تميم و يارا وصلوا اخيرا الجونه و يارا نايمه في العربيه
تميم برقه: يارا..يارا قومي
يارا بنوم: لا خمس دقايق بس..خمسه بس
تميم بيحاول يكبت ضحكه: يارا طب ادخلي نامي جوا
يارا بغضب طفولي: بقولك ايه يا جميله هما خمسه زفت..الله
تميم بضحك: جميله!!...و زفت قومي يا حبيبتي انا تميم
يارا بحب: الله تميم...
تميم برقه: قومي يا يارا عشان ندخل الوقت متاخر
يارا: طب شيلني
تميم بتعجب: نعم!
يارا بغضب: بقولك شيلني..يلا
تميم شالها و دخلها اوضتها و هي نايمه
_________________________________________
عدي: نامي بقي يا ساره مش كل يوم نتخانق و افضل اقولك ورايا زفت بكرا و افضل ادعي علي تميم عشان تصدقي اني ورايا بكرا شغل
ساره برقه: حاضر
عدي بتعجب: حاضر؟...في ايه؟
ساره بلا مبالاة: ابدا....انا هنام عشان انت بتزعل لما افضل قاعده
عدي قام و بصلها بتعجب: فين العناد و الخناق؟
ساره بحزن: مفيش خلاص....مش هقرفك في الكام يوم الي هقعدهم معاك
عدي بحده: كام يوم...في ايه يا ساره؟
ساره بكت في اللحظه دي و هو قعد جنبها علي طول و ضمها بحنيه: شششش في ايه مالك مقصدش اتعصب بس ايه الكلام الفارغ دا؟
ساره ببكاء: دي الحقيقه...دا كان اتفقنا و علي العموم اسر قالي علي كل حاجه
عدي بعدم فهم: قالك ايه..و ايه الكلام دا اصلا؟
ساره: قالي ان مدام هدي كانت جايه انهردا المكتب و انت كنت في اجتماع و لما عرفت انها جت سبت كل حاجه و قمت قعدت معاها و انا فاهمه اننا بنمثل و براحتك اصلا
عدي بغضب: قولتيلي اسر؟
ساره ببكاء: اه
عدي بغضب: و انت اي حد يقولك اي حاجه تصدقي..انت مش بتثقي فيا ولا ايه؟
ساره باندفاع: والله واثقه فيك جدا بس اسر فهمني انكم بتحبوا بعض
و كملت عياط بحرقه شديده و صعبت عليه ضمها بحنيه اكبر...
عدي برقه: طب اهدي و انا احكيلك كل حاجه...بصي مدام هدي دي بتلف علي اي شاب معاه فلوس و انا عمري ما ابصلها غير كدا الواد اسر عمل الحوار دا عشان انا مقعده في مقر الشركات يكمل شغل تقيل و منعه من الاجازات فهو عمل كدا وحياه امه لاوريه
ساره ببكاء: يعني انت مش بتحبها؟
عدي: لا بحب واحده تانيه...
ساره مسحت دموعها بطريقه مضحكه و قالت بغضب طفولي: في ستين داهيه انت و هي
عدي بضحك: في ايه بس.؟
ساره: مين دي يا عدي؟
عدي بخبث : و انت عايزه تعرفي ليه؟
ساره بتوتر: عادي احنا مش صحاب؟
عدي بخبث: لا صحاب و هقولك...بنت كدا بحبها اوي يا ساره و هي كمان بتموت فيا بس لسه مقالتليش و انا كمان لسه مقلتش
ساره ببكاء شديد: منك لله يا عدي ربنا يكسر قلبك زي ما انت كسرت قلبي كدا
عدي بخوف عليها: اهدي بس و ربنا يكسر قلبي ليه؟
ساره: عشان عارف اني بحبك و بتعمل كدا منك لله....وسع كدا
عدي : ياااااااه...اخيرا اتنطقت
ساره بتمسح دموعها زي الاطفال: يعني ايه؟
عدي: يعني يا غبيه مبحبش حد غيرك ولا هدي ولا غيرها انت و بس
ساره بفرحه: احلف..
عدي: هههه..والله يا ست ساره
ساره حضنته: اخيرا يا عدي....انا حبيتك من بدري بس مقدرتش اقول....بس انا بحبك اوي
عدي: مممم...طب انا كمان بحبك من قبل ما اتجوزك و مقلتش
ساره بدهشه: ازاي؟
عدي: انا اخترعت موضوع الجواز الي علي الورق دا عشان تقبلي تتجوزيني
ساره بفرحه: بتحبني اوي كدا؟
عدي: و اكتر..
ساره: بحبك يا ديدو
عدي بصدمه: ديدو مين يا بت؟
ساره بضحك: انت طبعا هيكون مين؟
عدي: بقي عدي...يبقي ديدو
ساره: اه عندك مانع...
عدي: لا ديدو..ديدو
ساره بضحك: ايوه كدا..هههههه
عدي بخبث: طب ايه؟
ساره ببراءه: ايه؟
عدي بخبث: تيجي ننهي فتره الخطوبه المزيفه دي بقي
ساره بخجل: بس يا قليل الادب
عدي بخبث: يبقي ننهيها
_______________________________
عبدالرحمن و نانسي اتجوزوا خلاص و رجعوا مطار القاهره
عبدالرحمن: يلا العربيه اهيه...
نانسي بصدمه: دي عربيتك؟
عبدالرحمن: اه في ايه؟
نانسي: لا مفيش بس انتو طلعتوا اغنيه جدا يعني...
عبدالرحمن بضحك: يلا يا نانسي هموت و انام
نانسي: طيب يلا بس انت قايل لجدك صح؟
عبدالرحمن بارتباك: اه طبعا
نانسي ببراءه: يبقي اشطا يلا
_______________________________
تاني يوم الصبح
________
اسر:صباح الخير يا جماعه...ايه دا؟
الجميع علي الفطار: صباح النور
اسر بدهشه: فين يارا و تميم؟
سلمي: سافروا الجونه يريحوا اعصابهم يومين كدا
اسر: طب و عدي و ساره؟
سلمي بخبث: معرفش
اسر: طب و سها و تيا؟
سلمي: اختك رجعت امبارح بعد ما هربت من الحرس و اخدت الي فيه النصيب من ابوك و خطيبتك زعلانه منك اوي
اسر: ايه دا ليه كدا؟
سها جت من وراه مكشره: صباح الخير يا عمي..صباح الخير يا خالتو
اسر: طيب وانا مفيش صباح الخير يا حبيبي
سها بصتله بغضب و هو قال: اقدر اعرف سبب البوز الجميل دا؟
سها بغضب طفولي محبب له: يعني كمان مزعلني و كمان متعرفش السبب...عقول ايه بجح!
اسر بغضب : في ايه يا سها...انا عملت ايه لكل دا؟
سها علي وشك البكاء: في انك فضلت تقولي كلمي مهندسين الديكور و الزفت و نقي الحاجه و انت جيت الفجر كنت فين اقدر ترد....بس الباشا هيرد ازاي حتي مكلفش نفسه يتصل يعتذرلي و انا مستنيه هنا لحد ما نمت هنا
اسر كان هيرد بس عدي جه من وراه: انا هقولك كان فين يا سها
و شد الكرسي و قال لساره: اقعدي يا روحي الاول
ساره برقه: شكرا حبيبي
اسر كل مندهش و مصدوم من كلام سها و من عدي
عدي بخبث: الباشا كان مع مدام هدي بيشتغل مش كدا يا اسر؟
سها بغضب: نعم!!!!!!...فين؟
اسر: والله العظيم بيهزر اتكلم يا عم انت..دي مبتصدق
زين بخبث: زوقك معفن جاتك القرف
سلمي بغضب: وانت شفتها فين عشان تعرف زوقه معفن؟
زين بتوتر: ايه يا حبيبتي في ايه؟
سلمي: بقولك شفتها فين؟
زين بسرعه: علي تليفون اسر
في اللحظه دي عدي وقع علي نفسه من الضحك: من حفر حفره لاخيه وقع فيها مش كدا يا اسوره
سها بغضب: دبلتك اهيه......و انا مش عايزه اشوف خلقتك دي تاني
سها قامت جري علي اوضتها و سلمي و ساره قاموا وراها
زين : معلش يا اسر يا بني بس انت عارف انك مش هتسمع بقي و افضل تزن و تقرفني
عدي بخبث: متقلقشيا بابا اسر قدها
زين همس اهدي: في ايه؟
عدي باستعباط: معرفش...قولي بس فين احمد؟
زين: نزل الصبح راح الشركه في انهردا اجتماع المدراء
اسر مصدوم كل دا و قال: منك لله يا عدي الكلب انت
عدي بخبث: مالك يا بيبي...
اسر: مالي...روح يا شيخ الله يخربيتك زي ما خربت بيتي
عدي : و ماله اطلع بقي صالحها عشان هي بتلم شنتطها
زين بغضب: في ايه فهموني؟
عدي : افهمك يا بابا البيه ابنك المحترم يمسك مراتي يقولها قاعد مع هدي و زفت علي دماغه كل دا عشان قعد ساعتين زياده في الشغل و اقوم الهانم مراتي فتحالي موشح كالعاده بس انا اديته خازوق انما ايه عجب صح يا بيبي؟
اسر بغضب: اقسمبالله هوريك يا عدي الكلب انت
عدي: انا رايح شغلي و انت اجازه انهردا اقعد صالحها بقي يلا باي يا..يا بيبي
__________________________________
سلميان بغضب: انت ازاي يا ولد انت تتجوز منغير ما تقولي...هو انا مش مالي عينك؟
عبدالرحمن بهدوء: جدو من فضلك اهدي..مش عايز نانسي تسمعك اهدي بقي
سليمان: ما تسمع دا الي فارق معاك انت ازاي تعمل كدا يا ولد انت
عبدالرحمن بغضب: جدو انا خلاص اتجوزت و نانسي مراتي خلصنا
سلميان: فين اهلها ازاي يوفقوا علي حاجه زي كدا؟
عبدالرحمن: ماتو..و من فضلك يا جدو متزعلهاش عشان مخدهاش و ارجع امريكا تاني
سليمان و عبدالرحمن خرجوا اقول نانسي قاعده بهدوء و سليمان اعجب بيها جدا شافها محترمه و متواضعه و جميله
سليمان: مبروك يا بنتي
نانسي: الله يبارك في حضرتك يا جدو
سليمان بإعجاب: تعرفي انها منك ليها حلاوه تانيه
عبدالرحمن بغيره: في ايه يا جدو اهدي كدا علي نفسك
سليمان غمزها : لا اهدي ايه انا و هي هنطلع فوق اوريها القصر و انت هات الشنط من العربيه
عبدالرحمن بغيره: نعمممممم...مين دا..رجليها علي رجلي...قال اطلع اوريها القصر قال..
سليمان بضحك: خلاص انا هطلع ارتاح و انتو كمان اطلعوا ارتاحوا و نتقابل علي الغداء
نانسي: اساعد حضرتك؟
عبدالرحمن: ساعدي جوزك الاول ياختي
سليمان: انا طالع ارتاح و مش عايز صوت عالي فاهمين
عبدالرحمن: صحيح فين فدوي و يوسف و جميله؟
سليمان: جميله نايمه...و الاتنين التانين سافروا ليارا و تميم الجونه
عبدالرحمن: طيب تصبح علي خير انت بقي ا جدو
طلعوا غرفتهم و كانت غرفه كئيبه اوي من نظر نانسي
نانسي: دي اوضتك..فين اوضتي؟
عبدالرحمن: واضح اني معرفتش افهمك صح...احنا متجوزين يعني هويات هنا مع بعض...
نانسي بغضب: ن ايه؟ يفتح الله
عبدالرحمن: اهدي يا بت...مش هقرب منك....و هنام منفصلين الكنبه دي بتتفتح سرير متقلقيش
نانسي: اوف طيب..
__________________________________
يارا: تميم..تميم...قوم بقي احنا بقينا العصر انا زهقت
تميم صاحي بس بيستعبط: بس بقي عايز انام...
يارا: اه يا بارد انت...دا الي انت فالح فيه عاوز انام...مفيش تعالي يا يارا نخرج...مفيش وحشتيني يا يارا
قالت دي بحزن:مفيش بحبك يا يارا
حزن بشده تميم عشانها بس فرح انها بتحبه بس مستني بسمع انها بتكرهه يوسف
يارا: اوووووف..تميم قوم بقي متخلنيش اتغابي عليك
تميم ضحك بشده: تتغابي علي مين يا شبر و نص انت؟
يارا بخجل: انت صاحي؟
و قالت بغضب: طب ايه بقي كدا تبقي عامل نفسك نايم اوووووف
تميم بخبث: دا كويس حتي اقولك الي مزعلك مني كدا..وحشتني يا يارا و بحبك يا يارا
يارا تاهت في كلماته: ايه قول تاني كدا..
تميم بجديه: بحبك يا يارا و مش قادر مقولكيش اني معجب بيكي من اول يوم شفتك فيه
يارا: اخيرا يا تميم اخيرا مش مصدقه نفسي والله
تميم بضحك: طب ايه مش هتسمعيني اي حاجه كدا؟
يارا بخجل: يعني...ااا..مش دلوقتي
تميم: مش ايه ياختي؟؟؟؟!!!!
يارا بضحك: خلاص بحبك يا تميم اوي
تميم حضنها بحنيه: وانا بحبك اكتر يا روح تميم...يوسف؟
قاطعته: يوسف مين دا....دا اخ و بس و لا اكتر ولا اقل انا بحبك انت بس يا تيمو
تميم: حلو تيمو دا يا بت انت
يارا: ههههههه...يلا ننزل البحر بقي
تميم: طيب قومي البسي الاول
_________________________________
اسر: افتحي بقي الباب يا سها....يا بنتي بقالي ١٠٠ سنه هنا تعبت والله
سها ببكاء: والله مهفتحه انت ليه مش بتحبني يا اخي؟
اسر: طب افتحي و اثبتلك اني بحبك..
سها ضحكت غصب عنها: وقح
اسر: يااااه..دي احلي شتيمه انا اتشتمتها قبل كدا...
سها فتحت الباب و كان المكياج نزل علي عنيها البنيه الجميلة
اسر: ااااه..اعوذ بالله من الشيطان الرجيم...انصرف...انصاف بقولك
سها: ايه يا اسر في ايه؟
اسر: سها؟...ايه دا مالك ايه الي حصل؟
سها: المكياج ساح...بعدين مش هتبرر عملتك السودا ولا ايه؟
اسر بجديه عكس شخصيته المرحه: بصي يا حبيبتي امبارح الواد عدي الزباله دا قاعدني ساعتين زياده في الشغل وعملي مشاكل و كدا فانت عشان انتقم منه كلما ساره و سوستلها تنكد عليها بسبب واحده نلزقه كدا اسمها هدي المركيبي تمام...قام الباشا قفشني و سوس لحضرتك فهمتي؟
سها: اااااااه....يعني انت مش بتحب غيري؟
اسر: اثبتلك؟
سها ضحكت غصب عنها و زين قال: ما تثبتلي انا كدا يا حبيبي
اسر: بابا؟...بتعمل ايه هنا؟
زين: جاي افسخ خطوبتكم
اسر بضحك: لا خلاص يا بابا المايا رجعت لمجريها
زين بخبث: خساره حظك وحش يا سها في تحت حته قمر جاي طلبك مني
اسر برق: ايه...مين دا يا سها؟
سها بارتباك: والله معرف...ايه يا عمي الكلام دا؟
زين: متقلقوش يا متخلفين يا مازن قريبك تحت اجهزي و انزلي عشان عاوز يقابلك
سها بصت لاسر: طيب ماشي
اسر: جاي ليه دا؟
زين: معرفش بس هو شكله مسافر؟
اسر بابتسامة خبيثه: اه تمام يلا نجهز و ننزله
زين: تجهز...سها اجهز لوحدها و انت تعالي معايا علي المكتب عايزك
اسر: اوووف..طيب
_____________________________
مازن قاعد في القصر مستني سها
:انت بتعمل ايه هنا؟
مازن: انت ايه ورايا ورايا؟
تيا: انت الي ورايا...دا انت ذنب انا عملته
مازن: بقي انا ذنب....احنا نقول لعمي احنا اول مره شفنا فيها بعض كان ازاي...فاكره؟
تيا بتوتر: انت بتهددني؟
مازن: بظبط كدا
تيا: ماشي انا هوريك مين هي تيا الجارحي
مازن بابتسامة سمجه: احب اشوف
تيا مشيت متعصبه جدا و هو ضحك: مجنونه...بس جميله...اول مره انشد لوحده كدا...استر يا رب
______________________________
تميم و يارا بيجهزوا عشان يروحوا البحر
تميم: ايه في ايه؟
يارا: نسيت نضارتي فوق يا حبيبي دقيقة معلش..
تميم: قولتي ايه؟
يارا: ايه..نسيت نضارتي هجبها دقيقه بس
تميم: لا مش دي
يارا بخجل: حبيبي...
تميم: تاني كدا ونبي
يارا: حبيبي...و حياتي و كل ما ليا في الحياه
تميم: كنتي فين من زمان.؟
يارا: في قلبك ههههههه
تميم: طب عشان الكلمتين دول انا هطلع اجيب النضاره
يارا: بسرعه ونبي
تميم: حاضر يا حبي
يارا: يخربيتك هتموتني ناقصه عمر..
بعد ٥ دقايق
********
يارا بتنده عليه: تميم...كل دا دي علي التسريحه اخلص
تميم: طيب جاي..جاي
يارا بتفتح الباب
:وحشيني اوي يا يارا
يارا بصدمه: بتعمل ايه هنا؟
يوسف:..............