Inilapag ni Ian ilang klase ng dokumento sa harapan ni Ion. Nakaupo na para bang hari ang binata sa swivel chair nito.
Napairap si Ion.
"Ano nanaman ba iyan?" Walang ganang sabi ni Ion habang nakatungkod ang siko sa gilid ng upuan at kahawak sa kaniyang sentido.
"Try mo kayang tignan." Pilosopong sabi ni Ian bago salinan ang baso ng alak.
"Tinatamad ako, basahin mo nalang." Walang kasaya-saya niyang sabi.
Pagod na pagod siya nitong mga nakaraang araw ng dahil sa mga ipinagawa ng ama. Kaya naman niyang umisa pa ng misyon pero ewan niya kung bakit tila tamad na tamad siyang gawin iyon.
Pakiramdam niya ay wala na siyang patutunguhan sa buhay kundi ang manghuli at pumatay ng masasamang loob. In the first place all he wants to do is to work for the organization, ngayon na nagagawa na niya ang bagay na iyon ay hindi na niya alam kung ano pang isusunod niyang gagawin.
He felt empty this past few days. Di gaya ng nakatatanda nilang kapatid na si Aiana na masaya na sa sariling pamilya nito, siya ay nananatiling mag isa at wala pa ring balak na mag asawa matapos ang nangyari limang taon na ang nakalilipas.
"Ano ka? Sinuswerte? Basahin mo huwag kang tamad." Sagot sa kaniya ni Ian.
Nanatiling hindi kumikibo si Ion at ipinikit na lamang ang kaniyang mga mata. There's no way he will read the fucking document, he's too lazy right now.
Narinig niya ang marahas na pagbuntong hininga ni Ian. Dinampot nito ang inilapag na dokumento sa ibabaw ng lamesa.
Napairap si Ion.
Babasahin din pala nag inarte pa.
"Kung hindi lang talaga ito utos ni dad hinayaan nalang kitang mapagalitan diyan." Umiiling na sabi ni Ian.
Napatingin si Ion sa mga inilabas na pictures ni Ian mula sa dokumento. Napukol ang kaniyang mga mata sa iisang larawan.
Kinuha iyon ni Ian maging ang isa pang litrato.
"Si Alejandro Quintero ang trabaho mo ngayon. Siya ang master mind ng malaking bentahan ng illegal drugs at firearms sa Medellin. Masyado nang malaki ang ginagawa niyang krimen kaya kailangan na siyang itumba." Paliwanag ni Ian sa kaniya.
Nanatiling nakatitig si Ion sa larawan ng isang dalaga.
Inangat iyon ni Ian sa ere katabi ang isa pang larawan ng isa pang babae.
"This is Antonia and Antonella Quintero. Daughters of Alejandro Quintero. Mahalaga silang dalawa dahil lahat ng illegal na gawain ni Alejandro ay mapupunta sa isa sa kanila once na mapatay mo ang ama." Paliwanag pa ni Ian.
Napakunot ang noo ni Ian ng mapansing nananatili lamang ang tingin ni Ion sa isang larawan na kaniyang hawak. Para bang hindi nito pinakikinggan ang kaniyang mga sinasabi at sa larawan lamang nakatuon ang atensyon.
Napangisi si Ian. Tila nakuha ng dalagang ito ang atensyon ng kaniyang kapatid.
Inilapag ni Ian iyon at ipinasok muli sa loob ng folder, napangisi si Ian ng makita ang iritang tingin sa kaniya ng kakambal.
"Bawal iyan, kakambal. Anak siya ng taong misyon mo." Nakangising pang aasar ni Ian sa kakambal.
Napaiwas ng tingin si Ion. Napabuga siya ng hangin.
"Bakit sakin iyan binigay ni dad?" Tanong ni Ion habang nakatanaw sa malayo.
"Hmm.. well, dad knows you do the dirty work. He wants Alejandro's head." Simpleng sagot ni Ian bago uminom ng alak.
Nanatiling tahimik si Ion.
"Twinny, you can't like that Colombian girl. Everything will be put at risk if you continue doing that." Pahayag ni Ian habang iniikot-ikot ang baso.
"I have no plans of liking her. I'm planning how to easily end this fucking work." Pagsagot ni Ion sa sinabi ng kakambal.
Nanatili ang ngisi ni Ian.
"Yung mga tingin mo kay Antonella, parang yung mga tingin ko noon kay Kristine nung unang punta nila sa bahay natin." Makahulugang sabi ni Ian.
Napaigos si Ion.
"So may intensiyon kang patayin noon si Kristine?" Walang gana na sabi ni Ion.
"No!" Mariing iling ni Ian. "Kunyari ka pang siraulo ka eh kitang-kita ko sa mga mata mo na hahabul-habulin mo si Antonella pagdating ng panahon."
Umirap sa kaniya si Ion.
"Huwag kang gumawa ng kwento." Igos ni Ion. Tumayo siya mula sa pagkakaupo sa swivel chair.
Pumunta siya sa harapan ng lamesa kung saan nakadisplay ang kaniyang mga katana. Kinuha niya ang isa bago ito tinanggal sa pinakalalagyan.
"What do you think will happen after I brutally killed the most influential criminal in Colombia?" Malamig na tanong ni Ion.
"Hmm.. maybe you'll be hunt down by the sicarios?" Natatawang sabi ni Ian.
Walang buhay na napatawa naman si Ion habang hawak-hawak ang katana.
"You know I always enjoy that."
Napailing si Ian.
"Ikaw lang ata ang natutuwa kapag hinahabol ng mga killer." Umiiling-iling na sabi ni Ian.
Itinapat ni Ion ang katana sa direksyon ng malaking glass window.
"I'm sure if Dianne is still here, kanina ka pa niya piningot sa tainga. Ayaw na ayaw pa naman noon na humahawak ka ng mga armas lalo na kung sa harapan ng anak ninyo." Malungkot ngunit nakangiti pa rin si Ian.
Napatigil si Ion sa pagtutok ng katana sa glass window. Hearing Dianne's name is his totally mood changer.
Inilapag niya muli ang katana sa kaniyang lamesa.
"I don't want to talk about Dianne and my daughter." Tila nawalang ganang sabi ni Ion.
Sa nakalipas na limang taon ay patuloy pa rin si Ion sa pagkalimot sa mapait na nangyari sa kaniyang pamilya.
His girlfriend and daughter died. Pakiramdam niya ay kasama din siyang namatay sa mga ito. Hindi niya kinakaya ang sakit na nararamdaman. Para bang gusto na lamang niyang paulit-ulit na lunurin ang sarili dahil sa pagkangulila sa nobya at sa kaniyang anak.
Nasa Colombia siya noong maambush ang sinasakyang sasakyan ng kaniyang mag ina dito sa Pilipinas. Papunta na sana ang mga ito sa airport upang bumyahe papuntang Singapore. Napagkasunduan kasi nila ni Dianne na sa Singapore icelebrate ang ikaapat na kaarawan ni Imari na siyang anak nila.
Namatay si Dianne at Imari ng dahil sa pagsabog ng sinasakyang kotse nito. Maging ang mga nakasunod na sasakyan sa kanila ay nadamay sa gulo.
Labis na pinagsisisihan ni Ion na hindi man lang niya nagawang iligtas ang mag ina. Na imbis na nasa Colombia siya ay dapat nasa tabi siya ng mga ito, subalit hindi, ipinilit pa rin niya ang gustong makapagtraining sa pag aakalang iyon ang kaniyang magagamit upang maprotektahan ang kaniyang mag ina.
Ang masakit pa ay nang dahil sa kaniya kung bakit naambush ang sinasakyan ng mga ito. Si Ion talaga ang target ng mga taong iyon, sasakyan niya ang gamit-gamit kaya akala ng mga kalaban ay siya ang nasa loob.
Sana nga ay siya nalang ang nasa loob ng sasakyang iyon, sana nga ay siya nalang ang namatay at hindi ang kaniyang mag ina.
Galit na galit siya sa mga taong gumawa ng bagay na iyon sa kaniyang mag ina, nalaman niyang ang mga Kalavaraj ang utak ng nangyaring ambush kaya naman gigil na gigil siyang ubusin ang lahat ng mayroon ang mga Kalavaraj. Subalit mas lubos na nagagalit siya sa kaniyang sarili dahil wala siyang nagawa para sa kaniyang pamilya.
Hanggang ngayon ay hindi pa rin niya makuha-kuha ang hustisya para sa kaniyang mag ina. Galit na galit siya. Sa sobrang galit niya ay gustong-gusto na niyang durugin ang mukha ng Sauron Kalavaraj na iyon.
"It's been five years, Ion. Hindi magiging masaya ang mag ina mo kung mananatili kang ganito. Alam kong gusto rin nilang sumaya ka. Gusto nilang makita na nagiging maayos ka na." Pahayag pa ni Ian.
"Shut it, Ian. Hindi ako magiging maayos hanggat hindi ko napapatay ang Sauron na iyon. Hanggat hindi napapasakamay ko ang ulo niya, hinding-hindi ako titigil." Gigil na sabi ni Ion.
"Alam mong hindi iyan magugustuhan ni Dianne-"
"Fucking shut it, Ian!" Galit na sigaw ni Ion. Lalo lamang kumukulo ang kaniyang dugo sa tuwing naririnig niya ang pangalan ng nobya, naalala niya kung paano ito nawala sa kaniya, kung paano ito kinitil ng mga Kalavaraj.
Marahas na napahinga si Ian at nanahimik na lamang.
_*_
Maria - Marya
Ion - Ayon
Ian - Ayan
Ien - Ayen
Ivo - Avo
Aiana - Ayana
Icarius - Ikaryus
Kalavaraj - Kalavarah