10K Views? 2K votes?
OH GOD IT MEANS A LOT EVERYONE! THANK YOUUUUUUUUUUUUUU
________________________________________________________________
හැමෝම දන්නවා දැන් අපේ කතාව සම්පූර්ණයි කියලා. ඒත් මං දැන් කියන්න යන්නේ අරියා ගැනයි. ඒ චැප්ටර් එක කියවන ලෙස මම ඔබ සියලු දෙනාගෙන් ඉල්ලා සිටිමි.
_________________________________________________________________
සිකුරාදා දිනක උදෑසන අරියා අවදි වූයේ ජිමින් පාසල් යන්නට ඇති බව මතක් කරමින් බෙරිහන් දෙන්නට වූ නිසාය.
'ඇත්තමයි...' අරියා හිතින් ශාප කලේ දත් මිටි කමිනි. පෙර සතියේ ජීයන්ග්ගේ මරණයෙන් අවුරුදු තුන පිරුණා පමණි. වේදනාව දරාගත නොහැකි තරම් අසීරු වුවත් අරියා කඳුළු නොහෙලා සිටියාය. ජීයන්ග් සැම විටම කීවේ ශක්තිමත්ව ඉන්න කියාය. ඉතින් ඇයට එලෙස ඉන්නට සිදුවිය.
'එනවාා!' යුන්ගි කතා කල පසු දෑස් පිසදා නැගිටගත් ඇය පඩිපෙල බැස පහල තට්ටුවට ගියාය. ඇය යන විට ටේහ්‍යුන්ග් ජන්ග්කුක් සමඟ නිවස පිරිසිදු කරමින් සිටියේය.
'සුබ උදෑසනක් වේවා කම්මැලි කෙල්ල!'
'හුම්ම්...'
ජින් උයමින් සිටි අසලට ගිය අරියා ඔහුව පිටුපසින් බදා ගත්තාය. 'ගුඩ් මෝනින් අම්මේ...'
'හෙලෝ මෙන්න අපේ කම්මැලි කෙල්ල නැගිටලා නේ... අද ඉක්මනට ලෑස්ති වෙන්න ඉස්කෝලේ යන්න!'
කෑම මේසය සූදානම් කරමින් සිටි ජිමින්ට රවා රියුජින් අත සිටි යූන්ජීව සුරතල් කල ඇය පාසල් යාම සඳහා සූදානම් වූවාය.
ජීවිතය බොහෝ කම්මැලි එකක් බව ඇයට සිතිණි. උදේට පිරිසිදු වී පාසල් යාම නැවත පැමිණිම, වැඩ කටයුතු සම්පූර්ණ කිරීම. සෑම දිනකම එකම චක්‍රයයි.
___________________________________________
පාසලට ලං වීමෙන් පසුව ඇයට දුර තියාම තමා කැමති පාසල් ශිෂ්‍ය නායිකාව ගේට්ටුව අසල සිටිනු පෙනිණි.
අරියා තමාගේ සාය හදාගත්තාය. ජීයන්ග් දුන් කළු බූට් සපත්තු හොඳින් මැද තිබුණු නිසා තමාගෙන් පාසලේ නීතියක් නොකැඩෙන බවට ඇය තහවුරු කරගත්තාය.
පාසල් ගේට්ටුවෙන් ඇතුල් වන විටම ශිෂ්‍ය නායිකාව ඇය දෙස බැලුවාය. 'නංගි! මෙහෙට එන්න!'
අරියා වෙවුලන දෙපයින් ඇය වෙතට ලං වූවාය.
'මොකක්ද ළමයෝ ඔය කොණ්ඩේ හැටි?'
'ම්ම්ම්...'
'බලන්නකෝ සාය?' මියාරා කීවේ අරියාගේ සාය දිගේ අත ගෙනයමිනි.
අරියාගේ සිරුර ඇගේ ස්පර්ශයෙන් වෙවුලා ගියේය.
'ඔය බලන්න කමිසේ හැටි?' මියාරා අරියාගේ සාක්කුවට අත දැමුවාය. 'යන්න ගිහින් සාක්කුව සුද්ද කරන්න. මේ දැන්ම යන්න බාත්රූම් එකට.'
'හරි... හරි... සන්බේනිම්..' අරියා වචන කිහිපයක් ගැටගසාගෙන වැසිකිලියට දිව්වාය.
වැසිකිලි කණ්ණාඩිය ඉදිරිපිට ඇය වෙව්ලමින් බලා සිටියේ මියාරාගේ අත ඇගේ සිරුර පුරා ගිය අයුරු මතක් වීමෙනුයි. 'සාක්කුව?' ඇය තමාගේ සාක්කුවට අත එබුවාය.
සාක්කුවේ තිබුණේ රෝස පැහැති කොල කැබැල්ලකි.
'අද ඉස්කෝලේ ඇරිලා මාව හම්බවෙන්න චෙරි ගහ ගාවට එන්න...'
- මියාරා -
අරියාගේ හුස්ම හිරවිය.
_____________________
ඇය චෙරි ගස අසල සිටගෙන සිටියාය. ශිෂ්‍ය නායිකාව පැමිණෙන තුරු සිටි ඇයට පැය භාගයකට පමණ පසු පැමිණෙන තරුණිය දැක ගත හැකි විය.
'හෙලෝ අරියා...'
'ම්ම්... හායි ම්ම්....' අරියා ගොත ගසන්නට වූවාය.
'මියාරා, මියාරා උසුමකි.' ශිෂ්‍ය නායිකාව උණුසුම් සිනාවක් පෑවාය.
අරියා සිනාවුණාය. 'අහ්... ම්ම්ම්...'
'ඉතින් ඇයි දන්නවද මම ඔයාට මෙතනට එන්න කිව්වේ?'
'නැහැනේ?'
'අයියෝ... පිස්සු කෙල්ල!' මියාරා කීවේ අරියාගේ නළලට තට්ටු කරමිනි. 'මම දැකලා තියෙනවා එක චූටි ගෑනු ළමයෙක් ගේට්ටුවෙන් යන එන හැම සැරේම මං දිහා බලනවා. එයා ගැන හොයලා බැලුවහම එයා හොඳයි කියලත් හැමෝම කියනවා. ඉතින් මටත් ඒ කෙල්ල ගැන ආදරයක් ඇති වුණානේ...'
'අහ්...' අරියා පිට කලේ රතු වූ දෙකොපුලෙනි.
'ඉතින්... මට ඒ කෙල්ලගෙන් දැන ගන්න ඕන මට එයාගේ වෙන්න අවස්ථාවක් දෙනවද කියලා?' මියාරා අරියාගේ මුහුණට එබෙමින් කීවාය.
අරියා මුහුණ පිටුපසට කරගන්නට ගත්තාය. 'ඔ... ඔ... ඔව්?' ගොත ගැසීමක් සමඟ ඇගේ මුවින් පිට විණි.
මියාරා හෘද්‍යාංගම සිනාවක් පෑවාය. ඇගේ දෑත් අරියාගේ කම්මුල් මත රැඳිණි. 'ඉතින් මට අවසර දෙනවද ඔයාගේ ලස්සන තොල් මගේ කරගන්න?'
අරියා ලැජ්ජාශීලීව එකඟ වූවාය.
ඔවුන් දෙදෙනාගේ තොල් හමුවිය. අරියාගේ සිහින් තොල් මත මියාරාගේ පීච් වැනි තොල් මෘදුව ස්පර්ශ විය. මියාරාගේ දෑත් ඇගේ මුහුණ එක තැන තබා ගනිද්දි අරියා තම දෑත් මියාරා වටා යැව්වාය.
මෘදු සිප ගැනීමක් සමඟ ජීයන්ග්ගේ බලාපොරොත්තු සපල වෙද්දී ලපටි රෝසවන් චෙරි මල් නව පෙම්වතියන් දෙදෙනා මත නැටුවේ සතුට කියා පාමිනි.
__________________________________________________________________
නිමි....
HOW IS IT?
This special chapter is dedicated to person who changed my whole life, specially educational life. Not gonna say by the name, but I love you so much.