اسيرة قدرك

البارت الخامس

اسيرة_قدرك..
بقلمي رسل..
البارت الخامس..
واتباد @rasolaa7

عاتبتك گبل
ضني العتاب ايفيد..
وآنه ادري النهر ما ينعدل مجراه..

-شكو ريا ليش متصله بعدني ما حاجيه
انسحب الموبايل من ايدي..

-اخذته من ايدي اخته حجت ويا جان اتكوله..

-و شدعوة عيني هاي شبسرعة شكتلك ترى
جذابة خوية..

-سمعته كالها لا ما حجت شيء ليش شصاير
اني خابرتها على اوراق نسيتهم.. هزيت ايدي
شكد يخاف منهن يربي بحيث فر الموضوع..

-كم يوم و اني ملازمتني الدوخة و بس اتشهه اكل و ما اكدر اكل لان عدهن نفسيه حتى بالكنتور يضمن الاكل و بس من يجيهم خطار يمدن السفرة و كله براس زوجي عاد كلت كافي
اسكت خلي اكوله..

-رجع من دوامه سبح و ارتاح يلا فتحت
الموضوع ويا بديت احجيله شلون ادوخ
و روحي رايحه..

-العصر اخذج حللي و نشوف سبب هالدوخة..

-للعصر اخذني حللت و انتظر على نار ما اريد
اطلع حامل شنو عيشتي وياهم ونوب اخلف
الي اجيبهم شنو ذنبهم كطع عليه تفكيري
صوته كمنه اخذنا التحليل و النتيجة جانت
حامل ابد ما فرحت تعبانه و مالي خلك حتى
روحي هو جان عادي ردة فعله من رجعنا
شكيتله لان خلصت طاقتي و تالي من سمعت
رده تندمت حجيت اصلا لان ما يفيد..

-ريا تحملي انتي شايفه الجناين شلون عايشات
بابا بالضيم..

-ابتسمت بقهر شتحمل اسر شتحمل انت
شايف شلون تعاملوني انت واهلك
الجناين الي تحجي عنهن
ما عدهن غرفة مال نوم
ذن الي تحجي عنهن ملابسهن بأكياس مال
فضلات
لو حسره عليهن يفتحن حلكهن بكلمة..

-اش كافي لج..

-سكتت واني داخلي يغلي غلي شلون يحجي
عبالك معيشيني ملكة هم حتى احترام ما مخليلي..

-باجر حسبي حساب جماعتي على الغدة
اريد غده مرتب..

-هزيتله راسي و سكتت رجع كال سوي تمن
ابيض و تبسي..

-ماشي..

-رجعنا للبيت اول ما طب تلكته اخته
اسر اريد تزيد الشهرية مالتي ما تكفي..

-ميخالف راح اسويها الج 100 حجاها وباوع
عليه تالي كال وانتي انطيج 50 ريا و تجمعينهن
يمها يقصد على اخته مو تصرفينهن..

-اي خوية خاف تصرفهن على اهلها حجتها
وتباوعلي..

-تنهدت هسه اني عاتبة عليك تغثني انت و اختك
الي تخاف  اخليهن يمي خاف اصرفهن على اهلي
هو راتبه زين بس اهله كل شيء يردون
لازم منه..

-المغرب طبيت للمطبخ اسويلهم عشه
نقهرت هواي من اريد اني اشغل الطباخ
ما تقبل عمتي ومن يردون عشه لازم
غصب عني اوكف على الطباخ..

-واكفة اكلي دخل اسر اجه بسرعة سد
الشباك..

-ليش فاتحته..

-اريد اشوف ناس اسمع صوت مخنوكه
و محبوسه هسه هو شباك..

-صفن عليه.. لا تتعشين انتي هسه اجيبلج
عشه انتظريني..

-طلع هو و اني كملت العشه و ديته الهم
و رجعت اركب الغده الي يريد ياخذه
ويا اسر واكفه و اطبخ و اسمعهن يتبسبسن
كملته و اخذت شوي اضوك الملح..

-وجان يجيني صوت حماتي  ايع  شنو
هذا اللعبان النفس مو عالم راح ياكلون
منه شلون هيج تسوين..

-تركتها تحجي و ما هتميت و كفت و كفه
الى ان كملت اخذتهن و ديتهن جوه كبال
عيني ما عندي ثقة بيهن يروحن يخلن
ملح لو شعرايه بالاكل و شيخلصني من اسر..

-بقيت انتظره شوي و اجه انطاهم حلويات
انطاني الاكل..

-هاج هذا مشتهاج اكلي..

-بقيت فاتحه عيوني من الصدمة منو عاتب
عليك اذا هيج تخاف منهن شكو حجيت
وكلت راح اجيبلج عشه من شافهن هيج
حجه حتى يكولون هي طالبة منه..

-اخذتهن جان جايب لفتين معلاك اكلت
نص لفة و نسدت نفسي عينهن عليه
ومنا ضجت منه الباقي انطيته الهن
عدنا حماتي الجبيرة كلش عينها ضيكه
وما تشبع..

-تمدد اتقربت يمه.. اسر لا اتنام..

-شكو شبيج؟!..

-مخنوكه والله و ضايجه اريد اشتم هوا
فدوه طلعني حتى اذا بس نتمشى هنا و نرجع..

-كومي لبسي عباتج و تعاي..

-طفرت لبست العباية و اني ما مصدكه
راح اطلع و اشوف الشارع طلعنا تمشينه
شوي و كعدنا اجه على بالي اشكيله
و احاول اقنعه نرجع للشقة لان تعبت
كلش وياهن و محد منهم طايقني..

-اسر راح احجي بس عليك الله اسمع
مني انت ليش تعاملني ليش محتقرني
و بكل موضوع تفضل اهلك عليه حتى
لو جان الحق وياي بس كلي ليش
تعبت وياك تعبت والله شمسويتلك
بس كول اشو من تزوجتني لليوم اني اكرف
و ياريت واحد منكم محترمني لو مقدر
هالشيء اسر اني كل طاقة بعد ما عندي
تعرف يعني شنو بشر مل و خلصت كل طاقته نار نار احس بداخلي شنو عيشتي
واني حتى خصوصية ما عندي يعني
يرضيك  غرفة خاصة ما عدنا
كلي يرضيك تتقربلي جوه البطانية و خواتك
ويانا بالغرفة
لو اللكمة و اللبسة محسوبة عليه حساب..

-اعرف غلطت و الله اعرف اكبر غلط
من تطلع المرة من بيت زوجها بس رجعت
واعتذرت منك وكتلت ما تنعاد وانت شسويت عاقبتني عقوبة لا الله يرضى بيها
و لا عباده اسر لخاطر الله كافي خلي
مرجع لمكانه كافي هالمعاملة و الله بعد
ما اعيدها و لا اطلع من البيت بس رجعني..

-ريا والله و داعة امي احبج و اعرفج فقيرة
وعلى نياتج
بس ما اكدر و لا اريد ازعل امي و انتي
تجبريني هيج اتصرف وياج خواتي
ذني امانة ابوي الي راح وهو يوصيني بيهن
هالله هالله بخواتكم امانته لابوي ذني ريا..

-طبعا هن كل كعدتهن و مصرفهن على
اسر حماي الجبير عازل و الصغير سكير
وما عليه كل اعتماد..

-ضليت اتوسل بي و اقنع لان شفته شوي
لان ابتسمت بفرح من كال ميخالف بس
ها بس خمس اشهر نكعد بيها منا لما
ابيعها..

-و النهار تخلصينه فوك يمهم عود بالليل
ننزل كل هذا واني اي وميخالف المهم
اريد اخلص لان ملابسي ماكو كنتور الي يلمهن و سالفة النومه حيل اخجل من خواته مرات احسهن كاعدات و اموت
من الخجل على الاقل هناك اكو غرفة واكو
باب الي ينسد..

-رجعنا واني فرحانه عبالك انجاز مسوية
رحت فرشت وهو يسولف ويا اهله
و يلعب ويا مهرة تالي كلها نامت واني اتكلب من الجوع وما اكدر اكوم هو حس
عليه كال شبيج يوجعج شيء؟!..

-لا جوعانة وما اكدر انام..

-ابتسم وكام رجع بيده كلاص لبن و خبزه
و ماعون بي بتيته.. لكيت بس ذني بالثلاجة..

-ميخالف.. اخذتهن من عنده اكلت
وما قبل اكوم كال عوفيهن الصبح شيليهن
لا تطلعين عرفت اخو كاعد هو و بطله
اني هم خليتهن و مددت شكد حلو
يبقى هيج هادىء شكد حلو لو نبقى
هيج مرتاحين والله ما رايده منه غير
بس يهتم بيه و يحترمني لو يدري شكد
اثر بيه اهتمامه اليوم ولو هو شيء بسيط
بس اني عشت محرومة من الاهتمام
طول عمري لهذا الموقف البسيط يأثر
بيه بشكل بهذا اليوم نمت واني فرحانه..

-كعدت من الصبح قبل لا يطلع حضرت
الاكل اله و عمتي انطته خبز
قبل لا يطلع تقرب مني همس..

-ريا اذا حجيتي لو سمعت كلمة بخصوص
الشقة وراح ننزل بيها تحلمين تشوفيها
صدكي..

-لا ابد ما اكول..

-طلع للدوام و عمتي استلمتني تعالي نخبر
خبزت وياها كملنا نوب البيت استلمتني لما
هلكت و بناتها نايمات كل هذا الوقت للظهر
ندك الجرس اجت عمتهم شايفتها بالخطوبة
جانت جاية وياهم عمتي اخذتها بالاحضان
الي فهمته منهم هاي عمتهم تجي كل فترة
تبقى شهر هيج يلا تروح..

-للعصر اجه اسر هو شاف عمته وهو الابتسامة
و الفرحة ما سايعته ضحك و سوالف اباوع
عليه والله خوش طلع هم يعرف يضحك
يمي الضحكة ما تطلع..

-العصر كلش قريب المغرب كال كومي
وياي نجيب عشه..

-كمت اخذت بنتي و طلعنا هو التفت عليه
مشتهيه شيء؟!..

-كيك اريد بس..

-اخذ عشه الهم خطية حار شيجيب علمود
عمته ماخله شيء ما جابه الظاهر كلش
يحبونها رجع اخذ كيك و عصير و دجاج
شوي كال هذا عشاج خاف تجوعين ابتسمت
من تذكرت البارحة بالليل هسه يكول هاي جوعية..

-رجعنا قبل لا نصعد لشقة عيالي كال جيبي
الكيك و العصير اخلي بالشقة اليوم تنامين
بيها من فرحتي بقيت صافنه بوجهه
فتح الشقة واني طايرة من الفرح
عبالك ما اعرف شنو ملكت خله الكيك
و الدجاج كال هذا بالليل اكلي اذا جعتي
وهسه خلي نصعد عيب من عمتي..

-طلعت و هو قفلها صعدنا يمهم حضرنا
العشة و كعدنا و سوالف وشقى و ياها
بعدها كالهم اليوم اني راجع للشقة ليش تاركها
عود منا لما ابيعها نكعد بيها..

-خواته احتقنن من القهر كلامه جان
مثل لصدمة الهن حجت اخته..

-يا اسر ليش مو صديقتي كيفت عليها
من درت بيك تريد تبيعها..

-اي سهله بس مو هسه ما ابيعها هسه
لان نريد نكعد بيها..

-عمته كالت اذا هيج باجر اني ضيفتكم..

-هلا بيج عمه..

-نزلنا نضفتها بسرعة بسرعة هو اجه
يمي كال باب المخزن اقفلي خلي
يولي ابد لا تفتحي.. هو جان الشباك
مالته على الجيران قفلته و رجعت اكمل
شغل كملت و دخلت سبحت طلعت اخذت
المشط..

-جيبي و تعالي اني امشطلج..

-اتقدمت عليه بخطوات بطيئة جنت كلش
مستغربة تصرفاته من شخص حارمني
من الاهتمام بشكل الى تغيير مفاجأ
انطيته المشط خله ظهري على صدره
و بدا يمشط شعري شكد حلو لو يبقى هيج
جانت هسه اني لا اعيش بقلق و لا خوف..

-كمل سحبني عليه يشتم بشعري
و يبوس بي رجع اخذ شفتي بين شفايفه
مدد و اخذني بحضنه حسيته متغير
هواي اتقرب مني من كمل سحب اللحاف
علينا و نام..

-كمت للمطبخ و اسمع طكطكه بالمنور
خفت كلش نوب الساعة بالثنتين بالليل
رغم قافله الباب بس خفت طلعت الكيك
اكلت شوي و غسلت و رجعت نمت..

-بعز نومتي حسيته تقرب مني
يبوس بيه واني منتهيه من النعاس ما قبل
يوخر كمل كال يلا كومي اوديج فوك يمهم
قبل لا اطلع للدوام..

-سبح و بدل و طلعنا شكد توسلت بي
وحرام عليك هيج تبهذلنا خليني هنا
مرتاحة و هو ما قبل ابد..

-نفس الضيم والحجي وانتي شلون هيج
غيرتي و متغير صاير يباوع على حلكها..

-ولج ركض رحت خابرته وکتله
شردت وكسرتك بطلعتها من بيتك بدون علمك وجذبت عليه هي
واختها تالي هيج ينسى بسرعه والله
الا الاعلمج شكد انقهرت اكول اهلي بعد حرم احد يوصل منهم میقبل ابد احد يطب منهم و لا اني اروح تركتها تحجي
وحدها و التهيت بين الشغل و بنتي
ما يفيد الحجي وياهن حاقدات ما اعرف
على شنو..

-وره يومين جنت  انظف جان حماتي
الكلبة جيبي سطل لزباله وذبي
على الشقة مالتنه
نصدمت بس كتلها ليش؟!..

-بعد ماشفتي شي
اذا مارجعتج كبال عيني ما اتسمه باسمي تحسبت وسكتت امه صاحتني كالت تعاي
قرضي رجلي ماكدر كعدت  اقرض بيهن
جنت  مخلصه شغلي كعدت
ع تلفزيون دخلت عمتي للحمام
من طلعت صاحت عليه اشر ملابسها..

-حجيت بصوت شويه عالي اي هسه..

-ما احس الا حماتي اجت عليه مثل الاعصار.. ساقطه ام
الشوارع انتي شنو تصيحين ع امي..

-والله ماصیحت عليها بس کلت هسه..

-ما صيحتي مو؟!.. اخذت الملابس
شمرتهن وتنكعن ورجعت عدت
غسلهن واني ابجي صار لظهر

اجوي عمته وأخته من لدوام
صبينه غده حمايه اجه وهو بس
يباوع لحقير نظراته كلش اتنرفز منها
نوب  تعارك وي اخته علمود
التقاعد مال ابوه صاح عليها..

-هسه الله لو مطیج
خلقه حلوه وجمال مثل النسوان
سافل اعرفه يقصد عليه لان يحجي و يباوع عليه صار
اعصاب کوم لكونيه لطحين شالها
وطشرها بلكاع وامه تصيح وعمته

وذيج اخته ما تسكت ضلت تعيط 
اخذ  واير  حمسها ع ايدها..

-صاحت بي كادر بس عليه روح شوف
ريا مصخمه و جهك نهار كله تحجي
عليك وتكول بس نسوان و سكر..

-عزا اني شدخلني شوكت حجيت
والله ما حجيت اني ابد ما حاجيه عليك
اني اني شعليه بيكم و احجي عليك..

-هو سحب الكرسي و الواير بيده
و شكله يخوف من العصبية
صاح بيه اكعدي هنا كعدت جان يكول..

-اي ست ريا احجي يم منو حاجيه
عليه....

يتبع....

لا تنسون التصويت حبايبي و تفاعلكم
كلش ما يسوي واهس ليش☹️..

اللهم صل على محمد وال محمد❤️