ترى شنو سر هالكلمة
- ما فهمت
شنو يعني أخذچ لو لا ؟!! ليش وين ياخذني
گبل لطمت على خدها
- صخام الصخم وجهك أرشد على هالعملة
ولك بعدها طفلة
حتى متعرف شنو يعني زواج شلون تتقبل نفسك تتقرب منها
بس جابت سيرة الزواج لعبت نفسي بشكل
اشرتلها بـ أيدي على حلگي
عرفت أريد اتقيء
ركضت جابتلي علاگة من نفس الغرفة استفرغت بيها معدتي
- اسم الله يمة اسم ليش استفرغتي ؟!!
اخاف أخذتي برد لأن طلعتي من الحمام وانتِ مبللة
- أريد أغسل
- دهاچ امسحي بالكلينس وبعدين تغسلين
سحبتة من أيدها مسحت حلگي
ظلت تباوعلي
بعدت نظري مستحية چان تسأل شصار احچيلي حبابة
- شنو احچي ؟!!
- بس أريد أعرف شصار فوگ بينچ وبين أرشد
- شهگت بقوة مو أخاف أتذكر
- لا حبيبتي لتخافين
ارجع واگولچ لازم تحچيلي حتى اساعدچ طيبة
- سوة شغلات عيب كلش
ومن ما قبلت صيح علية لأن گتلة لا عمو عيب لتسوي هيچ الله يخليك
- وبعد ؟!!
- گال اني مو عمچ وامشي أطلعي برة ع السريع
- هسة ما فهمت شنو هالشغلات العيب
- بس حچتها دنگت ابچي والله اخاف احچي محلوة
- باوعي حبيبتي طيوبة الجميلة
اني ادري بيچ خجلانة مني ومتگدرين تحچين براحة
لذلك شراح اسوي ؟!!
راح اغمض عيني وانتِ احچي على راااحتچ ولا كأني موجودة
صفنت بوجها غمضت اني هم أمنت
- هو شنو يعني
سحبني بالبداية الحضنة وخلة حلگة على حلگي وگام يسوي حركات محلوة كلش
بعدين بعدت عنة ابچي لأن لعبت نفسي
گتلة عمو عيب شو هذا صار عصبي وشمرني ع السرير
شگ ملابسي وخلة راسة يم رگبتي
وهمات سوة ما اعرف شنو لحد ما اختنگت لأن جسمة ثگيل هواي
وكلما اريد اصيح يسد حلگي بـ أيدة
وراها نزعني وگام يسوي اشياء عيب احچيها واخاف اذكرها لأن تخوف حيل
ظليت اتوسل بي يعوفني ما سمع
فجأة چنت مغمضة گام عني يصيح ويغلط علية بعدين گال من ورى العوي مالتچ حتى نفسيتي تعبت
- اي وانتِ شسويتي
حچتها وهي مغمضة رغم هذا بعدت نظري عنها
- چان بلا ملابس
ما گدرت اباوع گمت واني مدنگة ركضت للحمام
گلت ابقى هناك بين ميهدأ
بس بعدني ابچي رجع يصيح علية ويطردني فـ طلعت
حتى ما لحگت انشف من الخوف
وبس صرت گبالة فشر علية وگال لتوگفين بخلقي يلا أطلعي منا ع السريع
اني خفت وين اروح ما اعرف احد هنا
داتوسل بي شمر نفاضة الجگاير علية اجت بصدري
وتعرفين وراها شصار
طلعت من الغرفة وبس درت وجهي صحتوني ونزلت
بس حچيتها فتحت
- زين سؤال بعد ما صيح عليچ ورحتي للحمام
هم شفتي اكو دم نزل عليچ
- الشهرية يعني
- لا غيرها
- لعد منين يطلع دم ما فهمت ؟!!
- لا اله إلا الله
هسة هاي شلون افهمها ررربي
شوفي حبيبتي وركزي زين حتى تجاوبيني بالمضبوط
بدت تشرحلي واني الخجل ماكلني
بس خلصت گالت ها بشري اكو هيچ شي لو لا مو گلبي وگف بعدت نظري مستحية لا ما طلع دم.....
يتبع
لتنسووون ⭐⭐⭐⭐⭐⭐
كل الحب ❤🥀