أسد المخابرات وفهد الاقتصاد (قيد التعديل)

الفصل الثالث. وعشرون

#الحب_الأبدي
#فوت
#متابعه
#كومنت

       .. رساله اليوم💌

‏(لا تَخَف وَلا تَحزَن إِنّا مُنَجّوكَ)

‏يرى الله صبرك وقله حيلتك وشتات قلبك ، يرى كل ما مررت به وكل ما صبرت لأجله ، لا تخف ولا تحزن سينجيك من كل هذا برحمته سبحانه ، كن محسن الظن وموقن بالله سبحانه وتعالي💚💚🍃

لاتحزن علىٰ نقاء قلبك، صفاء روحك، نظافة سريرتك، ورقة قلبك. كل كلمة حنونة نطقت بها، كل سوء تجاهلته، كل ابتسامة مطمئِنة، وكل وقفة عزاء أو مساندة، قد ينساها الخلق لكن الله لن ينساهاستعود إليك بأشكال مختلفة من السعادة؛ ربما كانت صديق، أو رزق، أو محبة الناس لك، أو حفظ لك من كل سوء 💚💚🍃

"قيام الليل يغفر لك الذنوب التي تحول بينك وبين الإجابة وتأتيك بالأماني💛✨🍁

      كان النَّبيُّ ﷺ وقت الشِّدة يقول
‏إني عبد الله ولن يُضيعني صلوا عليه وسلموا تسليما 💚🍃🦋
_________________________________________🍃

كان يجلس وبحوله مجموعه من الرجال من عصابات المافيا وتجار المخدرات وغيرها ويظهر علي مناظرهم الإجرام
أحد الرجال وهو المعتصم/كل حاجة جاهزة ياكبير والبنات موجودة فاضل عمليه سرقه الاتوبيس بتاع بنات الثانويه ده وهيكمل العدد
عبدالله/وانا كل الـ طلبته موجود مش فاضل غير أخر تربيات
الكبير بحده/كل حاجة تكون موجوده علي الوقت مش فاضل كتير علي العمليه
الكل /أمرك يا كبير
.................

روان بصدمه/شايفه الـ أنا شيفاه
مرام بخوف/هو انتي كمان شايفه..يعني مش أنا لوحدي
روان بتبلع ريقها بخوف/شايفه ياختي..أومنا الغوله جات
مرام بتزمر/دي ماما بردوا
روان /سوري يا مارو بس أنا بحسها أومنا الغوله كده
مرام بلامبالاة/ولا يهمك دي بتفكرني بالساحرة الشريرة الـ كانت في سنو وايت مرات أبوها دي بتفكرني بيها أوي متكبرة وشريرة زيها

روان بفرحه/ياعني مزعلتيش مني
مرام/لا زعلت بس عشان شبهتيها بـ أومنا الغوله وأنا بحب أومنا الغوله علي الأقل بتحب عيالها
روان بسخريه/وعرفتي انها بتحب ولادها إزاي ياست العبقريه
مرام مش عارفه تقولها أيه فتحدثت بتوتر/هه مش هقولك....وروان فضلت تضحك عليها وفجأة سكتوا لما شافو ألاء
روان بصدمه/شوفي يابت لابسه إزاي
مرام/غزال ياختي غزال أيه ده فرسه.. وجات مصفره..ياجامد يا لولو

روان بأرف/انتي هبله يابنتي ده لو حد شافها هتتنفخ
مرام بغيظ/يارب يشوفها الواد زين عشان تتعلق زينا كده وتبطل شماته فينا
روان/يارب ياختي..اسكتي بقا خلينا نتابع
مرام بتكشيره/أما مافيه شويه لب ولا فشار نتسلي بيهم
.... وقاعدوا هما الاتنين يتابعوا الـ هيحصل أكنهم بيسمعوا فيلم مش مشهد بيتعاد قدامهم دايما...

كانت نازله لابسه بادي قط أحمر وهوت شورط و بتتكلم في الفون بتاعها ونازله تتكلم بدلع وأول ماشافت مامتها نزلت تجري عليها..
ألاء/ماميتي حبيبتي أخيرا جيتي.. ورايحه تحضن مامتها
حنان وهي بتوقفها/لا أستني متحضنيش
ألاء بتزمر/ليه يا ماميتي
حنان وهي بتطلع الكحول وترش ألاء/أعقمك الأول انتي عارفة إني حساسه تجاه الفيروسات
ألاء بتراجع/خلاص يامامي نورتينا
حنان بتكبر وغرور/أكيد هنوركم لأن الملكه حنان رجعت قصرها.. فين أم أحمد تيجي تاخد الشنط دي..ونادت بصوت عالي..يا أم أحمد انتي ياست أم أحمد
أم أحمد وهي جايه تجري/نورتينا يا ست هانم..نعم في حاجة

حنان بتكبر/طلعي شنطي الأوضه بتاعتي ونضفيها كويس ورشيها بالديتول
أم أحمد/نضفتها ياست هانم ومسحتها كلها بالديتول
حنان/تمام روحي طلعي الشنط وهاتيلي الشاي الأخضر بتاعي
ام احمد/أمرك ياهانم...خدت الشنط هي وواحد كمان تطلعهم فوق
راحت حنان تقعد ولاقت مرام وروان متعلقين
حنان بلوم وتكبر/بت يامرام مش تيجي تسلمي علي مامتك
مرام بحزن مصطنع/غصب عني ياماما شوفت عينك متعلقه قدامك أهو لولا كده كُنت استقبلتك بالكحول والله
حنان بتأثر/حبيبه قلب ماما الـ بيهمها راحتي

مرام بتبتسم بخبث لانها عارفه نقطه ضعف مامتها/هو احنا عندنا كام ملكه يعني دي هي واحده بس الملكه حنون القمر..كل ده تحت صدمه روان من كلام مرام..بس مرام غمزتلها فـ فهمتها..
حنان الكلام رضا غرورها/مين يقدر يعمل فيكم كده
روان بزعل/شوفتي يا حنون معلقينا إزاي الواحد جسمه اتكسر
حنان بتعاطف/حبايبي بقاا حد يزعل القمرات دول ويعمل فيهم كده مين اتجرأ يعمل في بناتي كده

روان بحزن مصطنع/زين يا حنون هو الـ عمل فينا كده هو وحسام وبقالنا يومين متعلقين كده من غير أكل ولا شرب..والـ أكتر من ده كله تخيلي بقالنا يومين مش حطينا ميكب ولا أخدنا سيلفي ولا حطينا كحول وديتول شوفتي الإجرام
حنان شهقت وبعدت عنهم وبصدمه/يالهوي يومين من غير ميكب ولا سيلفي لا والأسود من غير ديتول وكحول لا كده كتير..أستنوا...ونادت بصوتها كله....ززززززييييييين  حسااااااااام أنت يا زفت أنت وهو حساااااام ززززززييييييييين
_________________🍃
                                 
مراد وقف بالعربيه قدام عمارة...
مراد بخبث/وصلنا..جاهزة يا حياة
حياة بربع ابتسامه وحزن غالب عليها/مش مهم أنا المهم أدهم...ونظرة بتعب لأدهم الـ بينظر لها باستغراب...جاهز يا أدهم تعرف الحقيقه
أدهم حس بالتعب الـ باين في صوتها فـ محبش يتكلم رغم أنه مش فاهم حاجة بس اتكلم بابتسامه ومرح/جاهز لأي حاجة...بس لا تكونو خطفيني ولا عملين مقلب.أزعل والله
حياة بابتسامه/متقلقش..أنت هتعرف اجابات علي أسئلتك كلها وترتاح..وانا كمان أرتاح.

..ونزلت من غير متستني رد أدهم..وأدهم محبش يتكلم وقرر أنه يمشي وراها عشان يفهم كل حاجة..ونزل وسنده مراد وطلعوا فوق ووقفوا قدام شقه...وفتحت الباب ودخلت هي وأدهم ومراد...وكان في انتظارهم ياسين ومادينا ويوسف وأندروا والمفاجأة كان الحج عتمان كمان كان معاهم

أدهم بصدمه/جدي أنت بتعمل أيه هنا؟ ومين دول؟
الحج عتمان وقف وراح وقف جنب أدهم وتحدث بحنيه مختلفه عن طبعه/تعالا يا بني أقعد الأول وهنفهمك كل حاجة
...ذهب أدهم وجلس بجانبه وتحدث/ممكن تفهموني
الحج عتمان بخبث/مش كنت حابب تتعرف علي فريق الفهد..أهم قدامك
أدهم وسع عينيه بصدمه/نعمممم...ووجه انظاره لـ أندروا وياسين ومادينا ...وتحدث...يعني التلاته دول فريق الفهد
حياة بتصحيح/نسيت حد يا أدهم

أدهم بعدم فهم وهو ينظر حلوله ليري أحد ولاكن لايوجد سواهم..فنظرت إليه حياة وعلمت بحيرته وتحدثت بثقه مقاطعه/ متدورش بعيد يا أدهم بص قدامك وأنت تلاقيه
أدهم بيبص قدامه مفيش غير حياة..معقول حياة ظابط..لا مش معقول..فتحدثت هي/أنا أسد المخابرات يا أدهم
... أدهم وقعت الكلمه علي مسمعه كالصاعقه هل ملاكه ظابط مخابرات وهو لايعلم كيف ذلك..فهو يعلم أنها مهندسه ماذا يحدث هنا..فأصبح ضائع لايعلم شيئا..فتحدث بتعب من كتر التفكير/ممكن أفهم كل حاجة

حياة حست بتعبه وكانت عارفة أن الحقيقه مش سهله فجلست أمامه وأمسكت كفيه بيدها وتحدثت بهدوء وحنيه/أدهم ممكن متتعبش نفسك عشان أعرف أفهمك الحقيقه..وبعدين إحنا لسه في البدايه متندمنيش إني قولتلك..فـ ممكن تسمعني بهدوء..وقبل ما أبدأ عايزة منك وعد إنك تسمعني للأخر ومتتعصبش وبعدها أبقي اعمل الـ أنت عايزة
أدهم حاول يهدي نفسه واتكلم بهدوء/بوعدك يا حياة إني أكون هادي وأسمعك للأخر..بس بالله عليكي قوليلي كل حاجة
حياة /هقولك والله كل حاجة.
...كل ده تحت انظار الكل..وانظار مادينا التي تنظر لهم نظرة غامضه

حياة قعدت جنب أدهم وقعدة تحكي بحزن/طبعا أنت متعرفش قصتي مع عدي وهي سبب كل ده
أدهم بمقاطعه/عارف قصه عدي
حياة باستغراب/عرفت ازاي
أدهم مشا أيده في شعره بتواتر وتكلم/لما كنت تعبان في المستشفي..
حياة أفتكرت انه كان فقد الوعي وهنا لمعت عيونها بصدمه وتحدثت بحاجب مرفوع/أنت كنت صايح وبتمثل عليه..ومتحولش تكدب
أدهم بتوتر/ب.بصراحه أه..بس خلي كلامك بعدين وكملي

حياة نظرة له بغيظ وتنهدت براحه وأكملت/بدام انت عارف..المهم بعد قصه عدي فضلت فترة تعبانه زي ما أنت عارف فجدي عشان يخفف عني وانسي قرر يسفرني إيطاليا وقتها لمار سابت جامعتها بعد ماشافت حالتي وكانت في كليه شرطه وسافرت معايا إطاليا وفضلنا مع ياسين فترة هناك وفي يوم كنا في مشوار ومروحين بليل متأخر وهناك لقينا بنت مرميه في وسط الطريق بتنزف جامد ووشها متشوه من كترت الضرب الـ فيه..أخدناها بسرعه المستشفي ودخلت العمليات وغابة ساعات طويله في العامليات..عملت أكتر من عمليه من ضمنهم عمليه تجميل الـ غيروا بيها شكلها نهائي وكانت ضلوعها متكسرة...

أدهم مقاطعا/طب أيه دخل بموضوعنا
حياة نفخت بعصبيه وصوت عالي/أنا مش قولت محدش ياقطعني..وبعدين أنا بتكلم في الموضوع ممكن متتكلمش تاني
أدهم بصلها بأستغراب من طريقه كلامها وفعلا حس برهبه منها وحس أنه مبسوط من شجاعتها رغم ان لو حد تاني أتعامل معاه كده.يبقي أعتبر نفسه في عداد الموتي..والحج عتمان بصلها بفخر من شجاعتها وأنها بتعرف تتعامل بشده في أوقات وحب وحنيه في أوقات..

حياة هدت نفسها وكملت/علي العموم..وغابت أكتر من أسبوع فاقده الوعي..وانا ولمار كنا متابعينها..لحد مافاقت واتكلمت معاها عشان أهديها بعد ماكانت مصدومه من تغير شكلها ده..وبعدها قعدنا اتكلمنا وحكتلي أنها ظابط مصريه وكانت في مهمه و ده اتسبب في الـ حصلها ده وكان السبب هو نفسه عدي .. وكانت كفيله الصدفه دي الـ جمعتني بيها انها تغيرني تماما من حياة المنهارة والضعيفه الي حياة الـ واقفه قدامك دلوقت.. علي العموم هي رجعت مصر وكملت شغلها وكنا علي تواصل..

... وانا ولمار رجعنا مصر بس بعد ما أخدنا قرار مهم جدا في حياتنا قررنا نقدم شرطه بس كنا قسم مخابرات..وكنا عايشين هنا في مصر بس من غير ماحد يعرف غير جدي وياسين..والباقي كان مفكر أن احنا في ايطاليا بندرس هندسه...عدت السنين واتخرجنا واخدنا مهمات وكنت مع فهد المخابرات..الرائد يوسف الألفي..بصلها وغمزلها وهي ابتسمت وأدهم بصله بغيظ وغيره..وكملت حياة.. بس انا الانتقام كان مسيطر عليه جامد قدرت انجح واتفوق وأخدت رتبه الرائد حياة وبقيت أسد المخابرات..لمار قت ثعلب المخابرات..لانها ماكرة وكانت بتتخفي دايما في كل العمليات..وعملنا فريق الفهد المكون من شيتا المخابرات..الرائد مادينا وشاورت عليها..وفهد المخابرات..وأسد المخابرات وثعلب المخابرات..والمقنع..الرائد أندروا...وفي بسنت وعمر كمان معانا......واتنهدت براحه..وتحدثت/ودي أول قصه معانا
وقامت دخلت المطبخ تحت صدمه أدهم

               💞♡♡♡انجي محمد♡♡♡💞
                
زين جه جري/أيه في أيه.. واتنرفز لما شاف حنان بس داره ضيقته/حنون نورتينا بتزعقي ليه
حنان بعصبيه/معلق البنات دول ليه
زين بصلهم بحده..فبتلعوا ريقهم بخوف /عملوا مشاكل كتير يا حنون وانتي عرفه مشاكلهم وعمايلهم كويس أووي
حنان بلوم/مهما كانوا عاملين تسيبهم متعلقين لمده يومين من غير أكل ولا شرب ولا ديتول ولا صورة واحده سيلفي ولا حتي ميكب
زين بصدمه/يومين..وبص للبنات لقاهم بيمثلوا الحزن..انا عملت فيكم كده وكل ده من يومين..لا انا كده ظالم
مرام بتأثر/أيوه ظالم..الواحد اتكسر
نكزتها روان بدراعها..فلاحظت كلامها..لا أبدا مش ظالم إحنا الظلمه

فابتسم زين ابتسامه خببثه/شوفتي ياحنون هما الـ اعترفوا
أهو انا مليش زنب
حنان وهي طالعه السلم/أولعوا مع بعض مليش دعوة انا..ربيهم واد يا زين
زين وهو ينظر لهم نظرة خبيثه ويبتسم بشر/متكليش هم ياحنون ده أنا هدلعهم علي الأخر..ثم نظر للبنات..جاهزين ياحلوين
مرام بخوف/هتعمل أيه يا زينو
زين/ولا حاجة يا قلب زينو..انتوا قولتوا ان بقالكم يومين كده ومن غير ميكب ولا كحول ولا سيلفي ولا أكل وشرب وأنا ميرضنيش هعمل كل الـ نفسكم فيه زيادة عليه هعلقكم يومين كمان

روان بابتسامه ساذجه/حبيبي يا زينو خلي قلبك أبيض
زين/مقولتلكيش مش أنا قلبي أسود
روان بجديه/لا يا عم لو سمحت زينو قلبه طيب ده من كتر طيبته هعمله تمثال وأسميه.. أبو قلب حنون زين الدكتور..
مرام سرحت في التفكير بجديه/لا يا روان نخليه.. أبو قلب صغنون زينو الحنون..
روان وهي تصفق/أوباااا بقااا عليك يا مارو لما تبدعي..عظمه علي عظمه ياست..وأسمعي دي بقااا..أبو قلب حقود زينو المغرور..
مرام بنظرة فخر/شاااابو يا روو أيه العظمه دي أحلي أسم ده ولا أيه تربيتي..بس قوليلي مين هيعمله التمثال
زين في مفسه بتأثر/حبايبي بيفكروا يعملولي تمثال وأنا معلقهم كده..ونظر لهم بفرحه
روان بتفكير/أستني كده..لقيتهااا عمك أبو سعديه الراجل ده بيعمل شويه تماثيل إنما أيه لوز..

مرام بصدمه/مش ده الـ بيعمل للعيال تماثيل من الطين عشان يلعبوا بيها
روان/أيوه هو مانا هخليه يعمل واحد بس كبير شويه وأحطه في الاستقبال في المستشفي بتاعته
مرام/فكرة جامده يا معلمه
روان بتكبر وغرور/دي أقل حاجة
مرام/تبا لغرورك يا فتاة
زين كاد يموت من الغيظ وتحدث بغضب/بقاا أنا يا معفنه أنتي وهي تعملولي تمثال من الطين وتحطوه عندي في المستشفي يا جذم
مرام بخوف/بنهزر يا زينو ياقمر
زين بابتسامه خبيثه/أنا هادي خالص أهو..عشان أعرف أشتغل
__________________🍃

حمزة كان بيتكلم هو ولمار وإسراء كانت نايمه من التعب
لمار بتساؤل/مش هتحكيلي بقاا ايه قصه القمرر الـ معانا دي
حمزة بنظر لإسراء في المرايه وتنهد /دي قصه طويله أووي
لمار بابتسامه/ياخي أحكي أدينا بنسلي طريقنا

حمزة بدأ يحكي لها/بصي ياستي أنا بقالي حوالي سنتين أو أكتر بحلم دايما بـ بنت بتظهر في أحلامي كنت كل مرة أشوفها حزينه واشوف في عيونها الدموع..وابتسم..بس رغم إني كل مرة بشوفها بالدموع بس سحرتني عيونها الزمرديه الصافيه من الشوائب الـ مليانه ببراءة زي الأطفال ولما بتكون بتلمع بالدموع بتكون زي الفيوم الممطرة.. تصدقيني لو قلتلك إني بحب شكل عيونها وهي فيها الدموع بس رغم كده بتوجعني دموعها.. كانت بتوجعني في الحلم تخيلي إني دموع بنت بتظهر في أحلامي بتوجعني يبالك بقاا لما شوفتها.. وكمان أول مرة شوفتها في الحقيقه خارج عالم الاحلام في الواقع كانت عيونها حزينه وفيها الدموع.. كنت رايح الشركه وخبطت فيها وشوفتها ووقفت شويه مصدوم ياتري هي ولا مش هي وأول مافوقت لقيتها مش موجودة فكرت نفسي بتخيل.. دخلت مكتبي أختار الموظفين وهناك كانت بتقدم علي شغل ووقتها شغلتها معانا مهندسه لأن السي ڤي بتاعها كان ممتاز.. كونت بكون سعيد مجرد إني أشوفها في الشركه.. وضحك.. تخيلي أن أنا حمزة العاصي كنت بتحجج عشان بس أشوفها أو أكلمها فون وبعد كده روحت وملقتهاش وانتي عرفتي الباقي.... إسراء كانت صحت وسمعت كلام حمزة وكانت سعيده لأنها دايما كانت بتشوفه المنقذ في أحلامها
.
لمار بصدمه/كل ده يطلع منك ياحمزة ومعرفش
حمزة بابتسامه/محدش يعرف أصلا والله حاليا غيرك وغير مروان
لمار بتساؤل/أنت حبيتها ياحمزة
حمزة تنهد ونظر لها بابتسامه وعيونه كلها حب وهيام/أنا مش حبيبتها..هنا إسراء قلبها اتقبض وكانت هتعيط..بس حمزة كمل..لا انا عشقتها. عشقتها من وهي لسه في أحلامي ولما أتعرفت عليها عشقتها أكتر وأكتر..دي بقت حياة حمزة..انا لما غابت عني وروحت الشركه ملقتهاش كنت حاسس إن قلبي هيقف وأول ماروحت البيت وشوفت الحيوان ده هناك وهي..أتعصب جامدلما أفتكر الـ حصل..

لمار حست بيه/خلاص بقاا ياحمزة هي بخير ومعاك أهي..وكملت بمرح..أدعيلي بقااا بواحد سومه العاشق زيك كده أحسن الواحد حاسس نفسه هيخلل
حمزة بصدمه/أيه ده هو انا سمعت صح ولا غلط.. وحط أيده علي جبينها.. لا ومش سخنه انتي لمار ولا لأ أكيد مش انتي لمار في حاجه غلط
لمار بضحك/هههه أنا  ياعم لمار متقلقش.. بس عايزة واحد أنكد عليه بقااا
وفضلت هي وحمزة يناقروا بعض ويضحكوا.. وإسراء سعيده من كلام حمزة..

            💞♡♡♡انجي محمد♡♡♡💞

أدهم وهو في الخارج/حياة انتي إزاي ظابط وكذبتي ليه وقولتي إنك مهندسه..خدي يابت كملي الباقي
حياة من المطبخ/جعاااااااانه يابشر أرحموني عايزة أكل هكملك بعدين
عتمان/ماخلاص بقااا يا أدهم سيب بنتي تاكل وهتكملك بعدين..وانا كمان جعان
حياة/أحلي أكل لأحلي جدو
أدهم/علي أساس إنك بتعرفي تطبخي
ياسين بابتسامه/دي أحلي شيف وانا بعشق طبخها
يوسف بغرور/أكيد هتكون أحسن شيف عشان أنا الـ معلمها الطبخ
حياة من جوه/أومال بأمارة البيض المحروق
يوسف بخجل/أحم أحم طب بعد أذنكم يا جماعه أشوف الكدابه دي اوعو حد يصدقها..ودخل لحياة..بقا أنا ياحياة الكلب تكسفيني
أدهم كان مضايق من معامله يوسف مع حياة ده هو الـ جوزها مش بيعملها كده

يوسف دخل لحياة لقاها بتمسح دموعها...
يوسف بحزن علي أخته وصديقته/حياتي ليه الدموع
حياة بابتسامه/مفيش دموع ياجو متقلقش
يوسف بحنيه/حياتي متخبيش دموعك عني أنا علي الأقل عشان متتعبيش متخبيش في قلبك يا حياتي جو هنا جنبك ومش هيسبك ابكي ياقلبي عشان ترتاحي
حياة ماصدقت سمعت كلام يوسف واترمت في حضنه وفضلت تبكي كتير وهو ضاممها لصدره بحنيه وبيطبب عليها وحياة بتتكلم من بين دموعها وشهقاتها/ها.هيعرف..هيعرف يايوسف..هيسبني تاني...قلبي هيتكـ..سر تاني..هدمر تاني..هيعرف مادينا..لازم..يعرف..لازم أعرفه ان مادينا..هي..هي نفسها..مروة خطيبته......
#أستووووووووووووووووووب

ياتري أيه الـ مستنينا في الحلقات الجايه وأدهم هيعمل أيه......؟؟!
حمزة_إسراء_أدهم_حياة_يوسف_مادينا_مرام_كريم_روان_ياسين_مروان_ياسمين......أيه مستنيهم من المجهول ياتري......؟؟؟!

#الحب_الأبدي
#بنت_الأهلي❤🦅
#ẸŇĞЎ_ϻ_ẸĹ❤🦅