Oops! This image does not follow our content guidelines. To continue publishing, please remove it or upload a different image.
السلام عليكم
اليوم هو يوم استشهاد أسد بغداد الامام موسى الكاظم ابن الامام الصادق عليهم السلام ، سابع أمام معصوم من ذرية آل محمد عليهم افضل الصلاة والسلام
اغلبكم تقريبا تعرفون الامام موسى الكاظم ابن من ومن ياذرية وشلون استشهاد الى اخره ...
وبما ان عدكم معرفه ولو قليلة عن الامام سلام الله عليه فـ لازم النعرفة هسه ان احنى شنو تعلمنا من حياتة الى مماتة كـ أمام معصوم ؟
هسه نجي نستنتج الرسالة من الامام ونعددها على شكل نقاط
__________
-• تعلمنا من الامام عليه السلام أن العبد الصالح له تأثير قوي على الناس المحيطة بيه ويگدر يغير منهم ألى الافضل وهذا من خلال أن الامام حبسوه بسجن بعيد عن الناس ببيت الفضل أبن ربيعة خوفا وخشية من تأثير الامام الكاظم على الناس !!!
-• تعلمنا من الامام عليه السلام ان سجن الگلب والروح اقوى من سجن الجسد السجن الداخلي(الروحي) مو مثل السجن الظاهري(الجسدي) ، سجن روحي اگدر احررة بقربي من ربي (عندي الاحاچي واشكيلة واتقربلة واحچيلة) بس سجني الظاهري ما أگدر احررة (ابقى وحيد كئيب بلاية مؤنس ورفيق)!!!
-• تعلمنا من الامام عليه السلام أن كل الصعوبات والمشقات أللي يواجها الشخص يگدر يتخطاها بصبرة وتحملة وقربة من خالقة الامام چان مسجون اكثر من ٢٤ سنة تخيلوا رغم كل هاي الصعوبات بين سجن وسجن ، گدر ينشر علومة وانوارة وأثارة !!!
-• تعلمنا من الامام عليه السلام أن العبادة وعلاقة العبد وربة مايصير تنهز او تنقطع من أختبار أو بلاء يشوفه بحياتة وانما يتقرب أكثر وأكثر والجواب بمقولة الامام (اللهم انك تعلم اني كنت اسألك ان تفرغني لعبادتك وقد فعلت ذلك فلك الحمد )!!!
-• تعلمنا من الامام عليه السلام ابسط مكان نگعد بيه نگدر نخليه عبارة عن مكان مملوء بالنفحات ألايمانية مثل مافعل الامام وحول مكان سجنة الى مكان عبادة ودار قرب لله بعض الروايات تگول چان سجن الأمام مابيه مكان يدخلة نور يعني مابيه ضوء ، بحيث اوقات الصلاة يجي شخص يگله غربت الشمس لو طلع النهار حتى يگوم يصلي ويبقى يصلي الحد موعد الصلاة البعدها بين الساجد وبين الراكع !!!
