يالشايف بحبي الك ذلتي جا غير خدك شلي؟
يالعلمتني اعلة العشك بلياك اموت احسنلي
لحك علي مو متت والروح راحت مني
عمرين من عمري خذت يالحزني بس متمني
يالكلبي شايب بالعشك بس يمك شزغراته
ثكلان بطل ما يحب بس خدك وضحكاته
كل لحضة تمشي بغيبته جن ملحمة وسالوفة
عنترة وقيس وكل محب ما عشك مثلي حروفة
جاي ويسولف نفترك..لا نحترك يحليوة
يالكلبي يم غيره صلف بس يمه راح فديوة
هوة اليحبج من صدك لو رحتي ينقص حبه؟
لو ودعيتيه العمر تبقين حسرة بكلبة
شلون يحلالج وكت يالفاركيتي (وليفج)
الما يميل لكل بشر بس انتي كلبه يريدج
التافه الشفتيه امس شوفي بكفاج شلونه
شايب ويقرالج شعر يالفاركيتي عيونه
لا مو تفاهة ...ارجع طفل لو فات صوتج بذني
اقسي بعد علي الرتم وعلة الكلب اتربعيلي وأذني
ماتوب من حبج لون اتعذبيت بكل مسة
مو مثلي يرتاح ويصد لو كل محبتج ينسة
بهلول لو سولف صدك شكتلة ءميت زلمة
كالولي سكتتك ولك يضلوعي هاي ام نجمة
وكت الزعل مو نبتعد اكعد وسولف وحجي
يالكلبي من شوكه الك شكك ضلوعي ويبجييي
ارجعلي لطول البعد يا ابن كلبي وروحي
بفراكك يون الكلب وانهار تجري جروحي
ارجعلي مو كافي حزن خلينة نضحك فدوة
ارجعلي لتشمت العدو بسوالف زعل ما تسوة
💕💕💔💕💕💕
علي/بقيت الطريق اوصيها لتنزعين شالج ولتضحكين ويه احد هواي ودكت ابالي ارجعها ويايه للبيت بس ابويه وصلتها ورجعت
💔💕💔💕💔
عسوله/العصر اني وهمام رحنا ودينه امي تفحص ضغطها وضرغام ماقبل ياكل وطب لغرفته كالعاده عصبي وميتحمل كلام رجعنه اني وهمام وامي لكينه اصدقاء ضرغام ضباط جايين يشوفون ضرغام شربو جاي وراحو صارت الدنيا غروب وكلبي انقبض وضرغام مخنوك كلش كاعدين اني وهمام نحجي ويه ضرغام عفيه كوم اطلع شم هوى كام يصيح ماطلع ومعليكم ولحد يحاجيني طلعت ابجي مقهوره كلش انطيت علاج لامي وتليفون دك باوعت٣مكالمات من كوكي ومكالمه الرابعه رديت عبالي ادم رد لو بيها شي
كوكي/هلو عسوله وينكي ما تجاوبين
عسوله/هلا كلبي جنت يم المضمد امي تعبانه شويه ورجعت حاولنه اني وهمام نطلع ضرغام من غرفته كام يصيح😭
كوكي/هفف لاتبكين عمغي دحقي منو يمكي
عسوله /ماكو احد
كوكي/دحقي انا بغاس العوجي(الفرع)تعاي عليه انتي و ويحد من اخوتكي بس لاتقولين لضرغام شي
عسوله/جذاااابه😶🥰
كوكي/والله اشبيكي تعاي يلا بساع واقفه بوحدي
