- ព្រឹកថ្ងៃថ្មី
_ ថ្ងៃនេះជាថ្ងៃដែល Tae និង Donghae ត្រូវចូលរៀនវិញដោយមាន Jungkook ជាអ្នកបើកឡានជូនមកផ្ទាល់តែម្ដង ។
< ង៉ឺត!! >
« Donghae!! ចូលសាលាមុនសិនទៅ ពួកបងមាន រឿងនិយាយគ្នាណា៎ » រាងក្រាសពោលឡើង ក្រោយមកឈប់នៅពីមុខសាលាធ្វើឲ្យអាល្អិតនឹកឆ្ងល់ខ្លះៗតែក៏យល់ព្រមដូចគ្នា ។
« អ៊ីចឹងខ្ញុំចូលសាលាហើយបាទ » ថារួចទើប Donghae បើកទ្វារចុះទៅមុន ភ្លាមនោះ Jungkook ក៏ចុច lock សោរទ្វារឡានតែម្ដង ។
« បងមានអីចង់និយាយ? » Tae សួរដោយងឿងឆ្ងល់តែរាងក្រាសបែរជាស្ទុះលោរមុខមកកៀកនឹងមុខគេកៀកគ្នាតែម្ដង ។
« យប់មិញនេះអូនធាក់បងហើយដេញបងចេញពី បន្ទប់ទៀត មិនគិតនិយាយអីខ្លះទេហ្អេ៎? » Jungkook
« មកពីបងធ្វើឲ្យអូនខឹងធ្វើអី? » Tae បួញមាត់ឆ្លើយដាក់រាងក្រាសដែលសម្លឹងមើលមកគេដូចជាចង់ដាក់ ទោសលើខ្លួនយ៉ាងចឹង ។
« បងគ្រាន់តែចង់ថើបអូនសោះ ខឹងដែរ? » Jungkook
« ចុះក្បាលអូនបុកគ្រែឡើងពកនេះ សមថាគួរឲ្យខឹងទេ? ហ៊ឹស!! » យប់មិញក្បាលគេបុកឡើងឈឺដល់ថ្នាក់យំហើយនៅមិនទាន់បានតវ៉ាផងបែរជារាងក្រាសហ៊ានមករកខុសត្រូវមុនទៀត គួរឲ្យស្អប់!
គួរឲ្យខឹងមែនទែន! ។ Tae ងាកមុខចេញធ្វើជាអន់ចិត្តធ្វើឲ្យ Jungkook ដែលដំបូងចង់ឲ្យគេលួងសោះ ពេលនេះក៏បែរជាខ្លួនឯងជាអ្នកលួងទៅវិញ គិតៗទៅ នាយនេះជាអ្នកខាតរហូតតែម្ដង ។
« សុំទោស ថ្ងៃក្រោយបងឈប់ធ្វើចឹងទៀតហើយ កុំខឹងប្ដីទៀតអីណា៎ ចាំបងនាំអូនទៅញ៊ាំការ៉េមឆ្ងាញ់ៗ អូខេណា៎? » គេលួងដោយប្រើវិធីសាស្ត្រល្អណាស់ ចាប់ដៃរាងតូចមកប៉ះស្ទាបលើកូនការ៉េមក្នុងខោរបស់គេពេញៗធ្វើឲ្យថ្ពាល់រាងតូចសងខាងឡើងក្រហម ក៏បានន័យថាគេលួងបានសម្រេចហើយដែរ ។
« ឆើស!! មិនខឹងក៏បានដែរ » Tae ញញឹមខ្ជឹបនាំឲ្យ Jungkook បញ្ចេញស្នាមសើចត្រេកអរមកតាម ក្រោយ ។
« អូនចូលសាលាហើយ » Tae និយាយហើយក៏ បើកទ្វារចេញទៅរីឯអ្នកជាស្វាមីក៏ស្ទុះកាន់កាតាបមក ឲ្យប្រពន្ធនៅខាងក្រៅឡាន ។
« ខំប្រឹងរៀនណា៎ ហាមមើលប្រុសណាផ្សេងក្រៅពីបងឲ្យសោះលឺទេ? » នាយដាក់គំនាបខណៈអោនមុខមកជិតផ្ទៃមុខស្រស់ស្អាតរបស់រាងតូចជាមួយទឹក មុខបញ្ជាដូចប៉ារបស់ Tae យ៉ាងចឹង ។
« មិនលឺ មិនដឹង មិនធ្វើតាម!! » រាងតូចងើយមុខឌឺ ដងដាក់នាយបំណងញ៉ោះ Jungkook ច្បាស់ណាស់ ។
« ហ៊ានមិនស្ដាប់សម្ដីបងផងមែនទេ? » ថាហើយនាយក៏ទម្លាក់ថ្ងាសញីញក់ជាមួយថ្ងាស Tae ខ្លាំងៗ បង្កជាសំណើចយ៉ាងកក្អឹករួមជាមួយនឹងសុភមង្គលដូចគ្នាតែអ្វីៗស្រាប់តែដាច់ទៅយ៉ាងរហ័សក្រោយមាននរណាម្នាក់មិនដឹងបន្លឺសម្លេងហៅឈ្មោះរបស់ភាគីម្ខាង ។
« Jungkook!! » ការហៅឈ្មោះមួយនេះធ្វើឲ្យរាងសង្ហារបានលឺហើយក៏បញ្ឈប់សកម្មភាពប្រឡែងជាមួយរាងតូចមុននឹងងាកមកតាមទិសដៅសម្លេងហើយក៏បានឃើញអ្នកដែលហៅឈ្មោះរបស់នាយគឺជាមនុស្សស្រីស្រស់ស្អាតម្នាក់ មនុស្សស្រីដែល នាយធ្លាប់ដាក់ចិត្តស្រឡាញ់ជាខ្លាំងស្ទើរតែបានរៀបការជាមួយគ្នាហើយនាងក៏ជាស្នេហាដំបូងរបស់នាយដូចគ្នា
« SooE? » Jungkook ហើបមាត់បន្លឺឈ្មោះអ្នក ម្ខាងទៀតភ្លាមៗព្រមទាំងទឹកមុខដែលផ្លាស់ប្ដូរទៅជា មានមន្ទិលហើយក៏ងឿងឆ្ងល់ បេះដូងលោតញាប់ខុសចង្វាក់មួយរំពេច ហេតុអីក៏នាងលេចឡើងនៅ ក្នុងពេលដែលនាយកំពុងតែមានសុភមង្គលជាមួយប្រពន្ធរបស់គេទៅវិញ?
« អ្នកណាហ្នឹង? » Tae សួរឡើងទាំងមានចម្ងល់ដូចគ្នាព្រោះនាយនិងស្រីម្នាក់នោះសម្លឹងមើលគ្នាមិន ដាក់ភ្នែកនៅចំពោះមុខគេ រឹតតែប្លែកគឺរាងក្រាសថយគម្លាតចេញពីគេដែលជាប្រពន្ធយ៉ាងរហ័ស ហេតុអីក៏ នាយក្លាយទៅជាបែបនេះ?
« ហេតុអីក៏បង...អ៎មិនមែនទេ គឺលោក!! ហេតុអីក៏ លោកនៅទីនេះ? » SooE ក្រឡាស់សព្វនាមហៅ នាយដោយស្នាមញញឹមមិនសូវជាសមប៉ុន្មានព្រោះ Jungkook មិនមែនជាសង្សាររបស់នាងតាំងតែពី 4ឆ្នាំមុនម្ល៉េះ ប៉ុន្តែក្រែងជានាងមិនចឹងដែលបោះបង់ Jungkook ដើម្បីទៅរកសង្សារថ្មីនោះ?
« ខ្ញុំ...ខ្ញុំជូន Tae មកសាលារួចចុះនាង? » រាងក្រាសខំប្រឹងសម្រួលអារម្មណ៍ឆ្លើយតបយ៉ាងល្អបំផុតតាមដែលអាចធ្វើបានតែមានដឹងទេថាអ្នកដែលឈរ នៅក្បែរកំពុងឆ្ងល់នឹងទង្វើរបស់នាយខ្លាំងណាស់ ។
« អ៎...នេះកុំប្រាប់ណាថាជាក្មួយប្រុសលោក? » SooE ចង្អុលរាងតូចរួមជាមួយសំណួរដែលធ្វើឲ្យ Tae លឺហើយជ្រួញចិញ្ចើមភ្លាម ។
« សុំទោស ខ្ញុំមិនមែនជា... »
" Tae!! " ស្របពេលដែលរាងតូចបម្រុងនឹងបក ស្រាយប្រាប់នាងក៏ស្រាប់តែមាននរណាម្នាក់ហៅឈ្មោះគេធ្វើឲ្យ Tae ងាកទៅក៏ឃើញ Sooho ដើរ សំដៅមករកគេយ៉ាងលឿនទៅវិញ ។
« សិស្សច្បង!? » រាងតូចលាន់មាត់ ឯរាងក្រាសក៏ជ្រួញចិញ្ចើមឆ្ងល់ឡើងភ្លាម មើលទៅម្នាក់នោះដូចជាស្គាល់ប្រពន្ធគេស្និទ្ធស្នាលណាស់ ។ Sooho ដើរមកដល់ភ្លាមក៏ទាញរាងតូចទៅអោបភ្លែតនៅ ចំពោះមុខJungkookនាំឲ្យនាយបើកភ្នែកធំៗតែម្ដង។
« បងត្រេកអរខ្លាំងណាស់ដែលបានជួប Tae មានដឹងឬអត់ថាបងនឹក Tae នឹកខ្លាំងបំផុតហើយក៏ចង់ជួប មុខ Tae ជាងគេដែរចុះ Tae វិញមាននឹកបងទេ? » Sooho អោបរឹតរាងតូចយ៉ាងណែន Jungkook ឃើញហើយទ្រាំលែងបានក៏ស្ទុះចូលទៅបំបែកហើយនាំរាងតូចមកឈរក្បែរភ្លាម ។
« ឯងជាអ្នកណា? មានសិទ្ធិស្អីមកអោប Tae របស់យើងនោះ? » Jungkook សួរដោយសម្លេងរឹងក្នុងនាមជាអ្នកហួងហែងមិនខុសពី Sooho នោះទេ ។
« ចុះលោកជាអ្នកណា? មានសិទ្ធិស្អីមកហួងហែង Tae ដែរ? » Sooho
« យើងជាប្ដីរបស់ Tae !! » Jungkook
« ប្ដី? » Sooho និង SooE ស្រែកឡើងព្រមគ្នាទាំងទឹកមុខហាក់មិនចង់ជឿទាល់តែសោះ ។
« នេះបានន័យថាម៉េចហ្នឹង Tae? » Sooho នាយ សួរបញ្ជាក់ម្ដងទៀត ព្រោះនាយមិនជឿថា Crush របស់ខ្លួនឯងមានប្ដីរួចទៅហើយដែលមិនមែនជាគេ នោះទេ ។
« គឺខ្ញុំ... »
< គ្រឺង!!!! > Tae បម្រុងបកស្រាយទៅហើយតែ កណ្ដឹងសាលារោទិ៍សម្លេងមុនទើប Jungkook សម្លក់អ្នកដែលអោបប្រពន្ធគេមុននេះរួចលើកដៃ បោសវាសអាវរាងតូចតិចៗឲ្យជ្រុះស្នាមដៃរបស់ Sooho ឌឺដងឲ្យគេមុននឹងលើកកាតាបស្ពាយឲ្យរាងតូច ។
« ដល់ម៉ោងចូលរៀនហើយ អូនឆាប់ចូលទៅ » Jungkook ថាហើយលោរទៅថើបថ្ងាសរាងតូចមួយខ្សឺត អាចថាជាការឌឺដងឲ្យ Sooho តែក៏ធ្វើឲ្យ SooE ស្រង៉ាកចិត្តមិនស្ទើរដែរ ។
« អ្ហឹម!! » Tae គ្រហឹមរួចទើបងាកសម្លឹងមុខ SooE ដែលតាមមើលគេរហូតហាក់បីដូចជាច្រណែនគេខ្លាំងណាស់មុននឹងនាំខ្លួនឯងចូលទៅសាលាតែម្ដង ។
« Sooho!! ក្រែងដល់ម៉ោងបង្រៀនហ្អេ៎ ឆាប់ទៅៗ » SooE នាងនិយាយឡើងទៅកាន់នាយដែលជា ប្អូនប្រុសក៏ធ្វើឲ្យ Jungkook ងឿងឆ្ងល់ដូចគ្នា ។
« បាទបងស្រី » ថារួចនាយកម្លោះក៏ដើរចូលទៅ ព្រោះថ្ងៃនេះជាថ្ងៃទីមួយដែលនាយត្រឡប់មក សាលានេះវិញតែក្នុងនាមជាគ្រូបង្រៀនសិស្សថ្នាក់ ទី១២វិញម្ដង អាចនិយាយបានថានាយបញ្ចប់ការ សិក្សាពេល Tae រៀននៅថ្នាក់ទី8នៅឡើយហើយនាយក៏បន្តរៀនជំនាញគ្រូដើម្បីត្រឡប់មកវិញ មកជួបមនុស្សដែលខ្លួនធ្លាប់ស្រឡាញ់គឺជា Tae នោះហើយ ។
_ ក្រោយពេលនាយចេញទៅ Jungkook ក៏តាមសម្លឹងមើលមិនដាក់ភ្នែកមុននឹងបែរមកស្រីដែលធ្លាប់ជាគូស្នេហ៍វិញ ។
« នេះគេជាប្អូនប្រុសនាងមែនទេ? » Jungkook
« មែនហើយ Sooho ទើបតែមកបង្រៀនថ្ងៃទីមួយ ខ្ញុំក៏ជូនគេមកតែចៃដន្យមែនទែនដែលបានមកជួបលោកនៅទីនេះជាមួយ...ជាមួយស្អីគេអញ្ចេះ? ប្រពន្ធមែនទេ? » SooE និយាយហើយក៏ញញឹមចេញមកតែវាជាស្នាមញញឹមពេបជ្រាយទៅវិញទេ មិនស្មានសោះថាអតីតសង្សារនាងបែរជាមក ស្រឡាញ់ក្មេងប្រុសទៅវិញ ។
« ខ្ញុំមានការងារត្រូវធ្វើទៀត សុំទៅមុនហើយ » ដោយមិនចង់ជំពាក់ជំពិនជាមួយនាង Jungkook ក៏រហ័សបែរខ្នងបម្រុងឡើងឡានតែ SooE ក៏ ប្រញាប់ស្ទាក់គេមុនភ្លាម ។
« ឈប់សិន Jungkook!! ពួកយើងខានជួបគ្នាយូរ ហើយគួរតែរកកន្លែងមួយនិយាយគ្នាបន្តិចល្អទេ? » នាងក្រមុំលើកសំណើរឡើងព្រោះនាងដឹងថា Jungkook ជាសុភាពបុរស ណាមួយកាលពីមុនគេ ស្រឡាញ់នាងខ្លាំងណាស់ដល់ថ្នាក់យំសោកពេលដែលនាងសុំចែកផ្លូវទៀតផង នាយច្បាស់ជាមិនអាច បដិសេធនាងបានជាដាច់ខាត ។
« តែខ្ញុំថា...ដូចជាមិនល្អទេ » ស្នាមញញឹមជឿជាក់ របស់ SooE ក៏រលុបអស់ក្រោយលឺប្រយោគបដិសេធចេញពីមាត់ Jungkook ដែលញញឹមជះ ភាពគួរឲ្យអស់សំណើចមកកាន់នាង ។ នាយសង្ហារ ញាក់ស្មារដាក់នាងបន្តិចមុននឹងឡើងឡានស្ព័រទំនើបរបស់ខ្លួនបើកចេញទៅទុកឲ្យនាងក្រមុំឈរក្ដាប់ដៃគ្រឺតក្នាញ់អាម៉ាសតែម្នាក់ឯងតែមានតែម្ដងនេះ
ប៉ុណ្ណោះ នាងមិនជឿថាលើកក្រោយ Jungkook នឹងហារមាត់ប្រកែកជាមួយនាងបានទៀតនោះឡើយ ។
To be continued......🍏🍒✨