يوم جعل حياتي جحيم

آلح ـلقه الثلاثون

البارت _30_

# يوم جعل حياتي جحيم
# حنين الموسوي

مها: هاجر بس اني خايفه لا يطلع حيدر مايحبني لو مايريدني شسوي اذا طلع هيج شتتوقعين واحد مثل حيدر يباوع لوحده مثلي

_ لا ولله كل عقلج هو حيدر يلگه احسن منج
چنج العافيه بعدين شعايزج حته مايريدج معليج اني اصرف... هسه بس اگطعي هاي البواچي

_ ماشي راس اسكت وما ابجي بعد.... بس شنسوي

_  اول شي گومي غسليَ وخل نتعشه ولا تهتمين لاتبينيله انتِ مهتمه مثل ماهو متجاهلج اتجاهلي
وشوفي شلون راح يرجع

_  يعني ترديني هيج اسوي

_ اي خلي يستوي عله نار هادئه  حبيب الگلب... وضحكت

_ هاجر خاف خطيه ما اريد اضوجه من تصرفاتي

_ شلون بجوليت الولهانه يمعوده خلي مثل مايسوي بيج سوي بي اضحكي وسولفي واعتبري ماموجود حرگي حرگ ومعليج......

_  من حجت وياي هاجر  احس برد گلبي شويه وارتاحيت نزلنه لكينه عمتي جايه سلمنه عليهة بس ام علي وفرح ماهنه
المهم تعشينه اني وهاجر عمتي گالت تعشينه هناك هيه وام علي جنه گاعدين يم عمتي گالت

_ جبتلجن تلاثتجن نفس الشي هجوره ومهاوي ونوره
كلمن صوغتهة بعلاكه... ودعيتلجن كلجن يايمه

هاجر: يممه اروح فدوه للحنينه الغاليه اموت عليج يروحي انتِ شكرا

ام حيدر: ام رسول المعدله يبعد گليبي الله يحبني ورزقني بهيج ابنيات الحمدلله والشكر

مها: شكرا عمه رحمله والديج ماتقصرين

ام حيدر: يااا يبعد اميمتج اروحلج فدوه يايمه تدللين

مها: خطيه عمتي ام حيدر جايبه كلمن علاكه شكبرهة اخذتهة ورحت الغرفتي لكيتهة جايبتلي ثوب يخبل مرتب وحلوو لونه ماروني وياا شال وقراصات وملابس خاصه وسوالف مال بنات
وحلويات خطيه هواي جايبه الله يخليهة ويطول بعمرهة  ....  اني بقيت فوك بعد مانزلت
سيف وهاجر اخذو جهالهم وراحوا يفترون ويغيرون جوو حرمصولي شكثر بس اني فشله هو ومرته وجهاله شكو حاطه روحي بنصهم
مارحت وياهم....

فرح: عفتهن ورحت نزلت جوه لكيت ماما وام علي جايات سلمت عليهن وصحت لم علي ورحنه لغرفتي

_ هاا لج فروحه شبيج وي ما وصلت  جبتيني تجرجرين بيه شكوو شصاير... تعبانه ماخليتيني ارتاح

_ عوفي الراحه رسل هسه اكولج خبر يريحج من صدوك

_ خير ان شاءلله شكووو لج صاير شي

_ هو شنو الماصاير قصدج
اكولج هاي الحقيره مهاا طلعت مخيله ؏ اخوج وعاشگته يابه

_ لا لج مستحيل مهاا شنوو شنو هاي وتحب حيدر
انتي مشتبهة اكيد

_ لج شنو مشتبهة سمعتهن بأذني هيه وهاجر كاعده بغرفته وتسولف الهاجر ادكللهة اموت عليه وعاد مرت اخوج ماقصرت دگتلهة صدرهة يردن يسولهن لعبه ويتفقن ؏ حيدر....

_ شكد ادبسز شفتي خو طلعت مو هينه مهاوي كاتلات ارواحتچن عليهة انتِ وامي....
شفتيهة تسويلهة لعبه عود علساس تحبه حتى بلكت يزوجهة وتعيش هناا بالرافهيه وعد حيدر بعد... بس ولله حرامات واحد مثل حيدر واصل وتعبان ع نفسه وعنده رتبه عاليه ياخذ وحده من الشارع
بس بسيطه يمها ولله ما اخليهة تحقق الي بالهة..

_ اي ولله لعد شمعرفني  اول بدايه عبالي فقيره وماعدهة هيج سوالف أصلاً مامخليتهة عله بالي هيج تسوي بس لعبتهة صح..

_ خليهة عايشه الحظه من كل عقلهة حيدر نزوجه مها اريد اعررف شنوو مواصفات مهاا...
حيدر جمال وشكل واخلاق وشخصيه وغني
يقبل بمهاا خريجة السجون .... ياريتهة حلوه

_  لعد سويلج حل بسرعه خاف تسويلهة لعبه

_ امشي خل ننزل يم الحجيه معليج خليهة عليه مها اني اعلمهة الفگر صدكت روحهة حيدر ابتله ساعدهة. كامتت تخطط علمود يزوجهة.......

مها: اني بقيت افكر بحچي هاجر خل شويه اشلع گلبه وابين مامهتمه اله بلكت يطلع صدك يحبني
وماينكسر گلبي واتم فرحتي

.. نمت كعدت الصبح نزلت جوه لكيتهم كلهم متريگين وكاعدين بغرفت الحجيه گعدت سويت ريوك وگاعده اتريك طب حيدر

حيدر: جنت كاعد بغرفة الحجيه گمت بدلت وطلعت مريت بالمطبخ مها  گاعده تتريك رفعت راسهة باوعتلي رجعت تاكل ولا مهتمه عرفتهة زعلانه مني لان هيج مجاهلهة عفتهة وطلعت علساس اني مهتم

مها: شفته باوعلي اني درت وجهي عنه عود هوه سوه نفسه مامهتم صدك مالي نفس اكل بس مثلت گدامه من راح اني هم گمت رحت يمهم
طبعاً ضليت هيج اسبوع اني مجاهله حيدر وهوه احسه يضوج من يشوفني مو بحاله بس شويه شويه حسيته بعد مايهتم  مره نزلت الصبح سمعتهن يبسبسن ام علي وفرح من شافني سكتن
عفتهن ورحت يم هاجر بالمطبخ

_  هاا هجوره شكو اليوم ماحسيتي اكو شي متغير وصايره اجتماعات مغلقه

_ ولله يامهاوي الله اليستر من هاي الحيه ام علي صارلهة تلاث ايام تخطط الشي يكعدن سوه واولت البارحه حته حيدر جان يمهن ماعرف شنو من 
نيه خبيثه ابالهن

_  الله اليستر منهن ومن كعداتهن

_ لج هاي ام علي وفرح  مثل النار والبانزين ماينجمعن اله يسولهن مصيبه

_ اي ولله صح حچيج
ضلت ابالي السالفه بس توقعتهة؏ موضوع ام علي صارلهة باثلاث اشهر يم اهلهة شلون گلب عدهة حتى جهالهة ماشايفتهم وعادي عدهة كلت بلكت يردون  يرجعوهة

...  شو بليل شفت ام علي فرحانه وتباوعلي وتتمضحك شبيهة هاي ما اعرف خبلتني صارلهة يومين تباوعلي بطرف عينهة وتتمضحك
چنه گاعدين نشرب جاي وره العشه جان سيف وحسام كاعدين ونور وهاجر عمتي فتحت موضوع وگالت

_  اكلكم يمه اخوكم صار چبير شوفت عينك
واني مره چبيره گاضي عمري ؏ ساعه حاطه راسي وميته فالحمد لله حيدر  وأخيراً قرر يزوج...
بعد انتظار باجر نروح نخطبله...

سيف: خير ان شاءلله يمه هذه احله خبر سمعته
.... بيهة الخير نفرحله ولله

حسام:  ساعه المباركه اي ولله خل نفرح بي كافي صارلنه شكد منتظري

ام علي:  اي الحمد لله تعبنه اله قتنع
وراح يزوج حبيبي حيدوري الغالي... وضحكت

سيف:  اي يالله منو هاي سعيدة الحظ الي راح تصير مريت حويدر

ام علي: سويره بت عمتي بتول وين نلگه احسن منهة واحله منهة اتخبل جنهة جماره ودارسه وعاقله چبيره مو زغيره وجفص بالحجي

احجي واباوع المها صارت بركان
عله ساعه تنفجر....

سيف: خير ان شاءلله

ام حيدر:  اي ييمه باجر انروح للناصريه ونخطبهة ان شاءلله هسه خطبت نسوان وراهة نحدد المشيه والعقد

مها // اني بس صافنه واعيوني يجرن  بعد ما ارمش بس ما مستوعبه شي احس عله ساعه اموت كلبي راح يوكف من الصدمه والنااار الصارت بين ضلوعي
ضليت صافنه اجت هاجر لزمت ايدي

هاجر: يممه من سمعت عمتي كالت راح نخطب الحيدر حسيتهة رصاصه ونامت بگلبي لعد مها اشصار بيهة الله يساعدهة
اباوع المها خطيه ادكول واحد فاقد ضاله بس صافنه والدموع تنزل..

گبل كمت يمهة لزمت ايدهة اريد اكومهة لاتنجلط ويصير بيهة شي شويه دخل حيدر
لازم تليفونه ويخابر  ...  اني ردت اطلع مهاا لاتنفجر
گتلهة

_ يله مهاوي گومي خل نروح للغرفه اكعدي يمي

مها: ايي ااييي  اروح بس مو للغرفه  اني راح اطلع من هذه البيت ما اريدددد ابقه هناا
احجي وأصياح وأبچي... فقدت مدري شبيه عقل ماضل براسي....

الكل : متفاجأين

ام حيدر : شبيج يمه اسم الله شكو شصاير بنيتي يااااا شبيج منووو محاچيچ

_ اني اشهگ وابچي .....
شكرا عمه ماقصرتوو اني رايحه ما ابقه هنااا بعد 

گمت ومقررة اروح لو اضل طول عمري بالشارع ولا ابقه دقيقه وحده بعد هنا واشوف حيدر يزوج گدام عيني.... من عمت عيني اي ولله

فترگت جاي امشي  لزم ايدي حيدر اعصابه صايره نار صاح بيه گال

_ عووود شنوو هاي التصرفات الطفوليه شنو تطلعين وين رايحه بكيفج الحجي هو... وين تررردين ترحين

_ الجهنم ان شاءلله انت معليك بيه.... واصيح....

_ مهاااااااا صيري حبابه وعوفي هاي السوالف شكو شصاير... لاتخليني اتخبل عليج وتشوفين مني شي مايعجبج شكوووو

_ وخررررر عني حيدر مااريد ابقه يمك بعد لو اموت ولله لْـۆ اموت  سمعتنيي دقيقه ما ابقه بعد اهناااااا وخررر عنييي.... بصياح

_ لج شبيج انتِ تخبلتي مهاا شنو هاي السوالف اكعدي وصيري حبابه تطلعين وين تولين بهل اليل
اكووو واحد مأذيج بس كوليلي...

_  بصياح... اي تخببللت يله تخبللت ارتاحيت تخبلت من وراك راااح ولله راااح امووووت بسببك

ام حيدر : اسم الله الرحمن شبيج يمه ليش تبچين وتصيحين شكوو شصاير عبالي تفرحين وتباركيلنه  بخطبت اخيج

_ بصياح.... حيدررررر مو اخوي حيدررر مو اخوي
مو اخوي سمعتووو مو اخوي

ادمرت انهاريت معرف شنو جنت احجي بس اصيح وابچي واشهگ من گلت حيدر مو اخوي هو
هد ايدي وجهة انطعن احمر
اني گعدت بالكاع ابچي واصيح مثل الفاقده
..... حيدر مو اخوي لحد ايكول اخوج منين اجه اخووووي مووو اخوووي

حيدر: اني جنت قبل اشك بمها عدهة شي
بس جنت مستبعد الموضوع لان اني مستحيل افكر بيهة معتبرها مثل بنتي
بس من بعد مالهة علاقه بيه ومامهتمه اتوقعتهة البنيه ماعدهة شي يمكن مجرد اعجاب
هيه بعدهة زغيره وشافتني اهتم بيهة وساعدتهة وكفت وياهة يمكن لاهاذه السبب اعتبرتني شخص عزيز عليهة...
مره اجيت بليل بوقت متأخر اجت ام علي يمي هيه وفرح وضلن يمدحن بساره گدامي وانت چبير وامي خطيه تريد تشوفك عريس ليش تخلي حسره بگلبهة ومن هاي سوالف النسوان التعبانه.... اني وافقت علمود الحجيه رغم اني سارة ما ارتاحلهة بس اريد اخلص نوكل راسي ازوج اووج 

فمره دخلت للبيت لگيت الحجيه گاعده تحجيلهم ؏ الخطبه وشفت مهاا مخبوصه والعيون تصب والخشم احمر هاجر حاجتهة هيه گبت عليهة مثل المسودنه صدوك فارت اعصابي شنو مها تطلع لزمتهة من ايدهة هيه اسودنت بس اصيح اخر شي كالت اتخبلت من وراك ابتلت امي كالتلهة  حيدر اخوج لو هيه اسودنت كامت تبجي بالكاع مثل الطفل وادكول حيدر مو اخوي اني نقهرت ونصدمت معقوله يعني مهااا عدهة شي....حتاريت و ما ردت احرجهة اكثر كدام الولد رحت يمهة كتلهة

_ كومي بابا خل نحجي كااااافي تبجين مثل الجهال كومي يله

_ وخررر حيدر عوفني ما اريد احجي وياك اررريد اطلع

_ هسه غير تنچب وتگوم  يله كومي  وياي
اني مو وياج ويامن احجي كوووومي

هاجر:  اباوع المها وعيوني يصبن شبعت بواچي عليهة يبووو تعلعلت تعلعل هالبنيه كسرت خاطري حيدر لازمهة وهيه تريد تطلع
بعدين هداهة حيدر واجه يمهة كالهة كومي كوه قنعهة وعلي اباوع الحيدر وجهة مايتفسر بين مصدوم ومحتار يمكن ماعباله مها هيج راح تسوي من راحوا اني أمنت كلت بلكت مها ادكله هيه تحبه لان اني متأكده حيدر اكو بداخله شي لان اشوفه يعزهة اذا تطلع كل شكوكنه غلط تمووت مهاا...
خطيه عمتي صارت شحالهة عبالهه مها تعتبر حيدر مثل اخوهة وماعدهة شي ويااا تفاجأة المره وكلهم شكوا بيهة مبينه تحبه

مها: جنت گاعده وابچي اجه يمي كال كومي اريد احجي وياج ماقبلت بس بعدين صاح بية كمت ويا ورحنه الغرفته طب وطبيت ورى سد الباب حيل ودفعني عله الباب وحصرني بيده بس شنوو صايرر اعصاب... جسمي كااام يرجف گال بعصبيه وخازرني

_  شنووو هذه الجاي تسوي شنووو معنى يعني هاااا وين تردين توصلين

_ وخرررررررر عني كااااافي تعبت روح انتَ شتريد اتسوي سوي اني بعد ما ابقه هناااااا لوووو أمووت

_  ليش وين تردين تولين  حضرتج

_  عسى ما ابقه بالشارع انته شعليك علساس اني اهمك وانت بحالي كااافي ولله تعبت كاااافي

_  مهاااااااا شنووووو التردي وين تردين توصلين
لاتضلين تلفين ودورين احجيهة وفضينه...
بعدددين انتِ شوو تمخرطين الحجي بكيفج اطلعين

_ ليش شسوي  باقيه يمك حرز تخليني بالبيت
احجي بعصبيه ومقهورة..... والدموع تجري

_ اكيد حرز لعد وين لاگيهة حاطلي علويه بت رسول الله بيتي...

_  لا اني هم اريد اشوف حياتي مو بس انت
تروح تزوج وتعيش حياتك واني اضل اصفن بالوجوه
العالم تترحم عليه

_ شگد جنت عصبي وضاايج بس رخت اعصابي وضحكتني احسهة فقيرة ومتعرف تحجي 
گلت خل انرفزهة شويه

_ زين انتِ ؏ هاي بسيطه اني اشولفج رجل چنج ؏ زواج ولله من الصبح ازوجج شلون اخليج تصفنين وحدج لايابه... عندي جماعتي اهوواي اخذج العباس البغل...

_  حسيت دمي كام يفور اني محترگه وكلبي صاير نار وهو يحجي بكل برود ويكلي اني ازوجج... ينرفز الواحد
گمت ابجي وصحت بي گتله

_  شبيك حيدر انت شبيك ما اريد ازوج وخررر عني
يله كلشي ما اريد عوفوني بحااالي

_  لعد شتردين...؟

_ ما اريد شي بس وخر عني حاصرني
شضخماتك اريد اروح حرراام عليك وخررر

_ هااااحصرتج انتِ من هاي احم احم  لعد شلون تردين تزوجين

_ اني ابجي وعيوني غوشن من الدموع وهوه باارد ويحجي كلام يخليني استحي وينرفزني 
اني متت من المستحه ماعرفته شيقصد... ضليت ساكته وهو وخر عني گعد ؏ الجربايه وطلع جگارة ودخن سحب نفس وگال

_ هسه كافي نحيب وفهميني شبيج شكوو عليمن گبيتي هاي الگبه

_ ما بيه شي بس ما اريد ابقه اهنا بعددد
ولله اكتل روحي اذا ماخليتني اروح

...... ليش يروحي ليش اسم الله عليج اني عبالي تفرحيلي وتركصين بعرسي لعد هاي جزاتهة يمهااوي بمكان ماهسه فرحانه الي...

_ نرفزني لدرجه تمنيت الزمه اكطعه من گد مامقهورة منه صررت عصبيه كمت امخرط... گتله
.... ياااا الله شبيك شنووو تززوج ولله ماتزوج مو بكيفك سمعت بحلامك تزوج ولله 

_ لاييييابه اويلي شبيج عيوني ليش هيج تحجين ماترديني ازوج يعني لج يويل صررت شايب هسه مفروض بنتي بگدج 

_ لا ماتزوج سمعت ماتزوج ولله.... والله اسوي عرسك فاتحه

_ اعتبره تهديد هذا.... بس ماطول توكفين بقسمتي
عله اعنادج اله ازوج

_ متت من گد مايستفز بيه فقدت  ارجف وشفايفي ترجف هوه اجه تقرب يمي... كال عله عنادج اله ازوج
گتله

_ ولله اكتل روحي وما اخليك تزوج

_ عادي عبالج راح تأثرين علينه انتِ الي راح تخسرين روحج اندفنج ونسويلج فاتحه نضوج شويه عليج فشله گدام الوادم وبعدين ننسه شفتيلج واحد مات وره واحد.... وابتسم

_  تذكر شكتلك بالمركز

_ شكلتي ؟

كمت كوه احجي اشهك وابجي گتله

_كتلك انت كلبك حجر بس ولله طلع اقسه من الحجر

_ لج  ليش شسويتلج هاي كولهة لان اريد ازوج وسفه عليج مهاوي

_نهضمت وزدت ب البچي وگتله
... حيدر ليش هيج اسوي بيه

_شمسوي بيج ياعيني

_حيددددررررر ا

_  هاااااااا

_ كاااافي گلبي گام يوجعني ولله اني اشور بيك

حيدر: ضجت عليهة كامت تبجي حيل خطيه صح متفاجأء بمهاا تحبني.... اني احس بيهة وبحرگه گلبهة بس سويت نفسي ما اعرف اجيت طفيت الجگارة وتقربت عليهة تقربت يمهة سحلت ايدهة وحضنتهة ولله بلحضتهة من گد ماكسرت خاطري مافكرت السويته حرام.... گتلهة

_مهاوي شبيج يبعد روحي
عليمن تبچين

مها: بعد ماتحملت اني نار وشبت  بصدري وهوه يحجي بكل برود ويستهزء بكلامي ويستفز بيه بعد مابقه بيه حيلل تعبت  اباوعله واحجي ودموعي تجري..... اخر شي حطيت ايدي عله وجهي وكمت ابجي حضني  صار وجهي بصدره دنك عليه وكال عليمن تبجين اني بوقتهة تهت بي اني بحضنه نسيت حتى روحي حاچاني وباس راسي....وسحبني من ايدي وگعدني ع الچربايه وگال

_ شبيج باباتي احجيلي انتِ مو تكولين انت بمكان ابويه.... احجي شنو الي مبچي عيونج الحلوه

_ حييددر تدري عليمن ابجي... لان ما اريدك تزوج اتخبل ولله اذا  هاي الخرنفسانه ساره اتصير مرتك
... هو ابتسم جر نفس من الچگارة ونفخه عليه وگال

_ يعني ماتردين ازوج ساره 
..... لعد شتردين..؟

_ اريدك انتَ
_ شلون يعني تريديني

_ حيييدددرر انيي أحبك ولله

.... من كالت أحبك جنت بدي ارتكب بيهة جريمه ولله كوه لزمت روحي  تخبل بحلكهة شكد جنت مستبعد انوا عندي شي اتجاه مهااا بس ماتوقعت احبهة صح جنت اكوول عزيزة وغاليه عليه وما اقبل عليهة بس ماتوقعت عندي شي اتجاهة...
من گالت هيج صفنت عليه هيه حجتهة ودنگت بعد مارفعت راسهة بس اني ضليت انرفز بيهة... گتلهة

..... شنووو مهاا بابا ماسمعت شگلتي

_ تعبتت حيللل من گد مابجيت ونقهرررت راسي گام يون عليه دنگت من گال هيج رفعت راسي بس مستحيه گتله
_ حيدددددر كااافي

_ هو شنو الكااافي ترى كولشي ماسمعت اذا انتِ مسويتهة مناحه  شفتهمت شنو گولتي

_ اعرفه ايريد يشلع كلبي كتله  وسوه روحهة ماسمع
واني مستحيه منه گتله
... اول شي اني بعد ما اعيد مو گتلك وسمعتهة وثاني شي ارريددد اروووح

طبعن اكول بكلبي.. ياريت ما اروح وضل كل عمرري مگابلتكو ما اشبع منه لو ابقه طول عمري بقربه 
عطره الي اموتني وهدوئه الي ؏ لحضه يصير شخص هادء وحنووون وشخصيته وجماله ايخلني اعيش بغير عالم انسى روحي يمه اموت عليه اعشقه
بس كلت فشله هسه يكول عليه خفيفه ما احجي گافي خفه منه خل اشويه اثكل گدامه هو ابتسم وگال

حيدر...................

             نهاااااايه بارت

متابعه ممتعه ♡

اني احبك وبعد احُبك لا أريد من الحُب حُباً غيرك ❤️💚 🤍🗞