بارت 48
ام محمد/ها يابو محمد وليدي من هدر دمه
ابو محمد/بعد منعرف شي لحد الان😭
زينب/غدير بقت تبجي علمود اخوي محمد
نريد نعرف القاتل
علي/ عقلي راح يوكف من التفكير اخر شي اجه ابالي اذا مو عمها القاتل اكيد راح ياخذون ملاك واني مستحيل اتنازل عنها شلون طلابه هاي ثاني يوم باشرت بتقديم مستمسكات زينب كلية تربيه وملاك كلية صيدله كالو نسويلها زحف لان جانت محاصره بسبب داعش سويت الها طبعا اخذتهم ملاك وزينب رادو صور ورادو هواي امور المهم هل يوم الاثنين كالو ثنين اليجي يداومن طبعا الف واسطه يله كملت التقديم وملاك ماجاييه شهاداتها المهم دوخه كلش زينب اخذت هويتها واني اخذت هوية ملاك
كوكي/الليل كلو مانمت ايدي توجعني لان لواها وكسر اظافري وكثيغ دمرتني وبنفس الوقت خفتو على عمامي وجدي وادم مابقالي حيل والله ماعغف ليش هل وحش قدم حتى اداوم انا
زينب لان اختو بس انا ليش قبل؟؟!
🍂🍂🍂🍂🍂🍂🍂🍂🍂🍂
عباس/معقوله راح ياخذون ملاك اذا عمها بريئ لا ميصير اخخخ اخخخ علي بس اتمنى اكون بمكانك
علي/خايف هواي من انه يطلع عمها بريئ
زينب/كاعدين بيوم اني وملاك وغدير داشوف شعري لملاك وغدير سويته ماروني وغدير شعرها اسود وملاك طبيعي ذهبي بس طويل كلش حلو كاعدين اجه علي غدير كامت لان بلا حجاب وملاك كامت
علي/اوكفي ملاك رجعي بمكانج كعدي
زينب/ملاك ماسمعت علي مشت للغرفه عاط بيها علي رجعت واجت غدير لبست حجاب ورجعت
علي/مو كتلج رجعي بمكانج
كوكي/حالتي ماتمسح اقعد قدامك هشكل
علي/ليش بله
كوكي/لان انا محرمه عليك
علي/(خرب كدام زينب وغدير حجت)😶
كوكي/ماكو داعي تستغرب لان حكيت قدام غدير وزينب لان يعغفون كلشي يعغفون ماكو شي يربطني بيك غير عقد على الورق
زينب/(عزاا لج ملاك اول تالي تحجين كدام علي هيج وبثقه)علي كعد يم ملاك اندحس يمها اني استحيت كمت من يم ملاك كعدت يم غدير
غدير/لج اخوج اتخبل اليوم دشوفي راح يكعد بحضنها كومي كومي زينب خلي نكوم من يمهم بعد
زينب/لج شلون نعوف ملاك وحدها
غدير/لج كومي رجال ومرته كاعدين شعدنه يمهم
زينب/لج ماسمعتيها تكول بس عل ورق مو زوجها بس عل ورق
غدير/المهم عاقد عليها دكومي ولج ماكو احساس دمشيييي
زينب/كمنا اني وغدير متعمده طفيت الضوه مال صاله علمود تشرد هاي الثوله
🔴🔴🔴🔴🔴🔴🔴🔴🔴🔴
علي/رحت كعدت يم ملاك لزك
كوكي/ابتعد
علي/اسمعيني لحظه
كوكي/اطيق اسمعك من بعيد رجاءا
علي/بس اريد احاجيج هيج واني يمج
كوكي/(غاحت زينب وغاحت غدير افف خلوني مع هل وحش بوحدي) دقوم من يم الوحش طفيي الضو جمدت بمكاني قعدت
علي/(رحمة ﷲ والديج يل شمعه طفيتي وخليتي ملاك تكعد بمكانها جبانه😑)ليش مغمضه عينج
كوكي/ابتعد عني ما لك علاقه بالك لي هنوك(روح لهناك)
علي/(لزكت ايديها وحده بالثانيه حاصرتها)
شوفي صح قسيت عليج و هواي اذيتج ما اجيت اعتذر منج بس جيت اكلج حتى لو عمج بريئ عن قصة القتل انتي تبقين هنا وعلى ذمتي
كوكي/(ياربي هذا الوحش يخرف بكلامو ابعدو عني) انت تحلم كثير شكلك دحق لو تظل اخر غجال(رجال) بالعالم ما غاح اصيغ على ذمتك.ابتعد عني
علي/ههههه صاير عندج لسان
كوكي/لان احترمتك وانت ماتحترم المقابيلك وماتحترم اليحترمك ولهذا انت سبب هل جرئه يلي صاغت عندي وهسع ابتعد لان ماعندي وقت لاحلامك يلي ينغادلها (ينرادلها) معجزه حتى تتحقق
علي/ولج كل عقلج اخليج اطلعين منا
كوكي/ههههه تعغف اشنو احلى شي؟!
علي/😶شنو
كوكي/انك ترسم احلامك وانا امسح خلفك(وراك)
علي/(لزمتها من شعرها)حلو شعرج ولونه حلو والاحلى البشره المفضله عندي انتي تملكيها والعيون الشاگات الوجهـ احبهن
كوكي/لو انت غجال فعلا ماكنت تستقوي عليه وانا بنت لو عندك ناموس كان تغوح ادور على القاتل ماتقعد وتتقوه على بنت
علي/(هاي منين جايبه الجرئه تحجي هيج ويايه)منو معلمج هيج تحجين و ويايه
كوكي/افعالك قساوتك عدم احترامك كلامك يلي نصو كان غلط عليه وعلى اهلي اعتدائك عليه كلامك الوسخ مواقفك الي كانت تحرجني كل ساعه انا صح مازعلاني منك لان انت كنت منفعل على قتلك اخوك بس انا اتعلمت اشون لازم اوجهك وهسع صاغ عندك علم منو علمني هاكذ اوجهك مستغرب مني ما بله؟ اي انت يلي اجبرتني هاكذ احكي معاك
علي/(لويت ايديها لي وره وشبعتها راجديات)يا ادبسز هيج تحجي ويه زوجج
كوكي/انت مازوجي
علي/وتردين هم (وكملت بقيت اضربها راجديات) عفتها على القنفه وكمت
عباس/طلعت من الحمام رحت اجيب ماي من المطبخ ولكيت ملاك على القنفه تبجي ولاحوله ولاقوه امدده عبالي اغمى عليها بس عيونها مفتوحه وخشمها طك دم ملاك لج ملاك شبيج تبجين وليش هيج دم بخشمج وحلكج لج ملاك هاا لجج زيييينب غديررر يمممه وينكم
علي وره الموضوع موو
زينب/اجيت ملاك بس مفتحه عيونها ودموعها يجرن ودم بحلكها وخشمها يااا علي شسوالها عفناهم جانو مابيهم شي شكوو
ام محمد/يممه بنيتي شبيها شبيج ملوكه يمه
عباس/لج ملاك جاوبي شبيج ملوكه
لج زينب جيبي ماي
زينب/جبت ماي نرش على وجها تجفل
عباس/لا اله الا الله غدير فد مخده وبطانيه جيبي زينب جيبي كطن ومعقم
مسحت الدم يلي بوجها خدودها مطبوع بيهن اصابع الظاهر علي ضاربها اتمددت غطتها زينب
✏️✏️✏️✏️✏️✏️✏️✏️✏️✏️✏️
ام محمد/(رحت لغرفة علي)ولك ليش هيج مسوي بالبنيه يادين يرضى يلي انت دتسوي.ولك حتى لو يهودي جان گلبه مو مثل گلبك صخر
علي/يمه اذا انتي تطاولين على ابويه جان راح يسوي هيج وياج
ام محمد/اني ما اتجاوز على ابوك لان ابوك مديسوي بيه مثل ما انت دتسوي بالبنيه ولك شوكت تجوز منها عوفها البنيه شويه تتنفس من اجت وهي متحملتك ومتحمله ظلمك
علي/اجوز منها من تعترف بيه زوجها
ام محمد/شنوو مو انت جنت تكول عنها فصليه ومتعترف بيها مرتك
علي/اي بس هسه لازم تعترف بيه زوجها مثل ماعترفت بيها اني
ام محمد/لك البنيه مو مرتك انت بس على الورق ماخذها كافي عاد فرضت عليها هواي شغلات خلي البنيه ترتاح شويه وبعد كم يوم من ترجع لهلها أن شآءالله عمها بريئ وتكللهم عن معاملتك الها وين تنطي وجهك يا ابن الشيخ يا شيخ المستقبل اصلا اني امك ماراح اعترف بيك شيخ على هل ظلم
علي/هههههه ليش الكل مقتنع اتنازل عن ملاك يمه اذا عمها برئي او مجرم بالحالتين ملاك متطلع من البيت ما اتنازل عنها
ام محمد/على يا اساس تفرض عليها تظل هنا غصب
علي/لا مو غصب اني راح اتزوجها زواج رسمي عقد قران وعقد محكمه
ام محمد/والبنيه تقبل
علي/ماعدها اي خيار غير انه تقبل واذا متقبل غصبا عنها تقبل طبت لبيتي متطلع منا بعد
ام محمد/لك يمه ليش هيج ظالم اني ماربيتك هيج خلي البنيه تتنفس حرام عليك والله دمرتوني والله اذيتوني ماتقدر ماتكول امي مكسوره
زينب/سمعنا امي تصيح والله تعبتوني والله اذيتوني رحنا اني وغدير وديناها لغرفتها
🤚🏻🤚🏻🤚🏻🤚🏻🤚🏻💔💔💔💔🤚🏻🤚🏻🤚🏻🤚🏻🤚🏻
عباس/بقيت يم ملاك غفت نامت بقيت نايم عل قنفه الثانيه
💔💔💔💔💔💔💔💔💔💔💔💔💔💔
زينب/ثاني يوم كعدت ملاك هم متقبل تاكل وبس تبجي المهم بقت كم يوم متأذايه الليل متنام بقت تنام بغرفتي يمي بليل تفز وتبجي يعني فعلا عيشتها رعب جانت المهم يوم الاحد اني وملاك كاعدات الظهر الكل نايم بس اني وملاك كاعدات اجت زهراء يم ملاك نامت ماعرف شنو سرها المهم كاعده اني احجي ويه محمد خطيبي وملاك صافنه محمد كال عن ملاك اختج وماشايفها ماحاجيتلي عنها اذا امي تخطبها لاخوي تقبلون تنطون كتله هي فصليه وكتله كلشي عن ملاك وشلون اجت
محمد/طبعا كلش انقهرت على هاي البنيه متستاهل خطيه الله يوفقها ويفرج عنها حالها حال الاسيره
زينب/المهم حجيت لخطيبي عن ملاك وسديت الاتصال ملاك صافنه
ملاك ملوكه ملاااك
كوكي/ها ها
زينب/وين شارده وصافنه
كوكي/لا هاكذ ماكو شي
زينب/اممم اقنعيني
كوكي/الصراحه مخنوقه وقلبي عيوجعني(ديوجعني) واسناني همين عيوجعوني
زينب/اوووف كسرر بيدك علي
كوكي/لالا لاتحكين علينو هذا اخوكي لاتحكين علينو
زينب/(معقووله بدت تحبه!؟)هااا ولج شو ادافعين اله
كوكي/لايغوح بالكي عل فضاء لاتحكين علينو قدامي وقدام الغربه انا اظل غريبه عنكم ماينفع تحكين على اخوكي قدام الغربه
زينب/لللللججج رفعتي ضغطي والعباس لج كل يلي سواه بيج وتكولين لتحجين عنه لججج دمرتيني بهل فهاوه والفطاره العندج ملوكه نصيحه لتخلين گلبج طيب هيج ماراح تعيشين
كوكي/لا انا حالي حال كل البشر بس مشكلتي ماعغف ازعل اشقد احاول ماطيق
زينب/عجيييب كومي لا ادفرج والله لج كااافي شوفي طيبت كلبج وسالفة متكدرين تزعلين راح تعانين اكثر واكثر حاولي تغامرين وتكونين جريئه بكلشي حاولي تصيرين حركه و حتى لو تخبثين حتى تتعودين
كوكي/انتي شيطان قليلي؟؟اشون اخبث اسكتي احسن من هل كلام
علي/ طبعا من يوم ضربتها اخر مره من ضربتها راجديات ولحد هل يوم ماشفتها المهم دورت على ملاك كالت غدير بغرفة زينب هي وزهراء رحت سمعتهم ديحجون وكفت اسمعهم ههههه تكول لزينب انتي شيطان المهم فتحت الباب
كوكي/(ياربي انا غلطت مع الوحش بالحكي هذاك اليوم اشون غاح ادحق بوجهو)
زينب/هلا علي
علي/(هاي ليش مدنگه راسها) اكلج زينب حظرن نفسجن انتي وملاك تشترن هدوم باجر دوامجن
زينب/لككك هلا هذا الاخ الزين
كوكي/(اشقد عيب هو غاح يعمل زينيه معاي وانا طولتو لسيني( لساني)
علي/(مارفعت راسها ولا خلت عينها بعيني معقوله ميعجبها تباوع بوجهي)لتتأخرن العصر نطلع
كوكي/انا اعتذر منك
علي/تجين وغصبا عنج
كوكي/اعتذاري ما عن السوق
علي/لعد!؟😶🙄
كوكي/بهذاك اليوم حكيتو معاك بعنف ماكان قصدي احكي بهل جرئه معاك بس انفعلت انا اساسا كنتو ما مليحه هذاك اليوم
زينب/(خرب عرضج على هل فهاوه ولج طايحة الحظ ليش تعتذرين هو غلط مو انتي)
علي/(ماعرف شنو اكول او شنو احجي اني شكد اذيتها هوواي شكد قسيت عليها شكد فشلتها شكد ضربتها شكد خليتها تعاني شكد ظلمتها شكد ذليتها مابيوم فكرت اعتذر منها نهائيا) تمام عفتهم وطلعت خجلان من روحي والله
زينب/اهمداج اي والله ولج هو الغلط مو انتي ياثوله غبيه اسفه بس انتي غبيه كلش
كوكي/ههههه😭💔ماشرط اذا اعتذر معناها انا الغلطت
زينب/لعد سالفة هل ضحكة ويه الدموع شنو عجيبب ضحك ودموع بنفس الوقت
كوكي/ماعغف بس المهم كنتو احس بتأنيب ضمير لان رفعت صوتي على اخوكي
زينب/اكص ايدي اذا تكدرين تعيشين بهل دنيا بهاي فهاوتج وفطارتج لج خيتي هاي الدنيا غابه والناس البيها مو بشر وحوش
كوكي/كثيغ شفت عالم بس وحش مثل اخوكي ماشفت
زينب/وداعتج كلها تستغلج اذا تبقين تمشين بـ نيه صافيه ويه العالم
كوكي/زينب صدقيني انا ماطيق اعتبر العالم وحوش مثل ماقلتي
زينب/لج اقرب مثال اخويه مو تكولين عنه وحش
كوكي/اي صح قلت عنو وحش بس مايصيغ اعتبر العالم كلتهم وحوش صح اخوكي قاسي كثييغ بس هذا ماشي جديد عليه
زينب/شلون مو شي جديد ليش چم مره رحتي فصليه ومنو قسه عليج قبل؟
كوكي/ولا مغا بس هاي المغا عدكم جيت فصليه اما بالنسبه للقسوه(ههه اذا احكيلها عن قسوة عمامي ونسوانهم بطفولتي ماغاح تصدق) لا محد قسه بس اخوكي اتعودت على قساوتي ماتفرق معايه اذا هسع قسه وصح قلت عن اخوكي وحش بس اذا انا كنت صديقتو او اختو بدون ما اكون فصليه كان غاح يكون كويس(زين) معاي وانا متأكده هو قلبو ابيض والدليل حتى انتم متفاجئين من قسوتو الظهرت فجأه
زينب/مادري انتي تركيبه غريبه الصراحه لو اني بمكانج اطيح حظه لعلي
ان شاء الله غدا بارت طوويل كثييغ مهم
مححح
اعشقكم
اسفه لان تأخرتو عليكم بس البرج عطل ومن اتبدل صاغ عندي نت لاتزعلون محححح
وردة وخضرت يم ناس
تگطع ما تَحب تشتم
ملاحظه/علي يطيق يقره تعليقاتكم اليوم الساحه لكم احكو الي تحبون تحكو بس اوزنو كلامكم رجاءا مححح
طبعا اعزي نفسي واعزي كل المسلمين
بهذا المصاب الجلل وفاة موسى الكاظم عليه السلام
💔😭