قصر التركماني بقلم ضحي حامد .

البارت السادس وعشرون

مجتمعين بالصالون فِ جو مشحون بالتوتر بعد أن إستيقظو علي صوت ناريمان وهي تصرخ ف زُمرد التي جلبت لها الطعام وهمت بإعطائها الدواء أن تنده لها كمال وكل من بالقصر حتي الخادمين

وها هم الان بإنتظار حديثها بعد أن هبطوا جميعاً حتي دولت
تحدثت ناريمان بصوت عالي : المجوهرات بتاعتي كلها اتسرقت وتقولي أهدي يا كمال

صمت تام ملئ المكان حتي تحدث مراد : حضرتك متأكده يا anna

اومئت قبل أن تحكي ما حدث معها : زُمرد جات تصحيني علشان تديني الدوا ولما صحيت لقيت الدولاب مقلوب والاوضه شكلها متبهدل ،وانا حسيت أن الهدف المجوهرات وزي ما توقعت زُمرد قلبت الدولاب كله وملقتش حاجه

أردف كمال بشك : بس إزاي يا ماما محستيش ،ده حتي حضرتك نومك خفيف جدا وبتصحي بدري

اكملت : مش عارف يا كمال انا شربت القهوه الي جابتهالي زُمرد ونمت محستش بحاجه

تحدث مراد بترقب :يبقي حد حطلك حاجه في القهوه ،وبما ان احنا كمان محدش فينا حس بحاجه ده معناه ان الي عمل كده من القصر ،لان مفيش حد غريب دخل القصر

تحدث دولت بمكر بعض أن صفقت بيدها بسُخريه : فكره حلوه جدا منك يا زُمرد تحطي منوم لنريمان هانم في القهوه وتسرقي المجوهرات وتصحي الصبح وتعملي نفسك متفاجئه لما تلاقي المجوهرات مسروقه لاء خطه جميله

نهض عثمان من مكانه واقترب من زُمرد التي نزلت الدموع من عينيها غصبً عنها وكانت تنظر أمامها بذهول قاطع هو كلام دولت واردف وهو متمسك بيد زُمرد : إيه الي حضرتك بتقوليه ده يا دولت هانم ،إزاي تتهمي زُمرد إتهام زي ده ،زُمرد معانا هنا في القصر من ساعة ما اتولدت ..هي وأهلها مشوفناش منهم حاجه غلط ،ولو كانت عاوزة تعمل كده إيه الي أخرها كل ده ،وبعدين مهربتش ليه بالمجوهرات ..دولت هانم ياريت آراءك المريضه دي تحتفظي بيها لنفسك

اكملت دولت بصوت عالي : إنت بتكلمني بالطريقه دي علشان الخدامه ،كمال إتصل بالبوليس وخليه يجي يقبض علي المجرمه دي ،مفيش حد غيرها بيدخل جناح ناريمان هانم

كانت زُمرد تتمسك به وكأنها تستمد منه القوه وكم اسعد عثمان هذا لكنه تفاجئ عندما إرتخت قبضتها عن يده فالتفت لها بخوف والتقطها سريعاً قبل أن ترطم بالأرض ووضعها علي الاريكه

وذهبت والدتها لتحضر لها بعض الماء ودموعها لا تفاركها وتشعر بالعجز لأنها لم تستطيع حمايتها أو الدفاع عنها أمامهم

أما عثمان فتحدث بصرامه : زُمرد لو حصلها حاجه انا مش هسكت ولا هعدي الي عملتيه ده علي خير

رفعت دولت حاجبها وتحدث : وانت مهتم بيها اوي كده ليه

تحدث عثمان بصدق وهو ينظر لزُمرد المستلقيه براحه :علشان بحبها وهتجوزها ومش هسمح لحد يتكلم عليها نص كلمه حتي لو كان انتِ،وياريت تخليكي في مشاكلك العقليه دي وسبيني في حالي

صرخت مُرجان دفاعاً عن والدتها واستغلت الوضع لصالحها وتحدثت : بدل ما انت بتدافع عن زُمرد ،روح شوف سيرين بتعمل إيه من وراك مش دي الي كنت ناوي تتجوزها ولا انت بتلعب علي الاتنين

عقد عُثمان حاجبه وتحدث بحذر : انا مش هتجوز سيرين وبعدين ده مش موضوعنا وإنتِ كمان متدخليش

أصرت مُرجان علي إخباره : لاء ده موضوعنا ،انت لازم تعرف أن سيرين كانت علي علاقه مع نبيل

اقترب كمال منها وتحدث بضيق وصوت حاد : إنتِ بتقولي إيه..

أوقفته نريمان وتحدثت بترقب : كمال الكلام ده مش وقته ،نبيل فين مختفي يعني وسيرين كمان

طلبت ناريمان من فوزيه أن تصعد للأعلي للبحث عنهم بأجنحتهم بعد أن إطمئنت علي زُمرد التي ظلت تبكي وعثمان يُهدئها

هبطت فوزيه وتحدثت وهي تلتقط أنفاسها : مفيش حد فيهم موجود يا ناريمان هانم وكمان الدولاب بتاع كل واحد فيهم فاضي

تحدث كمال بأسف : اكيد نبيل يا امي وسيرين هما الي عملوا كده ،هو كان عاوزني اعمل معاه كده زمان بس طبعاً أنا مردتش وعاقبته وقلت دلوقتي كبر ومستحيل يعمل كده ،انا اسف يا امي سامحيني انا معرفتش اربي

اردفت ناريمان بهدوء : انت مش ذنبك يا كمال أن ابنك كده طالع لامه طماع واناني ..بس انا اكيد مش هسامحهم ومش هسكت وهبلغ عنهم وأظن ده من حقي يا كمال ،انا هرفع عليهم قضيه ولما حاجتي ترجع ليا من تاني هسحب الدعوه وده علشان خاطرك انت يا كمال لكن لو عليا انا عوزاه يتربي من أول وجديد دي مش اول غلطه ليه ،مراد انا عوزاك تبدأ في الاجرات وتبلغ علشان ميعرفوش يسافرو ،ده لو لسه ما سافروش
..................
دخلت فيروز إلي داخل المستشفي وبحثت بعينيها عنه وعندما لم تجده بالروق الاول صعدت إلي الاعلي حيث مكتبه وطرقت علي الباب ودخلت بعد أن أذن لها
تنحنحت بصوت مسموع نسبياً واردفت : صباح الخير

رفع نظره من علي الاوراق ونظر لها وزفر الهواء من فمه بنفاذ صبر وضيق لم تهتم له الاُخري وجلست علي الكرسي أمامه ووضعت يدها اسفل ذقنها

فتحدث هو وقد لاحظ تغيرها لطريقة ملابسها فكانت ترتدي فستان طويل نسبياً بنصف كم وفوقه الچاكت الخاص به :اكيد إنتِ مش جايه من بيتكم علشان تبصيلي

أبعدت الچاكت ووضعته علي المكتب وتحدثت : لاء كنت جايه علشان ارجع الچاكت بتاعك واشكرك

_وتعبتي نفسك وجيتي علشان الچاكت ،متشكر
=لاء في حاجه تانيه
_ كان نفسي اساعدك بس انا ورايا عمليه بعد عشر دقائق وحضرتك أخدتي منهم خمسه لحد دلوقتي
=هستناك
_انا مش فاهم فين أهلك من ده كله ،وازاي بيسمحو ليكي تُخرجي وتتأخري عادي كده
=لما ترجع هحكيلك

ضرب بيده الاثنتين علي بعض دلالةً علي إستغرابه من أفعالها وأخذ البلطو الخاص به وذهب لغرفة العمليات
...
وبعد ما يقارب ثلاث ساعات عاد أحمد لمكتبه وقد تعمد التأخر حتي تمل الاُخري من الجلوس وترحل لكنها اخطاءت ظنه عندما وجدها كما تركها
فتحدث بضجر :لسه مروحتيش

_لاء مش انا قولت هستناك
=إتكلمي في الموضوع الي جايه علشانه وروحي علشان وجودك في مكتبي كل الوقت ده مش كويس ليكي قبل ما يكون ليا
_انا هتكلم علي طول من غير مقدمات انا عوزاك تتجوزني
=نعم!!! إنتِ بتهزري .....انا تعبان نفسياً وجسدياً ومش فاضي للهزار والدلع ده
_بس انا مش بهزر
=يارب ارحمي ،يا بنتي إنتِ عاقله انا بقيت شاكك فيكي ،إنتِ مدركه إنتِ بتقولي إيه
_ايوة مدركه ،وبعدين انت ليه فاكر إنه بمزاجي وليه دايما بتستهزء بكلامي انا لو كان عندي حد تاني كنت روحت ليه بس صدقني انا مش عارفه حد غيرك

أنهت كلامها بدموع جعلته يُشفق عليها قبل أن يتحدث بعمليه : طيب قوليلي عوزاني اساعدك إزاي وانا هساعدك ..امسحي دموعك وكلميني

_صدقني مفيش حل غير إنك تتجوزني
=طب فهميني إنتِ عوزاني اتجوزك ليه ،وبعدين ماروحتيش ليه للواد الي إنتحرتي عشانه
_إنت فاهم غلط انا مش انتحرت علشانه انا انتحرت لما عرفت حقيقته ..كان مفهمني أنه بيحبني واني اهم حاجه عنده وانا كنت مصدقاه وكل ما اقوله تعالي إتقدم ليا عند بابا بيهرب ويغير الموضوع لحد ما اكتشفت أنه بيلعب عليا وأنه عمل كده مع كذا بنت
وهو لما عرف إني كشفته هددني أنه هيفضحني وهو معاه صور ليا وجوابات ف انا خوفت لان بابا ممكن يقتلني ،كان عاوزني أقابله وانا رفضت ويأست من عمايل بابا وخنقاته دايما مع ماما يأست من كل حاجه فقررت انتحر ده بعد ما عرفت أنه حكي لبابا كل حاجه وماما بعتت بنت واحده جارتنا ليا المدرسه وقالتلي امك بتقولك لو روحتي ابوكي هيقتلك مكنش قدامي حل تاني .

_كل ده مش مبرر إنك تنتحري إنتِ عارفه يعني إيه إنتحار كنتي هتبقي متعذبه فِ حياتك وكمان متعذبه ف اخرتك
=بعدين لما فوقت من الحادثه وبابا جه دخل واطمن عليا ومعمليش حاجه انا كنت مستغربه ومش مصدقه أنه عدي الموضوع علي خير لحد ما كلمني امبارح وقالي أنه هيجوزني لابن عمي اكبر مني بخمستاشر سنه ومتجوز ومعاه عيال،ولما رفضت قعد يشتمني وضربني وقالي مش كفايه رضي بيكي ،الحل انك تتجوزني سنه بالضبط وطلقني تاني وساعتها بابا هيكون نسي الموضوع
_وعادي بالنسبه ليكي يبقي اسمك مطلقه وإنتِ مكملتيش 19 سنه وكمان انا بردو اكبر منك بكتير انا عندي سته وعشرين سنه
=انا راضيه المهم تخلصني من موضوع الجوازه دي ارجوك علشان خاطري ،انت مش هتخسر حاجه ده جواز علي ورق ..وبابا مش هيطلب منك حاجه هو اصلا عاوز يخلص مني .
......
بقلمي ضحي حامد .