- ៣ថ្ងៃកន្លងផុតទៅ
« Tae!! រួចហើយឬនៅ? » សម្លេងរបស់រាងក្រាស បន្លឺហៅអ្នកជាប្រពន្ធដែលធ្វើខ្លួនអស់ជាងកន្លះថ្ងៃដើម្បីទៅកម្មវិធីជប់លៀងនៅក្រុមហ៊ុនរបស់Yoongi នាល្ងាចនេះ ។
« រួចហើយៗ » Tae ស្រែកតបវិញស្របពេលដើរចេញពីបន្ទប់តែងខ្លួនក្នុងឈុតពណ៌ក្រហមបូករួមជាមួយក្រវិលខ្សែវែងល្មមហើយបន្ថែមនូវសក់ពណ៌ទង់ដែងរបស់គេមើលទៅស្រស់ស្អាតជាពិសេសធ្វើឲ្យអ្នកជាប្ដីឃើញហើយមិនចង់នាំចេញទៅក្រៅឲ្យជួបគេឯងសោះ ចង់តែឃុំនៅក្នុងបន្ទប់នេះដើម្បីសម្ងំមើលម្នាក់ឯងតែម្ដង ។
« អ្នកណាឲ្យអូនធ្វើខ្លួនស្អាតបែបនេះ? ចុះបើមនុស្សក្នុងកម្មវិធីឃើញសម្រស់អូនហើយលង់ស្នេហ៍អូននោះ ឲ្យបងគិតយ៉ាងម៉េច? » Jungkook ដើរមកអោបចង្កេះអង្ក្រងពីក្រោយខណៈរាងតូចកំពុងឈរបាញ់ទឹកអប់ទល់មុខកញ្ចក់ គ្រាន់តែឃើញនាយធ្វើ មុខមាត់ហួងហែងដូចក្មេងហើយ Tae ក៏អស់សំណើចមុននឹងដាក់ដបទឹកអប់ចុះលើតុរួចងាកមកលើកដៃតោងកនាយយ៉ាងស្និទ្ធស្នាល ។
« មានប្រពន្ធស្អាតដូចអូន បងគួរតែសប្បាយចិត្តមិនមែនធ្វើមុខដូចអូនរត់ចោលចឹងទេ » Tae
« បងសប្បាយចិត្តក៏បានតែប្រាប់ឲ្យហើយ ពេលទៅ ដល់ទីនោះអូនត្រូវនៅជាមួយបងគ្រប់ពេល មិនឲ្យរត់លេងពេញកម្មវិធីគេនោះទេ » Jungkook
« ដឹងហើយៗ បងនេះរអ៊ូច្រើនជាងប៉ាអូនទៅទៀត» រាងតូចថាហើយក៏ទាញដៃគេចុះទៅឡាន ខ្លាចថាបើ នៅយូរតទៀតនឹងត្រូវលោកប្ដីឃាត់ឃាំងជាប់នៅ លើគ្រែមិនឲ្យទៅបាន ។
________
< តុកតុក >
« ចូលមក ទ្វារអត់ចាក់សោរទេ » ស្រីស្រស់ SooE ដែលកំពុងលាបក្រែមតុបតែងខ្លួននៅក្នុងបន្ទប់នោះអនុញ្ញាតទើបរាងសង្ហារដែលជាប្អូនប្រុសបើកទ្វារចូលមក ។
« រួចហើយនៅបងស្រី? » Sooho ញញឹមសួរទៅកាន់នាងមុននឹងដើរទៅអង្គុយលើចុងគ្រែមើលទៅ បងស្រីស្រស់ស្អាតក្នុងរ៉ូបរលុងពណ៌ក្រហមវាលខ្នងបញ្ចេញសាច់សខ្ចីរបស់នាង ព្រោះប៉ាម៉ាក់រវល់ទើបបងប្អូនពួកគេត្រូវទៅចូលរួមកម្មវិធីជប់លៀងរបស់ Yoongi ជំនួសពួកគាត់ ។
« ជិតរួចហើយចាំបន្តិចសិនទៅ » SooE ប្រាប់ដូច្នេះទើប Sooho ញញឹមមើលនេះមើលនោះក្នុងបន្ទប់បងស្រីហើយក៏បានប្រទះឃើញស្រោមសំបុត្រពណ៌គគីរមួយដែលមានអក្សរលើនោះបញ្ជាក់ថាជា ឯកសារនៃការពិនិត្យផ្ទៃពោះ តែថាវាជារបស់អ្នកណា? បើបងស្រីគេនៅមិនទាន់រៀបការមានកូនផង នោះ?
« បងស្រី!! នោះជាស្អី? » នាយសួរឡើងធ្វើឲ្យ SooE ងាកទៅក៏ឃើញក្រដាសនោះនៅលើតុទើប នាងរហ័សទាញមកទុកក្នុងថតតុហើយចាក់សោរ យ៉ាងលឿនទៀតផង ។
« គ្មានស្អីនោះទេ បងរួចហើយអ៊ីចឹងពួកយើងប្រញាប់ទៅៗ » នាងថាហើយក៏ទាញកាបូបដើរទៅ មុនដោយឡែក Sooho នាយក៏នៅតែសង្ស័យដដែលតែក៏បោសវាសចម្ងល់ចេញពីខួរក្បាលមុននឹង ដើរទៅតាមក្រោយបងស្រី ។
< ង៉ឺត!! > ឡានទំនើបបើកមកឈប់នៅចំពីមុខកម្មវិធី មុននឹងរាងសង្ហារមាឌធំមាំទាំដើរចុះមកហើយរហ័សទៅបើកទ្វារម្ខាងទៀតដើម្បីអញ្ជើញសំណព្វចិត្តរបស់ខ្លួនឯងចុះមក ។
« អរគុណ » Tae ញញឹមផ្អែមល្ហែមដាក់នាយហើយក៏កាន់ដៃគ្នាដើរចូលក្នុងកម្មវិធីក្លាយជាទីចាប់អារម្មណ៍ ឲ្យអ្នកកាន់កាមេរ៉ានាំគ្នាថតផ្ដិតរូបគូស្នេហ៍មួយគូនេះជាច្រើនសន្លឹក ។
« Jung!! » Yoongi ដែលជាម្ចាស់កម្មវិធីស្រដី ហៅទៅមិត្តជិតស្និទ្ធមុននឹងបណ្ដើរ Jimin ជាដៃគូ មករកពួកគេទាំងពីរ ។
« អឺ!! នេះកម្មវិធីឯងមនុស្សចូលរួមច្រើនមែន » Jungkook
« តែគូឯងជាមួយ Tae ក៏ក្លាយជាអ្នកដែលគ្រប់គ្នាចាប់អារម្មណ៍ឲ្យទាល់តែបាន » Yoongi
« មកពីប្រពន្ធយើងស្អាតនោះអី » Jungkook សរសើរឲ្យរាងតូចអៀនទាល់តែបាន ។
« ឆ្កួត!! ចេះតែថាហើយ បងមើលចុះ Jimin របស់ពួកយើងថ្ងៃនេះក៏ស្អាតណាស់ដែរ អូនមិនដែលឃើញគេតែងខ្លួនបែបហ្នឹងទេ » Tae
« គឺ Yoon ជាអ្នកចាត់ការឲ្យទេតើស » Jimin អោនមុខចុះញញឹមទាំងអៀនប្រៀនព្រោះតែនាយជាអ្នកប្រើភាពជាសុភាពបុរសទៅសុំលោកប៉ាដើម្បីនាំគេមកដោយខ្លួនឯងហើយក៏ឲ្យអ្នកតែងខ្លួនអាជីពរៀបចំគេក្លាយជាស្រស់ស្អាតបែបនេះតែម្ដង ។
« តោះ បើចឹងពួកយើងនាំគ្នាទៅរកអីញ៊ាំសិនទៅ » Yoongi នាំពួកគេចូលទៅខាងក្នុងតែក៏ត្រូវងាកក្រោយវិញពេលលឺសម្លេងចេចចាចនៅខាងមុខច្រកចូលកម្មវិធី ។
« ស្អាតណាស់ៗអ្នកនាង SooE » ពួកអ្នកថតរូបសរសើរផងថតរូបនាងផងយ៉ាងច្រើនមិនខុសពី Tae និង Jungkook មុននេះឡើយ ។ យ៉ាងណាមិញ វត្តមានរបស់នាងបានធ្វើឲ្យរាងក្រាស់មិនសូវជាស្រួលក្នុងចិត្តប៉ុន្មាន ទោះបីជាដោះស្រាយហើយក៏ដោយតែគេនៅតែមានអារម្មណ៍ថារឿងអាក្រក់នឹងចូលមកដល់ឆាប់ៗនេះហើយក៏ទាក់ទងនឹង Tae ប្រាកដណាស់ ។
« ជាតារាឬយ៉ាងម៉េចហ្នឹង បានជាកាច់រាងស្អីក៏សម្បើមម្ល៉េះ? » រាងតូចបន្លឺឡើងទាំងសែនជ្រក់ជ្រេញលើនាង SooE ព្រមទាំងមិត្តនាងម្នាក់ទៀត Diana នាំគ្នាកាច់រឹកកាច់រាងដាក់កាមេរ៉ា ធ្វើមើលតែនេះជាកម្មវិធីរបស់ពួកនាងទៅហើយ ។
« តាមតែពួកគេចុះ ពួកយើងចូលខាងក្នុងវិញទៅ » Jungkook បន្លប់រាងតូចហើយអោបស្មារគេដើរចូលទៅព្រោះមិនចង់ឲ្យពាក់ព័ន្ធគ្នាស្រាប់តែ Sooho ដើរចូលមករាក់ទាក់ឃាត់ដំណើរពួកគេភ្លាម ។
« Tae!! Jimin!! នេះនាំគ្នាមកកម្មវិធីដែរហ្អេ៎? » នាយកម្លោះញញឹមបិទមាត់មិនជិតធ្វើឲ្យ Jungkook និង Yoongi សម្លឹងគេដោយខ្សែភ្នែកហួងហែងប្រពន្ធនិងសង្សារព្រមគ្នា ។
« បាទចុះសិស្សច្បងមកកម្មវិធីនេះដែរមែនទេ? » Jimin
« មែនហើយ បងមកជាមួយបងស្រី » Sooho
« បងស្រី? គាត់នៅឯណា? » Tae
« គឺនោះ » Sooho ចោលភ្នែកទៅខាងក្រោយក៏ឲ្យ Tae ឃើញ SooE និង Diana ដើរកាច់រាងសំដៅមករកពួកខ្លួន រាងតូចក៏មិនយល់ពីខ្លួនឯង មានអារម្មណ៍ថាមិនចូលចិត្តមុខពួកនាងទាល់តែសោះជាពិសេសគឺម្នាក់ស្រី SooE នោះតែម្ដង ។
« បងស្រី!! នេះគឺ Tae និង Jimin ជាសិស្សប្អូនហើយក៏សិស្សរបស់ខ្ញុំដែរ » Sooho
« សួស្ដីក្មេងៗ » SooE ញញឹមស្រស់ដាក់ពួកគេ រាងតូចទាំងពីរគ្រាន់តែឃើញក៏ដឹងថាជាស្នាមញញឹមក្លែងក្លាយដែរ ។
« បាទសួស្ដី » Jimin
« ហើយនេះគឺជា... » Sooho រកនឹងណែនាំតែ SooE ក៏លើកដៃឃាត់ភ្លាម ។
« មិនបាច់ទេបងស្គាល់ហើយ » នាងញញឹមមើលទៅរាងក្រាសដែលឈរនៅទីនេះ មុននឹងឈានជើងមកក្បែរហើយអោបគេភ្លាមៗចំពោះមុខ Tae ធ្វើឲ្យក្មេងតូចនិង Jungkook គាំងនឹងសកម្មភាពរបស់នាងតែម្ដង ។
« ខានជួបគ្នាយូរហើយ Jungkook ខ្ញុំនឹកលោកខ្លាំងណាស់ » SooE អោបរឹតកាន់តែស្និទ្ធស្នាលថែមទាំងខ្សឹបខ្សៀវក្បែរត្រចៀក Jungkook យ៉ាងស៊ិចស៊ីទាំងដែលនាយក៏មិនធ្វើអ្វីបណ្ដោយឲ្យនាងអោបរឹតខ្លួន ។ Tae កាលបើឃើញរូបភាពនេះហើយក៏ប្រឡេះដៃចេញពីអ្នកជាប្ដីដើរចេញទៅទាំងទ្រាំមិនបាន បង្កជាភាពរីករាយដល់ស្រីស្រស់ដែលអាចបញ្ឈឺគេបែបនេះ ។
« Tae!! Tae!! » ពេលឃើញរាងតូចចេញទៅហើយ Jungkook ក៏រុញ SooE ចេញពីខ្លួនហើយប្រញាប់ទៅតាមគេភ្លាមៗ ។
« អូនក៏ដូចគ្នាដែរបងYoon » Diana បម្រុងចូលមកអោបតែនាយ Yoongi ក៏អោបស្មារ Jimin មកកៀកកើយឲ្យនាងទច់ដំណើរមិនហ៊ានចូលក្បែរ ។
« ភ្លេចណែនាំឲ្យស្គាល់ នេះជា Jimin សង្សារខ្ញុំ » នាយនិយាយច្បាស់ៗមិនបង្វែរច្រើនធ្វើឲ្យរាងល្អិតមើលគេភ្លឹះៗមុននឹងងាកមករកស្រីស្រស់វិញ ។
« សួស្ដី » Jimin
« នេះបងយកក្មេងប្រុសធ្វើជាសង្សារ? មិនខ្មាសអ្នកដទៃទេហ្អេ៎? » Diana ស្ដីថាឲ្យនាយព្រមទាំងសម្លក់រាងតូចស្លូតបូតទៅវិញ ។
« តែក៏ប្រសើរជាងយកមនុស្សស្រីដែលមានចិត្តក្បត់ខ្លះដែរ តោះJimin!! ពួកយើងទៅរកអីញ៊ាំវិញ» Yoongi មិននិយាយច្រើននាំរាងតូចដើរចេញទៅបណ្ដោយឲ្យនាងក្រមុំឈរកើតទុក្ខមិនសុខចិត្តមុននឹងងាកមកទូពិត SooE ជាមិត្ត ។
« នេះ...នេះឯងមើលចុះ បងYoon បែរជាទៅស្រឡាញ់មនុស្សប្រុសដូចគ្នាទៅវិញ ចង់តែឆ្កួតស្លាប់ទេនៀក!! » Diana
« បើចឹងក៏ស្លាប់ឲ្យហើយទៅ » នាង SooE ឆ្លើយយ៉ាងឈាមត្រជាក់ហើយក៏ដើរចេញទៅ ។
« បងស្រី!! ទៅធ្វើបែបនោះជាមួយគេធ្វើអី? » Sooho សួរឡើងភ្លាមស្របពេល SooE ក៏គិតតែពីដើរមើលម៉ូតឡានហាក់ដូចជាមិនខ្វល់ពីសំណួររបស់គេ ។
« បងបានទៅធ្វើអី? » SooE
« មិនមែនបងមិនដឹងថាប្រុសម្នាក់នោះជាប្ដីរបស់Tae ឯណា? ហេតុអីក៏អោបគេនៅចំពោះមុខ Tae ទៅវិញ? » Sooho
« ទោះបីបងប្រាប់ក៏ឯងមិនយល់ដែរ ឈប់សួរទៀត ទៅ » ថាហើយ នាងក៏ដើរហួសទៅកន្លែងផ្សេងព្រោះមិនចង់បកស្រាយច្រើននាំឲ្យខូចផែនការរបស់ខ្លួនឯង ។
« Yoon!! » Jimin កេះហៅនាយពេលកំពុងឈរនិយាយជាមួយភ្ញៀវ ។
« ហ្ហឹម? » Yoongi
« អូនសុំទៅខាងនោះមួយភ្លែតសិនបានទេ? » Jimin ចង្អុលទៅ Tae ដែលអង្គុយធ្វើមុខស្ងួតតែម្នាក់ឯងនៅជ្រុងម្ខាង Jungkook វិញចង់ទៅដោះស្រាយជាមួយគេណាស់តែពេលនេះពួកអ្នកជំនួញចាស់ៗឃាត់គេឲ្យនៅនិយាយមួយកន្លែងរើខ្លួនមិនបានឡើយ ។
« អូខេ » Yoongi អនុញ្ញាតទើប Jimin រហ័សដើរ មករករាងតូចភ្លាម ។
« អេ៎!! អង្គុយតែម្នាក់ឯងធ្វើអី? » Jimin
« យើងមិនចូលចិត្តកន្លែងនេះទេ សុទ្ធតែពួកមនុស្សគួរឲ្យស្អប់ » Tae និយាយតែមាត់តែភ្នែកក៏សម្លក់ទៅប្ដីគេនិង SooE ដែលឈរក្បែរៗនោះចង់ជ្រុះគ្រាប់ភ្នែកធ្លាក់ដល់ដីហើយ ។
« មិនមែនចង់ថាឲ្យប្ដីឯងទេដឹង? » Jimin
« ប្រាកដហើយ!! នៅមានស្រីនោះទៀត មុននេះអោបប្ដីយើងនៅចំពោះមុខយើងគ្មានចេះក្រែងចិត្តសោះ បើសិនពេលនេះគ្មានមនុស្សទេណា៎ យើងនឹង ចាប់បោចសក់ហើយទះឲ្យហើមមុខបន្ទាប់មកកាច់ដៃកាច់ជើងរបស់នាងឲ្យបាក់ កុំឲ្យពូកែដើរអោបប្ដីរបស់គេទៀត » គ្រាន់តែស្ដាប់គេនិយាយចប់ Jimin ក៏ព្រឺខ្នងតែម្ដង ។
« នែ៎ៗ គ្រាន់តែគិតក៏បាបដែរ ឈប់និយាយទៅ ចាំយើងទៅរកអីឲ្យឯងញ៊ាំ » Jimin
« យើងទៅបន្ទប់ទឹកសិនចឹង ឯងចាប់របស់ញ៊ាំឲ្យយើងឲ្យច្រើនៗមកលឺហ្អេ៎? » Tae
« ព្រះពរព្រះអង្គ ទូលបង្គំដឹងហើយ » និយាយគ្នាហើយពួកគេក៏បែកផ្លូវគ្នាដោយរាងតូចសំដៅទៅបន្ទប់ទឹក SooE ឃើញដូច្នេះក៏រហ័សដើរទៅតាមគេភ្លាម ។
_ ពេល Tae ចូលបន្ទប់ទឹកហើយចេញមកវិញដើម្បីលាងដៃក៏ស្រាប់តែលឺសម្លេងរបស់មនុស្សស្រីនិយាយទូរស័ព្ទប្លែកៗ គេក៏ផ្ទៀងត្រចៀកចាំស្ដាប់ ។
" ថាម៉េច? មានផ្ទៃពោះ? មិននឹងអាចនោះ?
ឯងច្រឡំហើយ " សម្លេងរបស់ SooE និយាយច្បាស់ៗដើម្បីឲ្យ Tae ស្ដាប់លឺពេញត្រចៀកហើយក៏ជ្រួញចិញ្ចើម នេះនាងមានផ្ទៃពោះចឹងឬ? អ្នកណាទៅឆ្កួតមានកូនជាមួយស្រីដើរអោបប្ដីគេដូចនាងនោះ?
" អឺ...យើងធ្លាប់បានគេងជាមួយគេម្នាក់ដែរនៅក្លឹបកាលពីជាងមួយសប្ដាហ៍មុនគឺថ្ងៃដែលមានភ្លៀងធ្លាក់នោះណា៎ គេជាសង្សារចាស់យើងឈ្មោះ Jungkook " កាលបើលឺថាជាឈ្មោះរបស់ប្ដីខ្លួនហើយ រាងតូចស្រាប់តែទ្រឹងស្ងៀមមួយកន្លែងគិតអ្វីមិនចេញ ដឹងត្រឹមថាថ្ងៃនោះ Jungkook ប្រាប់ថាទៅក្លឹបហើយក៏មានភ្លៀងធ្លាក់ព្រមថ្ងៃតែមួយដែលនាងនិយាយ បានន័យថាអ្នកធ្វើឲ្យនាងមានផ្ទៃពោះគឺជា Jungkook ប្ដីរបស់គេ?
" យើងក៏មិនចង់ដែរតែថ្ងៃនោះ Jungkookគេស្រវឹងហើយយើងក៏ស្រវឹង បន្ទាប់មកពួកយើងក៏មានស្អីៗនឹងគ្នាដោយគ្មានរបស់ការពារ ប្រហែលជាយើងមានកូនជាមួយគេពិតមែនហើយ យើងគួរធ្វើយ៉ាងម៉េចទៅ? " SooE កាន់តែនិយាយ Tae កាន់តែធ្វើចិត្តមិនបានទើបរហ័សចាកចេញពីទីនេះដើម្បីទៅឃ្លាជាមួយអ្នកបង្ករឿងហេតុ ។
« ងាយស្រួលបោកមែនក្មេងល្អិត!! » ក្រោយគេចេញទៅនាង SooE ក៏ញញឹមចុងមាត់ដើរចេញតាមក្រោយហើយប្រញាប់ទៅតាមដើម្បីមើលរឿងល្អភ្លាម ។
« Jimin!! មានឃើញ Tae ឬអត់? » ក្រោយបញ្ចប់ការសន្ទនាជាមួយពួកជំនួញអស់នោះហើយ Jungkook ក៏ដើររកប្រពន្ធខ្លួនតែរកមិនឃើញ មិនដឹងជាគេទៅណាឡើយ ។
« Tae ថាទៅបន្ទប់ទឹក អ៎នោះ!! មកវិញហើយតើស » Jimin សំដៅលើរាងតូចដែលដើរមកទាំងទឹកមុខមិនល្អខុសប្លែកជាងមុនឯ Jungkook ក៏រហ័សដើរមករកគេភ្លាម ។
« Tae បងរកអូនយូរហើយណា៎ ពួកយើងគួរតែ.. » នាយនិយាយមិនទាន់អស់តែ Tae ក៏ទាញកែវស្រាពីអ្នកបម្រើក្បែរនោះមុននឹងជះវាទៅលើផ្ទៃមុខ Jungkook ឲ្យសើមប្រឡាក់មុខនិងខោអាវតែម្ដង ។
« Tae!! » Jimin ស្រែកឡើងបែបភ្ញាក់ផ្អើល ។ រាងក្រាស់វិញក៏ជ្រួញចិញ្ចើមដែលសុខៗ រាងតូចក៏ធ្វើបែបនេះដាក់ខ្លួន ។
« អូនកើតអី? » Jungkook
« ថ្ងៃដែលពួកយើងឈ្លោះគ្នា យប់នោះបងប្រាប់ថាទៅក្លឹបហើយផឹកស្រា បងមានស្រវឹងដែរទេ? » Tae ចោទសួរជាមួយទឹកមុខរាបស្មើស្របពេលទឹកភ្នែកក៏វិះនឹងស្រក់ចុះដូចគ្នា ។
« ហេតុអីក៏អូន... » Jungkook
« ឆ្លើយ!! » Tae
« មែនហើយ បងស្រវឹងតែបង... » Jungkook
« បន្ទាប់ពីស្រវឹងហើយបងមានធ្វើរឿងស្មោគគ្រោកជាមួយស្រីណាដែរឬអត់? » Tae
« ម៉េចក៏សុខៗសួរបែបនេះ? » Jungkook សួរត្រឡប់ហាក់មិនយល់ថា Tae ទៅដឹងរឿងនេះមកពីណា ពេលនោះ SooE ក៏ដើរឆ្លងកាត់ឲ្យរាងតូចឃើញនាងហើយក៏ស្ទុះទៅទាញដៃនាងមកឈរនៅចំពោះមុខ Jungkook គ្រប់គ្នានៅក្នុងកម្មវិធីក៏ចាំមើលមកគ្រប់គ្នា ។
« នាងប្រាប់ Jungkook ទៅថានាងមានកូនក្នុងពោះជាកូនរបស់គេ នាងនិយាយភ្លាមទៅ!! » រាងតូចនិយាយប្រាប់នាងសម្រួលទាំងដែលក្នុងចិត្តឈឺវិះនឹងដួលពេលនេះទៅហើយ ។
« Tae... » Jungkook
« ខ្ញុំ...ខ្ញុំ... » SooE ធ្វើជាញ័រមាត់ខ្លបខ្លាចមិនហ៊ាននិយាយធ្វើឲ្យ Tae រឹតតែខឹងក្រោធច្របាច់ដៃនាងមួយទំហឹងសឹងបាក់ឆ្អឹង ។
« ខ្ញុំឲ្យនាងនិយាយ!! »
« នាងនិយាយទៅថាវាមិនមែនជាការពិតទេ SooE!! » Jungkook បន្លឺឡើងបែបនេះព្រោះគេមិនធ្លាប់គិតចង់ឲ្យនាងមានកូនរបស់គេឡើយ ។
« ខ្ញុំ...ខ្ញុំពិតជាមានកូនពិតមែន Jungkook ខ្ញុំសុំទោស » និយាយហើយ SooE ក៏អោនមុខចុះគួរឲ្យអាណិតធ្វើឲ្យ Jungkook គាំងធ្វើអ្វីមិនចេញ មិនខុសពី Tae ដែលលឺបែបនេះ ដៃដែលចាប់នាងក៏ទន់កម្លាំងព្រលែងចេញភ្លាម ទឹកភ្នែកក៏ស្រក់ហូរពេញថ្ពាល់សោកស្ដាយដែលលង់ស្រឡាញ់មនុស្សខុស ។
« មិនពិតទេ នាងកុហក!! » Jungkook ប្រកែកទើបភ្លាមនោះ SooE បញ្ចេញទឹកភ្នែកក្លែងក្លាយឲ្យគ្រប់គ្នាអាណិត ។
« ហ្ហឹកៗ ខ្ញុំទៅកុហកលោករឿងកូនធ្វើអីទៅបើខ្ញុំមានកូនរបស់លោកពិតមែននោះ ហ្ហឹកៗ »
« លោកគិតចង់ធ្វើឲ្យបងស្រីខ្ញុំមានកូនហើយមិនទទួលខុសត្រូវបែបនេះ មិនយល់ថាអាក្រក់ពេកទេហ្អេ៎? » Sooho ចូលមកការពារបងស្រីចោទនាយជាមនុស្សអាក្រក់ទើប Jungkook ស្ទុះទៅចាប់ដៃ Tae អង្វរកភ្លាម ។
« តែវាមិនមែនជាការពិត Tae!! អូនកុំជឿអី បងស្បថបានថាកូនក្នុងផ្ទៃរបស់នាងមិនមែនជាកូនរបស់បងទេ កាលនោះបងភ្លាត់ស្នៀតប៉ុណ្ណោះ វាម៉េចនឹងអាច... »
< ផាច់!! > អត់ទ្រាំមិនបាន ដៃតូចក៏វ័ទទះលើថ្ពាល់នាយជាប្ដីមួយទំហឹងធ្វើឲ្យផ្ទៃមុខនាយបែរទៅម្ខាងភ្លាមៗ បង្ករឿងហើយមិនទទួលខុសត្រូវជាប្រភេទមនុស្សដែល Tae ស្អប់ខ្លាំងបំផុតឬមួយនាយមិនដឹងទេ?
« មនុស្សកុហក!! មនុស្សអាត្មានិយម!! អូនមិនគួរណាស្រឡាញ់មនុស្សដូចបងនោះទេ » រាងតូចស្រែកដាក់នាយអស់មួយសម្លេងទាំងក្ដីឈឺចាប់មុននឹងរត់ចេញពីកម្មវិធី Jungkook ក៏ស្ទុះតាមគេភ្លាម ។
« Tae!! ស្ដាប់បងសិនបានទេ Tae!! បងសុំទោស!! »
< ទីតៗ... >
« អ្ហាយ៎..!!! » ស្របពេលរាងតូចរត់ចេញមកក៏មានឡានមួយបើកសំដៅយ៉ាងលឿនធ្វើឲ្យ Tae ស្លន់ស្លោរធ្វើអ្វីមិនចេញបានត្រឹមឈរស្រែកនៅត្រង់នោះទើប Jungkook ឃើញហើយរហ័សចូលទៅច្រានរាងតូចទៅម្ខាងផ្លូវធ្វើឲ្យឡាននោះបុកប៉ះរាងកាយនាយឲ្យហោះបុកនឹងកញ្ចក់ឡានមួយទំហឹងមុននឹងត្រូវធ្លាក់ទៅលើថ្នល់ហើយក្រឡាប់ជាច្រើនដងជាមួយឈាមពណ៌ក្រហមស្រស់ដាបពេញខ្លួនគួរឲ្យអាសូរ ។
« Jung... Jungkook!!! »
To be continued.....🌸🌸