بسم آلَلَهّ الرحمن الرحيم
السلام عليكم جميعاً
اغلبنا معتبر هذا اليوم هو يوم المرأة العالمي
بس لا مو هذا اليوم ، كل الايام ايامها ، وكل الاعوام اعوامها ، وكل يوم تعيشة بحب وتفائل هذا يوم عالمي راح يكون الها والغيرها ..
•يالله تفائلن بوية واقرن البارت النهايتة •
لو نجي نصفن اشوية وي المرأة
بما انو هي نصف المجتمع ف المفروض تكون نصف رصين وقوي حتى تنطي سند للباقي يكمل بقوة وبهلحالة نبني مجتمع كامل متكامل ومتكافل
كل انسان الله سبحانة انطاه قوة
ومثل ما تعرفون المرأة قوتها مو مثل قوة الرجل حتى تظهرها مثلا بوگفتها بساحة الحرب !؟
لا وانما هي قوتها باطنية .
شلون هاي القوة؟
قوتها يعني من تمشي بكل ثقة بنفسها وماتهزها حچاية
قوتها يعني من تثبت على دينها وما تغرها افكار الشيطان
قوتها يعني من تحافظ على نقائها وسط عالم غرگان بالاثام
قوتها يعني من تشوف معصية وتعوفها
قوتها يعني من تحافظ على سترها وعفتها بوسط مجتمع كثر بيه التبرج والاختلاط
قوتها يعني من تكون ثابته على اهدافها وطموحاتها رغم فشل المجتمع
قوتها من تحارب مجتمع متخلف ومنحط بوصولها لشغفها وحلمها
قوتها يعني من تثبت للمجتمع بكامل الاثباتات هيه نصف كامل والنصف الثاني هي تلدة وتربيه بحجرها
_
__________
كل بنت لازم تخلي ألها قدوة بحياتها
ي
عني قدوتها من ناحية دينها وثقافتها واهدافها
مثلا
- فاطمة الزهراء عليها السلام سيدة النساء بعد و(كل الصفات انجمعن بيها)
- زينب الكبرى عليها السلام بنت الزهراء (الصبر و البطولة والقوة والشجاعة والعفة والالتزام وكلشي انجمع بيها و...)
- بنت الهدى الشهيدة (امنة الصدر هذي انسانة ما اگدر اوصفها)
- زوجات الانبياء والأئمة (مكملات الرسالة مع ازواجهن)
- مريم العذراء عليها السلام (العفة والجمال والصبر على تحمل البلاء والثقة بالخالق وو...)
ومن ناحية طموحاتچ واهدافچ وتأثيرچ بالمجتمع
مثلا
- زها حديد (كلكم تعرفونها)
هاي حتى انا مخليها قدوة لي
- اوبرا وينفر
من ناحية نصائحها وتحفيزاتها
- الأم تيريزا
من ناحية مساعدتها واعمالها الخيرية وحتى انطوها جائزة نوبل للسلام
- ماري كوري
حصلت على جائزة نوبل بالفيزياء ووراها بالكيمياء
وووو .....
فـ هسه اسألچ
- اختاه أين انت من التاريخ ؟؟
خلي عندچ
- دين
- اخلاق
- اللتزام
- حياء
- خجل
- رقة
- قوة
- احلام
- اهداف
- عزيمة
وان شاء الله راح تكونين اجمل ماينتجة المجتمع من نساء
و
نقطة كلش مهمه احب اگولها الچ
سامعين احنى ومتداول عدنا ان المرأة يسترها الرجل اذا تزوجت
وخطأ هاي الحچاية
لان المرأة هي الراح تستر الرجل وراح تحتويه وتحافظ عليه وراح تبنيلة أسرة صالحة وتكونة تكون نفسها وياه
وتذكروا هاي الأية
{.... هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ}
أي هن ستر لكم وانتم ستر لهن
فـ خلي هذا اليوم مو يوم انتفاض على الرجل حتى تتساوين وياه
انت اكبر من انو تتساوين وي أحد
المفروض انت تساوين صفوف المجتمع بدل ما تساوين نفسج وياه
تأمليها ...
يوم المرأة العالميّ ﺑﺪﺃ ﻣﻨﺬ ١٤٠٠ ﺳﻨﺔ، ﺣﻴﺚ ﻟﻢ ﻳﻜﻦ ﻫﻨﺎﻙ ﻣﻮﺍﻗﻊ ﺗﻮﺍﺻﻞ ﻭﻻ ﻫﺎﺷﺘﺎﻗﺎﺕ؛ ﻛﺎﻥ ﻫﻨﺎﻙ ﺭﺟﻞ ﻭﻗﻒ ﻓﻲ ﺣﺠّﺔ ﺍﻟﻮﺩﺍﻉ ﻭﻗﺎﻝ: "ﺍﺳﺘﻮﺻﻮﺍ ﺑﺎﻟﻨﺴﺎﺀ ﺧﻴﺮًا!".
فـ من اليوم اشوف بيچ خوش شوفة
كون ينشد بيچ المجتمع
في امان الله وحفظة