البارت_ 38_
# يوم جعل حياتي جحيم
# حنين الموسوي
مهاا: اني بقيت بغرفت عمتي بالعشر ايام حيدر خايف عليه حيل مايقبل اتحرك ابد وخبلوني بالاكل
كل شويه وجايبيلي اكل شكل واني گوه اكل كرهت الفاكهة ؏ اطلاقهة وهمه يجبرون بيه گوه
مرت الأشهر وصرت بالثامن وبطني صارت گربونه
.... وضحكت
وطلعت حامل بولد الحمد لله
وطول هاي السبع اشهر اكلاص الماي مايخلني اشيله
والدرج اذا انزل الصبح بعد ما اصعد لليل
رحت جهزنه للبيبي غراض كومه وسويناله غرفه اله تخبل جهزناهة من كلشي
بس الصراحه من راحت ام علي لليوم عايشين احلى حياة... لامشاكل لا اي شي كلمن مصافيه وي رجلهة جانت ام علي حايستنه حوس
... طبعا ام علي تغير وضعهة اهواي حيدر سجل واحد من بيوته الي بالحله بأسمهة
وكعدت بي علمود تصير قريبه عليهم يرحون ويردون عليهة يحبونهة حيل لان همه عدهم محنه عله اخواتهم مو طبيعيه مصرفه هيه وجهالهة وابنهة
عله اخوتهة جابولهة وحده تساعدهة بالبيت وهيه عليهة بس رجلهة بس بعد ابد ماشفناهة ملتهيه بيهم
بس همه يرحون ليهة...
.. وبهاي الفتره شفت اهتمام حيدر بي مثل اهتمام
الأم لبنهة ايخاف عليه من نسمه الهوه
احس اني طفله يمه الحمد لله والشكر الله ماقصر وياي عوضني بحيدر واهله..
.. مره العصر چنه گاعدين نشرب جاي
ندك الباب كام رسول فتحه تفاجأنه بأم علي اول تالي خفنه عبالنه عدهة شي.... طبت سلمت علينه وكعدت مدنكه متغيره هواي رايح نص منهة وصايره سمره وضعيفه خطيه مكسورة مو مثل قبل حيدر خااف عليهة عباله بيهة شي گاللهة
حيدر: هااا خويه ام عليوي أمرني محتاجه شي
_اي ولله خويه جايتكم بشغله
حيدر: أمري خويه مكضيه ان شاءالله
سيف: كولي ام علاوي عيونه الج
ام علي: رحمله والديكم ماتقصرون ونعم لاخوه ابد ماقصرتوو وياي... رفعت عيوني باوعت المهاا وبچيت
_ خويه حيدر أني الصار بيه وبرجلي وبأبني هذه عقاب من رب العالمين... اني جابني تأنيب الضمير خويه اني جايه المهاا اريدهة تسامحني وتبريلي الذمه اني ضلمتهة هواي ماخفت الله بيهة هاي يتيمه وطفله وعلويه بت رسول الله وعدهة حوبه
اني تگابلت وياهة وأذيتهة وسويتلهة هواي مشاكل...
_مهاا ياريت تسامحيني طلعت حوبتج بيه كلهم حذروني بس اني ماتبت لمين هسه الله عاقبني.... وتبچي
مهاا: اني ضجت عليهة حيل مكسوره خاطر وتبچي ومدنگه راسهة حيل متغيره....
جنت كاعده يم هاجر گمت ليهة گوه امشي بطني حيل چبيره.... كعدت بصفهة وحضنتهة گتلهة
ـ ليش ادكولين هيج ام علاوي شاهد الله مافد يوم شلت بگلبي عليج ولا كرهتج وداعت ابني الماشيفته عيني... مبريه الذمه... لاتحچين هيج هاي مو حوبه بالعكس هذه امتحان من رب العالمين ولازم تصبرين اني ما اكرهجن حتى افرح من تتأذن ولله اني احبجن ؏ حب حيدر لاتبچين خيه كولي يالله الصار بعد راح وانتهة...
ام علي: صدك مهاا خجلتني بأخلاقهة وطيبت گلبهة ما الوم حيدر من حبهة واخذهة
صدك تستاهله بس اني جنت الكره عامي ڪلبي وماشفت هاي الحقيقه الي هسه دا اشوفهة
شكد أذيتهة وتگابلت وياهة وسويتلهة مشاكل توقعتهة أصلاً مراح تسمعني بس اجت وحضنتني
صدك ندمتني اكثر ؏ كل الي سويته وياهة
مهاا كل الصفات الحلوه بيهة طيبت گلبهة ابد ماتشيل عله احد. گتلهة
_ ولله ياخيتي اني جنت من اجي لهلي زعلانه الله يعمي عله كلبي واضل بس اكره واحقد وانتِ ابد ما اذيتيني بشي واني سويت العكس وياج...و شفت نسرين عبن بايعتهة بيضه ماتعرف الحقد شنوو الله موفقهة بحياتي مو مثلي
انتِ انسانه طيبه وگلبج ابيض عايشه وي الناس عله لاهيتج والله انطاج عله گد نيتج.
مهاا: كافي خيه عليمن تقهرين بروحج بعد شي راح وانتهة... يله بعد هواي عدنه وقت نفتح صفحه جديده وننسه الماضي....وسويتهة بضحك
_ انتِ دائماً صفتحج نضيفه وي الناس بس اني خاف هم اصخمهة........ وضحكت
مهاا: عادي هم نفتح غيرهة وذا.... وضحكت
الكل: يضحكون
حيدر: الموقف السوته مهاا سكتني ضليت صافن عليه
مهااا جوهره نقيه وصافيه
توقعت من مهاا راح اتكون هيج ردت فعلهة وراح تسامحهة لان اعرف مهاا وطيبت كلبهة بس اليوم كبرت بعيني اكثر... فعلآ احمد الله واشكره لان رزقني بهيج مره...
ام حيدر: اللاهي محمود مشكور لان فتحت عيون بنيتي قبل مايفوت لاوان الحمدلله والشكر ييمه من حسيتي بذنبج وتلاحگتي روحج
ييمه ربج موصي باليتيم... بْسم آلُلُہ آلُرحٍمن آلُرحٍيَم ( فأمآ آلُيَتٌيَم فَلُآ تٌقهر ۆأمآ آلُسآئلُ فَلُآ تٌنْهر)
صدق الله العلي العظيم
مها: شويه بقت وگامت سلمت ؏ البنات وهم كالتلهن يبرلهة الذمه شويه وراحت البيتهة
مو ذيج ام علي الجانت تخرب وتعمر وتسوي مشاكل وتتمسكن وتمثل وتقنع اكبر واحد خطيه صايره شحالهة مختلفه حيل... گمنه اني والبنات طبعاً متفاجأين بيهة وفرح خنست هيه هم ماقصرت تگابلت وياي رحت الغرفتي صعدت تمددت شويه وحيدر اجه يمي
حيدر: هاااا شمامتي
تقربت يمهة بست راسهة گتلهة
_ عفيه ببنيتي ومريتي المعدله ما ادري اني شمسوي عد الله و الله رزقني بهيج مره معدله
مهاا: باباتي انت بالعكس اني الله يحبني لان انطاني هيج زوج يحبني ومداريني وصايرلي أم وأم وحبيب وسند حيدر اني أحبك اهواي واحب اهلك كلهم
_يبعد روح روحي اني هم أحبچ هواي
تمددت يمهة وخليتهة بحضني وابوس بيهة شويه صاحت
مها: اخ حيدر شوف ابنك المشاكس يدفر بطني....
حيدر: حبيب بابه مستعجل اتريد تطلع يمنه
أموري باباتي يله ماضل شي بقه شهر
مهاا: وكيح ابنك طالع عله ابوو
حيدر: هااا هيج الحچي تعاي لج اعلمج الوكاحه هسه شنوو.......
مهاا: بقينه لليل بالغرفه مانزلت بعد گام حيدر سبح وطلع خابروا جماعته واني هم طبيت سبحت جنت امشط دخلت فرح گالت
_ مهااااا
_هاا فروحه تعااي حبيبي
فرح: ايصير اني هم تفتحين وياي صفحه جديده مثل رسل..
مهاا: صدك ضحكت گتلهة
... اي عادي العرض بعده مفتوح
فرح: ماشي لعد من اليوم خل نفتح صفحه جديده... وضحكت
_ ماشي يعمري انتِ شكد وكفتي وياي ما انسه وكفاتج بكل حياتي... هااا شبيج صفنتي
_ مهااا شبيهة بطنج
_ شبيهة ولج
_ شفت حركه بيهة ولله بس انتِ مانتبهتي
_ اني ضحكت.... گتلهة لج هذه ابن اخوج متوازي يريد يطلع للدنيه...
_ياا حبيبي فدوه اروحلك يروحي
تقربت بست بطنهة وحطيت ايدي عليهة..
مهاا: رجعت علاقتي بفرح مثل قبل واحسن
وام علي يوميه تخابر وتسئل عليه و؏ الطفل
ونسرين دائماً يمنه وحيدر من ايروح للدوام كون اضل لازمه التليفون كل شويه يتصل يسئل خطيه يضل باله يمنه... المهم كملت الثامن طبيت بشهري
اخذت خمس ايام بالتاسع ورحت للدكتوره كالت انسويلج عمليه بعد اسبوع طفلج زين و وضعيته زينه
بهذه السبوع اجه حيدر رحنه بيوم العمليه الصبح جنت حيل خايفه....
طببوني للعمليات واني اخاف منهن رغم الاهتمام والعنايه لان مستشفى اهلي بس اني خايفه غمضت
... وفزيت لگيت الحمدلله طلعوني من العمليات بس جنت دايخه حيل وأهذري مدري شحچي بعدين همه مصوريني وشفت روحي ضحكت چنت احچي واجر بالحجايه جر.. اگللهم
مها: ابني وين حبابه جيبي يمي اخاف عليه يغرگ
حيدر وينك حيدر اريد ابني وانت هم.....
هاجر: شبيج مهاوي اسم الله شنوو يغرگ ابنج هسه يجيبوا النه.... وضحكت
ام علي: اسكتي لا تخافين هسه يجيبوا تردين حيدر قصدج.... وضحكت
مهاا: اي اريد هذه العكره العقيد حيدر شايف روحه عليه خلاني بالسجن الخبيث الماعنده كل رحمه
حيدر: لج اني عكره وشايف روحي وخبيث اني اعلمج تصحين من البنج لو ماتصحين.. وابتسم
سيف:اي خويه احجي طلعي كل البگلبج هاي فرصتج... وضحك
ام حيدر: اسم الله الرحمن يمه خطيه ولكم لاتضحكون عليهة بعدهة بتأثير البنج...
مهاا:. اسكتوووو اششش حجي زايد ما اسمع
واحد غبي حيدر لان ضربني راجدي البارحه اي ضربني ولله كون اضربه واكسر راسه مغرور قحط شايف روحه ؏ العالم وذا ضابط ؏ روحك مو ؏ الناس
نسرين: وعلي فضحتك حيدر.... وضحكت
حيدر: طيح الله حظج اي ولله لج يمته ضاربج عمي ولله ماضاربهة هاي تخربط سكتنهة...
مهاا: انچب انت طيح الله حظك
سيف: لا اليوم تنكتلين يمهاا مابيهة مجال... وضحك
هاجر: اخ يمه بطني
طلعت القضه والمضه راح تنكتل يربي....
مها: انت الثاني هم انچب....
سيف: هاااي منووو بس لا عليه.... انه اخوك
الكل: اييي وضحكوا
مها: انيي هسه طايره فوووك بعيددد نزلوني
خل ادگه دگه زينه ولو احبه هووواي امووووت عليه بس لازم ادگه
حيدر: شلون بهاي اليوم تريدني ابسطهة
انتم اشهدو وياي شفتوو مهاا شلون تجاوز عليه
وماخذه راحتهة اصحي واني اعلمج اله اشگ حلگج
واني الادگج دگه زينه... وابتسم
الكل: وضحكوا
سيف: هسه انتِ وينج وين اچروخج ماسكتين ترهدنين
ام علي: خطيه يله كافي اتصنفون عليهة ماتدري بروحهة خطيه من البنج....
مهاا: وره ساعه شويه نتبهت وصحيت شويه جابلي ابني رضعته بس بعد عمري مو طفل ملاك وحاطينه سبحان الخلقه أبيض حيل بس بعده مورم ماينعرف كلشي بس متأذيه من ألم العمليه توجعني بيتوني بالمستشفىوثاني يوم طلعوني
وفضحني فضيحه ام علي ونسرين وفرح وهاجر ونور بس يضحكن سولفلي شلون غلطت ؏ حيدر بالمستشفى و؏ سيف
بس ولله فلا أذكر شحجيت فشله من حيدر وسيف شبيه اني ... بس ابني اينغمش بالگلب فدوه اروحله سمينا أمير عله اسم أخوي أموري
بس حلوو حيل شويه شويه بده ينعرف شكله صار ايه من الجمال نسخه من حيدر بعد امه حيل تعلقت بي .... اتخبل لامومه شعور يجنن وانتِ عندج طفل اتخافين عليه من الهوه
من ارضعه يجي حيدر يبوس بيه ويبوس بي
ويذب بسامير عليه كعد يمي وأموري جان بحضني
گال
حيدر: هااا باباتي طلعت أمك محمله عليه بالمستشفى شبعتني غلط طلعت كل البگلبهة
_ ولله ما ادري بروحي من جنت احجي عليك...وضحكت..... انت تدري بيه مو من زمان بعد ما اجفص واجاوز عليك لان كبرت وانت علمتني مو مثل قبل
حيدر: لا ولله هم رايدلهة تجاوزين عليه بقت بس هاي مكيفه عود مسويتلهة انجاز غصبن عليج لج.. بس اي صحيح بعد ما اجفصين بس يمكن جنتي مجمعتهن عليه ومن جبتي كتيتيهن كولهن
.... لج شمامتي انتِ تجاوزين عليه
_ لا ولله اسفه حبيبي ولله ماعش الي يجاوز عله ابو أموري.... وضحكت
حيدر: يله طايحاتلج لان چنتي مو بوعيج
بس تره ضاملج عقوبه من تصيرين زينه ماشي... وابتسم
مهاا: اي ماشي... وضحكت
مرت لايام وكلهم معتنين بيه وبأمير ابد ماعافوني دقيقه ام علي باتت يمي اربع ايام خطيه تكعد وتبدل لاموري وتضل سهرانه وياي
واني ذابه روحي انام لان عمليتي مأذيتني بس ارضعه... خطيه بعدين رجعت البيتهة عمتي ونسرين هم بقن كم يوم ونوبه استلمنه السهر اني وحيدر حيدر عليه الممه يحضرهة واني ابدل وارضع
..صرت زينه مر شهرين عله ولادتي وأموري كبر حبيب المامه.. بس مشكلته ماينام يبچي هواي
جنت كاعده ارضع بي بليل حيدر جان مسير يم جماعته طب گال
حيدر: هااا لك سربوت كل ما اجي الگاك كاعد
_ هلاو حبيبي... وضحكت
حيدر: هلاو بيج شمامه هذه ابنج شوكت ينام عيني
_ ولله ما أدري أبنك مخلصهة عليه بس بواچي
حيدر: بله ست مهاا ممكن سؤال
بلا زحمه عيوني
_ضحكت وگتله... جواب حبيبي
حيدر : شكد صارلج من جبتي
يعني ماصرتي زينه لج بابه حرام عليج ليش هيج وياي اني باجر اروح للدوام حتى الله مارضاهة...
_ يااااا لعد اني ليش ماتشوف ابنك ماينطينه مجال
ليل ونهار يبچي.... وضحكت
_ انعل ابو ابني لعد شلون رايه
_ ما ادري ولله هاي مشكلتك حلهة انت وياا... وضحكت
_لك باباتي حبيبي الغالي ليش بابه هيج تسوي بيه اني مو ابوك لك مو طگني الجفاف
_ اذا ماينام بس كاعد اني شسويله....
حيدر: هسه اني بس اريد افهم ليش ماينام بليل
_ ماينام هواي هسه بعده طفل انفاس ادكول عمتي ينطر انفاسه
حيدر: لج هذه السربوت ماينطر انفاسه ناطرني اني ..
مها: يمكن لعد... وضحكت
_كملي رضاعه بلكت اينام
لك باجر اني رايح بس اليله يمهة وتبقه الك
اشبع بيهة
_ شويه ونام خليته بچربايته بس اجه حيدر يمي وهوه صرخ... خبل حيدر.... واني ميته من الضحك حيدر ضاج گال
حيدر: كومي يابه كوميله موكتلج
ناطرني اشتعل ابوك عله هاي الدگه
مها: حيدر شوف شلون يباوعلك صفح... وضحكت
_اي طبعا فرحان لان دا اغلط ؏ روحي من ورى..
تعال لك تعال جيبي
مهاا: انطيته الحيدر ضل يلعب بي... حيدررر يموت عليه وصله من كلبه اموري حتى گمت اغااار منه
حيل اتعلق بي خلا بحضنه ويبوس بي ويلعب بي اني كمت حضرت غراض حيدر باجر يروح
كملت رحت يمهم أموري طلع نسخت حيدر الشكل والشبه وحواجبه معقوجات ابد مايضحك مثل ابوه
بس حلوو وأبيض حيل يخبل اعيونه سود وشعره نازل بعيونه.. وجهة مثل الگيمر يخبل
المهم كوه نام واحنه هم سبحنه ونمنه حيدر مانام كل مايغفه يصرخ أمير يفز خطيه ولا نام ابد للصبح هم مثل كل مره حيدر حيل يضوج ايصبح مخنوك وضايج حضنه اني وأموري وضل يبوس بينه وصلنا للباب .......
نهاااااايه بارت
متابعه ممتعه ♡