دخلت الى جناح اختها مبتسمه عندما رأتها وهى مرتديه الفستان الابيض الجميل الراقي الذي اختاره مراد لها وفوق رأسها تاج مُرصع بالالماس قد اعطته لها ناريمان كهديه عرسها
احتضنتها بحنان واردفت :شكلك زي القمر يا نوران والسعادة مخلياكى اجمل ربنا يسعدك دائما .
ردت الأخري بحب وهي تحتضنها :مفيش حد فى الدنيا كلها اسعد منى ليا اخت زى القمر وبحبها قد الدنيا وكل اللى اتمنيته الحمدلله اتحقق
_تقصدى مراد هو فعلا بيحبك انتو تستهلوا بعض ربنا يسعدكم
=بجد يا مرجان يعنى انتى مش زعلانه
_لاء طبعا وكمان ...
=وكمان ايه قولى
_بصراحه كده انا بفكر ارتبط ب نبيل هو اللى ساعدنى اعدى من الازمه اللى مريت بيها وحاسه أنه بدء يتغير
= عندك حق فعلا انا لاحظت أنه اتغير تصدقى هو بنفسه اللى اختار ل مراد البدله وكمان اتفاجات بيه لما جه مع عمى كمال وكان بيتعامل مع احمد وهاله ببساطه كأنهم اخواته ...المهم انتى ليه ملبستيش
لحد دلوقتي ؟
_انا قلت اطمن عليكي انتى الاول
=طب يلا بسرعه عشان تكونى جنبى احسن انا
متوتره اوى
تحدثت هاله بحنق مصتنع وهي ترفع ديل فستانها الطويل :نعم نعم يا ست نوران اومال انا ايه خلاص هاله دلوقتى اتركنت ع الرف
ضحكت نوران ومرجان على كلامها وتذمرها كالاطفال
تحدثت نوران بفرحه :يا خبر وانا اقدر بردوا بصوا بقى احنا التلاته اخوات ...
دخلت زُمرد عليهم كالاعصار وهي ممسكه بيدها علبه قطيفه جميله باللون الازرق وقاطعتها مُتحدثه:احنا أربع اخوات يا حبيبتي مش تلاته إزاي تنسيني
أنهت كلامها وقدمت لها العلبه واكملت :دي هديتي انا وعثمان
اخذتها نوران وقبلت زمرد بحراره وتحدثت :مقدرش يا قلبي انساكي بس انتو قلتو مش هتعرفو تيجو في الفرح
هتفت الاُخري بغرور : انا ليا تأثير علي عُثمان واقنعته أننا نحضر بس ايه رأيك في المفجأه
هتفت نوران بسعاده :احلي مفجأه يا حبيبتي
تركتهم مرجان كى تُجهز نفسها للحفله فقد قرب موعد الزفاف
وجدت بجناحها فستان احمر قمه بالجمال والروعه وورقه مكتوب عليها "ليس بقدر جمالك"
إلتفتت حولها فلم تجد أحد ولكنها تعلم من صاحب هذا الخط جيداً .
قامت انعام بمساعدة فوزيه وهى بقمة السعاده
فالاحداث الاخيره اجمل بالف مره مما كانت تتمنى
وقام بهلول وصابر وشباب القصر بتزين الحديقه الخلفيه لتكون بأستقبال العروسين
....
تحدث احمد بضجر :لاء مش هتلبسى الفستان ده
ردت الاُخري بحنق لتثير إستفزازه :يعنى هترجع تتحكم فيا
_يا حبيبتي ده مش تحكم ...دى غيره وبعدين القمر بتاعى مش بحب حد يشوف نوره غيرى
=بتقولي كده علشان مزعلش وألبس الفستان
_ لاء طبعاً إنتِ فعلاً زي القمر .... جربى الفستان اللى انا جايبهولك
هزت راسها بالموافقة واردفت :بس لو مش حلو هلبس التانى
ضحك احمد وتحدث : لاء هيكون حلو انتِ مش بتثقى فى ذوقى؟
تجمع الشباب بالاسفل
كلاً منهم له أناقته الخاصة
كان مراد يرتدى بدله سوداء تظهر أناقته ووسامته بطوله الفارع وجسده الرياضي.
بينما ارتدى عثمان بدله من اللون الرمادي ذادت من وسامته
وارتدى نبيل بدله سوداء ايضاً ف لطالما رأى انبهار عيناها به وهو بهذا اللون
وظل يفكر هل سترتدى الفستان الذي أحضره لها ام لا
........
هبطت نوران إلي الأسفل متأبطتاً بذراع عمها كمال لكي يوصلها لزوجها الذي لم يرفع عينيه عنها حتي أصبحت أمامه مباشرةً مما جعل وجنتيها تشتعل وتهرب الحمره إليهم سريعاً
قبل يديها وضمها له وأخذها بالمكان المخصص لهم
سلمت زُمرد علي مراد ونوران مره اُخري وباركت لهم ووقفت بجانب عُثمان وعينيها لا تنظر إلا لعينيه
ابتسم عُثمان عليها واردف :حضرتك بتكتشفي لون عيني من جديد؟
نفت زُمرد وتحدثت بمكر : لاء براقبك عينك لو جت هنا ولا هنا مش هعديها علي خير
تحدث هو ببراءه مصتنعه :بس انا عيوني مش شايفه غيرك
فرحت زُمرد بشده وظهر هذا علي عينيها وابتسم هو بخُبث لإستطاعته ترويضها وارجاعها عن رأيها .
...
كان ينتظرها بفارغ الصبر لما تأخرت كلها هذا الجميع نزل إلي الأسفل عداها نظر للساعه للمره الالف
وقف مكانه وظل مُحدقاً بها بعد أن رأها تهبط بالفستان الاحمر الذي أحضره لها وتركت شعرها ينسدل بحريه ووضعت احمر شفاه علي لون الفستان مما جعلها كلوحه فنيه جميله
هربت من نظراته واصتنعت أنها تنشغل في تعدلت شعرها وإرجاعه للخلف
تقدم منها وجلس بالكرسي المجاور لها بعد أن قربه منها وتحدث :مُرجان متعرفيش أنا فرحت أد إيه لما لقيتك لابسه الفستان ،انا عاوزك تديني فرصه انا عارف انك مش بتحبيني بس خلاص القدر جمعنا من تاني ومبقاش ليا غيرك ولا إنتِ ليكي غيري ..صدقيني انا اتغيرت ومستعد أستناكي لحد ما تقتنعي ،انا غلطت كتير في حياتي وإنتِ كمان فخلينا ننسي الماضي ونبدأ من جديد
طال صمتها مما اشعره بخيبة الأمل إلا أن اردفت مُرجان :نرقص؟
حرك رأسه وتحدث بغير تصديق :قولتي إيه
_نرقص؟
=طبعاً
نهض من مكانه وامسك يدها وسحبها خلفه لمكان بوسط الحديقه الكبيره الموجوده بالقصر وبدأ بالرقص معها وظل يتحدث معها حتي بادلته الحديث مما أسعده وبشده .
......
هتف احمد بملل :هتفضلي مضايقه كده كتير
لم تعيره إنتباه ونظرت للجهه الاُخري
فتحدث مره اُخري :يا حبيبتي قولتلك ماينفعش
_بس يا احمد انت مصمم تضايقني انا سمعت كلامك ولبست الفستان ،كمان مش عاوز تخلينا نقوم نرقص
=ايوه طبعاً وعندي حق المفروض اشوف مراتي بترقص واقعد اسقف لها والرجاله بتبص عليها
_لاء انت هترقص معايا
=يا فيروز افهمي انا رجولتي متسمحلش اشوف مراتي بترقص وفي رجاله موجوده
_طب انا عاوزه ارقص دلوقتي زيهم
=ارقصي في بيتنا يا حبيبتي
نظرت له بصدمه وهتفت بحنق :احمد إيه الي انت بتقوله ده ...الناس
_مش مهم الناس المهم إنتِ .
..................
فركت نوران يديها بإرتباك واردفت :مراد هتفضل باصصلي كده كتير
تحدث الاخر بجراءه :حد يبقي شايف الجمال ده كله وميبصش عليه ...تحبي نرقص
_لاء مش بعرف
=أعلمك
_مش قدام الناس ،ممكن اتلغبط أو اعمل حركه غلط
=نوران ليه حبيتي تعيشي هنا في القصر
_علشان انا بحب القصر ده وبحب anna ناريمان ،انتو اهلي ولازم اعيش مع اهلي وكمان مُرجان بقت وحيده وانا مش عوزاها تحس الاحساس ده
=علاقتكم بقت حلوه
_مُرجان طيبه بس مامتها الله يرحمها هي الي كانت متحكمه فيها
=مش عاوزين نفكر في الحجات دي عندنا حجات تانيه اهم
_زي؟
=سفرنا عاوزه تسافري فين
_حبيبي اي مكان المهم أن انت معايا
=بحبِك
_بحبَك
...........
مضي اليوم سريعاً لكنه كان يوم من اجمل الليالي وبالصباح أخذ مراد نوران وسافرا معاً إلي تركيا لتمضية شهر العسل .
وعاد احمد وعائلته إلي بيتهم .
....
يجب أن أقول أنها النهايه لكنها بدايه لحياه مُشرقه مليئه بالحب خاليه من الحقد والغيره والإنتقام .
...
تمت بحمد لله
...
رأيكم يهمني جدا عاوزه اعرف الرأي النهائي في الروايه وهل انفع كاتبه ولا لاء ؟😂
....
بقلمي ضحي حامد .
....
اعملوا فولو ليا هحبكم اوي 😂♥️
dohaMohamed854