مسـاء الخير عليكم حبايبـي طبعا هواي دتجيني مسجات انو تردون الاحداث المستقبليه ب قصـه بين الفقر والطغيـان وطبعا جبتلكم الاخبـار واعذرونـي انو تاخرت عليكم بس والله جانت عدي ضروف وهسه اتركم وي القـصه
للكاتبـه:رونق
_______________________
جنت انـي بالدوام حسَيت بنفسي حيل تعبانه حتـه مالي خلك اوكف عله رجليـه عفت المحاضره وطلعت
رحَت للعميـد استاذنت منـه وطلعت من الجامعـه بس اريد اوصل للبيت وانـام مادري شديصير بيه هاي الايام
خـابرت حيدر وكتله حبقه يم اهلي لان كلش تعبانه ومابيه اقاوم وكتله يخابر السايق ويدز الجهال لاهلي جان بيومـهه ب اربيـل عنـده معامله علمود سيـارتَه
كوه وصلت لبيَت اهلي
تلكتني مـاما
خير ماما خو ما بيج شي ليش عايفه دوامج وطالعه
لا ماما والله مابيه شي بس شويه تعبانه ولازم ارتاح ف طلعت من الجامعه
ردت عليه تمام ماما روحي ادخلي بغرفه اختج وارتاحي
اوكي ماما الجهال شويه ويجيبهم السايق عينج عليهم
طبيت للغرفه صيف وحاره بس جان السبلت مفتوح اول ماحطيت راسي ع المخده نمت
گعدت من النوم متكسره شفت الساعه كبالي بال٢ يابه هاي شگد نايمه انـي ليش محد مگعدني
كمت بس احس بنفسي دايخه ودوخه عندي خفيفه شويـه
دورت ع موبايلي مالگيتـه اكيد هسه حيدر خابصنـي بالمسجات
طلعَت لكيت الجهال يلعبون بوستهم وسالت ع يزونـي كالتلي ماما نايم سالتني شون صرت كتلهه زيـنه احسن لا تخافين
شربت مي ورحت للجنطه داطلع موبايلي مالگيته بالجنطه
ماما شايفه موبايلي اشو ماكو
ماما
اي ماما خابر حيدر عليج وكتله نايمه مالهه خلك شويه وخطيه قلق عليج كتله لتخاف ماعدهه شي
خَابرت حيدر كالي شون صرتي وسالني عليه كتله زينه كالي ادزلج امير يجي ياخذج خاف مالج خلك تسوقين كتله لاا اريد ابقه يم اهلي لان احس نفسي تعبانه كلي تمام براحتج حبيبتـي ضليت احجي ويا شويه ع معاملته وبعـدين سديت الخط
اخذتلي شويه حسيت نفسي ضايجه والبيت مابي احد تبارك رجعت من الدوام نامت ورقيه رايحه بيت عموو كلت خلي اروح لان حيدر بليل يجي تعبان خطيه منو اله
بدلت للجهال وبدلت كالتلي ماما وين رايحه كتلهه حروح لبيتنه خطيه حيدر يجي وحده منو اله
ماما
لج ماما مدشوفين وجهج شون اصفر وين ترحين ماتكليلي
لاماما لازم اروح ماعندي شي لتخافين داحجي وي ماما دك الموبايل حيدر يخابرني رديت عليه كال اليوم مضطر ابات لان المعامله ماكملت
صراحه اني كيفت كلت اضل يم اهلي
سوتلي ماما اكل ما اكلت لان احس نفسي تلعب حيل من كل الاكل حشه نعمه الله
صرت العب الجهال شويه صفنت ع نفسي كلت يجوز من الگص الي اكلته البارحه من بـره
شويه حسيت نفسي كلش دتلعب كمت واحاول اشتم هوو شويه ماحس اله نفسي كلش لعبت رحت للحمام وكمت اتقيء
ماما تخبَلت كالتلي هسه نروح للمستشفه حاولت اقنعهه انو مابيه شي بس هيه كلش مصره بس اني مالي خلك عفتهه ورحَت لغرفه كعدت وروحي راحت تبارك جابتلي مي شربت شويهَ
شويه وسمعت امي تحجي وي حيدر ، حيدر راسا خابرني ضل يحجي عليه وكالي روحي للمستشفه خاف صار تسمم عندج اني جنت اكله انو مابيه شي بس هوه حيل جان مصر
والله مبيه شي حنام
سديت الموبايل منه وغطيت نفسي ونمت حته مابيه حيل احجي وياهم امي ضلت تحجي عليه بس اني مالي خلك
نمت وكعدوني جان مالي نفسيه اكل ومشـه اليوم
اليوم الثاني كعدت من نوم وبَدلت حتـه اروح للدوام طبيت للمطبخ وجان اشوف ماما تكلي بيض
اول ماشتميَت ريحه البيض احس كلبت معدتـي رحت للحمام بسرعه وهم تقيأت ماما ضلت صافنـه كالتلي
وج ماما خاف حامل
صفنت ع نفسـي ونصدمت كتلها لا صدك تحجين ماما
اذكرت موعدهه يوم ٢٢ واليـوم ٣ بالشهَر عزا شهگت وكلت لماما
لا ماما فدوه لا معقوله صدك وج يوم ابنـي عمره سنـه وشهرين ويني ويـن الاطفال
بيومهه تخبلت حتـه دوام ماداومت ضلت سالفه تجيبني وسالفه توديني كلش قلقت وخفَت
باوعت للساعه ب ٨ اله ربع يعنني حته مو مال اروح واحلل
نمت ع الجربايه وضليـت افكر بالي صار وياي وسترجعت ذاكرتـي
شَون جان حملي صعب وولادتي اصعٌب منه وشلون عانيَت بهل فترا
جانت فترا كلش صعبه عليه جان بيت ودوام وجنت اني مرحله رابعه والدراسه جانت صعبه والبيت يريد وفوكاهه جهال ثنيـن وفوكاهه الحمل وخالتي عده دوام يعني ذابه ثكلي ع اهلي وهذا معاند ميخلي يمهم ارجع من الدوام تعبانه حيل اتغده ومرات حتت ماشتهي واسوس عشا واقري الجهال مرات خالتي وزهراء ميقبلن اطبخ لو حيدر يحيب من السوك لو ماما تنطيتي عشا خطيه تحضره اليه
وزيونـي حيل بهذلنـي جان حيدر من اكله اعوفه يم ماما واروح للدوام ومرات حتـه يضل اكثر من يومين ثلاثه جان ابد ميقبل يبات بعيد عنٌه ههيج يكولي تجين من الدوام تجيبين ابنج ويـاج ما اريده يتعود و يربـه ببيت غيَر بيتنه
جان هالشـي يضوجني وماجان بيدي اسوي اي شـي لحد ما كبر زيوني اني حيل تبهذلت وشفت الويل وعانيت هوايه
بيـن دراسه وبيت وجهال وحيـدر صح جان م يضغط عليه هواي بس مرات ينفجر بوجهي ونضل نتناكر حته اهلَه م جنت اروحلهم هواي لان ارجع من الدوام الدنيـا الضهر وادرس نوره واسوي عشـه لن الوكت طاير
وزهراء خطيه ممقصره وياي
صحيت من صفنتي
ياربي معقوله صدك حامل ؟
اذا حامل مستحيل اخلي الطفل لازم انزلـه لان مستحيل اكدر ادبرهه
شويه وجتنـي ماما شافتني بهلوضع حجيتلهه وكتلهه اذا طلعت صدك حامل راسا اجهضـه
ضلت تحجي عليه وتكلي هذا رزق الله وحرام عليج تعترضين عليه وغير ناس تتمنـا وهذا اجـه وانتي م تدرين معناهه الله رزقج بي وحرام عليج تحجين هيج
لا تسبقين الاحداث يا ماما مجرد تخمين ههذا يجوز اصلا انتي مو حامل من تعب او شـي
زين ماما حبابه اكو صيدليه هسه مفتحه
كالتلي ماما ماكو هسه الدنيـا الصبَح بعد وقت
جانو الجهال بدوام ويزونـي نايم حته اكل م كدرت اكل شويه واتصل عليه حيدر ضل يطمن عليـه بس من صوتي عرفني انـي گتله لا تخاف مابيه شٌي سالته ع المعامله كلي شلعو كلبي بيهه وبعدنـي مامكملهه اليوم انشالله بلكي وره الضهر اروح واشوفهَم كتله اروح لصديليه هسه اجيب علاج كلي اوكي بس خلي امج تروح ويـاج
سديته منـه شفت الساعه ب٩ م تحملت بعد رحت وكوه قنعت ماما تمشـي ويايه فرينـه الدنيا كلهه والصيديلات ما مفتوحَه
كالت ماما خلي ندخل للمستوصف ونشوف وصدك دخلنه لان مجان عندي خيار غيره
جان اكو نـاس هوايه وكلش هوسه بس كلت خلي اتحمل فـي سبيل الكي نتيجه
انتضرت بسـره وصرت اقره قران يجوز ختمت الايات وانـي اقره وكلش خايفـه
دخَلنه واخيـرا وسويت تحليل وانتضرت نص ساعه يلا تطلع النتيجه
جابتلي ماما التحليل وكالتـلي حامل جان اني انصدم صدگ تخبلت وماكدرت اسوق حتـه كلت لامي هيه سوق ضليت بس ابجي بلا وعي مجرد اتخيل كميه العذاب الي راح اشوفه من وحدي ابجي وطريق كله ماما بس تحجي عليه بس اني ولا يمهه لان صدك تعذب بزيوني
وصلنه للبيت نزلَت من سياره ودخلت للغرفه وقفلت الباب عليٌه وضليت ابجي
ضليت افكر انو شلون حكدر انزله وجان تجي ببالي فكره انو اوكع من الجربايه جانت الحربايه عالـيه كمت اشمر نفسي للكاع عله بطني اكثر من ٣ مرات
وضليت اعصر ببطني حيل في سبيـل انزله
صفنت ع نفسي اني شداسوي جنت احجي ع مروه وشون رادت تنزل الطفل و انـي هسه داسوي هيج استغفرت الله بس جنت ابد مامقتنعه بالفكره
ماما تريد تحجي ولج افتحي الباب اني مافتحه شويه سمعت زيوني يبجي ومفرفح طلعت من الغرفه وسكته ماما ضلت تحجي وياي
شويه وحاجاني حيدر كالي اني اجي الضهر انشـالله اجتي نوره من دوام وماما ضلت تحجي وياي وتكلي رزق الله هذا
رجعٍت للبيت وحيدر جاي لكيته تلكيتـه جنت حيل مشتاقتله حضني وكالي لضوجين هاي رزق ربج اثاري ماما حاجيتله
من گتله اريد انزل الطفل لعب جوله بيٌه كالي انتي صدك تحجين بس اني جنت كلششش مصممه ع هسالفَه وهوه بس يصيح اخر شي عافنٌي وراح وضاح منٌي كلش
اني هم ضجت من نفسي ونفسيتي تازمت حيل صارت نفسيتي زفتتت حته الدوام عفته وحيدر ولا يحجي وياي
بس بعدين تقبلت الامر وكلت شيصير خل يصير والله كريم
بديت بفتره الحمل وجانت صعبه عليه حيل بس ماجانت بيدي شـي وتقبلت الامـر وعشت ويا وحته اني تعودت ع وجوده ببطنـي
جان حملي كلش متعب بس حاولت اتعدى وبديت اداوم واحاول اوازن بين الاثنين
صرت بشهر ال٥ واخذت سونـار وطلع بنيه بيه الحمدلله كلش كلش فرحت من عرفت انو بيـه بنيَه
فاطَمه حامل هاي بولد وزهراء ابد ماصار عدهه غير البنيٌه وخطيه ماخلـوا وراهم ابد
بعد بفترا يزن تمرض كلش لدرجه وصل لموت
دخلنا مستشفه وجان كلش وضعه مو تمام جانت عنده حساسيه قصبات ضليت داخله ويا مستشفه يوم وطلعت ماتحملت اخذته لغير دكتور ومافاد شلع كلبي بعدين ماما مالتلي ليش يتكومت عليج محاضرات داومت بس جان بالي كلش يم يزونـي
بعدين وصفولنه طبيب بالنجف ورحناله كالو لاعبين لعب بالعلاج نطاني الدكتور شيشه وحده علاج والحمدلله صار احسن شويهه ع علاجه. رتاحيت منه
اني باقيه ع تواصل وي مروه ب اخر فتره حسيتهه كلش متاذيه ومالهه خلك سالتهه
وحاولت استفسر كالتلي انو حماهه داري بسالفة. زواجه وماخذ بتهه منهه وميرضه ينطيهه البنيه
كالتلي انو كايلهه صوجج انتي زوجتي ومعاند وياهه مينطيهه البنيه
تكول فد يوم خابرتني من عمهه تبجي وتصيح ماما تعاي اخذيني ف مخابرته وهيه خايفه عليهه كايلهه وقاسملهه انو مابيهه شي بس هيه مشتاقتلهه ف كايمه تتوسل بـي وهوه كايلهه ليش عفتي بتج ورحتي زوجتـي المهم بعدين طالب منهه انو تزوجـه حته تحافظ عله بتهه كايلهه اذا تردين بنتج ترتاح وافقي عليـه علمود بنتج موعليه وهيه همات رافضـه
كتلهه ليش ماوافقتـي بنهايه انتي حتنجمعين وي بنتج وهلمرا مبين قافل ومينطيجياهه
كالتلي لا نفسيتي ماتتقبل هالشـي
كتلهه لعد شون وافقتـي عله حيدر وعفتي بتج
مروه
خليتهه لان بيد امي وابوي وهمه مدلليهه انتي كل عقلج اعوف بتي يم نسوان عمهه الحيايه
المهم مرت الايام وبدت بطني تكبر ودوامي مستمره بي المهم انـو جنت اجيب بالعطله وهمزين وخالتي دوم تحجي عليه لاتسوين غده تكلي ترجعون تعبانين تعالو هنا تغدو هيه ترجع قبلي
حته حيدر مرات يرجع قبلي نضوري ونور يجيبهم السايق لبيت خالتي موجدوه
تغديهم ومرات ينامون لو يقرون
زهراء لبنيه متقبل اسوي عشا ابد تكول تعالو تعشو بس اني استحي مرات اني اسوي واصيحلهم يمنه ومرات اخد العشا وناكل سوا
جابت فاطمه واجت يمنه خطيه بته تغار وشالعه كلبه واني اجيبه يم الجهال تلعب لو يطلعه امير وهاي خابصه البيت خبص
تتخبل من تشوف امه بيده اخوه بسببه انطته ممه واحنه تكلفنه الطفل لان تخبلت الطفله
خفنه عليه مرات يجي عليه ابوه ياخذه وهم تبجي ع امه ويرجعه
ضلت يمنه لمن صارت زينه وراحت
،تبارك لولد هذا الي وياه بالكليه متخبل عليه ودوم تحجيلي عليه تكول متنطي مجال كتله ابد لتتنطي مجال يريد يجي يخطبج
لاتنطي. مجال وفعلا هيج سوت وهذا متخبل
ضل تواصلي وي مروه والي عرفته منهه انو حماهه متخبل من سامع رافضـته وبده ياذيهه ببتهه حته يلوي ذراعها جابرهاّ وضاغط عليهه وهيه مستمره ترفض
بس كالتلي
مروه
يوم من الايام خابرتني وهيه تبجي وتكولي ماما حيل مشتاقتلج ونسوان عمي حيل دياذني وخصوصا من يطلعون عمامي اذا ماتجين وتجييبيني يمج اشرد منهم واجيج
اني من سمعت هيج تخبلت جنت رافضه رفض قاطع بس من سمعت بنتي هيج يصير بيهه تراجعت عن كلامي وكلت انو لازم اخلي حد لهسالفه
ليل وخابرته كتله انت مو وعدتني محد يتقربلهه ليش ماذين بنتي ترضاهه تبجي
هوه من دره لعب جوله وكالي بنـبره حزينه وحسره
كافي تشلعين بكلبي وبكلب بنتج ارضي وفضيهه اذا مو ع مودي ع مود بتج كافي تخليهه متبهذله
كتله اوافق بس بشرط انو تعزلنـي ببيت بوحدي لان مستحيل اكدر اعيش بهذا البيت
كالي تمام ومايكون خاطرج اله طيب
سديت الموبايل واني مصدومه انو هوه موافق توقعته مايوافق ابد
زينب
كتلهه ونصحتهه انو الي سويتي عين العقل وهذا مستقبل الج ولبتج واهلج م دايميلهه ومحد يحمل بتج غير عمهه وهوه مبين شاريج
هيه شويه مقتنعه بالحجي المهم مرت الايام ووضعي حيل متغيّر احس الام ببطني وضعي موطبيعي
طبيت بسابع واحس ثكل موطبيعي وحركه الطفل ماكو خامله كلش جانت رحت لدكتوره وجانت تكلي تقلصات وشـي عادي
زيوني بهل فتره كلش متعلق بيه حته دوام هملته وصرت يادوب اداوم بالاسبوع يومين ثلاثه والمحاضرات مو كلهن اخذهن حته
وزيوني صاير حيل غثيث ومتنوحس عليه بشكل حته بليل ما ينام وكلش يتعبني
زهراء ايستتت من الدكتورات كلهن وشكوا ب امير عنده ضعـف ف وصفولهم دكتور ب اربيـل وصدك والله سافر امير ل اربيل هم يتونس وهم يشوفو الدكتور
تبـارك الولد الي جان معجب بيـهه اجه تقدمَلهه وحاجا بابا وبـابا وافق وقرروا العقد والمشَيه بيوم واحد
همزين بهذا اليوم حيدر جانت خفارته وقـبل ابات
بيوم العقـد اني جنت يم اهلي ومخبوصـه وي تبارك بالصالون وزهراء وخالتي اجن للحفلـه
عمو وحيدر اجو ع المشيه وعمامي واقاربنه كله تجمعت
فديته تخبل طلعت بروكه غير شكل بس ماما حانت ضايجه حيل ماوده يزوجن. خواتي
خطيه فرغ البيت عليه
اجو اهل لولد وخلصت المشيه وراه بقو بس المقربين وعقدولهم وشتغلت الهلاهل
جانو. ثنينهم فرحانين بس نسوان عمو متخبلات ، تالي خلصت الحفله راحو اهل لولد
وخالتي وزهراء
، وشكد جلبنه بيهم للعشه ماقبلو راحـو للبيَت
ف حيدر جان خفاره كتله انو ابات لان تعبانه كلي تمام براحتج
المهم تم كُلشي ع خيٌر والحمدلله وبقر بنات عمو ونسوانهم.جابو عشا من برا لليل راحو كلهم
وبقينه ودحنه الجهال ملتهين وي رقيه
وتبارك تخابر خطيبه وماما تنظف رحت وياه نظفنه البيت وراه كعدنه. ونسولف ونضحك الساعه1نمنه موبايلي دك ضليت صافنه. منو بهل ليل يتصل شفت الموبايل حسدر نصدمت
شنوسالفه شنوحلمان بيه هذا جان افتح خط وانصدم ب حيدر يبجي ويصرخ وچان يكلي............
_________________
توقعـاتكم شنو الي صار وي حيـدر