_ ងាកមក Karen ដែលកំពុងលេងជាមួយសង្សារ នាងនោះស្រាប់តែក្រឡេកឃើញ Tae អង្គុយនៅកន្លែងតែមួយ នាងក៏ញញឹមចុងមាត់ដើរមកគេភ្លាមតែម្ដង ។
« អេ៎...នេះពួកក្មេងរៀនសូត្រក៏ចេះចូលលេងប៊ូលនឹងគេដែរហ្អ៎? ស្មានថាជាខ្ទើយចេកៗចេះតែបបួលគ្នាមើលសៀវភៅហើយទេតើស » នាងអោបដៃឈរចំអកយ៉ាងសប្បាយមាត់ធ្វើឲ្យ Tae លឺហើយ សម្លក់នាងដោយភាពខឹងក្រោធដែលនាងហ៊ានចូល មកប្រមាថគេនិងមិត្តដូច្នោះ ។
« យើងក៏ជាមនុស្សមានលុយចង់លេងនៅឯណាក៏ បានដូចជាមិនទើសក្បាលពួកមីសត្វណាផងមែនទេ Jimin? » រាងតូចងើបឈរឌឺដងញញឹមចុងមាត់ឲ្យនាងវិញ គិតថាគេខ្លាចសម្បត្តិត្រឹមក្មេងធ្លាប់ត្រូវសាលាដេញចេញហ្នឹងមែនទេ?
« នេះឯងថាអ្នកណាសត្វ? » Karen បើកភ្នែកធំៗ សម្លុតសួរតែ Tae ក៏សម្លឹងមើលនាងពីក្បាលដល់ចុងជើងហើយសម្លឹងមុខនាងម្ដងទៀតដោយកែវភ្នែកចំអកឡកឡើយ ។
« ថាឲ្យមីរមាស់មាត់ខ្លះទេដឹង? ខ្លួនឯងមិនល្អផងក៏ ហ៊ានហារមាត់ដៀលគេទៅរួច ចំជាខួរបង្កងស្អុយតម្លៃថោកពិតមែន!! » Tae
« នេះឯង... » សម្ដីចាក់ចំៗរបស់រាងតូចធ្វើឲ្យនាងខឹងជាខ្លាំងមុននឹងលើកដៃប្រុងទះលើមាត់គេប្រដៅតែភ្លាមនោះ Jimin ក៏ស្ទុះមកឃាត់នាង ។
« កុំធ្វើអី Tae ណា៎!! »
« ភ្លេចឲ្យឈឹងទៅថាជាខ្ទើយដូចគ្នា វាដើរជាមួយគ្នាត្រូវអ៊ីចឹងហើយ » Karen ទម្លាក់ដៃចុះហើយនៅតែ និយាយឌឺដងលឺៗបំណងឲ្យគេទាំងពីរត្រូវខ្មាសគេ Yoongi និង Jungkook បានលឺដូច្នោះក៏នាំគ្នាផ្អាកលេងប៊ូលដើរមកមើល រីឯសង្សារស្រីល្អនិងគ្នាគេក៏ ចូលមកដូចគ្នា ។
« មានអីមែនទេ? » Yoongi
« អត់មានទេ ពួកយើងត្រឡប់ទៅវិញទៅតោះ » Jimin ញញឹមបន្លប់ហើយក៏កាន់ដៃ Tae ដើរចេញពីទីនោះមិនចឹងរាងតូចអាចនឹងទប់កំហឹងលែងបានមានរឿងជាមួយពួកអស់នោះជាមិនខានទេ ។
« មើលស្អីវ៉ី?! » សង្សារ Karen សួរយ៉ាងឈ្លើយដាក់ Yoongi និង Jungkook ដែលមើលមកពួកគេ ដោយខ្សែភ្នែកមុតស្រួចមុននឹងរាងសង្ហារទាំងពីរចេញទៅដោយមិននិយាយអ្វីឡើយ ។
« ឌឺៗបែបនេះចាត់ការម្ដងទៅល្អទេលោកបង? » កូនចៅវាម្នាក់និយាយឡើង ។
« ល្អតើសហាស កំពុងតែអផ្សុកស្រាប់ផង » អាម្នាក់ នោះញញឹមចុងមាត់កាច់ដៃបែបត្រៀមខ្លួនចាត់ការរាងក្រាសទាំងពីរ មិនខុសពីពួកគេ Karen ក៏ចង់ចាត់ការ Tae ដើម្បីសងសឹកដែលធ្វើឲ្យនាងត្រូវនាយក សាលាដេញចេញកាលពីលើកមុនដែរ ។
« មែនហើយJimin ពួកអំបាញ់មិញនេះជាអ្នកណា? មើលទៅដូចជាពួកក្មេងស្ទាវមិនល្អសោះ » Yoongi សួរឡើងស្របពេលបើកឡានជូន Tae និង Jungkook ទៅផ្ទះ ។
« ពួកអស់ហ្នឹងអូនមិនស្គាល់ទេតែម្នាក់ស្រីឈ្មោះ Karen នោះបងនៅចាំទេដែលពួកយើងទៅក្លឹបហើយ Tae លួចថតរូបនាងបង្ហោះឲ្យសាលា បណ្ដេញនាងចេញនោះអី? » អ្វីដែល Jimin និយាយធ្វើឲ្យ Jungkook នឹកឃើញដល់យប់ដែលរាងតូចស្លៀកពាក់ខុសប្លែកហើយមានក្លិនស្រាបារីជាប់ខ្លួន នៅថ្ងៃនោះនាយថែមទាំងនិយាយមើល ងាយយល់ច្រឡំលើ Tae ទៀតផងទាំងដែលការពិត Tae បានព្យាយាមសងសឹកឲ្យនាយសោះ នឹកឃើញហើយគួរឲ្យខឹងខ្លួនឯងពិតមែន ។
« បងចាំបាន ថ្ងៃនោះបងត្រូវឲ្យលុយសន្តិសុខច្រើនណាស់ទម្រាំតែ Tae បានថតរូប » Yoongi នាយនិយាយហើយធ្វើឲ្យរាងតូចទាំងពីរសើចកខឹក ស្របពេលនោះ Tae ក៏ងាកមកឃើញ Jungkook សម្លឹងមុខគេម៉ក់ៗទៅវិញទើបដៃតូចស្រឡូនលូកទៅក្ដោបថ្ពាល់គេទាំងគូទាំងក្នក់ក្នាញ់ ប្ដីគេអាយុច្រើនតែមុខ ដូចកូនទន្សាយគួរឲ្យស្រឡាញ់ទៅវិញ ។
« Kookoo សម្លឹងមុខ TaeTae បែបនេះចង់សួរអ្វីមែនឬអត់? » Tae ញញឹមសួរ រាងក្រាសក៏ចង់សួរគេថាហេតុអីថ្ងៃនោះមិនប្រាប់ការពិតបណ្ដោយឲ្យនាយគិតឆ្កួតៗមើលងាយប្រពន្ធខ្លួនឯងបែបនោះតែ Jungkook សម្រេចចិត្តមិនសួរវិញមុននឹងលោរទៅអោបរាងតូចយ៉ាងណែន ។
« Kookoo ស្រឡាញ់ TaeTae ណា៎ » លឺ Jungkook និយាយដូច្នេះ Tae ក៏ភាំងបន្តិចដែរតែក៏ លើកដៃអោបគេវិញដូចគ្នា ។
« TaeTae ក៏ស្រឡាញ់ Kookoo ដែរ » ភាពកក់ ក្ដៅដែលពួកគេផ្ដល់ឲ្យគ្នាធ្វើឲ្យអ្នកនៅបាំងខាងមុខឃើញហើយអត់នឹងមិនញញឹមមិនបានតែភ្លាមនោះពេលបើកដល់ផ្លូវលំស្ងាត់មួយស្រាប់តែឡានមកពីណាមិនដឹងដល់ទៅពីរគ្រឿងមកវ៉ាឈប់ចំពីមុខឡានធ្វើឲ្យ Yoongi ជាន់ហ្វ្រាំងស្ទើរតែមិនទាន់ទៅហើយ ។
« នេះមានរឿងអីហ្នឹង? » Tae សួរឡើងដោយភ្ញាក់ផ្អើលសុខៗឡានក៏ឈប់បែបនេះ ស្របពេលនោះមនុស្សក្នុងឡានទាំងពីរក៏ក៏នាំគ្នាចេញមកដោយមាន ដំបងគ្រប់ដៃជាមួយនឹង Karen ជាស្រីតែម្នាក់ឯងកាន់ដំបង Baseball ដូចជារង់ចាំឲ្យរាងតូចទៅសាក ល្បងជាមួយគ្នាហើយ ។
« មីឆ្កួតហ្នឹងទៀតហើយហ្អេ៎? » Tae សង្គ្រឺតធ្មេញពេលឃើញនាងហើយបម្រុងបើកទ្វារចុះ គ្រប់គ្នាក៏ឃាត់ភ្លាម ។
« TaeTae ចង់ទៅណា? » Jungkook
« TaeTae ទៅចាត់ការពួកមនុស្សអាក្រក់ចេញ Kookoo នៅចាំក្នុងឡាននេះសិនហើយ » Tae
« ប៉ុន្តែ Tae!! គ្នាវាច្រើនណាស់ណា៎ ប្ដឹងប៉ូលីសវិញ ល្អជាង » Yoongi
« ទម្រាំតែប៉ូលីសមកដល់ Jung មុខជាភ័យស្លាប់មិនខានទេ ទុកឲ្យខ្ញុំទៅដោះស្រាយខ្លួនឯងវិញ » ថាហើយ Tae ក៏បើកទ្វារឡានចុះមក ទោះខំហាម យ៉ាងណាក៏មិនស្ដាប់ដែរ ។
« Jimin អូនឆាប់ទូរស័ព្ទប្រាប់ប៉ូលីសឲ្យមកទីនេះភ្លាមអូខេ? » Yoongi ងាកប្រាប់ហើយក៏ចេញទៅតាមទើបរាងតូចប្រញាប់ធ្វើតាមសម្ដីនាយឯ Jungkook កំពុងតែវិលវល់មិនដឹងថាគួរឈប់លាក់ ចរិតដើមពេលនេះឬក៏អត់ទេ ។
« ហីយ៉ា!! នេះក្មេងតូចមុខស្អាតហើយក្លាហានទៀត ន៎ តែយើងមិនចង់ធ្វើបាបក្មេងទេ ឆាប់ហៅអាមាឌធំក្នុងឡាននោះចុះភ្លាមម៉ោទាន់យើងនៅនិយាយ ស្រួលជាមួយ » សង្សារ Karen និយាយឡើងមុន គេឯរាងតូចលឺហើយក៏សើចឌឺគេទៅវិញ ។
« ចុះបើយើងមិនចង់ហៅឯងហ៊ានធ្វើស្អីយើង អាអត់ ប្រយោជន៍!! » Tae ពោលបែបនេះធ្វើឲ្យពួកវាប្រែទឹកមុខខឹងភ្លាមៗ ។
« ហ៊ានជេរផង? ពួកឯងចូលទៅ » វាហៅកូនចៅ ម្នាក់ចូលទៅ អាម្នាក់នោះចូលមកភ្លាមក៏លើកដៃចង់ទះកំផ្លៀងរាងតូចតែភ្លាមនោះ Tae ក៏អោនក្បាលចុះបន្តិចហើយលើកជើងធាក់កូនប្រុសពីរគ្រាប់របស់វា មួយទំហឹងឲ្យអាម្នាក់នោះហ៊ួលដេកក្ដោបឈឺចាប់តែម្ដង ។
« ជុកៗ!! មានអាមួយណាខ្លាំងជាងហ្នឹងអត់ហាស ខ្ចិលវាយពួកអាអន់ចឹងណាស់ដូចកូនឆ្កែ » រាងតូចគ្រវីក្បាលជញ្ជក់មាត់ហើយធាក់អាម្នាក់ហ្នឹងរមៀលទៅ រកមេរបស់វាវិញ Jungkook ក៏លួចញញឹមពីក្នុងឡានមក ប្រពន្ធគេចេះដល់ទៅតៃក្វាន់ដូទៅហើយ ពួកអស់នោះម៉េចនឹងអាចយកឈ្នះនោះ?
« អាចង្រៃអន់មែនចេញទៅ » សង្សាររបស់Karen ដេញវាចេញទៅទាំងអាម៉ាស ។
« យើងមិនជឿថាក្មេងល្អិតដូចឯងឈ្នះរហូតទេ
ពួកឯងចូលទៅ!! » ម្ដងនេះ វាបញ្ជាកូនចៅពាក់
កណ្ដាលចូលទៅ Yoongi ក៏ចូលរួមជាមួយ Tae វាយពួកវាជាមួយគ្នារាបដល់ដីស្ទើរទាំងអស់ទើបភ្លាម នោះ Karen នាងឲ្យពួកដែលនៅសល់ទៅចាត់ការ មនុស្សក្នុងឡាន ។
« ពួកអាចោលម្សៀត!! » Jungkook ខំខាំមាត់ទប់អារម្មណ៍ថាមិនចង់បង្ហាញធាតុពិតពេលនេះប៉ុន្តែ Yoongi កំពុងជាប់ដៃវាយពួកអស់នោះហើយទើប នាយត្រូវបង្ខំចិត្តចុះពីឡានមកចាត់ការពួកវាដោយខ្លួនឯងដើម្បីជួយ Jimin ដែលកំពុងភ័យខ្លាច យ៉ាងណា មិញសកម្មភាពរបស់នាយក៏ត្រូវ Tae ក្រលៀសភ្នែកមើលឃើញដែរ ។
« Jung? » រាងតូចលាន់មាត់ហាក់ភាំងស្មារតីធ្វើអ្វីលែងត្រូវនៅឈរស្ងៀមមើលមកនាយដែលបោស ដៃយ៉ាងឡូយក្រោយវាយមនុស្សជាងដប់នាក់ឲ្យដេកដួលទៅលើដី ជាឱកាសល្អឲ្យនាង Karen ឃើញហើយកាន់ដំបង Baseball បំណងវាយក្បាល រាងតូចពីក្រោយ ។
« Tae ប្រយ័ត្ន!!! » Yoongi ស្រែកឡើងធ្វើឲ្យរាងតូចភ្ញាក់ព្រើតងាកមកក្រោយចំពេលដែល Karen វិះនឹងវាយមុខគេឲ្យបែកទៅហើយតែសំណាងល្អ Jungkook ស្ទុះមកច្រាន Karen ចេញឲ្យដួលទៅ បុកនឹងឡានមួយទំហឹង នាងក៏សន្លប់ភ្លាមៗតែម្ដង ។
« Tae អូនមិនអីទេហ្អេ៎? មានត្រូវត្រង់ណាដែរទេ? » រាងក្រាសអោបប្រពន្ធទាំងព្រួយបារម្ភហើយចាប់បង្វែរខ្លួនគេមើលក្រែងថ្លោះធ្លោយត្រង់ណាមួយទាំងដែល Tae ភាន់ភាំងអស់ហើយ នេះជាប្ដីគេឬក៏ជា Kookoo កូនក្មេងអាយុ៥ឆ្នាំទៅ?
« Jung...ជាបងមែនឬអត់? » Tae
« មែនហើយគឺបង Jung ប្ដីរបស់អូននោះអី? » នាយញញឹមស្រស់ឆ្លើយតបបង្កជាភាពហួសចិត្តឲ្យរាងតូច ។
« បានន័យថាកន្លងមកបងកុហកអូន បងអត់មានបាត់ បង់ការចងចាំអីទាំងអស់!! » Tae
« Tae... » Jungkook បម្រុងបកស្រាយតែក៏ត្រូវបញ្ឈប់ក្រោយរាងតូចស្រែកឲ្យគេ ។
« បិទមាត់បងទៅ!! បងចង់ដោះសារថាមិនមែនការ ពិតទាំងដែលអូនសង្កេតដឹងទង្វើបងមកយូរហើយគ្រាន់តែអូនមិននិយាយប៉ុណ្ណោះ បងជាមនុស្សអាត្មានិយមបំផុត Jeon Jungkook!! » សម្រែកជាមួយទឹកភ្នែកលាយឡំនឹងភាពអស់សង្ឃឹមរបស់ក្មេងតូច ម្នាក់នេះបង្ហាញឲ្យរាងក្រាសមានវិប្បដិសារីជាខ្លាំង វាជាកំហុសរបស់នាយដែលលាក់បាំងទាំងដែលដឹងហើយថា Tae ស្អប់ការកុហកប៉ុណ្ណាតែនាយនៅតែ បំពានម្ដងហើយម្ដងទៀតដូចជាពេលនេះ គេកំពុងតែគិតថាតើអាចស្រោចស្រង់អារម្មណ៍ល្អៗជាមួយគ្នាមកវិញបានឬក៏អត់?
« Tae បងសុំទោស ការពិតទៅបង... »
« អាJung ក្រោយខ្នង!! » Yoongi ស្រែកឲ្យដំណឹងពេលសង្សារ Karen លើកដំបងប្រុងនឹងវាយក្បាលនាយមួយទំហឹងតែភ្លាមនោះ....
< ផាំង!! > គ្រាប់កាំភ្លើងមួយគ្រាប់ត្រូវបានបាញ់ចំ ដៃរបស់វាឲ្យដំបងធ្លាក់ចុះពីដៃដោយស្នាដៃក្រុម ប៉ូលីសទើបតែមកដល់ មុននឹងចាត់ការចាប់ពួកស្ទាវអស់នោះព្រមជាមួយ Karen ឡើងឡានទ្រុងទៅ ប៉ុស្តិប៉ូលីដើម្បីចាត់ការតាមផ្លូវច្បាប់ព្រោះពួកគេជាជនបង្កហេតុអ្នករករឿងក្រុម Tae មុនប៉ុណ្ណោះ ។
« បាទអរគុណ » ក្រោយធ្វើកំណត់ហេតុឲ្យប៉ូលីស រួចហើយ Jungkook ក៏លាមុននឹងដើរមករាងតូចដែលឈរខាងក្រៅឡានទាំងទឹកមុខស្ងៀមស្ងាត់ ។
« អូនសម្លាញ់ ពួកយើងគួរតែ... »
< ផាច់!! ផាច់!! > មិនឲ្យនាយនិយាយចប់ Tae ក៏លើកដៃទះកំផ្លៀងនាយដល់ទៅពីរដៃធ្វើឲ្យថ្ពាល់ទាំងគូរបស់នាយមានស្នាមក្រហមទើបបើកទ្វារឡានខាងក្រោយចូលទៅអង្គុយហើយក៏បិទទ្វារយ៉ាងខ្លាំងព្រោះគេនៅខឹងនៅឡើយ Jungkook ក៏យល់ច្បាស់ទើបអោនមុខដើរទៅទ្វារឡានម្ខាងទៀត ហើយចូលទៅអង្គុយ រឹតតែឈឺចាប់ពេលរាងតូចបង្ខិតខ្លួនឲ្យឃ្លាតឆ្ងាយពីគេថែមទៀត ធ្វើឲ្យ Yoongi និង Jimin បានត្រឹមតែសម្លឹងមុខគ្នាទាំងតឹងទ្រូងជំនួសគេទាំងពីរតែនេះគឺមកពី Jungkook ខ្លួនឯងជាអ្នក សាងកំហុសឡើងតែប៉ុណ្ណោះ នាយក៏ត្រូវតេរកច្រកចេញដោយខ្លួនឯងដូចគ្នា ។
To be continued......🦋🍃🥀